ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اُوہناں الفاظ ’’برگشتہ ہو جانا‘‘ دا ترجمہ اِک یونانی لفظ ’’آپوستاشیاapostasia‘‘ توں آندا اے۔ میں ایس گل نال قائل آں کہ اَج دے زمانے دا اِرتداد بہوتی حد تیکر دو لوکاں نال شروع ہویا۔ جوھان سیملر Johann Semler (1725۔ 1791)، نے جرمنی وِچ بائبل تے تنقید دی تعلیم دیہنی شروع کیتی، جِنہے کالجاں تے سیمنریاں وِچ آزاد خیالی دی قیادت کیتی جیہدی وجہ توں مبلغین دا پاک صحائف تے اعتماد محروم ہو گیا۔ دوجا بندہ جیہڑا بالخصوص اَک دے اِرتداد دا ذمہ دار اے سی جی فنّی C. G. Finney (1792۔ 1875) سی۔ فنّی نے مذہبی سُدھار دے تقریباً ہر عقیدے تے حملہ کیتا۔ اُوہنے تعلیم دِتی کہ انسان خود اپنی مرضی دے اِک عمل دے ذریعے نال خود نوں نجات دلا سکتا اے (جیہڑا کہ سینرجیزم synergism [مذہبی نظریہ کہ نجات انسانی مرضی تے خدائی فضل دے تعامل توں حاصل ہوندی اے] توں وی بدتر سی – فنّی نے خالصتاً پیلیجیئن اِزم Pelagianism [پیلجیئس دے ذریعہ پیش کردہ مذہبی نظریہ جیس نے موروثی گناہ توں انکار کیتا تے انساناں دے راستباز ہون دی صلاحیت دی تصدیق دی] تعلیم دتی سی۔ اُوہنے فضل دے وسیلے توں نجات نوں تے انسان دے مکمل اِخلاقی زوال دی تردید کیتی سی۔ اُوہنے سولی تے گنہگاراں دی خاطر مسیح دے متبدلیاتی عمل دا اِنکار کیتا۔ فنّی نے ابتدائی رومن کیتھولک پیلاجیئس (354-420) وگرے عقائد سکھائے – کہ اِک بندہ اپنی مرضی دے ’’فیصلے‘‘ نال اپنے آپ نوں نجات دلا سکدا اے۔ بے شمار مبشران انجیل تے پادریاں نے فنّی دے پیلاجِیئنسٹ ’’فیصلہ سازیت‘‘ دی پیروی کیتی سی۔ اَج دے دور وِچ ’’فیصلہ سازیت‘‘ زیادہ تر انجیلی بشارت دا پرچار کرن آلیاں تے بنیاد پرستاں دا بنیادی عقیدہ اے، ایتھوں تیکر کہ اُوہناں لوکاں وِچ وی جیہڑے ’’بُلاہٹ دے نظام‘‘ نوں ٹھکراندے نے، حالانکہ اُوہناں نوں ہُںے تیکر ایہدا احساس نئیں اے۔

والٹر چینٹری Walter Chantry نے کہیا،

انجیلی بشارت دا پرچار کرن آلے جانندے نے کہ اُوہناں دی کلیسیاواں وِچ سب کُجھ ٹھیک نئیں اے … کہ کلیسیا دی انجیلی بشارت دے پرچار دی تعلیم وِچ طاقت تھوڑی ہو چکی اے … گرجا گھراں دے رہنما اُوہناں دے موجودہ تجربیاں تے اُوہناں دی کوششاں دے نتائج دے نال شدید طور توں غیر مطمئن تے بےچین نے (والٹر جے چینٹری Walter J. Chantry، اَج دی انجیلی: مستند یا مصنوعی؟ Today’s Gospel: Authentic or Synthetic? بینر آف ٹُرتُھ Banner of Truth، 2009 ایڈیشن، صفحہ 1)۔

لیونارڈ ریوینحِل نے کہیا،

انسان دے ہتھاں بنائے ہوئے مذہب نال تباہ ہوئی … تے انسان دے بنائے ہوئے عقائد دے نال بدنصیب قوماں دی خدا مدد کردا اے! کی کدی ایہو جئی وی گھڑی آئی سی؟ (لیونارڈ ریونحِلLeonard Ravenhill، حیاتِ نوع کیوں سُست روی دا شکار ہویا Why Revival Tarries، بیتھنی ہاؤس پبلشرزBethany House Publishers، 2004 دوبارہ اشاعت، صفحہ 156)۔

ساڈی کلیسیاواں دی ’’تباہی‘‘ تے ’’بدنصیبی‘‘ دی اہم وجہ ایہ اے کہ اُو مسیح وِچ ایمان نہ لیہیائے ہوئے غیر تبدیل شُدہ اراکین دے نال بھرے پیہئے نے، جِنہاں وِچ گرجا گھرچہ پروان چڑھے بچے، بالغ تے ایتھوں تیکر کہ اُو جیہڑے قیادت دے کرداراں وِچ نے شامل نے۔ تے اُو وجہ کہ ساڈے گرجا گھر غیرتبدیل شُدہ یعنی مسیح وِچ ایمان نہ لیہیائے ہوئے تبدیل ہوئے لوکاں دی بہوتی وڈی تعداد توں لبریز نے ایہ اے کہ کیوں جے اَسی لوکاں نے ’’نجات‘‘ دلان دے لئی ’’فیصلہ سازیت‘‘ دے مختلف طریقیاں نوں اِختیار کر لیہیا اے۔ ایہناں طریقیاں وِچوں سب توں بوہتا مہلک طریقہ اے ’’مسیح نوں اپنے دِل وِچ آن دے لئی کہنا۔‘‘اُو بندہ جیہڑا مسیح نوں اپنے دِل وِچ آن دے لئی کہندا اے تے اُوس دعا تے انحصار کردا اے، بنا کسی سوال دے اپنی موت دے ویلے جہنم چہ جائے گا۔ کوئی اِک بندہ وی جیہڑا اُوس دعا تے اِنحصار کردا ہووے گا جنت وِچ نئیں ہووے گا۔ کی ایہ شدید سخت گل اے؟ میرا خیال اے نئیں اے۔ ایہ غالباً انتہائی شدید سخت گل ہے ای نئیں! اِک بندہ جیہڑا ’’یسوع نوں اپنے دِل وِچ آن‘‘ تے انحصار کردا اے جہنم وِچ جائے گا! کیوں؟ پاک صحائف دے مطابق مسیح چہ ایمان لیہیا کے تبدیل ہون دا ایہ طریقہ نئیں ہوندا اے۔

بائبل کِدرے وی تہانوں ’’یسوع نوں اپنے دِل وِچ آن دا پوچھن‘‘ دے لئی نئیں دسدی۔ ایہدے باوجود اَج دے دور وِچ نجات دا ایہ جھوٹا طریقہ شدید طور تے جان مانا اے۔ گذشتہ اِتوار دی شام نوں میں ساڈی مذہبی جماعت نوں پُچھیا، اُوہناں وِچوں کیہنے لوکاں نے ایس بارے چہ سُن رکھیا سی۔ تقریباً ہر اِک نے ہتھ کھڑا کیتا – جِنہاں وِچوں پہلی وری آئے ہوئے لوکاں دے ہتھ وی شامل سن، اُوہناں وِچوں کُجھ نے تے پہلاں کدی وی مسیحی گرجا گھر چہ شمولیت نئیں کیتی سی! ایہ ایس قدر چنگے طریقے نال جانا جاندا اے تے مشہور اے کہ بہتیرے لوکی سوچدے نے ایہنے کدرے نہ کدرے بائبل وِچ ہونا چائیدا اے! لیکن ایہ نئیں اے۔ کدی کدی افسیوں 3: 17 وِچوں مدد طلب کیتی جاندی اے۔ ایہ اُو آیت اے جیہڑی ’’اِفسُس وِچ موجود مقدساں‘‘ دے لئی پیش کیتی گئی سی (افسیوں 1: 1)، نہ کہ غیرنجات یافتہ لوکاں دے لئی – ایس لئی ’’یسوع نوں اپنے دِل وِچ آن دا پوچھن‘‘ دے نال ایہدا کوئی تعلق نئیں اے! یوحنا 14: 23 آیت توں وی کدی کدی مدد طلب کیتی جاندی اے، لیکن (افسیوں 3: 17 وانگوں) ایہ آیت پاک روح وَل حوالہ دیہندی اے نہ کہ انسان مسیح یسوع وَل۔ ایہ ’’خدا دے روح‘‘ دا حوالہ دیہندی اے، ایتھوں تیکر کہ ’’مسیح دے روح‘‘ (رومیوں 8: 9) حوالہ دیہندی اے – انسان مسیح یسوع دے لئی نئیں، جیس دے بارے وِچ سانوں نئے عہدنامے چہ پندرہ آیتاں وِچ دسیا گیا سی، ’’اُتے آسمان وِچ اُٹھا لیہیا گیا سی تے خدا دے سجّے ہتھ تے بیٹھا اے (مرقس 16: 19)، ’’جیتھے مسیح خدا دے سَجّے ہتھ تے بیٹھا اے‘‘ (کُلسیوں 3: 1)۔ پندرہ وری نیا عہدنامہ سانوں دسدا اے کہ جی اُٹھیا مسیح اُوتے آسمان وِچ اے، خدا باپ دے سَجے ہتھ تے۔ انسان مسیح یسوع گنہگار دے دِل وِچ نئیں آندا اے جدوں اُو، اُو آلی دعا مانگدا اے۔ اُو خدا دے سَجّے ہتھ تے آسمان وِچ ای رہندا اے!

I۔ پہلی گل، مکاشفہ 3: 20 ’’دِل‘‘ دے بارے وِچ کُجھ نئیں کہندی اے۔

’’یسوع توں پُچھن دے ذریعے توں نجات پان‘‘ دے لئی مبلغاں وَلوں استعمال کیتی جان آلی اہم آیت مکاشفہ 3: 20 آیت اے۔ مہربانی نال اپنی بائبل کھولو تے ایہنوں اُوچی واج نال پڑھو۔

’’ویکھ، میں دروازے تے کِھلوتا آں تے کھٹکھٹا رہیا آں۔ جے کوئی میری واج سُن کے کھول دے گا تے میں اندر داخل ہو کے اُوہدے نال کھانا کھاواں گا تے اُو میرے نال‘‘ (مکاشفہ 3: 20)۔

جیویں کہ میں پچھلے اِتوار کہیا، اُو لفظ ’’دِل‘‘ ایس آیت وِچ کدی وی ظاہر نئیں ہویا۔ ایہ آیت تہاڈے ضمیر دے دروازے تے ’’مسیح دے روح‘‘ دے کھٹکھٹان دے بارے چہ گل کردی اے۔ اُو اہم طریقہ جیس نال اُو کھٹکھٹاندا اے اُو انجیل تے شریعت دی تبلیغ نوں سُنن دے ذریعے نال اے۔ ایہ ساڈے گرجا گھر وِچ اِک نوجوان دی کُجھ عرصہ پہلاں گواہی نال واضح ہوندا اے جیہڑا اُمید دے نال مسیح چہ ایمان لیہیا کے تبدیل ہویا سی۔ اُوہنے کہیا،

جیویں ای عبادت شروع ہوئی تے ڈاکٹر ہائیمرز نے تبلیغ دا آغاز کیتا تے میں خدا دے خلاف جدوجہد کرن دا اِرادہ کر لیہیا، لیکن جیویں جیویں واعظ سُنندا چلا گیا تے میہنوں میرے گناہ میرے تے وزن پاندے ہوئے محسوس ہوئے۔ ہر لنگہدے ہوئے منٹ دے نال میرے گناہواں دا درد تے بوجھ ناقابلِ برداشت حد تیکر ودھدا چلا گیا … میں ہمیشہ توں جانندا سی کہ میں اِک گنہگار سی، تے میری انتہائی فطرت حدا توں نفرت کردی سی، ایس بارے وِچ کوئی سوال ای پیدا نئیں ہوندا سی، لیکن [اُوس] ویلے چہ ایس توں فرار نئیں ہو سکیا … میں خود نوں ای برداشت نئیں کر پایا۔ جیہڑا کُجھ وی میں سی، جیہڑا کُجھ میں بن چکیا سی، ایس قدر ہولناک لگدا سی کہ میں محسوس کیتا خدا میہنوں جہنم وِچ پیہجھن دے لئی بُلاشبہ راستباز سی … اچانک میہنوں پچھلے واعظ دے الفاظ یاد آ گئے … اُو الفاظ، ’’مسیح دے اَگے گوڈے ٹیک دو! مسیح دے اَگے گوڈے ٹیک دو!‘‘میرے ذہن چہ گونجدے رئے۔ میری مرضی، تاہم ہلے وی اٹل سی؛ میں ہُنے وی مسیح دے خلاف اِرادہ کیتی بیٹھا سی۔ یسوع نے میری خاطر لہو وگایا تے قربان ہو گیا لیکن میں اُوہدی مزاحمت کرنا نئیں چھڈاں گا۔ ایس گل نے میری پہلاں توں وی بوہتی مذمت کیتی۔ میں مذید ہُور اپنے گناہ تے ڈٹیا ہویا نئیں رہ سکدا سی۔ میہنوں مسیح دے سامنے گوڈے ٹیکنے ای سن۔ اِک لمحے وِچ میں خود نوں مسیح دے حوالے کر دِتا تے اُوہدے کول چلا گیا۔ اُوس ای لمحے وِچ میں اپنی ساریاں رکاوٹاں تے شکوک و شبہات نوں چھڈ دِتا، تے سادگی نال یسوع دے کول چلا آیا۔ میں نے اپنے گناہ توں تے خود توں مُنہ موڑ لیہیا … اُوس جی اُٹھے نجات دہندہ دے لئی، ایمان دے وسیلے نال … اُوہدے خلاف مزاحمت کرن توں رُکنا میرا مسئلہ سی۔ اُوہدے کول جان سہوکھا سی … تنہا خدا دے فضل دے وسیلے توں میرے گناہ دی سزایابی تے سزا دے لئی قائل ہو گیا سی، تے اُوس [خدا] دے پُتر دے وسیلے ای نال آسمان وِچ کتاباں وِچوں میرے گناہ مِٹا دِتے گئے سن۔ سارا جلال اُوہدا ہووے! … یسوع وِچ میری اُمید اے … یسوع ای وِچ میری روح تے مہر لگا دِتی گئی اے تے میہنوں پوری سنجیدگی تے مایوسی دے نال اُوہدے ای خاطر حیاتی لنگہانی چائیدی اے۔

ایہو ای اے جیس دے بارے چہ مکاشفہ 3: 20 آیت گل کر رئی اے! ’’مسیح دا روح‘‘ ضمیر دے دروازے تے کھٹکھٹاندا تے کھٹکھٹاندا اے جدوں تیکر کہ اُو بشر خود نوں مسیح دے حوالے نہ کر دے۔ اُودھوں فیر ’’مسیح دے روح‘‘ نوں قبول کرنا تے مسیح یسوع انسان وَل کھیچے جانا کافی سہوکھا وکھائی دیہندا اے۔ روح القدس نوں اِک کھوئے ہوئے گنہگار نوں نجات دہندہ وَل کھیچ کے لے جان توں پہلاں اُوہدی مرضی نوں نرم کرنا تے توڑ دیہنا چائیدا اے۔

II۔ دوجی گل، 1: 12 ویں آیت ’’دِل‘‘ دے بارے چہ کُجھ وی نئیں کہندی اے۔

دوجی آیت جیس دا استعمال غلط کیتا گیا یوحنا 1: 12 آیت اے۔ مہربانی نال اپنی بائبل اُودھروں کھولو تے ایہنوں اُوچی واج نال پڑھو،

’’لیکن جِنہیاں نے ایہنوں قبول کیتا خدا نے اُوہناں نوں ایہ حق بخشیا کہ اُو خدا دے پُتر بنن یعنی اُوہناں نوں جیہڑے اُوہدے تے ایمان لیہیائے‘‘ (یوحنا 1: 12)۔

جیس لفظ نے ’’قبول کیتا‘‘ دا ترجمہ کیتا اُو لفظ کُلیدی اے۔ مبلغین جیہڑے کہندے نے ’’دعا دے وسیلے توں نجات‘‘ ’’قبول کی جاندی‘‘ اے ایہدا مطلب ہوندا اے انسان مسیح یسوع نوں بندے دے دِل وِچ آن دے لئی پُچھنا۔ لیکن یونانی لفظ دا جیہڑا مطلب ہوندا اے اُو ایہ تے سرے توں ای نئیں ہوندا اے! یونانی لفظ دا مطلب ہوندا اے ’’پھڑنا‘‘ (سٹرانگ # 2983)۔ بندے دے خود وِچ اُوس [یسوع] نوں قبول کرن دا ایہ تصور گنوسٹک نئیں اے۔ ایہدا مطلب اے مسیح نوں ’’لے لینا‘‘ یا ’’پھڑنا۔ ایہ کسی دے دِل وِچ مسیح یسوع نوں قبول کرن دا حوالہ نئیں دے سکدا، کیوں جے یوحنا اُوس ویلے دے رہن آلے لوکاں دے بارے وِچ لکھ رہیا سی، اُوس ای ویلے مسیح زمین تے موجود سی۔ مسیح دے زمانے وِچ رہن آلے لوکاں دے بارے چہ ایہ گل سوچنا مضحکہ خیز ہووے گا کہ اُو لوکی اُوہنوں اپنے دِلاں وِچ قبول کر رئے نے! فیر فیر، ایہدا یہ مطلب، اَج وی نئیں ہو سکدا۔ مسیح نوں قبول کرن دا مطلب اے ’’مسیح وِچ ’’ڈٹے رہنا‘‘۔ جدوں اَسی نئے سرے توں پیدا ہونے آں تے اَسی مسیح وِچ ’’ڈٹے رہنے‘‘ آں، جیویں کہ تیرہویں آیت سانوں دسدی اے۔ ایہنوں اُوچی واج نال پڑھو۔

’’اُو نہ تے لہو نال نہ جسمانی خواہش نال تے نہ اِنسان دے اپنے اِرادہ نال بلکہ خدا توں پیدا ہوئے‘‘ (یوحنا 1: 13)

ولیم میکڈونلڈ ایہدی سادہ طریقے نال وضاحت کردے نے:

ایہ آیت سانوں اُو تین طریقے دسدی اے جِنہاں نال نیا جنم نئیں ہویا ہوندا، تے اُو اِک طریقہ جسی نال ہویا ہوندا اے، پہلا، اُو تین طریقے جِنہاں نال اَسی نیا جنم نئیں لیہیا ہوندا اے۔ لہو نال نئیں۔ ایہدا مطلب ہوندا اے کہ اِک بندہ مسیحی ماں پیو ہون دی وجہ توں اِک مسیحی نئیں بنندا اے۔ نجات ماں پیو توں بچیاں وِچ لہو دے ذریعے منتقل نئیں ہوندی اے۔ نہ جسمانی خواہش نال۔ دوجے لفظاں وِچ، اِک بندے دے خود اپنے جسم وِچ ایہنی قوت نئیں ہوندی اے کہ نئے جنم نوں پیدا کر سکے … نہ ای انسان دے اپنے اِرادے نال۔ کوئی شخص کسی بندے نوں نجات نئیں دِلا سکدا۔ مثال دے طور تے، اِک مبلغ، شاید اِک مخصوص شخص نوں نئے سرے توں جنم لیہندا ہویا ویکھن دے لئی شدید بے قرار ہووے، لیکن اُوہدے وِچ ایہنی قوت نئیں ہوندی اے کہ [اُوہنوں] پیدا کر سکے۔ کیویں، فیر، ایہ [نیا] جنم وقوع پزیر ہوندا اے؟ ایہدا جواب ماسوائے خدا دے الفاظ دے کِدرے نئیں لبھدا۔ ایہدا سادہ جیہا مطلب ہوندا اے کہ نئے جنم نوں پیدا کرن دی قوت کسی چیز یا کسی بندے وِچ قائم نئیں ہوندی اے ماسوائے خدا دے (ولیم میکڈونلڈ William MacDonald، ایماندار دا بائبل تے تبصرہ Believer’s Bible Commentary، تھامس نیلسن پبلیشرز، 1995 اشاعت، صفحات 1467۔1468، یوحنا 1: 13 تے غور طلب گل)۔

اُو نظریہ، جیہڑا کہ بائبلی نظریہ اے، مونرگیزم اے – خدا نءے جنم تے مسیح وِچ ایمان لیہیان دی تبدیلی دا مصنف اے، نہ کہ انسان۔ چونکہ خدا، نہ کہ انسان، نیا جنم پیدا کردا اے، ایس لئی انسان یقینی طور تے مسیح دے لئی اپنے دِل وِچ داخل ہون دے لئی دعا کرن دے عمل توں خود نوں نجات نئیں دِلا سکدا! یا کسی ہُور دعا نال! تاریخ دے عظیم مسیحیاں وِچوں کسی نے وی یسوع نوں اُوہناں دے دِلاں وِچ داخل ہون دے لئی نئیں کہیا سی – نہ لوتھر نے، نہ بعنیئن نے نہ وائٹ فیلڈ نے، نہ ویزلی نے، نہ سپرجئین نے۔ درحقیقت، مسیح وِچ ایمان لیہیا کے تبدیل ہون آلے ایہناں مشہور لوکاں وِچوں کسی اِک نے وی سرے توں کوئی دعا نئیں منگی سی جدوں اُو مسیح چہ ایمان لیہیا کے تبدیل ہوئے سن! اُو سارے دے سارے تنہا مسیح وِچ ایمان دے وسیلے توں تبدیل ہوئے سن – بغیر کسی دعا دے!

سپرجیئن نے اک مذہبی خادم دے بارے چہ دسیا جنہے لوکاں دے اک گروہ نوں پُچھیا کہ اِک بندے نوں کیویں نجات دلائی جا سکدی اے،

اِک بوڑھے شخص نے جواب دِتا، ’’اَسی نجات پا جاواں گے جے اَسی توبہ کریے، تے اپنے گناہواں نوں کرنا چھڈ دیے، تے خدا وَل رجوع کریے۔‘‘ ’’جی ہاں،‘‘ اِک اوسط عمر دی [خاتون] نے کہیا، ’’تے سچے دِل دے نال وی۔‘‘ ’’اے،‘‘ اِک تیجے بندے نے [کہیا]، ’’تے دعا دے نال‘‘؛ تے، اِک چوتھے نے اِضافہ کیتا، ’’اُوہنوں دِل نال دعا ضرور منگنی چائیدی اے‘‘ … ایویں، ہر اِک نے اپنا اپنا ماڑا جیہا حصہ پایا … ایہناں ساریاں لوکاں نے مبلغ دی [منظوری] دے لئی ویکھیا تے سُنیا؛ لیکن اُوہناں نے اُوہدے شدید تر ترس نوں بڑھاوا دِتا: اُوہنوں شروع توں شروع کرنا پیہیا، تے اُوہناں نوں مسیح دی منادی کرنی پیہئی۔ [غیرتبدیل شُدہ] ذہن ہمیشہ اپنے لئی اِک ایہو جیہا طریقہ اِختیار کردا اے جیس وِچ اُو خود کام کر سکدا اے تے عظیم بن سکدا اے؛ لیکن خدا دا طریقہ بالکل متضاد ہوندا اے (سی ایچ سپرجئین C. H. Spurgeon، تنگ کھڑکی دے پار توں Around the Wicket Gate، پِلگِرم پبلیشرز، دوبارہ اشاعت 1992، صفحہ 25)۔

یسوع نے تہانوں بچان دے لئی درکار سارے کام کیتے نے۔ اُو تہاڈی تھاں تے سولی تے قربان ہو گیا، تہاڈے گناہواں دی ادائیگی دے لئی۔ اُوہنے اپنا قیمتی لہو تہاڈے گناہ نوں خدا دے ریکارڈ دی کتاباں توں دھون دے لئی وگایا۔ اُو تہانوں زندہ کرن دے لئی مُردیاں وِچوں جی اُٹھیا۔ ہُن اُو تہانوں کہندا اے،

میرے کول آؤ‘‘ (متی 11: 28)۔

’’آؤ، کیوں جے ہُن ساریاں شیواں تیار نے‘‘ (لوقا 14: 17)۔

جیویں کہ اُوس نوجوان شخص نے اُوس گواہی وِچ کہیا جیہڑی میں پہلاں پڑھی سی، [مسیح] دی مزاحمت نوں روکنا میرا مسئلہ سی۔ اُوہدے کول آنا سہوکھا سی۔‘‘ ’’مسیح دے اَگے گھٹنے ٹیک دیو! مسیح دے اَگے گھٹنے ٹیک دیو!‘‘ دے الفاظ میرے ذہن وِچ گونجدے رئے۔ تاہم میری مرضی ہُنے وی اٹل سی؛ میں ہُنے وی مسیح دے خالف پُرعزم سی۔ یسوع نے مرے لئی لہو وگایا تے قربان ہو گیا سی لیکن میں اُوہدے خلاف مزاحمت نئیں چھڈاں گا۔ اُوہنے میہنوں پہلاں توں زیادہ مجرم ٹھہرایا۔ میں اپنے گناہ نوں مذید برداشت نئیں کر سکدا سی … اِک لمحے وِچ میں مسیح دے سامنے گھٹنے ٹیک دِتے تے اُوہدے کول چلا آیا۔ دعا تے اِنحصار کرنا چھڈ دیو! خود یسوع مسیح تے انحصار کرو۔ دعا تہانوں نئیں بچا سکدی! صرف مسیح ای تہانوں بچا سکدا اے!

مسیح دے اَگے گھٹنے ٹیک دیو! خود نوں مسیح دے حوالے کر دیو! مسیح دے سامنے شکست تسلیم کر لو! مسیح وِچ آ جاؤ! اُوہدے کول آؤ۔ اُوہدے سامنے جُھکو۔ صرف اُو ای تنہا تہانوں نجات دلا سکتا اے۔ اُوہنوں کُجھ وی کرن لئی نہ کہوو۔ ’’جے تُسی ’’پُوچھو‘‘ گے تے تُسی یقینی طور تے دعا وِچ برقرار اُو! اُو تہاڈے لئی بددعا ہووے گی! تہانوں مسیح وِچ قائم رہنا چائیدا اے – نہ کہ دعا وِچ! نئیں! نئیں! بغیر پُوچھے اُوس یسوع دے اَگے گھٹنے ٹیک دیو! اُوہدے کول دعا مانگے بغیر آؤ!

’’آؤ، اے سارے پیاسے لوکو، پانی دے کول آؤ، تے تُسی جِنہا دے کول پیسے نئیں، آؤ، خریدو تے کھاؤ، تُسی آؤ … بِنا نقدی تے بِنا قیمت‘‘ (اشعیا 55: 1)۔

ہائے، رحم دا کیہو جیہا چشمہ وَگ رہیا اے،
   مصلوب کیتے گئے لوکاں دے نجات دہندہ وَلّوں۔
ساڈے گناہواں نوں بخشن دے لئی اُوہنے جیہڑا لہو وگایا قیمتی سی،
   ساڈے تمام گناہواں لئی فضل تے معافی۔
(’’اوہ، کیہو جیہا اِک چشمہ!Oh, What a Fountain!‘‘ شاعر ڈٓاکٹر جان آر۔ رائس،1895 - 1980)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔