بائبل دی پیشنگوئی وِچ امریکہ دا زوال

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایس تلاوت تے گل کردے ہوئے ڈاکٹر جان ایف والوورد Dr. John F. Walvoord نے کہیا،

بائبل دی پیشن گوئی دے مطابق امریکہ دا مستقبل روشن نئیں اے۔ صحیفے نے اِک عالمی حکومت دی پیشنگوئی کیتی اے کہ ایس زمانے دے آخیر وِچ جیس دا مرکز امریکہ وِچ نئیں بلکہ مشرق وسطیٰ وِچ ہووے گا۔ طاقت دی مرکزیت جیس دی پیشنگوئی کیتی گئی اے کہ اُو ’’ساری نسلاں، زباناں تے قوماں‘‘ تیکر پھیلے ہوئے نے (مکاشفہ 13: 7) واضح طور تے ایس گل دا تقاضا کردا اے کہ ایس [قریبی] مستقبل دے دِن وِچ امریکہ دُنیا وِچ اپنی موجودہ اسٹریٹِجک [حکمت عملی توں متعلق] تھاں دا زیادہ تر حصہ کھو دیوے (جان ایف والوورد، تھامس ایس میکال دی کتاب تاریخ تے بائبل دی پیشنگوئی وِچ امریکہAmerica in History and Bible Prophecy دے ایڈیٹر وِچ درج، موڈی پریس Moody Press، 1976، صفحہ 24)۔

ڈاکٹر والوورد درست سن۔ آخیرلے زمانے دی پیشنگوئی وِچ کِدرے وی امریکہ دا ذکر نئیں اے۔ ایہ سمجھنا مشکل لگدا اے۔ سویت یونین دے زوال دے بعد ہُن امریکہ دُنیا دی واحد سپرپاور اے۔ ایہدے باوجود امریکہ مستقبل قریب وِچ بائبل دی پیشنگوئی وِچ عالمی منظر نامے توں اپنی غیر موجودگی توں نمایاں اے۔ کیوں؟ کیوں جے اینج لگدا اے کہ ایس طاقت دے نال ایتھے نئیں آئے جیہڑی اُوہدے کول اَج موجود اے۔ میہنوں ایہ کیہنا واقعی چہ پیہھڑا لگدا اے۔ ایہ دِل نوں دُکھاندی تے اَکھاں چہ اَتھرو لیہیاندی اے۔ لیکن میہنوں اُوہی کیہنا چائیدا اے جیہڑا میں سچ سمجھنا آں۔ ایویں لگدا اے کہ اَسی امریکہ دے خاتمہ وِچ رہ رئے نے۔

ایذا رسانیاں دے آن آلے زمانے وِچ امریکہ کیتھے اے؟ ایس سوال دا جواب نئیں دِتا جا سکدا کیوں جے بائبل ایس موضوع تے خاموش اے۔ ایہ گل انتہائی یقینی اے – حتمی ایذا رسانیاں دے دور دے شروع ہون تیکر امریکہ مذید عالمی طاقت نئیں رہوے گا۔

دُنیا وِچ ساری دی ساری – طاقتور امریکہ موجودگی کیوں ختم ہووے گی؟ میرے خیال وِچ ایہدے کئی اِمکانات نے۔

1. اِک کمزور امریکہ صدر دے حوصلہ وِچ دہشت گرد، چھوٹے تابکار بماں نوں امریکہ دے اِک یا بوہتے وڈے شہراں وِچ اِسمگل کر سکدے نے تےفیر اُوہناں ’’غلیظ بماں‘‘ نوں دور توں یا ٹائمر دے ذریعے اُڑا سکدے نے۔ اِک ’’غلیظ‘‘ بم تابکار مواد نال بنیا ہوندا اے جِنہوں روایتی طریقیاں نال پھاڑا جا سکدا اے، تے ہوا تے پانی دی سپلائی نوں آلودہ کر کے شہر نوں ناقابلِ رہائش بنا دِتا جاندا اے۔ ایہدے نال عام خوف و ہراس پھیل جائے گا تے ہزارہا لوکی مارے جان گے۔ جے ایہ واشنگٹن ڈی سی تے نیو یارک سٹی وِچ ہوندا اے، تے ایہ آن آلی دہائیاں تیکر امریکہ نوں معذور کر سکدا اے۔

2. کیلیفورنیا وِچ سان اینڈریاس فالٹ دے نال آن آلے زلزلے وریاں تیکر پورے مغربی ساحل نوں سَٹ پہنچا سکدے نے۔

3. جے دہشت گرد مستقبل قریب وِچ ایٹمی وار ہیڈز بناندے نے تے اُو اسرائیل وِچ ساڈے بیلیاں تے ممکنہ طور تے امریکہ دے مشرقی ساحل تے وی حملہ کر سکدے نے۔

کی ہووے گا جے مذکورہ بالا ساریاں آفتاں اِکہو نال، یا چند ہفتیاں دے دوران پیش آ جان؟ چند مہینیاں وِچ ای امریکہ عالمی طاقت نئیں رہووے گا۔ چند ہفتے پہلاں اَسی ویکھیا کہ ساڈی قوم دی معیشت کیہنی نازک اے۔ میں خبراں دے اِک پروگرام وِچ سُنیا کہ دو تہائی امریکہ ایس بارے چہ خوفزدہ نے کہ مستقبل وِچ ساڈی معیشت دا کی ہو سکدا اے۔ لوکاں دی رائے دسدی اے کہ اُوہناں دا خوف ممکنہ طور تے آئندہ صدارتی انتخابات وِچ فیصلہ کُن ثابت ہووے گا۔ لیکن کوئی صدر ایس قوم نوں نئیں بچا سکدا جدوں خدا دی سزا ساڈے تے آ جائے۔

ساڈی قوم بہوتی کمزور اے، دوجی جنگ عظیم دے دوران توں کِدرے بوہتی، تے اَج چین وگرے بہتیرے دوجے مُلکاں توں کِدرے بوہتی کمزور اے۔ اَسی ہُن اِک مشترکہ قوم دے طور تے کام نئیں کردے، اِک مشترکہ ثقافت تے مشترکہ زبان دے نال بہتیرے لوکی ہُن اپنے آپ نوں ’’امریکی‘‘ نئیں بلکہ صرف اپنے مخصوص ’’نسلی‘‘ گروپ دے ممبر دے طور تے سوچدے نے۔ ساڈے بہتیرے لوکی ہنگامہ کرن دے لئی فوراً تیار ہو جاندے نے۔ اُوہناں وِچوں بہتیرے لوکی کام نئیں کردے، تے ایتھوں تیکر کہ جیہڑے لوکی کام کردے نے، اُو خود توں انکار تے قربانی دے عادی نئیں نے، تے زیادہ تر لوکی (جیہڑے کام کردے نے یا نئیں) اپنے نام نہاد ’’حق‘‘ دے طور تے بہتیرے فائدیاں تے خدمتاں دی توقع کردے نے۔

زیادہ تر امریکی خود نوں آرام دہ حیاتی تے بہوتی سارے فائدیاں دا حقدار سمجھدے نے۔ اُو سوچدے نے کہ اُوہناں دی حکومت اُوہناں دی روزی روٹی، ٹیکس وِچ کٹوتی تے آسان حیاتی دی مقروض اے۔ اُوہناں دے سکول تے سیاست دان اُوہناں نوں ایہ گل مسلسل دسدے نے۔ ساڈا مُلک ہُن بچت تے محنت دی بجائے لذت، تفریح تے قرض تے چلدا اے۔ ساڈے بوہتی سارے لوکی ملازمت دے گھاٹے یا مالی چیلنج نوں برداشت نئیں کر سکدے سی۔ تے زیادہ تر خاندان ہُن سپورٹ گروپس دے طور تے کام نئیں کردے نے۔ ایہدے علاوہ، بہوتی سارے لوکاں دا خیال اے کہ ایس مُلک تے دُنیا دے مسائل، ایتھوں تیکر کہ دہشت گردی وی، واقعی امریکہ دی غلطی اے۔ مووی میکر مائیکل مور وگرے لوکی سوچدے نے کہ حکومت اُوہناں نوں روزی روزگار مہیا کرن دی ’’مقروض‘‘ ہوندی اے، جیس دی ادائیگی ’’جو دی پلمبر‘‘ وگرے محنتی مرداں دے زیادہ ٹیکساں نال ادا کیتی جاندی اے۔ میہنوں لگدا اے کہ ایہدے تے پہلاں ای بوہتا ٹیکس لگایا گیا اے، تے تہاڈے تے وی!

ایس ملک وِچ زیادہ تر لوکی ایہدے لئی کام کیتے بغیر فوری تے آسان فتوحات دی توقع کردے نے، جیویں کہ اُو فلماں تے ٹیلی ویژن دے پروگراماں وِچ ہر ویلے ویکھدے نے، لیکن بہتیرے مالی تنازعات وِچ اینج نئیں ہوندا اے۔ لہٰذا، ایس مُلک دے زیادہ تر لوکی کسی چیلنج یا تنازع وِچ اُوس ویلے پسپا ہو جان گے یا ہار جان گے، جدوں اُوہناں دی ذاتی امن و خوشحالی نوں خطرہ لاحق ہو جائے، یا جدوں اینج لگدا ہووے گا کہ جدوجہد طویل عرصے تیکر جاری رہووے گی تے قربانیاں درکار ہون گئیاں۔ دوجی جنگ عظیم وِچ اینج نئیں سی – لیکن کہ ساڈے زمانے دے امریکی جنگ عظیم دوئم نوں اَخیر تیکر لڑ سکدے تے جیت سکدے سی، یا اُو ھٹلر – یا اَج دی انتہا پسنداں دے نال پیچھے ہٹ کے کوئی انتظام کرن گے؟

دوجے لفظاں وِچ، میں اِک حقیقی چیلنج، اِک فوجی یا ایتھوں تیکر کہ مالیاتی بحران، امریکہ نوں اپنے ذاتی امن یا خوشحالی نوں برقرار رکھن دے لئی ضروری ہون دی صورت وِچ امریکہ نوں گران، مکمل طور تے ٹوٹن، یا یورپی یونین وِچ شامل ہون دا سبب بن سکنا آں۔

اَسی بائبل توں مُنہ موڑ لیہیا اے۔ اَسی ہالووین [تہوار] نوں اپنے اسکولاں تے کام دی تھاواں تے لاگو کیتا اے، نال ای نال مسیح دے ناں تے پابندی لگا دِتی اے، تے کتابِ مقدس تے پابندی لگا دِتی اے۔ اَسی یہودی – مسیحی اخلاقیات توں منہ موڑ لیہیا اے، تے جدید بُت پرستی دے طریقیاں نوں اپنا لیہیا اے۔ اَسی ہول سیل اسقاطِ حمل دے ذریعے ہر روز 4,150 بچیاں نوں (بشمول کرسمس ڈے) ذبح کیتا اے۔ ساڈے 61 ملین بے باپ بچے اسقاطِ حمل کرن آلیاں دے ہتھوں قتل ہو چکے نے۔ جدوں خدا دا ہتھ ساڈی قوم دے خلاف ہو جائے تے کوئی صدر سانوں نئیں بچا سکدا۔ جیویں کہ یہوداہ دی قدیم بادشاہی وِچ سی، ایویں ای اُوس عدالت دے دِن جدید امریکہ وِچ وی ہو سکدا اے۔ یرمیاہ نبی دے الفاظ ساڈے زمانے وِچ وی امریکہ دے لئی موزوں لگدے نے۔

’’اُو موٹے تے چکنے ہو گئے نے: جی ہاں، اُوہناں دے بُرے کماں دے کوئی حد نئیں ہوندی: اُو یتیماں دے مقدمہ نئیں لڑدے تاکہ یتیم جیت نہ جان، فیر وی اُو خوشحال ہوندے نے؛ تے نہ ای مسکیناں دے حقوق دا تحفظ کردے نے۔ کی میں اُوہناں نوں ایہدے لئی سزا نہ دیاں؟ خداوند فرماندا اے: کی میں ایہو جیہئی قوم توں انتقام نہ لہواں؟‘‘ (یرمیاہ 5: 28۔29)۔

’’ایس لئی خداوند فرماندا اے کہ میرا غصہ تے غضب ایس مقام تے، ہر اِنسان تے حیوان تے، پیڑاں تے پودیاں تے میدان دے پھلاں تے اُنڈیل دِتا جائے گا تے جیہڑا جلدا ای رہووے گا تے بُجھایا نئیں جائے گا‘‘ (یرمیاہ 7: 20)۔

’’کیوں جے جدوں اُو کیہن گے، سلامتی تے تحفظ ہووے، تے اچانک تباہی اُوہناں تے آندی اے، جیویں کہ بچہ جنن آلی عورت تے درد نازل ہوندا اے، تے اُو بچ نئیں پان گے‘‘ (1 تسالونیکیوں 5: 3)۔

میہنوں بوہتا خوف اے کہ ایہ آیتاں ساڈی پیاری قوم امریکہ تے لاگو ہوندیاں نے۔ کاش اینج نہ ہوندا – لیکن میہنوں ڈر اے کہ اُو اینج کردے نے۔ میں اپنے پوری جان نال امریکہ نال پیار کرنا آں۔ ایویں دے واعظ دین دے نال میرا دِل ٹُٹدا اے۔ تُسی سمجھو گے کہ میں ایہ واعظ لکھدے ہوئے رویا سی۔ جدوں میں جوان سی تے سانوں مُلک نال محبت کرنا سِکھایا گیا سی۔ خدا ساڈی مدد کرے!

مرحوم ڈاکٹر جان ایف والوورد کئی وریاں تیکر ڈلاس تھیولوجیکل سیمینری دے صدر رئے۔ ڈاکٹر والوورد اِک انتہائی قابلِ احترام اسکالر سی، تے اُوہناں نے بائبل دی پیشنگوئی تے وسیع پیمانے تے لکھیا۔ امریکہ دے بارے وِچ اُوہناں دے تبصرے کسی پاگل انقلابی دے نئیں سن۔ اُو بائبل دے اِک انتہائی معزز عالم سن۔ مٰں ایتھے دہراواں گا جیہڑا ڈاکٹر والوورد نے ساڈی تلاوت دے بارے وِچ کہیا:

بائبل دی پیشنگوئی دے مطابق، امریکہ دا مستتقبل روشن نئیں اے۔ صحیفہ زمانے دے آخیر وِچ اِک عالمی حکومت دی پیشنگوئی کردا اے جیس دا مرکز امریکہ وِچ نئیں بلکہ مشرق وسطیٰ وِچ ہووے گا۔ طاقت دی مرکزیت جیس دے بارے وِچ پیشنگوئی کیتی گئی اے کہ اُو ہر نسل، زبان تے قوم تیکر پھیلے گی (مکاشفہ 13: 7) [طاقت دی اُو مرکزیت] واضح طور تے ایس گل دا تقاضا کردی اے کہ امریکہ ایس مستقبل دے دِن وِچ دُنیا چہ اپنی موجودہ اسٹریٹجک تھاں توں محروم ہو جائے (جان ایف والوورد، تھامس ایس میکال دی کتاب تاریخ تے بائبل دی پیشنگوئی وِچ امریکہAmerica in History and Bible Prophecy دے ایڈیٹر وِچ درج، موڈی پریس Moody Press، 1976، صفحہ 24)۔

ایتھے، فیر دوبارہ، مکاشفہ دی کتاب وِچ ایس حوالے دی مکمل تلاوت موجود اے جیس توں ڈاکٹر والوورد نے حوالہ دِتا:

’’تے اُوہنوں مقدساں نال جنگ کرن تے اُوہناں تے غالب آن دی قوت دِتی گئی تے ہر قبیلہ، اُمت، زبان تے قوم تے اِختیار دِتا گیا۔ سارے اہل زمین جِنہاں دے ناں اُوس بنائے عالم توں ذبح کیتے ہوئے برّہ دی کتاب وِچ درج نئیں سن اُوس حیوان دی پرستش کرن گے۔ جِیہدے کن ہون اُو سُن لئے‘‘ (مکاشفہ 13: 7۔9)۔

I. پہلی گل، مکاشفہ وِچ ایہ حوالہ آن آلے دجال دی گل کردا اے۔

’’… تے اُوہنوں ہر قبیلہ، اُمت، زبان تے قوم تے اِختیار دِتا گیا‘‘ (مکاشفہ 13: 7)۔

ایہ آیت ’’حیوان‘‘ وَل اشارہ کردی اے – جِںہوں نئے عہدنامے وِچ ’’دجال‘‘ دے ناں توں وی جانا جاندا اے، جیویں کہ I یوحنا 2: 18،

’’چھوٹے بچو، ایہ آخری زمانہ اے: تے جیویں کہ تُسی سُنیا اے کہ دجال آئے گا …‘‘ (I یوحنا 2: 18)۔

ایس آن آلے عالمی آمر نوں دجال کہیا جاندا اے کیوں جے ’’مخالف‘‘ دا مطلب اے کہ اُو مسیح دے خلاف اے تے مسیح دی تھاں لیہنا چاہندا اے۔ کی اَسی ہُنے واشنگٹن تے ساڈے اسکولاں وِچ اینج ہوندا ہویا نئیں ویکھدے؟ ڈاکٹر والوورد نے کہیا کہ [دجال] نوں ’’خدا دے لئی شیطان دے متبادل دے طور تے دُنیا دے سامنے پیش کیتا جائے گا‘‘ (جان ایف والوورد، ٹی ایچ ڈی John F. Walvoord, Th.D.، بائبل دی وڈی پیشن گوئیاںMajor Bible Prophecies، ژونڈروان پبلشنگ ہاؤس، 1991، صفحہ 315)۔

دانیال دے ساتویں باب دے مطابق، دجال دس قوماں دا رہنما بن جائے گا جیہڑیاں پہلاں رومی سلطنت دا حصہ سن۔ ایس وِچ اٹلی تے یورپ دی کئی دوجیاں قوماں شامل ہون گئیاں۔ ڈاکٹر والوورد نے کہیا،

اگرچہ اینج دی اِک مکمل پیشنگوئی دی امکان نوں پچھلی نسلاں نے اکثر طعنہ دِتا سی، لیکن ہُن ایہ اِک بہوتا ای ممکنہ امکان بن گیا اے، تے ایتھوں تیکر کہ بے دُنیا وِچ یونائیٹڈ سٹیٹس آف یورپ دی کسی نہ کسی طرح دی پیشنگوئی کر رئی اے۔ پیشنگوئی دے نقطہ نظر توں، اہمیت ایہ اے کہ ایہ آخری ویلے دے واقعات وِچ اِک اہم قدم اے جیہڑا مسیح دی دوجی آمد تیکر لے جاندا اے (بائبل دی اہم پیشین گوئیاںMajor Bible Prophecies، گذشتہ گل دے تسلسل وِچ ibid.)۔

ڈاکٹر جان والوورد گل جاری رکھدے ہوئے کہندے نے،

سب توں پہلاں، اُو [دجال] دس قومی گروہ نوں [یورپ وِچ] استحکام دلائے گا، جیہڑا ایہنوں مشرق وسطیٰ دے مرکزی رہنما دے طور تے کام کرن دی طاقت دے گا … ایہدے بعد اُو اسرائیل دے نال ست سالہ عہد وِچ داخل ہووے گا (دانیال 9: 27) جیہڑا مسیح دی دوجی آمد تیکر آخری ست وریاں دا ویلہ دے گا۔ اُو مسیح دی دوجی آمد توں ساڑھے تین ورے پہلاں عالمی آمر دے طور تے وی اِقتدار سنبھالے گا، جیویں کہ مکاشفہ 13: 7 آیت وِچ اشارہ کیتا گیا اے، ایویں، اُو یہودیاں تے مسیحیاں دوواں دا سزا دین آلا کہلایا جائے گا (گذشتہ گل دے تسلسل وِچ ibid.، صفحہ 316)۔

II۔ دوجی گل، مکاشفہ دا ایہ حوالہ دجال دی ایذا دین دی طاقت دے بارے وِچ دسدا اے۔

’’تے اُوہنوں مقدساں نال جنگ کرن تے اُوہناں تے غالب آن دی قوت دِتی گئی …‘‘ (مکاشفہ 13: 7)۔

مسیح نے ایس زمانے نوں متی 24: 21-22 وِچ تے متی 24: 29 وِچ ’’بہوتی وڈی ایذا رسانیاں‘‘ کیہیا، مسیح نے کہیا،

’’کیوں جے اُوس ویلے دی مصیبت ایہو جیہئی وڈی ہووے گی کہ دُنیا دے شروع توں نہ تے ہُن تیکر آئی اے تے نہ فیر کدی آئے گی۔ جے اُوہناں دِناں دی تعداد گھٹائی نہ جاندی تے کوئی شخص نہ بچدا …‘‘ (متی 24: 21۔22)۔

ایہ دجال دے دور حکومت وِچ ظلم و ستم دے خوفناک ویلے دی گل کردا اے۔ ڈاکٹر والوورد نے کہیا،

مصیبت دا آخری ویلہ [بہوتی وڈی ایذا رسانیاں وِچ] بے مثال دے طور تے الگ کر دِتا گیا اے۔ ایہ کردار، واقعات تے حد تیکر مصیبت دے دیگر تمام سابقہ اوقات توں مختلف ہووے گا (گذشتہ گل دے تسلسل وِچ، صفحہ 346)۔ رومی سلطنت دا خوفناک جبر … ایہناں ظلم و ستم توں بہوتا زیادہ ہو جائے گا جیہڑے [رومن] سلطنت [دجال دی آمریت دے تحت] دی بحالی دی شکل وِچ آن گے (گذشتہ گل دے تسلسل وِچ، ibid.، صفحہ 248)۔

نیو یارک ٹائمزNew York Times وِچ لکھدے ہوئے، بیسویں صدی دے اِختتام دے قریب، اِک فکرمند تے ایماندار یہودی مبصر، اے ایم روزنتھال A.M. Rosenthal نے کہیا، ’’ساڈے ویلے دی چونکا دین آلی اَن کہی کہانیاں وِچوں اِک ایہ اے کہ مسیح دی پیدائش دے بعد توں کسی وی صدی دے مقابلے وِچ ایس صدی وِچ بہوتے مسیحی محض مسیحی ہون دی وجہ توں مرے نے۔‘‘ مسٹر روزنتھال دے انتباہات دے باوجود ایس گل دا کوئی اشارہ نئیں اے کہ ایہ مستقبل وِچ بہتر ہون آلا اے۔

’’تے اُوہنوں مقدساں نال جنگ کرن تے اُوہناں تے غالب آن دی قوت دِتی گئی …‘‘ (مکاشفہ 13: 7)۔

III۔ تیجی گل، مکاشفہ وِچ ایہ حوالہ ایہ محسوس کرنا کہ تُسی پہلاں توں ای اِک مسیحی اُو ایہدے تے تہاڈی آزمائش دی گل کردا اے۔

’’سارے اہل زمین جِنہاں دے ناں اُوس بنائے عالم توں ذبح کیتے ہوئے برّہ دی کتاب وِچ درج نئیں سن اُوس حیوان دی پرستش کرن گے‘‘ (مکاشفہ 13: 8)۔

ساری دُنیا اُوس آمر دے سامنے سر تسلیم خم کرے گی جِنہوں دجال کہیا جاندا اے۔ مستثنیٰ صرف اُو لوکی ہون گے جِنہاں دے ناں ’’حیاتی دی کتاب‘‘ وِچ لکھے گئے نے، اُو جیہڑے سچے مسیحی نے، اُو جیہڑے حقیقی طور تے مسیح وِچ ایمان لیہیا کے تبدیل ہوئے نے۔ صرف سچے مسیحی اے آن آلے دجال دے اَگے جھکن تے اُوہدی پرستش کرن توں انکار کرن دین گے۔ ایہ اُوہناں دے لئی تے اُوہناں ساریاں لوکاں دے لئی جیہڑے مسیحی ہون دا دعویٰ کردے نے وڈی آزمائش دا ویلہ ہووے گا۔ آن آلے ویلے وِچ ایہ بہوتی واضح ہو جائے گا کہ کیہڑا حقیقی مسیحی اے تے کیہڑا جھوٹا اے۔ لیکن ایہ ہمیشہ سچ رہیا اے، ہے نا؟ بیج بون آلے دی تمثیل وِچ، یسوع نے ایہناں لوکاں دے بارے وِچ گل کیتی جِنہاں وِچ

اُو [کلام] جڑ نئیں پھڑ پاندا، چنانچہ اُو کُجھ دِناں تیکر قائم رہندا اے، بعد چہ جدوں اُوہناں تے ایس کلام دی وجہ توں مصیبت یا ایذا نازل ہوندی اے تے اُو فوراً گمراہ ہو جاندے نے‘‘ (مرقس 4: 17)۔

تے لوقا مسیح دے اینہاں اصافی لفظاں نوں شامل کردا اے، جیہڑے اُوس ویلے کہے گئے سن، ’’ … تے آزمائش دے ویلے پسپا ہو جاندے نے‘‘ (لوقا 8: 13)۔

’’چٹان پر دے اُو نے جیہڑے کلام نوں سُن کے اُوہنوں خوشی نال قبول کردے نے لیکن کلام اُوہناں وِچ جڑ نئیں پھڑدا۔ اُو کُجھ عرصہ تیکر تے کلام تے قائم رہندے نے لیکن آزمائش [تے ’’ایذا رسانیاں‘‘] دے ویلے [اُوہی لوکی] پسپا ہو جاندے نے‘‘ (لوقا 8: 13)۔

دجال دے تحت مسیحیاں تے ظلم و ستم تصور توں باہر خوفناک ہووے گا، ایس توں وی بدتر دُنیا نے کدی نئیں ویکھیا ہووے گا۔ صرف اُو ای جیہڑے حقیقی مسیحی نے، جِنہاں دی ناں خدا دی ’’کتابِ حیات‘‘ وِچ لکھے گئے نے۔ کی تہاڈا ناں خدا دی کتاب حیات وِچ اے؟ بائبل کہندی اے،

’’تے جیہڑا کوئی کتابِ حیات وِچ لکھیا ہویا نئیں پایا گیا اُو اَگ دی جھیل وِچ سٹیا گیا‘‘ (مکاشفہ 20: 15)۔

تہاڈا ناں ایس کتاب وِچ نئیں لکھیا گیا جدوں تیکر کہ تُسی گناہ توں باز نہ آؤ تے خدا دے پُتر یسوع مسیح تے پروہسا نہ کرو۔ اُو سولی تے تہاڈے گناہ دے لئی قربان ہو گیا۔ اُو تہانوں زندہ کرن دے لئی مُردیاں وِچوں جی اُٹھیا۔ اُوہدا لہو تہانوں ’’سارے گناہواں‘‘ توں پاک کردا اے (I یوحنا 1: 7) ایمان دے نال مسیح دے کول آؤ تے تہانوں ناں ’’زندگی دی کتاب‘‘ وِچ پایا جائے گا، تے تُسی ہمیشہ زندہ رہوو گے۔ ایتھوں تیکر کہ جے تہانوں دجال دے ذریعے سزائے موت وی دِتی جاندی اے، تے تہاڈی روح مسیح دے نال جلال وِچ زندہ رہووے گی! میں دعا کرنا آں کہ تُسی مکمل طور تے مسیح دے کول آؤ تے تبدیل ہو جاؤ۔ فیر تُسی محفوظ رہوو گے خواہ دجال تہاڈے فانی جسم نوں مار ڈالے۔ تُسی جو وی کرو، مسیح دے کول آؤ، تے تہاڈا ناں ’’کتابِ حیات‘‘ وِچ ہووے گا۔

خداوندا، میرے گناہ اُو بے شمار نے،
   سمندر دی ریت وانگوں،
مگر تیرا لہو، اے میرے نجات دہندہ،
   میرے لئی کافی اے؛
کیوں جے تیرا وعدہ لکھیا ہویا اے،
   چمکدار لفظاں وِچ جیہڑے جگمگاندے نے،
’’حالانکہ تیرے گناہ سُرخی مائل نے،
   میں اُوہناں نوں برف وانگوں بنا دیاں گا۔‘‘
جی ہاں، میرا ناں اُوتھے لکھیا ہویا اے،
   اُوس صفحہ تے جیہڑا سفید تے منصفانہ اے؟
تیری بادشاہی دی کتاب وِچ،
   جی ہاں، میرا ناں اُوتھے لکھیا ہویا اے!
(’’کی میرا ناں اُوتھے لکھیا ہویا اے؟ Is My Name Written There?‘‘ شاعرہ میری اے۔ کیڈر Mary A. Kidder، 1820۔1905)۔

ایہ اُو عظیم سوال اے کہ جیہدے نال میں چاہنا آں کہ تُسی اَج دی راتی نمٹو: کی تہاڈا ناں ’’زندگی دی کتاب وِچ لکھیا ہویا اے؟‘‘ (مکاشفہ 20: 15)۔ ایس گل نوں یقینی بناؤ کہ ایہ اے۔ گرجا گھر وِچ واپس آؤ۔ مکمل طور تے یسوع مسیح دے کول آؤ تے اُوہدے ذریعے نجات پاؤ۔ میری دعا اے کہ امریکہ تے خدا دی سزا نازل ہون توں پہلاں تہاڈے نال اینج ہو جائے۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔