مسیحی کیتھے جان گے جدوں اُوہناں نوں ریچپر وِچ [مسیح دی آمدثانی تے اُوہدے اِستقبال دے لئی آسمان چہ بدلاں تے زندہ اُٹھا] لیہیا جائے گا؟ | Where Will Christians Go When They Are Raptured?

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بائبل سِکھاندی اے کہ سچے مسیحی ریپچر وِچ [مسیح دی آمدِثانی تے اُوہدے اِستقبال دے لئی آسمان وِچ بدلاں تے زندہ چُکے] لئے جان گے۔ یسوع زمین تے اُوتے فضا وِچ اُترے گا، تے سچے مسیحی، زندہ تے مُردہ دوواں نوں ، اِک لمحے وِچ تبدیل کر کے بدلاں وِچ اُوہنوں مِلن دے لئی اُٹھا لیہیا جائے گا۔ ایہ ساڈی تلاوت وِچ پیش کیتا گیا اے۔

’’میرے پیو دے گھر وِچ بہتیرے مکان نے: جے نہ ہوندے تے میں تہانوں دَس چکیا ہوندا۔ میں تہاڈے لئی تھاں تیار کرن اُوتھے جا رہیا آں۔ جے میں جا کے تہاڈے لئی تھاں تیار کراں گا تے میں فیر دوبارہ واپس آ کے تہانوں اپنے نال لے جاواں گا؛ تاکہ جیتھے میں ہوواں تُسی وی اُوتھے ہوو‘‘ (یوحنا 14: 2۔3)۔

بائبل سانوں ایس واقعے دے بارے وِچ مذید ہُور I تھسالونیکیوں 4: 16۔17 آیت وِچ دسدی اے۔ مہربانی نال اُوہنوں کھولو۔

’’کیوں جے خداوند خود وڈی للکار تے مقرب فرشتے دی آواز تے نرسنگے دے پھونکے جان دے نال آسمان توں اُترے گا تے اُو سارے جیہڑے مسیح وِچ مر چکے نے زندہ ہو جان گے۔ فیر اَسی جیہڑے زندہ باقی ہوواں گے اُوہناں دے نال بدلاں تے اُٹھا لئے جاواں گے تاکہ ہوا وِچ خداوند دا اِستقبال کرئیے تے ہمیشہ اُوہدے نال رہیے‘‘ (I تھسالونیکیوں 4: 16۔17)۔

سچے مسیحی زندہ تے مُردہ دوویں ای ہوا وِچ مسیح دے نال اُٹھائے جان گے۔

ریپچر [مسیح کی آمد ثانی تے اُوہدے اِستقبال دے لئی آسمان وِچ بدلاں تے زندہ چُکے لئے جان] دی مذید تفصیل I کرنتھیوں 15: 51-52 وِچ دِتی گئی اے۔ براہ کرم ایس حوالے وَل متوجہ ہوو۔

’’ویکھو میں تہانوں اِک راز دی گل دسنا آں؛ اَسی سارے موت دی نیندر نئیں سوواں گے، لیکن بدل ضرور جاواں گے، ایہ پلک جھپکدے ای ہو جائے گا، یعنی اِک دم جدوں آخیرلا نرسنگا پھونکا جائے گا۔ کیوں جے سارے مُردے نرسنگے دے پھونکے جان تے غیرفانی جسم پا کے زندہ ہو جان گے تے اَسی سارے بدل جاواں گے‘‘ (I کرنتھیوں 15: 51۔52)۔

ایہناں آیتاں وِچ سانوں ریپچر دے مظہر تے اِسرار دے بارے وِچ دسیا گیا اے۔ ساڈے جسماں نوں اِک سیکنڈ وِچ تبدیل کیتا جائے گا تے ایہناں مسیحیاں دے نال جیہڑے پہلاں توں ای مر چکے ہون گے زندہ ہو جان گے۔ ایہ سب کچھ ’’اِک لمحے وِچ، پلک دے جھپکن وِچ ہو جائے گا (I کرنتھیوں 15: 52)۔

ایہ سانوں اپنی تلاوت دے لفظاں تے واپس لے جاندی اے، جیتھے یسوع نے کہیا،

’’جے میں جا کے تہاڈے لئی تھاں تیار کراں تے میں دوبارہ آواں گا، تے تہانوں اپنے کول لے جاواں گا، تاکہ جیتھے میں ہوواں تُسی وی ہوو‘‘ (یوحنا 14: 3)۔

ہُں اَسی بہتیرے صحیفیاں نال جاننے آں کہ یسوع ہُن آسمان وِچ اے، خدا دے سجّے ہتھ تے بیٹھا اے، اِک ہُور جہت وِچ جِنہوں آسمان کہیا جاندا اے۔ تے جدوں یسوع نے کہیا،

اُوہدا مطلب سی کہ سچے مسیحی اُوہناں جسماں وِچ آسمان تے اُٹھائے جان گے جیہڑے مسیح دے گوشت تے ہڈی وانگوں زندہ کیتے گئے، اُو جلالی جسم نے۔

لیکن جنت وِچ ایہ تھاں کیہو جئی ہووے گی؟ مسیحی ریپچر وِچ [مسیح دی آمدثانی تے اُوہدے اِستقبال دے لئی آسمان وِچ بدلاں تے زندہ اُٹھا لئے] جان گے، ھیّت تبدیل ہو گی تے مسیح دے نال جنت وِچ اُٹھائے جان گے، لیکن جدوں اُو اُوتھے پہنچن گے تے جنت وِچ کیہو جیہا ہووے گا؟

آسمان دی اِک جھلک دے لئی اَسی ریپچر وِچ داخل ہوواں گے، سانوں مکاشفہ 7: 9-15 وَل متوجہ ہونا چائیدا اے۔ مہربانی نال کِھلو جاؤ تے ایہناں آیتاں نوں اوچی واج نال پڑھو۔

’’ایہدے بعد جدوں میں نگاہ پھیری تے ویکھیا کہ ہر قوم، قبیلہ، اُمت تے اہلِ زبان دی اِک ایہو جئی پیہھڑ موجود اے جیہدا شمار کرنا ممکن نئیں۔ سارے سفید لبادے پہنے ہوئے سن تے ہتھاں وِچ کھجور دی ڈالیاں لئے ہوئے تخت دے اَگے تے برّہ دے روبرو کِھلوتے سن۔ اُو اُوچی واجھ نال چیخ چیخ کے کہہ رہئے سن کہ نجات ساڈے خدا وَلوں اے جیہڑا تخت تے بیٹھا اے تے برّہ وَلّوں لبھدی اے۔ تے اُوہناں ساریاں فرشتیاں نے جیہڑے اُوس تخت دے آلے دوالے تے اُوہناں بزرگاں دے تے چار درندیاں دے جیہڑے چاروں پاسے کِھلوتے سن تخت دے سامنے سجدہ وِچ ڈِگ کے ایہ کہنا شروع کیتا: آمین! حمد تے تمجید، تے حکمت تے شکر تے عزت تے قدرت تے طاقت تا ابد ساڈے خدا دی ہووے۔ آمین! فیر بزرگاں وِچوں اِک نے میہنوں پوچھیا کہ ایہ سفید لباس پائے ہوئے لوکی کون نے تے کِدرھوں آئے نے؟ میں جواب دِتا کہ اے میرے آقا! ایہ تے تیہنوں ای معلوم اے۔ تے اُوہنے میہنوں کہیا کہ ایہ اُو لوکی نے جیہڑے وڈی مصیبت وِچوں نکل کے آئے نے۔ ایس لئی اُو خدا دے تخت دے سامنے موجود نے تے اپنے لباس نوں برّہ دے لہو نال دھو کے سفید کر دِتا اے۔ ایس لئی اُو خدا دے تخت دے سامنے نے، تے اُوہدی ہیکل وِچ دِن رات اُوہدی خدمت کردے نے: تے جیہڑا تخت تے بیٹھے گا اُو اُوہناں دے وچکار رہوے گا‘‘ (مکاشفہ 7:9-15)۔

تُسی تشریف رکھ سکدے اُو۔ ایہ جنت دی کیہنی شاندار تفصیل اے! لیکن ایہ ایس شاندار تھاں دی مکمل تصویر نئیں اے۔ پولوس رسول نے کہیا،

’’نہ تے کسی اَکھ نے ویکھیا، نہ کسی کن نے سُنیا، نہ کسی دے خیال وِچ آیا، اُوہنوں خدا نے اُوہناں دے لئی تیار کیتا اے جیہڑے اُوہدے نال محبت رکھدے نے‘‘ (I کرنتھیوں 2: 9)۔

اَسی آسمان دی شان دا پوری طرح اِدراک نئیں کر سکدے یا مکمل طور تے نئیں سمجھ سکدے، جیہدے وِچ ساڈے تبدیل شُدہ جسم ریپچر وِچ پھڑے جان گے۔ ایہ گل تے یقینی اے، اَسی مسیح نوں آمنے سامنے ویکھاں گے۔

اکثر ویلے دِن لمبا لگدا اے، ساڈی آزمائشاں برداشت کرنا مشکل ہو جاندا اے،
     اَسی شکایت کرن، بُڑبُڑان تے مایوسی دا شکار ہو جانے آں؛
لیکن مسیح چھیتی ای اپنی دُلھن نوں پھڑدا ہویا نظر آئے گا،
     خدا دے ابدی دِن وِچ سارے اَتھرو ہمیشہ دے لئی مُک جاندے نے۔
جدوں اَسی یسوع نوں ویکھاں گے تے ایس سارا کُجھ قابلِ قدر ہو جائے گا،
     جدوں اَسی مسیح نوں ویکھاں گے تے حیاتی دی آزمائشاں بہتیری چھوٹی لگن گئیاں۔
اُوہدے پیارے چہرے دی اِک جھلک سارے غم مٹا دے گی
     لہٰذا بہادری نال ریس دوڑو جدوں تیکر اَسی مسیح نوں ویکھ نہ لئیے۔

حیاتی دا دِن چھیتی ای ختم ہو جائے گا، سارے طوفان ہمیشہ دے لئی لنگ جان گے،
     اَسی عظیم تقسیم نوں عبور کراں گے، جلال دے لئی، آخیرکار باحفاظت؛
اَسی جنت دیاں خوشیاں ونڈاں گے – اِک بربط، اِک گھر، اِک تاج،
     فتنہ باز مٹ جائے گا، اَسی اپنا بوجھ اُتار دیاں گے۔
جدوں اَسی یسوع نوں ویکھاں گے تے ایس سارا کُجھ قابلِ قدر ہو جائے گا،
     جدوں اَسی مسیح نوں ویکھاں گے تے حیاتی دی آزمائشاں بہتیری چھوٹی لگن گئیاں۔
اُوہدے پیارے چہرے دی اِک جھلک سارے غم مٹا دے گی
     لہٰذا بہادری نال ریس دوڑو جدوں تیکر اَسی مسیح نوں ویکھ نہ لئیے۔
(’’جدوں اَسی مسیح نوں ویکھاں گے When We See Christ‘‘ شاعر ایستر کیر روسکوئی Esther Kerr Ruskoi، 1909-1962)۔

ایس لئی سانوں اَج دی شام نوں انتہائی غور نال سُنن دی لوڑ اے۔ ایہ واعظ تہانوں بالکل اُوہی دسے گا جیہڑا بائبل آسمان دے بارے وِچ سِکھاندی اے، اُو تھاں جیتھے مسیحی اپنے جلالی جی اُٹھے جسماں وِچ، ریپچر تے جان گے۔ میں اُوس تھاں دے بارے وِچ تین گلاں دساں گا جیتھے ریپچر ہوئے مسیحی جان گے جدوں اُو ’’مسیح نال ملن دے لئی ہوا وِچ اُٹھائے جان گے۔‘‘

I۔ پہلی گل، اُو اِک حقیقی تھاں جان گے جِنہوں ’’جنت‘‘ کہیا جاندا اے۔

’’میرے پیو دے گھر وِچ بہتیرے مکان نے: جے نہ ہوندے تے میں تہانوں دس دِتا ہوندا۔ میں تہاڈے لئی تھاں تیار کرن اُوتھے جا رہیا آں۔ جے میں جا کے تہاڈے لئی تھاں تیار کراں گا تے میں دوبارہ واپس آ کے تہانوں اپنے نال لے جاواں گا تاکہ جیتھے میں ہوواں تُسی وی اُوتھے ہوو‘‘ (یوحنا 14: 2۔3)۔

اُوہناں آیتاں توں تعلق رکھدے ہوئے، ڈاکٹر ڈبلیو اے کرسویل Dr. W. A. Criswell نے کہیا:

دو بار یسوع نے جنت نوں (یونانی وِچ) ٹوپوس Topos کہیا، جیس دا مطلب اے ’’اِک تھاں۔‘‘ ایتھے (یوحنا 14: 2-3 وِچ) جنت نوں اِک حقیقی تھاں دے طور تے بیان کیتا گیا اے … کُجھ ایہو جئے وی نے جیہڑے کہندے نے کہ جنت ’’دماغ دی حالت‘‘، ’’اِک خواب‘‘، ’’خواہش مندانہ سوچ،‘‘ ’’جذبہ‘‘ اے۔ لیکن، بائبل گواہی دیہندی اے کہ آسمان ایہنا ای حقیقی اے جِنہا کہ تُسی جیس گھر وِچ رہندے اُو تے جیس شہر وِچ تُسی رہندے اُو (ڈبلیو اے کرسویل W. A. Criswell، پی ایچ۔ ڈی۔ Ph.D.، جنتHeaven ، ٹائینڈیل ہاؤس Tyndale House، 1991، صفحات 5۔6)۔

جنت اِک تھاں اے – اِک حقیقی تھاں۔ مسیح نے کہیا، ’’میں تہاڈے لئی تھاں تیار کرن جانا آں۔ اُوہنے صرف اِک وری نئیں کہیا۔ مسیح نے ساڈی تلاوت وِچ دو وری کہیا:

’’میں تہاڈے لئی تھاں تیار کرن جانا آں۔
میں تہاڈے لئی تھاں تیار کرن جانا آں۔

اُوتھے بے شمار ’’مکان‘‘ نے۔ ’’مکانات‘‘ دے لئی یونانی لفظ ’’مونائیmonai‘‘ اے۔ نئے انجیلی مبشر جان میک آرتھر John MacArthur نشاندہی کردے نے کہ ایہ ’’مکانات (دورِ حاضرہ دی اصطلاحات وِچ) دی وضاحت کر سکدا اے۔ سبھی ’باپ دے گھر‘ وِچ نے‘‘ (میک آرتھر دا مطالعۂ بائبل MacArthur Study Bible، یوحنا 14: 2 تے غور طلب گل)۔

اَسی ایہناں جدید اصطلاحات وِچ یسوع دے کیہن دی وضاحت کر سکنے آں:

ایہ ترجمہ نئیں اے۔ ایہ اِک توضیح اے، لیکن ایہدے نال اندازہ ہوندا اے کہ یسوع کی کہر رہیا سی۔ جنت اِک تھاں اے۔ ایہ اُو تھاں اے جیتھے خدا رہندا اے – تے اُوتھے ہر اُوس بندے دے لئی رہن دی تھاواں نے جیہڑا مسیحی بن جاندا اے۔

(مونائی، یونانی وِچ) ’’مکانات‘‘ دا لفظ صرف ایتھے تے آیت 23 وِچ پایا جاندا اے تے ایہدا مطلب اے ’’مسکن‘‘ یا ’’مستقل رہائش دی تھاواں‘‘۔ واضح طور تے، یسوع جانندا سی کہ شاگرد ایہو جئے ای کُجھ آسمانی ٹھکانیاں دی توقع کر رئے سن۔ اُو اُوہناں نوں یقین دلاندا اے کہ جے ایہ سچ نہ ہوندا تے اُو صورتِ حال نوں درست کر دیہندا۔ اُو تھاں جیتھے مسیحی رہن گے (حیاتی بسر کراں گے) اِک ’’تیار شُدہ‘‘ تھاں اے (کرسویل دا مطالعۂ بائبل Criswell Study Bible، یوحنا 14: 2 تے غور طلب گل)۔

اَسی جاننے آں کہ جنت اِک یقینی تھاں اے کیوں جے ایہ اُو تھاں اے جیتھے یسوع اپنے آسمان وِچ اُٹھائے جان دے ویلے گیا سی۔ فرشتوں نے کہیا:

’’اُوہی یسوع، جیہڑا تہاڈے کولوں آسمان تے اُٹھا لیہیا گیا اے …‘‘ (اعمال 1: 11)۔

’’فیر خداوند دے اُوہناں دے نال کلام کرن دے بعد اُو آسمان تے اُٹھایا گیا تے خدا دے سجّے ہتھ تے بیٹھ گیا۔‘‘ (مرقس 16:19)۔

اُوہنوں ’’آسمان وِچ اُٹھا لیہیا گیا‘‘۔ اُو ’’خدا دے داہنے ہتھ تے بیٹھا سی۔‘‘ ایہدے نال ثابت ہوندا اے کہ جنت اِک تھاں اے۔

’’لیکن ایہ شخس، ہمیشہ دے لئی گناہواں دے لئی اِک ای قربانی پیش کرن دے بعد، خدا دے سجّے ہتھ تے بیٹھ گیا‘‘ (عبرانیوں 10: 12)۔

اُو اِک تھاں تے بیٹھ گیا – جنت وِچ۔ تے سانوں کہیا جاندا اے کہ اَسی اپنی رغبت تے ذہن ایس تھاں دی شیواں تے مرکوز رکھن جِنہوں جنت کہیا جاندا اے:

’’عالمِ بالا دی شیواں دی جستجو وِچ رہوو، جِیتھے مسیح خدا دے سجّے پاسے بیٹھا ہویا اے۔ عالمِ بالا دی شیواں دے خیال وِچ رہوو نہ کہ زمین پر دیاں شیواں دے‘‘ (کُلسیوں 3: 1۔2)۔

سانوں اپنے ذہن تے دِل نوں ایس تھاں تے مرکوز رکھنا اے۔

جدوں میں اِک چھوٹا لڑکا سی تے، میری خالہ میرٹلMyrtle نے مینہوں اپنے پُتر جونیJohnny دے نال شمالی کیلیفورنیا وِچ ریڈ ووڈز [جنگل دا ناں] ویکھن دے لئی لے جان دا وعدہ کیتا سی۔ میری عمر تقریباً چھ وریاں دی سی، لیکن میہنوں واضح طور تے یاد اے کہ میرے کزن جونی نے میہنوں ریڈ ووڈز دے بارے وِچ دسیا سی۔ اُوہنے کہیا، ’’رابرٹ، ایہ دُنیا دے سب توں وڈے درخت نے، زمین تے کِدرے وی ایہو جئی کوئی شے نئیں اے جیہڑی ایہناں درختاں وانگوں پرانی یا ایہنی وڈی ہووے۔‘‘ میرے دِل وِچ درد جیہا اُبھریا سی تے اُوہناں نوں ویکھن دی آرزو سی۔ بعد چہ جدوں میہنوں پتہ چلیا کہ میری خالہ تے خالو میرے بغیر ایہناں درختاں نوں ویکھن گئے تے میرا دِل ٹُوٹ گیا۔ اُوہناں نے میہنوں سرخ لکڑ دا اِک ٹکڑا واپسی تے لیہیا کے دِتا، جیہدے تے اِک پتہ اُگ رہیا سی جِنہوں جے تُسی پانی وِچ رکھو گے تے اُو اُگدا اے۔ کیس قدر شدید مایوسی ہوئی! میں دُںیا دا سب توں وڈٓا درخت ویکھن دی اُمید کر رہیا سی۔ میہنوں صرف چھال دا اِک ٹکڑا لبھیا جیس تے اِک پتہ سی۔ تقریباً اٹھائیس وریاں بعد میں اپنے لئی ایہناں وڈے درختاں نوں ویکھیا۔

اُوس نوجوان لڑکی نوں یاد کرو جِنہے خود نوں ایہناں درختاں وِچوں اِک دی بُلندی تے باندھ رکھیا سی؟ درخت اِک ہزار سال پرانا سی۔ لمبر کمپنی نے درخت نوں نئیں کٹیا۔ لیکن میں پچھلے ہفتے اخبار وِچ پڑھیا کہ کسی پاگل نے اِک مشینی آری لئی تے درخت نوں چاروں پاسیوں چھال تیکر کٹ دِتا۔ اُوہناں نے اُوہنوں مار ڈالیا … بغیر کسی وجہ دے۔ اوہ، انسان دے مسخ ہوئے دِل دی دیوانگی تے شرارت! اوہ، انسان دی وحشی، شیطانی فطرت!

ایہدے وِچ اٹھائیس ورے لگے، لیکن آخرکار میں ایہناں درختاں نوں ویکھن دے لئی اُوتھے پہنچیا – اِک ہزار، پندرہ سو، کوئی دو ہزار وریاں پرانے! میں کِھلو کے ایہناں درختاں دی چوٹی وَل ویکھیا، اَتھرو میرے گلاں توں وَگ رئے سن۔ میں سوچیا، ’’ایتھے پہچن وِچ تے تہانوں ویکھن چہ، اے خوبصورت، قدیم چیز میہنوں اٹھائیس ورے لگے۔ لیکن ایس سارے ویلے دے دوران تم ایتھے ای سی۔ تُسی اُوس ویلے ایس تھاں تے سی – میرا انتظار کر رئے سی۔‘‘

تے یسوع مسیح دے نال ایہ اینج ای اے۔ اُو اُوتھے اے، اُوس تھاں، جنت وِچ، تہاڈا انتظار کر رہیا اے – ’’اُو ہر ویلے اُوتھے انتظار کر رئے سن۔‘‘ مسیح نوں مایوس نہ کرو۔ یقینی بناؤ کہ تُسی اُوتھے – اُوس تھاں – جنت وچ پہنچ گئے اُو۔

آئزک واٹسIsaac Watts دا حمدوثنا دا عظیم گیت سی، ’’کی میں سولی دا سپاہی آں؟‘‘ بعد وِچ اِک امریکی گلوکار دے ذریعہ سنڈے سکول دا کورس ایہدے تے ٹِک گیا۔ میہنوں عام طور تے اُو کورس پسند نئیں اے، لیکن ایہ خاص یادگار اے:

تے جدوں جنگ ختم ہو جائے گی تے اَسی تاج پہناں گے،
آہو، اَسی اِک تاج پہناں گے! آہو، اَسی تاج پہناں گے!
تے جدوں جنگ ختم ہو جائے گی، اَسی اِک تاج پہناں گے۔
نئے یروشلم وِچ۔
(ولیم بلیک William B. Blake وَلّوں ترتیب دِتا گیا)

ایہ سچ اے! اِک حقیقی مسیحی تاج پہنے گا – نئے یروشلم وِچ!

جنت نئے یروشلم وِچ واقع اے۔ اِسی ایہدے بارے وِچ نئے عہدنامہ وِچ مکاشفہ، ابواب بیس تے اکیس نوں پڑھ کے جاننے آں:

’’تے میں یوحنا نے مقدس شہر، نئے یروشلم نوں، خدا وَلّوں آسمان توں ہیٹاں آندا ویکھیا‘‘ (مکاشفہ 21: 2)۔

ابراہام ایس آسمانی شہر نوں ویکھن دا منتظر رہیا سی:

’’کیوں جے اُو اِک ایہو جئے شہر دی تلاش وِچ سی جیس دی بنیاداں ہون، جیہدا بنان آلا تے تعمیر کرن آلا خدا اے‘‘ (عبرانیوں 11: 10)۔

’’تے سچے طور تے، جے اُو [بزرگان] اپنے چھڈے ہوئے مُلک دا خیال کردے رہندے تے اُوہناں نوں واپس جان دا وی موقع سی۔ لیکن حقیقت وِچ اُو اِک بہتر یعنی آسمانی مُلک دے مشتاق سن۔ ایس لئی خدا اُوہناں دا خدا کہلان توں شرماندا نئیں کیوں جے اُوہنے اُوہناں دے لئی اِک شہر تعمیر کیتا‘‘ (عبرانیوں 11: 15۔16)۔

کیہنا شاندار وعدہ اے! اُوہنے ساڈے لئی اِک شہر تیار کیتا اے! (عبرانیوں 11: 16)۔ لہٰذا، نیا یروشلم، جیہڑا شہر خدا نے تیار کیتا اے، اُو تھاں اے جیتھے خدا اے، جیتھے مسیح خدا دے سجّے پاسے بیٹھا اے، جیتھے مسیحی جاندے نے جدوں اُو ریپچر کیتے جاندے نے – خدا دے ایس شاندار شہر وَل!

میری ماں نے مرن توں پہلاں میہنوں بہتیرا پیسہ دِتا سی۔ میں اُوہنوں اپنے خاندان دے لئی اِک خوبصورت گھر خریدن دے لئی استعمال کیتا۔ لیکن میں چاہندا سی کہ میری ماں ساڈے نال رہووے۔ میری بیوی نے اُوہنوں دعوت دِتی کہ اُو آ کے ساڈے گھر دے اِک بیڈ روم وِچ رہین۔ اِک دِن اُو اچانک نمودار ہوئی تے اپنی شیواں نال لے آئی۔ میں اپنی ماں نوں اپنے نال رکھنا پسند کردا سی۔ اَسی ہر روز گلاں کردے سی۔ اُو ہفتے وِچ ست دِن میرے نال رہندی سی۔ میری ماں تے میں بہوتا چنگا ویلہ لنگہایا۔

فیر اِک دِن میری ماں نے کہیا، ’’رابرٹ، میہنوں گھر چھڈ کے کِدرے جانا اے، میں ایتھے مذید نئیں رہ سکدی۔‘‘ میں کہیا، ’’اوہ، براہ کرم چھڈ کے نہ جائیں۔‘‘ اُوہناں نے اِصرار کیتا کہ اُوہناں نوں جانا ہووے گا۔ اُوہناں نے کہیا، ’’میہنوں تہاڈے نال رہنا پسند اے، لیکن میہنوں گھر چھڈ کے جان اے۔‘‘ میں اُوہناں نوں سختی نال کہیا کہ میرے نال رہین۔ اُوہناں نے سُنیا تے اُوہدے بعد ایس دے بارے وِچ مذید ہُور کُجھ نئیں کہیا۔ تقریباً اِک میہنے بعد اُو اچانک ہسپتال چلی گئیں، جیتھے چند ہفتیاں بعد اُوہناں دی موت ہو گئی۔

پیچھے مُڑ کے ویکھنا آں، میہنوں لگدا اے کہ میری ماں کسی نہ کسی طرح فطری طور تے جانندی سی کہ اُوہناں نوں اِک آخیرلا قدم چکنا اے۔ ’’رابرٹ، میہنوں گھر چھڈ کے کِدرے جانا اے، میں ایتھے مذید ہُور نئیں رہ سکدی۔‘‘ میرے خیال وِچ اُو جانندی سی کہ اُوہناں نوں چیتھی ای جنت وِچ اپنے نئے گھر چہ منتقل ہونا اے!

’’میں خداوند نوں اِک درخواست کیتی اے، میں چاہنا آں کہ عمر بھر میں خداوند دے گھر وِچ رہواں، خداوند دا جمال ویکھدا رہواں، تے اُوہنوں اُوہدے مَقدِس وِچ لبھدا رہواں‘‘ (زبور 27: 4)۔

ہر اِتوار نوں گرجا گھر وِچ ایہناں دوستاں دے نال جِنہاں نوں اَسی کئی وریاں توں جاننے آں تے پیار کرنے آں ہونا بہوتا چنگا ہوندا اے۔ میہنوں اُمید اے کہ تُسی واپس آؤ گے تے ایتھے دیرپا دوست بناؤ گے۔ ہر اِتوار نوں گرجا گھر وِچ ہون توں بہتر کوئی شے نئیں اے۔ میں جاننا آں کہ گرجا گھر وِچ رہنا تہاڈی عادت نئیں اے، لیکن ایہ اِک چنگی عادت اے!

لوکی اکثر کہندے نے، ’’مسیحی بنن دے لئی میہنوں کی کرنا ہووے گا؟‘‘ پہلی شے جیہڑی تہانوں کرنی اے اُو ایہ اے کہ جدوں وہ ایس گرجا گھر دا بوہا کُھلا ہووے تے تہانوں ایہدے وِچ آنا چائیدا اے۔ تُسی ہر طرح دے عقیدے تے بائبل دیاں آیتاں سِکھ سکدے اُو، لیکن جے تُسی اپنے مقامی گرجا گھر وِچ رہنا پسند کرنا نئیں سِکھدے اپو، تے تُسی اِک حقیقی، تے بائبل دے مسیحی نئیں بن پاؤ گے۔ تے تُسی جو وی کرو، کرسمس سنڈے، کرسمس دی شام، تے نئے سال دی شام نوں گرجا گھر وِچ ہونا یاد رکھو۔ ایہناں عبادتاں دے لئی ایتھے گرجا گھر وِچ رہوو، ایہدے نال کوئی فرق نئیں پہیندا اے کہ تہانوں ذاتی طور تے کی قیمت چکانی پیہئے۔

جنت ہمیشہ دے لئی گرجا گھر وِچ رہن وگرا اے! جے تُسی ایتھے زمین تے ہر اِتوار نوں ساڈے گرجا گھر وِچ رہنا پسند نئیں کردے، تے تسی جنت وِچ ہمیشہ دے لئی گرجا گھر وِچ رہن نال محبت کرن دی توقع نئیں کر سکدے!

جدوں تُسی اِتوار نوں گرجا گھر آندے اُو، تے ایہ اپنے پیاریاں تے بیلیاں، زمانیاں دے شہیداں، عظیم مشنریاں تے حیاتی بھر دے مسیحی دوستاں دے نال ہون دا پیش خیمہ اے۔

جیہناں بیلیاں توں میں مدتاں پہلاں محبت کر چُکا واں اوتھے ای ہون گے، دریا وانگوں خوشی میرے گرد وگے گی؛

ایس دے باوجود میرے نجات دہندہ دی محض اِک مسکراہٹ، میں جاننا واں، زمانیاں تیکر میرے لئی جلال ہووے گی۔

ہائے اوہی میرے لئی جلال ہوئے گا، میرے لئی جلال، میرے لئی جلال۔

جدوں اُوہدے فضل دے وسیلے نال میں اُوہدے چہرے نوں ویکھاں گا، اوہی جلال ہوئے گا، میرے لئی جلال ہوئے گا۔

جن دوستوں سے میں مدتوں پہلے محبت کر چکا ہوں وہیں پر ہونگے،
دریا کی مانند خوشی میرے گرد بہے گی؛
اِس کے باوجود میرے نجات دہندہ کی محض ایک مسکراہٹ، میں جانتا ہوں،
زمانوں تک میرے لیے جلال ہو گی۔
ہائے وہی میرے لیے جلال ہو گا،
میرے لیے جلال، میرے لیے جلال۔
جب اُس کے فضل کے وسیلے سے میں اُس کے چہرے کو دیکھوں گا،
وہی جلال ہو گا، میرے لیے جلال ہوگا۔
(’’ہائے وہی میرے لیے جلال ہو گا O That Will Be Glory‘‘ شاعر چارلس ایچ۔ گیبرئیل Charles H. Gabriel، 1856۔1932)۔

III۔ تیجی گل، اُو اُوتھے اُودھوں ای جان گے جدوں اُو مسیح تے ایمان لیہیا کے تبدیل شُدہ مسیحی ہون گے۔

تُسی جانندے اُو، جیہڑے لوکی نئے سرے توں پیدا نئیں ہوئے اُو جنت نوں وی نئیں ویکھ سکدے، اُوتھے جان آلے بہوتی گھٹ نے! یسوع نے کہیا:

’’میں تہانوں سچ کہنا آں، جدوں تیکر کوئی آدمی نئے سرے توں پیدا نہ ہووے، اُو خدا دی بادشاہی نوں نئیں ویکھ سکدا‘‘ (یوحنا 3: 3)۔

شمعون پطرس ایہدے بارے وِچ سوچ رہیا سی جدوں اُوہنے لکھیا کہ اَسی اِک زندہ اُمید دے لئی فیر توں پیدا ہوئے آں (I پطرس 1: 3)،

’’تاکہ اَسی اِک غیر فانی، پاک تے لازوال میراث پائیے، جیہڑی خدا وَلّوں ساڈے لئی آسمان وِچ محفوظ اے‘‘ (I پطرس 1: 4)۔

جدوں تُسی فیر توں پیدا ہوندے اُو، تہاڈے کول اِک نئی اُمید ہوندی اے، تُسی ایمان دے نال جنت نوں ویکھدے اُو۔ ایہ اِک حقیقی تھاں بن جاندی اے، جیتھے تُسی واقعی جا رئے اُو۔ شاندار!

جنت تہاڈے لئی حقیقی نہ ہون دی وجہ ایہ اے کہ تُسی ہُنے تیکر بھٹکے ہوئے اُو۔ تُسی فیر توں کدی وی پیدا نئیں ہوئے۔

’’جیس وِچ خدا دا پاک روح نئیں اُو خدا دی گلاں قبول نئیں کردا کیوں جے اُو اُوہدے نیرے بیوقوفی دی گلاں نے تے نہ اُو اُوہناں نوں سمجھ سکدا اے کیوں جے اُو صرف پاک روح دے ذریعہ سمجھی جا سکدیاں نے‘‘ (I کرنتھیوں 2: 14)۔

جدوں اَسی جنت دے بارے وِچ گل کرنے آں تے ایہ تہانوں احمقانہ تے غیر حقیقی لگدا اے، کیوں جے تُسی روحانی طور تے انّہے اُو۔ تہاڈے گناہواں نے تہاڈی روح دیاں اَکھاں انّہیاں کر دِتیاں نے۔ تہاڈی روحانی سمجھ تہاڈے گناہواں نال انّہی ہو گئی اے۔ اینج لگدا اے جیویں کسی نے تہاڈی اَکھاں وِچ مٹی سُٹ دِتی ہووے۔ درد ہوندا اے! ایہ جلدا اے! ایہ تہانوں اینج دا بنا دیہندا اے کہ تُسی ویکھ نئیں سکدے! ایہو ای گناہ کردا اے۔ ایہ تہانوں جنت دی حقیقت توں انّہا کر دیہندا اے!

جدوں وی تُسی کسی گندی شے نوں ویکھدے اُو تے ایہ گناہ اے۔ ہر وری جھوٹ بولنا گناہ اے۔ ہر وری جدوں تُسی گرجا گھر وِچ حاضر ہونا بُھل جاندے اُو تے ایہ اِک گناہ اے۔ تہاڈی فطرت گنہگار اے۔ تہاڈے دِل وِچ ایہ سارے گناہ تہانوں روح دی دُنیا دی شیواں توں انّہا کر دیہندا اے۔ تُسی ایہ سمجھن دے لئی گناہ دی وجہ توں ایہنے انّہے ہو گئے اُو کہ اِک جنت اے جیتھے تُسی جا سکدے اُو – جے تُسی یسوع مسیح دے کول آؤ گے تے جنت حقیقی ہو جائے گی – ایمان نال۔ کیوں؟ کیوں جے،

’’اَسی ویکھی ہوئی شیواں تے نئیں بلکہ اَندیکھی شیواں تے نظر کرنے آں۔ کیوں جے ویکھی ہوئی شیواں چند روزہ نے مگر اندیکھی ہمیشہ دے لئی نے۔ کیوں جے اَسی جاننے آں … سانوں خدا وَلوں آسمان تے اِک ایہو جئی عمارت لبھے گی جیہڑی انسانی ہتھاں دی بنائی ہوئی نئیں بلکہ ابدی اے‘‘ (II کرنتھیوں 4: 18۔5: 1)۔

کی تُسی ریپچر ہونا تے جنت وِچ جانا چاہندے اُو؟ فیر تہانوں گرجا گھر واپس آنا چائیدا اے۔ کی تُسی جنت چاہندے اُو؟ فیر تہانوں گرجا گھر آنا چائیدا اے۔ کی تُسی ہمیشہ دے لئی جنت وِچ رہنا چاہندے اُو؟ فیر جدوں وی بوہا کھلا ہووے تے تہانوں گرجا گھر وِچ ہونا چائیدا اے۔

سب توں پہلاں، تُسی مقامی گرجا گھر وِچ آندے اُو۔ فیر تُسی سیوع مسیح دے کول آندے اُو۔ اُو تہاڈے گناہواں دا کفارہ ادا کرن دے لئی سولی تے مریا۔ اُو مُردیاں وِچوں جی اُٹھیا تے آسمان وِچ خدا دے سجّے پاسے بیٹھا اے۔ گرجا گھر وِچ آؤ۔ یسوع مسیح دے کو آؤ۔ اُوہدے لہو نال پاک صاف ہو جاؤ جیہڑا اُوہنے سولی تے وگایا! فیر تُسی جنت دے لئی تیار ہو جاؤ گے!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔