ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

سیکوفیلڈ دی مطالعہ بائبل ایہہ تبصرہ پیش کردا اے، ’’الیکشن اے… خدا دا فضل جیس دے ذریعے انساناں وِچوں بعض نوں اپنے لئی منتخب کیتا جاندا اے‘‘(سیکوفیلڈ مطالعہ بائبل The Scofield Study Bible، صفحہ 1311؛ 1پطرس1:2 تے غور طلب گل)۔ ایہہ الیکشن دی کافی چنگی تفصیل اے۔ یسوع نے کہیا، ’’تُسی مینوں نئیں چُنیا، لیکن میں تہانوں چُنیا اے‘‘ (یوحنا15:16)۔ فیر، یسوع نے کہیا، ’’میں تہانوں چُنیا اے‘‘ (یوحنا15:19)۔

تُسی پُچھ سکدے اُو، ’’کی میں چُنیدہ لوکاں وِچوں آں؟ کی مینوں مسیح نے چُنیا اے؟ میں کیوں دَس سکنا واں کہ اُوہنے مینوں اپنے چُنیدہ لوکاں وِچوں منتخب کیتا اے؟ ایس دا جواب یسوع نے بیج بون آلے دی تمثیل وِچ دِتا اے، جیہڑی تِیناں مترادف انجیلاں وِچ درج اے۔ متی 13: 18-23، لوقا 8: 11-15، اور مرقس 4: 13-20 وِچ۔ ایہہ تمثیل چار قسم دے لوکاں نوں بیان کردی اے جیہڑے گرجا گھر آندے نے تے خدا دے کلام وِچوں خوشخبری دی منادی نوں سُنندے نے۔

پہلی قسم اُو [لوکی] نے جیہڑے کلام دی تبلیغ سُنندے نے، لیکن ’’شیطان فوراً آندا اے، تے اُوہناں دے دِلاں وِچوں بویا ہویا کلام کھو کے لے جاندا اے‘‘ (مرقس4:15)۔ ایہہ اُو لوکی نے جیہڑے چند وری گرجا گھر آندے نے تے فیر آنا چھڈ دیندے نے۔ کوئی وی شے جیہدی تبلیغ کیتی گئی سی ایہدے ایہناں تے اثر نئیں ہویا۔ اُو ٹُر جاندے نے تے واعظوں نوں یاد نئیں کردے۔ ایہہ لوکی [مسیح وِچ ایمان لہیا کے] تبدیل ہون دے بارے چہ فکرمند نئیں نے۔ اُو چُںیدہ لوکاں وِچ شامل نئیں نے۔ اُو مسیح دے ذریعہ منتخب نئیں ہوئے نے۔

دوجی قسم اُو لوکی نے جیہڑے تھوڑی دیر دے لئی گرجا گھر آندے نے، تے لگدا اے کہ اُو حقیقی مسیحی بنن وِچ دلچسپی رکھدے نے۔ اُو منادی سُنندے نے تے ’’فوراً ایہنوں خوشی نال قبول کردے نے‘‘ (مرقس4:16)۔ لیکن او [مسیح وِچ ایمان لہیا کے] تبدیل نئیں ہوندے۔ ایس طرح، اُو ’’اپنے آپ وِچ کوئی جڑ نئیں رکھدے، تے ایس لئی تھوڑے ویلے دے لئی ای برداشت کردے نے۔‘‘ لیکن، ’’جدوں مصیبت یا ایذا پہنچدی اے تے فوراً ناراض ہو جاندے نے‘‘ (مرقس4:17) – تے ’’ڈِگ [برگشتہ ہو] جاندے نے‘‘ (لوقا8:13)۔ لہٰذا، اُو ’’گرجا گھر وِچ (اُو کُج مدت دے لئی ای) برداشت کر پاندے نے (مرقس4:17)۔ ایہہ لوکی چُنیدہ لوکاں وِچ شامل نئیں نے۔ اُو وی مسیح دے ذریعے منتخب نئیں ہوئے ہوندے۔

تیجی قسم ایہناں لوکاں دی نمائندگی کردی اے جیہڑا آندے نے تے اِک لمبی مدت تیکر تبلیغ سُنندے نے، تے مسیحی ظاہر ہوندے نے۔ لیکن بعد چہ، ’’ایس دُنیا دی فکراں، دولت دا فریب تے دوجی شیواں دا لالچ آڑے آ کے ایس کلام نوں دبا دیندا اے تے اُو بے پھل رہ جاندا اے (مرقس19:4)۔ ڈاکٹر میگی Dr. McGee نے کہیا،

میں پایا اے کہ بوہتے سارے لوکاں نے دُنیا دے خیالات نوں خدا دے کلام توں باہر جان دِتا اے… اُو بالکل مومن نئیں نے! اُوہناں نے کلام سُنیا اے تے صرف ایہنوں حقیقی کرن دا دعویٰ کیتا اے (جے ورنن میگیJ. Vernon McGee، Th.D. ، بائبل وِچوں Thru the Bible، تھامس نیلسن پبلشرزThomas Nelson Publishers، 1983، جلدIV، صفحہ73، متی 13:22 تے غور طلب گل)۔

ایہہ لوکی مسیح تے گرجا گھر دے نال سطحی وعدے کردے نے، لیکن حیاتی دے مسائل تے بوہتا پیسہ کمان دی خواہش ’’کلام نوں دبا دیندے نے‘‘ تے ایویں ظاہر کردے نے، جیویں کہ ڈاکٹر میگی نے کہیا، ’’اُو بالکل مومن نئیں نے! (میگی McGee، ibid.)۔ ایہناں وِچوں اکثر گرجا گھر وِچ پرورش پان آلے نوجوان شامل ہوندے نے۔ جدوں تیکر اُو اپنے ماں پیو تے انحصار کردے نے اُو گرجا گھر آندے رہندے نے، لیکن جدوں اُو اپنے پیسے کما رئے ہوندے نے تے اُو برگشتہ ہو جاندے نے کیوں جے اُوہناں نے کدی حقیقی تبدیلی دا تجربہ نئیں کیتا۔ اُو وہ چُنیدہ لوکاں وِچ شامل نئیں ہوندے۔ اُو مسیح دے ذریعے توں منتخب نئیں ہوئے ہوندے۔

چوتھی قسم چُنیدہ [لوکی] نے۔ ایہہ اوہی نے جنہاں نوں مسیح نے نجات لئی منتخب کیتا اے۔ خدا دے سراسر فضل نال اُو ’’کلام سنندے نے، تے قبول کردے نے، تے پھل لہیاندے نے…‘‘ (مرقس 20:4) ایہہ کلّے ای چُنیدہ [لوکی] نے۔ ایہہ کلّے مسیح نے منتخب کیتے نے۔ ایہہ کلّے ای حقیقی تبدیلی دا تجربہ کردے نے۔ مسیح نے کہیا، ’’سدّے ہوئے تے بہتیرے نے لیکن چُنے ہوئے گھٹ نے‘‘ (متی 22:14)

تُسی پُچھ سکدے اُو، ’’کی میں چُنیدہ لوکاں وچوں اِک آں؟ کی مینوں مسیح نے منتخب کیتا اے؟ میں کیویں دس سکنا واں کہ جے خدا نے مینوں اپنے چُنیدہ لوکاں وچوں منتخب کیتا اے؟ تہاڈے وِچوں کُج ساڈے گرجا گھر وِچ نئے لوکی نے۔ تُسی کئی ہفتیاں توں اِتوار دی سویرے تے اِتوار دی شامی آ رئے اُو، تے ہفتہ تے شامی انجیلی بشارت دے لئی آ رئے اُو۔ کی تُسی [مسیح وِچ ایمان لہیا کے] تبدیل ہو جاؤ گے؟ کی تُسی خدا دے برگزیدہ [لوکاں] وِچوں اُو؟ آؤ حقیقی اِمتحان دے نظر پاؤ۔ حقیقی امتحان اُو نئیں جیہڑا تُسی سیکھدے اُو، یا تفتیشی کمرے وِچ تُسی کی جواب دے سکدے اُو۔ حقیقی اِمتحان مرقس 4: 16-17 وِچ دِتا گیا اے۔ مہربانی نال کِھلو جاؤ تے آیت 16 تے 17 پڑھو، ایہناں لفظاں توں شروع کرو، ’’جدوں اُو کلام نوں سُن چکدے نے…‘‘

’’ایویں ای بعض لوکی اُوس پتھریلی زمین وانگوں نے جیہدے تے بیج ڈگیا اے؛ اُو خدا دے کلام نوں سُنندے ای قبول کر لیندے نے۔ مگر اُو کلام اُوہناں وِچ جڑ نئیں پھڑ پاندا۔ چنانچہ اُو کُج دِناں تیکر ای قائم رہندے نے تے جدوں اُوہناں تے ایس کلام دی وجہ توں مصیبت یا ایذا برپا ہوندی اے تے اُو فوراً ڈگ جاندے نے‘‘ (مرقس4:16-17)۔

تُسی تشریف رکھ سکدے اُو۔

ڈاکٹر آر سی ایچ لینسکی Dr. R. C. H. Lenski نے کہیا کہ ایہہ سُنن آلے ’’وعدے دا اِک زبردست مظاہرہ کردے نے۔‘‘ جدوں اُو انجیل دی منادی سُنندے نے ’’اُو خوش ہوندے نے – ایہو ای اُو گل اے جیہدا اُو انتظار کر رئے سن۔‘‘ فیر وی اُو ’’مایوس کُن‘‘ ثابت ہوندے نے۔ ایہناں دے اپنے اندر کوئی جڑ نئیں اے۔ چونکہ اُو مسیح وِچ جڑاں نئیں رکھدے نے، اُو [مسیح وِچ ایمان لہیا کے] تبدیل نئیں ہوئے نے۔ ’’ایس لئی اُو وقتی یا عارضی نے۔‘‘ ’’تے ایس لئی اُو کُج دِناں تیکر ای قائم رہندے نے،‘‘ مرقس4:17 (حوالہ ویکھو آر سی ایچ لینسکیR. C. H. Lenski، Th.D، مقدس مرقس دی انجیل دی تفسیر The Interpretation of St. Mark’s Gospel، آوگسبرگ پبلیشنگ ہاؤس، اشاعت 1964، صفحہ 173؛ مرقس4:16 تے غور طلب گل)۔

غیر چُنیدہ لوکاں وِچ چار خصوصیات ہوندیاں نے جیہڑیاں اَسی اکثر نئے لوکاں وِچ ویکھنے آں۔

I۔ پہلی خصوصیت، اُو خوشخبری نوں سُن کے خوش ہو جاندے نے۔

’’جدوں اُو خدا دے کلام نوں سُن چکدے نے تے [اُو] خوشی دے نال ایہنوں قبول کر لیندے نے‘‘ (مرقس4:16)۔

ایہہ ایہو جئے لوکی ہوندے نے جیہڑے گرجا گھر وِچ آندے نے تے ہر اِک دے نال دوستی کردے نے۔ اُو ایتھے رہنا پسند کردے نے۔ اُوہناں نوں تبلیغ تے گانے پسند نے۔ اُو ایتھے گرجا گھر وِچ آ کے خوش نے۔ اُو عبادتاں دے بعد ساڈے نال کھانا کھانا پسند کردے نے۔ اُو نجات دا منصوبہ سیکھدے نے۔ جدوں ڈاکٹر کیگن تے میں تفتیشی کمرے وِچ ایہناں دے نال گل کرنے آں تے اُو صحیح الفاظ کہہ سکدے نے۔ اُو ایس ہجوم وانگوں نے جیہڑا یسوع دا پِچھا کردا سی، کیوں جے اُوس [ہجوم] نے ’’ٹِیہڈھ بھر کے روٹیاں کھادیاں سن‘‘ (یوحنا 6:26)

II۔ دوسری خصوصیت، اُوہناں دی اپنی کوئی جڑ نئیں ہوندی۔

ایہناں دے نال انتہائی شروع توں ای کُج غلط اے – ایہناں دے ’’اپنی کوئی جڑ نئیں اے‘‘ (مرقس 4:17)۔ جدوں اُو انجیل نوں سُنندے نے تے اُوہناں نوں خوشی محسوس ہوندی اے، لیکن ایس نے ایہناں دے دِلاں وِچ جڑ نئیں پھڑی ہوندی۔ ڈاکٹر گِل Dr. Gill نے کہیا، ’’ایس وِچ دِل نال کوئی کام نئیں اے، صرف [نظریاتی خیالات] تے چمکدار [جذبات]؛ ایہناں وِچ فضل دی کوئی جڑ نئیں‘‘ (جان گِل، ڈی ڈی John Gill, D.D.، نئے عہد نامے دی اِک تفسیرAn Exposition of the New Testament، دی بپٹسٹ سٹینڈرڈ بیئرر The Baptist Standard Bearer، دوبارہ اشاعت 1989، جلد اوّل، صفحہ 400؛ مرقس4:17 تے غور طلب گل)۔ ایہہ لوکی [مسیح وِچ] ’’جڑ پھڑے ہوئے تے تعمیر ہوندے ہوئے نئیں نے،‘‘ (کلسیوں2:7)۔

ڈاکٹر گل نے کہیا، ایس دے اپنی ذات وِچ تے نہ ای مسیح وِچ جڑ ہوندی اے‘‘ (ibid. ، صفحہ 147؛ متی 13:21 تے غور طلب گل)۔ دوجے لفظاں وِچ ایس قسم دا بندہ کدی وی یسوع دے کول نئیں آیا – تے [مسیح وِچ ایمان لہیا کے] تبدیل نئیں ہویا۔ اُو گرجا گھر وِچ اپنے نئے بیلیاں دے نال رہنا پسند کردا اے۔ ایہنوں حمدوثنا دے گانے گانا پسندے اے۔ ایہنوں اُو کھانا پسند اے جیہڑا ہر عبادت دے بعد پیش کیتا جاندا اے۔ ایتھوں تیکر کہ اُو پادری تے اُوہناں واعظاں نوں وی پسند کردا اے جیہڑے اُو پادری دیندا اے۔

لیکن اُو کدی وی گناہ دی سزایابی وِچ نئیں آیا۔ اُوہنے کدی وی محسوس نئیں کیتا کہ اُوہدے گناہ اُوہدے لئی ناقابلِ برداشت بوجھ نے۔ اُوہنے کدی محسوس نئیں کیتا کہ اُو نااُمید تے گواچیا ہویا اے۔ اُوہنوں مسیحی حیاتی لنگہان لئی اپنی صلاحیت تے بوہتا اعتماد اے، کیوں جے اُو کدی ایہ نئیں ویکھدا کہ اُو بالکل بے بس اے، اینج کرن یا کہن نال مکمل طور تے قاصر اے جیہڑا ایس دی مدد کرے گا۔

ایہدے کول صرف اِک سطحی ’’خوشی‘‘ اے۔ ایہنے اپنے گناہ دا جرم کدی وی نئیں ویکھیا۔ اُو کدی وی اِک مقدس تے فیصلہ کُن خدا دی نظراں وِچ اپنے گناہ نال پریشان نئیں ہویا۔ ’’اُوہناں دی اَکھاں دے اَگے خدا دا خوف نئیں اے‘‘ (رومیوں3:18)۔ ایس لئی اُو کدی وی یسوع دی لُوڑ نوں محسوس نئیں کردے۔ اُوہناں نے لفظاں نوں سیکھیا، لیکن اُوہناں نے کدی وی محسوس نئیں کیتا،

’’میرے تے افسوس! کیوں جے میں تباہ ہو گیا‘‘ – میں گواچ چکیا واں! (اشعیا6:5)۔

اُوہناں نے کدی محسوس نئیں کیتا کہ اُوہناں نوں یسوع دے کول آنا چائیدا اے یا فنا ہونا چائیدا اے۔ ایس لئی ایہناں دی مسیح وِچ کوئی جڑ نئیں ہوندی۔ اُو صرف گرجا گھر دے خوش حاضرین نے – جیہڑے [مسیح وِچ ایمان لہیا کے] تبدیل نئیں ہوئے نے۔ اُو چنیدہ لوکاں وِچ شامل نئیں نے۔ خدا نے اُوہناں نوں مںتحب نئیں کیتا۔

III۔ تیجی خصوصیت، اُو کُج ویلے تیکر ای قائم رہ پاندے نے۔

’’جدوں اُو خدا دے کلام نوں سُن چکدے نے تے خوشی دے نال فوراً ایہنوں قبول کر لیندے نے؛ تے اُو کلام اُوہناں وِچ جڑ نئیں پھڑن پاندا۔ چنانچہ اُو کُج دِناں تیکر ای قائم رہندے نے…‘‘ (مرقس4:16-17)۔

ڈاکٹر گل (ibid ، صفحہ 400) نے کہیا، ’’اُو انجیل دے سُنن آلیاں نوں تے پروفیسراں نوں اِک چھوٹے جئے ویلے تیکر جاری رکھدے نے۔‘‘ کدی کدی اُو بپتسمہ لین دے لئی بوہتی ویلے تیکر گرجا گھر چہ ٹکے رہندے نے۔ لیکن چونکہ اُوہناں دی مسیح وِچ ’’کوئی جڑ نئیں‘‘ ہوندی اے اُو گرجا گھر وِچ بوہتی دیر نئیں رہن گے۔ اُو یقینی طور تے اپنے گرجا گھر دے عمر بھر دے رُکن نئیں بنن گے! اُو آخیر کار اُو بن جان گے جنہاں نوں سپرجئین کہندے نے، ’’گزرگاہ دی پرندے۔‘‘ اُو اپنے مقامی گرجا گھر وِچ صرف ’’کُج منٹاں دے لئی ای ٹک‘‘ پان گے۔ جیس یونانی لفظ نے ’’برداشت endure‘‘ دا ترجمہ کیتا ایس دا مطلب اے ’’قائم (سٹرانگStrong)۔ اُو صرف تھوڑی دیر دے لئی اپنے گرجا گھر وِچ رہندے نے۔ کیوں؟ کیوں جے اُو کدی وی [مسیح وِچ ایمان لہیا کے] تبدیل نئیں ہوئے۔ اُو چُنیدہ لوکاں وِچ شامل نئیں نے۔ اُو بچائے نئیں جان گے۔

’’ایہہ لوکی ساڈے وِچوں ای نکلے نے لیکن دِل توں ساڈے نال نئیں سن، جے ہوندے تے ساڈے نال ای رہندے…‘‘ (1 یوحنا2:19)۔

1یوحنا2:19 تے تبصرہ کردے ہوئے ڈاکٹر میگی Dr. McGee نے کہیا،

جیس طریقے نال تُسی دس سکدے اُو کہ آیا [کسی نوں مسیح وِچ ایمان دِلا کے تبدیل کیتا گیا] اُو ایہہ اے کہ بالاآخر اُو بندہ [گرجا گھر] نوں چھڈ دے گا جے اُو خدا دا بچہ نئیں اے (جے ورنن میگیJ. Vernon McGee،Th.D. ، بائبل وِچوں Thru the Bible، تھامس نیلسن پبلشرز، 1983، جلد پنجم، صفحہ 777؛ 1یوحنا 2:19 تے غور طلب گل)۔

اُو چُنیدہ لوکاں وِچ شامل نئیں نے۔ خدا نے اُوہناں ون مںتخب نئیں کیتا۔ اُو بچائے نئیں جان گے۔

IV۔ چوتھی خصوصیت، اُو فوراً ناراض ہو جاندے نے، تے گرجا گھر توں دور ٹُر جاندے نے، جدوں اُوہناں نوں مسیحی حیاتی دے معمول دے مسائل نال آزمایا جاندا اے۔

’’مگر اُو کلام اُوہناں وِچ جڑ نئیں پھڑن پاندا۔ چنانچہ اُو کُج دِناں تیکر ای قائم رہندے نے تے جدوں اُوہناں تے ایس کلام دی وجہ توں مصیبت یا ایذا برپا ہوندی اے تے اُو فوراً ڈِگ جاندے نے‘‘ (مرقس4: 17)۔

’’مصیبت‘‘ یا ’’ظلم‘‘ بوہتا زیادہ ہون دی لُوڑ نئیں اے۔ ڈاکٹر گِل نے کہیا، ’’جیویں ای اُوہناں تے کوئی چھوٹی جیہئی مصیبت آندی اے…انجیل دی وجہ توں… اینج دے سُنن آلے ٹھوکر کھاندے نے… تے ایسی وجہ توں اُو اپنا پیشہ چھڈ دیندے نے‘‘ (ibid.)۔

کل میرے جِم وِچ اِک بندے نے مینوں دسیا کہ اُو 1972 وِچ اپنا گرجا گھر چھڈ گیا کیوں جے اِک پادری نے اُوہنوں کُج کہیا جیہڑا اُوہنوں پسند نئیں سی۔ اسی دے بارے چہ سوچو! اُو 39 وریاں توں گرجا گھر نئیں گیا سی کیوں جے اِک پادری نے ایس دے بارے وِچ اِک تبصرہ کیتا سی! جے میں ایہنا حساس ہوندا تے مینوں اُوس گرجا گھر نوں چھڈن دی بوہتی ساری وجوہات مل سکدیاں سن جیس [گرجا گھر] توں میرا تعلق اِک نوجوان بندے دی حیثیت نال سی! میں اِک ایہو جئے بندے دے بارے چہ جاننا واں جیہڑا حال ای وِچ [گرجا گھر] چھڈ کے ٹُر گیا سی کیوں جے اُوہدے چچا نے اُوہنوں گرجا گھر دی عبادت دے دوران رات دے کھانے تے مدعو کیتا سی۔ اُو ایہنوں آسانی نال اِک مختلف رات وِچ بدل سکدا سی – لیکن ایس دے بجائے اُوہنے گرجا گھر نوں چھڈ دِتا۔ اِک ہُور ساتھی نے کہیا کہ اُوہنوں اپنی خالہ دی تھاں لینی سی تے شمالی کیلیفورنیا وِچ کُج بچیاں نوں پیانو سِکھانا سی، حالانکہ کوئی ہُور بندہ سی جیہڑا اینج کر سکدا سی! ایہنے گرجا گھر نوں چھڈ دِتا حالانکہ اینج کرن دی کوئی زبردست وجہ نئیں سی۔ اِک چینی کڑی [گرجا گھر چھڈ کے] ٹُر گئی کیوں جے اُو اِک اضافی کلاس لینا چاہندی سی جیس دی اُوہنوں لُوڑ وی نئیں سی!

تُسی ویکھیا، ڈاکٹر جان گِل نے ٹھیک کہیا سی جدوں اُوہناں نے کہیا، ’’جیویں ای ایہناں تے کوئی چھوٹی مصیبت آندی اے اُو ٹھوکر کھاندے نے… تے کسی شے دا نقصان برداشت نئیں کر سکدے… تے ایس لئی اپنے پیشے نوں خیرآباد کہہ دیندے نے‘‘ (گل ، ibid.) ایہی حقیقی امتحان اے! ایہہ اُو نئیں جیہڑا تُسی بائبل وِچوں سِکھدے اُو۔ ایہہ اُو الفاظ نے جیہڑے تُسی تفتیشی کمرے وِچ کہندے اُو۔ ایس گل دا حقیقی اِمتحان کہ ایا تُسی اُوہناں چُنیدہ لوکاں وِچوں اُو جیہڑے ایس وِچ بچائے جان گے – کی تُسی گرجا گھر آندے رہوو گے پاویں کُج وی ہو جائے؟ کی تُسی آندے رہنا جاری رکھ سکدے اُو جدوں ’’خداوند دے کلام دی خاطر مصیبت یا ایذا رسانی اُٹھ کِھلوندی ہووے‘‘؟ کی تُسی بُڈھے جان نیوٹن دے نال کہہ سکو گے،

’’بے شمار خطرات، مشقت تے شکنجیاں وِچوں،
   میں پہلاں توں ای لنگ چکیا واں؛
ایہہ فضل ای مینوں حفاظت نال ایہنی دور تیکر لہایا،
   تے فضل ای میری گھر تیکر رہنمائی کرے گا‘‘؟
(’’حیرت انگیز فضلAmazing Grace ‘‘ شاعر جان نیوٹن John Newton، 1725۔1807، تیسرا بند).

خدا کولوں دعا کرو کہ اُو تہانوں گناہ دی سزایابی وِچ لہیا۔ کسی وی ’’ماڑی جیہئی پریشانی‘‘ (گِل، ibid.) نوں تہانوں گرجا گھر وِچ آں توں، مسیح وِچ ایمان لہیا کے تبدیل ہون توں تے فیر اپنے مقامی گرجا گھر وِچ مسیحی حیاتی گزارن توں روکن نہ دیو۔ مسیح صلیب تے قربان ہو گیا، تہاڈی تھاں تے، تہانوں تہاڈے گناہ دی سزایابی توں بچان دے لئی، اُو تہانوں نیا جنم تے تبدیلی دین دے لئی مُردیاں وِچوں جی اُٹھیا۔ یسوع دے کول آؤ تے گناہ دی حیاتی وَل واپس نہ جاؤ، پاویں کُج وی ہو جائے۔ ایہہ حقیقی اِمتحان اے کہ تُسی چُنیدہ لوکاں وِچوں اُو یا نئیں اُو! ایہہ حقیقی امتحان اے کہ خدا نے اپنے پُتر، خداوند یسوع مسیح دے ذریعے تہانوں گناہ توں بچان دا انتخاب کیتا اے یا نئیں!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔