ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
مسیح دی دوجی آمدTHE SECOND COMING OF CHRIST ڈاکٹر آر ایل ہائیمرز جونیئر وَلّوں ’’اُوہناں دِناں دی مصیبتاں دے بعد سورج اِک دم تاریک ہو جائے گا، تے چن دی روشنی جاندی رئے گی، آسمان توں تارے ڈِگن لگیں گے، تے آسمانی دی قوتاں ہِلا دِتیاں جان گئیاں۔ اُوس ویلے ابنِ آدم دی نشان آسمان تے وکھائی دے گا تے اُدھوں دُنیا دی ساریاں قوتاں چھاتی پیٹن گئیاں تے ابنِ آدم نوں آسمان دے بدلاں تے عظیم قدرت تے جلال دے نال آندے ویکھن گئیاں‘‘ (متی 24: 29 – 30)۔ |
بائبل مسیح دے زمین تے دو وری آن دی (یعنی دو آمداں دی) تعلیم دیہندی اے۔ پہلی آمد اُوس ویلے ہوئی جدوں مسیح بیت لحم وِچ پیدا ہویا۔ مسیح آسمان توں ہیٹاں تشریف لیہایا تے ’’بادشاہ ہیرودیس دے زمانے وِچ یہودیہ دے بیت لحم وِچ پیدا ہویا‘‘ (متی 2: 1)۔ ایس لئی کیتھولک تے بہتیرے پروٹسٹنٹ کرسمس کے زمانے نوں ’ایڈونٹ‘‘ (آمد دا زمانہ) کہندے نے۔
’’لیکن جدوں ویلہ پورا ہو گیا تے خدا نے اپنے پُتر نوں پیہجھیا جیہڑا عورت توں پیدا ہویا تے شریعت دے ماتحت پیدا ہویا‘‘ (گلِتیوں 4: 4)۔
مسیح ایس کرہ ارض تے تینتیس ورے زندہ رہیا۔ فیر اُوہنوں سولی تے چڑھایا گیا۔ اُوہناں نے اُوہدی میت نوں اِک قبر وِچ رکھیا تے اُوہدے تے مہر لگا دِتی۔ لیکن تیجے دِن، اِتوار دی سویرے، اُو جسمانی طور تے مُردیاں وِچوں جی اُٹھیا۔ اُو شاگرداں تے ظاہر ہویا،
’’دُکھ چُکن دے بعد اُوہنے اپنے زندہ ہو جان دے کئی قوی ثبوت وی بہم پہنچائے تے اُو چالیس دِن تیکر اُوہناں نوں نظر آندا رہیا‘‘ (اعمال 1: 3)۔
اُوہناں چالیس دِناں دے اِختتام دے بعد
’’ایہناں گلاں دے بعد اُو ویکھدے ای ویکھدے اُوہناں دے سامنے اُوتے آسمان تے چُک لیہیا گیا تے بدلی نے اُوہنوں اُوہناں دی نظراں توں لُکہا لیہیا‘‘ (اعمال 1: 9)۔
اُو پہلی آمد سی – یعنی مسیح دی زمین تے پہلی آمد سی۔
لیکن بائبل ایہ تعلیم دیہندی اے کہ ایک دوجی ’ایڈونٹ‘ (آمدِ ثانی) وی ہووے گی – یعنی مسیح دی دوجی آمد۔ بائبل کہندی اے کہ اُو ’’دوجی وری ظاہر ہووے گا‘‘ (عبرانیوں 9: 28)۔ تے ساڈی زیرِ بحث تلاوت وی مسیح دی دوجی آمد دا ذکر کردی اے۔
’’اُوہناں دِناں دی مصیبتاں دے بعد سورج اِک دم تاریک ہو جائے گا، تے چن دی روشنی جاندی رئے گی، آسمان توں تارے ڈِگن لگیں گے، تے آسمانی دی قوتاں ہِلا دِتیاں جان گئیاں۔ اُوس ویلے ابنِ آدم دی نشان آسمان تے وکھائی دے گا تے اُدھوں دُنیا دی ساریاں قوتاں چھاتی پیٹن گئیاں تے ابنِ آدم نوں آسمان دے بدلاں تے عظیم قدرت تے جلال دے نال آندے ویکھن گئیاں‘‘ (متی 24: 29 – 30)۔
مسیح نوں ’’ابنِ آدم‘‘ کہیا جاندا اے۔ ’’اُوہناں دِناں دے بہتے وڈے مصائب دے فوراً بعد‘‘ زمین تے تاریکی چھائے گی، بالکل اُوویں ای جیویں اُوس دِن ہویا سی جدوں مسیح سولی تے فوت ہویا سی۔
’’تے اُو ابنِ آدم نوں آسمان دے بدلاں تے عظیم قدرت تے جلال دے نال آندے ویکھن گے‘‘ (لوقا 21: 27)۔
’’کیوں جے جیویں بجلی مشرق توں چمک کے مغرب تیکر وکھائی دیہندی اے اُونج ای ابنِ آدم دا آنا ہووے گا‘‘ (متی 24: 27)۔
اُو دوبارہ آ رہیا اے، اُو دوبارہ آ رہیا اے،
بالکل اُوہی یسوع، جِنہوں لوکاں نے رد کیتا؛
اُو دوبارہ آ رہیا اے، اُو دوبارہ آ رہیا اے،
عظیم جلال تے قوت دے نال، اُو دوبارہ آ رہیا اے!
(’’وہ دوبارہ آ رہیا اے He is Coming Again، شاعر میبل جانسٹن کیمپ Mabel Johnston Camp، 1871۔1937).
’’اُوہناں دِناں دی مصیبتاں دے بعد سورج اِک دم تاریک ہو جائے گا، تے چن دی روشنی جاندی رئے گی، آسمان توں تارے ڈِگن لگیں گے، تے آسمانی دی قوتاں ہِلا دِتیاں جان گئیاں۔ اُوس ویلے ابنِ آدم دی نشان آسمان تے وکھائی دے گا تے اُدھوں دُنیا دی ساریاں قوتاں چھاتی پیٹن گئیاں تے ابنِ آدم نوں آسمان دے بدلاں تے عظیم قدرت تے جلال دے نال آندے ویکھن گئیاں‘‘ (متی 24: 29 – 30)۔
بائبل دوجی آمد دے بارے وِچ دو گلاں بالکل واضح کردی اے۔
I۔ پہلی گل، ایہ ریپچر نئیں اے۔
ریپچر میں، مسیح ظاہری طور تے نئیں آندا، تے اُو زمین تے نئیں آندا۔ ریپچر وِچ،
’’فیر اَسی جیہڑے زندہ باقی ہون گے اُوہناں دے نال بدلاں وِچ چُک لیہیے جان گے تاکہ ہوا وِچ خداوند دا اِستقبال کریے‘‘ (Iتھِسّلُنیکیوں 4: 17)۔
’’ریپچر‘‘ دے دوران، حقیقی مسیحیاں نوں ’’اُوتے چُک لیہیا جائے گا… تاکہ اُو ہوا وِچ خداوند دا اِستقبال کر سکن۔‘‘ میں کُجھ عرسہ پہلاں ایس ای موضوع تے واعظ کیتا سی۔ پرانے عہدنامے وِچ، حنوک تے ایلیاہ دی کایا پلٹ دِتی گئی سی تے اُوہناں نوں زندہ آسمان تے چُک لیہیا گیا سی۔ حنوک تے ایلیاہ دوویں ای زمین تے مسیح دی دوجی آمد توں پہلاں حقیقی مسیحیاں دے ’’ریپچر‘‘ (یعنی آسمان تے چُکے جان) دی مثالاں یا نمونے نے۔ ایہنوں اِک ’’بھید‘‘ کہیا جاندا اے، یعنی ایہو جئی گل جیہڑی انسانی عقل و فہم توں بالاتر اے۔ پولوس رسول نے کہیا،
’’ویکھو، میں تہانوں اِک راز دی گل دسنا آں… اَسی سارے بدل جاواں گے، اِک لمحے وِچ، ایہ پلک جھپکدے وِچ ای ہو جائے گا یعنی اِک دم جدوں آخری نرسنگ پھونک جائے گا کیوں جے سارے مُردے نرسنگے دے پھونکے جان تے غیرفانی جسم پا کے زندہ ہو جان گے تے اَسی سارے بدل جان گے‘‘ (I کرنتھیوں 15: 51 – 52)۔
’’اُوہناں دے نال بدلاں وِچ اُٹھا لیہئے جان گے تاکہ ہوا وِچ خداوند دا اِستقبال کرن‘‘ (Iتھِسّلُنیکیوں 4: 17)۔
اوہ، خوشی، اوہ مسرت! کی سانوں مرے بغیر جانا چائیدا اے،
کوئی بیماری نئیں، اُداسی نئیں، خوف تے رونا نئیں،
اپنے خداوند دے نال جلال وِچ بدلاں چہ اُٹھا لیہیا جانا،
جدوں یسوع ’’اُوہدے اپنیاں نوں‘‘ خیرمقدم کردا اے۔
(’’مسیح واپس آ گیا Christ Returneth‘‘ شاعر ایچ۔ ایل۔ ٹرنر H. L. Turner، 1878)۔
اُو ریپچر اے! ’’بدل جان گے… خداوند دا ہوا وِچ اِستقبال کرن دے لئی۔‘‘
II۔ دوجی گل، ایہ زمین تے اُوہدی واپسی اے۔
’’ریپچر‘‘ دے دوران، حقیقی ایمان لیہیان آلیاں نوں فضا وِچ مسیح نال مِلن دے لئی اُوتے چُک لیہیا جائے گا۔ زمین تے موجود کسی ہُور بندے نوں ایس گل دا علم نئیں ہووے گا۔ ’’ریپچر‘‘ دے مخالفین اُوہدا مذاق اُڑاندے نے تے اُوہنوں ’’خفیہ ریپچر‘‘ دا ناں دیہندے نے۔ درحقیقت، پیچھے رہ جان آلیاں دے لئی ایہ واقعی اِک خفیہ واقعہ ای ہووے گا!
لیکن مسیح دی ’’دوجی آمد‘‘ ہرگز کوئی خفیہ واقعہ نئیں ہووے گی! متی 24: 30 دے دوجے حصے تے غور کرو۔
تے اُودھوں دُنیا دی ساریاں قوتاں چھاتی پیٹین گئیاں تے ابنِ آدم نوں آسمان دے بدلاں تے عظیم قدرت تے جلال دے نال اندے ویکھن گئیاں‘‘ (متی 24: 30)۔
ایہ مسیح دی دوجی آمد اے! جان سینک John Cennick تے چارلس ویزلی Charles Wesley نے لکھیا،
ہُن ہر اَکھ اُوہنوں ویکھے گی،
ہیبت ناک جلال دی قبا پہنے ہوئے؛
جِنہاں نے اُوہنوں حقیر جانیا تے بیچیا،
اُوہنوں چھلنی کیتا تے سولی تے جڑ دِتا،
اُو زار و قطار روندے ہوئے، اُو زار و قطار روندے ہوئے، اُو زار و قطار روندے ہوئے،
سچے مسیحا نوں ویکھن گے۔
(’’ویکھو! اُو آندا اے Lo! He Comes‘‘ شاعر جان سینک John Cennick، 1718۔1755؛
چارلس ویزلیCharles Wesley، 1707۔1788 وَلوں ترمیم کیا گیا)
مسیح دی دوبارہ آمد بالکل یقینی اے۔ خدا نے بائبل وِچ سانوں ایس بارے وِچ دسیا اے۔ تے ’’خدا دا جھوٹ بولنا ناممکن اے‘‘ (عبرانیوں 6: 18)۔ مسیح ایس زمین تے اپنی بادشاہی قائم کرن دے لئی آ رہیا اے۔ لیکن اُوہدی بادشاہی وِچ داخل ہون دے لئی تہاڈا نئے سرے توں پیدا ہونا ضروری اے۔ مسیح کہیا،
’’جدوں تیکر کوئی بندہ پانی تے روح نال پیدا نئیں ہووے اُو خدا دی بادشاہی وِچ داخل نئیں ہو سکدا‘‘ (یوحنا 3: 5)۔
اُوہنے کہیا،
’’جدوں تیکر کوئی بندہ پانی تے روح نال پیدا نئیں ہووے اُو خدا دی بادشاہی وِچ داخل نئیں ہو سکدا‘‘ (یوحنا 3: 5)۔
اُوہنے کہیا،
’’تہانوں نئے سرے توں جنم لیہنا چائیدا اے‘‘ (یوحنا 3: 7)۔
میں جان ہس John Huss، لوتھرLuther، بنیعان Bunyan، وائٹ فیلڈ Whitefield، ویزلی Wesley تے سی ایچ سپرجیئن دے ایمان لیہان دے واقعات دے بارے وِچ سوچدا رہیا آں۔ اُوہناں دے معاملے وِچ کوئی ابہام یا غیر واضح گل نئیں سی۔ اُوہناں نوں اپنے گناہواں دی سزایابی دا شدید احساس ہویا۔ اُوہناں نے خود نوں سُدھارن تے اِک مسیحی وانگوں حیاتی لنگہان دی کوشش کیتی، لیکن اُوہناں نوں احساس ہویا کہ اُو اینج کرن توں قاصر نے۔ ایس کیفیت نے اُوہناں نوں گناہ دے مذید گہرے احساس تے مایوسی وِچ مبتلا کر دِتا۔ بالاآخر، اُو مسیح دے کول آئے تے صرف اُوہدے لہو تے اُوہدے ایمان دے وسیلے توں اپنے گناہواں توں پاک ہوئے۔ اُو بدل گئے – یعنی ’’اُوہدے لہو تے ایمان دے وسیلے توں‘‘ نئے سرے توں پیدا ہوئے (رومیوں 3: 25)۔
لیکن وریاں دے تجربے توں میں ایہ جانیا اے کہ انسان نوں اپنی ذات تے انحصار ترک کرنا پیہندا اے تے خود نوں بچان دی ساری اُمیداں چھڈنی پیہیاں نے، ورنہ اُو کدی وی حقیقی معنیاں وِچ نئے سرے توں پیدا نئیں ہو سکدا۔ تے جے تُسی نئے سرے توں پیدا نئیں ہوئے تے تہانوں اُوس بادشاہی وِچ داخل نئیں ہو سکن گے جِنہوں قائم کرن دے لئی مسیح ایس زمین تے تشریف لیہیائے گا۔
تہانوں نئے سرے توں جنم لیہنا چائیدا اے،
تہانوں نئے سرے توں جنم لیہنا چائیدا اے،
میں بار بار تہانوں کہنا آں،
تہانوں نئے سرے توں جنم لیہنا چائیدا اے۔
(’’تہانوں نئے سرے توں جنم لیہنا چائیدا اے، Ye Must Be Born Again‘‘ شاعر ولیم ٹی سلیپرWilliam T. Sleeper، 1819۔1904)۔
جان ہس، لوتھر، بنیعان، وائٹ فیلڈ، ویزلی تے سی ایچ سپرجیئن دی مسیح وِچ ایمان لیہیا کے تبدیل ہون دے واقعات دا مطالعہ کرن نال میں اِک ہور گل ایہ سکھی اے کہ اُو بہوتی سنجیدہ سن۔ اُو سنجیدہ مزاج لوکی سن۔ اُوہناں نوں اپنی نجات دے حصول وِچ سنجیدہ دلچسپی سی۔ جے تُسی سنجیدہ اُو – تے میہنوں اُمید اے تُسی ہو – تے ایس گل نوں یقینی بناؤ کہ تُسی گرجا گھر دی حاضری توں محروم نہ رہوو۔ مسیح نے کہیا،
’’تنگ بوہے توں داخل ہون دی پوری کوشش کرو کیوں جے میں تہانوں کہنا آں بہتیرے لوکی اندر جان دی کوشش کرن گے لیکن نہ جا سکن گے‘‘ (لوقا 13: 24)۔
خدا دے فضل نال، تُسی مسیح وِچ شامل ہون دی کوشش کرو تے اُوہدے اُوس لہو دے وسیلے توں نجات تے معافی پاؤ جیہڑا گناہواں دی معافی دے لئی سولی تے وگایا گیا سی۔
جان ہس نوں مسیح دی خوشخبری دی ماندی کرن دی پاداش وِچ زندہ جلا دِتا گیا سی۔ لوتھر، بنیعان، وائٹ فیلڈ، ویزلی تے سپرجیئن وانگوں اُو وی اِک انتہائی سنجیدہ انسان سن – ایہنے سنجیدہ کہ اُوہناں نے مسیح دی خاطر اپنی جان تیکر قربان کر دِتی۔ ہس وگرے لوکاں نوں اپنا نمونہ تے ہیرو بناؤ۔ ہو سکدا اے کہ تہانوں زندہ جلائے جان دی صورت وِچ اپنی جان نہ دیہنی پیہئے، لیکن اُوہناں وگرا بنن دے لئی تہانوں یقیناً اپنے دنیاوی عزائم نوں ترک کرنا پیہئے گا۔ ہس وانگوں بنن دےلئی تہانوں یقیناً اپنی اُمیداں تے مصوبیاں نوں چھڈن دے لئی تیار رہنا ہووے گا۔ تہانوں صرف مسیح دے لئی جین دے لئی تیار رہنا ہووے گا۔ تہانوں یقیناً اِک زندہ قربانی بنن دے لئی تیار رہنا ہووے گا، تے یسوع دے پیروکار دی حیثیت نال جین تے دُکھ اُٹھان نوں اپنا اعلیٰ ترین مقصد بنانا ہووے گا، پاویں ایس دے لئی تہانوں کوئی وی قیمت کیوں نہ چکانی پیہئے۔ میری دلی دعا اے کہ کوئی نوجوان ہس دی مثال دی پیروی کرے تے مسیح دے لئی حیاتی لنگہائے، پاویں ایہدے لئی کوئی وی قیمت کیوں نہ چکانی پیہئے۔ کی تُسی اینج کرو گے؟ خدا تہانوں اینج کرن دی توفیق عطا فرمائے۔ آمین!
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب مسیح دی دوجی آمد THE SECOND COMING OF CHRIST ڈاکٹر آر ایل ہائیمرز جونیئر وَلّوں ’’اُوہناں دِناں دی مصیبتاں دے بعد سورج اِک دم تاریک ہو جائے گا، تے چن دی روشنی جاندی رئے گی، آسمان توں تارے ڈِگن لگیں گے، تے آسمانی دی قوتاں ہِلا دِتیاں جان گئیاں۔ اُوس ویلے ابنِ آدم دی نشان آسمان تے وکھائی دے گا تے اُدھوں دُنیا دی ساریاں قوتاں چھاتی پیٹن گئیاں تے ابنِ آدم نوں آسمان دے بدلاں تے عظیم قدرت تے جلال دے نال آندے ویکھن گئیاں‘‘ (متی 24: 29 – 30)۔ (متی 2: 1؛ گلتیوں 4: 4؛ اعمال 1: 3، 9؛ عبرانیوں 9: 28؛ I۔ پہلی گل، ایہ ریپچر نئیں اے، I تھِسّلُنیِکیوں 4: 17؛ I کرنتھیوں 15: 51 – 52۔ II۔ دوجی گل، ایہ زمین تے اُوہدی واپسی اے، متی 24: 30؛ عبرانیوں 6: 18؛ |