Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




فسح دا لہو

THE PASSOVER BLOOD
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

ہفتے دی شام نوں تبلیغ کیتا گیا اِک واعظ، 16 اگست، 2008
لاس اینجلز دی بپتسمہ دین آلی عبادت گاہ وِچ
A sermon preached on Saturday Evening, August 16, 2008
at the Baptist Tabernacle of Los Angeles

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13)


برائن ایچ ایڈورڈز Brian H. Edwards نامی اِک مصنف دی لکھی ہوئی اِک چنگی کتاب میں حال ای وِچ پڑھدا رہیا واں۔ ایہدا عنوان اے، حیاتِ نو! خُداوند نال لبریز لوکی Revival! A People Saturated with God (ایونجیلیسٹ پریس، 1991)۔ کتاب وِچ مسٹر ایڈورڈز نے ’’مسیح نوں مرکزی من کے تبلیغ دا اِک حیاتِ نو A Revival of Christ-centered Preaching‘‘ دے عنوان توں ایک باب مسٹر ایڈورڈز نے لکھیا اے تے اُوس باب وِچ اُوہناں نے کہیا،

نجات دی راہ دے طور تے مسیح دے لہو تے ایہہ زور کدی وی مقبول نئیں ہویا اے۔ حال ای وِچ یونیورسٹی دے اِک عالمِ دین نے ایہنوں ’ایہہ ناگوار نظریہ‘ دے ناں توں موسوم کیتا اے، تے بائبل دی اِک جدید پیرائے نے لفظ ’موت‘ نوں تبدیل کر کے جیدروں وی ممکن ہویا مسیح دے لہو دے حوالیاں توں بچن دی کوشش کیتی (ibid.، صفحہ107)۔

لیکن، مسٹر ایڈورڈز نے کہیا،

حیاتِ نو وِچ، مسیح، تے خاص طور تے صلیب دا لہو، تبلیغ دا مرکزی مقام اے… جدوں وی اَسی ایہہ سُننے یا پڑھنے آں کہ روح کم کر رہیا اے تے اَسی ایس کم دی حقیقت دی جانچ کر سکنے آں کہ مسیح دا لہو تبلیغ تے پرستش دے لئی کِنی مرکزی حیثیت رکھدا اے… اٹھارویں صدی وِچ وائٹ فیلڈ Whitefield تے ویزلی Wesley نوں پتا چلیا کہ صلیب دی تبلیغ توں نفرت کیتی جاندی سی۔ لیکن ہزارہا لوکاں نے مسیح دے لہو وِچ راستبازی، مخلصی، رضا جوئی، امن، صلح تے پاکیزگی نوں پایا، پاویں اُوہناں نوں اُو ساری دی ساریاں اصطلاحات سمجھ آیاں ہون یا نہ سمجھ آیاں ہون۔ جوزف کیمپ Joseph Kemp 1905 وِچ وھیلز توں اپنے دورے توں واپس لوٹے تے اپنی مذہبی جماعت نوں ایہہ رپورٹ پیش کیتی… ایڈن برگ میں کہ ویلش حیاتِ نو وِچ غالب آن آلی غور طلب گل ’لہو دے نال مخلصی‘ سی (ibid.، صفحہ 108)۔

تے اینج ای ساڈے زمانے وِچ وی ہونا چائیدا اے۔ جے اَسی حقیقی حیاتِ نو ویکھن دی توقع کرنے آں، بے شمار گواچے ہوئے لوکاں دی مسیح تے ایمان لہیان دی تبدیل نوں ویکھن دی توقع کرنے آں، تے سانوں پاک کلام دے اُوس جلالی پرانے مرکزی موضوع تے اِک وری فیر توں واپس لوٹنا چائیدا اے،

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13)

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

عبرانی لوکاں دے مصر دی غلامی نوں چھڈ کے وعدے دی سرزمین وچ جان توں اِک راتی پہلاں، خُدا نے اُوہناں نوں کہیا، ہر اِک گھرانے وِچ، اِک بیداغ برّہ لو تے اُوہنوں ذبح کرو۔ تے فیر خدا نے کہیا،

’’تے فیر اُوہدا ماڑا جیہا لہو لے کے اُوہناں گھراں دے بوہیاں دے دوویں پلّیاں تے تے اُوتے چوکھاٹ تے لا دین جنہاں وِچ اُو اُوس برّہ نوں کھان گے‘‘ (خروج 12:7).

’’کیوں جے اُوسی رات نوں میں مصر وِچ ہو کے لنگہاں گا تے انسان تے حیوان دوواں دے سارے پہلوٹھیاں نوں مار گراواں گا تے مصر تے سارے دیوتیاں نوں وی سزا دیواں گا۔ میں خداوند آں تے جنہاں مکاناں وِچ تُسی ہوو گے اُوہناں تے اُو لہو تہاڈے ولوں نشان ہووے گا تے جدوں میں اُوس لہو نے ویکھاں گا تے تہانوں چھڈداں جاواں گا۔ تے جدوں میں مصریاں نوں ماراں گا تے اُوس ویلے کوئی وی مہلک وبا تہاڈے لاگے نئیں آئے گی‘‘ (خروج 12:12۔13).

اَج دے دِن تیکر، اپریل دے شروع دے لاگے یہودی لوکی اُوس رات نو یاد رکھدے نے جیہڑی کہ پاشکا دے ناں نال جانی جاندی اے، فسح دی عظیم دعوت۔ لفظ ’’فسح‘‘ ساڈی تلاوت توں آیا اے،

جدوں میں اُوس لہو نے ویکھاں گا تے تہانوں چھڈداں جاواں گا۔ تے جدوں میں مصریاں نوں ماراں گا تے اُوس ویلے کوئی وی مہلک وبا تہاڈے لاگے نئیں آئے گی‘‘ (خروج12:13)۔

ایہہ کیسقدر شاندار تلاوت اے، ہر سچے مسیحی دے دِل وِچ کس قدر معنی توں بھرپور!

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13).

آؤ اَج دی راتی اُوس تلاوت دے بارے وِچ سوچنے آں۔ آؤ ایہدے معنی نوں اپنے ذہناں تے دِلاں وِچ گہرائی تیکر بس جان دیو۔

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13).

اَج ایہہ ساڈے لئی کی معنی رکھدی اے؟

I۔ پہلی گل، اُو لہو مسیح دے لہو دی اِک تشبیہہ سی۔

ویبسٹر دی لغت Webster’s Dictionary سانوں دسدی اے کہ تشبیہہ ’’اک گل، یا واقعہ اے جیہڑا کسی دوجی گل یا واقعہ نوں علامتی طور تے پیش کردا اے، خصوصی طور تے اُو دوجی گل یا واقعہ جیہڑا ہون آلا ہوندا ہووے، اِک علامت، اِک نشانی ہوندا اے۔‘‘ جے یسوع مسیح دے لہو دی کدی واضح تشبیہہ یا علامت سی تے اُو ایہہ اے۔ پرانے عہد نامے دے سارے کلام وِچوں، مستقبل دے مسیح دے لہو دی علامتاں تے اُوہدے سارے ویلے توں پہلاں دے شماراں دے نال، کوئی وی ایس دے مقابلے وِچ ایس قدر واضح ترین نئیں اے،

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13).

ایہہ کوئی حادثاتی نئیں سی کہ یسوع فسح دی عید دے دوران مریا سی۔ اُوہدے مصلوب ہون توں اِک دوپہری پہلاں شاگرداں نے یسوع کولوں پُچھیا،

’’توں فسح دا کھانا کیتھے کھانا چاہندا اے تاں جے اَسی جا کے تیاری کریے؟ اُوہنے جواب دِتا: شہر وِچ فلاں بندے دے کول جاؤ تے کہوو: اُستاد کہندا اے کہ میرا ویلہ نیڑے اے۔ میں اپنے شاگرداں دے نال تیرے گھر وِچ فسح مناواں گا‘‘ (متی 26:17۔18).

شاگرداں نے اُوہی کیتا جیہڑا یسوع نے اُوہناں نوں کہیا سی۔ اُو اُوس گھر وِچ گئے تے فسح دا کھانا تیار کیتا۔ تے جدوں شام ہوئی، تے مسیح اپنے بارہ شاگرداں دے نال فسح دا کھانا کھان لئی بیٹھا۔

’’تے جدوں اُو کھانا کھا رئے سن، تے یسوع نے روٹی لئی تے اُوہنوں برکت دے کے اُوہدے ٹکڑے کیتے تے شاگرداں نوں دے کے کہیا: لو، کھاؤ؛ ایہہ میرا بدن اے۔ فیر اُوہنے پیالہ لہیا، تے شکر ادا کیتا تے اُوہناں نوں دے کے کہیا: تُسی سارے ایہدے وِچوں پیو؛ کیوں جے ایہہ نئے عہد دا میرا اُو لہو اے جیہڑا بوہتاں دے گناہواں دی معافی دے لئی وگایا جاندا اے‘‘(متی 26:26۔28).

ایویں، عشائے ربانی وِچ، روٹی تے پیالے دے ذریعے نال یسوع نے خروج دی کتاب وِچ اُوس تشبیہہ نوں پورا کرن نال معنیاں نوں واضح کیتا،

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13).

غور کرو جیہڑا یقینی لگدا اے، جیہڑا خودبخود عیاں لگدا اے، مگر اَج ایہہ اکثر مبہم لگدا اے۔ غور کرو کہ روٹی تے پیالہ دو الگ الگ شیواں سن! شیواں جیہڑیاں مختلف ہوندیاں نے اِک وگری نئیں ہوندیاں۔ روٹی اُوہدے بدن دی عکاسی کردی اے، جیہڑا صلیب تے ساڈے گناہواں دے کفارے دے لئی توڑیا گیا سی۔ پیالے نوں علیحدہ طور تے لہیا گیا سی، جدوں اُوہنے کہیا،

’’تُسی سارے ایس وِچوں پیو، کیوں جے ایہہ نئے عہد دا میرا اُو لہو اے جیہڑا بوہتاں دے گناہواں دی معافی [آزادی، نجات – سٹرانگStrong] دے لئی وگایا جاندا اے‘‘ (متی26:27۔28).

یوحنا رسول نے معنیاں نوں بوہتا واضح کر دِتا جدوں اُوہنے کہیا،

’’اُوہدے پُتر یسوع دا لہو سانوں ہر گناہ توں پاک کردا اے‘‘ (1۔ یوحنا 1:7).

اُو شبیہہ اے۔ اُو تشبیہہ دا پورا کیتا جانا اے، اُو علامت دا معنی اے،

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13).

ایہہ گل کردا اے

’’نئے عہد دے درمیانی فرد یسوع تے اُوہدے چھڑکے ہوئے لہو [دی]‘‘ (عبرانیوں 12:24).

’’کیوں جے مسیح جیہڑا فسح دا برّہ اے ساڈے لئی قربان ہو چکیا اے‘‘ (1۔ کرنتھیوں 5:7).

خروج 12 باب وِچ برّہ دا لہو مسیح دی اِک مکمل تصویر سی،

’’ایہہ خُدا دا برّہ اے جیہڑا جہاں دے گناہ چُک لے جاندا اے‘‘ (یوحنا 1:29).

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13).

اُو لہو، جیہڑا مصر وِچ عبرانی لوکاں نے اپنی چوکھاٹاں تے لہایا سی، اُو اِک تصویر سی

’’اُوہدے پُتر یسوع دا لہو [جیہڑا] سانوں ہر گناہ توں پاک کردا اے‘‘ (1۔یوحنا1:7).

II۔ دوجی گل، اُو لہو جیہدا اطلاق کیتا جانا چائیدا سی۔

خروج 12:11 تے سیکوفیلڈ مطالعہ Scofield Study Bible بائبل دی غور طلب گل کہندی اے، ’’لہو دا اِطلاق کیتا جانا چائیدا اے (خروج12:7)۔ ایہہ ذاتی ایمان دے وسیلے نال الحاق دا جواب دیندی اے… سیکوفیلڈ مطالعہ بائبل وِچ اُو غور طلب گل بالکل سچی اے۔ جیویں کہ عبرانی لوکاں نوں اُو لہو اپنے گھراں دی چوکھاٹاں تے لہنا ای سی، ایس لئی تہانوں اپنے گناہواں نوں دھون دے لئی مسیح دے لہو نوں اپنانا چائیدا اے۔ جے تہاڈے کول مسیح دا لہو نئیں ہوندا اے تے خُدا تہانوں چھڈدا ہویا نئیں جائے گا۔ گناہ دے خلاف خُدا دی سزا دی وباء اُوہدا قہر تے غضب تہاڈے تے نازل ہووے گا – جیویں کہ ایہہ اُوہناں مصریاں تے ہویا سی!

خُدا نے کہیا،

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13).

لیکن جے خُدا لہو نوں نئیں ویکھدا تے اُو تہانوں چھڈدا ہویا نئیں جائے گا!

’’جدوں موسیٰ دی شریعت دی خلاف ورزی کرن آلا دو یا تِن بندیاں دی گواہی تے بے رحمی دے نال قتل کر دِتا جاندا اے تے اُو بندہ وڈی سزا دے لائق ٹھہرے گا جیس نے خُدا دے پُتر نوں پامال کیتا، عہد دے لہو نوں جیہدے نال اُو پاک ہویا سی، ناپاک جانا تے فضل دین آلے پاک روح دی بےحرمتی کیتی؟‘‘ (عبرانیوں 10:28۔29).

اُو جیہدے کول اُوہدے گناہواں نوں دھون دے لئی مسیح دا لہو نئیں ہوندا اے اُوہدے تے خُدا دی ہولناک سزا پئے گی، تے،

’’زندہ خُدا دے ہتھاں وِچ پیہنا ہولناک گل اے‘‘ (عبرانیوں 10:31).

ایس لئی، تہانوں میرا سوال ایہہ اے – کی تہاڈےکول مسیح دا لہو اے؟ خُدا نے کہیا،

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13).

کی تہاڈے کول مسیح دا لہو اے؟ سیکوفیلڈ دی اُوس غور طلب گل نوں یاد رکھو، ’’لہو دا اِطلاق کیتا جانا چائیدا اے (خروج12:7)۔ آفاقیت تعلیم دیندی اے کہ ہر کوئی، عالمگیر طور تے، نجات پا جاوے گا، لیکن بائبل کہندی اے،

’’اُو جیہڑا پُتر تے ایمان لہیاندا اے اُو ہمیشہ دی حیاتی پاندا اے۔ لیکن جیہڑا پُتر نوں رد کردا اے اُو حیات توں محروم ہو کے خُدا دے غضب وِچ مبتلا رہندا اے‘‘

جیس لمحے تسی خُدا دے پُتر تے یقین کردے اُو تہاڈے گناہواں دی آلودگی مُک جاندی اے تے اُو دُھل جاندی اے۔ جوزف ہارٹ Joseph Hart، جیہڑے کہ حمدوثنا دے گیت لکھن آلے پیوریٹن مصنف نے، ساڈے فسح، مسیح دے لہو آلے پسینے نوں بیان کردے نے۔

اُوہدا بدن، جیہڑا لہو تے پسینے وِچ نہایا ہویا اے،
زمین تے اِک اودا سیلاب دی بوچھاڑ کردا اے؛
کثیر اظہار جذبات دی لبریزی جھلکدی اے
انسان [دے گناہ نوں دھون] دے لئی۔
   (’’سردار کاہن The High Priest‘‘ شاعر جوزف ہارٹ Joseph Hart، 1712۔1768)۔

میرے قصوراں دے ہیٹھان اُوہنوں سرنگوں ویکھن دے لئی؛
   ناقابلِ برداشت وزن!
گنہگاراں دے لئی اُوس [یسوع] دے لہو نوں بہندا ویکھن دے لئی،
   میرا کراہنا، میرا ماتم کرنا، اے خُدا!
(’’اُو خواہش The Wish‘‘ شاعر جوزف ہارٹ Joseph Hart، 1712۔1768)۔

یسوع گتسمنی وِچ آپئے اپنے لہو تے پسینے وِچ شرابور لباس نوں پائے ہوئے ساڈے اَگے کھلوتا ہوندا اے۔ اُوہناں نے ہُنے تیکر اُوہنوں گرفتار نئیں کیتا سی، نہ ای کوڑے مارے سن، نہ ای اُوہنوں مصلوب کتیا سی۔ تے فیر اُو لہو کِدروں آیا سی جیہڑا اُوہدی کھل دے مساماں وِچوں قطرہ قطرہ وگن ڈھیا سی؟ ایہہ تہاڈے گناہ دے دباؤ نال آندا اے، خُدا دے قہر دے وزن تلے اُوہنوں [یسوع نوں] کُچلدا ہویا۔ چند گھڑیاں وِچ سپاہی پہنچ جاندے نے تے باغ وِچوں اُوہدے لہولہان بدن نوں کھیچدے ہویاں لے جاندے نے۔ اُو اُوہدے چہرے تے مُکے ماردے نے، تے اُوہدی داڑھی دے بال پُٹدے نے، اُو اُوہدہ چولا لا کے [اُوہنوں] ننگا کر دیندے نے تے مار مار کے اُوہدی کمر اُدھیڑ دیندے نے۔ اُوہدے سر تے کنڈیاں دا اِک تاج کھبو دیندے نے۔ اُو صلیب تے اُوہدے ہتھاں تے پیراں وِچ کِیل ٹھوکدے نے۔ اُو اذیت تے لہو وِچ تربتر لٹکدا اے۔ تے مصر دی تاریکی وِچوں خُدا پُکاردا اُٹھدا اے:

’’جدوں میں اُوس لہو نوں ویکھاں گا تے تہانوں چھڈدا جاواں گا‘‘ (خروج12:13).

کی تُسی ایمان دے وسیلے توں آؤ گے تے اُوہدی صلیب دے ہیٹاں کھلوو گے؟ کی تُسی لہو وِچ نہائے ہوئے نجات دہندہ دے کول آؤ گے؟ کی تُسی لہو تے وسیلے نال اپنے گناہواں دی تمام تر آلودگی توں پاک صاف ہونا چاہوو گے

’’اُوس بنائے عالم توں ذبح کیتے ہوئے برّہ؟‘‘ (مکاشفہ 13:8).


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔