ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایتھے ساڈے کول انسان دے دِل دے مکمل اِخلاقی زوال دی اِک مضبوط تصویر اے۔ ایہ ویکھنا انتہائی دلچسپ اے کہ اگرچہ دورِ حاضرہ دے ترجمے ایہنوں ’’اُوہدے دِل دا جھکاؤ‘‘ (NIV)، تے ’’انسان دے دِل دا اِرادہ‘‘ (نئی امریکی سٹینڈرڈ بائبلNASB) دسدے نے، لیکن پرانے دور دے ترجمے ایہنوں ’’انسان دے دِل دا تصور‘‘ (1599 جنیوا بائبل) تے فیر توں ’’انسان دے دِل دا تصور‘‘ (کنگ جیمس نسخۂ بائبل KJV) دسدے نے۔ لہٰذا، اَسی حیران رہ جانے آں، جیویں کہ اَسی نئے ترجمیاں دا پرانے ترجمے نال موازنہ کرنے آں، آیا انسان دا دِل صرف بُرائی وَل مائل اے، یا ’’خیالات‘‘ بذات خود ’’جوانی توں ای بُرائی‘‘ وَل مائل نے۔ جدوں اَسی عبرانی نوں چیک کرنے آں تے سانوں پتہ چلدا اے کہ سانوں پرانے دور دے ترجمیاں نوں قبول کرنا چائیدا اے، کہ ایہ ’’تخیل‘‘ اے، نہ کہ انسان دے دِل دا ’’جھکاؤ‘‘ یا ’’اِرادہ‘‘ جیہڑا کہ بُرائی اے۔ ’’جھکاؤ‘‘ دا مطلب اے ’’برائی وَل تیار ہونا، بُرائی وَل جھکاؤ، اِک قابلیت یا بُرائی وَل رُجحان۔‘‘ ایویں ایہ نئے زمانے دے ترجمے تلاوت دے حقیقی معنی نوں کمزور کر دیہندے نے، جیہڑا سانوں عبرانی وِچ دسدا اے کہ انسان محض بُرائی وَل مائل یا جھکاؤ نئیں رکھدا، بلکہ ایہ کہ انسان دے دِل دا تصور ای بُرا اے۔ محض بُرائی وَل جھکاؤ، نہ صرف ’’بُرائی دے لئی تیار ہونا‘‘ بلکہ بذات خود بُرائی!

ایویں، اَسی ویکھنے آں کہ دورِ حاضرہ دے ترجمے پُرانے نیک مذہبی سُدھار تے بپتسمہ دین آلے نظریے توں ہٹ کے مکمل اخلاقی زوال وَل واپس ٹر گئے نے، کیتھولک چرچ دے نقطۂ نظر وَل، کہ انسان صرف بُرائی وَل ’’مائل‘‘ اے۔ لہٰذا دورِ حاضرہ دے ترجمے سانوں رومن کیتھولک نظریہ وَل واپس لے جاندے نے جیہدے وِچ انسان دا دِل صرف بُرائی وَل ’’مائل‘‘ ہوندا اے۔ ایہ لوتھر، اصلاح پسنداں تے ابتدائی بپتسمہ دین آلیاں وانگوں دا نظریہ نئیں اے۔ دورِ حاضرہ دے ترجمہ کرنے آلیاں دے نیڑے انسان بُرائی وَل محض ’’مائل‘‘ اے۔ ایہ ظاہر کردا اے کہ دورِ حاضرہ دے ترجمے ساڈے بپٹسٹ/ پروٹسٹنت امتیازات نوں چھپان وِچ کیویں مدد کردے نے تے روم دے نال عالمانہ طور تے شامل ہون نوں زیادہ توں زیادہ قابلِ فہم بناندے نے۔

لیکن ساڈے پروٹسٹنٹ تے بپتسمہ دین آلے آباؤ اِجداد دے نیڑے انسان جزوی طور تے محروم اے، ایس قابل اے کہ اُو اپنی گناہ دی حالت تے قابو پان وِچ ’’اپنا حصہ‘‘ ڈال کے خود نوں ایس توں بچان دے لئی کُجھ مدد دے سکے۔ ایہنوں ماہرینِ الہٰیات نے ’’متحد عملSynergism‘‘ کہیا اے۔ لیکن پرانے اصلاح پسند تے پیوریٹن ایہو جئی کسی گل تے یقین نئیں رکھدے سن۔ اُوہناں دا یقین سی کہ انسان ’’گناہواں وِچ مُردہ‘‘ اے (افسیوں 2: 5)۔

جے پرانے پیوریٹن صحیح سن، تے میہنوں یقین اے کہ اُو گناہ وِچ مبتلا آدمی صرف گناہ کرنا دا رجحان نئیں رکھدا سی۔ نئیں!

’’انسان دے دِل دا ہر خیال [ناکہ اُوہد رُجحان] بچپن ای توں بُرائی وَل مائل ہوندا اے‘‘ (پیدائش 8: 21)۔

عبرانی لفظ ظاہر کردا اے کہ پرانے مبلغین تے ماہرِ الہٰیات درست سن تے نئے آلے لوکی غلط ۔ نئے آلے غلط لوکی تلاوت وِچ ایس لفظ نوں گھٹ کردے نے، تے ایہنوں رومن کیتھولک معنی دیہندے نے، جیہڑا مسیح وِچ ایمان نہ لیہیائے ہوئے غیر تبدیل شُدہ انسان دے جسمانی نیت رکھن آلے ذہن دے لئی کِدرے بہوتے نرم تے قابلِ قبول اے۔ عبرانی لفظ جیہدا ترجمہ ’’تصور‘‘ کیتا گیا اے ایہدا ترجمہ ’’جھکاؤ‘‘ یا ’’اِرادہ‘‘نئیں ہونا چائیدا اے۔ کنگ جیمس نسخۂ بائبل KJV دا لفظ ’’تصور‘‘ اِک عبرانی لفظ دے ترجمے توں آیا اے جیس دا مطلب اے ’’مقصد، شکل، ڈھانچہ [ذہن دا]‘‘ سٹرانگ # 336)۔ انسان دے دِل دا صل مقصد، شکل تے ڈھانچہ ’’جوانی ای توں بُرا اے،‘‘ نہ صرف اُوہدی خواہشات تے اِرادے! لہٰذا، کنگ جیمس نسخۂ بائبل KJV دا لفظ، ’’تصورimagination‘‘، جدید تراجم وِچ استعمال ہون آلے انگریزی لفظ توں کِدرے بہتر اے۔ ’’تخیل‘‘ پورے دِل نال گل کردا اے، نہ کہ اُوہدے جھکاؤ یا اِرادے نال۔

پیدائش 8: 21 وگری آیتاں توں ، 16ویں صدی دے حیاتِ نو نے انسان دے مکمل اِخلاقی زوال دی خرابی دی بائبل دی تعلیم نوں بحال کیتا،

’’کیوں جے اِنسان دے دِل دا ہر خیال [مقصد، قِسم] بچپن ای توں بُرائی وَل مائل ہوندا اے‘‘ (پیدائش 8: 21)۔

I۔ پہلی گل، انسان دی ایہ حالت سیلاب توں پہلاں سی۔

اَسی پیدائش 6: 5ویں آیت وِچ پڑھنے آں،

’’خداوند نے ویکھیا کہ زمین تے انسان دی بدی بہوتی ودھ گئی اے، تے اِنسانی دِل دے خیالات ہمیشہ بدی وَل مائل رہندے نے‘‘ (پیدائش 6: 5)۔

ایہ انسانی فطرت دا نظریہ نئیں اے جیہڑا زیادہ تر لوکی رکھدے نے۔ قدیم زمانے وِچ غیر قوماں انسان دی عزت تے بھلائی دی گل کردیاں سن۔ قدیم فلسفیاں دا کہنا سی کہ انسان اِک اعلیٰ مخلوق اے جیہدے وِچ خود نوں چنگا بنان دی طاقت اے، جیویں کہ مغرب وِچ سقراط تے مشرق وِچ کنفیوشس نے کیتا سی۔ بعد چہ، مسیحیت دے دور نے وی، بہتیرے لوکاں نے انسان دی صلاحیتاں تے فطرت دے بارے وِچ بہوتی زیادہ گلاں کیتیاں۔

ایہ ایراسمس (1466-1536) دکی کیتھولک تعلیم تے اصلاح پسندوں دے وِچکار بنیادی فرق سی۔ کی انسان مکمل طور تے اِخلاقی زوال وِچ مبتلا ہویا سی، یا انسانی فطرت وِچ کوئی ایہو جئی شے رہ گئی سی جیہڑی خدا دے نال تعاون کر سکے؟ ایراسمس نے کہیا کہ انسان دا دِل خدا دے نال تعاون کرن دے لئی آزاد اے، کہ انسان خدا دی فرمانبرداری دے لئی ’’فیصلہ‘‘ کر سکدا اے۔ اصلاح پسنداں نے کہیا کہ ایہ جھوٹ اے، کہ

’’اُوہدے دِل دے خیالات دا ہر تصور ہمیشہ بدی وَل مائل رہندا اے‘‘ (پیدائش 6: 5)۔

مکمل اِخلاقی زوال سی جِنہوں لوتھر نے ’’اُو قبضہ [بوہے دا اوزار] جیس تے سارا وزن ہوندا اے‘‘ کہیا سی، کیوں جے اُوہنے طے کیتا کہ آیا مسیحیت فضل دا مذہب ہووے گا یا اعمال دا۔

اگرچہ کیتھولک چرچ تے ’’فیصلہ ساز‘‘ بپٹسٹ تے پروٹسٹنٹ سکھاندے نے کہ انسان نوں خدا نوں جواب دیہن دی آزادی اے، بائبل ایہدے بالکل برعکس سکھاندی اے۔ بائبل سکھاندی اے کہ آدمی باغ عدن وِچ گمراہ ہویا۔

’’اِک آدمی دے ذریعہ گناہ دُنیا وِچ داخل ہویا تے گناہ دی وجہ توں موت آئی؛ تے موت سارے انساناں وِچ پھیل گئی کیوں جے ساریاں نے گناہ کیتا‘‘ (رومیوں 5: 12)۔

آدم دی نافرمانی نال سارے آدمی گنہگار ٹھہرے کیوں جے

’’آدم وِچ سارے مردے نے‘‘ (1 کرنتھیوں 15: 22)۔

اُوس ویلے آدم گناہ نال بھریا، گمراہ سی

’’اپنی ای صورت وِچ اِک پُتر پیدا ہویا‘‘ (پیدائش 5: 3)۔

اُوہدے لئی کسی ہُور قسم دے پُتر دا پیو بننا ممکن نئیں سی، کیوں جے

’’کون ناپاک توں پاک شے کڈ سکدا اے؟ کوئی اِک وی نئیں‘‘ (ایوب 14: 4)۔

نتیجتاً، تمام بنی نوع انسان نوں فطرتاں وراثت وِچ ملیاں تے اُو نے

’’گناہواں وِچ مُردہ‘‘ (افسیوں 2: 5)،

’’کسی وی امید دے بغیر، تے دنیا وِچ خدا دے بغیر‘‘ (افسیوں 2: 12)۔

تے ایویں، سارے انساناں دے بچے پیدا ہوندے نے

’’نافرمانی دی اولاداں‘‘ (افسیوں 2: 2)۔

’’فطرتاً قہر دے بچے‘‘ (افسیوں 2: 3)۔

پس، ہر بنی نوع انسان سچے طور تے کہہ سکدا اے،

’’میری شکل بدکاری وِچ پیدا ہوئی؛ تے میری ماں نے میہنوں گناہ وِچ حاملہ کیتا‘‘ (زبور 51: 5)؛

کیوں جے

’’اُو سارے دے سارے گناہ دے تحت نے‘‘ (رومیوں 3: 9)۔

’’کیوں جے سارے نے گناہ کیتا اے تے خدا دے جلال توں محروم نے‘‘ (رومیوں 3: 23)۔

ایس لئی خدا نے انساناں تے ہیٹاں نظر پائی تے کہیا،

’’کوئی وی راستباز نئیں، کوئی نئیں، اِک وی نئیں … اُو سارے راستے توں بھٹک گئے … نیک کرن آلا کوئی نئیں، اِک وی نئیں‘‘ (رومیوں 3: 10، 12)۔

لہٰذا، جدوں خدا نے آسمان توں ہیٹاں ویکھیا، اُوہنے

’’ویکھیا کہ انسان دی بدکاری زمین تے بہوتی زیادہ سی، تے ایہ کہ اُوہدے دِل دے خیالات دا ہر تصور ہمیشہ دے لئی بُرائی وَل مائل سی‘‘ (پیدائش 6: 5)۔

کوئی کہہ سکدا اے، ’’ایہ اعلیٰ کیلونزم اے!‘‘ لیکن تُسی غلط اُو۔ میں جان ویزلی دے اِک واعظ دی تشریح کر رہیا آں، جیہڑے اِک آرمینیائی سن، تے بالکل کیلونسٹ نئیں سن! (محترم جان ویزلی، ایم اے Rev. John Wesley, M.A. وَلّوں ’’موروثی گناہ دے بارے چہ Of Original Sin‘‘ جان ویزلی دے کارنامے The Works of John Wesley، بیکر کُتب گھرBaker Book House، دوبارہ اشاعت 1979، جلد VI، صفحات 54۔55)۔ میں شاید ایہنی ای آسانی نال جان بنیعان John Bunyan، ساڈے مشہور بپتسمہ دین آلے پیشوا، یا سپرجیئنSpurgeon، جیہڑے ساڈے زمانے دے بپتسمہ دین آلے مبلغ نے، دی تشریح کر سکنا آں! ایہ حقیقی بپتسمہ دین آلے تے پروٹسٹنٹ آرتھوڈوکس دا اِک مرکزی نقطہ اے، اگرچہ ایہ ہُن کیتھولک تے انجیلی بشارت دی ’’فیصلہ سازی‘‘ دے ذریعہ بگڑ چکیا اے۔ ایہ مکمل اِخلاقی زال دا عقیدہ یا نظریہ اے جیہڑا کہ پایا جاندا اے بپتسمہ دین آلیاں دی گریٹ لندن کونفیشن وِچ، پریسبائٹیرین دے ویسٹ منسٹر کونفیشن وِچ، لوتھرنز کے ہائیڈلبرگ کونفیشن وِچ، تے چرچ آف انگلینڈ دے انتیس مضامین وِچ۔ ایہ انسان دی مکمل اِخلاقی زوال دا نظریہ اے، جیہڑا اِک پاسے تے رومن کیتھولک چرچ دے وِچکار بنیادی فرق سی، تے دوجے پاسے بپتسمہ دین آلیاں تے پروٹسٹنٹاں دے وِچکار بنیادی فرق سی، ’’اُو قبضہ [بوہے دا اوزار] جیس دے سارا وزن ہوندا اے۔‘‘ تلاوت ایس غلط تعلیم نوں درست کردی اے۔ ایہ سیلاب توں پہلاں انسان دی تاریک تصویر پیش کردی اے۔

’’ویکھیا کہ انسان دی بدکاری زمین تے بہوتی زیادہ سی، تے ایہ کہ اُوہدے دِل دے خیالات دا ہر تصور ہمیشہ دے لئی بُرائی وَل مائل سی‘‘ (پیدائش 6: 5)۔

II۔ دوجی گل، انسان دی ایہو جئی حالت سیلاب دے بعد سی۔

ایس عظیم تباہی نال انسان وِچ کُجھ وی نئیں بدلیا۔ سیلاب توں پہلاں خدا نے انسان وَل نظر چُکی تے ویکھیا

’’کہ اُوہدے دِل دے خیالات دا ہر تصور ہمیشہ دے لئی بُرائی وَل مائل سی‘‘ (پیدائش 6: 5)۔

تے سیلاب دے بعد خدا نے کہیا،

’’انسان دے دِل دا ہر خیال بچپن ای توں بُرائی وَل مائل ہوندا اے‘‘ (پیدائش 8: 21)۔

لہٰذا، صرف اِک اضافی خیال ایہ اے کہپ انسان دے دِل دی شریر فطرت بچپن ای توں، ’’اُوہدی نوعمری یعنی جوانی ای توں‘‘ موجود اے۔

’’اُو پیدا ہوندے ای گمراہ ہو جاندے نے‘‘ (زبور 58: 3)۔

سپرجیئن نے کہیا،

سیلاب دے بعد وی اینج ای اے … تہانوں اُمید ہووے گی کہ ایہنے خوفناک فیصلے دے بعد جدوں صرف … اَٹھ بچ گئے … کہ ہُن انسان دی فطرت بہتر ہو جائے گی۔ [لیکن اینج نئیں اے … اُو ای خدا جیس نے انسان وَل ویکھ کے اِعلان کیتا سی کہ سیلاب توں پہلاں اُوہدے ذہن دے خیالات بُرے سن، بعد وِچ اُوہناں دے بارے چہ اُو فیصلہ سُناندا اے۔ اے خدا! انسانی فطرت کیہنی نااُمید اے! ایہ کیہنا ناممکن اے کہ جسمانی نیت رکھن آلے دی خدا نا مفاہمت ہووے! … ایتھوں تیکر کہ تہاڈی سزاواں دا سیلاب وی [اُوہدے ذہن توں] اوہدے بُرائی دے خیالات دا علاج نئیں کر سکدا! … ڈاکٹر ڈکDr. Dick کہندا اے، ’’انسان دے سارے خیالات، اُوہدی ساری خواہشات، اُوہدے سارے مقاصد بُرے نے، ظاہر طور تے یا مضمرات نال؛ کیوں جے اُوہناں دا موضوع صریحاً گناہ اے، یا ایس لئی کہ اُو کسی مقدس اصول توں اَگے نئیں ودھدے، تے کسی مناسب انجام وَل نئیں جاندے۔ کدی کدی ای اینج نئیں ہوندا کہ انسان دی روح پستی دے زیرِ اثر ہوندی اے۔ بلکہ ایہ اُوہدی عادت تے حالت اے۔ ایہو جیہا جملہ بنانا ناممکن اے جیہڑا ایس توں بوہتا واضح طور تے اُوہدی مجموعی بدعنوانی دا اِظہار کرے‘‘ (سی ایچ سپرجیئن C. H. Spurgeon، انسانی کمزوری تے خدائی رحمت Human Depravity and Divine Mercy،‘‘ میٹروپولیٹن عبادت گاہ دی واعظ گاہ The Metropolitan Tabernacle Pulpit، پِلگرِم اشاعت خانے Pilgrim Publications، 1979 دوبارہ اشاعت، جلد نہم، صفحات 99۔100)۔

’’اُوہدے دِل دے خیالات دا ہر تصور مسلسل صرف بُرائی وَل مائل رہندا سی‘‘ (پیدائش 6: 5)۔

’’انسان دے دِل دا ہر خیال بچپن ای توں بُرائی وَل مائل ہوندا اے‘‘ (پیدائش 8: 21)۔

’’اُوہناں دی عقل تاریک ہو گئی اے تے سخت دِلی دے وجہ توں جیہڑی اُوہناں وِچ اے جہالت وِچ گرفتار نے، تے خدا دی دِتی ہوئی حیاتی وِچ اُوہناں دا کوئی حصہ نئیں‘‘ (افسیوں 4:18)۔

ایہو ای وجہ اے کہ اٹھارویں صدی دے حمدیہ نگار جوزف ہارٹ نے انسان دے بارے وِچ کہیا، ’’گنہاواں دی بنیاد؛ اِک سخت ریوڑ، اِک باغی نسل‘‘ (’’آؤ تُسی ساری خدا دے منتخب مقدسوں‘‘ شاعر جوزف ہارٹ، 1712۔1768)۔ اگرچہ اِک مسیحی گھر وِچ پرورش پائی، جوزف ہارٹ غیر تبدیل شُدہ رئے۔ اُوہناں نے کہیا،

اپنی عمر دے تقریباً اکیسویں ورے وِچ اپنی جان دے بارے وِچ بے حد پریشانی وِچ مبتلا ہون لگا … گناہ کرن تے توبہ کرن، کام کرن تے خوفزدہ کرن دے ایس بے چین دور وِچ، میں اَگے وددھدا گیا [ایتھوں تیکر کہ] میں اپنی فطرت دی بُرائی، اپنے دِل دی دھوکہ دہی تے سختی، اپنی مسیحیت دے بارے وِچ سمجھ چہ گھاٹا تے اپنے یقین دے انّہے پن وِچ مذید گہرائی وِچ ڈوبن لگا۔ میں ویکھیا کہ میں اِک خطرناک حالت وِچ سی، تے ایہ کہ میرے کول ایس توں بہتر مذہب ہونا چائیدا اے جیس دا میں ہُنے تیکر تجربہ نئیں کیتا سی … اپنے آپ نوں اِک مسیحی کہنا آں … لیکن افسوس، میں مُردیاں نوں زندہ کر پاواں ایہدے مقابلے وِچ، میں ایس توں زیادہ ایہ کام نئیں کرسکدا سی (جوزف ہارٹJoseph Hart، ہارٹ دے حمدوثنا دے گیت Hart’s Hymns، اولڈ پاتھز گوسپل پریس، 1965 دوبارہ اشاعت، دیباچہ، صفحات v۔vi)۔

میرا اِک بیلی، ایریزونا دے اِک شہر ٹیمپ وِچ اِک پادری، ہر چند دِناں بعد میرے نال ٹیلی فون تے گل کردا سی کیوں جے اُو ہولی ہولی مر رہیا سی۔ اُوہنا بُہتیریاں گلاں وِچوں ہر اِک وِچ اُوہنے ایس سوال تے سوچیا تے حیران کیتا کہ اَج ساڈے گرجا گھراں وِچ گناہ دی ایہنی گھٹ سزا کیوں اے؟ ’’میں حیران آں کہ اَج گناہ دی ایہنی گھٹ سزا کیوں اے؟‘‘ اُو ساڈی ہر گفتگو وِچ کہندا۔ میں جانندا سی کہ اُو مر رہیا اے، کینسر دے شدید درد وِچ جیہڑا اُوہدے سارے جسم وِچ پھیل چکیا سی، ایس لئی میں کوئی مشورہ نئیں دِتا، بلکہ اُوہدے مردے ہوئے خیالات تے دخل اندازی کرن دے بجائے محض سُنیا۔ ’’میہنوں حیرت اے کہ اَج تہاڈے وِچ گناہ دی ایہنی گھٹ سزا اے؟‘‘ اُوہناں نے اُو گل ساڈی گفتگو وِچ بار بار کہی۔ ایس گل نے اُوہنوں پریشان کیتا جدوں اُو اُوتھے مر رہیا سی۔ میں تھوڑے عرصے بعد اُوہناں دے جنازے دے لئی ایریزونا گیا۔ بہتیرے سرکردہ مبلغین نے گل کیتی، لیکن میہنوں یاد نئیں کہ اُوہناں نے کی کہیا سی۔ جدوں میں اُوتھے اُوہدے گرجا گھر دے بھرے مقدس مقام وِچ بیٹھا سی، میں اُوہدے سوال د ے بارے وِچ سوچدا رہیا، ’’اَج گناہ دی ایہنی گھٹ سزا کیوں اے؟‘‘ اُوہدے الفاظ میرے دماغ وِچ پوری جنازے دے دوران گردش کردے رئے۔

ہولی ہولی، اُوہدے جنازے دے بعد ہفتیاں تے مہینیاں وِچ، آخرکار میں اِک جواب تے پہنچیا۔ میں محسوس کرنا شروع کیتا کہ اُوہدا سوال اِک انتہائی اہم سوال اے، درحقیقت ایہناں بُرے دِناں وِچ سب توں اہم گل جیہڑی اِک مبلغ سوچ سکدا اے۔ تے ہُن میہنوں لگدا اے کہ میرے کول جواب اے۔ اَسی گناہ دی سزا ایویں نئیں ویکھدے جیہدا جوزف ہارٹ، تے بہتیرے دوجےلوکاں نے پہلی عظیم بیداری وِچ، وڈے پیمانے تے تجربہ کیتا کیوں جے اَسی مجرمانہ واعظاں دی تبلیغ کرن دا رجحان نئیں رکھدے، تے ساڈے وِچوں بہوتی گھٹ لوکی خلوص نال دعا کردے نے کہ گمراہ ہوئے لوکاں دی جان نوں سزا دین آلی ایہو جئی اذیت دا سامنا کرنا پیہئے جیہو جئی جوزف ہارٹ تے ہزاہا دوجے لوکاں نے محسوس کیتا، بہتر تے روحانی طور تے زیادہ روشن خیال اوقات وِچ۔ اَسی ہُن سوچنے آں کہ ہارٹ وگری سزا اہم نئیں اے، شاید منفرد، یا نفسیاتی طور تے عجیب اے۔ ہُن اَسی سوچنے آں کہ سانوں صرف بائبل دی تعلیم دین دی لوڑ اے، تے لوکاں دے لئی اینج دی سزا دی تلاش دے لئی دعا تے تبلیغ کرن دی لوڑ نئیں۔ مبلغین فوری فیصلے نال مطمئن ہو گئے نے، تے اُو جان دی اذیت نوں بُھل گئے نے جیہدا تجربہ ساڈے آباؤ اِجداد نے کیتا سی جدوں اُوہناں نے مسیح وِچ ایمان لیہیان دی حقیقی تبدیلی دا تجربہ کیتا سی۔ لیکن میں ’’مسیح دے لئی‘‘ فوری تے غیر جذباتی فیصلیاں نال مطمئن نئیں آں۔ میں جاننا آں کہ ایہو جئے ’’فیصلے‘‘ انسانی دِل نوں حقیقی معنیاں وِچ تبدیل نئیں کرن گے۔ مسیح وِچ ایمان لیہیان دی حقیقی تبدیلیاں تقریباً ہمیشہ جان دے کُجھ اذیتاں دے نال ہوندیاں نے جِنہاں نال جوزف ہارٹ اپنی مسیح وِچ ایمان لیہیان دی تبدیلی دے دوران گزرے سن، جیہڑی اُوس زمانے وِچ بہوتی عام سی، لیکن ساڈے زمانے وِچ بہوتی گھٹ اے۔

تے، ایس لئی میہنوں گناہ دی سچی دِل دہلا دین آلی سزا دی حقیقت دے بارے وِچ تبلیغ کرنی چائیدی اے۔ میہنوں تہانوں ماضی دے حیاتِ نو دے حقیقی مرداں تے عورتاں دی اپنی تبلیغ وِچ مثالاں دیہنی چائیدیاں نے جِنہاں نے اپنے دِلاں دی انتہائی بُری حالت نوں جان لیہیا سی۔ یاد رکھو کہ 18ویں صدی دے عظیم مبشر جارج وائٹ فیلڈ نے جذبات توں لبریز پھٹ پڑن نوں تیار دِل دے نال بار بار اپنی اَکھاں وِچ اَتھرو دے نال کہیا سی کہ کوئی وی حقیقی معنیاں وِچ مسیح چہ ایمان لیہیا کے اُودھوں تیکر تبدیل نئیں ہو سکدا جدوں تیکر کہ اُوہنوں یقین نہ ہووے کہ اُو اِک مکمل طور تے منحرف گنہگار اے، ایہ گل ایہنوں محسوس کرن تے مجبور کردی اے،

’’ہائے! میں کیہو جہیا بدبخت آدمی آں! ایس موت دے بدن توں میہنوں کون چُھڑائے گا؟‘‘ (رومیوں 7: 24)۔

خدا دی عطا کردہ ایہو جئی اندرونی مایوسی دے بغیر، بہوتا گھٹ ای اے جے کوئی مسیح وِچ آرام پاندا اے، یا اُوہدے کفارہ دین آلے لہو توں پاک ہوندا اے۔

تے تہاڈا اپنی جان دے بارے وِچ کی خیال اے؟ کی تُسی مسیح دی نجات دی پیشکش دے بارے وِچ سرد اُو؟ جے تُسی اُو، تے کی ایہ ایس لئی نئیں اے کہ تُسی اپنے دِل دی ایس خوفناک فطرت نوں محسوس نئیں کیتا؟ کی ایہ ایس لئی نئیں اے کہ تُسی ایہ سمجھن وِچ ناکام رئے اُو کہ تُسی اِک ناپاک شے اُو، کہ تہانوں اپنے دِل وِچ یسوع دی کوئی لوڑ محسوس نئیں ہوندی؟

جے تُسی محسوس کیتا ہوندا کہ تہاڈا دِل خراب تے بُرا سی تے تُسی مسیح دے کول دوڑے چلے آندے، کوئی سوال نئیں کردے، اُوہدے کول کیویں آنا اے ایس بارے وِچ کوئی جواب تلاش نہ کردے۔ تُسی یسوع دے کول دوڑے آندے، اُوہدے قدماں وِچ ڈِگدے، تے تہاڈی تباہ شُدہ جان نوں بچان دے لئی اُوہدے کولوں اِلتجا کردے، جیہڑی گناہ دی وجہ توں ایس قدر زخمی تے مُردہ اے۔

ویکھو، اُو تہاڈے لئی سولی تے مردا اے، تہاڈے گناہ دی بھیانک قیمت ادا کرن دے لئی! ویکھو، اُو مُردیاں وِچوں جی اُٹھدا اے تاکہ تہاڈی برگشتگی توں تباہ ہوئی تے مسخ شدہ خستہ حال جان نوں حیاتی بخشے! جے تُسی اپنی بگڑی ہوئی حالت نوں تھوڑا جیہا وی محسوس کردے اُو، تے مسیح وَل دوڑے چلے آؤ، فیر سر تے بل چھال لگاؤ، اُوہدی بانہواں وِچ، تے یسوع تہاڈی بدحالی نوں ٹھیک کر دے گا ’’تے تہاڈے اندر اِک صحیح روح بحال کرے گا‘‘۔ جے تُسی اپنے گناہ نوں ذرا جیہا وی محسوس کردے نے، تے فوراً یسوع دے کول آؤ! ’’سُرخی مائل سیلاب وِچ ہںے ڈبکی لگاؤ جیہڑی برف وانگوں سفید شفاف کر دیہندا اے!‘‘

کیوں جے یسوع نے اپنا بیش قیمت لہو وگایا،
   یسوع نے عطا کرن دے لئی بکثرت برکات دِتیاں،
سُرخی مائل سیلاب وِچ ہُنے ڈُبکی لگاؤ
   جیہڑا برف وانگوں سفید شفاف دھو ڈالدا اے۔
صرف اُوس ای تے پروہسا کرو، صرف اُوس ای تے پروہسا کرو،
   ہُنے صرف اُوس تے ای پروہسا کرو،
اُو تہانوں بچائے گا، اُو تہانوں بچائے گا،
   اُو ہُنے تہانوں بچائے گا۔
(’’صرف اُوس ای تے پروہسا کروOnly Trust Him ‘‘ شاعر جان ایچ. سٹاکٹن John H. Stockton، 1813۔1877).

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔