Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




ویکھیا نئیں اے – ایس دے باوجود ایمان لہیائے – جی اُٹھے مسیح وِچ!

NOT SEEING – YET BELIEVING – IN THE RISEN CHRIST!
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
6 جون، 2010، خُدا دے دِن دی سویرے
A sermon preached at the Baptist Tabernacle of Los Angeles
Lord's Day Morning, June 6, 2010

’’یسوع نے اُوہنوں کہیا، تھوما، کیوں جے توں مینوں ویکھ کے میرے تے ایمان لہایا، مبارک نے اُو جنہاں نے مینوں ویکھیا وی نئیں فیر وی ایمان لہیائے‘‘ (یوحنا 20:29).


ایس توں پہلاں کہ میں مسیح وِچ تبدیل ہویا میں ایس آیت تے بوہتی سارے واعظ سُن چکیا سی لیکن اُوہناں نے مینوں صرف پریشان کیتا سی۔ واعظ جیہڑے میں سُنے سی ایویں لگ رئے سن کہ مینوں مسیح دے مُردیاں وچوں جی اُٹھن دے بارے وچ اِک توہم پرستی تے یقین کرنا سی، تے اُو کسی طور تے جیویں کہ تھوما نے کیتا سی، اُوس توہم پرستی تے یقین کرن دے مقابلے وچ جی اُٹھے مسیح نوں ویکھن توں بہتر سی۔ مینوں اُو سوچنا یاد اے، ’’مینوں نئیں لگدا کہ میں یسوع نوں ویکھ کے زیادہ بابرکت ہو جانا واں! ایہدے بجائے مینوں اُوہنوں ویکھنا ہووے گا، جیویں تھوما نے کیتا سی! ایہدے بجائے مینوں اُوہدے ہتھاں وچ کِلاں دے نشان تے اُوہدی پسلی وچ زخم نوں ویکھنا ہووے گا۔ میں بالکل وی زیادہ بابرکت محسوس نئیں کرنا واں!‘‘ میرے مسیح وچ غیر تبدیل شُدہ ذہن لئی، مسیح دا جی اُٹھنا انتہائی غیر متوقع لگدا سی، اِک طلسماتی کہانی وانگوں۔ میں چھو کے محسوس کرن آلا کوئی ثبوت چاہناں سی – کُج اینج دا جیہڑا میں خود اپنیاں اکھاں نال ویکھ سکاں! ’’آخرکار،‘‘ میں سوچیا، ’’ماں ہمیشہ کہندی سی، ’ویکھنا یقین کرنا اے۔‘‘‘ جے میں جی اُٹھے مسیح نوں خود اپنیاں اکھاں نال نئیں ویکھیا، تے میں بالکل وی خود نوں ایہدے تے یقین کرن دے قابل نئیں کر سکاں گا!

مینوں غلط مت سمجھنا۔ میں مسیح ہون لئی کوشش کر رہیا سی۔ جے کسی نوعمر نے کدی مسیح بنن لئی کوشش کیتی سی، تے اُو میں سی! میں جیس حد تیکر ممکن ہو سکدا سی ’’مسیحی حیاتی‘‘ جین دی کوشش کیتی سی۔ میں گرجا گھر جا رہیا سی۔ میں بائبل نوں پڑھ تے زبانی یاد کر رہیا سی۔ مینوں خُدا دی حقیقت دا اِک انتہائی الگ تھلگ تجربہ ہویا سی، تے گناہ دی سزایابی دے تحت آیا سی۔ میں اپنے آپ نوں مذہبی کَماں دے ’’حوالے کر دِتا‘‘ سی، تے خوشخبری دی منادی کرن لئی اجازت یافتہ ہو گیا سی۔ حتیٰ کہ میں تے تائیوان یا ہانگ کانگ وچ اِک مشنری بنن دی تیاری لئی بائبل سکول وی گیا سی۔ لیکن، ایس سب نال، مینوں ہُن وی مسیح دے جسمانی طور تے مُردیاں وچوں جی اُٹھن وچ یقین کرن چہ پریشانی سی۔ میں ساڈی تلاوت تے کُج واعظ سُنے سی،

’’یسوع نے اُوہنوں کہیا، تھوما، کیوں جے توں مینوں ویکھ کے میرے تے ایمان لہایا، مبارک نے اُو جنہاں نے مینوں ویکھیا وی نئیں فیر وی ایمان لہیائے‘‘ (یوحنا 20:29).

لیکن میں قائل نئیں ہویا سی۔ مسیح دے بدن دا جسمانی طور تے مُردیاں وچوں جی اُٹھنا ہُن وی میرے لئی غیر حقیقی ای سی۔ میں خواہش کرنا سی کہ میں جی اُٹھے مسیح نوں ’’ویکھ‘‘ سکاں، جیویں تھوما نے کیتا سی۔ میں سوچنا سی کہ مسیح مردیاں وچوں جی اُٹھا سی دا یقین کرن لئی ایہی سی جیدی مینوں مدد لئی لوڑ سی۔ میں جاننا سی کہ میں مذہبی سی لیکن گواچیا ہویا – کہ میں ہُنے تیکر نئے سرے توں جنم نئیں لہیا سی، کیوں جے بائبل وضاحت نال کہندی اے،

’’کہ جے تُو … اپنے دِل نال ایمان لہیائے کہ خدا نے اُوہنوں مُردیاں وچوں زندہ کیتا تے نجات پائے گا‘‘ (رومیوں 10:9).

میں ایہدا اپنے دِل وچ یقین نئیں کیتا سی۔ میرے لئی ایہہ غیر حقیقی سی۔ ایس لئی میں ہُنے تیکر گواچیا ہویا سی۔ میں یسوع نوں خود اپنیاں اکھاں نال ویکھنا چاہندا سی۔ میں سمجھنا سی کہ جے میں یسوع نوں ویکھ پاواں تے ایہہ یقین کرنا آسان ہووے گا کہ اُو مُردیاں وچوں جی اُٹھیا سی۔ لیکن میں کلام پاک نوں ایس قدر چنگی طرح نال نئیں جاننا سی کہ ویکھ پاندا کہ اوتھے اُو وی سی جنہاں نے یسوع نوں اُوہدے مُردیاں وچوں جی اُٹھن دے بعد ویکھیا سی تے ایہدے باوجود شک کیتا سی!

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی گل، اُوہناں وچوں کُج جنہاں نے جی اُٹھے مسیح نوں اُوہدے آسمان تے چُکے جان توں پہلاں ویکھیا سی فیر وی اُوہدے مُردیاں وچوں جی اُٹھن تے شک کیتا

۔

مہربانی نال متی 28:17 کھولو۔ کھلوو تے ایہنوں اُچی واج نال پڑھو۔

’’جدوں اُوہناں نے یسوع نوں ویکھیا تے اُوہنوں سجدہ کیتا لیکن بعض نوں ہلے تیکر شک سی‘‘ (متی 28:17).

تُسی تشریف رکھ سکدے اُو۔ جیمیسن، فوسیٹ تے براؤن The Jamieson, Fausset and Brown دا تبصرہ (عئیرڈمینزEerdmans، فیر اشاعت 1976، جلد سوئم، صفحہ 134؛ متی28:17 تے غور طلب گل) کہندا اے کہ 1۔ کرنتھیوں 15:6 دے اُو ’’پنج سو مسیحی پراہواں نوں اِک ساتھ‘‘ ایتھے اِک گروہ دا حوالہ اے، کہ ایہہ ’’انجیلی بشارت دی تاریخ دے قابل ترین طالب علماں دی ہُن رائے اے۔‘‘ ایہہ تبصرہ کہندا اے کہ ’’اُوہناں وچوں کُج‘‘ (اُو 500) سن جنہاں نے شک کیتا سی۔

’’جدوں اُوہناں نے یسوع نوں ویکھیا تے اُوہنوں سجدہ کیتا لیکن بعض نوں ہلے تیکر شک سی‘‘ (متی 28:17).

ڈاکٹر جے ورنن میکجی Dr. J. Vernon McGee نے کہیا، ’’کُج نے سجدہ کیتا تے کُج نے شک کیتا – ایویں ای اے جیہڑا کوئی تقریباً اُنی سو وریاں توں چلدا آ رہیا اے! تے، میرے بیلی، تُسی اِک گروہ وچ اُو یا دوجے وچ‘‘ (جے۔ ورنن میکجی، ٹی ایچ۔ڈی۔ J. Vernon McGee, Th.D.، بائبل دے ذریعے نال Thru the Bible، تھامس نیلسن اشاعت خانے Thomas Nelson Publishers، 1983، جلد چہارم، صفحہ 154؛ متی28:17 تے غور طلب گل)۔

ٹھیک، تے ایہہ رہیا کلام پاک دے صفحے تے! اُوس بوہتے وڈے ہجوم دے بارے وچ جیہنے مُردیاں وچوں جی اُٹھے مسیح نوں ویکھیا سی، ایہہ کہیا جاندا اے، ’’کُج نے شک کیتا۔‘‘ میں ایس لئی نتیجہ کڈنا واں کہ اُوس دِن اوتھے لوکی سن جنہاں نے اصل چہ یسوع دے جی اُٹھے بدن تے نظر پائی سی تے فیر وی شک کیتا، فیر وی تاریکی وچ سن، ہُنے تیکر پُریقین نئیں سن کہ مسیح جی اُٹھیا سی! ایہہ کوئی اُوہناں وڈا ہجوم وی نئیں سی – صرف پنج سو توں کُج تھوڑے ودھ لوکی سن۔ اُو اُوہدے توں ایس قدر دور وی نئیں سن، ایہنے دور وی نئیں جیہنا کہ میں جیتھے کھلوتا واں ایس تھاں توں لے کے اجتماع گاہ دی پچھلی دیوار تیکر۔ اُوہناں نے اُوہدے جی اُٹھے بدن نوں اوہنی نزدیکی توں ویکھیا سی۔ اُوہناں نے اُوہدی واج سُنی سی جدوں اُوہنے ’’عظیم مقصد‘‘ (متی 28:18۔20) دی منادی کیتی سی۔ اُوہناں نے یسوع نوں ویکھیا سی تے اُوہدی واج سُنی سی، تے ایہدے باوجود، ’’کُج نے شک کیتا۔‘‘ ایس لئی، میں نتیجہ کڈنا واں کہ جی اُٹھے مسیح نوں خود اپنیاں اکھاں نال ویکھنا اِک نجات نہ پائے ہوئے بندے نوں قائل کرن لئی کافی نئیں اے،

’’کہ جے تُو… اپنے دل نال ایمان لہیائے کہ خُدا نے اُوہنوں مردیاں وچوں زندہ کیتا تے نجات پائے گا‘‘ (رومیوں 10:9).

1کرنتھیوں15:6 توں ایویں ظاہر ہوندا اے کہ شک کرن آلیاں دا ایہہ نِکہ جیہا گروہ بعد وچ ’’مسیحی پراہ‘‘ بن گیا سی، لیکن ایہدے توں ایہہ ظاہر نئیں ہوندا اے کہ اُوہناں نے نجات پا لئی سی جدوں اُوہناں نے پہلی وری جی اُٹھے مسیح نوں ویکھیا سی، کیوں جے ’’کُج نے شک کیتا سی۔‘‘

II۔ دوجی گل، دس شاگرداں نے یقین نئیں کیتا سی کہ مسیح جی اُٹھیا سی، حالانکہ اُوہنے اُوہناں نوں ہتھاں تے پیراں وچ زخماں دے نشان وی وکھائے سن۔

مہربانی نال لوقا24:40۔41 کھولو۔ میں چاہنا واں کہ تُسی ایہناں دو آیتاں تے غور کرو۔ مہربانی نال کھلوو تے ایہناں نوں اُچی واج نال پڑھو۔

’’تے ایہہ کہن دے بعد اُوہنے اُوہناں نوں اپنے ہتھ تے پیر وکھائے لیکن خوشی تے حیرت دے مارے اُوہناں نوں یقین نئیں آ رہیا سی۔ لہٰذا یسوع نے اُوہناں نوں کہیا: ایتھے تہاڈے کول کُج کھان نوں اے؟‘‘ (لوقا 24:40۔41).

تُسی تشریف رکھ سکدے اُو۔ آیت اِکتالی نوں ویکھو، ’’خوشی تے حیرت دی وجہ توں اُوہناں نوں یقین نئیں آ رہیا سی۔‘‘ ساری بائبل تے میتھیو ھنری دا تبصرہ Mathew Henry’s Commentary on the Whole Bible (ھینڈریکسن اشاعت خانے Hendrickson Publishers، دوبارہ اشاعت 1996، جلد پنجم، صفحہ679؛ لوقا24:41 تے غور طلب گل) کہندا اے، ’’اُوہناں نے سچی منن لئی ایہنوں اِک بوہتی چنگی گل سمجھیا سی… اُو حیرت وِچ سن؛ اُوہناں نے ایہنوں ناصرف بوہتی چنگی طرح نال سمجھیا سی، بلکہ بوہتی عظیم، سچی مَنی جان دے لئی، دوویں پاک صحائف تے خدا دی قوت نوں بُھلاندیاں ہوئیاں… ایس دے باوجود اُوہناں نے یقین نہ کیتا eti apistountōn autōn – اُو ہُنے تیکر بے اعتقادے ای رئے سن۔‘‘ جی ہاں، میرے خیال چہ میتھیو ھنری سچے سن، ’’اُو ہُنے تیکر بے اعتقادے ای رئے سن۔‘‘ دو گلاں دا رونما ہونا سی ایس توں پہلاں کہ اُو باقاعدہ طور تے ’’ایماندار‘‘ کہلائے جاندے۔ پہلی، مسیح نے اُوہناں دا ذہن کھولیا تاں جے اُو کلامِ پاک نوں سمجھ پان‘‘ (لوقا24:45)۔ مسیح نوں اُوہناں دے دِلاں نوں منور کرن دے ذریعے نال اُوہناں دے ’’ذہن نوں کُھولنا‘‘ پہیا سی۔

’’مگر اُوہناں دے عقل تے پردہ پے گیا سی تے اَج وی پرانے عہد دی کتاباں پڑھدے ویلے اُوہناں دے دِلاں تے پردہ پہیا رہندا اے۔ ایہہ پردہ اُوسی ویلے اُٹھدا اے جدوں کوئی مسیح تے ایمان لے آندا اے‘‘ (2۔ کرنتھیوں 3:14).

دوجا، شاگرداں دے نال اُوسی ملاقات وِچ، یوحنا رسول سانوں دسدا اے،

’’تے جدوں اُو ایہہ کہہ چکیا، اُوہنے اُوہناں تے پُھکیا، تے اُوہناں نوں کہیا، تُسی پاک روح پاؤ‘‘ (یوحنا 20:22).

یوحنا20:22 تے تبصرہ کردے ہوئیاں، جے۔ سی۔ رائیلی J. C. Ryle نے کہیا، ’’خود میرا اپنا اعتقاد اے کہ اُو سچی وضاحت پیدائش وِچ انسان دی تخلیق دے واقعے وِچ پائی جا سکدی اے۔ اُوتھے اَسی پڑھنے آں، ’خُداوند خدا نے… اُوہدے نتھنیاں وِچ حیاتی دا دَم پُھکیا، تے آدم ذی روح ہو گیا‘ (پیدائش2:7)‘‘ (جے۔ سی۔ رائیلی، ڈی۔ڈی۔ J. C. Ryle, D. D.، اناجیل تے تفسیراتی خیالات: یوحنا Expository Thoughts on the Gospels: John، دی بینر تے ٹرتھ ٹرسٹ The Banner of Truth Trust، اشاعت 1987، جلد سوئم، صفحہ 444)۔ ڈاکٹر جے۔ ورنن میکجی نے فیر تفصیل نوں دسیا جدوں اُوہناں نے کہیا، ’’میں ذاتی طور تے یقین کرنا واں کہ جیس لمحہ وِچ ساڈے خداوند نے اُوہناں نے پُھکیا، تے کہیا، ’تُسی پاک روح پاؤ،‘ ایہہ فیر توں تخلیق [فیر پیدا] ہو گئے سی۔ ایس توں پہلاں، اُو خدا دی روح دے وسیلے توں لبریز نئیں رئے سن‘‘(جے۔ ورنن میکجی، ٹی ایچ۔ ڈی۔ J. Vernon McGee, Th. D.، بائبل دے ذریعے نال Thru the Bible، تھامس نیلسن پبلشرز Thomas Nelson Publishers، 1983، جلد چہارم، صفحہ 498؛ یوحنا20:22 تے غور طلب گل)۔ ڈاکٹر جان آر۔ رائس Dr. John R. Rice نے کہیا، ’’مُردیاں وِچوں جی اُٹھن دے دِن تے اُو اُوہناں دے جسماں وِچ آیا سی… تے اُوس ویلے توں لیکے… دُنیا وِچ ہر مسیحی، مسیح وِچ ایمان لہیا کے تبدیل ہون توں لیکے، اپنے بدن وِچ پاک روح نوں ہمیشہ لئی اپنائے ہوئے اے‘‘ (جان آر۔ رائس۔، ڈی۔ڈی۔ John R. Rice., D.D.، خُدا کا بیٹا The Son of God، خُداوند دی تلوار پبلشرز Sword of the Lord Publishers، 1976، صفحہ 396)۔

لہٰذا، بیشک یسوع اُنے مُردیاں وِچوں جی اُٹھتے ہڈیاں تے گوشت دے بدن وِچ اُوہناں دے اَگے کھلوتا سی (لوقا24:39)، ’’اُوہناں نوں یقین نئیں آ رہیا سی‘‘ (لوقا24:41)۔ جیویں کہ میتھیو ھنری Mathew Henry اینوں تحریر کردے نے، ’’اُوہناں نے یقین نہ کیتا… اُو ہُنے تیکر بے اعتقادے سن‘‘ (ibid.)۔ ایہہ اُوسی ویلے سی کہ مسیح نے اُوہناں دے ذہناں نوں کھولیا سی (لوقا24:45)، تے کہیا سی ’’تم پاک روح پاؤ‘‘ (یوحنا20:22)۔ تے ڈاکٹر میکجی نے کہیا کہ فیر، ’’ایہہ لوکی فیر توں تخلیق [فیر پیدا] ہونے سن۔‘‘

لیکن تھوما اُوتھے نئیں رہیا سی جدوں دوجے شاگرد فیر توں تخلیق ہوئے سن۔ جدوں اُوہنوں دوجیاں دے ذریعے توں دسیا گیا کہ اُوہناں نے جی اُٹھے مسیح نوں ویکھیا سی، تے تھوما نے کہیا، ’’میں یقین نئیں کراں گا‘‘ (یوحنا20:25)۔ حالانکہ دوجے ہُن ایماندار سن، تھوما ہُنے وی اِک بے اعتقادہ ای سی۔ فیر، اِک ہفتے دے بعد، یسوع سارے شاگرداں دے کول آیا سی، جنہاں وِچ تھوما وی شامل سی۔ تھوما نے اُوہنوں ویکھیا۔ تھوما نے کہیا، ’’میرے خداوند تے میرے خُدا‘‘ (یوحنا20:28)۔ ایہہ اُوسی ویلے سی کہ یسوع نے ساڈی تلاوت دے الفاظ ادا کیتے سن،

’’یسوع نے اُوہناں نوں کہیا، تھوما تے مینوں ویکھ کے میرے تے ایمان لہیا، مبارک نے اُو جنہاں نے مینوں ویکھیا وی نئیں فیر وی ایمان لہیائے‘‘ (یوحنا 20: 29).

500 وِچوں کُج لوکی سن جنہاں نے جی اُٹھے مسیح نوں ویکھیا فیر وی شک کیتا۔ خُود اُوہناں 10 شاگرداں نے وی یقین نئیں کیتا سی،‘‘ ایتھوں تیکر کہ جدوں اُوہناں یسوع نوں ویکھیا۔ ایس لئی، میں نتیجہ کڈنا واں ایتھوں تیکر کہ تھوما دی معاملے وِچ وی، ایہہ محض مسیح نوں زندہ ویکھنا ای نئیں سی جنہے اُوہنوں قائل کیتا سی۔ ایہہ ایہہ اُوہدے دِل وِچ پاک روح دا کم سی۔ پاک روح توں تعلق رکھدے ہوئے، یسوع نے کہیا،

’’اُو میرا جلال ظاہر کرے گا: کیوں جے اُو میری گلاں میری زبانی سُن کے تہاڈے تیکر پہنچائے گا‘‘ (یوحنا 16:14).

ایہہ پاک روح اے جیہڑا مسیح دا جلال ظاہر کردا اے تے ساڈے جانن دا سبب بنندا اے کہ اُو مُردیاں وِچوں جیہ اُٹھیا اے۔

جیس دِن میری دادی فوت ہوئے سن میں پاک روح دی بیداری دے زیر اثر آ گیا سی۔ پاک روح نے مینوں دائمیت دے سعت، دائمی لعنت دی ہولناکی، تے میرے گناہ دی لامحدودیت وکھائی سی۔ ایس دے باوجود، اپنی نجات نوں پان دی کوشش وِچ، میں خُدا نوں خوش کرن لئی کم کردا رہیا تے کردا رہیا۔ میں قائل آں کہ شاگرد پاشکا آن تیکر نئیں بدلے سن کیوں جے خود میرا اپنا تجربہ وی بوہتا زیادہ اُوہناں وگرا ای سی۔ میں ہر ممکن طریقے نال مسیحی ہون دی کوشش کیتی سی۔ میری ساری دی ساری محنت ضائع گئی سی۔ میں اِینا ای ناکام سی جنہا کہ پطرس جدوں اُوہنے مسیح دا انکار کیتا سی تے نٹھ گیا سی۔ میں اِینا ای اَنّا سی جِنہا کہ تھوما جنہے کہیا، ’’میں یقین نئیں کراں گا۔‘‘

جنہا بوہتا میں ایس دے بارے وِچ سوچنا واں اُوہنا ای میں بوہتا قائل ہو جانا واں کہ میں مر گیا ہوندا تے جہنم وِچ ٹُر گیا ہوندا جے پاک روح نے مینوں میرے گناہ دے بارے وِچ قائل نہ کیتا ہوندا تے مسیح دے لئی نہ کِھیچیا ہوندا۔ چھ وریاں توں زیادہ دی جدوجہد تے کوششاں دے بعد – اُوتھے جی اُٹھیا مُنجی سی! میں اُوہنوں اپنی جسمانی اَنکھاں نال نئیں ویکھیا سی، لیکن اُو اُوتھے سی – تے میں فوراً اُوہدے کول ٹُر گیا سی، تے اُوہدے ہمیشہ تیکر قائم رہہن آلے لہو دے وسیلے توں دُھل کے پاک صاف ہو گیا سی! سارا کُج اِک لمحے وِچ ہویا سی! ڈاکٹر ڈبلیو۔ جی۔ ٹی۔ شیڈ Dr. W. G. T. Shedd کامل طور تے میری نجات دے تجربے نوں بیان کردے نے جدوں اُوہناں نے کہیا،

انسان روحانی حیات اِک لمحے وِچ پا لیندا اے، پاویں ایس توں بالکل پہلاں اُوہدا دِناں تے مہینیاں دا سزا یابی پان تے روحانی موت دا احساس رہیا سی۔ ایہہ اِک عام الہٰی طریقہ کار اے (ڈبلیو۔ جی۔ ٹی۔ شیڈ، پی ایچ۔ ڈی۔ W. G. T. Shedd, Ph. D.، عقیداتی علم الہٰیات Dogmatic Theology، پی اور آر پبلشنگ P and R Publishing، اشاعت 2003، صفحہ773)۔

مینوں اُمید اے کہ تُسی اِیناں واعظاں نوں بار بار پڑھو گے – کہ تُسی خدا توں دعا کرو گے کہ تہانوں سزایابی وِچ لہیائے تے تہانوں اپنے دِل دی گہرائیاں دا گناہ وکھائے – کہ تُسی خُدا دی روح توں اپنے گناہ دے بوجھ تھلے بوہتے توں بوہتا دبن لئی دعا کرو – کہ اُو تہانوں بوہتے توں بوہتا وکھائے کہ تُسی دائمی سزا دے حقدار اُو – کہ اُو تہاڈے وِچوں تہاڈی خود اعتمادی نوں نکال باہر کڈے – تے کہ اُو اَخیر کار، تہانوں ’’اِک ای لمحے وِچ‘‘ اِک ای وری دے مصلوب ہوئے تے ہُن جی اُٹھے نجات دہندہ دے لئی کِیھچ لئے، کیوں جے ماسوائے زندہ مسیح دے کوئی ہُور نجات نئیں ائے، ماسوائے اُوہدے گناہ نوں دھو کے پاک صاف کر ڈالن آلے لہو دے کوئی معافی نئیں اے۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

ویکھیا نئیں اے – ایس دے باوجود ایمان لہیائے – جی اُٹھے مسیح وِچ!

NOT SEEING – YET BELIEVING – IN THE RISEN CHRIST!

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’یسوع نے اُوہنوں کہیا، تھوما، کیوں جے توں مینوں ویکھ کے میرے تے ایمان لہایا، مبارک نے اُو جنہاں نے مینوں ویکھیا وی نئیں فیر وی ایمان لہیائے‘‘ (یوحنا 20:29).

(رومیوں10:9)

I۔   پہلی گل، اُوہناں وِچوں کُج جِنہاں نے جی اُٹھے مسیح نوں اُوہدے آسمان تے چُکے جان توں پہلاں ویکھیا سی فیر وی اُوہدے مُردیاں وِچوں جی اُٹھن تے شک کیتا، متی28:17؛ 1کرنتھیوں15:6؛ متی28:18۔20؛ رومیوں10:9 .

II۔  دوجی گل، دس شاگرداں نے یقین نئیں کیتا سی کہ مسیح جی اُٹھیا سی، حالانکہ اُوہنے اُوہناں نوں اپنے ہتھاں تے پیراں وِچ زخماں دے نشانات وی وکھائے سن، لوقا24:40۔41، 45؛ IIکرنتھیوں3:14؛ یوحنا20:22؛ پیدائش2:7؛ یوحنا20:25، 28، 29؛ 16:14 .