کی تُسی آن توں ڈردے اُو؟

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع کہندا اے، ’’میرے کول آؤ۔‘‘ اُوہدے کول آنا ایہ انتہائی سادہ جئی گل اے۔ ایہدے باوجود تُہاڈے وِچوں کُجھ لوکاں نوں خدا دے پُتر دے کول آن نال خوف آندا اے۔

میں اِک وری اِک ایہو جئے بندے دے بارے چہ پڑھیا جیہڑا اِک اپارٹمنٹ وِچ رہندا سی۔ اِک راتی جدوں اُو سو رہیا سی تے اُوتھے اَگ لگ گئی۔ جدوں اُوہدی اَکھ کُھلی تے پوری عمارت شعلیاں دی لپیٹ وِچ آ چکی سی۔ اُوہنے کمرے توں باہر نکلن دی کوشش کیتی لیکن راہداری پہلاں توں ای اَگ تے دھوئیں نال بھر چکی سی۔ اُو نٹھ کے باری تیکر گیا۔ اُوہنے ہیٹاں ویکھیا۔ پنج منزل ہیٹاں اَگ بُجھان آلی گڈی موجود سی۔ اَگ بُجھان آلے عملے دے لوکاں نے اِک جال وِچھا رکھیا سی۔ اُوہناں وِچوں اِک بندے نے اُوہنوں پکاریا: ’’ہیٹاں چھال مار دے!‘‘ لیکن اُوہنوں چھال مارن توں ڈر لگ رہیا سی۔ اُو جال بہوتا چھوٹا وکھائی دے رہیا سی، بس اِک معمولی جیہا جال جِنہوں فائر فائیٹراں نے کناریاں توں پھڑ رکھیا سی۔ اُو بہوتا چھوٹا سی، تے اُو آپئے بہوتی اوچائی تے سی، پنج منزل اُوتے۔ اُو مسلسل سوچدا رہیا تے فیصلہ کرن دی کوشش کردا رہیا کہ آیا چھال مارے یا نئیں۔ آخر کار فائر چیف نے پکاریا، ’’چھیتی کر، چھال لا دے!عمارت ڈِگن آلی اے! چھال لا دے!‘‘ ایہدے باوجود اُو بندہ ہچکچاندا رہیا، اُوہنوں اُوچائی توں خوف سی، خطرے دا ڈر سی، تے اُوہنوں خدشہ سی کہ شاید جال اُوہنوں سنبھال نہ پائے۔ فائر چیف نے فیر واج ماری، ’’چھیتی کر! چھال لا دے!‘‘ بے چینی، شک تے خوف و ہراس وِچ مبتلا ہو کے اُو بندہ باری توں ہٹیا تے واپس شعلیاں وَل نٹھ گیا۔ عین اُوس ای لمحے اُوہدے پیراں ہیٹاں توں فرش سِرک گیا۔ اُو پنج منزل ہیٹاں، اَگ دے دہکدے ہوئے آلاؤ وِچ جا ڈِگیا۔ بعد وِچ، جدوں راکھ دی چھان بین کیتی گئی تے اُوہدی لاش نہ لبھ سکی۔ اُو شعلیاں دی نذر ہو کے راکھ ہو چکیا سی۔

کی میں تہاڈا موازنہ اُوس بندے نال کر سکنا آں؟ کی میں کہہ سکنا آں کہ تُسی بالکل اُوہدے وگرے اُو؟ یسوع کہندا اے، ’’میرے کول آؤ … تے میں تہانوں آرام بخشاں گا۔‘‘ لیکن تُسی اُوہدے کول آن توں ڈردے اُو۔ تُسی اُوہدے تے پروہسا کرن توں گھبراندے اُو۔ تُسی تشویش تے شک وِچ مبتلا اُو۔ جیویں کہ یسوع نے کہیا،

’’فیر وی تُسی حیاتی پان دے لئی میرے کول آن توں انکار کردے اُو‘‘ (یوحنا 5: 40)۔

ہائے! میں تہانوں اِلتجا کرنا آں، اُوہدے کول آؤ! میں تہانوں درخواست کرنا آں، اُوہدے کول آؤ! میں تہانوں ترغیب دیہنا آں، اُوہدے کول آؤ! مگر تُسی پِچھے ہٹ جاندے اُو۔ تُسی ہچکچاندے اُو۔ لیکن تُسی خدا دے پُتر دے کول آن توں ڈردے اُو! نجات دہندہ دے کول آن توں تہاڈے کول ڈرن دی کئی وجوہات ہو سکدیاں نے۔

I۔ پہلی گل، تُسی یسوع دے کول آن توں ڈردے اُو کیوں جے تہاڈی انتہائی فطرت اُوہنوں ٹھکرا دیہندی اے۔

’’لوکاں نے اُوہنوں حقیر جانیا تے ٹھکرا دِتا؛ اُو اِک غمگین انسان سی جیہڑا رنج توں آشنا سی تے اُوس بندے وانگوں سے جِنہوں ویکھ کے لوکی رُخ موڑ لیہندے نے۔ اُو حقیر سمجھیا گیا تے اَسی اُوہدی کُجھ قدر نہ جانی‘‘ (اشعیا 53: 3)۔

جی ہاں، تہاڈی گناہ وِچ ڈِگی ہوئی برگشتہ فطرت ای نجات دہندہ نال نفرت کردی اے تے اُوہنوں رد کردی داے، کیوں جے نبی یسوع نوں ’’لوکاں نے اُوہنوں حقیر جانیا تے رد کیتا‘‘ (اِشعیا 49: 7) کہہ کے پکاردا اے۔ اُو ’’لوکاں دا حقیر جانیا ہویا تے رد کیتا ہویا‘‘ اے – یعنی عام انسانیت دا۔ اُو ’’اُو اے جِنہوں انسان حقیر جانندے نے‘‘۔ تے چونکہ تُسی آدم دی گناہ وِچ ڈِگی ہوئی نسل دا حصہ اُو، ایس لئی تُسی وی اُوہدے نال نفرت کردے اُو تے اُوہنوں ٹھکراندے اُو۔ آدم باغ وِچ اُوہدے توں لُک گیا سی۔ آدم نے کہیا، ’’میں ڈر گیا‘‘ (پیدائش 3: 10)۔ سانوں ایس گل تے حیران نئیں ہونا چائیدا اے کہ آدم دی اولاد وی یسوع دے کول آن توں ڈردی اے۔ اُوہدے کول آن دے حوالے توں تہاڈا خوف بظاہر اِک مخلصانہ شک معلوم ہو سکدا اے، مگر درحقیقت ایہ اِک متکبر تے باغی دِل توں جنم لیہندا اے۔ سپرجیئن نے کہیا، ’’جے تُسی [یسوع تے] ایمان نہ لیہیان نال ڈردے تے ایس خوف وِچ کوئی معقولیت ہوندی؛ لیکن [یسوع تے] پروہسا کرن توں ڈرنا زیادہ توں زیادہ اِک حماقت اے، تے [درحقیقت] ایہ خداوند نوں اُوہدی وفاداری تے سچائی دے مطابق لبھہن آلے اعزاا توں محروم رکھن دا اِک دھوکہ آمیز طریقہ اے‘‘ (سی ایچ سپرجیئن، تنگ دروازے توں گھوم کے Around the Wicket Gate، پلگرم پبلیکیشنز، 1992 دوبارہ اشاعت، صفحہ 48)۔ یسوع کہندا اے،

’’میرے کول آؤ … میں تہانوں آرام بخشاں گا۔‘‘

”فیر وی تُسی حیاتی پان دے لئی [اُوہدے] کول آن توں انکار کردے اُو‘‘ (یوحنا 5: 40)۔

II۔ دوجی گل، تہاڈے وِچوں کُجھ لوکی یسوع دے کول آن توں خوفزدہ ہوندے نے کیوں جے تُسی غلطی کرن توں ڈردے اُو۔

ایہ کیہو جیہا احمقانہ خوف اے! بوڑھے پیوریٹن تھامس ہُکر Thomas Hooker دا ایہ مشہور قول اے کہ ہر اُو بندہ جیہڑا کوشش جاری رکھدا اے، مسیح وِچ داخل ہو جائے گا (لوقا 13: 24 الف)۔ مگر اُوہدے برعکس ایہ گل وی سچ اے کہ جیہڑا بندہ مسیح وِچ داخل ہون دی کوشش ترک کر دیہندا اے، اُو ’’داخل نہ ہو سکے گا‘‘ (لوقا 13: 24 ب)۔ میری والدہ کہیا کردی سن، ’’جے پہلی کامیابی نہ لبھہے تو کوشش کرو، بار بار کوشش کرو۔‘‘ جے تہاڈے کولوں پہلاں کوئی غلطی ہوئی سی، تے اُو غلطی دوبارہ نہ دہراؤ۔ اپنی غلطیاں توں سِکھو۔ اگرچہ تُسی اُوہدے کول آن دی سو وری کوشش کیتی تے ناکام رئے، تے تُسی کیویں جانندے اُو کہ شاید اِک سو اِک وری آلی کوشش وِچ تُسی ’’تنگ بوہے توں داخل‘‘ ہو جاؤ؟ (لوقا 13: 24)۔

کی تہاڈے خیال وِچ ایہ کوئی خوفناک گل ہووے گی جے تہانوں یسوع دے کول آنا ہووے تے فیر وی تُسی ہلاک ہو جاؤ؟ جی ہاں، اینج ای ہووے گا۔ لیکن چونکہ تہانوں بہرحال ہلاک ہونا ای اے، ایس لئی سپرجیئن نے کہیا، ’’ایس وِچ خطرہ بوہتی زیادہ نئیں اے‘‘ تنگ بوہے توں گھوم کے Around the Wicket Gate، صفحہ 50)۔

جے میں جاواں تے زیادہ توں زیادہ ہلاک ای ہوواں گا؛
میں کوشش کرن دی ٹھان لئی اے؛
کیوں جے اگر میں دور رہیا، تے میں جاننا آں
کہ میہنوں ابدی موت دا سامنا کرنا پہیئے گا۔

اُو بندہ چھال مارن توں ڈردا سی۔ ’’کی ہووے گا جے میں جال وِچ نہ ڈِگ پایا؟ کی ہووے گا جے اُو میہنوں سنبھال نہ سکے؟‘‘ تے ایویں اُو شعلیاں دی نذر ہو گیا۔ یسوع کہندا اے،

’’میرے کول آؤ … میں تہانوں آرام بخشاں گا۔‘‘

”فیر وی تُسی حیاتی پان دے لئی [اُوہدے] کول آن توں انکار کردے اُو‘‘ (یوحنا 5: 40)۔

III۔ تیجی گل، تہاڈے وِچوں شاید کُجھ لوکی ایس لئی خوفزدہ ہوندے نے کہ جے تُسی یسوع دے کول آندے اُو تے اُو تہانوں ٹھکرا دے گا۔

اینج ہرگز نئیں ہو سکدا! ایتھوں تیکر کہ بزرگ فریسی وی ایس گل نوں سمجھدے سن! اُوہناں نے کہیا سی: ’’ایہ بندہ گنہگاراں نوں قبول کردا اے‘‘ (لوقا 15: 2)۔ درحقیقت، یسوع دی زمین تے آن دی بنیادی وجہ ای گنہگاراں نوں بچانا سی۔ پولوس رسول نے کہیا، ’’مسیح یسوع گنہگاراں نوں بچان دے لئی دُنیا وِچ آیا‘‘ (I تیمتھیس 1: 15)۔

ذرا سوچو کہ تہانوں تہاڈے گناہواں دی سزا توں چُھڑان دے لئی یسوع نوں کیہڑے حالات وِچوں لنگہنا پیہیا!

’’ایس لئی کہ مسیح نے وی یعنی راستباز نے ناراستاں دے گناہواں دے بدلے وِچ اِک ای وری دُکھ اُٹھایا تاکہ اُو تہانوں خدا تیکر پہنچائے‘‘ (I پطرس 3: 18)۔

اُوہنوں گتسمنی دے باغ وِچ ویکھو، جیہڑا تاریکی وِچ دعا کر رہیا اے تے اُوہدے پسینے دے قطرے گویا لہو دی وڈیاں وڈیاں بونداں وانگوں نے۔

اُوتھے میرے خدا نے میری ساری خطاواں برداشت کیتیاں؛
ایہ فضل دے ذریعے نال یقین کیتا جا سکدا اے؛
لیکن جیہڑیاں دھشت ناکیاں اُوہنے محسوس کیتیاں
ایس قدر شدید نے کہ اُوہناں دا تصور کرنا وی محال اے۔
کوئی وی تیرے وانگوں برداشت نئیں کر سکدا،
غمگین، تاریک گتسمنی!
کوئی وی تیرے وانگوں برداشت نئیں کر سکدا،
غمگین، تاریک گتسمنی!

اِک مقدس خدا دے خلاف گناہ؛
اُوہدے راست قوانین دے خلاف گناہ؛
اُوہدی محبت، اُوہدے لہو دے خلاف گناہ؛
اُوہدے ناں تے وجہ دے خلاف گناہ؛
سمندر وانگوں گناہ وی بے پناہ –
میہنوں لُکہا لے، اے گتسمنی!
سمندر وانگوں گناہ وی بے پناہ –
میہنوں لُکہا لے، اے گتسمنی!
(’’گتسمنی Gethsemane‘‘ شاعر جوزف ہارٹ Joseph Hart، 1712۔1768؛ ہارٹ دے حمدوثنا ’’آؤ، اے گنہگارو Come, Ye Sinners‘‘ دی دُھن تے)۔

اُوہدا سر، اُوہدی داڑھی تے اُوہدے کپڑے لہو آلے پسینے نال شرابور سن۔ اُوہدی روح ’’موت دی حد تیکر غمگین‘‘ سی۔ اُوہنے تہاڈے گناہ اپنے سر تے چُک لئے تاکہ تہاڈی تھاں تے خدا دے قہر دا سامنا کر سکے۔

گتسمنی دے باغ وِچ یہوداہ دی غداری دے بعد، سپاہی اُوہنوں پینطُس پیلاطس دے سامنے لے گئے۔ اُوہناں نے اُوہدے تے کفر بکن دا الزام دھریا! اُوتھے اُو کامل انسان، خدا دا پاک فرزندی کِھلوتا سی، جیہدے تے بے دین جھوٹیاں نے کفر دا اِلزام دھریا سی!

اُوہناں نے اُوہدے چہرے تے تھوکیا۔ اُوہناں نے اُوہدی داڑھی دے بال نوچ ڈالے۔ اُوہناں نے اُوہدی پیٹھ تے کوڑے برسائے ایتھوں تیکر کہ ہڈیاں لہو وِچ لت پت ہو کے نمایاں ہو گئیاں۔ اُو اُوہنوں کلوری لے گئے۔ اُوہناں نے اُوہدے ہتھاں تے پیراں نوں سولی تے کیلاں دے نال جڑ دِتا۔ خدا نے وی اپنا مُنہ پھیر لیہیا، تے خدا تے انسان، دوواں وَلوں ٹھکرائے ہوئے – یسوع نے جان دے دِتی۔

’’ویکھو خدا دا برّہ جیہڑا جہان دے گناہ اُٹھا لے جاندا اے‘‘ (یوحنا 1: 29)۔

ہُن، توں، اے خوفزدہ گنہگار، کی توں سمجھدا اے کہ اُوہنے ایہ سارا کُجھ ایویں ای بِلاوجہ کیتا؟ ہرگز نئیں! اُوہنے ’’گناہواں دے لئی اِک ای وری دُکھ چُکیا – یعنی راستباز نے نارستاں دے لئی – تاکہ سانوں خدا تیکر پہنچا سکے‘‘ (I پطرس 3: 18)۔

کی تُسی ایہو جئے نجات دہندہ دے کول نئیں آ سکدے؟ کی تُسی اُوہدے کول آ کے اُوہدے تے پروہسا نئیں کر سکدے جِنہے تہاڈے نال ایہنی محبت کیتی کہ تہاڈی تھاں تے جان دے دِتی؟ کی تُسی ایہ کیہن دے قابل نئیں ہو سکدے،

بغیر اِک اِلتجا دے، میں جیویں دا وی آن،
مگر کہ تیرا لہو میرے لئی وگایا گیا،
تے کہ توں میہنوں اپنے کول بُلان دے لئی بیقرار اے،
اے خدا دے بّرے، میں آیا! میں آیا!
(’’میں جیہو جیہا وی آں Just As I Am‘‘ شاعرہ شارلٹ ایلیٹ Charlotte Elliott، 1789۔1871)۔

اپنی ذات تے نظر پانا چھڈ دیو۔ اپنی ذات دی نفی کرو تے یسوع نوں سربُلند کرو! صرف یسوع تے نظر رکھو۔ اُو دُکھ چکدا اے۔ اُو لہو وگاندا اے۔ اُو مردا اے۔ اُو دفن کیتا جاندا اے۔ اُو مُردیاں وِچوں جی اُٹھدا اے۔ اُو جلال وِچ آسمان تے اُٹھا لیہیا جاندا اے۔ او بُلندی تے تہاڈے لئی دعا کردا اے۔ اُوہدے کول آؤ تے تُسی نجات پا جاؤ گے۔ دوجے سارے پروہسیاں نوں ٹھکرا دیو تے یسوع دے کول آؤ، فیر تُسی موت توں حیاتی وَل منتقل ہو جاؤ گے! سپرجیئن نے کہیا سی، ’’جے اُوہدے تے پروہسا کردے ہوئے تُسی فنا [ہلاک] ہو جاندے اُو، تے میہنوں وی ہلاک ہونا چائیدا اے۔‘‘ میں بس ایہو ای کیتا۔ میں یسوع دے کول آیا۔ اُوہنے اپنے پاک لہو نال میرے گناہواں نوں دھو ڈالیا۔ جے تُسی اُوہدے کول آندے اُو تے فنا [ہلاک] ہو جاندے اُو، تے میں وی ہلاک ہو جاواں گا۔ یسوع تے جیہڑا خدا دا پُتر اے – اپنے اعتماد نوں ثابت کرن دے لئی میں ہُور کی کہہ سکنا آں؟ اُوہنے کہیا سی،

’’میرے کول آؤ … میں تہانوں آرام بخشاں گا‘‘ (متی 11: 28)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔