ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ہر مبلغ نوں درپیش مسائل وِچوں اِک ایہ حقیقت اے کہ دورِ حاضرہ دے لوکاں دے کول عام طور تے بہوتے محدود الفاظ ہوندے نے۔ اُو محض صرف انگریزی دے بہتیرے الفاظ نئیں جانندے۔ ساڈی تلاوت وِچ لفظ ’’رکاوٹ‘‘ نوں لے لو۔ تہاڈے وِچوں کیہنے لوکی ایہنوں روزمرّہ دی گفتگو وِچ استعمال کر سکدے نے؟ شاید صرف چند لوکی۔ نئی امریکی معیاری بائبل NASV وگرے جدید ترجمے نوں ویکھنے دا کوئی فائدہ نئیں۔ جیویں کہ اکثر ہوندا اے، ایس ترجمہ وِچ ایس توں وی زیادہ مشکل لفظ استعمال ہوندے نے، ’’مایوس کُن۔‘‘ مضحکہ خیز! ایہ مترجم اِک ناقابلِ رسائی مینار وِچ ہوندے نے۔ اُوہناں نوں اندازہ نئیں کہ عام بندے کی الفاظ استعمال کردا اے۔ نئی انٹرنیشنل بائبل NIV یونانی لفظ دا ترجمہ ’’روکا ہویا‘‘ کردی اے۔ لیکن ایہ وی بالکل ٹھک نئیں اے! ساڈی تلاوت وِچ جیس یونانی لفظ دا ترجمہ ’’رکاوٹ کیتا گیا اے ایہدا مطلب اے ’’رکاوٹ ڈالنا، روکے رکھنا‘‘ ہوندا اے (سٹرانگ Strong)۔

ہمیشہ وانگوں اَسی کنگ جیمز بائبل دے نال بہتر آں، کیوں جے اَسی لغت وِچ لفظ ’’ہنڈرڈ hindered‘‘ تلاش کر سکنے آں تے اُوہدے معنی حاصل کر سکنے آں، کیوں جے بائبل وِچ یونانی لفظ دا ترجمہ کرن دے لئی ’’ہنڈرڈ‘‘ بہترین انگریزی لفظ اے۔

انگریزی دے مترادفات دی پینگووِن لغت Penguin Dictionary of English Synonyms (اومیگا کُتب Omega Books، 1986) انگریزی لفظ ’’ہِنڈرڈ hindered‘‘ دے معنی تے روشنی پاندی اے جِنہوں اِسی ’’عارضی طور تے روکنا‘‘ یا ’’عارضی طور تے روک دِتا گیا‘‘ کہہ سکنے آں۔ ایہ بائبل وِچ یونانی لفظ دا خیال اے۔ شیطان سانوں عارضی طور تے روکدا اے۔ ’’شیطان نے سانوں روکے رکھیا۔‘‘ ’’شیطان‘‘ ناں دا مطلب اے ’’حریف‘‘ یا ’’دشمن‘‘۔ شیطان پولوس رسول دا مخالف سی، کیوں جے شیطان نے ہمیشہ خدا دے کام نوں روکن دی کوشش کیتی اے، حالانکہ اُو صرف وقتی طور تے اینج کر سکدا اے۔

پولوس، سیلاس تے تیمتھیس تھسالونیکیوں دی کلیسیا وِچ جانا چاہندے سن، لیکن شیطان نے اُوہناں نوں اینج کرن توں روک دِتا۔ سپرجیئن نے کہیا کہ ’’شیطان ہمیشہ مسیحیاں دی رفاقت نال نفرت کردا اے؛ مسیحیاں نوں الگ رکھنا اُوہدی پالیسی اے … ایہ واحد موقع نئیں اے جیس وِچ شیطان نے چنگے بندیاں دی راہ وِچ رکاوٹاں پایاں نے: درحقیقت ہر زمانے وِچ ایہدا ایہو ای عمل رہیا اے، تے اَسی ایہ اِک خاص واقعہ منتخب کیتا اے کہ کُجھ جِنہاں نوں شیطان دے ذریعہ نال روکا گیا اُو ایہدے نال سکون حاصل کر سکدے نے‘‘ (سی ایچ سپرجیئن C. H. Spurgeon، ’’شیطانی رکاوٹ Satanic Hindrances‘‘ میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پلگِرم پبلی کیشنزPilgrim Publications، 1979 دوبارہ اشاعت، جلد 11، صفحہ 601، 602)۔ پوری تلاوت کہندی اے،

’’ایس لئی اَسی خصوصا! میں پولوس نے تہاڈے کول آن دی بار بار کوشش کیتی مگر شیطان نے سانوں روکے رکھیا‘‘

’’اِس لیے ہم نے خصوصاً مجھ پولوس نے تمہارے پاس آنے کی بار بار کوشش کوشش مگر شیطان نے ہمیں روکے رکھا‘‘ (I تھسالونیکیوں 2: 18)۔

پولوس تے اُوہدے ساتھی تھسالونیکیوں دی کلیسیا جانا چاہندے سن، لیکن ’’شیطان نے سانوں روک دِتا۔‘‘ شیطان نے اُوہناں نوں عارضی طور تے اُوتھے جان توں روک دِتا۔ اَسی ایس آیت نوں اَج شامی ایتھے ہر اِک تے لاگو کر سکنے آں، نجات پائے ہوئے تے بھٹکے ہوئے دوواں تے۔

’’شیطان نے سانوں روکے رکھیا‘‘ (I تھسالونیکیوں 2: 18)۔

I۔ پہلی گل، شیطان نے ہمیشہ خدا دے کام وِچ رکاوٹ پان دی کوشش کیتی اے۔

شیطان نے پوری تاریخ وِچ خدا دے کام وِچ رکاوٹ پان دی کوشش کیتی اے۔ ویکھو شیطان نے ایوب نوں روکن دی لئی کی کیتا۔ شیطان نے ایوب دے نال خوفناک کام کیتے۔ شیطان نے ایوب نوں روکن دی بہوتی کوشش کیتی۔ اُوہنے کوشش کیتی کہ ایوب خدا تے ’’لعنت‘‘ بھیج دے (ایوب 1: 11)۔ شیطان نے سبیناں نوں ایوب دے سارے بچیاں نوں قتل کرن دی تحریک دِتی۔ شیطان نے ایوب دی پھہیڈاں، جانوراں تے نوکراں نوں مار ڈالیا۔ فیر شیطان نے ’’ایوب نوں اُوہدے پیر دے تلوے توں لے کے کنپٹی تیکر پھوڑیاں دی تکلیف وِچ مبتلا کر دِتا‘‘ (ایوب 2: 7)۔ تے شیطان نے ایوب دی ووہٹی نوں اُوہنوں کیہن تے مجبور کیتا، ’’خدا تے لعنت پہیجھ تے مر جا‘‘ (ایوب 2: 9)۔ سپرجیئن نے کہیا، ’’اُو آزمائش جیس توں ایوب کامیابی نال لنگہیا، اُوہنے خدا دی خاطر نرم مزاجی نوں اِختیار کرن تے مایوسی نوں قبول کرن وِچ اپنی بے مثال برداشت نوں اُجاگر کیتا‘‘ (پچھلی گل دے تسلسل وِچ ibid.، صفحہ 603)۔

شیطان نے موسیٰ نوں روکن دی کوشش کیتی، تے ابنی اسرائیل نوں مصر توں باہر وعدے دی سرزمین وَل لے جان توں روکیا۔ شیطان نے یوسف دے بھراواں نوں مصریاں دے کول غلام دے طور تے ویچن دے لئی اُوس کام توں روکیا جیہڑا خدا اُوس توں کرانا چاہندا سی۔ بِلاشبہ شیطان نے پرانے عہدنامے دے بہتیرے مقدساں دی راہ وِچ رکاوٹ پائی، جیہڑے ’’ریگستاناں، پہاڑاں تے زمین دی گھاٹیاں تے غاراں وِچ بھٹکدے رئے‘‘ (عبرانیوں 11: 38)۔ شیطان نے یہوداہ نوں مسیح نوں دھوکہ دین دے لئی اُکسایا، ’’فیر شیطان یہوداہ وِچ داخل ہویا‘‘ (لوقا 22: 3)۔ تے پطرس رسول نے اَسی مسیحیاں نوں کہیا،

’’ہوشیار تے خبردار رہوو کیوں جے تہاڈا دشمن ابلیس دھاڑدے ہوئے ببر شیر وانگوں لبھہدا فِردا اے کہ کیہنوں پھاڑ کے کھائے۔ اُوہدا مقابلہ کرو تے ایمان وِچ مضبوط رہوو۔ مت بھولو کہ تہاڈے مسیحی بھائی جیہڑے دُنیا وِچ نے اُو وی اینج دے ای دُکھاں نال دوچار نے‘‘ (I پطرس 5: 8۔9)۔

کی اَج کوئی گل مختلف اے؟ ہرگز نئیں! شیطان اَج مسیحیاں دی راہ وِچ رکاوٹ پان دی کوشش کردا اے، جیویں کہ اُوہنے بائبل دے زمانے وِچ کیتا سی! سانوں مسیح دے سپاہیاں دے طور تے اُٹھنا چاہئیدا اے تے دعا تے تقدیس دے ذریعے شیطان نوں شکست دینی چائیدی اے! ’’ودھی چلو، مسیحی سپاہیو۔‘‘ ایہنوں گاؤ!

ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو:
مسیح جیہڑا شاہی حاکم اے دشمناں دے خلاف رہنمائی کردا اے؛
   جنگ وِچ اُوہدے چنڈھے نوں اَگے وددھا ہویا ویکھو۔
ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو۔
(’’ودھی چلو، مسیحی سپاہیو Onward, Christian Soldiers‘‘ شاعرہ سابین بارنگ گوولڈ Sabine Baring-Gould، 1834۔1924)۔

II۔ دوجی گل، شیطان مسیحیاں نوں روکن دے لئی بہتیرے طریقے استعمال کردا اے۔

شیطان چاہندا اے کہ اُو تہانوں اِک مسیحی دے طور تے اپنی مکمل صلاحیتاں دے اِظہار توں روکے۔ شیطان مسیحیاں نوں خدا دے کام کرن توں روکن دے لئی کئی طریقے استعمال کردا اے۔ رومیوں 15: 22 وِچ، پولوس رسول نے روم دے مسیحیاں نوں کہیا، ’’میہنوں تہاڈے کو آن توں بہوتی وری روکا گیا۔‘‘ ایہ اُوہی یونانی لفظ اے جیہڑا ساڈی زیرِ بحث تلاوت وِچ استعمال ہویا اے، یعنی ’’شیطان نے سانوں روکیا‘‘ (I تھسلنیکیوں 2: 18)۔

ہُن جے شیطان نے پولوس رسول نوں تھسلنیکیوں تے روم وِچ خدا دا کام کرن توں روکیا سی، تے کی تُسی نئیں سمجھدے کہ اُو تہانوں وی خداوند دا کام کرن توں عارضی طور تے روکن دی کوشش کرے گا؟ یقینا! اُو اینج ای کرے گا!

شیطان تہانوں خلوص دِل نال دعا کرن توں روکن دی کوشش کرے گا۔ جدوں تُسی پورے خلوص دے نال دعا کر رئے ہوندے اُو، تے شیطان اکثر تہاڈے ذہن وِچ ایہ خیال ڈالڈا اے تے تہانوں ورغلاندا اے کہ دعا جاری رکھن دا کوئی فائدہ نئیں۔ شیطان اکثر سانوں ایہ باور کراندا اے کہ ساڈی دعاواں بے سود نے۔ جیویں کہ اٹھارویں صدی دے حمدیہ گیت نگار، ولیم کاؤپرWilliam Cowper (1731-1800) نے کہیا،

تختِ رحمت تیکر پہنچن وِچ
سانوں کیہو جئی رکاوٹاں دا سامنا کرنا پیہندا اے۔

فیر، شیطان تہاڈے بشراں نوں جیتن دے کام وِچ رکاوٹ پان دی کوشش وی کرے گا۔ اُو تہاڈے ذہن وِچ ایہ خیال پا کے آزمائش وِچ پائے گا کہ ایہدا کوئی فائدہ نئیں، تے ایہ کہ کوئی وی (ایمان لیہیا کے) نجات حاصل نئیں کرے گا۔ اُو تہاڈے ذہن وِچ شکوک و شبہاٹ پیدا کر کے بشراں نوں جیتن دی تہاڈی کوششاں وِچ رکاوٹ پائے گا۔ اُو اُوہناں لوکاں دی یاد دِلا کے تہاڈی کوششاں نوں روکن دی کوشش کرے گا جِنہاں نوں تُسی ایمان وَل لیہیان دی کوشش کیتی سی مگر اُو کلیسیا توں دور ہو گئے۔ اُو تہانوں کہوے گا، ’’ویکھو، تُسی ایس بشر نوں جیتن وِچ کیویں ناکام رئے؟ ہمیشہ اینج ای ہووے گا۔ تُسی ہمیشہ ناکام رہوو گے۔‘‘ ایہ شیطانی خیالات نے جیہڑے خود ابلیس نے تہاڈے ذہن وِچ پائے نے! شیطان تہاڈی دعاواں وِچ رکاوٹ پان دے لئی سخت کوشش کردا اے۔ تے اُو بشراں نوں جیتن دی تہاڈی کوششاں وِچ وی رکاوٹ پان دی پوری کوش کردا اے۔

اے مسیحی، ہمیشہ یاد رکھ کہ ’’ساڈی لڑائی لہو تے گوشت یعنی انسان نال نئیں بلکہ تاریکی دی دُنیا دے حاکماں تے اِختیار آلیاں تے شرارت دی روحانی فوجاں نال لڑنا اے جیہڑیاں آسمانی مقاماں وِچ نے۔ ایس لئی تسی خدا دے سارے ہتھیار باندھ کے تیار ہو جاؤ تاکہ جدوں اُوہناں دے حملہ کرن دا بُرا دِن آئے تے تُسی اُوہناں دا مقابلہ کر سکو تے اُوہناں نوں پوری طرح شکست دے کے قائم رہ سکو‘‘ (افسیوں 6: 12-13)۔ ڈاکٹر مارٹن لائیڈ جونز نے کہیا، ”شیطان... سانوں افسردہ کرن دی کوشش کردا اے“ (روحانی دباؤ Spiritual Depression، عیئرڈمینز Eerdmans، دوبارہ اشاعت 1999، صفحہ 108)۔

اَسی سارے افسردگی دے ادواراں توں لنگہنے آں۔ لیکن جیہرے لوکی ثابت قدم رہندے نے، اُو ای ہمت نئیں ہاردے۔ ڈاکٹر باب جونز سینئر نے کہیا، ’’انسان دے کردار دی آزمائش ایس گل نال ہوندی اے کہ اُوہنوں روکن دے لئی کیس شے دی لوڑ پیہندی اے۔‘‘ آؤ اَسی خدا دے کام وِچ اَگے ودھدے رہیے، پاویں شیطان سانوں روکن دی کیہنی ای کوشش کیوں نہ کرے! آؤ اَسی پولوس رسول دے نال کہیے،

’’بھائیو!میں صرف ایہ کہہ سکنا آں کہ جیہڑیاں شیواں پیچھے رہ گئیاں نے اُوہناں نوں بُھل کے اَگے وَل ودھدا جا رہیا آں تے تیزی نال دور رہیا آں تاکہ نشانہ تیکر جا پہنچاں تے اُو انعام حاصل کر لوواں جیس دے لئی خدا میہنوں یسوع مسیح دے ذریعہ اُوتے بُلا رہیا اے‘‘ (فلپیوں 3: 13۔14)۔

آؤ مسیح دے سپاہیاں دی حیثیت نال اُٹھ کِھلویے تے دعا تے خود نوں خدا دے لئی مخصوص کرن دے ذریعے شیطان دا مقابلہ کر کے اُوہنوں پسپا کر دیے! یاد رکھو، بائبل وِچ سانوں اِک عظیم وعدہ دِتا گیا اے: ’’شیطان دا مقابلہ کرو تے اُو تہاڈے کولوں نٹھ جائے گا‘‘ (یعقوب 4: 7)۔ اینج ای کرو! خداوند یسوع مسیح دے اِک چنگے سپاہیہ وانگوں شیطان دا مقابلہ کرو! ’’ودھدے چلو، مسیحی سپاہیو‘‘ – ایہنوں گاؤ!

ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو:
مسیح جیہڑا شاہی حاکم اے دشمناں دے خلاف رہنمائی کردا اے؛
   جنگ وِچ اُوہدے چنڈھے نوں اَگے وددھا ہویا ویکھو۔
ودھی چلو، مسیحی سپاہیو، جنگ دے لئی قدم ودھائی چلو،
   یسوع دی صلیب دی قیادت وِچ ودھی چلو۔

’’شیطان نے سانوں روکے رکھیا‘‘ (I تھسالونیکیوں 2: 18)۔

III۔ تیجی گل، شیطان بھٹکے ہوئے لوکاں نوں روکن دے لئی بہتیرے طریقے استعمال کردا اے۔

جے تُسی ہُنے وی بھٹکے ہوئے اُو، تے کی تہانوں نئیں لگدا کہ شیطان تہانوں نجات پان توں روکن دے لئی ہر ممکن کوشش کرے گا؟ سب توں پہلاں، ’’ابلیس … [تہاڈے] دِلاں توں کلام نوں چھین لے جاندا اے تاکہ [تُسی] ایمان لیہیا کے نجات نہ پاؤ‘‘ (لوقا 8: 12)۔ اَسی تہانوں خدا دا کلام سُنانے آں۔ فیر اَسی تہانوں واعظ دی اِک چھپی ہوئی کاپی دیہنے آں تاکہ تُسی اُوہنوں گھر لے جا کے پڑھ سکو۔ کی جدوں میں کلام سُنانا آں تے تُسی اُوہنوں غور نال سُنندے اُو؟ کی گھر جا کے تُسی ایس چھپے ہوئے واعظ دا مطالعہ کردے اُو؟ میرا خیال اے کہ تہاڈے وِچوں بہتیرے لوکی اینج نئیں کردے۔ تُسی چھپے ہوئے واعظ نوں بار بار پڑھے بغیر تے اُوہدے تے گہرائی نال غور کیتے بغیر ای اِک پاسے سُٹ دیہندے اُو۔ ایویں تُسی شیطان نوں ایس کلام نوں ’’جیہڑا [تہاڈے دِل وِچ] بویا گیا سی، چھین لے جان‘‘ دا موقع فراہم کردے اُو (مرقس 4: 15)۔ میہنوں یقین اے کہ تہاڈے وِچوں بہتیرے لوکاں دی نجات دی راہ وِچ رکاوٹ ایس لئی پیہئی اے کیوں جے تُسی واعظ نوں اُونج توجہ تے انہماک نال نئیں سُنندے جیویں کہ تہاڈی ساری حیاتی ایس تے ای منحصر ہووے۔

یا، شاید، شیطان تہانوں کہندا اے، ’’تیہنوں تبلیغ نوں غور نال سُنن دی لوڑ نئیں اے۔ توں جدوں گھر پہنچے تے ہمیشہ واعظ پڑھ سکنا اے۔‘‘ آہ، کی شیطانی چال اے! کوئی تعجب دی گل نجئیں اے کہ تُسی ہںے تیکر مسیح چہ ایمان لیہیا کے تبدیل نئیں ہوئے اُو! بائبل کہندی اے کہ تُسی انجیل نوں سُنن دے ذریعے توں ای نجات پا گئے اُو! بائبل کہندی اے،

’’پس منادی کرن آلے دے بغیر اُو کیویں سُنن؟‘‘ (رومیوں10: 14)۔

”چنانچہ ایمان سنن نال پیدا ہوندا اے“ (رومیوں 10ـ 17)ْ

کُجھ لوکی واعظ پڑھ کے نجات پاندے نے، مگر ایہو جئے لوکاں دی تعداد بہوتی گھٹ اے۔ مسیحی تاریخ وِچ، میرے ذہن چہ صرف دو ایہو جئے ناں نے جِنہاں نے واعظ پڑھ کے نجات پائی: آگسٹین تے جیمز ہڈسن ٹیلر۔ اُوہناں دے برعکس، باقی ساری عظیم مسیحی شخصیات – ڈاکٹر جان سُنگ توں لے کے مِس گلیڈس ایلوورڈ تیکر، تے پولوس رسول توں لے کے ڈاکٹر جان آر رائس تیکر – ساریاں نے انجیلی واعظ سُن کے ای نجات پائی!

ساڈے گرجا گھر وِچ نجات پان آلے تقریباً ہر شخص نے براہ راست واعظ سُنن دے فوراً بعد نجات پائی۔ میں کہیا ’’فوراً بعد‘‘ – نہ کہ دِناں یا ہفتیاں بعد۔ ہرگز نئیں! کیوں جے ایہدے نال شیطان نوں بہوتا ویلہ لبھ جاندا اے کہ اُو تہاڈے دِؒ توں کلام نوں نکال دے تے تہانوں نجات پان توں روک دے۔ ڈاکٹر اے ڈبلیو ٹوزر (Dr. A. W. Tozer) نے ایس توں پہلاں کدی انجیلی واعظ نئیں سُنیا سی۔ اُو ہُںے نوعمر ای سن کہ اُوہناں نے اِک شخص نوں گلی دی نکڑ تے قیامت، جہنم تے مسیح دے وسیلے توں نجات دے بارے وِچ واعظ کردے ہوئے سُنیا۔ ٹوزر نٹھ کے گھر گئے، بالائی چھت یعنی چھت وِچ بنئے اُوتلے کمرے وِچ گئے تے سجدے وِچ ڈِگ پیہئے۔ گہرے احساسِ ندامت تے اَتھروواں دے نال اُو مسیح دے کول آئے۔ اُو بیسویں صدی دے عظیم مبلغین وِچوں اِک بنے۔

اِک ابلیس موجود اے۔ شیطان تہانوں اپنے قبضے وِچ رکھنا چاہندا اے۔ تہانوں اپنی ہولناک حالت ویکھنی چائیدی اے۔ تہانوں اپنے گناہ دا بوجھ محسوس کرنا چائیدا اے۔ تہانوں مسیح دی پناہ وِچ آنا چائیدا اے، کیوں جے اُو ای واحد ہستی اے جیس دا لہو تہانوں گناہ توں پاک کر سکدا اے تے تہانوں پاک خدا دے حضور پاک رے راستباز ٹھہرا سکدا اے۔ یسوع دے کول آؤ۔ ہُنے اُوہدے کول آؤ! شیطان دا مقابلہ کرو تے مسیح دے کول آؤ! اپنے گیتاں دے ورق تے موجود حمدوثنا دا گیت نمبر 8 گاؤ: ’’میں آ رہیا آں، اے خداوندا۔‘‘

میں تیری خوش آمدیدی واج نوں سُننا آں، جیہڑی میہنوں خداوند تیرے وَل بُلاندی اے
   کیوں جے تیرے قیمتی لہو وِچ پاک صاف ہون دے لئی جیہڑا کلوری تے وگایا سی۔
خداوندا! میں آ رہیا آں، میں ہُنے تیرے کول آ رہیا آں!
   میہنوں دھو ڈال، میہنوں لہو وِچ پاک صاف کر ڈال جیہڑا کلوری تے وگیا سی۔
(’’اے خُداوند میں آ رہیا آں I Am Coming, Lord، شاعر لوئیس ہارٹسو Lewis Hartsough ، 1828۔1919)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔