Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




سچی اور پوری طرح قبول کرنے کے لائق پولوس کی گواہی

PAUL’S FAITHFUL TESTIMONY
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خُداوند دے دِن دی سویر، 8 نومبر، 2009
A sermon preached at the Baptist Tabernacle of Los Angeles
Lord’s Day Morning, November 8, 2009

’’ایہہ گل سچی تے پوری طرح نال قبول کرن دے لائق اے کہ مسیح یسوع گنہگاراں نوں نجات دین دے لئی دُنیا وِچ آیا، جِنہاں وِچوں سب توں وڈا گنگہار میں آں‘‘ (1 تیموتاؤس1: 15)۔


اتیھے اِک سادہ جئی آیت اے۔ ایہہ اِک واضح تلاوت اے جیہڑی کہ سانوں سچی مسیحیت دا انتہای دِل تے انتہائی روح رواں پیش کردی اے۔ ایس آیت نوں سمجھو تے تُسی نئے عہدنامے دے اہم موضوع نوں گرفت وِچ لے لو گے۔

’’ایہہ گل سچی تے پوری طرح نال قبول کرن دے لائق اے کہ مسیح یسوع گنہگاراں نوں نجات دین دے لئی دُنیا وِچ آیا، جِنہاں وِچوں سب توں وڈا گنگہار میں آں‘‘ (1 تیموتاؤس1: 15)۔

I۔ پہلی گل، ایہہ تلاوت اِک سچا بیان اے جیس نوں قبول کیتا جانا چائیدا اے۔

’’ایہہ گل سچی تے پوری طرح نال قبول کرن دے لائق اے…‘‘
’’یہ بات سچ اور پوری طرح قبول کرنے کے لائق ہے…‘‘
(1 تیموتاؤس1: 15الف)۔

جیہڑی گل رسول کہندا اے قابل اعتماد اے۔ ایہہ کوءی طلسماتی یا جادوئی کہانی نئیں اے۔ ایہہ خدا دی سچائی اے، جیہڑی مسیح وِچ آشکارہ ہوندی اے تے ساری بائبل وِچ جیس دا اعلان کیتا جاندا اے۔ بعد چہ، تیموتاؤس دے لئی اپنے دوجے مراسلے وِچ، رسول نے ایس بارے وِچ گل کیتی

’’… اُو مقدس کتاباں جیہڑیاں تینوں مسیح یسوع تے ایمان لہیا کے نجات حاصل کرن دا عرفان بخشدیاں نے‘‘ (2تیموتاؤس3: 15)۔

تے پطرس رسول نے کہیا،

’’خدا دے پاک لوکی پاک روح دے الہٰام نال خدا وَلّوں کلام کردے سن‘‘ (2پطرس1: 21)۔

پس بائبل ساڈی تلاوت وِچ وفادارانہ گل کہن دا منبع اے۔ رسولاں نے ’’مکارانہ تراشیاں ہوئیاں طلسماتی کہانیاں‘‘ دی پیروی نئیں کیتی سی جدوں اُوہناں نے مسیح دے بارے وِچ گل کیتی، ’’اُوہدی شہانت دے چشم دید گواہ سن‘‘ (2پطرس1: 16)۔ اُوہناں نے مسیح دے بارے چہ گل کیتی جدوں اُو اُوہدے نال ذاتی طور تے ملے سن،

’’… جِنہوں اَسی سُنیا، جِںہوں اَسی اپنے اَکھاں نال ویکھیا، بلکہ جِنہوں اَسی غور نال ویکھیا تے اپنے ہتھاں نال اُوہنوں چھویا وی اے…‘‘ (1یوحنا1: 1)۔

ایہہ سن رسول،

’’دُکھ سہن دے بعد اُوہنے اپنے زندہ ہو جان دے کئی قوی ثبوت وی بہم پہنچائے تے اُو چالیس دِن تیکر اُوہناں نوں نظر آندا رہیا‘‘ (اعمال1: 3)۔

ایس لئی، پولوس سانوں جو دسن جا رہیا اے پاک صحائف دے سچائی دے لئی انتہائی ایمان توں لبریز، اِک قابلِ اعتماد بیان اے جیہڑا یقین کیتے جان تے قبول کیتے جان دا مستحق اے۔ ایس دے باوجود شیطان نئیں چاہندا کہ تُسی ایہدے تے یقین کرو۔ سپرجئینSpurgeon نے کہیا،

[شیطان] ہجوم وِچ ای چپکے نال شامل ہو جاندا اے، تے اِک [بندے دے] دِل وِچ سرگوشی کردا اے، ’’اُوہدے تے یقین نہ کرو!‘‘ تے دوجے [نوں سرگوشی کردا اے]، ’’ایس تے ھسّو!‘‘ تے ایک ہُور بندے نوں، ’’ایس توں دور رہوو!‘‘ [تے کُج بیچارے گنہگاراں نوں شیطان کہندا اے] ’’ایہدے تے یقین نہ کرو – ایہہ سچا ہون دے لئی کُج بوہتا ای چنگا اے۔‘‘ آؤ مینوں آپئے خدا دے لفظاں وِچ شیطان نوں جواب دے لین دیو، ’’ایہہ گل سچ تے پوری طرح نال قبول کرن دے لائق اے۔‘‘ ایہہ چنگی اے، تے ایہہ ایہنی ای سچی اے جِنہی کے ایہہ چنگی اے… میں اُمید کرنا آں تُسی شیطان نوں خود توں پرے دھکیل دیو گے، تے ایہہ نئیں سوچو گے کہ ایہہ سچی ہون دے لئی نہایت چنگی اے (سی۔ ایچ۔ سپرجیئن C. H. Spurgeon، جلالی خوشخبری The Glorious Gospel، نئی پارک سٹریٹ دی واعظ گاہ The New Park Street Pulpit، پلگرم اشاعت خانے Pilgrim Publications، دوبارہ اشاعت 1981، جلد چہارم، صفحہ 158)۔

لہٰذا، میں تہانوں کہنا واں، اُوہناں شکوک تے نہ دھیان دیو جیہڑے شیطان تہاڈے ذہن وِچ پاندا اے۔

’’ایہہ گل سچی تے پوری طرح نال قبول کرن دے لائق اے کہ مسیح یسوع گنہگاراں نوں نجات دین دے لئی دُنیا وِچ آیا، جِنہاں وِچوں سب توں وڈا گنگہار میں آں‘‘ (1 تیموتاؤس1: 15)۔

’’یسوع بچاندا اے!‘‘ آؤ ایہنوں گائیے!

اَسی سرور بھری واج سُنی اے: یسوع بچاندا اے! یسوع بچاندا اے!
ساری دُنیا وِچ نوید پھیلا دیو: یسوع بچاندا اے! یسوع بچاندا اے!
ہر سرزمین تے خبر دس دیو، ڈھلواناں تے چڑھ کے تے لہراں نوں پار کر کے؛
اَگے ودھو! ایہہ ساڈے خداوند دا حکم اے؛ یسوع بچاندا اے! یسوع بچاندا اے!
   (’’یسوع بچاندا اے Jesus Saves‘‘ شاعر پرسیلہ جے۔ اونز Priscilla J. Owens، 1829۔1907)۔

II۔ دوجی گل، ایہہ تلاوت نجات دہندہ، گناہ تے نجات دے بارے وِچ اِک سچا بیان اے۔

’’ایہہ گل سچی تے پوری طرح نال قبول کرن دے لائق اے کہ مسیح یسوع گنہگاراں نوں نجات دین دے لئی دُنیا وِچ آیا، جِنہاں وِچوں سب توں وڈا گنگہار میں آں‘‘ (1 تیموتاؤس1: 15)۔

پہلاں، ایہہ نجتا دہندہ دے بارے وِچ گل کردی اے۔ ڈاکٹر میگی Dr. McGee نے کہیا،

ایہہ کلام پاک دے اِک انتہائی اہم آیت اے کیوں جے ایہہ تصدیق کردی اے کہ ’’مسیح یسوع گنہگاراں نوں بچان دے لئی دُنیا وِچ آیا۔‘‘ اُو عظیم ترین اُستاد بنن دے لئی نئیں آیا سی جِنہوں دُںیا کدی جان چکی اے، حالانکہ اُو اُوہی سی۔ اُو کوئی اِخلاقی مثال قائم کرن دے لئی نئیں آیا سی، مگر اُوہنے اینج کیتا۔ اُو دُنیا وِچ گنہگاراں نوں بچان دے لئی آیا سی (جے۔ ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرز Thomas Nelson Publishers، 1983، جلد پنجم، صفحہ 434؛ 1تیموتاؤس1: 15 تے غور طلب گل)۔

’’مسیح یسوع گنہگاراں نوں بچان دے لئی دُںیا وِچ آیا۔‘‘ اُو آسمان توں ’’دُنیا وِچ آیا‘‘ سی،

’’لیکن جدوں ویلہ پورا ہو گیا تے خدا نے اپنے پُتر نوں پیجیا…‘‘ (گلِتیوں4:4)۔

’’تے کلام مجسّم ہویا تے ساڈے وِچکار خیمہ زن ہویا…‘‘ (یوحنا1:14)۔

مسیح دُںیا وِچ کیوں آیا سی؟ ’’گنہگاراں نوں بچان دے لئی‘‘ (1تیموتاؤس1: 15)۔ ایہی اے جیہڑا یسوع نے اپنے آپ دے بارے وِچ کہیا سی،

’’کیوں جے ابنِ آدم گواچے نوں لبھن تے بچان آیا اے‘‘ (لوقا19: 10)۔

ایہو ای وجہ اے کہ یسوع نے تہاڈے گناہ خود تے لد لئے سن۔ ایہو ای وجہ اے کہ اُوہنے گتسمنی دے باغ وِچ لہو پسینے وانگوں وگایا سی۔ ایہو ای وجہ اے کہ اُوہنے لہو وِچ تربتر کوڑے برداشت کیتے۔ ایہو ای وجہ اے کہ اُو صلیب دے لئی گیا، جیتھے اُوہدے ہتھاں تے پیراں وِچ کیل ٹھوکے گئے۔ ایہو ای وجہ اے کہ اُو صلیب تے اِک ہولناک موت مریا، لہو، درد تے اذیت وِچ – گنہگاراں نوں بچان دے لئی!‘‘ ’’یسوع بچاندا اے!‘‘ ایہنوں فیر توں گاؤ!

اَسی سرور بھری واج سُنی اے: یسوع بچاندا اے! یسوع بچاندا اے!
ساری دُنیا وِچ نوید پھیلا دیو: یسوع بچاندا اے! یسوع بچاندا اے!
ہر سرزمین تے خبر دس دیو، ڈھلواناں تے چڑھ کے تے لہراں نوں پار کر کے؛
اَگے ودھو! ایہہ ساڈے خداوند دا حکم اے؛ یسوع بچاندا اے! یسوع بچاندا اے!

فیر توں، تلاوت کہندی اے مسیح، ’’دنیا وِچ گنہگاراں نوں بچان دی لئی‘‘ آیا سی۔ تُسی تعجب کر سکدے اُو کہ کیوں میں پچھلے کُج ہفتے ڈاروِن دے اِرتقاء دے خلاف منادی وِچ لنگہائے۔ تُسی کہہ سکدے اُو، ’’اُوکیوں ایہدے بارے وِچ ایس قدر بوہتی گل کردا اے؟‘‘ ایہدا جواب سادہ جیہا اے۔ ڈاروِن اِزم تعلیم دیندی اے کہ انسان صرف اِک جانور اے، محض اِک ہور بوہتا وڈا باندر، جیہڑا کم درجے آلی قسم توں اِرتقاء وِچ آیا۔ لیکن جے ڈاروِن اِزم سچی اے تے مسیح نوں کیوں آنا پیہا سی؟ جے انسان اِک دوجا جانور ای اے تے مسیح نوں آسمان توں ہیٹاں کیوں آنا پیہیا تے صلیب تے کیوں قربان ہونا پیہیا؟ میں تہانوں دسنا واں کیوں – کیوں جے انسان خدا دی اِک خاص تخلیق اے۔ انسان حیاتی دی کم درجے آلی انواع وِچوں اِرتقاء چہ نئیں آیا۔ ’’خدا نے انسان نوں خود اپنی شبیہہ تے تخلیق کیتا‘‘ (پیدائش1: 27)۔ مگر شروع چہ انسان پُٹھی راہ ٹُر پیہیا۔ اُوہنے گناہ کیتا، تے اپنے گناہ دے ذریعے دی وجہ توں، اُوہدی ساری دی ساری آل اولاد فطرتی طور تے تے عمل دے ذریعے توں گنہگار بن گئی۔ بائبل تعلیم دیندی اے کہ انسان نوں خدا نے تخلیق کیتا سی، مگر اُو گناہ توں بھرپور ہو گیا۔ ایہو ای وجہ اے کہ مسیح نوں آنا پیہیا تے سولی تے مرنا پیہیا، تے مُردیاں وِچوں جی اُٹھنا پیہیا – مرداں تے عورتاں نوں گناہ توں بچان دے لئی!

’’مسیح یسوع گنہگاروں نوں نجات دین دے لئی دُنیا چہ آیا…‘‘ (1تیموتاؤس1: 15)۔

بائبل تعلیم دیندی اے کہ تُسی گنہگار اُو۔ پولوس رسول نے کہیا،

’’جیویں کہ پاک کلام وِچ لکھیا اے، کوئی راستباز نئیں، اِک وی نئیں؛ کوئی سمجھدار نئیں، کوئی خدا دا طالب نئیں۔ سارے دے سارے گمراہ ہو گئے، اُو کسی کم دے نئیں رئے، کوئی نئیں جیہڑا بھلائی کردا ہووے، اِک وی نئیں‘‘ (رومیوں3: 10۔12)۔

چونکہ تُسی گنہگار اُو تے تُسی خدا نوں خوش نئیں رکھ سکدے، ایس نال کوئی فرق نئیں پیندا کہ تُسی کیہنی شدید کوشش کردے اُو۔ تہاڈے گناہ دا کفارہ مسیح مصلوب نوں ای ادا کرنا پیندا اے،

’’اُو آپئے اپنے پینڈا تے ساڈے گناہواں دا بوجھ لدے ہوئے سولی تے چڑھ گیا…‘‘ (1پطرس2: 24)۔

’’اَسی سارے پیڈھاں وانگوں بھٹک گئے؛ ساڈے وِچوں ہر اِک نے اپنی اپنی راہ لے لی؛ تے خداوند نے اَساں ساریاں دی بدکاری [اُو گناہ] اُوہدے تے لد دِتی‘‘ (اشعیا53: 6)۔

کورس گاؤ، ’’یسوع نے ایس تمام دی قیمت چکائی‘‘!

یسوع نے ایس تمام دی قیمت چکائی،
   اُوہدا میں مکمل مقروض واں؛
گناہ نے اِک سُرخی مائل دھبہ چھڈیا اے،
   اُوہنے اُونوں دھو کر برف وانگو سفید کر دِتا اے۔
(’’یسوع نے ایس تمام دی قیمت چکائی Jesus Paid It All‘‘ شاعرہ ایلوینہ ایم۔ ھال Elvina M. Hall، 1820۔1889)۔

گاؤ ’’سولی وِچ‘‘!

سولی وِچ، سولی وِچ،
   ہمیشہ میرا جلال ہووے؛
جدوں تیکر کہ میری بے خود جان پا نہ لئے
   اُوس دریا توں پراں آرام۔
(سولی دے نیڑےNear the Cross‘‘ شاعر فینی جے۔ کراسبیFanny J. Crosby ، 1820۔1915)۔

گھٹ نے جیہڑے اَج کہندے نے، مگر تُسی اُوہناں وِچوں اِک ہو سکدے اُو۔ تُسی اُوہناں وِچوں اِک ہو سکدے اُو جیہڑے کہندے نے، ’’میں یسوع دے بچان دے لئی سب توں وڈا گنگہار آں۔‘‘ لیکن تلاوت تے فیر توں نظر پاؤ۔

’’ایہہ گل سچی تے پوری طرح نال قبول کرن دے لائق اے کہ مسیح یسوع گنہگاراں نوں نجات دین دے لئی دُنیا وِچ آیا، جِنہاں وِچوں سب توں وڈا گنگہار میں آں‘‘ (1 تیموتاؤس1: 15)۔

پولوس نے کہیا کہ اُو سب توں وڈا گنگار اے، گنہگاراں دا سردار۔ اُو سچ بول رہیا سی۔ اُوہنے خداوند یسوع مسیح دے خلاف گستاخیاں کیتیاں۔ اُوہنے مسیحیاں نوں اذیتاں دِتیاں تے اُوہناں نوں قتل کیتا۔ مگر یسوع نے اُوہنوں بچایا! جے مسیح پولوس وگرے بدکار گنہگار نوں بچا سکدا اے تے اُو تہانوں وی بچا سکدا اے۔ جے مسیح پولوس وگرے اِک شیطان نوں اپنے شاگرداں وِچوں اِک وِچ بدل سکدا اے تے اُو تہاڈے گناہ معاف کر سکدا اے تے تہاڈے دِل نوں فیر توں حیاتی بخش سکدا اے تے تہانوں اِک حقیقی مسیحی وِچ بدل سکدا اے!

’’ایہہ گل سچی تے پوری طرح نال قبول کرن دے لائق اے کہ مسیح یسوع گنہگاراں نوں نجات دین دے لئی دُنیا وِچ آیا، جِنہاں وِچوں سب توں وڈا گنگہار میں آں‘‘ (1 تیموتاؤس1: 15)۔

یسوع گنہگاراں نوں بچان دے لئی آیا سی۔ جے تُسی محسوس کردے اُو کہ گنہگار اُو، مسیح تہانوں بچا سکدا اے۔ لیکن میں تہانوں خبردار کرنا واں – جے تُسی محسوس نئیں کر سکدے اُو کہ تُسی گنہگار اُو، تے تُسی اُوہدے وسیلے توں بچائے نئیں جا سکدے۔ کیوں جے

’’مسیح یسوع گنہگاراں نوں بچان دے لئی دُنیا وِچ آیا،‘‘

تے ہُور کسی ہور نوں نئیں! اُو صرف گنہگاراں نوں بچان دے لئی آیا۔ لہٰذا، جے تُسی احتجاج کردے اُو کہ تُسی گنہگار نئیں اُو تے اُو تہانوں نئیں بچائے گا۔ خدا تہانوں تہاڈے گناہ دی سزایابی وِچ لہیائے گا۔ خدا تہانوں یسوع وَل کھیچے گا۔ تُسی اُوہدے موت دے وسیلے توں راستباز ٹھہرائے جاؤ، تے اُوہدے لہو دے وسیلے توں گناہ توں پاک صاف ہو جاؤ! اپنے گیتاں دے ورق توں حمدوثنا دا گیت نمبر7 گاؤ!

بغیر اِک اِلتجا دے، میں جیہو جیہا وی آں،
   مگر کہ تیرا لہو میرے لیے وگایا گیا،
تے کہ توں مینوں اپنے کول بُلان لئی بیقرار اے،
   اے خُدا دے برّے، میں آیا! میں آیا!

انتظار کیتاں بغیر، میں جیہو جیہا وی آں،
   میری جان نوں اِک تاریک دھبے توں چھڑان لئی،
تیرے لئی جیدا لہو اِک داغ مٹا سکدا اے،
   اے خُدا دے برّے، میں آیا! میں آیا!

بے شک اُچھالا گیا، میں جیہو جیہا وی آں،
   بوہتی کشمکش وِچ، بوہتے شکوکاں وِچ،
میں اپنے خوف تے جھگڑیاں دے نال تے بغیر،
   اے خُدا دے برّے، میں آیا! میں آیا!
   (’’میں جیہو جیہا وی آں Just As I Am‘‘ شاعرہ شارلٹ ایلیٹ Charlotte Elliott، 1789۔1871)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

سچی اور پوری طرح قبول کرنے کے لائق پولوس کی گواہی

PAUL’S FAITHFUL TESTIMONY

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’ایہہ گل سچی تے پوری طرح نال قبول کرن دے لائق اے کہ مسیح یسوع گنہگاراں نوں نجات دین دے لئی دُنیا وِچ آیا، جِنہاں وِچوں سب توں وڈا گنگہار میں آں‘‘ (1 تیموتاؤس1: 15)۔

I۔   پہلی گل، ایہہ تلاوت اک سچا بیان اے جیس نوں قبول کیتا جانا چائیدا اے، 1تیموتاؤس1:15الف؛ 2تیموتاؤس3:15؛ 2پطرس1:21، 16؛ 1یوحنا1:1؛ اعمال1:3 .

II۔  دوجی گل، ایہہ تلاوت نجات دہندہ، گناہ تے نجات دے بارے وِچ اِک سچا بیان اے، 1تیموتاؤس1:15ب؛ گلِتیوں4:4؛ یوحنا1:14؛ لوقا19:10؛ پیدائش1:27؛ رومیوں3:10۔12؛ 1پطرس2:24؛ اشعیا53:6 .