ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مرقس 9 باب دا واقعہ اک نوجوان تے مرکوز اے جیہدے منہ توں چہگھ نکل رئی سی تے زمین تے لڑھک رہیا سی۔ اُوس مُنڈے دے آسیب زدہ ہون دے بارے چہ واضح طور تے بیان کیتا گیا اے۔ ایہ آیات اُوہدے بارے چہ بہوتی خوفناک گل بیان کردیاں نے، ’’[چہگھ] تے [دند پیسنا]‘‘ (مرقس 9: 18)۔ سانوں دسیا گیا اے کہ شاگرد اُوہدے وِچوں بدروح نوں نئیں کڈ سکدے سن۔

فیر مسیح آندا اے۔ منڈے نوں یسوع دے کول لیہایا جاندا اے، تے ’’جیویں ای بدروح نے یسوع نوں ویکھیا اُونے مُنڈے نوں زور نال دھکا دِتا تے اُو زمین تے یسوع دے قدماں چہ ڈِگ پیہیا تے زمین تے لوٹ پوٹ ہون لگا تے اُوہدے مُنہ توں چہگھ نکلن لگی‘‘ (مرقس 9: 20)۔ یسوع پیو نال مُنڈے دے بارے چہ سوال کردا اے تے [اُوہنوں] دسیا جاندا اے کہ بدروح نے ’’اُوہنوں [مُںڈے نوں] مار ڈالن دے لئی اکثر …. اُوہنوں اَگ وِچ تے پانی چہ سُٹ چکی اے‘‘ (مرقس 9: 22)۔ پیو نے یسوع نوں کہیا، ’’جے تیرے توں کُجھ ہو سکے تے ساڈے تے ترس کھا، تے ساڈی مدد کر‘‘ (مرقس 9: 22)۔

’’یسوع نے اُوہنوں کہیا، جے توں یقین نئیں کر سکدا تے اُوہدے لئی سب کُجھ ممکن اے جیہڑا اعتقاد رکھدا اے‘‘ (مرقس 9: 23)۔

فیر پیو دا ردعمل آندا اے۔ ایس خوفناک، رونگھٹے کھڑی کر دین آلی کہانی وِچ ایہ اِک معمولی واقعہ معلوم ہو سکدا اے، لیکن پیو دا ردعمل واقعی کہانی دا اِک اہم نکتہ اے – کیوں جے ایہ بندے دی اپنی تبدیلی نوں ظاہر کردا اے، جیہدے بارے چہ میہنوں یقین اے کہ ایس واقعہ دے اہم سبقاں وِچوں اِک اے جِنہاں نوں اکثر ایس واقعہ دی تبلیغ وِچوں نظر انداز کیتا جاندا اے۔ پیو دی تبدیلی دا عروج اُودھوں آیا جدوں اُو

’’چِلّا کے بولیا تے اَتھروواں دے نال کہیا، میں اعتقاد رکھنا آں؛ توں میرے اعتقاد نوں ہُور وی پختہ کر دے‘‘ (مرقس 9: 24)۔

مدد دے لئی اُوس بندے دی چِلّاندے ہوئے اِلتجا وِچ، میہنوں یقین اے کہ اِسی اُوہنوں روحانی نیندر توں بیدار ہوندے ہوئے، اپنے آپ نوں یسوع دے رحم و کرم دے حوالے کردے ہوئے، تے حقیقی تبدیلی وِچ موت توں حیاتی وَل جاندے ہوئے ویکھنے آں۔ میہنوں دسن دیو کہ میرا کی مطلب اے۔ یقین دی بیداری اِک بندے نوں اُودھوں آندی اے جدوں اُو ایس توں لنگہدا اے جیس وِچوں اُو پیو لنگہیا سی۔

I۔ پہلی گل، انسان نے شیطان توں نجات پان دے لئی بہتیرے کام کیتے۔

شیطان نے اُوس پُتر نوں مکمل طور تے قابو وِچ کیتا ہویا سی۔ پیو نے منڈے نوں (تے خود) نوں شیطان دے چنگل توں کڈن دے لئی بہتیرے طریقے آزمائے سن۔ اُو اپنے پُتر نوں ٹھیک کرن دے لئی شاگرداں دے کول گیا، لیکن اُو ایس صورتحال وِچ مدد نہ کر سکے۔

کی بالکل اینج ای نئیں اے جیہڑا [مسیح چہ ایمان نہ لیہیائے ہوئے] غیرتبدیل شُدہ لوکی کردے نے؟ جدوں اُو شیطانی طاقت دا سامنا کردے نے، تے لوکی اکثر دوجیاں وَل رجوع کردے نے، جیہڑے اُوہناں دی مدد نئیں کر سکدے۔ اُو اپنے گناہ دے مسئلے نوں حل کرن دے لئی انسانی ذرائع توں بار بار کوشش کردے نے۔ اُو اکثر مشورہ تے مدد دے لئی دوجے لوکاں نال رجوع کردے نے۔ لیکن کوئی انسانی مدد انسان نوں شیطان دی غلامی توں چھٹکارا نئیں دے سکدی۔ تُسی مدد دے لئی اپنے بیلیاں نال، یا اپنے خاندان دے دوجے لوکاں دے نال، یا شیطان تے قابو پان دے بارے وِچ اپنے خیالات وَل رجوع کر سکدے اُو۔ لیکن ایہ تے صرف یسوع ای کر سکدا اے۔

’’اُوہناں نوں توبہ دی پیشکش کرو … تاکہ اُو اپنے آپ نوں شیطان دے پھندے توں چھٹکارا حاصل کر سکن، جیہڑے اُوہدی مرضی نال اُوہدے اَسیر ہو گئے نے‘‘ (2۔ تیمتھیس 2: 25-26)۔

II۔ دوجی گل، انسان سزایابی دے تحت آیا۔

اُو اُوس نااُمید حالت توں بیدار ہویا جیہدے چہ اُوہنے اپنے آپ نوں پایا، شیطان دی اُوس بچے اُوتے، تے ایویں خود اُوہدے تے وی ایس خوفناک گرفت توں بچن دے لئی قطعی طور تے نااہل سی۔ اُوہدا پورا خاندان شیطان دے قبضے وِچ سی لیکن پیو ایہ ویکھ کے بیدار ہویا کہ اُو بالکل بے بس اے۔

’’تے مُںڈے دا پیو فوراً چِلّا کے بولیا تے اَتھروواں دے نال کہیا، میں اعتقاد رکھنا آں؛ توں میرے اعتقاد نوں ہور وی پختہ کر دے‘‘ (مرقس 9: 24)۔

ایہ اُودھوں ای ہویا سی جدوں اُو خوفناک شیطانی غلامی توں بیدار ہویا، جیس [غلامی] دا اُوہدا پُتر تے درحقیقت اُوہدا پورا خاندان تابع سی، کہ اُو آخرکار یسوع وَل متوجہ ہویا۔

اُوہدی بیداری شروع چہ سُست اے۔ اُو صرف یسوع نوں کہندا اے، ’’جے توں کُجھ کر سکدا اے تے ساڈے تے رحم کر‘‘ (مرقس 9: 22)۔ اُوہنوں یقین نئیں اے کہ یسوع اُوہدی مدد کر سکدا اے۔ ایس لئی اُوہنوں قطعی طور تے یقین نئیں اے کہ یسوع ای اُوہدے مخمصے دا جواب اے۔ اُو کہندا اے، ’’جے توں کُجھ کر سکدا اے تے ساڈے تے رحم کر‘‘ (مرقس 9: 22)۔ اُوس ویلے، اُوہنوں بالکل یقین نئیں اے کہ یسوع اُوہنوں تے اُوہدے مُنڈے نوں شیطان دی طاقت توں بچا سکدا اے۔ فیر یسوع نے اُوہنوں کہیا،

’’جے توں یقین نئیں کر سکدا تے اُوہدے لئی سب کُجھ ممکن اے جیہڑا اعتقاد رکھدا اے‘‘ (مرقس 9: 23)۔

چونکہ فضل دِلان آلا ایمان یا اعتقاد خدا دا تحفہ اے انسان نوں ایہ ایمان خدا دے فضل دے مفت تحفہ دے طور تے حاصل کرنا ہووے گا،

’’کیوں جے تہانوں ایمان دے وسیلہ توں ای فضل ای نال نجات لبھی اے تے ایہ تہاڈی کوششاں دا نتیجہ نئیں اے بلکہ خدا دی بخشش اے‘‘ (افسیوں 2: 8)۔

جے ایہ بندہ خدا دے فضل نال ایمان حاصل کردا، تے اُوہنوں تے اُوہدے پُتر نوں یسوع دے وسیلہ نال بچایا جانا سی۔

پیو فیر ٹوٹ گیا۔ اُو سزایابی دے تحت ’’چیخ اُٹھیا‘‘ کہ اُو اِک بے بس گنہگار سی، جیہدے وِچ اپنے آپ نوں یا اپنے پُتر نوں بچان دے لئی کُجھ کرن دی صلاحیت نئیں سی

’’ہوا دی علمداری دے حاکم، جیہدی روح ہُن تیکر نافرمان لوکاں وِچ تاثیر کردی اے‘‘ (افسیوں 2: 2)۔

اُوس بندے نوں یقین ہو گیا کہ اُوہدی حالت شیطان دی زبردست طاقت دے سامنے بالکل نااُمید اے۔ اُو اُوہناں نوں شیطان دی گرفت توں بچان دے لئی یسوع دی طاقت دی حقیقت توں بیدار ہویا۔ ایہو ای وجہ اے کہ اُو چِلّا اُٹھیا، لفظی طور تے چیخیا، تے اُوہناں اَتھروواں دے نال کہیا جیہڑے اکثر سزایابی چہ نکل پیہندے نے،

’’اے خداوند، میں اعتقاد رکھنا آں؛ توں میرے اعتقاد نوں ہُور وی پختہ کر دے‘‘ (مرقس 9: 24)۔

یسوع وَلوں کوئی ممکنہ مدد نئیں ہو سکدی جدوں تیکر کہ تہانوں بیداری دی ایس حالت وِچ نہ لیہایا جائے – جیتھے تُسی جانندے اُو کہ تُسی اِک گنہگار اُو – جیتھے تُسی محسوس کردے اُو کہ تُسی بے بس تے نا اُمید اُو جدوں تیکر کہ یسوع تہاڈی شفاعت نہ کرے تے تناہوں بچا نہ لئے۔ مختصراً، ایہو جئی بیداری اے تہانوں تہاڈے غرور تے خود انحصاری توں دور کر سکدی اے، تے تہانوں یسوع دے سامنے ڈِگن تے مدد کرن دے لئی اُوہدے توں فریاد کرن دے لئی تیار کر سکدی اے۔ کی تہانوں اپنی بے بسی تے اپنی خوفناک، گواچی ہوئی حالت توں اپنے آپ نوں بچان دے لئی کُجھ وی کرن دی مکمل نااہلی محسوس کرن دا فضل دِتا گیا اے؟ آخرکار، ایس لمحے تیکر، اُو بندہ واقعی چہ

’’اُوہناں دی عقل تاریک ہو گئی اے تے اُو اپنی سخت دِلی دے باعث [جیہڑی اُوہدے وِچ سی] جہالت چہ گرفتار نے تے خدا دی دِتی ہوئی حیاتی وِچ اُوہناں دا کوئی حصہ نئیں‘‘ (افسیوں 4: 18)۔

صرف ہُںے ای اُو بیدار ہویا اے، تے اُو ’’اَتھروواں دے نال‘‘ بیدار ہویا اے (مرقس 9: 24)۔

اَسی کیہنی وری ویکھیا اے کہ لوکی آندے نے تے نجات دا منصوبہ پڑھدے نے، یا خود نوں بہتر انسان بنان دی کوشش کردے نے، یا خدا نوں خوش کرن دے لئی کُجھ کرن دی کوشش کردے نے – ایس تکلیف نوں محسوس کیتے بغیر – بغیر سزایابی یا یقین دے – اَتھروواں دے بغیر۔ لیکن میں یقین نئیں کردا کہ تہاڈے نال [مسیح چہ ایمان لیہایا کے تبدیل ہون دی] حقیقی تبدیلی ہو سکدی اے جدوں تیکر کہ خدا دی روح تہانوں تہاڈے گناہ تے تہاڈی خوفناک حالت دے لئی اِک مقدس خدا دے سامنے بیدار نہ کرے۔ کی اینج کدی تہاڈے نال ہویا اے – تہاڈے نال ذاتی طور تے؟ یسوع نے کہیا کہ صرف خدا دی روح ای اِک بندے نوں اپنے انجام تیکر پہنچا سکدی اے، تے اُوہنوں ایویں گہری سزایابی تے تحت لیہیا سکدی اے۔ اُوہنے کہیا

’’جدوں اُو [خدا دا روح] مدد گار آئے گا تے جیتھوں تیکر گناہ، راستبازی تے انصاف دا تعلق اے اُو دُنیا نوں مجرم قرار دے گا‘‘ (یوحنا 16: 8)۔

صرف خدا دی روح ای اِک بندے نوں قائل کر سکدی اے کہ اُو فطرتاً اِک گنہگار اے، کہ اُو اے

’’فطرتاً قہر دا [اِک بچہ]‘‘ (افسیوں 2: 3)۔

ایہ بیداری دی ایس حالت وِچ ہویا سی – اُوہدے اپنے پیدائشی گناہ تے روحانی موت وَل – کہ ایہ بندہ خدا دی روح نال کھیچیا گیا سی۔ بیدار ہویا تے اپنے ای گناہ دی بھرپوری نا دِل تیکر چیر ڈالیا گیا، ایہ بندہ ہُن آخرکار [مسیح چہ ایمان لیہیا کے] تبدیل ہون دے لئی تیار اے،

’’تے مُںڈے دا پیو فوراً چِلّا کے بولیا تے اَتھروواں دے نال کہیا، میں اعتقاد رکھنا آں؛ توں میرے اعتقاد نوں ہور وی پختہ کر دے‘‘ (مرقس 9: 24)۔

ایہ اُوہدی اپنی نجات دے لئی اُوہناں ای رونا سی، جِنہا اُوہدے بدروح زدہ پُتر دی نجات دے لئی سی!

کی تہانوں کدی ایہو جیہا بیداری دا، گناہ دی سزا دین آلا تجربہ ہویا اے؟ کی تُسی کدی اپنے گناہ نوں محسوس کیتا اے؟ کی تُسی کدی محسوس کیتا اے کہ تُسی مکمل طور تے اِک ناپاک گنہگار اُو جیہڑا صرف یسوع ای دے وسیلے نال بچایا جا سکدا اے؟ کُجھ وی کہنا چنگا نئیں ہوندا، ’’سانوں نجات دی لوڑ اے۔‘‘ سچی سزایابی اُودھوں ہوندی اے جدوں تُسی کہندے اُو، جیویں کہ اُوس بندے نے کیتا، ’’ توں میرے اعتقاد نوں ہُور وی پختہ کر دے‘‘ (مرقس 9: 24)۔ اِک آدمی کدی وی نجات دے لئی حقیقی طور تے تیار نئیں ہوندا جدوں تیکر کہ اُو اپنے دِل نال نئیں پکاردا، ’’میری مدد کرو۔‘‘ سچ اے، ’’سانوں‘‘ بچان دی لوڑ اے۔ لیکن تہاڈٓا کی ہووے گا؟ جدوں تیکر کہ تُسی محسوس کردے اُو تے واقعی ایہدا مطلب اے جدوں تُسی کہندے اُو، ’’میری مدد کر، یسوع‘‘ تُسی ہںے وی کھلواڑ کر رئے اُو یعنی کھیل کھیٖڈ رئے اُو تے مسیح چہ ایمان لیہیان دی تبدیلی دے لئی بالکل وی تیار نئیں اُو۔

میں حال ای وِچ کئی غیر نجات یافتہ لوکاں نوں ایہ کہندے ہوئے سُنیا اے، ’’سانوں بچائے جان دی لوڑ اے۔‘‘ ’’سانوں یسوع دے لہو نال پاک صاف ہون دی لوڑ اے۔‘‘ ایہو جئی گلاں توں دور ای رہوو! تہانوں بیدار تے عاجز ہونا چائیدا اے تاکہ تُسی سچائی نال ’’اَتھروواں دے نال‘‘ کہہ سکو، میہنوں یسوع چہ نجات دی لوڑ اے۔‘‘ ’’میہنوں اپنے گناہواں توں یسوع دے لہو نال پاک صاف ہون دی لوڑ اے۔‘‘ تہانوں خدا وَلوں ایہ کیہن دے قابل ہونا چائیدا اے، ’’میہنوں مسیح دی لوڑ اے۔‘‘ ’’میہنوں آسمان وِچ خدا دی اندراج [ریکارڈ] دی کتاب وِچوں اپنے گناہواں نوں دھون دے لئی اُوہدے لہو دی لوڑ اے۔‘‘

’’تے مُںڈے دا پیو فوراً چِلّا کے بولیا [اُو واقعی چہ چیخیا سی] تے اَتھروواں دے نال کہیا، میں اعتقاد رکھنا آں؛ توں میرے اعتقاد نوں ہور وی پختہ کر دے‘‘ (مرقس 9: 24)۔

اُودھوں ای جدوں تُسی یسوع دے کول دردناک دِل تے اَتھرو بھرے جذبات دے نال آؤ گے تے اُو تہانوں جواب دے گا، ایہدے تے تہاڈے ایمان چہ اضافہ کرے گا، تے تہاڈی روح نوں ایس عذاب توں بچائے گا جیہدے تُسی اَگ دی جھیل وِچ مستحق اُو۔

کی تُسی اُوس بندے وانگوں مسیح دے ذریعہ نجات پا جاؤ گے، یا تُسی بہانے بناندے رہوو گے، تے [مسیح چہ ایمان لیہیان دی] اپنی تبدیلی نوں روکدے رہوو گے، جدوں تیکر کہ تُہاڈے [مسیح چہ ایمان لیہیا کے] تبدیل ہون وِچ ہمیشہ دے لئی بہوتی دیر نہ ہو جائے، جدوں تیکر کہ تہاڈے لئی جہنم دے ابدی عذاباں توں بچان وِچ ہمیشہ دے لئی بہوتی دیر نہ ہو جائے؟

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔