مقامی گرجا گھر وِچ مسیحی محبت دے لئی دعا منگنا | Praying for Christian Love in the Local Church

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

تیجی آیت وِچ شاگرداں دے سوالاں تے ایہ دو آیتاں یسوع دے جواب دا حصہ نے۔

’’تیری آمد تے دُنیا دے آخیر ہون دا نشان کی اے؟‘‘ (متی 24: 3)۔

اُوہناں نے مسیح توں اِک ایہو جئی نشانی منگی جیہڑی اُوہدی دوجی آمد تے دُنیا دے خاتمے دی قربت نوں ظاہر کرے۔ دراصل، لفظ ’’دُنیا‘‘ لفظی طور تے ’’زمانہ‘‘ اے [سٹرانگStrong]۔ لہٰذا، اُو مسیح توں اِک ایہو جئی نشانی منگ رئے سن جیہڑی اُوہدے آن دی قربت تے ایس ’’زمانے‘‘ دے خاتمے نوں ظاہر کرے۔ دُنیا دے خاتمے توں پہلاں اِک ہُور ’’زمانہ‘‘ ہووے گا۔ ایس زمانے دے ختم ہو جان دے بعد اِک ہُور زمانہ ہووے گا۔ بادشاہی دا دور، زمین تے مسیح دی اِک ہزار سالہ حکومت، ایس دور تے ختم ہون دے بعد آئے گی۔ تے شاگرد پُچھ رئے سن کہ ایہ موجودہ زمانہ، یا انتظام کدوں ختم ہووے گا۔

’’تیری آمد تے دُنیا [ایس زمانے] دے آخیر ہون دا نشان کی اے؟‘‘ (متی 24: 3)۔

اِک ہُور واعظ وِچ میں کئی نشانیاں پیش کراں گا جیہڑیاں یسوع نے اُوہناں نوں دِتیاں سن۔ روحانی طور تے ہوشیار لوکی سمجھدے نے کہ شیواں زیادہ دیر تیکر نئیں چل سکدیاں جیوں کہ اُو نے۔ بہتیرے سائنسدان، جیہڑے مسیحی نئیں نے، سانوں دس رئے نے کہ عالمگیری حدت، زیادہ آبادی، تے ساڈے سیارے دی وگڑدی ہوئی حالت ایہ ظاہر کردی اے کہ دُنیا اپنی موجودہ حالت وِچ زیادہ تیر نئیں چل سکدی۔

روحانی مسیحی جانندے نے کہ ایہ سائنسدان درست نے، نہ صرف ایس لئی کہ جسمانی دُنیا وِگڑ رئی اے، بلکہ ایس لئی کہ سچے مسیحی ایہ سمجھدے نے کہ ایہ دسن دے ہُور وی طریقے نے کہ اَسی ایس زمانے دے اختتام دے لاگے نے۔ اُو ایہ جانندے نے کیوں جے اُو ویکھدے نے کہ بائبل نے آخیرلے زمانے دے لئی جیہڑیاں پیشن گوئیاں کیتیاں سن اُو اَج موجود نے۔ مسیح نے شاگرداں دے سوال دے جواب وِچ اُوہناں وِچوں بہتیریاں پیشن گوئیاں کیتیاں،

’’تیری آمد تے دُنیا [ایس زمانے] دے آخیر ہون دا نشان کی اے؟‘‘ (متی 24: 3)۔

اَج دی راتی میں متی 24: 12۔13 آیات وِچوں اُوہناں نشانیاں وِچوں اِک نوں پیش کراں گا۔

’’بےدینی دے ودھ جان دی وجہ توں کئی لوکاں دی محبت ٹھنڈی پہے جائے گی۔ لیکن جیہڑا کوئی آخیر تیکر برداشت کرے گا اُو نجات پائے گا‘‘ (متی 24: 12۔13)۔

ایس اِک نشانی توں اَسی دس سکنے آں کہ ساڈی موجودہ ثقافت، تے طرز حیاتی، خاتمے دے لاگے اے – تے ایہ کہ مسیح دی دوجی آمد بہوتی لاگے اے۔ آئیے اَسی ایہناں دو آیتاں وِچوں مسیح دی پیشن گوئی نوں توڑنے آں تے ویکھنے آں کہ ایہناں دا مطلب کی اے۔ میہنوں یقین اے کہ ساڈی تلاوت خصوصی طور تے اُوس زمانے دی گل کردی اے جیہدے وِچ اَسی ہُنے رہنے آں۔

I۔ پہلی گل، مسیح نے کہیا لاقانونیت ودھ جائے گی۔

’’تے بے دینی دے ودھ جان دی وجہ توں …‘‘ (متی 24: 12)۔

اُس لفظ ’’بے دینیiniquity‘‘ دا ترجمہ یونانی لفظ ’’آنومیہ anomia‘‘ دی اِک قسم توں کیتا گیا اے۔ ایہدا مطلب ’’لاقانونیت‘‘ ہوندا اے [سٹرانگ Strong]۔

لاقانونیت اَج دُنیا دے بیشتر حصیاں وِچ اِک بہوتا وڈا مسٔلہ اے۔ معاشرے دے تقریباً ہر طبقے وِچ قانون کُھلے عام توڑے جاندے نے۔ لوکی قانون توڑن دے لئی تقریباً کُجھ وی کردے نے۔ ایہدے نتیجے وِچ معاشرہ تیزی نال ٹُٹ پُھٹ دا شکار ہو رہیا اے۔ میہنوں یقین اے کہ تُسی ایہناں لاقانونیت دے رُجحانات توں واقف اُو جیہڑے خاص طور تے مغربی دُنیا وِچ ساڈی ثقافت دی بنیاد نوں تباہ کر رئے نے، ایس لئی میں لاقانونیت دے ایس پہلو تے مذید کوئی تبصرہ نئیں کراں گا۔ عام طور تے لاقانونیت مغرب وِچ ساڈی ثقافت نوں تباہ کر رئی اے۔ اینج لگدا اے کہ اَسی رومی سلطنت وگرے دور وِچ آں جدوں اُوہدا زوال آیا سی تے اُو اِختتام پزیر ہوئی سی۔ لاقانونیت رومی سلطنت دے زوال تے خاتمے دا سبب بنی۔ مغربی دُنیا وِچ اَج حالات خود نوں دہرا رئے نے۔ لاقانونیت توں ہُن امریکہ، یورپ تے کئی دیگر مغربی ممالک نوں خاتمے دا خطرہ اے۔

لیکن متی 24: 12-13 دا سیاق و سباق عام طور تے دُنیا دی نسبت مسیحیوں دی حالتِ زار تے زیادہ توجہ مرکوز کردا وکھائی دیہندا اے۔ ایہ خاص طور تے بارہویں آیت وِچ سچ اے۔ جوں جوں ساڈا زمانہ خاتمے دے لاگے آندا جا رہیا اے سانوں ایتھے پیش کیتا گیا اے کہ مسیحیاں دے نال کی رونما ہووے گا۔ بیرونی دُنیا وِچ لاقانونیت دا کلیسیاواں دے اندر زبردست اثر پیہئے گا، خاص طور تے ایتھے مغرب وِچ، کیوں جے اُو زمانہ جیہدے وِچ اَسی رہنے آں ختم ہو رہیا اے تے مسیح دی دوجی آمد لاگے آ رئی اے۔ دُنیا وِچ لاقانونیت گرجا گھراں وِچوں چھن کے لنگ رئی اے۔

’’تے لاقانونیت [بے دینی] دے ودھ جان دی وجہ توں [گرجا گھراں وِچ ] کئی لوکاں دی محبت ٹھنڈی پہے جائے گی …‘‘ (متی 24: 12)۔

’’تے چونکہ لاقانونیت بہوتی زیاہد ہووے گی‘‘ گرجا گھراں وِچ مسیحی محبت دی کمی ظاہر ہووے گی۔ لاقانونیت دُنیا توں ساڈے گرجا گھراں وِچ پھیل گئی اے۔ جیس دا نتجہ – مسیحی محبت ٹھنڈی پہے رئی اے – درحقیقت ایہ زیادہ تر مغربی گرجا گھراں وِچ عملی طور تے غائب اے۔

تلاوت وِچ اِک ہُور لفظ اے جیہڑا اہم اے – لفظ ’’کثرت‘‘۔ ایہدا ترجمہ یونانی لفظ ’’پلیتھونوسplēthonos‘‘ دی اِک قسم نال کیتا گیا اے تے ایہدا مطلب ’’اِضافہ، یا ضرب‘‘ ہوندا اے [سٹرانگ Strong]۔ جیویں کہ میں کہیا، معاشرے دی ایہ لاقانونیت گرجا گھراں نوں متاثر کردی اے۔ جیویں کہ ڈاکٹر فرانسس شیفر نے اکثر شارہ کیتا، گرجا گھر مسلسل دُنیا دی روح دے نال مِل رئے نے (یا جذب ہو رئے نے)۔ جیویں کہ دُنیا دی روح دے لئی ایہ رہائش جاری اے، شیطانی نظریات تے فلسفے گرجا گھراں وِچ داخل ہوندے نے۔ غیر تبدیل شُدہ تے غیر روحانی گرجا گھر دے اِرکان ایس ’’غیرقانونی‘‘ روح نوں گرجا گھراں وِچ لے آندے نے۔ ایہ خود نوں گرجا گھر دی تقسیم، گرجا گھر دے اِراکین دے وِچکار نفرت، گرجا گھر دے رہنماواں دے خلاف بغاوت، تے گرجا گھراں دے اندر، خاص طور تے ایتھے مغرب وِچ بہتیرے دوجے جسمانی طریقیاں نال ظاہر ہوندا اے۔ گرجا گھر دے ارکان ایس قدر خود پرست بن جاندے نے کہ اُوہناں دی کوئی رفاقت ای نئیں ہوندی اے۔ ابتدائی گرجا گھر دا ’’کوینونیا\شراکت داری koinonia‘‘ ختم ہو گیا اے۔ ساڈے گرجا گھر وِچ گھومن آلے اِک بھٹکے ہوئے بندے دے نال اجنبی وگرا سلوک کیتا جاندا اے۔ آخیرلے دِناں دے گرجا گھراں وِچ محبت نئیں اے۔

II۔ دوجی گل، ساڈی جماعت وِچ لاقانونیت دی ایہ دخل اندازی مسیحی محبت دے نقصان دا سبب اے۔

’’تے چونکہ [لاقانونیت] ودھے گے، بہتیرے لوکاں دی محبت ٹھنڈی پہے جائے گی‘‘ (متی 24: 12)۔

’’چونکہ‘‘ لاقانونیت معاشرے وِچ ودھدی اے تے گرجا گھراں وِچ وڑ جاندی اے، ’’بہتیرے لوکاں دی محبت ٹھنڈی پہے جائے گی۔‘‘ لفظ ’’ودھنا grow‘‘ دا ترجمہ ’’پلیتھونوسPlēthonos‘‘ توں کیتا گیا اے۔ یونانی وِچ، ایہدا لفظی مطلب اے ’’اضافہ‘‘ [سٹرانگStrong]۔ بہتیرے حقیقی مسیحیاں دی محبت [حد توں زیادہ] ٹھنڈی پہے جائے گی۔

سانوں اَتھروواں دے نال کہنا پیہندا اے کہ ایہ اَج ساڈے مغربی گرجا گھراں دی اِک بہترین تصویر اے۔ ڈاکٹر کیگن تے میں دوواں نے ایہدا تجربہ ساڈے مسیح وِچ ایمان لیہیا کے تبدیل ہون توں پہلاں بائبل تے یقین رکھن آلے گرجا گھراں وِچ کیا سی۔ ساڈے نال کسی نے گل نئیں کیتی۔ ہر اِک خاندان اپنے آپ وِچ ایس قدر مگن سی کہ جدوں اَسی نوجوان سن تے مسیحیت اِختیار کرن دے بعد اُوہناں نوں ساڈے نال محبت کرن وِچ کوئی دلچسپی نئیں سی۔ اَسی خود مختار فضل نال مسیح دے کول آئے، نہ کہ کیوں جے گرجا گھر دے لوکاں نے ساڈے نال محبت دا اِظہار کیتا۔

ڈاکٹر جے ورنن میگی دی توضیح کردے ہوئے، ’’جدوں [معاشرے وِچ] بے اِنصافی بہوتی زیادہ ہوندی اے تے بہتیرے لوکاں دی محبت ٹھنڈی پہے جاندی اے، تے ایہ زمانے دے اَخیر وِچ ہُور وی بہوتا سچ اے‘‘ (جے ورن میگی J. Vernon McGee، بائبل وِچوں Thru the Bible، تھامس نیلسن اشاعت خانے Thomas Nelson Publishers، 1983، جلد IV، صفحہ 127؛ متی 24: 12 تے غور طلب گل)۔

ڈاکٹر جان گل نے 18ویں صدی وِچ حیاتی بسر کیتی سی۔ اُوہناں نوں بائبل دی پیشگوئی دی مکمل سمجھ نئیں سی۔ فیر وی ڈاکٹر گِل نوں متی 24: 12 وِچ ساڈی تلاوت دے بارے وِچ بہوتی زیادہ بصیرت حاصل سی۔ ایہناں لفظاں تے تبصرہ کردے ہوئے، ’’تے کیوں جے بے دینی بہوتی زیادہ اے،‘‘ ڈاکٹر گِل نے کہیا،

مطلب یا تے اشتعال انگیز ظلم و ستم دی بددیانتی تے بغض، جیہڑی [بہوتی زیادہ] ودھے گی [جیویں کہ اَسی چین، ہندوستان، ایران تے دیگر اقوام وِچ مسیحیاں دے خلاف ویکھنے آں؛ تے مغربی میڈیا وِچ پیش کردہ مسیحیت دی نفرت وِچ]؛ یا مُرتَداں دی غلطی تے خیانت تے نفرت [وگرے ناں نہاد ’’وڈے وڈے فرقیاں وِچ آزاد خیال لوکاں دی غلطی، غداری، تے نفرت]؛ یا جھوٹے اِساتذہ دی غلطیاں تے بدعتاں [جیویں کہ اَسی بہتیرے وڈے وڈے گرجا گھراں وِچ ویکھنے آں]؛ یا کُجھ لوکاں دی حیاتیاں وِچ بُرائی … جیہڑے مسیحی کہلاندے نے [جیویں کہ اَج دی قدامت پسند گرجا گھراں وِچ]؛ کیوں جے ایہناں وِچوں ہر اِک دا اشارہ [متی 24: 12] وِچ لبھدا اے۔ تے سب نوں شامل کیتا جا سکدا اے، جیویں کہ ایتھے گل کیتی گئی بے پناہ بدکاری نوں پورا کرنا۔ جیس دے نتائج ہون گے ’’بہتیرے لوکاں دی محبت ٹھنڈی پہے جائے گی۔‘‘ ایہ بہتیرے لوکاں دا معاملہ ہووے گا لیکن سب دا نئیں۔ کیوں جے [بکثرت] بے دینی دے وِچکار، کُجھ ایہو جئے نے، جِنہاں دی مسیح نال، اُوہدی انجیل نال، تے [دوجے حقیقی مسیحیاں] نال محبت کیتی [کمزوری نئیں ہووے گی]، تے ایہدے ذریعے … جھوٹے [مسیحیاں] دی غداری نال، اُو خود [نامزد] مسیحیاں توں [خوفزدہ] سن، ایہ نئیں جانندے سن کہ کیہدے تے پروہسا کیتا جائے … تے اگرچہ بے دینیت دی طاقت … تقریباً ختم ہو چکی سی [تے اگرچہ حقیقی مسیحیاں نال محبت] بہوتی [سرد] ہو چکی اے۔ اُو سارے دے سارے بے دینی دے ودھ جان دے نال ٹھنڈے نئیں ہون گے۔ چونکہ ایہ گل ایہ نئیں کہندی کہ اُوہناں دی محبت ختم ہو جائے گی، لیکن ایہ سرد ہو جائے گی (جان گل، ڈی ڈی John Gill, D.D.، نئے عہد نامہ دی اِک تفسیر An Exposition of the New Testament، دی بپٹسٹ اسٹینڈرڈ بیئررThe Baptist Standard Bearer، 1989 دوبارہ اشاعت، صفحہ 289-290؛ متی 24: 12 تے غور طلب گل)۔

اَسی ڈاکٹر گِل نال اِتفاق کرنے آں ساڈے گرجا گھراں وِچ اکثر اقراری مسیحیاں دی مسیحی محبت خوفناک حد تیکر سرد ہو رئی اے۔ فیر وی کُجھ نجات پا جان گے اگرجہ اُوہناں دی محبت ٹھنڈی ہو گئی اے۔ لیکن اگلی آیت وِچ اِک ہُور وعدہ اے جیس نال ساڈی حوصلہ افزائی ہونی چائیدی اے۔

III۔ تیجی گل، اُو جیہڑے اَخیر تیکر برداشت کر جان گے نجات پا جان گے۔

مہربانی نال کِھلو جاؤ تے متی 24: 13 نوں اُوچی واج نال پڑھو۔

’’لیکن جیہڑا کوئی آخیر تیکر برداشت کرے گا اُو نجات پائے گا‘‘ (متی 24: 12۔13)۔

تُسی تشریف رکھ سکدے اُو۔ ڈاکٹر میگی نے کہیا،

اَخیر تیکر کون برداشت کرے گا؟ … جِنہاں تے اُو شروع وِچ مہر لگاندا اے، یقیناً۔ [خدا] اپنے [لوکاں] نوں انجام تیکر پہنچائے گا (جے ورنن میگی، گذشتہ گل دے تسلسل وِچ ibid.، صفحہ 127؛ متی 24: 13 تے غور طلب گل)۔

جیہڑے لوکی حقیقی معنیاں وِچ مسیح چہ ایمان لیہیا کے تبدیل ہوندے نے اوہناں تے خدا دی روح دی مہر ہوندی اے، جیویں کہ نوح تے کشتی وِچ مہر لگائی گئی سی۔ اُو سارے جیہڑے مسیح وِچ مہر بند نے آخر تیکر برداشت کرن گے۔ لیکن سارے دے سارے جھوٹے مذہب تبدیل کرن آلے لوکی ’’اَخیرلے زمانے‘‘ دے ودھدے ہوئے دباؤ دی وجہ توں گمراہ ہو جان گے۔

اَسی اَخیرلے زمانے وِچ رہنے آں۔ سچی سائنس تے بائبل دی پیشگوئیاں ایہدی نشاندہی کردیاں نے۔ آخریلے زمانے دے گرجا گھر، خاص طور تے مغرب وِچ، اِک دوجے دے لئی بہوتی گھٹ محبت رکھدے نے تے بھٹکے ہوئے لوکاں دے لئی کُجھ وی [محبت] نئیں رکھدے۔ گرجا گھراں وِچ جسمانی نیت رکھن آلے لوکی زائرین نال مُنہ موڑ لیہندے نے تے اُوہناں دے لئی کوئی محبت نئیں رکھدے۔ کوئی تعجب دی گل نئیں کہ اُوہناں دی انجیلی بشارت مسیح چہ ایمان لیہیا کے تبدیل ہون آلے بہوتی گھٹ لوکاں نوں پیدا کردی اے۔ شیطان ایہناں گرجا گھراں وِچ راج کردا اے جِنہاں وِچ کوئی مسیحی محبت نئیں اے (agape)۔ ایس رکاوٹ نوں دور کرن دے لئی لئی سانوں اپنے گرجا گھراں وِچ مسیح دی محبت نوں حاصل کرن تے برقرار رکھن دے لئی دعا منگنی چائیدی اے تے لڑنا چائیدا اے۔ ایہ سُہوکھا نئیں ہووے گا۔ حقیقت وِچ ایہ خدا دی قدرت دے بغیر ناممکن اے۔ ایس لئی سانوں اپنے گرجا گھر وِچ آن آلے بھٹکے ہوئے لوکاں دی تبدیلی دے لئی دعا تے روزہ رکھن دے لئی زیادہ ویلہ لنگہانا چائیدا اے۔ سانوں اپنے وِچکار خدا دی موجودیگ دے لئی روزہ رکھنا چائیدا اے تے دعا منگنی چائیدی اے، کیوں جے صرف خدا ای سانوں اِک دوجے نال پیار کروا سکدا اے، تے صرف خدا ای سانوں اُوہناں نئے لوکاں نال پیار کروا سکدا اے جیہڑا اُو ساڈے گرجا گھر وِچ لیہیاندا اے۔

میں اپنے رہنماواں، تے ساڈے وِچوں بہترین مسیحیاں نوں کہہ رہیا آں کہ اُو ہفتے وِچ اِک دِن روزہ رکھن تے خدا توں دعا منگن کہ اُو ساڈے وِچ اِک دوجے دے لئی پیار پیدا کرے، تے ساڈے گرجا گھر وِچ آن آلے بھٹکے ہوئے لوکاں دے لئی محبت پیدا کرے۔ براہ کرم کِھلو جاؤ تے گاؤ ’’اُوہناں نوں محبت نال اندر لے کے آؤ‘‘، جیہڑا انجیل دے پرانے حمدوثنا دے گیت ’’اُوہناں نوں اندر لے کے آؤ‘‘ توں اخذ کیتا گیا اے۔

توجہ نال سُنو! ایہ چرواہے دی واج اے جیہڑی میں سُننا آں،
   باہر تاریک تے غمگین شہر وِچ،
پیہھڈاں نوں بُلا رہیا اے جیہڑیاں بھٹک گئیاں نے
   اُو مقامی گرجا گھر توں بہوتی دور نکل چکیاں نے۔
اُوہناں نوں محبت نال اندر لیہیاؤ، اُوہناں نوں محبت نال اندر لیہیاؤ، اُوہناں نوں گناہ دے میداناں وِچوں محبت نال اندر لیہیاؤ؛
   اُوہناں نوں محبت نال اندر لیہیاؤ، اُوہناں نوں محبت نال اندر لیہیاؤ، آوارہ گردی کرتی ہوئی پیہھڈاں نوں یسوع دے کول لیہیاؤ۔
کیہڑا اُوس رحمدل نجات دہندہ وانگوں اُوہناں دی مدد کرے گا،
   بھٹکدی ہوئیاں پیہھڈاں نوں تلاش کرن دے لئی اُوہدی مدد کرو؟
جیہڑا بھٹکی ہوئی پیہھڈاں نوں گرجا گھر دے ریوڑ وِچ لیہیائے گا،
   جیتھے اُو سردی توں پناہ وِچ آ جان گئیاں؟
اُوہناں نوں محبت نال اندر لیہیاؤ، اُوہناں نوں محبت نال اندر لیہیاؤ، اُوہناں نوں گناہ دے میداناں وِچوں محبت نال اندر لیہیاؤ؛
   اُوہناں نوں محبت نال اندر لیہیاؤ، اُوہناں نوں محبت نال اندر لیہیاؤ، آوارہ گردی کرتی ہوئی پیہھڈاں نوں یسوع دے کول لیہیاؤ۔
   (’’اُوہناں نوں اندر لیہیاؤ Bring Them In‘‘ شاعر ایلیکسزینہ تھامس Alexcenah Thomas، 19ویں صدی؛
   ڈاکٹر ہائیمرز نے ترمیم کیتی۔ عنوان نوں ’’اُوہناں نوں محبت نال اندر لیہیاؤ Love Them In‘‘ وِچ تبدیل کیتا گیا۔)

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔