نوجوان لوگو – سُولی نوں چُک لو!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہ اِک ایہو جئی تلاوت اے جِنہوں تُسی ساڈے زمانے دے منبراں یا واعظ گاہواں توں ایتھے مغربی دُنیا وِچ شاید ای کِدرے سُنے ہون گے۔ جے ایہدے ذکر سرسری طور تے کیتا جائے تے عام طور تے ایہ سمجھا جاندا اے کہ مسیح صرف اپنے بارہ شاگرداں دا ذکر کر رئے سن۔ فیر وی اینج نئیں سی۔ مسیح پورے اِکٹھ توں مخاطب سی۔

’’تے فیر اُوہنے ساریاں لوکاں نوں [اُو اِکٹھ یا بیہھڑ ، نئی امریکن سٹینڈرڈ بائبل NASV] تے اپنے شاگرداں نوں اپنے کول بُلایا تے اُوہناں نوں کہیا، جے کوئی میری پیروی کرنا چاہے تے اُو خود انکاری کرے، اپنی سولی چُکے تے میرے پیچھے چلا آئے‘‘ (مرقس 8: 34)۔

’’تے اُوہنے اُوہناں ساریاں نوں کہیا، جے کوئی میری پیروی کرنا چاہے تے اُو خود انکاری کرے، تے روزانہ اپنی سولی چُکے تے میرے پیچھے چلا آئے‘‘ (لوقا 9: 23)۔

ہُن ایہ واضح ہو جانا چائیدا اے کہ لوکاں دا تقریباً ایہ سارے دا سارا ہجوم مسیح وِچ ایمان لیہیائے بغیر غیر تبدیل شُدہ سی۔ ایتھوں تیکر کہ خود شاگرداں وِچ، یہوداہ مسیح چہ ایمان لیہیائے بغیر غیرتبدیل شُدہ سی۔ یقینی طور تے تھوما نوں ’’ایماندار‘‘ دے طور تے شمار نئیں کیتا جا سکدا اے۔ مسیح دے جی اُٹھن دے بعد وی اُوہنے دلیری نال کہیا، ’’میں یقین نئیں کراں گا‘‘ (یوحنا 20: 25)۔

ایہ اِک حقیقت اے کہ ایس ہجوم وِچوں زیادہ تر – تقریباً سبھی – غیر تبدیل شدہ نوجواناں تے مشتمل سن۔ ایہ گل مشہور اے کہ اُوہدے سُنن آلے زیادہ تر نوجوان سن۔ پطرس صرف 30 وریاں دے لاگے سی۔ باقی چھوٹ سن۔ یوحنا صرف 17 وریاں دا سی۔ ایہ دلچسپ گل اے کہ میری ویب سائٹ دے اِک حالیہ مطالعہ توں پتہ چلدا اے کہ میرے واعظ پڑھن آلیاں وِچوں تقریباً 56 % 34 وریاں توں گھٹ عمر دے نے۔ میرا یقین اے کہ ایہدے نال ظاہر ہوندا اے کہ میرے واعظ اُوہناں نوں جوانی وِچ بوہتے متاثر کردے نے۔ بالکل اینج جیویں یسوع دے دِل و دماغ وِچ چُبھ جان آلے واعظاں نے کیتا، میرا واعظ اُوہناں نوجواناں نوں لُبھاندے نے جیہڑے اِک چیلنج دی تلاش وِچ نے!

بہتیرے امریکی مبلغین نوں ایہ کیہنا عجیب لگدا اے کہ یسوع ایہ کہہ کے گمراہ یا کھوئے ہوئے لوکاں دے لئی واعظ شروع کرے،

’’جے کوئی میری پیروی کرنا چاہے تے اُو خود انکاری کرے، اپنی سولی چُکے تے میرے پیچھے چلا آئے‘‘ (مرقس 8: 34)۔

مسیح نے ایہدی کوئی وضاحت نئیں کیتی کہ سولی چُکن توں اُوہدا کی مطلب اے۔ اُوہنے کوئی وضاحت نئیں کیتی کیوں جے کوئی لوڑ وی نئیں سی۔ جیویں کہ ڈاکٹر رائیری Dr. Ryrie مسیح دے سولی دے بارے چہ پہلی وری ذکر توں تعلق رکھدے ہوئے کہیا،

سولی دے ایس حوالے نوں کسی وضاحت دی لوڑ نئیں سی، کیوں جے یہودیاں نے اپنے ہزارہا ہم وطناں نوں رومیاں دے ہتھوں سولی چڑھدیاں ویکھیا سی (چارلس سی رائری، پی ایچ ڈی Charles C. Ryrie, Ph.D.، رائیری دا مطالعہ بائبل The Ryrie Study Bible، موڈی پریسMoody Press، 1978؛ متی 10: 38 پر غور طلب بات)۔

دوبارہ، لوقا 9: 23 وِچ متماثل حوالے توں تعلق رکھدے ہوئے ڈاکٹر رائیری نے کہیا،

سولی موت دے اِک اَلے دے طور تے معروف سی، ایس لئی ایہ ایتھے پرانی حیاتی دی موت دی نمائندگی کردی اے … (گذشتہ گل دے تسلسل وِچ ibid.، لوقا 9: 23 تے غور طلب گل)۔

’’تے فیر اُوہنے ساریاں لوکاں نوں تے اپنے شاگرداں نوں اپنے کول بُلایا تے اُوہناں نوں کہیا، جے کوئی میری پیروی کرنا چاہے تے اُو خود انکاری کرے، اپنی سولی چُکے تے میرے پیچھے چلا آئے‘‘ (مرقس 8: 34)۔

نئیں، مسیح نے وضاحت نئیں کیتی کہ ایس ہجوم توں اُوہدا کی مطلب سی، جیہڑا زیادہ تر نوجواناں تے مشتمل سی جیہڑے غیر تبدیل شُدہ سن۔ اُوہنے کوئی وضاحت نئیں کیتی کیوں جے کسی وضاحت دی لوڑ ای نئیں سی۔ اُو سب جانندے سن کہ اُو کیس دے بارے وِچ گل کر رہیا اے – کہ اُوہناں نوں اپنے آپ توں انکار کرنا پیہئے گا تے اُوہدے ’’پیچھے آن‘‘ دے لئی مرنا پیہئے گا۔ کی کوئی جدید مبشر ایہو جئی گل کیہن دی جرأت کرے گا؟ تے فیر وی مسیح نے ایہ کہیا – بغیر معذرت یا مذید وضاحت دے!

I۔ پہلی گل، نوجواناں نوں شروع وِچ خود انکاری دا تے سولی اُٹھان دا سامنا کرنا چائیدا اے۔

میہنوں یقین اے کہ 18 توں 34 وریاں دی عمر دے لوکاں دے لئجی سولی نوں چُکن دا خاص لبھاؤ یا دلچسپی ہوندی اے۔ ایہ اُوہی نے جِنہاں نال یسوع اُوس دِن گل کر رہیا سی، تے میں اَج سویرے اُوہناں نال ای گل کر رہیا آں۔ میہنوں یقین اے کہ اَج دے زیادہ تر واعظ ساڈے گرجا گھراں وِچ وڈیرے لوکاں دے تعصبات نوں پورا کرن دے لئی اُوہناں دی مرضی دے مطابق سُنا دِتے جاندے نے۔ کیہنی وڈی غلطی اے! جے اَسی نوجوان نسل تیکر اپنی گل نئیں پہنچانے آں، تے ساڈے گرجا گھر برباد ہو جان گے۔ تے زیادہ تر جیہڑے نوجوان نے اُو بہلاوے وغیرہ وگری گلاں توں تنگ آ چکے نے جیہڑیاں اُوہناں نوں ساڈے گرجا گھراں وِچ سُنائی جاندیاں نے۔ اُو چیلنج کرنا چاہندے نے۔ اُو اِک سخت مسیحیت چاہندے نے۔ اُو اِک ایہو جئی مسیحیت چاہندے نے جیہڑی جرأت مندانہ تے بہادرانہ ہووے، اِک ایہو جئی مسیحیت جیہڑی اُوہناں کولواں اِک ایہو جئی دُنیا وِچ غیر مفاہمانہ حیاتی لنگہان دا تقاضا کردی ہووے جیہڑی حقیقی مسیحیت وَل ودھ رئی اے۔ تے ایہ بالکل اُو للکارن آلی موت توں بچن آلی، خود نوں قربان کرن آلی حیاتی اے جیہدے لئی یسوع تہانوں بُلاندا اے، جیویں کہ اُوہنے پہلی صدی وِچ کیتا سی۔ اُٹھو اے خدا دے جوانو! یسوع نے تہانوں جیہڑا چیلنج دِتا اے اُوہنوں ذہن وِچ رکھو!

میں لاس اینجلز دے اِک اندرونی شہر دے گرجا گھر وِچ اِک اَڑسٹھ سالہ پادری آں۔ ساڈا گرجا گھر سیاہ فام لوکاں، مشرقی لوکاں، سپانوی تے بہتیرے شاندار سفید فام لوکاں نال بنیا اے۔ مذہبی خدمت یا منادی وِچ پچاس وریاں تیکر رہن دے بعد، میں جاننا آں، کہ ساڈی قوم دے نوجوان ساڈے بہتیرے گرجا گھراں دی منافقت تے مُردہ پن توں تنگ آ چکے نے۔ میں جاننا آں کہ تُسی واعظ وِچ صرف اِک ہُور زندہ دِل گفتگو دے علاوہ کُجھ ہور چاہندے نے – جیس دا مقصد گرجا گھر وِچ وڈیری عورتاں تے مرد حضرات نے۔ میں ایہناں بزرگاں دے خلاف نئیں آں۔ ہرگز نئیں! ایہناں وِچوں اِک چنگی فیصد تعداد ہُن وہ بہوتی متحرک، للکارن آلے پیغام چاہندی اے جِنہے کہ اُوہناں نوں ساڈے دور وِچ دِتے گئے نے۔

لیکن مسیح نے جیہڑا انقلابی چیلنج دِتا اُوہدا مقابلہ کرن دے لئی، تہانوں مسیح دے نال مصلوب کیتا جانا چائیدا اے – بالکل شروع وِچ، بالکل پہلے ای انجیلی بشارت دے واعظ دے دوران جیہڑا تُسی سُنندے اُو۔ پولوس رسول نے کہیا،

’’خدا نہ کرے کہ میں کسی چیز پر فخر کروں، سِوا اپنے خداوند یسوع مسیح دی سولی دے جیس دے ذریعے دُنیا میرے لئی مصلوب ہو گئی تے میں دُنیا دے لئی‘‘ (گلِتیوں 6: 14)۔

ایہناں لفظاں نے کافر دُنیا دی نفی کیتی، مذہب تبدیل کرن آلے نوجوان نوں بُلایا، جِنہاں نے اُوہنے گل کیتی، سولی اُٹھان آلی اِک حیاتی دے لئی بُلایا، خود دستبرداری دے لئی بُلایا، تے اِک ایہو جئی دُنیا دے معمولی جئے کافرانہ معیاراں دی یقینی موت دے لئی بُلایا جیہڑی [غلط راہواں تے جا چکی اے] پاگل ہو چکی اے۔ پولوس نے مسیح دی سولی وِچ جلال ظاہر کیتا۔ ایہدا مطلب ایہ سی کہ سولی تے مسیح دی موت اِک ایہو جئی شے سی جیس دے عزت تے تعریف کیتی جائے۔ تُسی صحیح معنیاں وِچ تبدیل نئیں ہو سکدے جے تُسی سولی تے یسوع دی قربانی نوں تاریخ دے سب توں اہم مرکز دے طور تے نئیں ویکھدے نے۔ ایہ ایس سولی تے سی کہ یسوع تہاڈے گناہ دا پورا کفارہ ادا کرن دے لئی اِک خوفناک موت مریا۔ ایہ ایس سولی تے سی کہ اُوہنے تہاڈے گناہواں نوں دھون دے لئی اپنا لہو وگایا، تے تہانوں خدا دی نظر وِچ گناہ توں پاک صاف کیتا۔ نوجواناں نوں اپنے گناہواں دے متبادل دے طور تے یسوع دی خوفناک موت دا سامنا کرنا چائیدا اے، ’’تے نہ صرف [اُوہناں دے گناہواں] دے لئی، بلکہ پوری دُنیا دے گناہواں دے لئی‘‘ (I یوحنا 2: 2)۔ پولوس نے سولی تے یسوع دے مصلوب ہون نوں عزت تے تعظیم دِتی، کیوں جے ایہ اُوتھے ای سی کہ اُوہنے گنہگار انسان نوں گناہ، موت تے جہنم دے شعلیاں توں چھڈان دے لئی اپنی حیاتی دِتی! لیکن پولوس نے ایہ وی کہیا کہ اُوہنے اپنے آپ نوں مسیح دی سولی توں ایس قدر پہچانا کہ ایہ اُوہدی اپنی ہو گئی جدوں اُوہنے کہیا،

’’جیس [مسیح] دے ذریعے دُنیا میرے لئی مصلوب ہو گئی تے میں دُنیا دے لئی‘‘ (گلِتیوں 6: 14)۔

پولوس رسول دے بارے وِچ مبلغین دے عظیم شہزادے سپرجئین نے کہیا،

دُنیا تے ہر اُو شے جہیڑی دُنیا دی سی، پولوس دے لئی لاش بن گئی سی، تے اُو ایس دے لئی اِک لاش سی … [دُنیا] مُردہ ہو جائے، نظراں توں اوجھل ہو جائے … تے اُوہدے بعد نظراں توں اوجھل ہو جائے … اُو مسیح جِنہے سولی تے انسانی شکل اِختیار کیتی … ساڈی روحواں تے قبضہ کر لہیا اے، تے [ہُن توں ، اَسی صرف اُوہدے لئی زندہ آں]۔ اُوہنے ساڈے پیاروں [تے دِلاں] نوں [اپنے قبضے وِچ] کر لیہیا اے۔ ایہدے لئی ساڈی ساری [محبت پگھلدی اے]۔ خدا اَساں ساریاں دے نال اینج ای کرے … آمین۔ (سی ایچ سپرجئینC. H. Spurgeon، ’’اُو سولی ساڈا جلال The Cross Our Glory،‘‘ دی میٹروپولیٹن عبادت گاہ کی واعظ گاہ The Metropolitan Tabernacle Pulpit، پِلگِرم پبلیکیشنز، 1973، جلد XXXI، صفحہ 501)۔

میہنوں یقین اے کہ ہر غیر تبدیل شُدہ نوجوان نوں جیہڑا ایس واعظ نوں سُنندا یا پڑھدا اے اپنے آپ نوں گہرائی توں جانچنا تے ایس گل نوں یقینی بنانا چائیدا اے کہ اُو واقعی مسیح وِچ ایمان لیہیا کے تبدیل ہویا اے، کیوں جے رسول کہندے نے،

’’اپنے آپ نوں جانچو، کی تُسی ایمان وِچ اُو؛ اپنے آپ نوں ثابت کرو‘‘ (II کرنتھیوں 13: 5)۔

لیکن مسیح وِچ ایمان لیہیا کے حقیقی طور تے تبدیل ہون دے لئی تہانوں سنڈے اسکول دے سبق وِچ پولوس دے الفاظ نوں دہران توں زیادہ کُجھ کرنا چائیدا اے،

’’خدا نہ کرے کہ میں کسی شے تے فخر کراں، سِوا اپنے خداوند یسوع مسیح دی سولی دے جیس دے ذریعے دُنیا میرے لئی مصلوب ہو گئی تے میں دُںیا دے لئی‘‘ (گلِتیوں 6: 14)۔

سولی تے، سولی تے،
ہمیشہ میرا جلال ہووے؛
جِدوں تیکر میری بیخود جان لبھ نئیں لہندی
دریا توں پرے سکون!
(’’سولی دے قریب Near the Cross‘‘ شاعر فینی جے۔ کراسبی Fanny J. Crosby، 1820۔1915)۔

تُسی نوجوان لوکو جیہڑے صحیح معنیاں وِچ مسیح چہ ایمان لیہیا کے تبدیل نئیں ہوئے اُو اُوہناں نوں مسیح دی سولی دا سامنا کرنا ہووے گا تے اُوہناں نوں پہلی وری وِچ انجیل دی منادی سُنندے ای سولی نوں اُٹھان دی لوڑ اے۔ تہانوں، کسی نہ کسی طریقے نال، ایہناں لفظاں دے نال للکارا جانا چائیدا اے جیہڑے مسیح نے غیر نجات یافتہ ہجوم نوں دِتے سن جنہاں نے اُوس دِن اُوہنوں منادی کردے ہوئے سُںیا،

’’جیہڑا کوئی میری پیروی کرنا چاہے تے اُو خود انکاری [خود دی قربانی] کرے، اپنی سولی چُک لئے تے میرے پیچھے ہو لئے‘‘ (مرقس 8: 34)۔

ایہ پہلی گل اے جیہڑی تہاڈے نال ہونی چائیدی اے، ورنہ تہانوں مسیح چہ ایمان لیہیان دی حقیقی تبدیلی دا تجربہ نئیں ہووے گا۔ تہانوں اپنے آپ نوں ’’مارنا‘‘ چائیدا اے، تے ’’[اپنی] سولی اُٹھانی چائیدی اے، تے [اُوہدی] پیروی کرنا چائیدی اے۔‘‘

جے تہانوں ایہ گل شروع وِچ نئیں دسی جاندی اے، تے ایہ اِک سستی چال لگدی اے، جدوں کوئی مبلغ تہانوں بعد وِچ کہندا اے کہ تہانوں اپنے آپ نوں مارنا پیہئے گا، تے اپنی سولی اُٹھانا پیہئے گی۔ تہاڈا دِل کہوے گا، ’’اُوہناں نے میہنوں جدوں میں پہلی وری گرجا گھر آیا تے کیوں نئیں دسیا کہ اِک مسیحی بننا ایہنا مشکل ہووے گا؟‘‘ اینج لگدا اے کہ اُوہناں نے تہانوں دھوکہ دِتا اے۔ تے، درحقیقت، اُو اکثر اینج ای کردے نے، گرجا گھر وِچ اِک ہُور نشست نوں بھرن دے لئی – تھوڑی دیر دے لئ – کیوں جے تُسی یقینی طور تے گناہ وِچ ڈِگ جاؤ گے، تے بالاآخری گرجا گھر چھڈ دیو گے، جے تہانوں پہلی وری گرجا گھر وِچ آن تے ایہ مشکل سچائی نئیں دسی گئی۔ کوئی تعجب دی گل نئیں کہ اَسی اَج امریکہ وِچ اپنے گرجا گھراں وِچ تقریباً 90 % نوجواناں نوں کھو رئے نے! تُسی کسی نوجوان نوں ایس حقیقت توں چُھپا کے مسیحی ہون دے لئی دھوکہ نئیں دے سکدے کہ یسوع نے کہیا،

ایس لئی، میں کہنا آں، ایہ تہاڈے لئی مسیح دا چیلنج اے! جے خدا تہانوں مسیح وِچ ایمان لیہیا کے تبدیل ہون دے بارے وِچ گل کر رہیا اے، تے اپنے منصوبیاں تے خواہشات تے گناہواں دے لئی مر جان گے۔ مسیح دے کول آؤ تے اُوہدے لہو نال اپنے گناہواں توں پاک صاف ہو جاؤ۔ ’’تے [اپنی] سولی اُٹھاؤ تے [اُوہدے] پیچھے چلو۔‘‘ کوئی وی شخص کدی حقیقی طور تے تبدیل نئیں ہوندا جیہڑا اپنے ای شریر دِل تے حیاتی نال اِنکار نئیں کردا ہووے۔ کوئی وی شخص کدی حقیقی طور تے نجات نئیں پاندا جیہڑا اپنی سولی چُکن تے مسیح دی پیروی کرن نوں تیار نہ ہووے۔ اُو کورس دوبارہ گائیے، ’’سولی تے۔‘‘

سولی تے، سولی تے،
ہمیشہ میرا جلال ہووے؛
جِدوں تیکر میری بیخود جان لبھ نئیں لہندی
دریا توں پرے سکون!

کی ایہ نجات اعمال دے نال اے؟ ایہ نئیں اے! ایہ تنہا مسیح چہ ایمان دے وسیلے توں فضل دے نال نجات اے۱ کوئی وی اپنے نوں نئیں مارے گا جدوں تیکر کہ خدا اُوہنوں اینج کرن دا فضل نہ دیوے! کوئی وی اپنی سولی نئیں چکے گا تے مسیح دی پیروی کلوری تیکر نئیں کرے گا جدوں تیکر کہ خدا اُوہنوں اینج کرن دا فضل نہ دے! جیویں کہ پولوس رسول نے کہیا،

’’کیوں جے مسیح دی خاطر تہاڈے تے ایہ فضل ہویا کہ نہ صرف فقط اُوہدے تے ایمان لیہیاؤ بلکہ اُوہدی خاطر دُکھ وی سہو‘‘ (فلپیوں 1: 29)۔

مسیح دے کول آؤ تے اُوہدے وسیلے توں جات پاؤ۔ لیکن یاد رکھو کہ اُوس ’’مسیح دے کول آن‘‘ وِچ ’’[اپنے لئی] مرن تے [اپنی] سولی چُکن تے [اُوہدی] پیروی کرن دی خواہش شامل اے‘‘ (مرقس 8: 34)۔ جیویں کہ ڈاکٹر جان آر رائس نے اپنے اِک دِل نوں چھو لین آلے گیت وِچ ایہنوں بہوتی چنگی طرح نال بیان کیتا اے،

میں اُوہنوں کی دیاں؟ میں کی پیش کراں؟
     میں اپنے خداوند دی قربانی دا قرض کیویں ادا کراں؟
زمین دی ساری دولت نئیں، نہ ای ایہدا سارا خزانہ ای،
     لیکن دِل دی عقیدت تے محبت قیمت توں ودھ کے!
میرے دِل دی ساری محبت، میرے سارے پیارے خواب،
     اُوہناں نوں خداوند یسوع صرف تیرے لئی بنا دے۔
میں جو کُجھ وی آں، میں جو کُجھ وی کر سکنا آں،
     خداوند یسوع میہنوں ہمیشہ دے لئی اپنان دے لئی لے لَے۔

میہنوں کیوں بُڑبُڑانا، دُکھاں توں پیچھا چُھرانا چائیدا اے،
     یسوع دے ناں وِچ بیلیاں یا پیسے لُٹان دے لئی خوفزدہ ہونا چائیدا اے؟
اوہ، میہنوں خطریاں تے سخت سزاواں نوں خوش آمدید کہنا چائیدا اے
     جے میں شاید یسوع دی شرم وِچ کُجھ حصہ وَنڈ پاواں!
میرے دِل دی ساری محبت، میرے سارے پیارے خواب،
     اُوہناں نوں خداوند یسوع صرف تیرے لئی بنا دے۔
میں جو کُجھ وی آں، میں جو کُجھ وی کر سکنا آں،
     خداوند یسوع میہنوں ہمیشہ دے لئی اپنان دے لئی لے لَے۔
(’’میرے دِل دا سارا پیار All My Heart’s Love ‘‘ شاعر ڈاکٹر جان آر۔ رائس Dr. John R. Rice، 1895۔1980)۔

لیکن تلاوت وِچ اِک ہور موضوع اے جِنہوں مینہوں چھونا چائیدا اے۔

II۔ دوجی گل، ہر مسیحی نوں، مسیح وِچ ایمان لیہیان دی تبدیلی دے بعد، خود انکاری نوں تے اپنی سولی نوں اُٹھان نوں جاری رکھنا چائیدا اے۔

خود انکاری تے سولی چُکنا ہر مسیحی دی عمر بھر دی تلاش ہونی چائیدی اے۔ خود انکاری توں مسیح دا مطلب اے ’’اپنی ذات دا انکار کرنا تے مسیح دے نال نئے رشتے وِچ داخل ہونا … سولی تنہا اُو دُکھ نے جیہڑے مسیح دے نال ساڈی وفاداری دے نتیجے وِچ پیدا ہوندے نے۔ تے انتباہ ایہ اے کہ ہر اِک شاگرد نوں ایس طرح دے دُکھاں وِچ اپنا حصہ لبھے گا … مسیح اپنی سولی دے نال رہنمائی کردا اے، تے اُوہدے سارے شاگرد، ہر اِک اپنی سولی نال لدیا ہویا، اِک بہوتے وڈے جلوس دے پیچھے پیچھے چلدا اے، اُوہناں لوکاں وانگوں جِنہاں دی مصلوب کیتے جان دے لئی رہنمائی کیتی جا رہئی ہوندی اے۔ پولوس اعداد و شمار نوں بہوتا اَگے تیکر لے جاندا اے؛ [اُو] جیہڑے مسیح یسوع دے [نے] اُوہناں نے اپنے جسم نوں … سولی تے چڑھا دِتا اے (گلِتیوں 5: 24)؛ تے … مسیح دے نال مصلوب کیتے گئے نے‘‘ (آر سی ایچ لینسکی، ڈی ڈی R. C. H. Lenski, D.D.، مقدس مرقس دی انجیل دی تفسیر The Interpretation of St. Mark’s Gospel، آگسبرگ اشاعتی گھر Augsburg Publishing House، 1961، صفحات 348۔349)۔

ایہ مسلسل خود انکاری اے۔ ایہ مسیح وِچ ایمان لیہیان دی تبدیلی نال شروع ہوندی اے تے پوری مسیحی حیاتی وِچ جاری رہنی چائیدی اے۔ ایہ لوقا 9: 23 وِچ لفظ ’’روزانہ‘‘ توں ظاہر ہوندا اے،

’’میں مسیح دے نال مصلوب ہو چکیا آں‘‘ (گلِتیوں 2: 20)۔

سولی تے، سولی تے،
ہمیشہ میرا جلال ہووے؛
جِدوں تیکر میری بیخود جان لبھ نئیں لہندی
دریا توں پرے سکون!

خود انکاری تے سولی دا چکنا مسیح چہ ایمان لیہیان دی تبدیلی نال شروع ہوندا اے، لیکن مسیح دے حقیقی پیروکار دی حیاتی وِچ تاحیات جاری رہندی اے۔ اعمال 2: 42 وِچ ابتدائی مسیحیاں دی گل کردے ہوئے، ڈاکٹر ٹوزر نے کہیا،

ایہناں پہلے مسیحیاں دے لئی مسیح وِچ ایمان لیہیان دی تبدیلی کوئی منزل نئیں سی۔ ایہ اِک سفر دا آغاز سی۔ تے بالکل ایتھے ای اے جیتھے بائبل دا اِصرار ساڈے تے مختلف اے۔ اَج سب کُجھ ایمان دے ابتدائی عمل تے منحصر اے۔ اِک مخصوص لمحے وِچ مسیح دے لئی اِک ’’فیصلہ لیہیا جاندا اے، تے ایہدے بعد سب کُجھ خود بخود ہو جاندا اے … اَسی اپنے سُنن آلیاں نوں ایس خیال نوں جذب کرن دی اجازت دیہنے آں کہ اُو اِک وری تے ہمیشہ دے لئی ایمان دے عمل نال اپنی ساری ذمہ داریاں توں نمٹ سکنے آں … اعمال دی کتاب وِچ ایمان ہر ایماندار دے لئی اِک آغاز سی، نہ کہ اِختتام … ایہ دِل تے دماغ دا [اِک نیا] رویہ سی جِنہے ایماندار نوں اپنی سولی چُکن تے برّے دے بچے دی پیروی کرن دے لئی کہ اُو جیتھے وی گیا، آمادہ کیتا تے ایس قابل بنایا (اے ڈبلیو ٹوزر ڈی ڈی۔ A. W. Tozer, D.D.، ’’ایمان اک سفر اے Faith is a Journey،‘‘ آدھی رات دے بعد پیدا ہویا Born After Midnight، کرسچن اشاعتی خانے Christian Publications، 1989 ایڈیشن، صفحات 15۔16)۔
ایتھے اِک وری فیر بائبل دی مسیحیت تے موجودہ دور دی انجیلی بشارت دے وِچکار واضح [فرق] نظر آندا اے، خاص طور تے ریاست ہائے متحدہ وِچ [جیتھے بہوتی گھٹ جسمانی ایذا دِتی جاندی اے]۔ اُو جیہڑے مسیح نوں قبول کردے نے اُوہناں نوں مسیح وِچ ایمان لیہیا کے تبدیل کرن دے لئی مشکلات دا سامنا کرن تے مجبور کیتا جاندا اے … اَسی اپنے سُنن آلیاں دے نال ایس ویلے تیکر مکمل طور تے ایماندار نئیں ہوواں گے جدوں تیکر کہ اَسی اُوہناں نوں دو ٹوک سچ نئیں دساں گے … جے اُو ایہدے وَل متوجہ ہو جاندے نے تے اُوہی دشمن جِنہاں نے اُوہنوں [سیوع نوں] مصلوب کیتا سی، اُوہناں نوں وی مصلوب کرن دی کوشش کرن گے … اُو پہلے ایماندار پوری سمجھ دے نال مسیح وَل ہوئے سن کہ اُو [شمال ہون دے لئی] اِک غیر مقبول مقصد وِچ شامل ہو رئے سن کہ اُو [شامل ہون دے لئی] اِک غیر مقبول مقصد وِچ شامل ہو رئے نے جیس دے لئی اُوہناں نوں ہر قیمت چکانی پیہئے گی۔ اُو جانندے سی کہ ہُن توں اُو نفرت انگیز اقلیتی گروہ دے رُکن ہون گے (ٹوزر Tozer، گذشتہ بات کے تسلسل میں ibid.، صفحات 17۔18)۔

ایتھے امریکہ وِچ جیویں دے حالات چل رئے نے، ایس وِچ بوہتی دیر نئیں لگے گی کہ زیادہ تر انجیلی بشارت آلے ’’اِک نفرت انگیز اقلیتی گروہ‘‘ بن جان گے۔ کُجھ طریقیاں نال ایہ گل پہلاں توں ای سچ اے۔ ایس مردی ہوئی دُنیا وِچ یسوع دے سے پیروکار بنن دے لئی، ہر سچے مسیحی دے لئی ایہ ضروری ہو جائے گا کہ اُو مسیح دے الفاظ نوں سنجیدگی نال اپنائے،

’’جے کوئی میری پیروی کرنا چاہے تے اُو خود انکاری کرے، اپنی سولی چُک لے تے میرے پیچھے چلا آئے‘‘ (مرقس 8: 34)۔

میں اُوہنوں کی دیاں؟ میں کی پیش کراں؟
     میں اپنے خداوند دی قربانی دا قرض کیویں ادا کراں؟
زمین دی ساری دولت نئیں، نہ ای ایہدا سارا خزانہ ای،
     لیکن دِل دی عقیدت تے محبت قیمت توں ودھ کے!
میرے دِل دی ساری محبت، میرے سارے پیارے خواب،
     اُوہناں نوں خداوند یسوع صرف تیرے لئی بنا دے۔
میں جو کُجھ وی آں، میں جو کُجھ وی کر سکنا آں،
     خداوند یسوع میہنوں ہمیشہ دے لئی اپنان دے لئی لے لَے۔

میہنوں کیوں بُڑبُڑانا، دُکھاں توں پیچھا چُھرانا چائیدا اے،
     یسوع دے ناں وِچ بیلیاں یا پیسے لُٹان دے لئی خوفزدہ ہونا چائیدا اے؟
اوہ، میہنوں خطریاں تے سخت سزاواں نوں خوش آمدید کہنا چائیدا اے
     جے میں شاید یسوع دی شرم وِچ کُجھ حصہ وَنڈ پاواں!
میرے دِل دی ساری محبت، میرے سارے پیارے خواب،
     اُوہناں نوں خداوند یسوع صرف تیرے لئی بنا دے۔
میں جو کُجھ وی آں، میں جو کُجھ وی کر سکنا آں،
     خداوند یسوع میہنوں ہمیشہ دے لئی اپنان دے لئی لے لَے۔
(’’میرے دِل کا تمام پیار All My Heart’s Love ‘‘ شاعر ڈاکٹر جان آر۔ رائس Dr. John R. Rice، 1895۔1980)۔

مسیح دے کول آؤ۔ اُوہدے لہو نال اپنے گناہواں توں دُھل جاؤ۔ مسیح وِچ خدا دے فضل نال تبدیل ہو جاؤ۔ اپنے آپ توں انکار کرو۔ اپنی سولی اُٹھاؤ تے مسیح دی پیروی کرو، پاویں ایہدی کوئی وی قیمت ادا کرنی پیہئے! اِک حقیقی مسیحی بنن دی ایہو ای قیمت اے!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔