کُجھ لوکی اُوہدے نال آ رَلّے

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کُجھ لوکاں نے کہیا اے کہ اتھینے وِچ پولوس دی منادی ناکام سی۔ لیکن ڈاکٹر ڈبلیو اے کرسویل نے آیت 34 دی بنیاد تے اُوتھے پولوس دی تبلیغ دا صحیح اندازہ لگایا،

’’مگر کُجھ لوکی پولوس نال آ رَلّے تے ایمان لیہائے۔ اُوہناں وِچوں اِک دیونسُی یُس، اریوپگُس کونسل دی مجلس دا رُکن سی۔ اِک عورت سی جیس دا ناں دمرس سی تے اُوہناں دے علاوہ ہُور وی سن‘‘ (اعمال 17: 34)۔

[آیت] 33 دا بیان سب توں پہلاں ایہ ظاہر کردا اے کہ پولوس کامیاب نئیں سی … اتھینے وِچ۔ تاہم، ایہ بیان [آیت 34 وِچ] بہوتا کُجھ ظاہر کردا اے۔ دیونسُی یُس ارپگکُس ایتھینے کونسل دے اعلیٰ عہدیاں دے ارکان وِچوں اِک سی … روایت [توں] سانوں پتا چلدا اے کہ یوسیبی یُس Eusebius، اِک ابتدائی کلیسیائی مؤرخ، تے کلیسیا دے دیگر آباؤ اِجداد وِچوں] دیونسُی یُس ایتھینے دا پہلا بشپ سی تے اُو اِک شہید دی موت مریا سی (ڈبلیو اے کرسویل، پی ایچ ڈی۔، کرسویل کا مطالعہ بائبل The Criswell Study Bible، پبلیشرز، 1979، اعمال 17: 34 پر غور طلب بات)۔

اُو پہلاں پادری بن گیا تے ایمانداری نال خوشخبری دی تبلیغ کردے ہوئیاں جیہڑی اُوہنے اُوس دِن اتھینے دی مارس دی پہاڑی تے پولوس رسول توں سیکھی سی اِک شہید دی موت مریا۔ میرے بیلی، جدوں تُسی اِک ایہو جئے بندے نوں نجات دلاؤ جیہڑا اِک پادری بن جاندا اے تے ایہ کوئی ناکامی نئیں اے!

کُجھ ناقدین نے کہیا اے کہ پولوس اتھینے وِچ ناکام ہو گیا۔ میرے بیلی، اُو ناکام نئیں ہویا۔ خوشخبری دا مذاق اُڑان آلے ہمیشہ رہین گے۔ لیکن اُوتھے اُو لوکی وی ہون گے جیہڑے یقین رکھدے نے (جے ورنن میگی، ٹی ایچ ڈی۔، بائبل وِچوں Thru the Bible، تھامس نیلس پبلیشرز Thomas Nelson Publishers، 1983، جلد چہارم، صفحہ 591)۔

جدوں پولوس رسول نے اتھینے وِچ منادی کیتی، تے اُوہنے اپنے واعظ نوں ایہ اعلان کردے ہوئے ختم کیتا کہ خدا نے ’’[مسیح نوں] مُردیاں وِچوں زندہ کیتا اے‘‘ (اعمال 17: 31)۔ اتیھے تین نتیجے سن، جیویں کہ اَسی آیات 32 تے 34 وِچ ویکھنے آں۔

’’جدوں اُوہناں نے مُردیاں دی قیامت دے بارے وِچ سُنیا، تے اُوہناں وِچوں بعض نے اُوہنوں مخول وِچ اُڑا چھڈیا تے بعض نے کہیا کہ اَسی ایس مضمون تے تیرے نال بعد چہ فیر کدی سُناں گے‘‘ (اعمال 17: 32)۔

’’ایہ حال ویکھ کے پولوس اُوناں دی مجلس توں نکل کے ٹُر گیا۔ مگر کُجھ لوکی پولوس نال آ رَلے تے ایمان لیہائے۔ اُوہناں وِچوں اِک دیونسُی یُس، اریوبگُس کونسل دی مجلس دا رُکن سی۔ اِک عورت سی جیس دا ناں دمرس سی تے اُوہناں دے ہُور وی سن‘‘ (اعمال 17: 34)۔

اُو وجہ کہ کُجھ ناقدین کہندے نے کہ ایتھنے وِچ پولوس دی منادی ناکامی سی، اِک وڈے حیاتِ نو دا رونما نئیں ہونا سی۔ فیر وی ایہ سوچنا بوہتی وڈی غلطی اے کہ ہر انجیلی بشارت دی عبادت نوں اِک عظیم حیاتِ نو تے مُکنا چائیدا اے۔ ایہ سچ اے کہ جدوں پولوس نے ایتھنے وِچ منادی کیتی تے وڈے پیمانے تے کوئی حیاتِ نو نئیں آیا۔ کُجھ لوکاں نے مخول اُڑایا تے بغیر نجات پائے ہوئے اپنی اپنی راہ ہو لئے۔ دوجے متجسس سن، تے پولوس نوں فیر توں جی اُٹھن تے گل کردے ہوئے سُننا چاہندے سن۔ پولوس نے مارس ہل نوں چھڈ دِتا، جیتھے اُو منادی کردا رہیا سی۔

’’مگر کُجھ لوکی پولوس نال آ رلے تے ایمان لیہائے‘‘ (اعمال 17: 34)۔

کُجھ اُوہدے نال شامل ہوئے تے مسیح چہ ایمان لیہائے۔ پولوس ناکام نئیں ہویا سی۔ جیویں کہ ڈاکٹر میگی نے کہیا، ’’ایہو جئے لوکی ہمیشہ رہن گے جیہڑے خوشخبری دا مذاق اُڑاندے نے۔ لیکن اُو وی ہون گے جیہڑے یقین رکھدے نے‘‘ (گذشتہ گل دے تسلسل وِچ ibid.)۔ آمین!

ساڈے ایتھے ایہ سوچن دا رُجحان اے کہ پہلی صدی وِچ انجیلی بشارت دا کام سہوکھا سی۔ اَسی ایہ سوچن دا رُجحان رکھنے آں کہ جیتھے کِدرے وی رسول گئے اُوتھے ماڑی جئی دشواری دے نال بہوتا وڈا حیاتِ نو واقعی ہویا۔ اَسی تصور کرنے آں کہ اُوہناں نے چند وری دعا کیتی تے روزہ رکھیا، چند وری انجیل دی منادی کیتی، تے لوکی ہمیشہ وڈی تعداد وِچ مسیح تے ایمان لہیان دے لئی دوڑے چلے آئے۔ ساڈے خیال وِچ ایہ اُوہناں دے لئی سہوکھا سی۔ لیکن، فیر توں سوچو! پولوس رسول نے اپنی مذہبی خدمت دے بارے وِچ لکھیا،

’’میں یہودیاں دے ہتھاں پنج وری اُنتالی، اُنتالی کوڑے کھادے۔ تین وری رومیاں نے میہنوں چھڑیاں نال ماریا، اِک وری سنگسار وی کیتا، تین وری جہاز دی تباہی دا سامنا وی کیتا، اِک دِن تے اِک راتی کُھلے سمندر وِچ وگدا پھریا۔ میں اپنے سفر دے دوران بارہا دریاواں دے، ڈاکوؤاں دے، اپنی قوم دے، غیر یہودیاں دے، شہر دے، بیابان دے، سمندر دے، جھوٹے بھرہاواں دے خطریاں وِچ گھِریا رہیا آں۔ میں محنت کیتی اے، مشقت نال کام لیہیا اے، اکثر نیند دے بغیر رہیا آں۔ میں بھُک پیاس برداشت کیتی۔ اکثر فاقہ کیتا، میں سردی وِچ بغیر کپڑیاں دے گزارا کیتا اے۔ کئی ہُور گلاں دے علاوہ ساری کلیسیاواں دی فکر دا بوجھ میہنوں ستاتا رہیا اے‘‘ (II کرنتھیوں 11: 24۔28)۔

اُو کیویں انجیلی بشارت نوں دیہندے رہنا جاری رکھن دے قابل سی، حالانکہ اُوہنوں اکثر مسترد کر دِتا جاندا سی، اُوہدا پیغام سُنیا نئیں جاندا سی، تے اُوہدی حیاتی ایہنی مشکل سی؟ کیس گل نے پولوس نوں اینج دی شدید مشکلاں وِچ پایا؟ میرے خیال وِچ گھٹ توں گھٹ تین گلاں نے جِنہاں نے اُوہنوں [خوشخبری] نوں جاری رکھنا رکھیا۔

1. سب توں پہلاں، اُو بشارت دیہندا رہیا۔ ایہدے بعد اَیس اُوہنوں کورنتھس وِچ پانے آں۔ اُو کی کر رہیا اے؟ اُو ’’یہودی عبادت خانہ وِچ بحث نال قائل کردا … روح چہ بہوتے جوش دے نال، تے یہودیاں نوں گواہی دیہندا اے کہ یسوع ای مسیح اے‘‘ (اعمال 18: 4، 5)۔ بہنو تے پراہاؤ، انجیلی بشارت دا کام کرن تو بہوتا ہور کوئی گل ساڈے اپنے دِلاں نوں ایس قدر تیزی نال زندہ نئیں کرے گی!

2. دوجی گل، اُو اَگے ودھیا تے پیچھے مُڑ کے نئیں ویکھیا۔ اُوہنے کہیا، ‘‘ایہ اِک کام اے جیہڑا میں کرنا آں، اُوہناں گلاں نوں بُھل کے جیہڑیاں پیچھے رہ گئیاں نے اَگے وَل ودھنا آں، تے میں یسوع مسیح چہ خدا دی اعلیٰ بُلاہٹ دے انعام دے نشان نوں پان دے لئی تیرزی نال نٹھنا آں (فلپیوں 3: 13-14)۔ اِک رومن کھلاڑی وانگوں، اُوہنے ’’انعام‘‘ وَل زور دِتا جیہڑا کہ ’’یسوع مسیح وِچ خدا دی اعلیٰ بُلاہٹ‘‘ سی۔

3. تیجی گل، اُو مسیح دی طاقت تے اِنحصار کردا سی، اپنی خود دی طاقت تے نئیں۔ اُوہنے مسیح تے یقین کیتا، جِنہے اُوہنوں کہیا، ’’میرا فضل تیرے لئی کافی اے کیوں جے میری قدرت کمزوری وِچ پوری ہوندی اے‘‘ (2 کرنتھیوں 12: 9)۔ ایس لئی اُو کہہ سکدا اے، ’’میں مسیح دے ذریعے اُو سب کُجھ کر سکنا آں جیہڑا میہنوں مضبوط کردا اے‘‘ (فلپیوں 4: 13)۔ ہو سکدا اے کہ اَسی محسوس نہ کریے کہ اَسی ایہ کام کر سکنے آں، لیکن اَسی بہرحال انجیلی بشارت تدا کام ضرور کراں گے! ’’کیوں جے ایہ خدا ای اے جیہڑا تہاڈے وِچ اپنی مرضی تے خوشنودی دے لئی کام کردا اے‘‘ (فلپیوں 2: 13)۔ سانوں ایس طاقت تے ٹُرنا چائیدا اے جیہڑی خدا سانوں بخشدا اے۔ جدوں اَسی اینج کرنے آں تے سانوں روکا نئیں جا سکدا تے سانوں فتح نئیں کیتا جا سکدا!

ایہ اُو کُجھ گلاں سن جِںہاں نے پولوس رسول نوں زمانیاں دے عظیم تیرن روح دے فاتح دے طور تے جاری رکھیا۔ تے ہو سکدا اے کہ اُو آسان نکات تہانوں کام جاری رکھن دی ترغیب دین: مسیح دی طاقت وِچ آرام کرو، اپنی خود دی طاقت وِچ نئیں! اَگے ودھو تے پیچھے نہ ویکھو! خوشخبری جاری رکھو، پاویں کُجھ وی ہووے! کسی وی گل نوں تہانوں روکن نہ دیو!

تہاڈے وِچوں کئی لوکی نے جیہڑے اَج دی سویرے پہلی وری ایتھے آئے نے، یا صرف اِک یا دو وری ایتھے آنے نے۔ ساڈا تہانوں کی پیغام اے؟ ایہ اُوہی پیغام اے جیس دی تبلیغ پولوس رسول نے مسلسل کیتی، اُو جیتھے وی گیا،

’’صحائف دے مطابق مسیح ساڈے گناہواں دی خاطر مر گیا؛ تے کہ اُو دفنایا گیا تے پاک صحائف دے مطابق تیجے دِن فیر توں جی اُٹھیا‘‘ (I کرنتھیوں 15: 3۔4)۔

اَسی تہانوں خوشخبری سُناندے ہوئے کدی وی نئیں تھکدے – کہ مسیح تہاڈے گناہواں دا مکمل کفارہ ادا کرن دی خاطر سولی تے قربان ہو گیا۔ کہ مسیح جسمانی طور تے مُردیاں وِچوں جی اُٹھیا تے واپس آسمان تے چڑھ گیا۔ کہ مسیح اَج زندہ اے، خدا باپ دے سجّے پاسے بیٹھا اے۔ تے ایہ کہ تُسی ایمان دے وسیلے نال مسیح دے کول آ سکدے اُو تے اُوہدے فضل نال نئے سرے توں جنم لے سکدے اُو۔ ایہ ساڈا نہ ختم ہون آلا پیغام اے۔ تُسی ایہنوں سُن سکدے اُو۔ تُسی مسیح تے پروہسا کرو تے اُوہدے ابدی لہو دے ذریعے اپنے گناہواں توں پاک صاف ہو جاؤ۔ آمین! آؤ، کِھلو کے تہاڈے گیتاں دے ورق توں حمدوثنا دا آخیرلا گیت گائیے۔ تے جیویں ای اَسی ایہنوں گانے آں، ڈاکٹر اوسوالڈ جے سمتھ دے الفاظ نوں ساڈا نعرہ بنن دیو جدوں اَسی اَج دوپہر اِک گواچی ہوئی یا گمراہ ہوندی ہوئی تے مردی ہوئی دُںیا نوں خوشخبری سُنان دے لئی نکلنے آں۔

سانوں ایس لمحے لئی اِک نعرہ دے، اِک سنسنی خیز لفظ، طاقت دا اِک لفظ،
جنگ دا رونا، اِک آتش گیر سانس جیہڑی فتح یا موت نوں پکاردی اے۔
اِک لفظ جِنہے سُتی ہوئی کلیسیا نوں اٹھایا اے، تاں جے مالک دی وڈی درخواست تے توجہ دِتی جائے۔
بلاوہ دِتا گیا اے، اے میزبان، اُٹھو، ساڈا نعرہ اے، انجیلی بشارت کرو!

پُر مسرت انجیل ہُن اعلان کردی اے، ساری زمین تے، یسوع دے ناں وِچ؛
ایہہ لفظ آسماناں وچ سُنائی دیندا اے: انجیلی بشارت کرو! انجیلی بشارت کرو!
مردے ہوئے لوکاں لئی، اِک گمراہ نسل، انجیلی فضل دے تحفے نوں شہرت دیو؛
اُو دُنیا جیہڑی ہُنے تاریکی وچ اے، انجیلی بشارت کرو! انجیلی بشارت کرو!
(انجیلی بشارت کرو! انجیلی بشارت کرو! Evangelize! Evangelize!‘‘ شاعر ڈاکٹر اُوسولڈ جے۔ سمتھ Dr. Oswald J. Smith، 1889۔1986؛ بطرز ’’ہُور کی ہو سکدا اے؟ And Can It Be?‘‘ شاعر چارلس ویزلی، 1707۔1788)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔