ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع دے دشمناں نے سوچیا کہ اُو اُوہنوں ’’محصول لین آلیاں تے گنہگاراں دا بیلی‘‘ کہہ کے بدنام کر سکدے نے۔ اُوہناں دا مقصد اُوہنوں ایہ کہہ کے رسوا کرنا سی۔ لیکن اَج تیکر یسوع دی ایس ای لقب نال تعریف تے پرستش کیتی جاندی اے جیس دے بارے وِچ اُوہدے دشمناں دا خیال سی کہ اُو اُوہنوں شرمندہ کرن گے۔ اُوہدے نفرت نال بھرے دشمناں نے اُوہدے بارے وِچ کڑواہٹ چہ جو کُجھ کہیا اُوہنوں روح القدس نے اِک پیارے لقب وِچ بدل دِتا اے، ’’گنہگاراں دا بیلی۔‘‘

یسوع گنہگاراں دا بیلی اے،
     گنہگاراں دا بیلی، گنہگاراں دا بیلی؛
یسوع گنہگاراں دا بیلی اے،
     اُو تہانوں آزادی دِلا سکدا اے۔

جے تُسی اُوہدے تے پروہسا کردے اُو، تے اُو تہانوں بچائے گا،
     اُو تہانوں بچائے گا، اُو تہانوں بچائے گا۔
جے تُسی اُوہدے تے پروہسا کردے اُو، تے اُو تہانوں بچائے گا،
     تہانوں نئی حیاتی عطا فرمائے گا۔
(’’یسوع گنہگاراں دا بیلی اے Jesus is the Friend of Sinners‘‘، شاعر جان ڈبلیو پیٹرسنJohn W. Peterson، 1921۔2006)۔

آؤ اَج دی شامی ایہ سوچن دے لئی چند منٹ کڈیے کہ یسوع گنہگاراں دا کیہو جیہا بیلی سی تے ہُنے وی اے۔

I۔ پہلی گل، زمین تے اپنی منادی دے دوران یسوع گنہگاراں دا بیلی سی۔

چرنی دی فرسودگی دے لئی اُوہدے آسمان دی تجوریاں نوں چھڈن توں ودھ کے اُو کی ثبوت دے سکدا اے؟ اُو خدا دے فرشتیاں نوں چھڈن توں بہتر ہُور کی ثبوت دے سکدا اے کہ اِک گندی تھاں تے لیٹدا اے جیتھے گاواں تے کھوتے چارہ کھاندے نے – خدا دے سچے ہتھ توں جھکن تے برگشتہ بندیاں دے نال رفاقت کرن دے لئی؟ گنہگاراں دی شکل تے صورت وِچ نجات دہندہ دا روپ دھارنا، اپنے اُوتے گنہگاراں دا جسم اپنانا، اِک گنہگار پیدا ہونا – اُوہدے اِک انسان ہونا، جیہڑا گنہگاراں دی شکل وِچ آں دے برابر اے – یقیناً ایہ ثابت کرن دے لئی کافی اے کہ اُو گنہگار دا بیلی اے!

جیویں ای یسوع نے اپنی حقیقی حیاتی دا کام شروع کیتا، اُوہنے فوراً ای گنہگاراں دے نال اُوہناں دے نال رہ کے اپنی دوستی ظاہر کیتی۔ اُو سیدھا اُوہناں دے کول آیا۔ اُوہنے کوڑھیاں، انّہیاں تے بیماراں نوں چھویا۔ اُوہنے ساڈی بیماریاں نوں اپنے اُوتے لے لیہیا تے ساڈی کمزوریاں نوں اُٹھایا – تے ایویں ثابت کیتا کہ اُو واقعی گنہگار دا دوست سی۔ اُو گناہ توں آلودہ ہوئے بغیر، براہ راست رابطے وِچ آیا۔ اُوہنے گنہگاراں دے نال کھایا پیا۔ اُو اِک دِن فریسی دی میز تے بیٹھ گیا۔ دوجے دِن اُو حقیر محصول لین آلیاں دے گھر گیا، تے اُوس دِن محصول لین آلیاں دے گھر نجات آئی۔ ایہ ظاہر کردا اے کہ گنہگاراں دے لئی اُوہدے محبت کیہنی سچی سی، کہ اُو اُوہناں وِچوں بدترین دے نال وی مُنہ نئیں موڑدا سی۔

یسوع نہ صرف گنہگاراں دے وِچکار گیا بلکہ ہمیشہ اُوہناں دی مدد تے اُوہناں نوں شفا دین تے اُوہناں دے گناہواں نوں معاف کرن دی کوشش کر رہیا سی۔ اُوہنے اِک سامری عورت نال گل کیتی۔ اُو اُوہدے تے یقین رکھدی سی تے اپنے لوکاں دے لئی اِک مشنری بن گئی سی۔ یسوع نے ہمیشہ گنہگاراں دے نال ایہو جیہا سلوک کیتا۔ اُوہدے سب توں پیارے واعظ اُو سن جِنہاں دی اُوہنے گنہگاراں نوں تبلیغ کیتی۔ میں اُوہدے پیارے چہرے نوں ویکھنا پسند کراں گا جدوں اُو پکاریا سی، ’’میرے کول آؤ، اے تمام محنت کشو تے بوجھ نال دبے ہوئے لوکو، تے میں تہانوں آرام دیاں گا۔‘‘ اُوہنے ہمیشہ گنہگاراں دے لئی محبت بھرے الفاط کہے، جیویں کہ، ’’جیہڑا میرے کول آئے گا اُوہنوں میں ہرگز خود توں جدا نئیں کراں گا۔‘‘ انتہائی بدترین گنہگار، ’’گنہگاراں دا سردا‘‘ ایہویں اُوہناں دا شاگرد بن گیا۔ مرن توں پہلاں اُوہدا آخری انسانی رابطہ اِک چور سی۔ اُوہنے اپنی موت دے عین ویلے وِچ اِک چور نال پیار کیتا تے اُوہنوں بچا لیہیا۔

یسوع نے گنہگاراں دے لئی اپنی محبت نوں اُوہناں دے وِچکار رہ کر، اُوہناں نوں منادی کر کے، اُوہناں دے بُرے الفاظ تے کماں نوں صبر نال برداشت کر کے ثابت کیتا۔ اُوہنے گنہگاراں دے لئی دعا کر کے اُوہناں دے لئی اپنی محبت نوں وی ثابت کیتا۔ سولی تے اُوہدے تقریباً آخری الفاظ گنہگاراں دے لئی اِک دعا سی، ’’اے باپ، اُوہناں نوں معاف کر دے، کیوں جے اُو نئیں جانندے کہ اُو کی کردے نے۔‘‘ یسوع زمین تے اپنی ساری حیاتی گنہگاراں دا بیلی رہیا سی۔

جیویں کہ اُو سولی تے قربان ہو گیا، ایہ کوئی عام موت نئیں سی۔ اُو اُوتھے گنہگاراں دے بدلے، گناہ دا قرض ادا کرن، گنہگاراں نوں جہنم توں دور رکھن دے لئی مریا۔ اُوہنے ایہناں ساریاں دی جہنماں نوں برداشت کیتا جیہڑے اُوہدے کول آندے نے۔ گنہگاراں دے لئی اُوہدی موت اُوہدی محبت دا اِک حیرت انگیز مظاہرہ سی۔ ’’ایتھے محبت اے، کہ جدوں اَسی ہُنے گنہگار ای سن، مقررہ ویلے تے، مسیح بے اعتقاداں دی خاطر قربان ہو گیا۔‘‘ ایہدے توں وڈی محبت کوئی نئیں اے کہ بندہ اپنے دوستاں دے لئی اپنی جان قربان کر دے۔‘‘ یسوع نے اینج ای کیتا – تے ایہ ظاہر کردا اے کہ اُو گنہگاراں دا دوست اے۔

لیکن ہُن اُو مُردیاں وِچوں جی اُٹھیا۔ ہُن اُوہنے زمین تے چالیس دِن لنگہائے – ہُنے وی گنہگاراں دے لئی اپنے محبت ظاہر کر رہیا اے – کیوں جے اُو اُوہناں دی راستبازی دے لئی فیر توں جی اُٹھیا۔

لیکن ہُن اُو واپس آسمان تے، خدا باپ دے سجے ہتھ تے اُٹھا لیہیا گیا۔ اُو بُلندی تے کیوں اے؟ توبہ تے گناہواں دی معافی دے لئی تے گنہگاراں دے لئی دعا کرن دے لئی۔

ایہ کُجھ طریقے نے جِنہاں نال یسوع نے ویکھایا کہ اُو گنہگاراں دا دوست اے۔ میں کیس قدر دعا کرنا آں کہ تُسی یقین کرو گے کہ یسوع تہاڈی روح دا عاشق اے، تے ایہ کہ ایس گل تے یقین کرن نال تُسی اُوہدے کول آؤ گے، کیوں جے یسوع

’’محصول لین آلیاں تے گنہگاراں دا دوست اے‘‘ (متی 11: 19)۔

II۔ دوجی گل، یسوع ہُن گنہگاراں دے لئی کی کر رہیا اے۔

ایہ واعظ سی ایچ سپرجیئن C. H. Spurgeon دے دِتے گئے اِک واعظ توں اخذ کیتا گیا اے۔ ایتھے اُو حمدوثنا دے مصنف ہورٹیئس بونارHoratius Bonar دی مسیح وِچ ایمان لیہیان دی تبدیلی دا اِک مختصر احوال پیش کردے نے، جِنہاں نوں اُو جانندے سن۔

میں اِک گنہگار نوں جاننا آں [ہورٹیئس بونار Horatius Bonar، 1808۔1889]۔ مجھے چنگی طرح یاد اے جدوں اُو خدا دا سخت دِل یا سرکش دشمن سی۔ لیکن یسوع، گنہگاراں دا دوست، اُوہدے نال محبت کردا سی۔ اِک دِن یسوع نے اُوہدی روح وِچ ایہو جئی نظر پائی کہ اُوہدا سخت دِل ٹوٹن لگیا۔ اُوہدے چہ اِک اذیت تے غم جاگ گیا سی۔ اُو شخص کئی وریاں تیکر امن نوں نئیں جانندا سی، لیکن اِک دِن

میں یسوع دی واج سُنی، ’’میرے کول آؤ تے آرام پاؤ۔
     لیٹ جاؤ، تھکے ماندوں، اپنا سر میرے سینے تے رکھ کے لیٹ جاؤ۔‘‘
میں یسوع دے کول اینج آیا جیویں میں سی، تھکیا ہویا، گھرایا تے اُوداس؛
     میں اُوہدے وِچ آرام دی تھاں پائی، تے اُوہنے میہنوں خوش کیتا۔

میں یسوع دی واج نوں کہندے ہوئے سُنیا اے، ’’ویکھو، میں مفت وِچ بخشنا آں
     حیاتی دا پانی؛ اے پیاسے شخص، جھک جاؤ، تے پیئو، تے زندہ رہوو۔‘‘
میں یسوع دے کول آیا، تے اُوس حیاتی بخشن آلے چشمے وِچوں پیا؛
     میری پیاس بُجھ گئی، میری جان تروتازہ ہو گئی، تے ہُن میں اُوہدے وِچ حیاتی لنگہانا آں۔

میں یسوع دی واج سُنی، ’’میں ایس تاریک دُنیا دی روشنی آں؛
     میرے وَل ویکھو، تہاڈی سویر طلوع ہووے گی، تے تہاڈا سارا دِن روشن ہووے گا۔‘‘
میں یسوع وَل ویکھیا، تے میں اُوہدے چہ اپنا ستارہ، میرا سورج پایا۔
     تے حیاتی دی ایس روشنی وِچ، میں چلاں گا، سفر دے دِناں دے ختم ہون تیکر۔
(میں یسوع دی واج نوں کہندے ہوئے سُنیا اے I Heard the Voice of Jesus Say‘‘ شاعر ہوریٹیئس بُونارHoratius Bonar، 1808۔1889)۔

اوہ گنہگار، جے تُوں یسوع تے پروہسا کرنا اے، تے اُو تیرے لئی اُوہنج دا ای ہووے گا۔ میہنوں تہانوں متاثر کر لین دیو کہ یسوع جِنہاں دا کوئی دوست نئیں اُوہناں دا دوست اے، کافراں تے گنہگاراں دا دوست اے۔

اوہ! ایس محبت نال، اَتھروواں نال بھری ہوئی اُوہناں اَکھاں نال ویکھ کے؛ اُوہ! ایس محبت نال، لہو دے نال اُوہناں زخماں توں دھاراں وگ رہیاں سن۔ اُوس وفادار محبت دے وسیلے توں، اُو شدید محبت، اُو خالص تے دائمی محبت؛ اوہ! نجات دہندہ دی دِل دی چاہت نال، میں تہانوں اِلتجا کرنا آں کہ یسوع توں مُنہ نہ موڑو؛ لیکن اُوہدے تے ایمان لیہیاؤ تے تُسی نجات پا جاؤ گے۔ اُوہدے کول آؤ تے اُو تہانوں اپنے پیو دے داہنے ہتھ دے کول ابدی جلال وِچ لے آئے گا۔ آمین!

یسوع گنہگاراں دا بیلی اے،
     گنہگاراں دا بیلی، گنہگاراں دا بیلی؛
یسوع گنہگاراں دا بیلی اے،
     اُو تہانوں آزادی دِلا سکدا اے۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔