Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




مُردیاں وِچوں ہُنے جی اُٹھنا!

RESURRECTION NOW!
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وچ دِتا گیا اِک واعظ
خُداوند دے دِن دی شام، 2مئی، 2010
A sermon preached at the Baptist Tabernacle of Los Angeles
Lord’s Day Evening, May 2, 2010

’’لیکن خُدا بہت ای محبت کرن آلا تے رحم کرن چہ غنی اے۔ اُوہنے سانوں جدوں کہ اسی اپنے قصوراں دے باعث مُردہ سی مسیح دے نال زندہ کیتا، (فضل دے وسیلے نال تہانوں نجات ملی اے؛) تے اُوہنے سانوں مسیح یسوع دے نال زندہ کیتا تے آسمانی مقاماں تے اُوہدے نال بٹھایا‘‘ (افسیوں 2:4۔6).


مسیح دے معجزات روحانی سچائیاں دی عکاسی کرن لئی کیتے گئے سی۔ اُوہنے انیاں دیاں اکھاں نوں بینائی ایہہ وکھان لئی دِتی سی کہ اُو روحانی طور تے انے دِلاں نوں کھول سکدا اے۔ اُوہنے کوڑھیاں نوں شفا ایہہ ظاہر کرن لئی دِتی کہ اُو روحانی طور تے غلیظ جاناں نوں شفا بخش سکدا اے۔ لیکن تِن مرتبہ اُوہنے مُردہ جسماں نوں زندہ کیتا۔ مرقس دے پنجویں باب وچ سانوں دسیا گیا اے کہ اُوہنے مُردیاں وچوں یائر دی بیٹی نوں زندہ کیتا۔ لوقا دے ستویں باب وچ سانوں دسیا گیا اے کہ اُوہنے نائین دی بیوہ دے بیٹے نوں مُردیاں وچوں زندہ کیتا۔ یوحنا دے گیارہویں باب وچ سانوں دسیا گیا اے کہ اُوہنے لعزر نوں مُردیاں وچوں زندہ کیتا۔ اِیناں مُردیاں دے زندہ کیتے جان توں اسی جیہڑا سبق سِکھدے آں اُو ایہہ اے کہ یسوع اُوہناں لوکاں نوں جیہڑے ’’گناہواں وچ مُردہ‘‘ نے زندہ کر سکدا اے (افسیوں 2:1). اج ایس عبادت وچ ساڈے کول یائر دی بے شمار بیٹیاں نے، بے شمار بیواؤں دے پُتر، مُردیاں وچوں جی اُٹھے بے شمار لعزر نے – کیوں جے ساڈے وچوں بے شمار گناہواں تے قصوراں وچ مُردہ نے، لیکن مسیح دی قوت دے ذریعے نال اسی روحانی موت توں زندہ کیتے جا چکے آں، حیاتی دے نئے پن وچ چلن لئی! مُردیاں وچوں اُو زندہ کیتا جانا جیدا اسی تجربہ کر چکے آں ’’احیاء regeneration‘‘ کہلاندا اے – اِک اصطلاح جیہڑی موت توں حیاتی دے بارے چہ گل کردی اے، جیہڑی نئے جنم دی حیثیت نال وی جانی جاندی اے۔ ڈاکٹر ڈبلیو۔ جی۔ ٹی۔ شیڈ Dr. W. G. T. Shedd نے نشاندہی کیتی کہ بائبل اکثر ’’احیاء دے بارے چہ روحانی طور تے زندہ کیتے جان دی حیثیت نال گل کردی اے‘‘ (ڈبلیو۔ جی۔ ٹی۔ شیڈ، پی ایچ۔ ڈی۔W. G. T. Shedd, Ph.D.، ڈوگمیٹیک علم الہٰیات Dogmatic Theology، پی تے آر۔ پبلیشنگ P and R Publishing، 2003 ایڈیشن، صفحات864، 865)۔ افسیوں دے دوجے باب وچ جسمانی تے روحانی طور تے زندہ ہون دے درمیان تعلق واضح طور تے دسیا گیا اے،

’’لیکن خُدا بہت ای محبت کرن آلا تے رحم کرن چہ غنی اے۔ اُوہنے سانوں جدوں کہ اسی اپنے قصوراں دے باعث مُردہ سی مسیح دے نال زندہ کیتا، (فضل دے وسیلے نال تہانوں نجات ملی اے؛) تے اُوہنے سانوں مسیح یسوع دے نال زندہ کیتا تے آسمانی مقاماں تے اُوہدے نال بٹھایا‘‘ (افسیوں 2:4۔6).

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ایناں آیتاں توں اسی نئے جنم دے بارے وچ تِن بہت وڈیاں سچائیاں سِکھنے آں – جی اُٹھے مسیح دی قوت دے ذریعے نال احیاء دے بارے چہ تِن سچائیاں۔

I۔ پہلی سچائی، اسی مُردہ سی۔

بائبل دے مطابق تمام دے تمام لوکی روحانی طور تے مُردہ نے۔ کُج لوکی سانوں دسدے نے کہ اسی برگشتگی دی وجہ نال زخمی ہو گئے سی – لیکن اُو یقین نئیں کردے کہ اسی ایدی وجہ توں مارے گئے سی۔ لیکن خُدا دا کلام انتہائی واضح اے۔ ایہہ کہندا اے کہ اسی ناصرف زخمی ہوئے سی، بلکہ اسی ’’گناہواں تے قصوراں وچ مُردہ سی‘‘ (افسیوں 2:1). ایدے باوجود ایہہ لوکی سانوں دسدے نے کہ انسان وچ فیر وی کافی اچھائیاں نے، کہ انسان دی خود دی فطرت گناہواں وچ مُردہ نئیں ہوندی اے۔ سی۔ جی۔ فنّی C. G. Finney نے اُو غلط نکتہ نظر پیش کیتا سی جدوں اُوہنے آکھیا،

کیوں گناہ نسل انسانی لئی ایس قدر قدرتی اے؟ ایسے لئی نئیں کیوں جے اُوہناں دی فطرت خودبخود گناہ توں بھرپور اے… ایہہ عقیدہ اے… لامحدود طور تے خُدا لئی ذلت آمیز، تے خُدا لئی تے نسل انسانی دی ذہنی استعداد لئی اِک ای طرح توں قابلِ نفرت عمل اے، تے اینوں ہر اِک واعظ گاہ توں نکال دِتا جانا چائیدا اے، تے عقیدے دے ہر فارمولے وچوں نکال دِتا جانا چائیدا اے، تے دُنیا توں نکال دِتا جانا چائیدا اے۔ ایہہ کافرانہ فلسفے دے آثار قدیمہ دا اِک قدیم خیال اے، تے اینوں آگسٹین نے مسیحیت دے عقائد دے درمیان چہ دھوکے نال شامل کر دِتا سی (سی۔ جی۔ فنیC. G. Finney، فنی دی درجہ بہ درجہ تھیالوجی Finney’s Systematic Theology، 1994 ایڈیشن، صفحات268، 263)۔

ٹھیک اے، انسان دے گناہ وچ مُردہ ہون دے عقیدے نوں ساڈی زیادہ تر واعظ گاہواں وچوں کڈیا جا چُکیا اے۔ ایدا نتیجہ کی اے؟ اُو اخلاقی تے روحانی انتشار جیہڑا اج کل اسی ویکھدے آں – ایہہ نتیجہ اے!

کی انسان دے گناہ وچ مُردہ ہون دے عقیدے نوں آگسٹین نے ایجاد کیتا سی؟ جی نئیں، اُوہنے ایہہ نئیں کیتا سی! انسان دا مایوسانہ طور تے ہونا تے گناہ دے بے بسی چہ ہونا ساری بائبل وچ سکھایا گیا اے۔ نوح دے دِناں وچ،

’’تے خداوند نے ویکھیا کہ زمین تے انسان دی بدی بہت ودھ گئی اے تے اُوہدے دِل دے خیالات ہمیشہ بدی ول مائل رہندے نے‘‘ (پیدائش 6:5).

ایوب دی کتاب وچ اسی پڑھنے آں،

’’اُو کون اے جیہڑا ناپاک وچوں پاک شَے نکال سکے؟ کوئی وی نئیں‘‘ (ایوب 14:4).

’’اِنسان کی اے کہ اُو پاک ہوئے؟ یا اُو جیہڑا عورت توں پیدا ہویا، راستباز کیویں ٹھہرے؟‘‘ (ایوب 15:14).

زبور نویس نے کہیا،

’’یقیناً میں اپنی پیدائش ای توں گنہگار سی؛ بلکہ اُوس ویلے توں گنہگار آں جدوں میں اپنی ماں دے رحم وچ پیا‘‘ (زبور 51:5).

’’شریر پیدائش توں گمراہ ہو جاندے نے؛ ماں دے پیٹ توں ای اُو گمراہ تے جھوٹے ہوندے نے‘‘ (زبور 58:3).

سُلیمان بادشاہ نے کہیا،

’’اُوہناں دے سینے عمر بھر دیوانگی نال بھرے رہندے نے‘‘ (واعظ 9:3).

یرمیاہ نبی نے کہیا،

’’دل ساریاں شیواں توں ودھ کے حیلہ باز تے لاعلاج ہوندا اے، اُوہدا بھید کون جان سکدا اے؟‘‘ (یرمیاہ 17:9).

تے پولوس رسول نے سانوں دسیا،

’’تہاڈے قصوراں تے گناہواں دی وجہ توں تہاڈا حال مُردیاں وانگوں سی۔ کدی اسی وی اُوہناں چہ شامل سی تے نفسانی خواہشاں وچ حیاتی گزاردے سی تے دل و دماغ دی ہر ہوس نوں پورا کرن چہ لگے رہندے سی تے طبعی طور تے دُوجے اِنساناں دی وانگوں خدا دے غضب دے ماتحت سی‘‘ (افسیوں 2:1،3).

فیر، کُلسیوں وچ، رسول نے کہیا،

’’تُسی تے اپنے گناہواں دے باعث مرُدہ سی‘‘ (کُلسیوں 2:13).

فنی نے انسان دے گناہ وچ مُردہ ہون دے عقیدہ تے حملہ اینوں آگسٹین دے نال منسوب کرن نال کیتا سی۔ ایدے باوجود، جیویں کہ میں ظاہر کیتا، ایس عقیدے دی تعلیم بائبل وچ اِک سرے توں لے کے دوجے سرے تیکر دِتی گئی اے۔ دراصل، فنی دے آئیڈیاز بدعتی پیلیگئیس Pelagius (354۔420 بعد از مسیح) توں آئے۔ اُوہدے بدعتی خیالات صدیاں تیکر گردش کردے رئے نے۔ جیس گل دی فنی نے تعلیم دِتی اُو اپنی بھرپور طاقت وچ پیلگئین اِزم سی! آؤ اُوہناں عقائد دے نال مضبوطی نال ڈٹے رئیے جِنہاں دی واضح طور تے کلام پاک وچ تعلیم دِتی گئی اے! انسان اِک غیر اصلاح یافتہ یا گمراہ حالت وچ، گناہ وچ مردہ ہوندا اے! انسان بیمار نئیں اے۔ اُو خُدا دیاں گلاں لئی مُردہ اے!

’’تہاڈے قصوراں تے گناہواں دی وجہ توں تہاڈا حال مُردیاں وانگوں سی‘‘ (افسیوں 2:1).

’’اسی اپنے قصوراں دے باعث مردہ سی‘‘ (افسیوں 2:5).

ایدے توں ودھ ہور کیہڑی گل واضح ہو سکدی اے؟ کُج وی نئیں!

’’گناہواں وچ مُردہ‘‘ – کی ایہہ انسان دی اُوہدی فطرت حالت وچ سچی تصویر نئیں اے؟ عظیم سپرجیئن Spurgeon نے کہیا،

اُوس لاش دا مشاہدہ کرو: تُسی شاید اینوں مارو، تُسی شاید اینوں زخمی کرو، لیکن اُو روئے گی نئیں؛ تُسی شاید ایدے تے منوں بھار دا انبار لد دیو، لیکن ایہہ خستہ حال نئیں ہوئے گی؛ تُسی شاید اینوں تاریکی وچ بند کر دوو، لیکن ایہہ اندھیرے نوں محسوس نئیں کردی۔ ایویں غیر نجات یافتہ انسان اپنے گناہ دے بوجھ نال لد دِتا گیا اے، لیکن اُو ایدے توں خستہ حال نئیں ہوندا اے؛ اُو خُدا دی سزا دے قیدخانے وچ بند کیتا جا چُکیا اے، لیکن اُو آزادی لئی نئیں ہانپدا؛ اُو خُدا دے عتاب تلے آیا ہویا اے… لیکن اُو عتاب اُوہدی روح وچ کوئی ہلچل پیدا کرن دا سبب نئیں بنّدا، کیوں جے اُو مُردہ اے… اوہ! لیکن کی تُسی زندہ ہوندے تے کدی وی اُوس ویلے تیکر خاموش نئیں رہندے جدوں تیکر کہ تہانوں آن آلے قہر توں نجات نہ مل جاندی۔ انسان روحانی گلاں دے بارے چہ غافل ای رہندا اے، تے اُوہناں توں تحریک نئیں پاندا کیوں جے روحانی سمجھ وچ، اُو مُردہ ہوندا اے (سی۔ ایچ۔ سپرجیئن، ’’مسیح دے نال زندہ ہونا Resurrection with Christ،‘‘ دی میٹرو پولیٹن عبادت گاہ کی واعظ گاہ The Metropolitan Tabernacle Pulpit، پِلگرم پبلیکیشنزPilgrim Publications، جلد14، صفحات207، 208)۔

تُسی گرجا گھر چہ ویکھ سکدے اُو تے اُوہناں واعظاں نوں سُن سکدے ہو جنہاں دا تہاڈے تے کوئی اثر نئیں ہوندا – کیوں جے تُسی ’’قصوراں وِچ مُردہ‘‘ ہو۔ تُسی یسوع دی اذیتاں دے بارے چہ سُن سکدے ہو، تے اُوہدے بارے چہ کوڑے کھان تے صلیب تے کِیلاں دے نال جڑے جان دے بارے چہ سُن سکدے ہو تے کوئی وی دیرپا تعلق نئیں پاندے – کیوں جے تُسی ’’گناہواں وِچ مُردہ‘‘ ہوندے ہو۔ تُسی سُن چکے ہو کہ مسیح مُردایاں وِچوں جی اُٹھیا سی تے اپنے شاگرداں تے ’’بے شمار بے خطا ثبوتاں دے ذریعے نال‘‘ ظاہر ہویا سی (اعمال1:3) تے اُوہدے مُردیاں وِچوں جی اُٹھن دے شاہانہ تے قدرت نال متحرک نئیں ہوندے – کیوں جے تُسی ’’گناہواں وِچ مُردہ‘‘ ہوندے ہو۔ تُسی اُوہدے لہو دے بارے چہ سُن سکدے ہو جیہڑا تہاڈے گناہواں نوں دھون لئی مہیا اے، تے تُسی اپنے پاک صاف ہون دی لوڑ نوں محسوس نئیں کر پاندے – کیوں جے تُسی ’’گناہواں وِچ مُردہ‘‘ ہوندے ہو۔ تُسی دوجیاں نوں جوش تے سرگرمی نال دعا منگدے ہوئے ویکھ سکدے ہو تے خود اُوسی طریقے نال دعا منگن دے قابل نئیں ہوندے – کیوں جے تُسی ’’گناہواں وِچ مُردہ‘‘ ہوندے ہو۔ تُسی اِک وڈی جئی کالی جلد آلی بائبل خرید سکدے ہو تے اُوہنوں پڑھ سکدے ہو۔ لیکن اُوہناں لفظاں چہ کوئی حیاتی نئیں ہوندی؛ اُو تہاڈے لئی صرف الفاظ ای ہوندے نے – کیوں جے تُسی ’’گناہواں وِچ مُردہ‘‘ ہوندے ہو۔ دوجیاں دے کول اپنے ایمان وِچ خوشی ہوندی اے لیکن تہاڈے چہ کوئی خوشی نئیں ہوندی – کیوں جے تُسی ’’گناہواں وِچ مُردہ‘‘ ہوندے ہو۔ دوجے مسیح نوں جانندے نے تے اُوہنوں جانن چہ خوشی مناندے نے، لیکن تُسی اُوس یسوع نوں نئیں جانندے؛ تُسی شکوک تے خوف نال بھرے ہوئے ہوندے اُو – کیوں جے تُسی ’’گناہواں وِچ مُردہ‘‘ ہوندے ہو۔ دُوجے تہانوں مسیح دے کول آن لئی کہندے نے لیکن تُسی بار بار جے کہہ سکدے اُو تے صرف ایہی اے کہ ’’کیویں؟‘‘ میں کیویں اُوس یسوع دے کول جا سکدا آں؟‘‘ جواب تہاڈے توں بچ کے نکل جاندا اے تے تُسی اینوں سمجھ نئیں پاندے – کیوں جے تُسی ’’گناہواں وِچ مُردہ‘‘ ہوندے ہو۔

میں تہانوں ہُنے کہندا آں کہ جے تُسی سِکھن دے ذریعے نال نجات پان دی کوشش کردے ہو تے ایہہ ہمیشہ ایویں ای رئے گا۔ تُسی کدی وی نئیں ’’سِکھ‘‘ پاؤ گے کہ نجات کیویں حاصل کرنی اے! کدی وی نئیں، بائبل دا پچاس وریاں تیکر مطالعہ کرن دے بعد وی نئیں – تُسی کدی وی نئیں سِکھ پاؤ گے کہ نجات کیویں حاصل کرنی اے – کیوں جے تُسی ’’گناہواں وِچ مُردہ‘‘ ہوندے ہو۔ تے جِنا زیادہ تُسی مطالعہ کردے ہو تے سوال پُچھدے ہو اُوہنے ای بدتر تُسی ہوندے جاندے ہو، ہوندے ای جاندے ہو جدوں تیکر کہ اُو تھوڑی جئی دلچسپی وی جیہڑی کدی تہاڈے چہ سی غائب ہو جاندی اے تے تُسی گرجا گھر وچ کِسے وی گل دے کدی وی بدلے جان دی اُمید دے بغیر بیٹھے ہوندے ہو – کیوں جے تُسی ’’گناہواں وِچ مُردہ‘‘ ہوندے ہو – ’’سِکھن دی کوشش تے کردے ہو لیکن کدی ایس قابل نئیں ہو پاندے کہ حقیقت نوں پہچان پاؤو‘‘ (2۔ تیموتاؤس 3:7). تے بالاآخر تُسی اپنے گناہواں ای وچ مر جاؤو گے تے خود نوں اگلے جہاں وچ پاؤو گے، جِتھے تُسی عذاب وچ ہوو گے، خدا دی حضوری توں ہمیشہ ہمیشہ لئی باہر نکالے ہوئے، مایوسی وچ، شعلیاں وچ، بغیر کِسے اُمید دے، ’’تاریکی دے اندھیرے وچ ہمیشہ لئی‘‘ (یہوداہ 13) – کیوں جے تُسی ’’گناہواں وِچ مُردہ‘‘ ہوندے ہو۔

لیکن ہُن ساڈی تلاوت اُمید دی اِک جھلک وکھاندی اے – تے اُو اُمید صرف ہور صرف مسیح وچ خُدا دے فضل تے رحم وچ ہوندی اے۔ ایہہ میرا تجربہ سی، تے میں دعا منگنا واں کہ ایہہ تہاڈا وی ہووے۔ خُداوند دا شُکر ہووے، ساڈے وچوں اُو جیہڑے نجات پا چکے نے کہہ سکدے نے، کہ اسی جی اُٹھے مسیح دے وسیلے نال حیاتی بسر کرن لئی تیار کیتے جا چکےآں!

II۔ دوجی سچائی، اسی زندہ کیتے گئے۔

مہربانی نال کھڑے ہو جاؤو تے آیات چار تے پنج اُچی اواج نال پڑھو۔

’’لیکن خُدا بہت ای محبت کرن آلا تے رحم کرن چہ غنی اے۔ اُوہنے سانوں جدوں کہ اسی اپنے قصوراں دے باعث مُردہ سی مسیح دے نال زندہ کیتا، (فضل دے وسیلے نال تہانوں نجات ملی اے؛)‘‘ (افسیوں2:4۔5)۔

تُسی تشریف رکھ سکدے ہو۔

ہائے، ایہہ سنو، اے گنہگار! رسول دے بابرکت لفظاں نوں سُنو، ’’لیکن خُدا۔‘‘ ایتھے اُوہناں لفظاں وچ اِک اُمید اے! ’’لیکن خُدا۔‘‘ تُسی گناہواں وچ مردہ ہوندے ہو، ’’لیکن خُدا!‘‘ اُوہناں لفظاں لئی اُوہدی ستائش کرو! چھلانگاں مارو تے خوشی نال نچو جدوں تُسی اُوہناں لفظاں نوں سُنندے ہو! ’’لیکن خُدا!‘‘ اسی ایمان دی تاریخ وچ اُوہناں لفظاں دا بار بار اِطلاق کر سکدے آں۔ جدوں حالات بے بس سن، گاہے بگاہے خُدا نے خود مداخلت کیتی تے افسیوں 2:4 دے لفظاں وچ ایہہ کہیا جا سکدا اے، ’’لیکن خُدا!‘‘

ساری دی ساری دُنیا گناہ نال ایس قدر بگڑ چُکی سی کہ خُدا نے کہیا، ’’میں انسان نوں تباہ کر دواں گا جِنوں میں تخلیق کیتا‘‘ (پیدائش 6:7). لیکن نوح نے خُدا دیاں نظراں وچ مقبولیت پائی‘‘ (پیدائش 6:8). ’’لیکن خُدا‘‘ نے مداخلت کیتی تے نوح تے اُوہدے خاندان نوں بہت وڈے سیلاب توں بچا لہیا۔ اسرائیل دے بچے مصر وچ، فرعون دے تحت غلامی وچ اسیری دے تحت کراہندے تے سسکدے سن۔ لیکن خُدا نے موسیٰ نوں کہیا، ’’میں تہانوں مِصریاں دے جوئے تھلوں نکال لاؤاں گا تے میں اپنے بازو پھیلا کے تہانوں اُوہناں دی غلامی توں نجات بخشاں گا تے اُوہناں نوں سخت ترین سزاواں دواں گا۔ تے میں تہانوں اپنا کے اپنی قوم بنا لواں گا تے میں تہاڈا خُدا ہوواں گا۔ اودھوں تُسی جانو گے کہ میں خُداوند تہاڈا خُدا آں جیہڑا تہانوں مِصریاں دے جوئے تھلوں کڈ لایا‘‘ (خروج 6:6۔7). ’’لیکن خُدا۔‘‘ قاضیاں دے زمانے وچ، مدیانیاں نے اسرائیل دے بچے نوں ایس قدر خستہ حال کر دِتا سی (قضاۃ 6:6). لیکن خُدا جِدون دے کول آیا جدوں اُو گیہوں جھاڑ رہیا سی تاں جے ’’اُوہنوں مدیانیاں توں بچائے رکھے‘‘ (قضاۃ 6:11). تے خُداوند نے [جِدون نوں] کہیا، ’’یقینی طور تے میں تیرے نال رہواں گا تے تُو سب مدیانیاں نوں اِک نال مار ڈالے گا‘‘ (قضاۃ 6:16). تے جدون پکار اُٹھا، ’’اُٹھو! خُداوند نے مدیانی لشکر نوں تہاڈے ہتھاں وچ کر دِتا اے‘‘ (قضاۃ 7:15). ’’لیکن خُدا۔‘‘ یسوع نوں گرفتار کیتا گیا سی، پیٹا گیا، صلیب تے کِلاں نال جڑیا گیا، فوت ہویا، تے اِک مہربند قبر وچ دفنایا گیا۔ لیکن خُدا نے اُوہنوں مُردیاں وچوں زندہ کر دِتا، ’’خُدا نے اُوسے ای یسوع نوں تیجے روز زندہ کر کے ظاہر وی کر دِتا‘‘ (اعمال 10:40). ’’لیکن خُدا۔‘‘ سردار کاہن تے اُوہدے لوکاں نے رسولاں نوں پکڑیا تے اُوہناں نوں اِک ’’عام قید خانے وچ‘‘ ڈلوا دِتا (اعمال 5:18). اُوہناں نوں خوشخبری دی منادی کرن توں روکن لئی۔ لیکن رات وچ خُدا دے فرشتے نے قیدخانے دے دروازے کھول دِتے … تے کہیا، ’’جاؤو تے ہیکل دے صحن وچ کھلو کے ایس نئی حیاتی دیاں ساریاں گلاں لوکاں نوں سُناؤو‘‘ (اعمال 5:19، 20). ’’لیکن خُدا‘‘ نے قیدخانے دے دروازے کھول دِتے تے اُوہناں دی منادی نوں برکت بخشی۔

بار بار، ساری بائبل وچ، سانوں اِک دے بعد دوجی مثال خُدا دے رحم دے بارے وچ پیش کیتی گئی اے۔

’’لیکن خُدا بہت ای محبت کرن آلا تے رحم کرن چہ غنی اے۔ اُوہنے سانوں جدوں کہ اسی اپنے قصوراں دے باعث مُردہ سی مسیح دے نال زندہ کیتا، (فضل دے وسیلے نال تہانوں نجات ملی اے؛)‘‘ (افسیوں2:4۔5)۔

تے چونکہ خُدا نے نوح دے زمانے وچ، تے موسیٰ دے زمانے وچ، تے مدیانیاں دے زمانے وچ تے رسولاں دے زمانے وچ تے مسیح دے جی اُٹھن دے زمانے وچ رحم وکھایا سی – تے کی تہاڈا نئیں خیال اُو تہاڈے تے رحم کر سکدا اے؟

’’لیکن خُدا بہت ای محبت کرن آلا تے رحم کرن چہ غنی اے۔ اُوہنے سانوں جدوں کہ اسی اپنے قصوراں دے باعث مُردہ سی مسیح دے نال زندہ کیتا، (فضل دے وسیلے نال تہانوں نجات ملی اے؛)‘‘ (افسیوں2:4۔5)۔

ویکھو تے اُوہناں تے نظر پاؤو جیہڑے ساڈے درمیان ای وچوں ’’اُٹھا لیے‘‘ گئے۔ ویکھو تے نظر پاؤو اُوہناں تے جنہاں نوں مُردیاں وچوں زندہ کر دِتا گیا، تے مسیح وچ خُدا دے فضل دے وسیلے نال زندہ کر دِتا گیا! ویکھو – ساڈے سارے مُناد بھائیو، ساڈے گرجا گھر دے تمام دے تمام رہنماؤں – اُو تمام دے تمام کدی ’’گناہواں وچ مُردہ‘‘ سن۔ ایدے باوجود، ویکھو تے نظر پاؤو – اُو مسیح دے نال اکٹھے اُٹھائے جا‘‘ چکے نے – مسیح وچ زندہ کیتے جا چکے نے – فضل دے وسیلے نال نجات پا چُکے نے! کون کہہ سکدا اے کہ اُو ’’مسیح وچ … زندہ‘‘ نئیں اُٹھائے گئے؟ کون شک کر سکدا اے کہ ’’مسیح دے نال‘‘ مُردیاں وچوں زندہ کیتے جا چُکے نے؟ سپرجیئن نے کہیا،

بیچاری مارتھا بہت زیادہ حیران ہوئی سی کہ مسیح نوں اُوہدے بھرا [لعزر] نوں مرُدیاں وِچوں زندہ کر دینا چائیدا سی لیکن اُوہنے کہیا، جیویں کہ اُوہنوں مذید ہور حیرت چہ مبتلا کرنا چاہندا ہووے، ’’جیہڑا وی زندہ اے تے میرے تے ایمان لہیاندا اے کدی وی نہ مرے گا۔ کی تو ایس تے ایمان رکھدی اے؟‘‘ (یوحنا11:26)۔ ایہہ اُوہناں گلاں وِچوں اِک اے جیس دا سانوں یقین کرنا ہوندا اے، کہ جدوں اَسی روحانی حیاتی پا چکے ہندے آں تے ایہہ مسیح دی حیاتی دے نال متحد ہوندی اے تے نتیجتاً کدی وی نئیں مر سکدی (سپرجیئن، ibid.، صفحہ214)۔

جی ہاں! ’’کدی وی نئیں مر سکدی!‘‘ اَسی اُوہناں لوکاں دے بارے چہ جیہڑے نوے سرے توں جنم لیندے نے فنی دے جھوٹے بیان نوں ٹھکرانے آں۔ فنی نے کہیا، ’’اُوہناں نوں خصوصی مقصد دے تحت باخبر کیتا جاندا اے کہ اُوہناں دی نجات آخیر تیکر پاکیزگی وِچ اُوہناں دی ثابت قدمی تے قائم رہن نال مشروط ہوندی اے۔ اُوہناں نوں بُلایا جاندا اے…. خوف کرن لئی… کدرے اُو گمراہ نہ ہو جان‘‘ (چارلس جی فنی Charles G. Finney، فنی دی درجہ بہ درجہ تھیالوجی Finney’s Systematic Theology، بیت عنیاہ بپلیشرز ہاؤس Bethany House Publishers، 1878 کے ایڈیشن کی دوبارہ اشاعت 1994، صفحہ546)۔ جی ہاں، فنی نے کہیا سی کہ اِک نجات یافتہ بندہ اپنی نجات نوں کھو سکدا اے! درحقیقت، فنی نے کہیا سی کہ اِک مسیحی، اُوہدے مرن دے بعد، جنت وِچوں باہر ڈِگ سکدا اے تے اپنی نجات نوں کھو سکدا اے! ایتھے فنی دی تھیالوجی کتاب وِچوں بالکل صحیح حوالہ درج اے، ’’جنت وِچ مقدسین فطری اِمکان دے ذریعے نال مُرتد تے برگشتہ ہو سکدے نے تے کھو جاندے نے‘‘(سی۔ جی۔ فنی، ibid.، صفحہ508)۔ جی ہاں، فنی نے کہیا کہ اِک مسیحی جنت وِچوں نکل سکدا اے تے کھو سکدا ے!

ایہہ بیلگیئین بدعت اے۔ اَسی اینوں ٹھکرانے آں! اُو جیہڑا مسیح وِچ ایمان لہیا کے تبدیل ہو چکیا ہوندا اے ’’غیرنجات یافتہ‘‘ نئیں ہو سکدا۔ وہ جہیڑا نوا جنم لے [احیاء؛ اخلاقی تے روحانی طور تے سُدھر] چکا ہوندا اے ’’غیراصلاح یافتہ‘‘ نئیں ہو سکدا!

’’جدوں کہ اسی اپنے قصوراں دے باعث مُردہ سی، [خُدا نے] مسیح دے نال سانوں زندہ کیتا، (فضل دے وسیلے نال تہانوں نجات ملی اے؛)‘‘ (افسیوں2:4۔5)۔

سپرجیئن نے کہیا، ’’اِک وری الوہی حیاتی پا چکن دے بعد اُو اینوں کدی وی نئیں کھو سکدا۔ خُدا… سانوں باطنی حیاتی دے نال نئیں اُٹھاندا، تے فیر سانوں فنا ہون لئی چھڈ دیندا… اُو اَج نوں نئیں بچاندا تے آن آلے کل نوں تباہ نئیں کردا… خُدا نوں جلال ہووے، تب، تُسی جیہڑے مسیح وِچ ایمان دے وسیلے نال حیاتی بسر کردے ہو اِک لازوال حیاتی بسر کردے ہو… ایدے وِچ خوشی مناؤ، تے اپنے خُدا نوں تمام ستائش دو!‘‘ (سپرجیئن، ibid.، صفحہ215)۔ لیکن اِک نکتہ ہور وی اے۔ اَسی مُردہ سی۔ سانوں زندہ کیتا جاندا اے۔ لیکن،

III۔ تیجی سچائی، سانوں زندہ کیتا گیا۔

مہربانی نال کِھلو جاؤ تے آیات پنج تے چھے باآوازِ بُلند پڑھو۔

’’لیکن خُدا بہت ای محبت کرن آلا تے رحم کرن چہ غنی اے۔ اُوہنے سانوں جدوں کہ اسی اپنے قصوراں دے باعث مُردہ سی مسیح دے نال زندہ کیتا، (فضل دے وسیلے نال تہانوں نجات ملی اے؛) تے اُوہنے سانوں مسیح یسوع دے نال زندہ کیتا تے آسمانی مقاماں تے اُوہدے نال بٹھایا‘‘ (افسیوں 2:4۔6).

تُسی تشریف رکھ سکدے ہو۔

لوکی مینوں پُچھدے نے، ’’میں مسیح دے کول کیویں گیا سی؟‘‘ اُو تذبذب دا شکار ہو جاندے نے کیوں جے اُو جانندے نے مسیح کیتھے اے – اُتے تیجے آسمان وِچ (2 کرنتھیوں12:2)۔ اُو جانندے نے مسیح اُوتھے اے، فضا توں اُتے، ایس کہکشاں دے ستاریاں توں پراں، اُوس تھاں وِچ جِینوں اُو ’’بہشت‘‘ کہندا اے (لوقا23:43)۔ اُو بائبل چہ پڑھ چکے ہوندے نے کہ مسیح اُوتھے اے، خُدا باپ دے سجے ہتھ تے بیٹھا ہویا اے۔ ’’میں اُوتھے اُتے کیویں جا سکنا واں؟‘‘ اُو پُچھدے نے۔ میں کیویں اُوتے اینی دور مسیح دے کول جا سکنا واں – اِک دوجے جہان وِچ؟‘‘

ٹھیک اے، بیشک، ایدا جواب واضح ہونا چائیدا اے۔ تُسی اُوتھے خود اپنے بل بوتے نال جاندے اُو! لیکن ’’فیصلہ سازیت‘‘ نے بے شمار لوکاں نوں انّا کر چھڈیا اے۔ اُو سوچدے نے کہ اُو مسیح دے کول خود اپنی کوششاں دے ذریعے نال جاندے نے! ایہہ ای وجہ اے کہ اُو لڑکھڑا جاندے نے جدوں اُو یوحنا 6:44 دا مطالعہ کردے نے،

’’میرے کول کوئی نئیں آندا جدوں تیکر کہ باپ جِنے مینوں پیجیا اے، اُوہنوں کھِچ نہ لہیائے تے میں اُوہنوں آخری دِن فیر زندہ کر دُواں گا‘‘ (یوحنا6:44).

اُوہناں نوں ایس گل دا یقین کرن چہ کوئی پریشانی نئیں ہوندی کہ خُدا اُوہناں نوں ریپچر [مسیح دی آمد ثانی دے موقع تے آسمان دے بادلاں وچ اُوہدا استقبال کرن لئی] ہوا چہ مسیح نال اُتے ملاقات لئی کھِچ لئے گا (ویکھو 1۔تھسلنیکیوں 4:16۔17؛ 1۔ کرنتھیوں 15:51۔53). ایدے باوجود اُوہناں نوں اِک ای گل وچ یقین کرن تے انتہائی شدید دشواری ہوندی اے جدوں ایدا تعلق نجات نال ہو جاندا اے! دوویں گلاں، سب دے پڑھن لئی، اوتھے، یوحنا 6:44 وچ موجود نے،

’’میرے کول کوئی نئیں آندا جدوں تیکر کہ باپ جِنے مینوں پیجیا اے، اُوہنوں کھِچ نہ لہیائے تے میں اُوہنوں آخری دِن فیر زندہ کر دُواں گا‘‘ (یوحنا6:44).

خُدا دی اوہی قوی قدرت، جیہڑی ہوا چہ مسیح نوں ملن لئی مسیحیاں نوں اوتے کھِچ لئے گی، ہُنے تہانوں خُدا دے سجے ہتھ تے مسیح دے کول اُتے کھِچ لیندی اے! ایہہ خُدا اے جیہڑا اِک گنہگار نوں مسیح دے کول کھِچدا اے – گنہگار خود نئیں – بلکہ خُدا اُوہنوں کھِچدا اے۔ ’’میرے کول کوئی نئیں آندا جدوں تیکر کہ پیو جِنے مینوں … کھِچ نہ لائے۔‘‘ ایہہ ریپچر دی مانند اے – صرف ایہہ ہُنے ہو جاندا اے – جدوں تُسی مسیح دے کول جاندے ہو! اودھوں، اُوس شاندار لمحے وچ، افسیوں 2:6 رونما ہوندی اے! ایدے تے نظر پاؤ! کھلو جاؤو تے اینوں اُچی اواج نال پڑھو!

’’تے اُوہنے سانوں مسیح یسوع دے نال زندہ کیتا تے آسمانی مقاماں تے اُوہدے نال بٹھایا‘‘ (افسیوں 2:4۔6).

تُسی تشریف رکھ سکدے ہو۔

اُوس آیت دے بارے چہ ڈاکٹر ھینڈریکسن Dr. Hendriksen نے کہیا، ’’اسی خود وچ … زندہ کیتے گئے، چُکے گئے، تے آسمانی مقاماں وچ قائم کیتے گئے‘‘ (ولیم ھینڈریکسن، پی ایچ۔ ڈی۔ William Hendriksen, Ph.D.، نئے عہد نامے تے تبصرہ New Testament Commentary، بیکر کُتب گھر Baker Book House، فیر اشاعت1981، صفحہ118؛ افسیوں2:6 تے غور طلب گل)۔ مذھبی سُدھار دا مطالعۂ بائبل The Reformation Study Bible اینوں ایویں تحریر کردا اے،

… سانوں زندہ کیتا… سانوں اُتے چُکیا… سانوں بٹھایا۔ ایہہ مسیح دی حیاتی وچ تاریخی واقعات نے: اُوہدا مُردیاں وچوں زندہ ہو جانا تے خُدا دے سجے ہتھ تے تخت تے بیٹھنا۔ لیکن پولوس ایدا اِطلاق اُوہدے نال کردا اے جیہڑا ایمانداراں نال رونما ہو چُکیا اے۔ پولوس مسیح تے اُوہناں دے وچ جیہڑے اُوہدے کول جاندے نے متحد ہون دی تعلیم دیندا اے… اُوہدے کول … تاں جے جو کُج مخلصی دین آلے دے بارے چہ کہیا گیا اے اُو مخلصی پان آلے دے بارے چہ وی ہو سکے (مذھبی سُدھار دا مطالعۂ بائبل The Reformation Study Bible، Ligonier Ministries، 2005، صفحہ1706، افسیوں2:5، 6 تے غور طلب گل)۔

مسیح دے کول آنا صرف خُدا دی قدرت تے فضل دے وسیلے نال ممکن بنایا گیا اے، جیہڑے ساڈیاں جاناں نوں اُتے مسیح دی جانب کھِچدے نے جدوں اسی مسیح وچ ایمان لہیا کے تبدیل ہو جاندے آں!

اودھوں تہانوں کی کرنا چائیدا اے جے تُسی ہلے تیکر گمراہ ہو؟ یسوع نے کہیا، ’’اندر داخل ہون دی کوشش کرو‘‘ (لوقا 13:24). پڑھو تے ایناں واعظاں نوں فیر پڑھو۔ ’’جدوجہد کرو‘‘ اپنی تمام تر وجودیت دے نال ’’اندر داخل ہون لئی۔‘‘ ’’کھٹکھٹاؤو، تے ایہہ کھول دِتا جائے گا‘‘ (لوقا 11:9). یونانی لفظ سانوں دسدے نے کہ ’’کھٹکھٹانا جاری رکھو، دعا منگنا جاری رکھو۔‘‘ خُدا توں جِنا ممکن ہو سکدا اے اپنے گناہ توں بھرپور، گمراہ حالت نال توں بیدار ہون لئی اُونی زیادہ دعا منگو۔ اُوہدے توں اپنی جان نوں چُکن لئی دعا منگو، تہانوں زندہ کرن لئی، تے تہانوں مسیح دی جانب کھِچن لئی۔ جہنم دی ہولناکیاں دے بارے چہ سوچو، تے مسیح دے بغیر دائمیت دے بارے چہ سوچو۔ ’’اندر داخل ہون دی کوشش کرو‘‘ تے خُدا [تہانوں] مسیح دے نال اکٹھا چُک لئے گا‘‘ … تے تہانوں ’’مسیح یسوع چہ آسمانی مقامات وچ‘‘ اُتے چُک لئے گا۔ کاش اُو خوشی نال بھرپور لمحہ تہاڈے لئی جلد ای آ جائے! کاش تہانوں جلد ای زندہ کر دِتا جائے – ’’مسیح یسوع وچ آسمانی مقامات چہ‘‘ اُتے کھِچن لئی۔ کاش تُسی، جیہڑے گناہواں وچ مُردہ اُو، جی اُٹھن دا تجربہ ہُنے کرو! کاش تُسی مسیح وچ خُدا دی قوت دے وسیلے نال فیر جنم لوو! آمین۔

’’لیکن خُدا بہت ای محبت کرن آلا تے رحم کرن چہ غنی اے۔ اُوہنے سانوں جدوں کہ اسی اپنے قصوراں دے باعث مُردہ سی مسیح دے نال زندہ کیتا، (فضل دے وسیلے نال تہانوں نجات ملی اے؛) تے اُوہنے سانوں مسیح یسوع دے نال زندہ کیتا تے آسمانی مقاماں تے اُوہدے نال بٹھایا‘‘ (افسیوں 2:4۔6).


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلام پاک دی تلاوت ڈاکٹر کرھیٹن ایل۔ چعین نے کیتی سی: افسیوں2:1۔7 .
واعظ توں پہلاں کلیاں گیت مسٹر بینجیمن کینکیڈ گریفتھ Mr. Benjamin Kincaid Griffith نے گایا سی:
’’آؤ، اے گہنگاروCome, Ye Sinners، (شاعر جوزف ہارٹ Joseph Hart، 1712۔1768؛
’’ہاں، میں جانندا آںYes, I Know‘‘ شاعرہ آنہ ڈبلیو۔ واٹرمین Anna W. Waterman، 1920 دی طرز تے گایا گیا)


لُبِ لُباب

مُردیاں وچوں ہُنے جی اٹھنا!

RESURRECTION NOW!

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’لیکن خُدا بہت ای محبت کرن آلا تے رحم کرن چہ غنی اے۔ اُوہنے سانوں جدوں کہ اسی اپنے قصوراں دے باعث مُردہ سی مسیح دے نال زندہ کیتا، (فضل دے وسیلے نال تہانوں نجات ملی اے؛) تے اُوہنے سانوں مسیح یسوع دے نال زندہ کیتا تے آسمانی مقاماں تے اُوہدے نال بٹھایا‘‘ (افسیوں 2:4۔6).

(افسیوں 2:1).

I.   پہلی سچائی، اسی مُردہ سی، افسیوں 2:1؛ پیدائش 6:5؛ ایوب 14:4: 15:14؛
زبُور 51:5؛ زبور 58:3؛ واعظ 9:3؛ یرمیاہ 17:9؛
افسیوں 2:1،3؛ کُلسیوں 2:13؛ افسیوں 2:1،5؛
اعمال 1:3؛ 2۔ تیموتاؤس 3:7؛ یہوداہ 13۔

II.  دوجی سچائی، اسی زندہ کیتے گئے، افسیوں 2:4۔5؛ پیدائش 6:7،8؛
خروج 6:6۔7؛ قضاۃ 6:6، 11، 16، 7:15؛ اعمال 10:40؛
اعمال 5:18، 19، 20؛ یوحنا 11:26۔

III. تیجی سچائی، سانوں زندہ کیتا گیا، افسیوں 2:5۔6؛
2۔ کرنتھیوں 12:2؛ لوقا 23:43؛ یوحنا 6:44؛
1۔ تھسلنیکیوں 4:16۔17؛ 1۔ کرنتھیوں 15:51۔53؛
لوقا 13:24؛ 11:9۔