نجات صرف غیر مطمئن لوکاں دے لئی اے | Deliverance Is Only For The Dissatisfied

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع باہر گیا تے اِک محصول لیہن آلے نوں ویکھیا جیہدا ناں لاوی سی۔ ایہ متی دا دوجا ناں سی۔ یسوع نے متی نوں اپنے پیچھے آن دے لئی بُلایا،

’’تے اُو اُٹھیا تے سب کُجھ چھڈ کے اُوہدے پیچھے ہو لیہیا‘‘ (لوقا 5: 28)۔

متی اِک محصول لیہن آلا، روم دا ٹیکس جمع کرن آلا سی۔ یہودی محصول لیہن آلیاں نال نفرت کردے سن، کیوں جے روم وَلّوں اُوہناں نوں قانون دی لوڑ توں کِدرے بوہتا یہودیاں تے ٹیکس لگان دی اجازت سی۔ ایہدے بعد اُو اپنی جمع کردہ رقم دا اِک حصہ بدل لیہندے، تے باقی اپنے لئی رکھ لیہندے۔ ایویں، زیادہ تر محصول لیہن آلے بہوتے امیر سن، تے دوجے یہودی اُوہناں نال نفرت کردے سن۔ اُو یہودی لوکاں وَلوں غلیظ گنہگار دے طور تے شمار کیتے جاندے سن۔

جدوں متی یسوع دی پیروی کیتی، ’’اُوہنے سب کُجھ چھڈ دِتا،‘‘ یعنی اُوہنے ٹیک جمع کرن دا بہوتا ای منافع بخش کاروبار چھڈ دِتا، ’’تے اُوہدی پیروی کیتی۔‘

فیر متی نے اپنے گھر وِچ دعوت دِتی۔ دوجے ٹیکس وصول کرن آلیاں تے ہر قسم دے گنہگاراں دا اِک بہوتا وڈا ہجوم ایس کھان دی ضیافت وِچ آیا۔ اُو بدترین قسم دے لوک سن۔ زینوZeno، شاعر نے کہیا، ’’تمام محصول لیہن آلے سارے دے سارے ڈاکو نے۔‘‘ فریسیاں دا ایہناں محصول لیہن آلیاں، یا اُوہناں دے بیلیاں نال کوئی تعلق نئیں سی، جِنہاں نوں فریسی ’’گنہگار‘‘ کہندے سن۔

جدوں ضیافت تے محصول لیہن آلیاں تے گنہگاراں دے ایس وڈے ہجوم دے نال گھر بھر گیا تے فریسی کُھسر پُھسر کردے تے بُڑبُڑاندے ہوئے آئے۔ اُوہناں نے شاگرداں نوں کہیا،

’’تُسی محصول لیہن آلیاں تے گنہگاراں دے نال کیوں کھاندے پیندے ہو؟‘‘ (لوقا 5: 30)۔

یسوع ضیافت چھڈ کے فریسیاں نوں جواب دیہن دے لئی باہر آ گیا،

’’بیماراں نوں طبیب دی لوڑ ہوندی اے؛ تندرستاں نوں نئیں۔ میں راستبازاں نوں نئیں بلکہ گنہگاراں نوں توبہ کرن دے لئی بُلان آیا آں‘‘ (لوقا 5: 31 – 32)۔

یسوع نے فریسیاں نوں اُوہناں گنہگاراں نوں ضیافت وِچ بُلان دی وجہ دَسی۔ اُوہنے کہیا کہ جِنہاں دی صحت چنگی اے اُوہناں نوں ڈاکٹر دی لوڑ نئیں اے۔ صرف اُوہناں لوکاں نوں لوڑ اے جِنہاں نوں بیماریاں نے۔ فقیہ تے فریسی، اپنی اپنی رائے وِچ، گناہ دی بیماری توں آزاد سن۔ چونکہ فقیہ تے فریسی شریعت دی پابندی کردے سن ایس لئی اُو اپنے آپ نوں بیمار تے گناہ دی حالت وِچ نئیں سمجھدے سن۔ فریسی اُوس دِن دے آرتھوڈوکس یعنی تقلید پسند یہودی سن۔ کاتب اُو سن جیہڑے بائبل دی نقلاں بناندے سن تے بائبل دی تعلیم دیہندے سن۔ اُوہناں نے ایہ نئیں سوچیا کہ اُوہناں نوں عظیم طبیب، یسوع دی لوڑ اے۔ اُوہناں دا خیال سی کہ

’’اُو اپنے آپ نوں راستباز تے دوجیاں نوں جاچیز سمجھدے سن‘‘ (لوقا 18: 9)۔

تے یسوع دا جواب اُوہناں مغرور، خود مطمئن فریسیاں دے لئی اِک ملامت سی،

ہُن، ایتھے ایہدا اِطلاق اے۔ جے تُسی محسوس کردے اُو کہ تُسی ٹھیک اُو، تہانوں یسوع دی کوئی لوڑ نظر نئیں آئے گی۔ جے، دوجے پاسے، تُسی محسوس کردے اُو کہ تُسی برباد ہو گئے اُو تے گناہ دی حالت وِچ مر رئے اُو، تے یسوع تہاڈے لئی اہم ہوئے گا، تے تُسی اپنی روح نوں شفا دیہن تے اپنے آپ نوں گناہ تے اُوہدے نتیجیاں توں نجات دلان دے لئی اُوہدی تلاش کرو گے۔ ایہ ضروری اے کہ تہانوں اپنے گناہ دا احساس، اپنی نااُمیدی دا احساس، اپنی ناکامی دا احساس ہووے – ورنہ تُسی مسیح دے لئی اپنی لوڑ محسوس نئیں کرو گے۔

’’بیماراں نوں طبیب دی لوڑ ہوندی اے؛ تندرستاں نوں نئیں‘‘ (لوقا 5: 31)۔

I۔ پہلی گل، جیہڑے لوکی اپنی حیاتی دے رہن سہن دے طور طریقیاں دے نال مطمئن نئیں نے اُوہناں نوں یسوع دی کوئی لوڑ محسوس نئیں ہوندی۔

ایہو ای وجہ اے کہ اَسی مقامی گرجا گھر وِچ مسیحی رفاقت دی خوشی تے زور دیہنے آں۔ اَسی چاہنے آں کہ تُسی ویکھو کہ گرجا گھر اِک خوشی دی تھاں اے جیتھے تُسی دیرپا دوست بنا سکدے اُو۔ سچ اے، ایہ کوئی بہوتی روحانی وجہ نئیں اے، لیکن اِک بے خبر بھٹکا ہویا بندہ بہوتا روحانی نئیں اے۔ بھٹکا ہویا شخص اے۔

’’قصوراں تے گناہواں وِچ مُردہ‘‘ (افسیوں 2: 1)۔

گناہ دی حالت وِچ، بھٹکیا ہویا بندہ خدا دی گلاں دے لئی ’’مُردہ‘‘ ہوندا اے۔ لیکن اُو بہوتی چنگی طرح نال تنہا محسوس کر سکدا اے۔ تے اُو محسوس کر سکدا اے کہ اُو گرجا گھر وِچ لوکاں دی خدمات تے دوستی نال لطف اندوز ہوندا اے۔ ایہ اکثر پہلی شے ہوندی اے جیہڑی کسی بندے نوں خوشخبری سُنن وَل راغب کردی اے۔

کی ایہناں محصول لیہن اْلیاں تے گنہگاراں دے نال اینج نئیں ہویا؟ متی نے

’’خود اپنے گھر وِچ اِک بہوتی وڈی ضیافت ترتیب دِتی: تے اُوتھے محصول لیہن آلیاں تے دوجے لوکاں دا جیہڑے ضیافت وِچ شریک سن وڈا مجمع سی‘‘ (لوقا 5: 29)۔

اُو آئے تے یسوع تے شاگرداں دے نال کھانا کھان بیٹھ گئے۔ تے جیویں کہ تُسی چاروں انجیلاں وِچ پڑھدے اُو تُسی ویکھو گے کہ یسوع نے اکثر اینج کیتا سی – ایہنی کثرت نال کہ ایہ اُوہناں اہم اعتراضات وِچوں اِک سی جیہڑا کاتباں تے فریسیاں نوں اُوہدی منادی دے بارے وِچ سی۔ تھوڑی دیر بعد، لوقا دی انجیل کہندی اے،

’’بہتیرے محصول لیہن آلے تے گنہگار لوکی یسوع دے کول جمع ہو کے اُوہدے گلاں سُن رئے سن۔ فریسی تے شریعت دے عالم شکایت کردے تے کہندے سن کہ ایہ بندہ گنہگاراں نال میل جول رکھدا اے تے اُوہناں نال کھاندا پیندا وی اے‘‘ (لوقا 15: 1 – 2)۔

دوبارہ، یسوع نے فریسیاں نوں ایہ کہندے ہوئے جواب دِتا،

’’ابنِ آدم کھاندا پیندا آیا؛ تے تُسی لوکی کہندے اُو کہ ویکھ ایس بندے نوں، ایہ کھاؤ، شرابی تے محصول لیہن آلیاں تے گنہگاراں دا یار اے‘‘ (لوقا 7: 34)۔

تُسی ویکھو گے، جیویں کہ تُسی انجیل پڑھدے اُو، کہ یسوع اکثر گنہگاراں دے نال کھاندا سی۔ تے میہنوں لگدا اے کہ اِسی ایہدے توں کُجھ سِکھ سکنے آں۔ ایہ بھٹکے ہوئے لوکی یسوع وَل متوجہ ہوئے کیوں جے اُو اُوہناں دے نال دوستانہ [روئیہ رکھدا] سی۔ تے اُوہناں وِچوں بہتیریاں نے نجات پا لئی۔

میں سمجھنا آں کہ اُو اپنی حیاتی دے رہن سہن توں ایہنے غیرمطمئن ہو گئے کہ اُو مسیح وَل متوجہ ہو گئے۔ محصول لیہن آلے متی نے کیتا، جیویں کہ اَسی لوقا دے پنجویں باب وِچ ویکھنے آں۔ محصول لیہن آلے زکائی نے کیتا، جیویں کہ اَسی لوقا اُنیس باب وِچ ویکھنے آں۔ تے یسوع نے اُوہنوں کہیا،

’’اے زکائی چھیتی نال تھلے اُتر آ کیوں جے اَج میں تیرے گھر وِچ مہمان بن کے آن آلا آں۔ پس اُو فوراً تھلے اُتر آیا تے خوشی خوشی یسوع نوں اپنے گھر لے گیا۔ ایہ ویکھ کے سارے لوکی بُڑبُڑان لگے کہ ایہ اِک گنہگار دا مہمان جا بنیا اے … تے یسوع نے اُوہنوں کہیا، اَج ایس گھر وِچ نجات آئی اے … تے ابنِ آدم گمشدہ نوں لبھہن تے بچان آیا اے‘‘ (لوقا 19: 5 – 10)۔

مغرور فقیہیاں تے فریسیاں نے مسیح دی کوئی لوڑ محسوس نئیں کیتی۔ لیکن محصول لیہن آلے تے گنہگار اُوہدے کول آئے تے نجات پا گئے۔

’’بیماراں نوں طبیب دی لوڑ ہوندی اے؛ تندرستاں نوں نئیں‘‘ (لوقا 5: 31)۔

جیہڑے لوکی اپنی حیاتی دے رہن سہن نال مطمئن نے اُو یسوع دی کوئی لوڑ محسوس نئیں کرن گے۔ لیکن جیہڑے لوکی اپنی حیاتی دے رہن سہن توں تنگ آ چکے نے اُو اُوہدے کول آن گے تے نجات پان گے۔

اپنے بارے وِچ کی خیال اے؟ میں تجربے نال جاننا آں کہ ایہ تہاڈے وِچوں بہتیرے لوکاں دے لئی سچ اے۔ جے تُسی اپنی حیاتی توں جیویں مطمئن اُو، تہانوں یسوع دی کوئی لوڑ نظر نئیں آئے گی، تے تہانوں نجات نئیں لبھے گی۔ جے تُسی اپنی حیاتی نال ایویں خوش اُو جیہو جئی کہ ایہ اے تے تہانوں مسیح دے آن تے کُجھ تبدیل کرن دی کوئی لوڑ نئیں نظر آئے گی۔

’’بیماراں نوں طبیب دی لوڑ ہوندی اے؛ تندرستاں نوں نئیں‘‘ (متی 9: 12)۔

II۔ دوجی گل، جیہڑے لوکی اپنی بے دینی نال مطمئن نے اُو یسوع دی لوڑ نوں محسوس نئیں کردے۔

ساڈے شہر نوں ویکھو۔ ایہدے وِچ موجود لوکاں دے بارے وِچ سوچو۔ کی ایہناں وِچوں بہتیرے لوکی خدا دے بارے وِچ سنجیدگی نال سوچدے نے؟ تُسی جانندے اُو کہ اُو نئیں سوچدے نے۔ بائبل کہندی اے،

جدوں تیکر روح القدس دے کام دے ذریعے تہاڈے تے خدا دا فضل نئیں آندا، تُسی کدی وی مسیح وِچ خدا دی تلاش نئیں کرو گے۔ تُسی اِک بے دین حالت وِچ خدا دے بغیر جین تے مرن دے لئی مطمئن ہو جاؤ گے۔

لیکن جے خدا دا فضل تہاڈے دِل وِچ کام کرن لگدا اے، تے تُسی اپنی حیاتی توں جیویں کہ اُو اے مطمئن نے ہو پاؤ گے۔ تُسی ہر شے نوں مختلف طریقے نال ویکھنا شروع کر دیو گے۔ ہو سکدا اے کہ تُسی لوکاں دے ہجوم وِچ ہو تے سوچن لگو، ’’ایہ لوکی کیس لئی جی رئے نے؟ ایہ خدا دی فکر کیوں نئیں کردے؟‘‘ تُسی آپئے اپنی حیاتی تے اپنی آن آلی موت دے بارے وِچ سوچنا شروع کر دیو گے۔ تہانوں آپئے اپنا مذہب بہوتا سطحی نظر آن لگے گا، تے بالکل وی مددگار نئیں ہووے گا۔ دوجے لوکی جیہڑے وی بہانے بناندے نے، ایہ بہانے ہُن تہاڈے لئی مناسب نئیں لگن گے۔ تے تُسی محسوس کرن لگو گے کہ حیاتی وِچ صرف کھان، سون، مطالعہ کرن تے کھیڈن دے علاوہ ہُور وہ بہوتا کُجھ ہونا چائیدا اے۔

جدوں خدا دا فضل تہاڈی حیاتی وِچ کام کرنا شروع کر دے گا تے تہانوں اپنی بے دینی دا احساس ہووے گا۔ تُسی محسوس کرن لگو گے۔

’’خدا دی دِتی ہوئی حیاتی وِچ اُوہناں دا کوئی حصہ نئیں‘‘ (افسیوں 4: 18)۔

تُسی سوچن لگو گے کہ خدا تہاڈے لئی اجنبی اے، تے ایہ کہ تُسی اُوہدے بغیر بُری حالت وِچ اُو،

’’نااُمیدی دے بغیر تے دُنیا وِچ خدا دے بغیر‘‘ (اِفسیوں 2: 12)۔

تے ایس لئی میں تہانوں پُچھنا آں، کی تُسی اپنی حیاتی توں پوری طرح مطمئن اُو جیہو جئی کہ ایہ اے؟ جے تُسی [مطمئن] اُو، تے بہوتی گھٹ اُمید اے کہ تُسی مسیح دے کول آؤ گے۔ تُسی اونج ای حیاتی بسر کردے رہوو گے جیوں تُسی اُو – ذاتی طور تے خدا نوں جانے بگیر جین تے مرن وِچ مطمئن اُو۔

’’بیماراں نوں طبیب دی لوڑ ہوندی اے؛ تندرستاں نوں نئیں‘‘ (لوقا 5: 31)۔

جے تُسی بے دین حیاتی توں مطمئن اُو تے تہانوں یسوع دی کوئی لوڑ محسوس نئیں ہووے گی۔

خاص طور تے نوجواناں وِچ ایہ رجحان پایا جاندا ا ے کہ مذہب وِچ ضرورت توں زیادہ دلچسپی لیہنا کمزوری دی علامت اے۔ جیہڑے لوکی سچے مسیحی نئیں نے اُو ایہ سوچدے نے کہ جیہڑے لوکی خدا وِچ بہوتی زیادہ دلچسپی رکھدے نے اُو قدرے عجیب، قدرے نرالے، باکل نارمل نئیں نے۔

ایہ عام طور تے نئیں بولیا جاندا اے۔ لوکی عام طور تے ایہ نئیں کہندے، ’’اُو لڑکا عجیب قسم دا اے۔ اُو چلا جاندا اے تے خود نماز پڑھدا اے۔‘‘ اُو اِک اصول دے طور تے ایہ نئیں کہندے نے۔ لیکن اُو سوچدے نے۔ تے تہاڈے غیر مسیحی دوست ایہ سوچدے نے۔ اُو ایہو جئی گلاں کیہن گے، ’’زیادہ مذہبی نہ بنو۔ جنونی نہ بنو‘‘ – اینج دیاں ای گلاں۔ ایہدے بہوتا عام ہون دی وجہ ایہ اے کہ انسان گناہ دی حالت وِچ اے۔

’’ایس لئی کہ جسمانی نیت خدا دی مخالفت کردی اے [خدا نال بغاوت کردی اے]‘‘ (رومیوں 8: 7)۔

اپنی غیرنجات یافتہ حالت وِچ، سارے انسان ہوندے نے

ایہو ای وجہ اے کہ غیر نجات یافتہ بیلی تے رشتہ دار تہانوں خدا دی تلاش وِچ سنجیدہ نہ ہون تے قائل کرن دی ہر ممکن کوشش کرن گے۔ اُو تہانوں کسی دوجے گرجا گھر، یا ’’اُوہناں دی اپنے‘‘ گرجا گھر وِچ لے جان دی کوشش کر سکدے نے – تہانوں ایس گرجا گھر وِچ واپس آن توں روکن دے لئی کُجھ وی کر سکدے نے! کیوں؟ کیوں جے اُو جانندے نے کہ ’’اُوہناں دا اپنا‘‘ گرجا گھر ٹھنڈا [غیر مذہبی جیہا] اے، تے ایہ کہ خدا اُوتھے نئیں اے۔ اُوہناں دا اصل مقصد تہانوں خدا توں دور رکھن دی کوشش کرنا اے،

’’ایس لئی کہ جسمانی نیت خدا دی مخالفت کردی اے‘‘ (رومیوں 8: 7)۔

اپنی غیر اَصلاح یافتہ حالت وِچ، بنی نوع انسان خدا دے خلاف بغاوت وِچ اے۔ جدوں خدا تہانوں پکارنا شروع کرے گا، تہاڈے بھٹکے ہوئے بیلی تے رشتہ دار تہانوں واپس کِھچّن تے تہانوں خدا توں دور رکھن دی کوشش کرن گے۔ جان بنیعن John Bunyan نے ایس بارے وِچ اپنی معیاری کتاب زائر دی پیش قدمی Pilgrim's Progress وِچ لکھیا اے۔ اُوس شخص دی اخود اپنی ووہٹی نے اُوہنوں واپس کِھچّن دی کوشش کیتی جدوں خدا نے اُوہنوں پکارنا شروع کیتا! والدین تے بھٹکے ہوئے بیلی تہاڈے نال اینج ای کر سکدے نے۔

’’میں تہانوں سچ کہنا آں کہ اُو ویلہ آ رہیا اے بلکہ آ چکیا اے، جدوں مُردے خدا دے پُتر دی واج سُنن گے تے جیہڑے اُوہنوں سُنن گے، سُن کے زندہ رہن گے‘‘ (یوحنا 5: 25)۔

اگرچہ تُسی افسیوں 2: 1، 5 دے مطابق روحانی طور تے مر چکے نے، خدا دا پُتر تہانوں پکارنا شروع کر دیہندا اے۔ اپنی مُردہ حالت وِچ، تُسی ’’خدا دے پُتر دی واج سُنندے اُو۔‘‘ جدوں اینج ہوندا اے تے تُسی خدا دے پُتر یسوع دے بغیر اپنی حیاتی لنگہان وِچ مذید مطمئن نئیں ہوو گے۔ تُسی کُجھ ہُور چاہو گے۔ فیر تُسی یسوع مسیح نوں لبھہو گے۔ لیکن جدوں تیکر تُسی غیر بیدار [سوئی ہوئی] تے مُردہ حالت وِچ اُو، تُسی مسیح دے بغیر جین تے مرن دے لئی مطمئن رہوو گے۔ صرف جدوں روح القدس تہانوں وکھاندا اے کہ تہاڈے اندر کُجھ غلط اے – کہ تہاڈا دِل بے دین اے – اُودھوں ای جدوں تُسی اپنے اندر ایہ عیب ویکھو گے تے تہانوں یسوع مسیح وِچ دلچسپی پیدا کرن گے۔

’’بیماراں نوں طبیب دی لوڑ ہوندی اے؛ تندرستاں نوں نئیں‘‘ (لوقا 5: 31)۔

III۔ تیجی گل، جیہڑے اپنے دِل دی بُرائیاں نال مطمئن ہوندے نے اُو یسوع دی لوڑ نوں محسوس نئیں کردے۔

غور کرو کہ جدوں وی میں کہیا کہ تہانوں ’’یسوع کی کوئی لوڑ نئیں ہوندی۔‘‘ ایس توں قطع نظر کہ لوکی کی کہندے نے، حیاتی دے اہم فیصلیاں وِچ اُوہناں دی رہنمائی اُوہناں دے دماغ دے بجائے اُوہناں دے جذبات نال ہوندی اے۔ سب توں بوہتا ذہین شخص اصل وِچ کہوے گا، ’’میہنوں لگدا اے کہ تُسی غلط اُو۔‘‘ تُسی اُوہناں نوں اینج دے الفاظ کہندے ہوئے سُنو گے، ’’میہنوں لگدا اے کہ تہاڈا واعظ بہوتا منفی اے،‘‘ تے جدوں اُو ایہ کہندے نے تے اُو بالکل درست نے۔ میں اُوہناں نال متفق آں۔ ایہ اُوہناں دے احساسات نے، نہ کہ اُوہناں دی دانشمندی جیہڑی اُوہناں نوں حیاتی دے ایہناں عظیم سوالاں وِچ متحرک کردی اے۔ تے ایہ گل خدا جانندا اے،

’’کیوں جے اُو ساڈی سرشت توں واقف اے، تے اُوہنوں یاد اے کہ اَسی خاکی آن‘‘ (زبور 103: 14)۔

تے ایہو ای وجہ اے کہ خدا عام طور تے ساڈے جذبات نال پہلاں گل کردا اے۔ جدوں روح القدس اپنا قائل کرن آلا کام شروع کردا اے، تے اُو سانوں گناہ دا احساس دِلاندا اے۔

غورکرو کہ بائبل کیہنی وری سانوں دسدی اے کہ کدھوں لوکی مسیح چہ ایمان لیہیا کے تبدیل ہوئے سن تے جذباتی طور تے متاثر ہوئے سن۔ جیس عورت نے یسوع دے پاؤں چومے اُو جذباتی ہو گئی۔

’’اِک بدچلن عورت جیہڑی اُسی شہر دی سی، ایہ سُن کے کہ یسوع اُوس فریسی دے گھر وِچ کھانا کھان بیٹھا اے سنگِ مرمر دے عطردان وِچ عِطر لیہیائی۔ اُوہنے یسوع دے پاؤں دے کول پِچّھے کِھلو کے رونا شروع کر دِتا تے اُو اپنے اَتھروواں نال اُوہدے پاؤں بھگون لگی تے اپنے سر دے بالاں نال اُوہناں نوں پُونجھ کے بار بار چومن لگی‘‘ (لوقا 7: 37 – 38)۔

چھیتی ای اُو یسوع دے کول آئی تے نجات پا گئی۔

’’اُوہناں دے دِلاں تے سَٹ وجی‘‘ (اعمال 2: 37)۔

ایہدا واقعی چہ مطلب اے کہ اُوہناں دے ’’دِل تے سَٹ‘‘ وجی سی۔ ایہ جذبات دی گل کردا اے۔ فلّپی شہر دا قیدخانے دا نگران

’’ہائے! میں کیہو جیہا بدبخت بندہ آں! ایس موت دے بدن توں میہنوں کون چھڑائے گا؟‘‘ (رومیوں 7: 24)۔

بائبل وِچ ایہ معاملات ظاہر کردے نے کہ خدا عام طور تے اِک شخص دے جذبات نوں متحرک کردا اے، تاکہ اُو اپنے بُرے دِل توں مطمئن نہ ہو جائے۔ ہُن، میں عام طور تے کہنا آں – کیوں جے ہر معاملہ اِک جیہیا نئیں ہوندا اے۔ لوکی مختلف طریقے نال تیار کیتے جاندے نے۔ کُجھ لوکی کافی جذباتی ہوندے نے۔ عظیم مبشر جان ویزلی اِک انتہائی جذباتی شخص سی۔ میں اُوہناں دے رون دا تصور نئیں کر سکدا۔ ہو سکدا اے کہ اُو اپنی وِچ کدی روئے ہون، لیکن میہنوں اُو پڑھنا یاد نئیں اے، تے میں اُوہناں دی حیاتی دی کہانی کئی وری پڑھی اے۔ تے جدوں جان ویزلی نے نجات پائی تے کوئی ظاہری جذبات نئیں سن۔ عجیب گل اے کہ جدوں اُوہناں نے منادی کیتی تے بہتیرے لوکی بہوتے جذبات تے انتہائی سزایابی وِچ آ گئے، تے ایتھوں تیکر کہ ظاہری چیخ و پکار کرن لگے تے چیخن لگے۔ لیکن جان ویزلی نے آپئے ایہناں جذبات دا اِظہار نئیں کیتا جیس راتی اُوہناں نے نجات پائی سی۔ اُو روئے نئیں سن۔ اُوہناں نے ’’چوٹ‘‘ محسوس نئیں کیتی۔ اُو کنبّے نئیں سن۔ اُو زور زور نال روئے نئیں سن۔ اُو صرف کہندے نے، ’’میں محسوس کیتا کہ میں مسیح تے پروہسا کیتا‘‘ (جان ویزلی John Wesley، جان ویزلی دے اعمال The Works of John Wesley، بیکرBaker، 1979، جلد اول، صفحہ 103)۔ ایہو ای ایہدے بارے چہ سی! ’’میں محسوس کیتا کہ میں مسیح تے پروہسا کیتا۔‘‘ لیکن ایتھوں تیکر کہ ایہ سردمہر ماڑا جیہا انسان، جِنہے اپنی حیاتی وِچ بہوتے گھٹ جذبات دا مظاہرہ کیتا، ایتھوں تیکر کہ جان ویزلی نے کہیا، ’’میں محسوس کیتا کہ میں مسیح تے پروہسا کیتا سی۔‘‘ اُوہدے دِل وِچ اِک جذباتی تصدیق سی کہ اُو نجات دہندہ تے پروہسا کردا اے۔ تے ایس لئی میں کہہ رہیا آں کہ ہر اِک معاملہ مختلف ہووے گا، تے جان ویزلی، اگرچہ اُو روئے یا چیخ نئیں رئے، اگرچہ اُوہناں دی اَکھاں وِچ اَتھرو نئیں آئے، اِک ایہو جئے مقام تے پہنچے سن جیتھے اُو جانندے سن کہ اُوہناں دا اِک بھٹکا ہویا تے گنہگار دِل اے۔ تے ساری حقیقی تبدیلیاں وِچ مشترک فرق، اُو شے اے جیہڑی ساری مسیح وِچ ایمان لیہیان آلی حقیقی تبدیلیاں وِچ اِکہو وگری اے، اُو ایہ اے – لوکی اپنے آپ توں باطنی طور تے عدم اِطمینان کا شکار ہو جاتے ہیں۔ اُو اپنے دِل نوں ویکھدے نے تے اُو اُوتھے گناہ ویکھدے نے۔ اُو اپنے آپ وِچ جو ویکھدے نے اُوہنوں ناپسند کردے نے۔ اُو اپنے ای دِل نال ناراض نے! اُو ایس گل توں ناراض نے کہ اُو کون نے۔

میرے خیال وِچ محصول لین آلیاں تے گنہگاراں دے یسوع دے کول ایہنی دے نال آن دے پِچّھے ایہ اِک انسانی عنصر سی – جدوں کہ کاتب تے فریسی ایس توں دور رئے۔

’’بیماراں نوں طبیب دی لوڑ ہوندی اے؛ تندرستاں نوں نئیں‘‘ (لوقا 5: 31)۔

اَج راتی تہانوں میرا سوال ایہ اے: کی تُسی مطمئن نئیں اُو؟ کی تُسی اپنی حیاتی دے رہن سہن نال ناخوش اُو؟ کی تُسی خدا دے بغیر جین توں بیمار اُو؟ کی تُسی اپنے دِل توں ناراض اُو؟ کی تُسی اپنے گناہواں دی سزایابی محسوس کردے اُو؟ جے ایہناں شیواں دے بارے وِچ تہاڈے وِچ کسی حد تیکر ناراضگی تے گناہ دی سزایابی اے، تے تُسی عظیم طبیب یسوع دے کول آن دے لئی تیار ہو سکدے اُو۔ آخرکار، مسیح ای واحد اے جیہڑا تہانوں گناہ توں نجات دِلا سکدا اے۔ اُو واحد اے جیہڑا تہاڈے گناہ دی ادائیگی دے لئی قربان ہو گیا۔ اُو واحد جیہڑا جسمانی طور تے مُردیاں وِچوں جی اُٹھا تاکہ تہانوں حیاتی بخشے۔ اُو واحد شخص اے جیہڑا خدا دے سجّے ہتھ تے بیٹھا اے، اُو آسمان تے، تہاڈے لئی دعا منگ رہیا اے۔ کی تُسی اُوہدے کول آن دے لئی تیار اُو؟ کی تُسی اُوہدے لہو دے ذریعے اپنے گناہ توں پاک صاف ہون دے لئی تیار اُو؟

’’بیماراں نوں طبیب دی لوڑ ہوندی اے؛ تندرستاں نوں نئیں‘‘ (لوقا 5: 31)۔

اَسی تہاڈے نال ایس کمرے وَل جان آلی داخلی تھاں وِچ ایس بارے چہ گل کرن دے لئی تیار آں۔ جے تُسی مسیح وِچ نجات دے بارے چہ ساڈے نال گل کرنا چاہندے اُو، تے مہربانی نال اپنی تھاں تے رہوو جدوں کہ باقی تہاڈے لئی دعا کرن دے لئی دوجے کمرے وِچ جان۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔