صرف آٹھ لوکاں نے نجات پائی سی!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر جان سی وٹکومبDr. John C. Whitcomb تے ڈاکٹر ہنری ایم مورس Dr. Henry M. Morris نے اندازہ لایا کہ نوح دے زمانے وِچ ’’زمین دی کُل آبادی 1,030 ملین رئی ہووے گی‘‘ (پیدائش [دی کتاب وِچ] سیلاب The Genesis Flood، بیکر بک ہاؤس، 1983 ایڈیشن، صفحہ 26)۔ ایہدا مطلب اے کہ عظیم سیلاب دے ویلے زمین تے تقریباً اِک ارب لوکی سن۔ ایہ اُو ای تعداد اے جیہڑی 1850 وِچ زمین تے موجود سی۔ اَج زمین تے تقریباً سَت ارب لوکی نے۔ جے اَج ایس ای فیصد [دے تناسب نال لوکاں] نوں بچایا جائے تے زمین تے 7 بلین [لوکاں] دے نال، صرف 56 لوکی بچ پاندے نے!

’’چند ای، یعنی کہ، صرف اَٹھ لوکاں نے ای نجات پائی سی‘‘ (I پطرس 3: 20)۔

’’جیویں نوح دے دِناں وِچ ہویا سی اُونج ای ابنِ آدم دی آمد دے ویلے ہووے گا‘‘ (متی 24: 37)۔

اُوویں اَج کل کیہنے لوکی نجات پا گئے نے؟ ایہ ہُںے تیکر عددی طور تے ایہنا بُرا نئیں ہو سکدا اے، لیکن میہنوں یقین اے کہ ایہ ایس توں کِدرے بہوتا بدتر اے جیہدا اَج کسی نوں احساس اے۔ میرے خیال وِچ بہوتے وڈے وڈے عظیم گرجا گھر نے جیتھے مسیح چہ ایمان لیہان دی تبدیلی دے بغیر اِک وی [بندہ] نئیں اے، عظیم انجیلی بشارت دے اِجلاس ہوندے نے جِنہاں وِچ کوئی وی نجات نئیں پاندا، تے حتّیٰ کہ بنیادی گرجا گھراں وِچ وی لوکی ایس ای حالت وِچ نے۔

گیلپ دی رائے شماری دے مطابق، 74 فیصد امریکیاں نے ’’یسوع مسیح دے نال عہد کرن دا‘‘ دعویٰ کیتا اے۔ لیکن ایہناں وِچوں کیہنیاں نے نجات پا لئی؟ ڈاکٹر جان آر رائس نے کہیا،

حالیہ وریاں وِچ انتہائی بے شمار تعداد وِچ گرجا گھر دے اراکین نوں تلاش کرن دے لئی بہوتا فکر مند رہیا آں … جیہڑے کدی فیر توں پیدا ہون دا کوئی ثبوت نئیں وکھاندے نے [تے] ہُنے تیکر مطمئن تے مستقبل دے بارے وِچ پریشان نئیں نے۔ میں بائبل وِچ ایس قسم دے لوکاں دے لئی بار بار واضح انتباہات [نصیحتاں] پڑھیاں (جان آر رائس، ڈی ڈیJohn R. Rice, D.D.، مذہبی لیکن کھوئے ہوئے Religious But Lost، سورڈ آف دی لارڈ پبلشرز، 1939، صفحہ 9)۔

یسوع نے سانوں دسیا کہ زمانے دے اَخیر [دِناں] وِچ حالات نوح دے زمانے وانگوں ہون گے۔

’’جیویں نوح دے دِناں وِچ ہویا سی اُونج ای ابنِ آدم دی آمد دے ویلے ہووے گا‘‘ (متی 24: 37)۔

’’چند ای، یعنی کہ، صرف اَٹھ لوکاں نے ای نجات پائی سی‘‘ (I پطرس 3: 20)۔

مجھے یقین ہو گیا ہے کہ ہم تیزی سے ایک ایسے وقت کے قریب آ رہے ہیں جب چند ہی لوگ جو مسیحی ہونے کا دعویٰ کرتے ہیں سچ مچ نجات پاتے ہیں۔ ہماری تلاوت کہتی ہے،

’’چند ای، یعنی کہ، صرف اَٹھ لوکاں نے ای نجات پائی سی‘‘ (I پطرس 3: 20)۔

اُوہناں لفظاں دے بارے وِچ تین گلاں تے غور کرو۔

نوح دے زمانے وِچ بہوتے گھٹ لوکی بچائے گئے، جدوں عظیم سیلاب دے پانی نے زمین نوں ڈھک لیہیا سی،

’’زمین تے ہر پرندہ، ہر مویشی، جنگلی جانور تے ہر اِنسان گویا ہر جاندار فنا ہو گیا۔ خشکی دے اُوتے دی ہر شے جیہدے نتھنیاں وِچ حیاتی دا دَم سی مر گئی۔ روئے زمین اُتے دی ہر جاندار شے نابود ہو گئی، کی انسان، کی حیوان، کی زمین تے رینگن آلے جاندار تے کی ہوا وِچ اُڑن آلے پرندے، سارے دے سارے نابود ہو گئے۔ صرف نوح باقی بچیا تے اُو جیہڑے اُوہدے نال کشتی وِچ سی‘‘ (پیدائش 7: 21۔23)۔

میں یقین رکھنا آں کہ ایہ گل اَج وی سچی اے۔ یسوع نے کہیا،

’’کیوں جے اُو بوہا تنگ تے اُو راستہ سُکڑا ہویا اے جیہڑا حیاتی وَل لے جاندا اے تے اُوہدے پان آلے تھوڑے نے‘‘ (متی 7: 14)۔

’’جیویں نوح دے دِناں وِچ ہویا سی اُونج ای ابنِ آدم دی آمد دے ویلے ہووے گا‘‘ (متی 24: 37)۔

’’جیہڑے میرے توں نے، ’اے خداوند، اے خداوند،‘ کہندے نے اُوہناں وِچوں ہر اِک بندہ آسمان دی بادشاہی وِچ داخل نہ ہووے گا، مگر اُو ای جیہڑا میرے آسمانی باپ دی مرضی تے ٹردا اے۔ اُوس دِن بہتیرے لوکی میہنوں کیہن گے، ’اے خداوند! اے خداوند! کی اَسی تیرے ناں نال نبوت نئیں کیتی؟ تے تیرے ناں نال بدروحاں نوں نئیں کڈیا تے تیرے ناں نال بہتیرے معجزے نئیں وکھائے؟‘ اُوس ویلے میں اُوہناں نوں صاف صاف کہہ دیاں گا، ’میں تہاڈے نال کدی وی واقف نئیں سی۔ اے بدکارو! میرے سامنے توں دور ہو جاؤ‘‘ (متی 7: 21۔23)۔

جے اُو تُسی ہوندے تے کی ہوندا؟ کی ہووے گا جے مسیح تہانوں کہے،

’’میں تہانوں کدی وی نئیں جانندا سی: میرے توں دور ہو جاؤ‘‘ (متی 7: 23)؟

جے تٰس اَگ دی جھیل وِچ جاگو، تے نجات پان وِچ بہوتی دیر ہو جائے تے کی ہووے گا؟

’’چند ای، یعنی کہ، صرف اَٹھ لوکاں نے ای نجات پائی سی‘‘ (I پطرس 3: 20)۔

تہاڈی وی اِک روح اے۔ تہاڈے کول جسم اے، لیکن تہاڈے کول اِک روح وی اے۔ تہاڈا جسم اِک دِن مر جائے گا، لیکن تہاڈی روح ہمیشہ تیکر دے لئی جیوندی رہووے گی۔ بائبل سکھاندی اے کہ تہاڈی روح یا تے جنت وِچ جائے گی یا جہنم وِچ۔ تے تہاڈی روح دی تقدیر مکمل طور تے ایس گل تے منحصر اے کہ آیا تُسی ہُنے ای مسیح نوں قبول کردے اُو، تے ہُنے ای اپنے گناہواں توں دُھل کے پاک صاف ہو گئے اُو۔ موت دے بعد نجات پان وِچ بہوتی دیر ہو چکی ہوندی اے۔ تہانوں ہُنے ای بچایا جانا چائیدا اے، ایس توں پہلاں کہ تُسی مر جاؤ، ورنہ تُسی کدی وی نجات نئیں پاؤ گے۔

’’چند ای، یعنی کہ، صرف اَٹھ لوکاں نے ای نجات پائی سی‘‘ (I پطرس 3: 20)۔

’’جیویں نوح دے دِناں وِچ ہویا سی اُونج ای ابنِ آدم دی آمد دے ویلے ہووے گا‘‘ (متی 24: 37)۔

نوح دے زمانے وِچ نجات دی تبلیغ کیتی گئی سی۔ بائبل نوح نوں پکاردی اے،

بائبل ایہ نئیں کہندی کہ نوح نے زمین دے ہر فرد نوں براہ راست تبلیغ کیتی۔ فیر وی زمین تے موجود ہر شخص کشتی دے بارے وِچ تے آن آلی سزا دے بارے وِچ نوح دے انتباہات یا نصیحتاں دے بارے وِچ جانندا سی۔ ڈاکٹر وہٹکومب تے ڈاکٹر مورس نے کہا،

فضل دی 120 سالہ مدت دے دوران ’’جدوں اِک وری نوح دے زمانے وِچ خدا دی طویل مدت توں برداشت انتظار کر رئی سی، جدوں کہ کشتی تیار ہو رئی سی‘‘ (پیدائش 6: 3؛ 1 پطرس 3: 20)، نوح دی نمایا سرگرمیاں تے خطرناک انتباہات یا نصیحتاں دی خبر آسانی نال پوری زمین تے پھیل سکدی سی (پیدائش دی کتاب وِچ سیلاب The Genesis Flood، گذشتہ موضوع توں منسلک گل ibid.، صفحہ 31).

لیکن نوح دے زمانے وِچ رہن آلی نسل نے اُوہدی منادی نوں مسترد کیتا، تے ایویں خدا نے

’’پرانی دُنیا نوں نئیں بخشیا بلکہ اَٹھویں شخص نوح نوں بچای، جیہڑا راستبازی دا مبلغ اے، بے دیناں دی دُنیا تے سیلاب لیہیاندا اے‘‘ (II۔ پطرس 2: 5)۔

میں پچاس وریاں توں تبلیغ کر رہیا آں۔ بہوتے گھٹ لوکی جِنہاں نوں میں تبلیغ کیتی اے بچائے گئے نے۔ واقعی بہوتے گھٹ۔ لیکن اِک گل جیہڑی میہنوں [تبلیغ کردے رہنا] جاری رکھدی اے اُو نوح دی مثال اے۔ اُوہنے بہوتی گھٹ ایمان لیہان آلی تبدیلیاں نوں ویکھیا۔ لیکن اُو خدا دے نال وفادار سی اگرچہ ’’بے دین‘‘ دُنیا نے اُوہدے پیغام نوں مسترد کر دِتا۔

اَج میرا مقصد تہانوں سچ دسنا اے۔ جیہڑا کُجھ تُسی سچائی دے نال کردے اُو، اُو تہاڈے تے خدا دے وِچکار اے۔ لیکن میرا مقصد، نوح وانگوں، تہانوں سچ دسنا اے۔ شاید تہانوں میرے واعظاں نال مدد نئیں لبھے گے، حالانکہ، نوح دی منادی توں بہوتی کسی نے ایہناں لوکاں دی مدد نئیں کیتی جیہڑی قدیم دقیانوسی دُنیا وِچ سن۔

’’چند ای، یعنی کہ، صرف اَٹھ لوکاں نے ای نجات پائی سی‘‘ (I پطرس 3: 20)۔

نوح تے اُوہدے خاندان نوں کشتی وِچ داخل کرن دے ذریعے توں سیلاب توں بچایا گیا۔ ایہ ایہنی ای سادہ جئی گل اے!

’’تے خداوند نے نوح نوں کہیا، توں تے تیرا ساری گھرانہ کشتی وِچ آ جائے‘‘ (پیدائش 7: 1)۔

’’تے نوح، تے اُوہدے پُتر، اُوہدی ووہٹی تے اُوہدے پُتراں دی ووہٹیاں اُوہناں دے نال، سیلاب دے پانی دی وجہ توں کشتی وِچ گئے‘‘ (پیدائش 7: 7)۔

پیدائش 6: 14 آیت دی سیکوفیلڈ مطالعہ بائبلThe Scofield Study Bible دی غور طلب گل کہندی اے،

’’کشتی‘‘: سزا توں اپنے لوکاں دی پناہ دے طور تے مسیح دی شبیہہ اے … ’’مسیح وِچ‘‘ ایماندار دی حیثیت دا اِک موجودہ حوالہ (دی سکوفیلڈ مطالعہ بائبلThe Scofield Study Bible، آکسفورڈ یونیورسٹی پریس، 1917 ایڈیشن، پیدائش 6: 14 تے غور طلب گل)۔

کشتی مسیح دی تصویر اے۔ نوح نوں عظیم سیلاب دی سزا توں بچان دے لئی کشتی وِچ آنا پیہیا۔ تے تہانوں ابدی عدالت توں نجات پان دے لئی مسیح وِچ آنا چائیدا اے۔

’’اُوس دِن تُسی جان لوؤ گے کہ میں اپنے باپ وِچ آں، تے تُسی میرے وِچ اُو …‘‘ (یوحنا 14: 20)۔

’’جے کوئی مسیح وِچ اے تے اُو اِک نئی مخلوق اے‘‘ (II۔ کرنتھیوں 5: 17)۔

’’میرے کول آؤ… تے میں تہانوں آرام دیاں گا‘‘ (متی 11: 28)۔

’’چند ای، یعنی کہ، صرف اَٹھ لوکاں نے ای نجات پائی سی‘‘ (I پطرس 3: 20)۔

میں اکثر سوچیا اے کہ ایہنے گھٹ لوکی کشتی وِچ کیوں سوار ہوئے؟ اُوہناں نے سوچیا ہووے گا کہ نوح غلط سی۔ اُوہناں نے سوچیا ہووے گا کہ سزا اُوہناں تے کدی نئیں آئے گی، کہ اُو اُونج ای ٹھیک نے جیویں اُو سن۔ تے ایویں، اُوہناں نے مبلغ دی گل نئیں سُنی۔ اُو نجات دے بغیر موت وَلوں گرفت وِچ آ گئے سن۔ ایویں اُو ہلاک ہو گئے۔

بچائے جان دی اِک ای راستہ سی، تے اُوہناں نے اُوس راستے نوں رد کر دِتا۔ خدا نے اُوہناں دے لئی نجات دی راہ تیار کیتی سی، لیکن اُوہناں نے اُوس راہ نوں ٹھکرا دِتا۔ اَج وی اینج ای اے۔ خدا نے نجات حاصل کرن دا راستہ تیار کر رکھیا اے۔ اُوہنے یسوع نوں سولی تے مرن دے لئی پیہجھیا، تہانوں گناہ دا کفارہ ادا کرن دے لئی۔ مسیح مُردیاں وِچوں جی اُٹھیا اے تے ہُن جیوندا اے، آسمان وِچ خدا دے سجے ہتھ تے۔ لیکن تہانوں مسیح دے کول آنا چائیدا اے۔ مسیح دے بارے وِچ شیواں تے یقین کرنا کافی نئیں اے – تہانوں مسیح دے کول آنا چائیدا اے۔ جیویں کہ نوح کشتی وِچ آیا، تہانوں مسیح دے کول آنا چائیدا اے۔

ایہ ’’احساس‘‘ نئیں اے جیہڑا تہانوں نجات دلاندا اے۔ ایہ مسیح آپئے اے جیہڑا نجات دلاندا اے۔ ایہدے نال فرق نئیں پیہندا کہ تُسی ’’محسوس‘‘ کردے اُو کہ نجات پا لئی اے یا نئیں۔ اہم ایہ نئیں کہ تُسی کی محسوس کردے اُو، بلکہ ایہ اے کہ خدا کی محسوس کردا اے! ذاتی جذبات نے کدی کسی نوں نئیں بچایا۔ مسیح تمام نجات دلان آلا اے۔ نوح دے زمانے وِچ جو کُجھ اہم سی اُو ایہ سی کہ آیا اُو کشتی وِچ سی یا نئیں۔ تہاڈے جذبات نال کوئی فرق نئیں پیہندا۔ صرف مسیح اہمیت رکھدا اے۔ شارلٹ ایلیٹCharlotte Elliott نے یسوع دے بارے وِچ اِک گیت لکھیا، خدا دے برّے، جیہڑا ایہ گل بہوتی چنگی طرح نال کہندا اے:

بغیر اِک اِلتجا دے، میں جیہو جیہا وی آں،
   مگر کہ تیرا لہو میرے لیے وگایا گیا،
تے کہ توں مینوں اپنے کول بُلان لئی بیقرار اے،
   اے خُدا دے برّے، میں آیا! میں آیا!

میں جیویں دا وی آں، تُو کمزور نوں وی قبول کر لویں گا،
   کمزور نوں وی آرام دِتا، پاک صاف تے معاف تے خوش آمدید کیتا جاندا اے
کیوں جے تیرے وعدے تے میں یقین کرنا واں،
   اے خُدا دے برّے، میں آیا! میں آیا!
(’’میں جیہو جیہا وی آں Just As I Am‘‘ شاعرہ شارلٹ ایلیٹ Charlotte Elliott، 1789۔1871)۔

آؤ اَسی کِھلو کے اُو گیت گانے آں۔ ایہ تہاڈے گیتاں دے ورق تے آخیرلا گیت اے۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔