Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

عظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں کہ ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کر آندی اے۔ ہر مہینے تقریباً 120,000 کمپیوٹراں تے لوکاں نوں 42 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے ہو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے ہو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




ہزار سالہ بادشاہی

THE MILLENNIAL KINGDOM
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

خُداوند دے دِن دی شام دِتا گیا اِک واعظ، 14 دسمبر، 2008
لاس اینجلز دی بپتسمہ دین آلی عبادت گاہ وِچ
A sermon preached on Lord’s Day Evening, December 14, 2008
at the Baptist Tabernacle of Los Angeles

’’چناچہ تُسی ایویں دعا کریا کرو: اے ساڈے باپ، توں جیہڑا آسمان تے اے، تیرا ناں پاک منیا جاوے۔ تیری بادشاہی آوے۔ تیری مرضی جیویں آسمان تے پوری ہوندی اے، زمین تے وی ہووے‘‘ (متی6:9۔10)۔


تقریباً دو ہزار وریاں تیکر مسیحی ’’تیری بادشاہی آوے۔ تیری مرضی جیویں آسمان تے پوری ہوندی اے زمین تے وہ ہووے‘‘ دی دعا منگ چکے نے۔ اَسی لوکی اپنے گھر وِچ ہر رات نوں خاندانی عبادت دے آخیر وِچ ’’عشائے ربانی‘‘ دی دعا منگنے آں۔ کُج لوکی شاید کہندے نے کہ ایہہ صرف اِک رسم اے، لیکن میرے لئی ذاتی طور تے ایہہ اِک حقیقی دعا اے تے میں ایس دے ہر لفظ دے بارے وِچ کہہ رہیا آں۔ میری بُڈھی نانی، میری ماں دی ماں، ہر رات نوں میرے نال ’’عشائے ربانی‘‘ دی دعا منگدی سی جدوں میں اِک نِکا جیہا مُنڈا سی، تے میں اپنی ساری حیاتی ہر روز رات نوں اپنے بستر وِچ جان توں پہلاں ایویں ای کردے رہنا جاری رکھیا اے۔ ڈاکٹر جے ورنن میگی Dr. J. Vernon نے کہیا،

’’تیری بادشاہی آوے‘‘اُو بادشاہی اے جیدے بارے چہ متی گل کر چکیا اے، اُو بادشاہی جینوں مسیح زمین تے قائم کرے گا۔ اَسی ساریاں واسطے دعا منگن لئی ایہہ اِک قابلِ قدر اِلتجا اے (جے ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرز، 1983 ایڈیشن، جلد چہارم، صفحہ 37؛ متی6:10 تے غور طلب بات)۔

جدوں میں اُوس دعا نوں منگنا واں تے میں اُوس ہزار سالہ بادشاہی دی اپنی تمام تر بھرپوری دے نال آن لئی دعا منگ رہیا ہونا آں جدوں مسیح واپس لوٹے گا۔ اُوس لفظ ’’میلینیئل Millennial‘‘ دا مطلب اِک ہزار ہوندا اے۔ یونانی لفظ ’’چیلیاChilia‘‘ (اِک ہزار) مکاشفہ 20:2۔7 وِچ چھ وری استمعال ہویا اے۔ پہلی تے دوجی صدی دے مسیحی واقعی وِچ زمین تے مسیح دی 1,000 سالہ حکمرانی وِچ یقین رکھدے سی۔ اُو پریمیلینیئلِسٹ premillennialists سن۔ جیدا مطلب ہوندا اے کہ سارے دے سارے ابتدائی مسیح زمین تے مسیح دے لوٹن تے بادشاہی قائم کرن دی توقع رکھدے سن۔ ’’پریمیلینیئل اِزم premillennialism‘‘ وِچ ’’پریpre‘‘ دا مطلب ہوندا اے کہ میسح ہزار وریاں دے ہون توں پہلاں اِک ہزار سال لئی اپنی بادشاہی قائم کرن لئی واپس لوٹے گا۔ پاپائیاسPapias (وفات 165 بعد از مسیح) نے کہیا، ’’مُردیاں دے دوبارہ جی اُٹھن دے بعد اِک ہزار سال ہون گے، جدوں ایس زمین تے مسیح دی ذاتی حکمرانی ہووے گی۔‘‘ پولی کارپ Polycarp (70۔156 بعد از مسیح) نے مسیح دے نال حکمرانی کرن آلے [مسیحیاں] دے بارے وِچ دَسیا تے اُوس حقیقت دے بارے چہ دسیا کہ مقدسین دُنیا دا انصاف کرن گے (ویکھو ھنری سی۔ تھائیسن، پی ایچ۔ ڈی۔ Henry C. Thiessen, Ph.D.، درجہ بہ درجہ علمِ الہٰیات وِچ تعارفی لیکچرز Introductory Lectures in Systematic Theology، عئیرڈ مینز پبلیشنگ کمپنی، 1949 ایڈیشن، صفحہ 470)۔

لیکن ویلہ لگن دے نال نال کُج قیادتی مسیحیاں نے ایہہ تعلیم دینی شروع کر دِتی کہ اُو بادشاہت اصل ہون دے بجائے تمثیلی (مجازی) اے۔ اُنہاں نے میلینیئل اِزم دی تعلیم دینی شروع کر دِتی، جیس دا آغاز اسکندریہ دے کلیمنٹ Clement of Alexandria (155۔220 بعد از مسیح) دے نال ہویا تے خصوصی طور تے اسکندریہ دے اوریجن Origen of Alexandria (185۔254 بعد از مسیح) نال شروع ہویا۔ اُنہاں دی تعلیم، جنہے 1,000 سالہ بادشاہت نوں روحانی تے تمثیلی کیتا، مؤثر ہوندی چلی گئی، تے پوپ دماسُس Pope Damasus دے تحت روم دی کونسل نے سرکاری اِختیار دے نال پریمیلینیئل نظریے دے خلاف اِعلان کر دِتا، جنہوں اُونہاں نے 373 بعد از مسیح وِچ ’’چیلیاسمChiliasm‘‘ دا ناں دِتا۔ ایویں، کاتھولک کلیسیا ایمیلینیئل amillennial بن گئی، یعنی کہ، اُونہاں نے تعلیم دِتی کہ اپنی زمینی بادشاہی قائم کرن لئی مسیح دی کوئی واپسی نئیں ہووے گی، تے کہ خود رومن کاتھولک چرچ ای دُنیا نوں ہولے ہولے مسیحیت وِچ تبدیل کر دے گا، تے بادشاہت دے وعدے کاتھولک اِزم دی فتح دے وسیلے نال مکمل ہون گے۔ ایہہ نظریہ ’’ایمیلینیئل اِزم amillennialism‘‘ دی حیثیت نال جانیا گیا اے۔ ’’میلینیئم millennium‘‘ توں پہلاں ’’a‘‘ دا مطلب ہوندا اے کہ کوئی زمینی بادشاہی نئیں آنی اے۔ ’’ایمیلینیئل اِزم‘‘ دا مطلب ہوندا اے کہ کوئی ’’نئیں اے ہزار سالہ‘‘ بادشاہی۔

دانی ایل وِھٹبی Daniel Whitby (1638۔1726 بعد از مسیح) اِک یونیٹیرئین سن جنہاں نے مسیح دی الوہیت دا انکار کیتا سی۔ وِھٹبی نے اُوریجن دے تمثیلی طریقۂ کار نوں بحال کیتا سی، لیکن اینوں اِک ’’نوا نظریہ‘‘ کہیا سی۔ دانی ایل وِھٹبی، جیہڑے اِک یونیٹیرئین بدعتی سن، ’’اُوہناں نے تعلیم دِتی سی کہ بادشاہت دے سارے وعدیاں نوں روحانی تے تمثیلی احساس نال اپنایا جانا چائیدا اے…اُوہناں نوں اکثر دورِ حاضرہ دے بعد دے میلینیئین اِزم دا بانی کہیا جاندا اے‘‘ (تھائیسن Thiessen، صفحہ 471)۔ بعد دی میلینیئین اِزم تعلیم دیندی اے کہ مسیح ہزار وریاں بعد آئے گا – کلیسیا دے دُنیا دی اکثریت نوں میسھ وِچ تبدیل کر چکن دے بعد۔ بعد دی میلینیئین اِزم اصل وِچ ایمیلینیئل اِزم دی صرف جدید شکل اے۔ ایمیلینیئل اِزم دی وانگوں، اُو ایہہ گل تے قائم اے کہ اسرائیل دی کوئی بحانی نئیں ہووے گی، کہ ’’کلیسیا یعنی چرچ‘‘ اسرائیل دی تھاں لَے لے گا، مسیح ایس دُنیا وِچ اپنی بادشاہی قائم کرن لئی ویکھے جان آلی حالت وِچ نئیں آئے گا، تے ’’چرچ‘‘ دُںیا نوں مسیح وِچ تبدیل کر دے گا، جیہڑا اِک سنہری دور لہیائے گا۔ مال کاؤچ Mal Couch نے کہیا،

جنگِ عظیم اوّل، تے بالاآخر جنگ عظیم دوئم، نے سچی وِچ بعد دے میلینیئلِسٹ افراد دی اُمیداں تے پانی پھیر چھڈیا سی۔ نسل انسانی دی ظلمت نے واضح کر دِتا سی تے حالات بہتر نئیں ہو رئے سن، جیہو جہئی [اُوہناں نے] تعلیم دِتی سی (مال کاؤچ، پی ایچ۔ ڈی۔ Mal Couch, Ph.D.، ٹِم لاحئے دا بائبل دی پیشن گوئیاں دا مطالعہ Tim LaHaye Prophecy Study Bible، اے ایم جی پبلیشرز، 2000، صفحہ 1398)۔

حیرت انگیز طور تے، ایہہ تمثیلاتی، روحانیت آلا نظریہ واپس نظر آندا ہویا وکھائی دیندا اے، ’’قائم مقام علمِ الہٰیات‘‘ دے نال ’خُدا دے منصوبے وِچ ’’چرچ‘‘ دا اسرائیل نوں تبدیل کرن دا] ایہہ دعویٰ کرنا کہ ’’چرچ‘‘ معاشرے نوں فتح کر سکدا اے تے راستبازی نوں بحال کر سکدا اے‘‘ تے بادشاہت نوں قائم کر سکدا اے (کاؤچCouch، ibid.)۔ ایہہ اصل وِچ خُدا دے منصوبے وِچ ’’چرچ‘‘ دے ذریعے توں یہودیاں دا ’’بدلیا جانا‘‘ تے ’’مسیحی فتح یابی دی تعلیم‘‘ دے رومن کاتھولک نظریے دی واپسی اے۔ ایہہ اُو نئیں اے جیدی تعلیم بائبل دیندی اے۔

میں اُوس زمانے وِچ گولڈن گیٹ بپٹسٹ تھیالوجیکل سیمنری (مغربی بپتسمہ دین آلے ادارے) وِچ پڑھائی کیتی سی جدوں اُو اَج دے مقابلے وِچ کِدرے زیادہ آزاد خیال سی۔ مینوں اِک پروفیسر یاد نے جنہاں نے ایمیلینیئل اِزم تے پوسٹ ایمیلینیئل دی تعلیم ایویں دِتی سی جیویں کہ اُو ای سچائی سی۔ فیر اُوہناں نے پری میلینیئل اِزم نے حقیر گردانیا تے اُوہدا مخول اُڑایا، اُوہنوں ’’چیلیاسم Chiliasm‘‘ تے بدعت کہیا، تے سیکوفیلڈ مطالعہ بائبل وِچ اُوہد اُوس جھوٹے عقیدے دی تعلیم دی حیثیت نال مذاق اُڑایا، جیدے تے ’’عالمین‘‘ وی یقین نئیں کردے سن۔ اُوہناں نے ایس موضوع تے سیکوفیلڈ مطالعہ بائبل دا اکثر ایس قدر مذاق اُڑایا کہ میں باہر گیا تے حیاتی چہ پہلی واری اِک خرید کے لے آیا – تے اُوس ویلے توں اُونوں ای استعمال کیتا اے! میں اَج دی انتہائی شام سیکوفیلڈ بائبل وچوں ای منادی کر رہیا آں جیویں کہ میں ہر اِتوار نوں کرنا آں کیوں جے میں مسیح دی پری میلینیئل اپسی تے یقین رکھنا آں جیویں اہدی تعلیم سیکوفیلڈ مطالعہ بائبل وِچ دِتی گئی اے۔ میں قائل ہوچکیا واں کہ بائبل ایمیلینیئل اِزم یا پوست میلینیئل اِزم دی تعلیم نئیں دیندی اے۔

گذشتہ اِتوار دی رات اَسی زکریا14:4۔5، 9 وِچوں تین عظیم سچائیاں نوں ویکھیا۔ پہلی، مسیح کوہ زیتون تے اچانک واپس آ جائے گا،

’’تے اُوس دِن اُو کوہِ زیتون تے جیہڑا یروشلیم دے مشرق وِچ اے کھڑا ہووے گا…‘‘ (زکریاہ 14:4).

مسیح آسمان توں واپس لوٹے گا، اُوسی کوہِ زیتون تے واپس لوتے گا جیدھروں اُو اُوتے گیا سی۔ فرشتیاں نے کہیا،

’’اے گلیلی آدمیو! تُسی کھلوتے کھلوتے آسمان وَل کی تک رئے اُو؟ ایہو ای یسوع جیہڑا تہاڈے کولوں آسمان تے چکیا گیا اے، ایویں ای فیر آئے گا جیویں تُسی لوکاں نے اُوہنوں آسمان وَل جاندے ویکھیا اے۔ تب اُو کوہِ زیتون توں یروشلیم واپس آئے۔ ایہہ پہاڑ یروشلیم تون تقریباً ادھا میل دور اے‘‘ (اعمال 1:11۔12).

’’اُوس روز اُو کوہِ زیتون تے کھلوتا ہووے گا‘‘ (زکریا14:4)۔ اُوہی پیر جنہاں نوں صلیب تے کیلاں نال چھیدا گیا سی اُوسی پہاڑ تے واپس تھلے اُترن گے جیتھروں مسیح واپس آسمان وِچ اُوتے چلا گیا سی (اعمال1:9۔12)۔ دوجی گل، مسیح اپنے سارے دے سارے مقدساں نال واپس لوٹے گا۔

’’فیر خُداوند میرا خُدا آئے گا تے سارے مقدس لوکی اُوہدے نال ہون گے‘‘ (زکریاہ 14:5).

ایس دا مطلب ہوندا اے کہ تمام سابقہ ریپچرڈ مسیحی آسمان توں مسیح دی پیروی وِچ نازل ہون گے۔ ایس واقعہ دی پہلی پیشن گوئی سیلاب توں پہلاں حنوک نے کیتی سی۔

’’تے حنوک نے وی جیہڑا ادم توں ستویں پُشت وِچ سی، ایناں دے بارے وِچ پیشن گوئی کیتی سی کہ ویکھو! خُداوند اپنے لکھاں مقدساں دے نال آندا اے‘‘ (یہوداہ 14).

تے یوحنا رسول نے ایس دے بارے وِچ مکاشفہ 19:14 وِچ دسیا، ’’تے اُو فوجاں جیہڑیاں آسمان وِچ نے اُوہدے مگر مگر آئیاں،‘‘ جدوں اُو آسمان توں تھلے دشمنِ مسیح [دجال] دی فوجاں نو تباہ کرن لئی آئے گا تے اپنی ہزار سالہ زمینی بادشاہت نوں قائم کرے گا۔ تیجی گل، زکریا14:9 کہندی اے کہ فیر مسیح زمین تے اپنی بادشاہت قائم کرے گا،

’’خداوند ساری دُنیا دا بادشاہ ہووے گا۔ اُوس روز اِک ای خداوند ہووے گا تے اُوس دا ناں واحد ہووے گا‘‘ (زکریاہ 14:9).

آخیر وِچ اُو دعا جیہڑی دو ہزار وریاں توں کیتی جاندی رئی اے اُوس دا جواب لبھے گا،

’’تیری بادشاہی آوے، تیری مرضی جیویں آسمان تے پوری ہوندی اے، زمین تے وی ہووے‘‘ (متی 6:10).

آخر وِچ، اَسی مکاشفہ 20 باب تے نظر پاواں گے، تے میں چاہنا آں کہ اَج دی رات اَسی دوبارہ اُوہنوں کھولیے۔ مہربانی نال مکاشفہ 20 باب کھولو، اِک آیت دے نال شروع کرو۔ ایتھے اَسی آن آلی بادشاہی دے بارے وِچ دو سچائیاں نوں جاننے آں۔

I۔ پہلی، شیطان 1,000 سالوں تیکر لئی بن دِتا جاوے گا۔

’’فیر میں اِک فرشتے نوں آسمان توں اُترتے ویکھیا۔ اُوہدے کول اتھاہ گڑھے دئ کُنجی سی تے اُو ہتھ وِچ اِک زنجیر لئے ہوئے سی۔ اُوہنے اژدہا یعنی پرانے سَپ نوں جیہڑا ابلیس تے شیطان اے پھڑیا تے اُوہنوں اِک ہزار وریاں لئی بن چھڈیا تے اتھاہ گڑھے وِچ سُٹ دِتا تے اُوہنوں بند کر کے اُوہدے تے مہر لا دِتی تاکہ اُو قوماں نوں گمراہ نہ کر سکے جدوں تیکر کہ ہزار ورے پورے نہ ہو جان۔ ایس دے بعد اُوہد کُج عرصے لئی کھولا جانا لازمی اے۔‘‘ (مکاشفہ 20:1۔3).

تُسی غور کرو کہ اُوہناں لفظاں ’’ہزار وریاں‘‘ دا تزکرہ دو وری آیت اِک توں لے کے تِن وِچ کِیتا گیا۔ مکاشفہ دے بیسویں باب وِچ اُوہناں ’’ہزار وریاں‘‘ دا تزکرہ کُل چھ وری کیتا گیا اے۔ ڈاکٹر میگی نے کہیا،

ایہہ سچ اے کہ میلینیئم دا تزکرہ صرف اِک باب وِچ ای کیتا گیا اے، لیکن خُدا ایس دا تزکرہ [اُس باب وِچ] چھ وری کردا اے۔ کِنی وری اُوہنوں اِک ای گل نوں کہنا پہیا ایس توں پہلاں کہ اُو سچ بنندی؟ اُوہنے کُج دوجیاں گلاں دا تزکرہ کیتا جنہاں تے لوکی زور دیندے نے تے سوچدے نے کہ اُو اہم نے محض ایس لئی کیوں جے اُو اِک یا دو وری کلام پاک وِچ کیتی گئی۔ چھ وری اُن ہزار وریاں دا تزکرہ کیتا گیا اے، تے ایتھے اُوہناں دا تعلق شیطان دے نال اے (میگی، ibid.، جلد پنجم، صفحہ 1055؛ مکاشفہ 20:1۔3 پر غور طلب بات)۔

ہزار وریاں دی بادشاہت دے دوران زمین توں شیطان دی غیر موجودگی تاریکی وِچوں نور لئی حالات نوں بدل ڈالے گی۔ جدوں تیکر شیطان ایس دُنیا وِچ سرگرم اے ایتھے کدی وی ایک کامل بادشاہت نئیں ہو سکدی۔ خُدا دی مرضی ’’جیویں آسمان وِچ پوری ہوندی اے زمین تے‘‘ نئیں ہو پائے گی (متی6:10) جدوں تیکر ایس دُنیا وِچ شیطان آزاد پھر رہیا اے۔

اِک فرشتہ اِک بہت وڈی زنجیر دے نال نازل ہووے گا تے شیطان نوں مسیح دی ہزار وریاں آلی بادشاہت دے کُل دورانیے لئی بن دیوے گا۔

’’فیر میں اِک فرشتے نوں آسمان توں اُترتے ویکھیا۔ اُوہدے کول اتھاہ گڑھے دئ کُنجی سی تے اُو ہتھ وِچ اِک زنجیر لئے ہوئے سی۔ اُوہنے اژدہا یعنی پرانے سَپ نوں جیہڑا ابلیس تے شیطان اے پھڑیا تے اُوہنوں اِک ہزار وریاں لئی بن چھڈیا تے اتھاہ گڑھے وِچ سُٹ دِتا تے اُوہنوں بند کر کے اُوہدے تے مہر لا دِتی تاکہ اُو قوماں نوں گمراہ نہ کر سکے جدوں تیکر کہ ہزار ورے پورے نہ ہو جان۔ ایس دے بعد اُوہد کُج عرصے لئی کھولا جانا لازمی اے۔‘‘ (مکاشفہ 20:1۔3).

شیطان نوں ’’اتھاہ کھڈے وِچ سُٹ دِتا جائے گا، تے مُنہ … مہر لگا دِتی جائے گی‘‘ (مکاشفہ20:3) مسیح دی ہزار وریاں آلی بادشاہت دے دوران۔ شیطان نوں واقعی وِچ ’’اتھاہ گڑھے‘‘ وِچ ’’اُس پاتال‘‘ وِچ قید کر دِتا جائے گا۔ ایہہ اَگ دی جھیل نئیں اے۔ ہزار وریاں دے خاتمے تے، بادشاہت دے ختم ہون دے بعد شیطان نوں اَگ دی جھیل وِچ سُٹ دِتا جاوے گا۔ کیس قدر شاندار ایہہ دُنیا ہووے گی جدوں مسیح ایس زمین تے اپنی بادشاہت قائم کرے گا۔ ساڈے خُداوند تے اُوس دے مسیح کی بادشاہت وِچ سانوں آزمان تے اذیت پہنچان لئی ایتھے مذید ہور کیدرے وی شیطان نئیں ہووے گا! جیویں کہ اِک پرانا گیت اینوں تحریر کردا اے،

شیطان دا اِقتدار چھیتی ای مُک جائے گا،
   ہائے، کاش اُو اَج ای ہوندا!
غم تے سسکیاں مذید ہُور نئیں ہون گیاں،
   ہائے، کاش اُو اَج ای ہوندا! …
جلال ہووے، جلال ہووے! ایہہ گل میرے دِل وِچ خوشی لہیائے گی۔
   جلال ہووے، جلال ہووے! جدوں [خداوند] اُوہنوں بادشاہت دا تاج پہناوے گا۔
جلال ہووے، جلال ہووے! راہ دی تیاری وِچ چھیتی کرو؛
   جلال ہووے، جلال ہووے! یسوع کسی وی دِن آ جائے گا۔
(’’کی ہوندا جے ایہہ اَج ہوندا؟ What If It Were Today?‘‘ شاعرہ لیلہ این۔ مورس Leila N. Morris، 1862۔1929؛ پادری صاحب نے ترمیم کی)۔

شیطان نون تمام بادشاہت دے زمانے لئی پاتال وِچ بن دِتا جاوے گا! کِنّا شاندار وعدہ اے!

II۔ دوجی، مسیح دی بادشاہت فیر اِک ہزار وریاں لئی زمین تے قائم کر دِتی جائے گی۔

مہربانی نال اپنی بائبل وِچوں میرے نال نال پیروی کرو جدوں میں مکاشفہ 20: 4۔6 پڑھاں گا۔

’’فیر میں تخت ویکھے جنہاں تے اُو لوکی بیٹھے ہوئے سن جنہاں نوں انصاف کرن دا اختیار دِتا گیا سی۔ تے میں اُوہناں لوکاں دیاں روحاں ویکھیاں جنہاں دے سر یسوع دی گواہی دین تے خدا دے کلام دی وجہ توں کٹ دِتے گئے سن۔ اُوہناں لوکاں نے نہ تے حیوان نوں نہ اُوہدی مورت نوں سجدہ کیتا سی، نہ اپنی پیشانی یا ہتھاں تے اُوہدا نشان لوایا سی۔ اُو زندہ ہو گئے تے اِک ہزار وریاں تیکر مسیح دے نال بادشاہی کردے رئے۔ تے باقی مُردے اِک ہزار ورے پورے ہون تیکر زندہ نہ ہوئے۔ ایہہ پہلی قیامت اے۔ مبارک تے مقدس نے اُو لوکی جیہڑے پہلی قیامت وِچ شریک نے۔ اُوہناں تے دوجی موت دا کوئی اختیار نئیں بلکہ اُو خُدا تے مسیح دے کاہن ہون گے تے ہزار وریاں تیکر اُوہدے نال بادشاہی کردے رہن گے۔‘‘ (مکاشفہ 20:4۔6).

ٹِم لاحئے دا بائبل دی پیشن گوئیاں دا مطالعہ Tim LaHaye Prophecy Study Bible کہندا اے کہ آیت چار تے پنچ اُوہناں لوکاں دے بارے وِچ دسدی اے جیہڑے بہت وڈے مصیبتاں آلے زمانے دے دوران دشمنِ مسیح [دجال] دے ذریعے اپنے ہتھ یا متھے تے اُوہدا نشان لگوان توں انکار کرن گے قتل کر دِتے جان گے۔ اُوہناں نوں جسمانی طور تے فیر زندہ کر دِتا جائے گا تاکہ اُو زمین تے مسیح دی زمین تے اِک ہزار وریاں آلی بادشاہت دے دوران مسیح دے نال حکمرانی کر سکن (ویکھو ٹِم لاحئے دا بائبل دی پیشن گوئیاں دا مطالعہ Tim LaHaye Prophecy Study Bible، اے ایم جی پبلیشرز، 2000، صفحہ 1399؛ مکاشفہ20:4۔5 پر غور طلب بات)۔ آیت چھ کہتی ہے،

’’مبارک تے مقدس نے اُو لوکی جیہڑے پہلی قیامت وِچ شریک نے۔ اُوہناں تے دوجی موت دا کوئی اختیار نئیں بلکہ اُو خُدا تے مسیح دے کاہن ہون گے تے ہزار وریاں تیکر اُوہدے نال بادشاہی کردے رہن گے۔‘‘ (مکاشفہ 20:6).

ایس آیت دے بارے چہ ٹِم لاحئے دا بائبل دی پیشن گوئیاں دا مطالعہ Tim LaHaye Prophecy Study Bible کہندی اے،

’’مُردیاں وِچوں پہلاں جی اُٹھنا‘‘ ایمانداراں لئی اے تے تِن قسطاں وِچ رونما ہووے گا: (1) مسیح [جی اُٹھن آلیاں وچوں] پہلا شخص (1 کرنتھیوں15:20)؛ (2) ریپچر … (1کرنتھیوں15:23؛ 1تھسالونیکیوں 4:13۔18)؛ (3) وڈی مصیبتاں دے مقدساں نوں بادشاہت توں پہلاں پرانے عہدنامے دے مقدساں دے نال زندہ کیتا جائے گا (زبور50:1۔6)۔ ایس زندہ کیتے جان وِچ [اُو ساری مسیح وِچ ایمان لہیا کے تبدیل ہوئے] لوکی شامل ہون گے جیہڑے مسیح دی واپس تیکر مُردا سن (ibid.، صفحہ 1400؛ مکاشفہ20:6)۔

چھٹی آیت ظاہر کردی اے کہ اُو جنہاں نوں ’’سب توں پہلاں زندہ کیتا جائے گا،‘‘

’’وہ خدا اور مسیح کے کاہن ہوں گے اور ہزار برس تک اُس کے ساتھ بادشاہی کرتے رہیں گے‘‘ (مکاشفہ 20:6).

کیس قدر شاندار ایہہ گل ہووے گی کہ مسیح دے نال اُوہدی بادشاہت وچ مل کر حکمرانی کرن گے! لیکن سانوں ایویں کرن لئی غالب آنا چائیدا اے۔ اسی مکاشفہ 3:21 وچ پڑھنے آں،

’’جیہڑا غالب آئے گا میں اُوہنوں اپنے نال تخت تے بٹھاواں گا، جیویں میں غالب آیا تے اپنے باپ دے نال اُوہدے تخت تے بیٹھ گیا‘‘ (مکاشفہ3:21).

مسیح دے نال اُوہدی زمینی بادشاہی وچ حکمرانی لئی جیہڑی قابلیت چائیدی اے، اُوہدے لئی تہانوں غالب ہون آلا ہونا پئے گا۔ لیکن اِک غالب بنن لئی، تہانوں پہلے مسیح وچ ایمان لہیا کے تبدیل ہونا چائیدا اے۔ یسوع نے ایس گل نوں انتہائی واضح کیتا کہ بادشاہت وچ داخل ہون لئی حکمرانی کرن لئی پہلا قدم حقیقی تبدیلی اے۔ یسوع نے کہیا،

’’جے تُسی تبدیل ہو کے نِکے بال وانگوں نہ بنو، تُسی آسمان دی بادشاہی وچ ہرگز داخل نئیں ہوو گے‘‘ (متی 18:3).

تہانوں حقیقی تبدیلی دا تجربہ کرنا چائیدا اے ورنہ تُسی ’’آسمان دی بادشاہی‘‘ وچ داخل نئیں ہوو گے، تے جے تُسی ’’آسمان دی بادشاہی‘‘ وچ داخل نئیں ہوندے تے تُسی یقینی طور تے زمین تے مسیح دی ہزار وریاں آلی بادشاہت وچ داخل نئیں ہوو گے! ایس لئی، اپنی حیاتی وچ تمام گلاں توں ودھ کے تہانوں مسیح وچ حقیقی تبدیلی دی تلاش کرنی چائیدی اے!

حقیقی تبدیلی عموماً پہلاں گناہ دی سزایابی وچ ہون نوں شامل کردی اے، فیر خود نوں گناہ توں آزاد کرن لئی جدوجہد نوں شامل کردی اے جدوں تیکر کہ تہانوں احساس نہ ہو جائے کہ تُسی انج نئیں کر سکدے۔ آخیر وچ، تبدیلی اوس ویلے آندی اے جدوں تُسی خود ہمت ہار جاندے اُو، ایس گل دا احساس کردے ہویاں کہ تُسی مکمل طور تے مسخ شدہ اُو، تے فیر اپنے گناہ توں اُوہدے خون دے وسیلے نال پاک صاف ہون لئی مسیح دے کال آنا۔ جدوں تُسی مسیح دے کول آندے اُو تے تہاڈے گناہواں دا کفارہ صلیب تے اُوہدی موت دے وسیلے نال ادا ہو جاندا اے۔ جدوں تُسی اُتے آسمان وچ جی اُٹھے مسیح دے کول آندے اُو، تے تنہا اُسی وچ اُسی دے وسیلے نال ایمان وچ سکون پاندے اُو، تے تُسی حقیقی تبدیلی دا تجربہ کرو گے تے اِک غالب آن آلا بننا شروع کر دیندے اُو، جیہڑے زمین تے مسیح دے نال اُوہدی ہزار وریاں آلی بادشاہت وچ حکمرانی لئی لائق ٹھہردے نے۔ لیکن پہلا قدم مسیح یسوع وچ حقیقی تبدیلی نوں تلاش کرنا اے۔ خُداوند چھیتی تہانوں یسوع مسیح وچ اِک تبدیلی دا تجربہ پیش کرے۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

واعظ توں پہلاں کلیاں گیت سی:
’’کی ہوندا جے ایہہ اَج ہوندا؟ What If It Were Today?‘‘
(شاعرہ لیلہ این۔ مورس Leila N. Morris، 1862۔1929؛ پادری صاحب نے ترمیم کی)۔


لُبِ لُباب

ہزار سالہ بادشاہی

THE MILLENNIAL KINGDOM

ڈاکٹر آر۔ ایل۔ ہائیمرز، جونیئر ولّوں
by Dr. R. L. Hymers, Jr.

’’چناچہ تُسی ایویں دعا کریا کرو: اے ساڈے باپ، توں جیہڑا آسمان تے اے، تیرا ناں پاک منیا جاوے۔ تیری بادشاہی آوے۔ تیری مرضی جیویں آسمان تے پوری ہوندی اے، زمین تے وی ہووے‘‘ (متی6:9۔10)۔

(زکریا 14:4؛ اعمال 1:11۔12؛ زکریا 14:5؛ یہوداہ 14؛
مکاشفہ 19:14؛ زکریا14:9)

I.   پہلی، شیطان 1,000 وریاں لئی بن دِتا جاوے گا، مکاشفہ 20:1۔3 .

II.  دوجی، مسیح دی بادشاہت فیر اِک ہزار وریاں لئی زمین تے قائم کر دِتی جاوے گی، مکاشفہ20:4۔6؛ 3:21؛ متی18:3 .