ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہ اے جیہڑا مسیح نے کہیا سی جدوں اُو مُردیاں وِچوں جی اُٹھیا سی۔ حالانکہ میں اُوہناں دی لکھی ہوئی ہر گل دی تصدیق نئیں کردا، میہنوں نئے عہدنامے دے دورِ حاضرہ دے دو نئے عالمین ڈاکٹر والٹر اے ایلویل Dr. Walter A. Elwell تے ڈاکٹر رابرٹ ڈبلیو یاربروھ Dr. Robert W. Yarbrough دے ذریعے توں پیش کیتا گیا ایہ بیان پسند اے،

کوئی وی [ایس واقعے] نوں مکمل طور تے سمجھن دا دکھاوا نئیں کردا، لیکن بعض گلاں واقعی چہ شدید تر اہمیت دے طور تے نمایاں ہو جاندیاں نے جے سانوں [ایس واقعے] دا اِدراک کرنا پیہئے۔ پہلی گل یسوع دی انفرادیت اے۔ اُو محض کوئی دوجا مذہبی رہنما نئیں اے، محد، بُدھا یا موسیٰ دے برابر یا ایتھوں تیکر کہ بہتر ہون۔ اُو خود اِک درجہ بندی وِچ آندا اے۔ ابتدائی مومنین ایہنوں بیان کرن دے لئی ایس توں بہتر کوئی طریقہ نئیں لبھ سکدے سن کہ اُو اُوہنوں ’’بادشاہواں دا بادشاہ یا خداونداں دا خدا‘‘ کہین، درحقیقت خود خدا کہین۔ اگرچہ غیرمتزلزل یا غیر متبدلانہ طور تے توحید پسند سن، لیکن اُوہناں نے اینج کرن وِچ بہانہ پیش کرنا محسوس کیتا کیوں جے یسوع نے آپئے ایہو جئے دعٰوے کیتے سن تے اُوہناں نوں صرف اُوہی یسوع یاد سی جِنہے اُوہناں نوں مکمل اِختیار دے نال تعلیم دِتی سی، جیس دی کدی وی کسی بندے نے گل نئیں کیتی۔
     دوجی گل، یسوع دی کہانی شروع توں لے کے آخیر تیکر مافوق الفطرت اے۔ واقعات وِچوں ایس عنصر نوں ہٹان دی ماڑی جئی وی کوشش اُوہناں نوں مکمل طور تے تباہ کر دیہندی اے۔ کہانی، خدا ، فرشتیاں، آسیباں، شیطان، معجزاتی واقعات، الہٰی شفایابیاں، پاک روح تے ویلے دے نال ابدی وسعتاں دے حوالیاں نال بھری پیہئی اے۔ ساری چاروں انجیلاں یسوع مسیح دی حیاتی دے بے شمار منفرد واقعات دے انتہائی تانے بانیاں تے مشتمل نے، اُوہدا تبدل [صورت دا بدل جانا]، اُوہدا مُردیاں وِچوں جی اُٹھنا، تے اُوہدا آسمان چہ اُٹھایا جانا۔ ایہ کوئی قدیم طلسماتی کہانیاں نئیں نے بلکہ تاریخی حقیقتاں نے، اُو بنیاد جِیہدے تے مسیحی ایمان تعمیر ہوندی اے۔ اُوہناں نوں کڈ دیو تے کوئی مسیحی ایمان باقی نئیں بچدا۔
     تیجی … جھے اَسی ایمان وِچ ثابت قدم رہواں گے تے اَسی اُوہدے ای وانگوں نئے لوکی بن جاواں گے جیہڑے اُو لوکی بنے سن جیہڑے یسوع نوں جانندے سی جدوں اُو زمین تے موجود سی اُو لوکی جیہڑے بدل گئے سن جدوں اُوہناں نے اپنے دِل اُوہدے حوالے کر دِتے سن۔ جانن دا دوجا کوئی راستہ نئیں اے کہ اُو درحقیقت کون سی۔
     چوتھی گل، یسوع دی کہانی سانوں دسدی اے کہ موت دا اِختتام نئیں ہوندا اے … بالکل جیویں یسوع نے قبر دی قوت نوں شکست دِتی سی، اُوس ای طرح جدوں اَسی اُوہدے وِچ یقین کرنے آں تے موت دی قوت ساڈے اُوتوں ٹوٹ جاندی اے۔ اُوہنے [مارتھا نوں کہیا]، ’’قیامت تے حیاتی میں آں، جیہڑا میرے تے ایمان لیہیاندا اے اُو مرن دے بعد وی زندہ رہووے گا تے جیہڑا کوئی زندہ اے تے میرے تے ایمان لیہیاندا اے کدی نہ مرے گا‘‘ (یوحنا 11: 25۔26)۔ ایہ غیرمعمولی الفاظ نے، لیکن ایہ ای وعدہ اے۔ چونکہ یسوع زندہ اے، اُو جیہڑے اُوہدے تے پروہسا کردے نے اُوہدے نال ہمیشہ دے حیاتی جیئین گے۔
     آخیر وِچ، درج بالا گلاں بالکل سچیاں نے کیوں جے آخیرلا نکتہ سچا اے – کہ یسوع زندہ اے تے وعدہ کردا اے کہ اُو ہُن عمر دے آخیر تیکر ساڈے نال رہووے گا … اُو ہی یسوع شفا بخشدا سی [تے] گنہگاراں نوں اُوہناں دے قصور معاف کردا سی (والٹر اے۔ ایلویل، پی ایچ۔ ڈی۔ Walter A. Elwell, Ph.D.، اور رابرٹ ڈبلیو یاربروھ، پی ایچ۔ ڈی۔ Robert W. Yarbrough, Ph.D.، نئے عہدنامے دا سامنا کرنا Encountering the New Testament، بیکر بُکس، 1998، صفحات 134۔135)۔

تے ایویں اَج دی سویرے اَسی یسوع مسیح دے جسمانی طور تے مُردیاں وِچوں جی اُٹھن تے آنے آں۔ جدوں اُو جی اُٹھیا، یسوع نے کہیا،

’’پس ایویں لکھیا ہویا اے، مسیح دُکھ اُٹھائے گا تے تیجے روز مُردیاں وِچوں جی اُٹھے گا‘‘ (لوقا 24: 46)۔

ڈاکٹر اے ٹی رابرٹسن نے کہیا،

[جی اُٹھے مسیح دے] ظاہر ہون دے پنج واقعات اُوہدے مُردیاں وِچوں جی اُتھن دے دِن پیش کیتے گئے نے، تے پنج بعد وِچ اُوہدے [اگلے] چالی دِناں دے دوران پیش کیتے گئے نے۔ اُوس دِن اُو پنج ظہور [ایسٹر دے اِتوار] سن (1) مریم مگدلین نوں (یوحنا تے مرقس نوں)؛ (2) اُوہناں دوجی عورتاں نوں (متی)؛ (3) اُوہناں دو نوں جیہڑے عاموس دی راہ تے سن؛ (4) شمعون پطرس نوں (لوقا 24: 34)؛ (5) دس رسولاں تے دوجیاں نوں (اے ٹی رابرٹسن، ڈی۔ ڈی۔ A. T. Robertson, D.D.، اناجیل وِچ ہم آھنگی A Harmony of the Gospels، ہارپر تے رو Harper and Row، پبلیشرز، اشاعت 1950)، صفحات 172)۔

1. پہلا واقعہ، یسوع ایسٹر دے اتوار صبح سویرے مریم مگدلین تے ظاہر ہویا سی:

’’ہفتہ دے پہلے دِن سجری سویرے جدوں کہل انہیرا ای سی مریم مگدلینی قبر تے آئی۔ اُوہنے ایہ ویکھیا کہ قبر دے مُن توں پتھر ہٹیا ہویا اے۔ اُودھوں ای اُو دوڑتی ہوئی شمعون پطرس تے اُوس دوجے شاگرد دے کول پہنچی جیہڑا یسوع دا چہیتا سی تے کہین لگی: اُو خداوند نوں قبر وِچوں کڈ کے لے گئے نے تے پتا نئیں اُوہنوں کِدرے رکھیا اے۔ ایہ سُنندے اے پطرس تے اُو دوجا شاگرد قبر وَل ٹر پیہئے۔ دوویں نٹھے جا رئے سن لین اُو دوجا پطرس توں اَگے نکل گیا تے اُوہدے توں پہلاں قبر تے ج پہنچیا۔ اُہنے جُھک کے اندر جھانکیا تے سوتی کپڑے پیہئے ویکھے لیکن اندر نئیں گیا۔ اُوس دوران پطرس وی پیچھے پیچھے اُوتھے پہنچ گیا تے سیدھا قبر وِچ داخل ہو گیا۔ اُوہنے ویکھیا کہ اُوتھے سوتی کپڑے پیہئے ہوئے نے تے کفن دا اُو رومال جیہڑا یسوع دے سر تے لپیٹا گیا سوتی کپڑیاں توں وکھرا اِک تھاں تہہ کیتا ہویا پیہیا سی۔ فیر اُو دوجا شاگرد وہ جیہڑا قبر تے پہلاں پہنچیا سی اندر داخل ہویا۔ اُوہنے وی دیکھ کے یقین کیتا۔ کیوں جے اُو ہُنے تیکر پاک کلام دی ایس گل نوں سمجھ نئیں پائے سن جیس دے مطابق یسوع دا مُردیاں وِچ جی اُتھنا لازمی سی۔ فیر ایہ شاگرد واپس اپنے اپنے گھر چلے گئے۔ لیکن مریم قبر دے باہر کِھلوتی ہوئی رو رئی سی۔ روندے روندے اُوہنے جُھکے کے قبر دے اندر نظر پائی تے اُوتھے دو فرشتے وکھائی دیتے جیہڑے سفید لباس وِچ سن تے جیتھے یسوع دی لاش رکھی گئی سی اُوتھے اِک نوں سرہانے تے دوجے نوں پیتیانے بیٹھے ویکھیا۔ اُوہناں نے مریم نوں پُچھیا: اے عورت! تو کیوں رو رئیں اے؟ اُوہنے اُوہناں نوں کہیا، کیوں جے اُو میرے خداوند نوں چُک کے لے گئے نے تے پتا نئیں اُوہنوں کیتھے رکھ دِتا اے۔ ایہ کہندے ای اُو پیچھے مُڑی تے اُوتھے یسوع نوں کھلوتا پایا لیکن پہچان نہ سکی کہ اُو یسوع اے۔ یسوع نے کہیا: اے خاتون! توں کیوں رو رئی اے؟ تو کیہنوں لبھدی اے؟ مریم نے سمجھیا کہ شاید اُو باغبان اے ایس لئی کہیا: میاں جے توں اُوہنوں ایہدرھوں چُکیا اے تے میہنوں دس کہ اُوہنوں کیتھے رکھیا اے تاکہ میں اُوہنوں لے جاواں۔ یسوع نے اُوہنوں کہیا: مریم! اُو اُوہدے وَل مُڑی تے عبرانی زبان وِچ بولی: ربّونی (جیہدا مطلب اے ’’اے میرے اُستاد)! یسوع نے کہیا: میہنوں چھو مت کیوں جے میں ہُنے اپنے باپ دے کول اوپر نئیں گیا بلکہ جا تے میرے بھرہاواں نوں دس کہ میں اپنے باپ تے تہاڈے باپ، اپنے خدا تے تہاڈے خدا دے کول اُوتے جا رہیا آں۔ مریم مگدلینی نے شاگرداں دے کو آْ کے اُوہناں نوں خبر دِتی کہ میں خداوند نوں ویکھیا اے تے اُوہنے میرے نال گلاں کیتیاں نے‘‘ (یوحنا 20: 1۔18)۔

2. دوجا واقعہ، یسوع کُجھ دوجیاں عورتاں تے ظاہر ہویا جیہڑیاں خالی قبر تے آئیاں سن:

’’تے جیویں ای اُو عورتاں شاگرداں نوں دسن دے لئی گئیاں، ویکھو، یسوع اُوہناں نوں آن مِلیا تے کیہن لگا، ساریاں تے سلام۔ تے اُوہناں نے کول آ کے اُوہدے پیر پھڑ لئے تے اُوہنوں سجدہ کیتا۔ فیر یسوع نے اُوہناں نوں کہیا، ڈرو مت، جاؤ تے میرے بھرہاواں نوں کہوو کے گلیل دے لئی روانہ ہو جان۔ تے اُو میہنوں اُوتھے ویکھن گے‘‘ (متی 28: 9۔10)۔

3. تیجا واقعہ، یسوع عاموس دی راہ تے دو لوکاں تے ظاہر ہویا سی:

’’ایہدے بعد یسوع اِک دوجی صورت وِچ اُوہناں وِچوں دو بندیاں تے جدوں اُو دیہات وَل جا رئے سن ظاہر ہویا۔ اُوہناں نے لوٹ کے باقی لوکاں نوں دسیا لیکن اُوہناں نے وی اُوہناں دا یقین نہ کیتا‘‘ (مرقس 16: 12۔13)۔

4. چوتھا واقعہ، یسوع شمعون پطرس تے ظاہر ہویا:

’’تے فیر اُو اُوس ای گھڑی اُٹھے تے یروشلم واپس آئے جیتھے اُوہناں نے گیارہ رسولاں تے اُوہناں دے ساتھیاں نوں اِک تھاں اِکٹھے پایا۔ اُو کہہ رئے سن: خداوند سچ مچ جی اُٹھیا اے تے شمعون نوں وکھائی دِتا اے۔ اُوہناں دوواں نے راستے دی ساریاں گلاں دسیاں تے ایہ وی کہ اُوہناں نے کیویں یسوع نوں روٹی توڑدے ویلے پہچان لیہیا‘‘ (لوقا 24: 33۔35)۔

5. پانچواں واقعہ، یسوع رسولوں وِچوں دس تے ظاہر ہویا، جِنہاں دے کول تھوما نئیں سی:

’’تے ہلے اُو ایہ گلاں کہہ ای رئے سن کہ یسوع آپئے ای اُوہناں دے وِچکار آن کِھلوتا تے اُوہناں نوں کہیا، تہاڈے تے سلامتی ہووے۔ لیکن اُو ایس قدر ہراساں تے خوفزدہ ہو گئے کہ سمجھن لگے کہ اُو کسی روح نوں ویکھ رئے نے۔ یسوع نے اُوہناں نوں کہیا، تُسی کیوں گبھرائے ہوئے اُو تے تہاڈے دِلاں وِچ شکوک کیوں پیدا ہو رئے نے؟ میرے ہتھ تے پیر ویکھو، میں ای آں۔ میہنوں چھو کے ویکھو کیوں جے روح دی ہڈیاں ای ہوندیاں نے تے نہ گوشت جیویں کہ تُسی میہنوں ویکھ رئے اُو۔ ایہ کیہن دے بعد یسوع نے اُوہناں نوں اپنے ہتھ تے پیر وکھائے لیکن خوشی تے حیرت دے مارے اُوہناں نوں یقین نئیں آ رہیا سی۔ لہٰذا یسوع نے اُوہناں نوں کہیا: ایتھے تہاڈے کول کُجھ کھان نوں اے؟ اُوہناں نے اُوہناں بُھنی ہوئی مچھلی دا قتل پیش کیتا۔ اُوہنے لیہیا تے اُوہناں دے روبرو کھایا‘‘ (لوقا 24: 36۔43)۔

6. چھٹا واقعہ، ایسٹر دے اِتوار دی راتی تھوما اُوتھے نئیں سی۔ اگلے اِتوار دی رات نوں تھوما دوجے شاگرداں دے نال سی،

’’اِک ہفتہ بعد [شام 6:00 بجے دے بعد، جیہڑا یہودیاں دے حساب نال اِک دِن دا شروع ہویا، لیکن فیر وی فومی حساب نال اِتوار ای ہووے گا۔ تے ایہ اُوہی ہووے گا جِنہوں اِسی اِتوار دی رات کہنے آں] یسوع دے شاگرد اِک وری فیر توں اُس ای تھاں موجود سن تے تھوما وی اُوہناں دے نال سی۔ اگرچہ بوہے بند سن تے یسوع آ کے اُوہناں دے وِچکار کِھلو گیا تے اُوہناں نوں کہیا، تہاڈے تے سلام۔ فیر اُوہنے تھوما نوں کہیا، اپنی اُنگلی لیہیا تے میرے ہتھاں نوں ویکھ تے اپنا ہتھ ودھا تے میری پسلی نوں چھو، شک مت کر بلکہ اعتقاد رکھ۔ تھوما نے اُوہنوں کہیا، اے میرے خداوند، اے میرے خدا! یسوع نے اُوہنوں کہیا، تُو تے میہنوں ویکھ کے میرے تے ایمان لیہایا، مبارک نے اُو جِنہاں نے ویکھیا وی نئیں تے فیر وی ایمان لیہیائے‘‘ (یوحنا 20: 26۔29)۔

7. ساتواں واقعہ، اگلے بہتیرے دِناں دے دوران، شاگرداں وِچوں ست واپس گلیل دے سفر تے گئے، تے تبریاس دی جھیل وِچ مچھلیاں پھڑ رئے سن (جِنہوں گلیلی دی جھیل وی کہیا جاندا اے)، جدوں ساحل تے ظاہر ہویا،

’’یسوع نے اُوہناں نوں کہیا، اؤ تے کُجھ کھا لؤ۔ شاگرداں وِچوں کسی نوں وی جرأت نہ ہوئی کہ پُچھے کہ توں کون اے؟ اُو جانندے سن کہ اُو خداوند ای اے۔ یسوع نے آ کے روٹی لئی تے اُوہناں نوں دِتی تے مچھلی وی دِتی۔ یسوع مُردیاں وِچوں جی اُٹھنے دے بعد تیجی وری شاگرداں تے ظاہر ہویا‘‘ (یوحنا 21: 12۔14)۔

8. آٹھواں واقعہ، ایس عرصہ دے دوران، یسوع گلیل دے اِک پہاڑ تے پنج سو توں زیادہ لوکاں تے ظاہر ہویا،

’’ایہدے بعد، اُو بیک ویلے پنج سو توں زائد بھرہاواں نوں وکھائی دِتا؛ جِنہاں وِچ زیادہ تر ایس ویلے زندہ نے، لیکن بعض البتہ مر چکے نے‘‘ (1 کرنتھیوں 15: 6)۔

’’اُودھوں گیارہ شاگرد گلیلی گئے تے اُوس پہاڑ تے جمع ہوئے جیتھے یسوع نے اُوہناں نوں جان دی ہدایت کیتی سی۔ جدوں اُوہناں نے یسوع نوں ویکھیا تے سجدہ کیتا لیکن بعض نوں ہُنے وی شک سی۔ لیکن یسوع اُوہناں دے کول آیا تے اُوہناں نوں کیہن لگا: میہنوں آسمان تے زمین تے پورا اِختیار دے دِتا گیا اے۔ ایس لئی تُسی جاؤ تے ساریاں قوماں نوں شاگرد بناؤ تے اُوہناں نوں باپ، بیٹے تے پاک روح دے ناں تے بپتسمہ دو۔ تے اُوہناں نوں ایہ تعلیم دیو کہ اُوہناں ساریاں گلاں تے عمل کرن جِنہاں دا میں تہانوں حکم دِتا اے تے ویکھو! میں دُنیا دے آخیر تیکر تہاڈے نال آں۔ آمین‘‘ (متی 28: 16۔20)۔

9. نواں واقعہ، اُو اپئے اپنے مترائے بھرہا یعقوب تے وی ظاہر ہویا سی،

’’اُوہدے بعد، اُو یعقوب نوں وی وکھائی دِتا‘‘ (I کرنتھیوں 15: 7)۔

10. دسواں واقعہ، چالیاں دِناں دے اِختتام تے، یسوع شاگرداں تے ظاہر ہویا،

’’تے، اُوہناں دے نال اِک تھاں اِکٹنھے جمع ہون تے، اُوہناں نوں تاکید کیتی کہ یروشلم توں باہر نہ جانا تے میرے باپ دے اُوس وعدے دے پورا ہون دا انتظار کرنا جیس دا ذکر تُسی میرے توں سُن چکے اُو۔ ایس لئی تُسی تھوڑے دِناں دے بعد پاک روح دا بپتسمہ پاؤ گے جدوں کہ یوحنا پانی نال بپتسمہ دیہندا سی۔ پس جدوں اُو اِک تھاں جمع سن تے اُوہناں نے اُوہنوں پُچھیا: خداوند! کی توں ایس ای ویلے اسرائیل نوں فیر توں اُوہدی بادشاہی عطا کرن آلا اے؟ اُوہنے اُوہناں نوں کہیا: جِنہاں ویلیاں تے میعاداں نوں مقرر کرن دا اِختیار صرف آسمانی باپ نوں اے اُوہناں نوں جاننا تہاڈا کام نئیں۔ لیکن جدوں پاک روح تہاڈے تے نازل ہووے گا تے تُسی قوت پاؤ گے تے یروشلم تے سارے یہودیہ تے سامریہ وِچ بلکہ زمین دی انتہا تیکر میرے گواہ ہوو گے۔ ایہناں گلاں دے بعد اُو اُوہناں دے ویکھدے ویکھدے اُوتے اُٹھا لیہیا گیا تے بدلی نے اُوہنوں اُوہناں دی نظراں توں چُھپا لیہیا۔ جدوں اُو ٹکٹکی بنہے اُوہنوں آسمان وَل جاندے ہوئے ویکھ رئے سن تے ویکھو دو مرد سفید لباس وِچ اُوہناں دے کول آن کھلوتے تے کیہن لگے: اے گلیلی بندیو! تُسی کِھلوتے کِھلوتے آسمان وَل کیوں ویکھ رئے اُو؟ ایہو ای یسوع جیہڑا تہاڈے کولوں آسمان تے اُٹھایا گیا اے، اینج ای فیر واپس آئے گا جیس طرح تُسی لوکاں نے اُوہنوں آسمان تے جاندے ویکھیا اے‘‘ (اعمال 1: 4۔11)۔

11. گیارہواں واقعہ، اُو پولوس رسول تے دمشق دی راہ تے (اعمال 9: 3۔6؛ I کرنتھیوں 15: 8) تے ہیکل وِچ ظاہر ہویا سی (اعمال 22: 17۔21؛ 23: 11)۔

12. بارھواں واقعہ، اُو یروشلم توں باہر، استیفانُس تے ظاہر ہویا (اعمال 7: 55)، تے پطمس دی راہ تے یوحنا تے ظاہر ہویا (مکاشفہ 1: 10۔19)۔

مضبوط ترین ثبوتاں وِچوں اِک کہ جِنہاں لوکاں نے جی اُٹھے مسیح نوں ویکھیا سی ایہ اے کہ اُوہناں ساریاں نے ایہ منادی کرن دے لئی کہ اُوہناں نے اُوہنوں مُردیاں وِچوں جی اُٹھن دے بعد ویکھیا سی شہیداں دی حیثیت نال مرنا پیہیا۔ صرف یوحنا شہادت توں بچ پایا، اُوہنوں کھولدے ہوئے تیل وِچ سُٹ دِتا گیا سی، لیکن اُو بمشکل ای اینج کر پایا سی۔

یعقوب، خداوند دے سوتیلے بھرہا، نوں 100 فٹ توں بہوتی اُوچی ہیکل دی چوٹی توں سُٹ دِتا گیا سی تے فیر اُوہنوں ایہ تبلیغ کرن تے لاٹھیاں نال مارا گیا سی کہ اُوہدا بھائی مُردیاں وِچوں جی اُٹھیا اے۔
یسوع دے اِک ہُور سوتیلے بھائی یہودہ نوں ایس گل توں انکار کرن تے تیراں نال مار دِتا گیا کہ یسوع، اُوہدا سوتیلا بھائی، مُردیاں وِچوں جی اُٹھیا اے۔
زبیدی دے پُتر یعقوب دا یروشلم وِچ سر قلم کر دِتا گیا۔ یعقوب دی حفاظت کرن آلی رومی سپاہی حیرانی نال سُن رہیا سی جدوں یعقوب نے اپنے مقدمے وِچ مسیح دے جی اُٹھنے دے بارے وِچ دسیا سی۔ بعد چہ، اُو رومیہ سپاہی یعقوب دے نال پھانسی دی تھاں تیکر چلا گیا۔ سپاہی یقین دے نال ایس قدر مغلوب ہویا کہ اُوہنے منصف دے سامنے جی اُٹھے مسیح وِچ اپنے ایمان دا اعلان کیتا، تے شہادت قبول کرن دے لئی یعقوب دے نال گوڈے ٹیک دِتے، تے یعقوب دے نال اِک مسیحی دی حیثیت نال سر قلم کر دِتا گیا۔ یعقوب دا سر قلم یسوع دے مُردیاں وِچوں جی اُٹھن دی منادی کرن تے کیتا گیا سی۔
متی ایتھوپیا وِچ شہادت دا شکار ہویا، تلوار دے زخم نال مارا گیا، کیوں جے اُوہنے مسیح دے جی اُٹھن دی منادی کیتی سی۔
مرقس اسکندریہ وِچ مارا گیا، گھوڑیاں دے ذریعے گلیاں وِچ گھسیٹیا گیا ایتھوں تیکر کہ اُو مر گیا، کیوں جے اُوہنے وی یسوع دے جی اُٹھن دی منادی کیتی سی۔
لوقا نوں یونان وِچ یسوع دے جی اُٹھن دی منادی کرن تے گلے وِچ پھندہ سُٹ کے لمکا کے ماریا گیا۔
یوحنا نوں ایذارسانیاں دی لر دے دوران اُبلدے ہوئے تیل دے اِک کڑہائے وِچ زندہ جلا دِتا گیا سی، کیوں جے اُوہنے مسیح دے جی اُٹھن دی منادی کیتی سی۔ اُو معجزانہ طور تے زندہ بچ گیا، لیکن اپنی باقی حیاتی دے لئی خوفناک طور تے زخماں دا نشان رہیا۔ بعد چہ اُوہنوں مسیح دے جی اُٹھن دی منادی کرن تے جزیرہ پطمس تے جلاوطنی وِچ پیہجھ دِتا گیا، جیتھے اُو 90 وریاں دی عمر چہ انتقال کر گیا۔ اُوہنوں یسوع مُردیاں وِچوں جی اُٹھیا اے دی منادی کرن دے لئی اذیت دِتی گئی تے جلاوطن کر دِتا گیا۔
پطرس نوں X دی شکل دی سولی تے اُلٹا مصلوب کیتا گیا سی، کیوں جے اُوہنے اُوہناں لوکاں نوں جِنہاں نے اُوہنوں ماریا سی کہیا کہ اُو اینج مرن دے لائق نئیں سی جیویں یسوع مریا۔ اُوہناں نے پطرس نوں یسوع مُردیاں وِچوں جی اُٹھیا اے دی منادی کرن تے مار ڈالیا گیا۔
برتلمائی، جِںہوں نتھانی ایل دے ناں توں وی جانیا جاندا اے، ایشیا دے رومن صوبے دا اِک مشنری سی۔ یسوع دے جی اُتھن دی منادی کرن تے اُوہنوں کوڑے مار مار کے ماریا گیا سی۔
تھوما نے پہلاں تے مسیح دے مُردیاں وِچوں جی اُٹھن تے شک کیتا، لیکن فیر اُو جی اُتھے نجات دہندہ نوں ملیا۔ اُوہنوں ہندوستان وِچ مسیح دے جی اُٹھن دی منادی کرن تے موت دے گھاٹ اُتار دِتا گیا سی۔
متیاس، رسول جِںہوں غدار یہوداہ دی تھاں لین دے لئی چُنیا گیا سی، جی اُٹھے یسوع دی منادی کرن تے سنگسار کیتا گیا تے فیر سر قلم کردِتا گیا۔
برناباس نوں سلونیکا وِچ یسوع جسمانی طور تے مُردیاں وِچوں جی اُٹھیا اے دی منادی کرن تے سنگسار کر دِتا گیا سی۔
پولوس نوں تشدد دا نشانہ بنایا گیا تے آخرکار روم وِچ بُرے شنہشاہ نیرو نے سر قلم کر دِتا۔ پولوس نے اِک لمبی قید نوں برداشت کیتا۔ جدوں اُو جیل وِچ سی تے پولوس نے جیل وِچ مُراسلے لکھے۔ مسرز ہائیمرز تے میں چند وریاں پہلاں روم وِچ واقعی مامرٹائن جیل وِچ اِک سیڑھی توں ہیٹاں ایس کوٹھڑی وِچ گئے سی جیتھے پولوس نوں رکھیا گیا سی جدوں اُوہنے تیموتاؤس نوں I تے II مُراسلہ لکھیا سی۔ پولوس نوں ایس تاریک جیل دے تہ کانے توں کڈیا گیا تے نیرو دے ذریعہ اُوہدا سر قلم کر دِتا گیا کیوں جے اُوہنے مسیح دی جسمانی طور تے مُردیاں وِچوں جی اُٹھن دی تعلیم دِتی سی تے منادی کیتی سی۔

ایہناں سارے رسولاں نے مسیح دے جی اُٹھن دی منادی دے لئی اپنی جاناں قربان کر دِتیاں۔ یسوع دے مُردیاں وِچوں جی اُٹھن دے بعد، ایہناں رسولاں نے ہر تھاں منادی کیتی، ’’اَسی خداوند نوں ویکھیا اے‘‘ (یوحنا 20: 25)۔ اُو سارے ایس گل دا اعلام کردے ہوئے مر گئے کہ پطرس تے یوحنا نے کی کہیا جدوں اُوہناں نے مسیح دے جی اُٹھن دی تبلیغ کرن دے الزام وِچ گرفتار کیتا گیا سی۔

’’اَسی اُو گلاں نئیں کہہ سکدے جیہڑیاں اَسی ویکھیاں تے سُنیاں نے‘‘ (اعمال 4: 20)۔

اُوہناں نے مسیح نوں اُوہدے جی اُٹھن دے بعد پہچانا، تے ’’دُخھ سہن دے بعد اُوہنے اپنے زندہ ہو جان دے کئی قوی ثبوت وی بہم پہنچائے تے اُو چلی دِن تیکر اُوہناں نوں نظر آندا رہیا‘‘ (اعمال 1: 3)۔ اُوہناں نوں ایہناں شیواں دے بارے وِچ بولن توں روکیا نئیں جا سکدا سی جیہڑیاں اُوہناں نے اپنی اَکھاں نال ویکھیاں سن۔

تُسی جی اُٹھن آلے مسیح نوں وی جان سکدے اُو، جیویں کہ اُوہناں نے جانیا سی۔ جیویں کہ ڈاکٹر ایلویل تے ڈاکٹر یاربرو نے کہیا، ‘‘جے اَسی ایمان وِچ ثابت قدم رہواں گے تے اِسی اُوس ای طرح نئے لوکی بن جاواں گے جیہڑے اُو لوکی بنے سن جیہڑے یسوع نوں جانندے سن جدوں اُو زمین تے موجود سی اُو لوکی جیہڑے بدل گئے سن جدوں اُوہناں نے اپنے دِل اُوہدے حوالے کر دِتے سن۔ جانن دا دوجا کوئی راستہ نئیں اے کہ اُو درحقیقت کون سی۔‘‘

مریم نے اُوہنوں ویکھیا، تے ’’آقا!‘‘ پکاریا،
جدوں اُو قبر توں آیا۔
اچانک یسوع اُوہناں دے وِچکار کِھڑا ہو گیا،
تنگ بند کمرے وِچ داخل ہویا۔
اُو جیہڑا مر چکیا سی دوبارہ جی اُٹھیا!
اُو جیہڑا مر چکیا سی دوبارہ جی اُٹھیا!
موت دے مضبوط طرفیلے شکنجے نوں توڑ ڈالیا –
اُو جیہڑا مر چکیا سی دوبارہ جی اُتھیا اے!

پطرس نے اُوہنوں ساحل تے ویکھیا،
اُوتھے اُوہدے نال سمندر دے کنارے کھانا کھادا۔
کدی مُردہ ہوئے ہونٹاں دے نال یسوع گلاں کر رہیا سی،
’’پطرس، کی توں میرے نال محبت کردا اے؟‘‘
اُو جیہڑا مر چکیا سی دوبارہ جی اُٹھیا!
اُو جیہڑا مر چکیا سی دوبارہ جی اُٹھیا!
موت دے مضبوط طرفیلے شکنجے نوں توڑ ڈالیا –
اُو جیہڑا مر چکیا سی دوبارہ جی اُتھیا اے!

تھوما نے اُوتھے کمرے وِچ اُوہنوں پہنچانیا سی،
اُوہنوں اپنا آقا تے خداوند کہیا،
سوراخاں وِچ اپنی اُنگلیاں نوں پایا
جیہڑے کیلاں تے تلواراں نال بنے سن۔
اُو جیہڑا مر چکیا سی دوبارہ جی اُٹھیا!
اُو جیہڑا مر چکیا سی دوبارہ جی اُٹھیا!
موت دے مضبوط طرفیلے شکنجے نوں توڑ ڈالیا –
اُو جیہڑا مر چکیا سی دوبارہ جی اُتھیا اے!
     (’’دوبارہ جی اُٹھیاAlive Again‘‘ شاعر پال ریڈر Paul Rader ، 1878۔1938)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔