ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پہلی عظیم بیداری دا آغاز 1737 وِچ نیو انگلینڈ وِچ ہویا۔ جوناتھن ایڈورڈز نے ایہدے بارے چہ اپنی کتاب خدا دے اُس حیرت انگیز کام دا سچا بیان، جیس دے ذریعے سینکڑوں لوکاں نے ایمان قبول کیتا A Faithful Narrative of the Surprising Work of God in the Conversion of Many Hundred Souls. وِچ لکھیا اے۔ ڈاکٹر آئزک واٹس، مشہور حمدوثنا دے مصنف، تے ڈاکٹر جان گائس نے ایڈورڈز دی کتاب دے پہلے ایڈیشن دا تعارف لکھیا۔ اُوہناں نے کہیا،

جیتھے کِدرے وی خدا انساناں دے ذہناں تے نجات دے لئی اپنی قدرت دے نال کام کردا اے، اُوتھے گناہ دے احساس تے خدا دے غضب دے خطرے دا کُجھ نہ کُجھ اِدراک ضرور پیدا ہوندا اے (جوناتھن ایڈورڈز دے کام The Works of Jonathan Edwards، دی بینر آف ٹروتھ ٹرسٹ، 1992 ایڈیشن، جلد اول، صفحہ 345)۔

سارے حقیقی حیاتِ نو دا آغاز ایس ویلے ہوندا اے جدوں لوکی گناہ دا گہرا احساس محسوس کردے نے۔ اسکاٹ لینڈ وِچ 1859 دے حیاتِ نو دے اِک عینی شاہد نے کہیا،

ایس وِچ سب توں نمایاں پہلو گناہ دا شدید احساس سی … اُوتھے بُڈھے، سفید والاں آلے مرد تے عورتاں، نوجوان مرد تے کُڑیاں موجود سن، جیہڑے ایویں رو رئے تے سسکیاں لے رئے سن جیویں غم دے مارے اُوہناں دے دِل پھٹ جان گے (1959 تے 60 دے حیات نو دی یاداں Reminiscences of the Revival of ’59 and the Sixties، یونیورسٹی پریس، 1910، صفحات xii، 90)۔

اِک حیاتِ نو وِچ لوکاں دی اِک وڈی تعداد دے نال جو کُجھ ہوندا اے اُو افراد دے نال وی ہوندا اے جدوں اُو مسیح چہ ایمان لیہیا کے تبدیل ہوندے نے۔ گناہ دا احساس، بوہتا یا گھٹ حد تیکر، عام طور تے حقیقی تبدیلیاں دے تجربے وِچ پایا جاندا اے۔ جدوں پطرس نے پینتیکوست دے موقع تے منادی کیتی تے جیہڑا ہویا اُو غیر معمولی نئیں سی۔ ایہ باقاعدہ طریقہ اے، معمول دا طریقہ، جیہدے نال لوکی حقیقی تبدیلی دا تجربہ کردے نے۔

’’ہُن جدوں اُوہناں نے ایہ گلاں سُنیاں تے اُوہناں دے دِلاں تے سٹ وجی …‘‘ (اعمال 2: 37)۔

یونانی لفظ جیس دا ترجمہ ’’چُبھناpricked ‘‘ کیتا گیا اے، ایہدا مطلب اے ’’چھید کر دینا، یا شدت نال ڈنک مارنا۔ ایہ لفظ ایہو جئے تکلیف دہ جذبات دے لئی اِستعمال ہوندا اے جیہڑے دِل وِچ ایویں اُتر جاندے نے جیویں کوئی شے ڈنک وانگوں چُبھ رئی ہووے‘‘ (فرٹز رینیکر Fritz Rienecker، نئے عہدنامے دی زباندانی دی کُلید A linguistic Key to the New Testament، زونڈروان پبلشنگ ہاؤسZondervan Publishing House، 1980، اعمال 2:37 تے غور طلب گل)۔

’’ہُن جدوں اُوہناں نے ایہ گلاں سُنیاں تے اُوہناں دے دِلاں تے سٹ وجی …‘‘ (اعمال 2: 37)۔

اُوہناں نے دردناک جذبات دا اِک تجربہ کیتا، جیس نال اُوہناں دے دِلا تے سَٹ وَجی۔

جدوں پطرس نے اپنا واعظ ختم کیتا تے اُوہناں دے دِل چھید گئے۔ درد بھرے جذبات نال اُو پکار اُٹھے،

’’بھراہوو اَسی کی کریے؟‘‘ (اعمال 2: 37)۔

میں دعا کرنا آں کہ اَج سویرے ایتھے موجود کوئی ایہو جیہا بندہ، جیس نے ہُنے تیکر مسیح چہ ایمان قبول نئیں کیتا، اُوہدے دِل وِچ کسک پیدا ہووے تے اُو اپنے دِل ای دِل وِچ کہوے: ’’میں کی کراں؟‘‘

’’ہُن جدوں اُوہناں نے ایہ گلاں سُنیاں تے اُوہناں دے دِلاں تے سٹ وِجی تے اُوہنوں نے پطرس نوں تے باقی رسولاں نوں کہیا، اے بھراہوو، اَسی کی کریے؟‘‘ (اعمال 2: 37)۔

اَج سویرے میرا موضوع ’دِل دا چھدنا‘ (یا دِل وِچ چُبھن) اے۔ میں تہاڈے سامنے چار نکات پیش کراں گا: پہلا، اُوہدی لوڑ؛ دوجا، اُوہدا فقدان؛ دیجا، اُوہدا اثر؛ تے چوتھا، اُوہدا ذریعہ۔

I۔ پہلی گل، دِل وِچ چبھن (یا احساس ملامت) دی لوڑ۔

سپرجیئن نے کہیا،

نجات بخش اثر ہمیشہ دل وِچ اِک چبھن پیدا کردا اے … مبلغین اپنے سُنن آلیاں تے بہوتا اثرات مرتب کردے نے، مگر خوش نصیب اے اُو واعظ جیہڑا اُوہناں دے دِلاں دے عین اندر اِک زخم (یا چبھن) پیدا کر دے۔ نجات بخش اثر دا دِل وِچ قائل ہونا ضروری اے، کیوں جے ہر سچے مذیب دا آغاز اُودہروں ای ہوندا اے (سی ایچ سپرجیئن، ”دِل دا چھیدا جانا یا دِل تے سَٹ وجنا“، میٹروپولیٹن عبادت گاہ دی واعظ گاہ The Metropolitan Tabernacle Pulpit، پلگرم پبلیکیشنز، 1978 دی اشاعتِ نو، جلد LIV، صفحہ 254)۔

’’ہر سچا مذہب اُودہروں ای شروع ہوندا اے۔‘‘ کِدرہوں؟ دِل توں۔ دماغ وِچ نئیں، بلکہ دِل وِچ۔ میں پچھلے اِتوار دی سویرے کہیا سی کہ انسان دا مسئلہ فکری (ذہنی) نئیں اے۔ میں کہیا کہ انسان دا مسئلہ گناہ اے۔ چونکہ ایہ گل سچ اے، ایس لئی محض انجیل دے حقائق تے یقین کر لین نال کوئی شخص نجات نئیں پا سکدا۔ تبدیلی (ایمانی تبدیلی) ذہن وِچ نئیں ہوندی، بلکہ ایہ دِل وِچ ہوندی اے۔

’’کیوں جے انسان دِل نال ایمان لیہیاندا اے جیس نال اُو راستباز ٹھہراندا اے۔‘‘ (رومیوں 10: 10)۔

بائبل وِچ، ’’دِل‘‘ توں مراد انسان دی باطنی حیاتی دا مرکز تے ضمیر دا مقام اے۔ لیکن انسان دا دِل گناہ دی وجہ توں وِگڑ گیا اے تے ناپاک ہو گیا اے۔ یرمیاہ نبی نے کہیا،

’’دِل ساری شیواں توں زیادہ دغا باز تے انتہائی بُرا اے‘‘ (یرمیاہ 17: 9)۔

تہاڈے دِل دا اندرونی فریب تے شرارت تہانوں حقیقت ویکھن توں انّہا کر دیہندی اے، تے تہانوں خود فریبی دی حالت وِچ رکھدی اے۔

اینج دے ای موقع تے روح القدس دا کردار سامنے آندا اے۔

’’جدوں اُو آئے گا تے دُنیا نوں گناہ دے بارے وِچ قصوروار ٹھہرائے گا‘‘ (یوحنا 16: 8)۔

گنہگاراں دی ایمان دی تبدیلی دا عام طریقہ ایہ اے کہ روح القدس، خدا دے کلام دی منادی دے ذریعے عمل کردے ہوئے، مسیح چہ ایمان نہ لیہیائے ہوئے بندے دی ملامت کردا اے، ایہنوں ٹوکدا اے تے اُیہنوں اُوہدے گناہ دا احساس دِلاندا اے۔ یوحنا 16: 8 تے جنیوا بائبلGeneva Bible دی حاشیے وِچ غور طلب گل کہندی اے: ’’خدا دی روح کلام دی منادی دے ذریعے ایہنی قوت نال کام کردی اے کہ اُو دُنیا نوں … اپنی ناراستی دا اِقرار کرن تے مجبور کر دیہندی اے‘‘ (جنیوا بائبل 1599 ، ٹول لیگے پریس، 2006 دوبارہ اشاعت، یوحنا 16: 8 تے حاشیے وِچ غور طلب بات)۔ خدا کی روح دا ایہ کام، یعنی گناہ دا احساس دِلانا تے ملامت کرنا، تہاڈے دِل وِچ ایہ احساس پیدا کردا اے کہ تُسی خدا دی نظر وِچ اِک گنہگار اُو۔

ایہ محض حقائق دی واقفیت نئیں اے! ایہ انجیل تے محض اِک ذہنی یقین وی نئیں اے! ہرگز نئیں! ایہ تے تہاڈا اُو فریب کار، انتہائی شریر تے دھوکے باز دِل اے جِنہوں خدا دی روح، جیہڑی خدا دے کلام دی منادی دے ذریعے عمل پیرا ہوندی اے، گہرائی تیکر چیر دیہندی اے؛ ایتھوں تیکر کہ تہاڈا ضمیر چھلنی ہو جاندا اے تے تہانوں ایس حقیقت دا سامنا کرنا پیہندا اے کہ تُسی اِک گنہگار اُو، اپنے گناہ وِچ بھٹکے ہوئے اُو، خود فریبی وِچ اُلجھے ہوئے اُو، تے اپنے ای دِل دی شدید شرارت دی وجہ توں ہلاکت دے دہانے تے کھلوتے اُو!

’’جدوں اُو آئے گا تے دُنیا نوں گناہ دے بارے وِچ قصوروار ٹھہرائے گا‘‘ (یوحنا 16: 8)۔

’’ہُن جدوں اُوہناں نے ایہ گلاں سُنیاں تے اُوہناں دے دِلاں تے سٹ وجی …‘‘ (اعمال 2: 37)۔

تے میں کہنا آں کہ ایہ ’چبھن‘ انتہائی ضروری اے؛ ایہ ایمان دی تبدیلی (توبہ) دا آغاز اے، تے ایہدے بغیر کوئی حقیقی تبدیلی ممکن ای نئیں، صرف اِک جھوٹ تبدیلی، محض اِک کھوکھلا دعویٰ، تے محض اِک بے جان ’’فیصلہ پرستی‘‘ باقی رہ جاندی اے۔

’’ہُن جدوں اُوہناں نے ایہ گلاں سُنیاں تے اُوہناں دے دِلاں تے سٹ وجی …‘‘ (اعمال 2: 37)۔

II۔ دوجی گل، دِل وِچ ایس چبھن دا نہ ہونا۔

سپرجیئن نے کہیا،

جے ایہ کام واقعی دِل دی گہرائیاں نال نہ کیتا گیا ہووے، تے ایہ قائم نئیں رئے گا۔ بہتیرے لوکاں دے راہ حق توں ہٹ جان دی وجہ ایہ اے کہ اُوہناں نے اپنی بنیاد ریت تے رکھی سی؛ یعنی کوئی گہری بنیاد نئیں پائی گئی سی۔ روح دی نجات دا کام، اُو کام جیہڑا پائیدا ہوندا اے، اُو اے جیس وِچ خدا انسان دے ضمیر وِچ بہوتی گہرائی تیکر ہل چلاندا اے … ایہ ہوندا اے … مکمل راسخ عقیدے تے یقین، نہ کہ محض ایمان دا زبانی دعویٰ، جیہڑا اَخیر تیکر قائم رہندا اے۔ جے کوئی اثر دِل وِچ چبھن پیدا نہ کرے، تے اُو محض عارضی ہووے گا؛ تے جدوں ایہ اثر زائل ہو جائے گا تے اُوہدے نتیجے بُرے نکلن گے، کیوں جے شاید ایہو جئے لوکاں نوں متاثر کرنا سب توں مشکل ہوندا اے جیہڑے کئی وری متاثر تے ہوئے، مگر نجات نہ پا سکے … اِک عام اصطلاح وِچ کہیا جائے تے، اُو انجیل دے پیغام دے سامنے سخت دِل ہو چکے نے؛ تے کسی وی انسان دا ایس حالت تیکر پہنچ جانا انتہائی تشویشناک اَمر اے (سپرجیئن، حوالہ مذکورibid.، صفحات 256-257)۔

خدا دی روح دے سَٹ لگائے بغیر، ایمان دی کوئی تبدیلی نئیں ہووے گی۔ ویلہ آن تے خدا تہانوں کہے گا،

”میں ہُن فیر ایہناں نوں نئیں چھڈاں گا‘‘ (عاموس 7: 8؛ 8: 2)۔

تے اُوس دِن، ضمیر نوں چبھن آلا احساس مذید کدی نئیں ہووے گا۔ تہاڈا دِل ہمیشہ دے لئی پتھر وانگوں ہو جائے گا۔ تے خدا تہانوں نئیں چھڈے گا۔ تُسی اُو گناہ کر چکے ہوو گے جیس دی معافی ممکن نئیں۔ ہُن، ہمیشہ دے لئی، خوشخبری ہو جائے گی

’’تہاڈی نظراں توں اوجھل‘‘ (لوقا 19: 42)۔

جے خدا تہانوں اونج ای چھڈ دے جیویں تُسی ہُن اُو، تے تہاڈا کی بنے گا؟ جے تہاڈا ضمیر بیدار نہ ہووے، تے تہانوں اپنے گناہواں تے پچھتاوا یا احساسِ جرم نہ ہووے، تے فیر تہاڈا کی ہوئے گا؟ میں تہانوں دسنا آں کہ کی ہوئے گا۔ خدا تہانوں

’’گمراہی [ناپسندیدہ خیالات تے نامناسب حرکات] دا شکار ہون دے گا‘‘ (رومیوں 1: 28)۔

تے جدوں خدا تہانوں ایہو جئی گمراہی دے حوالے کر دیہندا اے، تے تہاڈا سخت ہو چکیا دِل مع

اور جب خدا آپ کو ایسی گمراہی کے حوالے کر دیتا ہے، تو آپ کا سخت ہو چکا دل

’’اُوس دِن اپنے حق وِچ قہر دے لئی غضب کما رہیا اے جدوں خدا دا سچا انصاف ظاہر ہووے گا۔ اُو ہر بندے نوں اُوہدے اعمال دے مطابق بدلہ دے گا‘‘ (رومیوں 2: 5۔6)۔

جدوں تہاڈے دِل وِچ مذید ہُور سَٹ نئیں لگدی اے تے تُسی اِک مُردے وانگوں زندہ بندے دی حیاتی لنگا رئے ہوو گے،

’’دُںیا وِچ خدا تے اُمید دے بغیر‘‘ افسیوں 2: 12)۔

’’ہُن جدوں اُوہناں نے ایہ گلاں سُنیاں تے اُوہناں دے دِلاں تے سٹ وجی …‘‘ (اعمال 2: 37)۔

III. تیجی گل، دِل دی ایس چبھن دا اثر۔

اُوہناں دے دِلاں دے چھد جان دا کی نتیجہ نکلیا؟ اُوہدا کی انجام ہویا؟ اُوہنے اُوہناں نوں کی کرن تے آمادہ کیتا؟ تلاوت دا دوجا حصہ ایس دا جواب فراہم کردا اے۔

’’ہُن جدوں اُوہناں نے ایہ گلاں سُنیاں تے اُوہناں دے دِلاں تے سٹ وِجی تے اُوہنوں نے پطرس نوں تے باقی رسولاں نوں کہیا، اے بھراہوو، اَسی کی کریے؟‘‘ (اعمال 2: 37)۔

اُوہناں دے ضمیراں دے چھیدے جان نے اُوہناں نوں چیخن تے مجبور کر دِتا،

’’اے لوکو، اَسی کی کریے؟‘‘ (اعمال 2: 37)۔

کوئی وی حقیقی جذبیاں یا طاقت دے نال اُوس ویلے تیکر یہ نئیں کہے گا جدوں تیکر کہ اُوہدے دِل وِچ خدا دی روح نہ چُبھ جائے۔ اُو سوچے گا کہ اُو بالکل جانندا اے کہ کی کرنا اے! اُو سوچے گا کہ اُو جواب جانندا اے۔ اُو سوچے گا کہ اُوہنے ایہ سب سمجھ لیہیا اے۔ اُو سوچے گا، ’’جے میں صرف ایہ، یا ایہ کراں گا، تے میں بچ جاواں گا۔‘‘ صرف جدوں خدا دی روح دا یقین اُوہدے دِؒ نوں چھیددا اے تے اُو پوری شدت نال پکارے گا،

’’[میں] کی کراں؟‘‘

اَسی انجیل دے تعلیمات نوں بار بار دہرا سکنے آں، لیکن ایہدے نال تہانوں اُودھوں تیکر کوئی خاص فائدہ نئیں ہووے گا جدوں تیکر کہ خدا دا روح تہاڈے ضمیر نوں جھنجھوڑ نہ دے۔ فیر، جدوں تُسی (ایس سَٹ نال) گھائل ہووے گے، فیر تُسی یسوع دے بارے وِچ ساڈی گلاں سُنو گے، کہ کیویں اُوہدی موت تہاڈے گناہواں دا کفارہ بنی، تے کیویں اُوہدا لہو تہاڈی غلاظت نوں دھو ڈالدا اے۔ لیکن تُسی مسیح نوں تھام نئیں سکو گے، اُوہدے اَگے سر نوں نئیں جُھکا پاؤ گے، تے ساڈی گلاں نال تہانوں نجات دی کوئی مدد نئیں لبھے گی، جدوں تیکر کہ تہاڈا دِل چھلنی نہ ہو جائے تے تُسی اپنے دِل تے اپنی حیاتی دی عظیم بُرائی نوں پوری وضاحت دے نال محسوس نہ کر لوؤ۔

’’ہُن جدوں اُوہناں نے ایہ گلاں سُنیاں تے اُوہناں دے دِلاں تے سٹ وِجی تے اُوہنوں نے پطرس نوں تے باقی رسولاں نوں کہیا، اے بھراہوو، اَسی کی کریے؟‘‘ (اعمال 2: 37)۔

بالکل ایہو ای سی جیہڑا پولوس رسول دی مسیح وِچ ایمان لیہیان دی تبدیلی چہ رونما ہویا سی۔

’’تے اُوہنے پُچھیا، اے خداوند، تو کون اے؟ تے خداوند نے کہیا، میں یسوع آں جِنہوں تو ستا رہیا اے: تیرے لئی کنڈیاں تے لَت مارنا مشکل اے۔ تے اُو کنبدے ہوئے تے حیران ہو کے بولیا، ’’اے خداوند، تے کی چاہندا اے کہ میں کراں؟‘‘ تے خداوند نے اُوہنوں کہیا، اُٹھ تے شہر وِچ داخل ہو، تے تیہنوں دسیا جائے گا کہ تیہنوں کی کرنا اے‘‘ (اعمال 9: 5۔6)۔

اُوہنے کپکپاہٹ تے حیرت نال کہیا،

’’خداوند توں کی چاہندا اے کہ میں کراں؟‘‘ (اعمال 9: 6)۔

ایہو ای سی جیہڑا فلپی وِچ قیدخانے تے نگران دے نال رونما ہویا سی۔ اُو

’’کنبدا ہویا آیا تے پولوس تے سیلاس دے اَگے ڈِگ پیہیا … تے کہیا، جناب! نجات پان دے لئی میہنوں کی کرنا چائیدا اے؟‘‘ (اعمال 16: 29۔30)۔

’’ہُن جدوں اُوہناں نے ایہ گلاں سُنیاں تے اُوہناں دے دِلاں تے سٹ وِجی تے اُوہنوں نے پطرس نوں تے باقی رسولاں نوں کہیا، اے بھراہوو، اَسی کی کریے؟‘‘ (اعمال 2: 37)۔

پس، ایہ گل واضح اے کہ تہاڈے ضمیر دی ایہ خلش تہانوں ایس احساس تیکر لے آئے گی کہ تہانوں ماڑا جیہا اندازہ وی نئیں کہ نجات کیویں حاصل کیتی جائے! ایہ تہانوں ایہ جتان دی کوشش کرے گی کہ تُسی ایہدے بارے وِچ کُجھ وی نئیں جانندے۔ فیر تہانوں محسوس ہووے گا کہ تُسی کُجھ نئیں جانندے، بلکہ تُس خوشخبری یعنی انجیل توں ایہنے ای ناواقف تے اُوہدے معاملے وِچ ایہنے ای نابینا اُو، جِنہا کہ کوئی ایہو جیہا غیر قوم بندہ جیہڑا کدی گرجا گھر وِچ نئیں گیا۔ ایہ کیفیت تہانوں خدا دے حضور نرم تے سیکھن دے لئی تیار بنا دے گی۔

شریعت دے ہتھوں ذبح ہو کے تے خدا دی روح دے ذریعے گہرے گھاؤ کھا کے، تُسی عاجزی تے سنجیدگی دے نال آؤ گے تے کہوو گے،

’’اے بھراہوو، [میں] کی کراں؟‘‘ (اعمال 2: 37)۔

IV. چوتھی گل، دِل وِچ ایس چبھن دا بنیاد ذریعہ۔

ایہو جئے کئی طریقے نے جِنہاں نال خدا دی روح قانون نوں گنہگاراں دے دِل وِچ چُبھن دے لئی لاگو کردی اے۔ اکثر اُو اُوہناں نوں کسی خاص گناہ دی یاد دلاندا اے جیہڑا اُوہناں نے ماضی وِچ کیتا اے۔ اُو تہاڈے وِچ اینج کر سکدا اے۔ اُو تہانوں کسی ایہو جئی شے دی یاد دِلا سکدا اے جیہدے نال تُسی شرمندہ اُو، تے ایویں تہاڈے دِل نوں چُبھن ہو سکدی اے۔

لیکن گہرا چھیدنا اکثر اُودھوں ہوندا اے جدوں اِک بھٹکیا ہویا بندہ محسوس کردا اے کہ اُوہدی انتہائی فطرت ای گناہ اے۔ فیر اُوہنوں ایہ احساس دِلایا جاندا اے کہ

”پاؤں دے تلوے توں لے کے سر تیکر ایس وِچ کوئی وی تھاں سلامت نئیں؛ بلکہ زخم، سَٹاں تے سڑدے ہوئے ناسور نے۔‘‘ (اشعیا 1: 6)۔

لیکن خدا جیس بنیادی طریقے نال ضمیر نوں جھنجھوڑدا اے، اُو اُوہی طریقہ اے جیہڑا پینتیکوست دے موقع تے پطرس دے واعظ وِچ نظر آندا اے۔

’’ہُں جدوں اُوہناں نے ایہ گلاں سُںیاں تے اُوہناں دے دِلاں تے سَٹ وجی …‘‘ (اعمال 2: 37)۔

ایہ ’’کی‘‘ سی؟ آیت 36 تے نظر پاؤ۔

’’ایس لئی اسرائیل دے سارے لوکاں نوں معلوم ہووے کہ اُسی نے یسوع نوں جِنہوں تُسی سولی تے چڑھیا، خداوند وی ٹھہرایا تے مسیح وی‘‘ (اعمال 2: 36)۔

’’خداوند نے یسوع نوں جِنہوں تُسی سولی تے چڑھیا، خداوند وی ٹھہرایا تے مسیح وی‘‘ (اعمال 2: 36)۔

’’ہُں جدوں اُوہناں نے ایہ گلاں سُںیاں تے اُوہناں دے دِلاں تے سَٹ وجی …‘‘ (اعمال 2: 37)۔

اَسی ایہناں لفظاں نوں وڈی احتیاط دے نال بیان کرنے آں، اینج نہ ہووے کہ اَسی یہود دشمنی دے گناہ دا جواز یا تائید کردے ہوئے وکھائی دیے۔ زیادہ تر لوکی جِنہاں نال پطرس نے گل کیتی سی اُوہناں دا ذاتی طور تے مصلوب کیتے گئے نال کوئی تعلق نئیں سی۔ ایہناں وِچوں زیادہ تر تے اُو زائرین سن جیہڑے حال ای وِچ یروشلم وِچ پینتیکوست دی عید منان آئے سن۔ تے ایہناں وِچوں بہتیرے متفرق سن، ایتھوں تیکر کہ یہودی والدین دے ہاں پیدا نئیں ہوئے۔ ایہ جشن عید فسح دے پچاس دِن بعد منایا گیا جدوں یسوع نوں سولی تے چڑھایا گیا۔ تقریباً سارے لوکی فسح دے لئی آئے سن گھر جا چکے ہون گے۔ لہٰذا، ایہناں وِچوں اکثر لوکی یروشلم وِچ وی نئیں سی جدوں مسیح نوں سولی تے چڑھیا گیا سی۔ اُوس ویلے وی، پینطُس پیلاطوس دے ماتحت، ایہ رومی سپاہی ای سن، جِنہاں نے درحقیقت ایہدے ہتھاں تے پیراں وِچ کیل ٹھونک دِتے سن۔ چنانچہ جدوں پطرس نے کہیا، ’’جِںہوں تُسی سولی تے چڑھایا اے،‘‘ اُو بہوتی گہری تے مدلل شے دی گل کر رہیا اے۔ اُو مسیح دے کفارہ دی گل کر رہیا اے، تے اُوہدی مصلوبیت نال ساری بنی نوع انسان دے گناہواں دے کفارے دی گل کر رہیا اے۔ یوحنا رسول، جیہڑا مصلوبیت دا چشم دید گواہ سی، نے کہیا،

’’اُو ساڈے گناہواں دا کفارہ اے تے نا صرف ساڈے ای گناہواں دا بلکہ ساری دُنیا دے گناہواں دا کفارہ اے‘‘ (I یوحنا 2: 2)۔

جیویں کہ اشعیا نے کہیا،

’’اُو ساڈی خطاواں دے سبب توں گھائل کیتا گیا، تے ساڈی بداعمالی دے باعث کُچلا گیا: جیہڑی سزا ساڈی سلامتی دا باعث ہوئی اُو اُوہنے چُکی، تے اُوہدے کوڑے کھان نال اَسی شفایاب ہوئے‘‘ (اشعیا 53: 5)۔

تے پولوس رسول نے کہیا،

’’جیہڑا کوئی اُوہدے تے ایمان لیہیائے گا اُو کدی وی شرمندہ نئیں ہوئے گا۔ کیوں جے یہودی تے غیر یہودی وِچ کوئی فرق نئیں ایس لئی کہ اِک اُو ای ساریاں دا خداوند اے تے اُوہناں ساریاں نوں جیہڑے اُوہدا ناں لیہندے نے کثرت نال فیض پہنچاندا اے‘‘ (رومیوں 10: 11۔12)۔

ایہو ای اے جیہڑا پطرس دا مطلب سی جدوں اُوہنے کہیا،

’’خداوند نے یسوع نوں جِنہوں تُسی سولی تے چرھایا، خداوند وی ٹھہریا تے مسیح وی‘‘ (اعمال 2: 36)۔

اُوہنے ایہناں دے ضمیراں نوں جھنجھوڑیا کیوں جے اُوہناں نے محسوس کیتا کہ یسوع نوں اُوہناں دے ذریعے تے اُوہناں دے لئی مصلوب کیتا گیا سی، تے سارے بنی نوع انساناں دے لئی وی۔ میہنوں یقین اے، خواہ کیہنی ای دھیمی ہووے، اُو انجیل دی ایس سچائی دے بارے وِچ کُجھ آگاہی رکھدے سن،

’’اُو ساڈے گناہواں دا کفارہ اے تے نا صرف ساڈے ای گناہواں دا بلکہ ساری دُنیا دے گناہواں دا کفارہ اے‘‘ (I یوحنا 2: 2)۔

’’ہُن جدوں اُوہناں نے ایہ گلاں سُنیاں تے اُوہناں دے دِلاں تے سٹ وِجی تے اُوہنوں نے پطرس نوں تے باقی رسولاں نوں کہیا، اے بھراہوو، اَسی کی کریے؟‘‘ (اعمال 2: 37)۔

سپرجیئن نے کہیا،

لیکن میرے خیال وِچ، گنہگاراں دے دِلاں وِچ کسک پیدا کرن دے لئی خدا جیس اہم ترین وسیلے نوں استعمال کردا اے، اُو یسوع مسیح دی اُو محبت اے جیس دی خاطر اُوہنے جان دِتی۔ مسیح دی سولی وانگوں کوئی ہُور شے دِل نوں گھائل نئیں کردی، بالکل ایویں ای جیویں سولی وانگوں کوئی ہُور شے شفا وی نئیں دیہندی۔ جدوں سانوں معلوم ہوندا اے کہ یسوع نے، اپنی بے پایاں محبت تے رحم دے باعث، ایس زمین تے قدم رکھیا، ساڈے گناہواں دا بوجھ اپنے اُوتے چکیا … تے ساڈے بدلے کلوری دی سولی تے اپنی جان دے دِتی … تے اُوہدے وَل ویکھ کے، جِنہوں اَسی اپنے ہتھاں نال چھلنی کیتا سی، ساڈے اَکھاں توں اتھرو وگن لگدے نے … جی ہاں، لہولہان نجات دہندہ انساناں دے دِلاں نوں وہ لہولہان کر دیہندا اے؛ جدوں اُو چھلنی ہوندا اے، تے ایہناں دے دِل وی چھلنی ہو جاندے نے۔ میہنوں اِک گل دا یقین اے کہ میرے دِل نوں کسی ہُور شے نے ایہناں چھلنی نئیں کیتا جِنہا کہ خدا دے اُوس بے کراں محبت دے انکشاف نے، جیس دے تحت اُوہنے اپنے پیارے پُتر نوں میرے لئی قربان کر دِتا … اے زندہ خدا دی روح! ایتھے موجود خدا دے چُنے ہوئے لوکاں تے ایہو جئی ای روشنی ڈال! اُوہناں دے دِلاں نوں ایویں ای گھائل کر دے، تےفیر اُوہناں نوں اُوس گھائل نجات دہندہ دے کول لے جا؛ تے اُوہناں تے ایہ ظاہر کر دے کہ جیہڑا کوئی اُوہدے تے ایمان لیہیاندا اے، اُوہدے نال خدا نے زمان و مکان دے آغاز توں وی پہلاں محبت کیتی سی، تے اُوس ویلے وی محبت کردا رہووے گا جدوں اُوہدا وجود ای باقی نہ رہووے گا! (سپرجیئن Spurgeon، حوالہ مذکورibid.، صفحات 260-261)۔

مصلوب نجات دہندہ دے خیالات نے پینتیکوست دے دِن ایہناں لوکاں دے دِلاں نوں چھید دِتا، تے ایہناں نوں تہاڈے دِل نوں وی چھیدنا چائیدا اے، جیویں کہ تُسی یسوع دے بارے وِچ سوچدے اُو کہ تہاڈے گناہواں دے لئی، تہاڈی تھاں تے، تہاڈے متبادل دے طور تے مر رہیا اے۔ جیویں کہ بوڑھے جان نیوٹن نے ایہنوں اپنے حمدوثنا دے اِک گیت وِچ تحریر کیتا اے،

میں اِک بندے نوں سولی تے لٹکے ہوئے ویکھیا
   اذیت تے لہو وِچ تر؛
اُوہنے اپنی ناتواں [درد نال بھری] میرے تے ٹکائی ہوئیاں سن
   جدوں میں اُوہدی سولی تے نیڑے کِھلوتا سی۔
کی اُو اِک سولی تے سی،
   کہ نجات دہندہ میرے لئی جان دے گیا؟
میری روح جھوم اُٹھدی اے، میرا دِل بھر آندا اے،
   ایہ سوچ کے کہ اُو میرے لئی جان دے گیا۔

میرے ضمیر نے جرم نوں محسوس کیتا تے ایہنوں تسلیم کر لیہیا،
   تے میہنوں مایوسی دی اتھاہ گہرائیاں وِچ دھکیل دِتا؛
میں ویکھیا کہ میرے گناہ نے ای اُوہدا لہو وگایا،
   تے اُوہنوں سولی تے کیلاں نال جڑن وِچ مدد دِتی۔

میرے ضمیر نے جرم کو محسوس کیا اور اسے تسلیم کر لیا،
   اور مجھے مایوسی کی اتھاہ گہرائیوں میں دھکیل دیا؛
میں نے دیکھا کہ میرے گناہ نے ہی اُس کا خون بہایا،
   اور اُسے صلیب پر کیلوں سے جڑنے میں مدد دی۔
کی اُو اِک سولی تے سی،
   کہ نجات دہندہ میرے لئی جان دے گیا؟
میری روح جھوم اُٹھدی اے، میرا دِل بھر آندا اے،
   ایہ سوچ کے کہ اُو میرے لئی جان دے گیا۔
(’’اُو میرے لئی مریا سی He Died For Me‘‘ شاعر جان نیوٹن John Newton، 1725۔1807)۔

جے تہاڈا دِل ایس خیال نال ٹرپ اُٹھدا اے کہ یسوع نے تہاڈی تھاں موت قبول کیتی، تاکہ تہانوں گناہ دی ہولناک سزا توں بچا سکے، تےفیر اُوہدے کول آؤ؛ اُوتھے تہانوں اپنی روح دے لئی سکون لبھے گا، تے اپنے زخمی ضمیر نوں شفا دین دے لئی مکمل دوا نصیب ہووے گی۔ تہاڈے نال اینج ای ہووے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔