ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جوناتھن ایڈورڈز 1703 وِچ پیدا ہوئے تے 1758 وِچ فوت ہو گئے۔ اُو تقریباً 17 وریاں دی عمر وِچ مسیح چہ ایمان لیہیا کے مذہبی طور تے تبدیل ہوئے [یعنی اُوہناں نے مسیحی عقیدے نوں ذاتی طور تے اپنایا]۔ اُوہناں نے 19 ورے دی عمر توں پہلاں ای تبلیغ دا آغاز کر دِتا سی۔ تقریبا 8 ماہ تیکر اُوہناں نے نیویارک شہر دے اِک چھوٹے جئے گرجا گھر وِچ تبلیغ کیتی۔ اُوہدے بعد اُوہناں نوں ییلYale وِچ ٹیوٹر دی حیثیت نال بُلایا گیا تے اُوتھے اُو دو وریاں تیکر مقیم رئے۔ 1724 وِچ اُوہناں نوں نارتھ فیلڈ، میساشوسٹس دے ’فرسٹ کانگریگیشنل چرچ‘ وِچ بُلایا گیا تے اُوتھے مقرر کیتا گیا، جیتھے اُوہناں نے اپنے دادا ڈاکٹر سولومن اِسٹوڈارڈ دے نال معاون پادری دے طور تے خدمات سر انجام دِتیاں۔ دو ورے بعد اُوہناں دے دادا دا انتقال ہو گیا تے ایڈورڈز اُوس تھاں دے پاسٹر بن گئے۔

1734-1744 دی پہلی عظیم بیداری اُوہناں دے گرجا گھر وِچ، تے کُجھ پڑوسی گرجا گھراں وِچ، زیادہ تر اُوہناں دی تبلیغ دے تحت شروع ہوئی۔ اُوہناں دے واعظاں دا اُوہناں دے سامعین تے زبردست اثر سی تے ایتھوں تیکر کہ عظیم مبشر جارج وائٹ فیلڈ دے خیالات نوں وی متاثر کیتا، جِنہاں نے پہلی عظیم بیداری وِچ ایڈورڈز دے نال تھوڑی دیر تیکر کام کیتا۔ ایتھوں تیکر کہ اپنے ابتدائی تبلیغ دے دِناں توں ای ایڈورڈز اپنی گہری سوچ تے آتش تبلیغ دے لئی جانے جاندے سن۔ اُوہناں دی واج حکم دین آلی نئیں سی تے گفتگو وِچ اُوہناں دے تاثرات گھٹ ہوندے سن۔ لیکن اُوہناں دے بہتیرے واعظ زبردست سن (مندرجہ بالا پیراگراف ایلگین ایس موئیرElgin S. Moyer دی کتاب، کون کلیسیا دی تاریخ وِچ کون سی Who Was Who in Church History، کیٹس پبلیشنگ کارپوریشن Keats Publishing, Inc، 1974 ایڈیشن، صفحہ 129 توں اخذ کیتے گئے سن)۔

ایڈورڈز دی واعظ تے تبلیغ دے زیرِ اثر، 1734-1735 دے دوران نارتھمپٹن وِچ اُوہناں دی کلیسیا تے اُوہدے آس پاس دے کئی گرجا گھراں وِچ اِک زبردست مذہبی بیداری دا مشاہدہ کیتا گیا۔ 1739 وِچ، اِک وری فیر ایڈورڈز دی تبلیغ دے ای نتیجے وِچ، اِک ہور تے بوہتا وسیع پیمانے تے بیداری دا عمل شروع ہویا جِنہوں پہلی عظیم بیداری First Great Awakening دے ناں نال جانا جاندا اے۔ ایس عرصے دے دوران ایڈورڈز دی ملاقات جارج وائٹ فیلڈ نال ہوئی، جِنہاں نے انگلستان وِچ ایڈورڈز دی تحریرراں دی تشہیر کیتی۔ جان ویزلی نے وی، کسی حد تیکر، اُوہناں دی تحریرراں نوں فروغ دِتا۔ اُوہناں دیاں کتاباں تے خطبات ای اُو بنیاد سن جِنہاں نال اٹھارویں صدی دے وسط وِچ ایس عظیم الشان مذہبی بیداری دا آغاز ہویا۔ اُوہناں نے نہ صرف پہلی عظیم بیداری نوں فروغ دِتا، بلکہ حقیقی معنیاں وِچ اُو اُوس خدائی وسیلے دا درجہ رکھدے سن جِنہوں خدا نے ساری بیداریاں وِچ سب توں عظیم بیداری دی لہر نوں برپا کرن دے لئی استعمال کیتا (مذکورہ بالا پیراگراف کون مسیحی تاریخ وِچ کون سی Who’s Who in Christian History توں ماخوذ نے، جیس کتاب دے ایڈیٹرز جے ڈی ڈگلس تے ڈونلڈ مچل سن، ٹائنڈیل ہاؤس پبلشرز، 1992، صفحہ 224 توں ماخوذ اے)۔

اَج دی رات میں تہاڈے سامنے جوناتھن ایڈورڈز دے واعظ ’’کہ شریر لوکی شیطان دی اولاد نے That Wicked Men are the Children of the Devil‘‘ تے ولیم سی نکولز دے تبصریاں دا اِک مختصر خلاصہ پیش کر رہیا آں۔ مہربانی نال جوناتھن ایڈورڈز دے ایس واعظ تے کیتے گئے ایہناں تبصریاں نوں غور نال سُنو۔

’’تُسی اپنے پیو ابلیس دے اُو، تے اپنے پیو دی مرضی تے ٹُرنا چاہندے اُو‘‘ (یوحنا 8: 44)۔

یوحنا دے 8 ویں باب وِچ، یسوع مذہبی یہادیاں دے نال گل کر رہیا اے جِنہاں نے، آیت 31 دے مطابق، ’’اُوہدے تے یقین کیتا سی۔‘‘ ایہ کوئی عام بے اعتقادے کافر نئیں سن۔ اُوہناں نے ابراہیم نوں اپنا پیو قرار دِتا تے یقین رکھدے سن کہ اُو ایہدی پیروی کر رئے نے۔ یسوع، تاہم، اُوہناں نوں مطلع کردا اے کہ اُو نہ صرف گناہ دے غلام سن بلکہ ایہ وی کہ اُوہناں دا پیو درحقیقت ابراہیم نئیں سی بلکہ شیطان سی (یوحنا 8: 44)، ’’تُسی اپنے پیو ابلیس دے اُو۔‘‘

شیطان دا نا اصل وِچ لوسیفر سی۔ اُوہنے خدا دے اِختیار دے خلاف بغاوت کیتی تے خدا دی حکومت نوں ختم کرن دی کوشش کیتی، تے خود نوں خدا دے طور تے قائم کیتا۔ اشعیا نبی خود سربُلندی دی اپنی قابلِ فخر خواہش نوں بیان کردا اے،

’’اے سویرے دے ستارے، فجر دے پُتر، توں کیویں آسمان توں ڈِگیا! توں جیہڑا کسی زمانے وِچ قوماں نوں زیر کردا سی، خود وی زمین تے پٹکا گیا! توں اپنے دِل وِچ کہندا سی، میں آسمان تے چڑھ جاواں گا تے اپنا تخت خدا دے ستاریاں توں وی اُوچا کراں گا۔ میں جماعت دے پہاڑ تے تخت نشین ہوواں گا، اُوس مقدس پہاڑ دی بالائی چوٹیاں تے۔ میں بدلاں دے سراں توں وی اُوچا چڑھ جاواں گا، میں خدا تعالیٰ وانگوں بناں گا‘‘ (اشعیا 14: 12۔14)۔

لوسیفر خدا تے اُوہدے اِختیار دی فرمانبرداری تے تابعداری وِچ حیاتی لنگہان تے راضی نئیں سی۔ اُو خود نوں ’’خدا وانگوں‘‘ بنانا چاہندا سی۔

ایہ کوئی اِتفاق نئیں اے کہ شیطان نے آدم تے حوّا نوں اینج ای آزمایا۔ شیطان نے حوّا نوں دسیا کہ جے اُوہنے نیکی تے بدی دے علم دے درخت دا پھل کھادا تے اُو خدا وانگوں ہو جائے گی۔

’’کیوں جے خدا جانندا اے کہ جس دِن تُسی ایہنوں کھاؤ گے تہاڈی اَکھاں کُھل جان گئیاں تے تُسی خدا وانگوں نیکی تے بدی دے جانن آلے بن جاؤ گے‘‘ (پیدائش 3: 5)۔

دوجے لفظاں وِچ، تہانوں ایہ دسن دے لئی خدا دی لوڑ نئیں رئے گی کہ کی کرنا اے۔ تُسی خود کفیل تے آزاد ہو سکدے اُو۔ تُسی آپئے طے کر سکدے اُو کہ کی چنگا اے تے کی بُرا۔ تُسی اپنے خود دے خدا بن سکدے اُو۔ ’’خداؤں‘‘ وگرا بنن دی خواہش وِچ، جدوں آدم تے حوّا نے خدا دے اِختیار نوں ٹھکرایا تے اُو درحقیقت حیواناں وگرے بن گئے۔ اُو مکمل طور تے وِگڑ گئے تے اخلاقی پستی دا شکار ہو گئے۔ اُوہناں دے دِل دا ہر اِرادہ خود غرضانہ ہو گیا۔ اُو خود پسندی تے صرف اپنے لئی جین، اپنے خود غرضانہ مقاصد حاصل کرن تے اپنی خود غرضانہ خواہشاں نوں پورا کرن دی تمنا نال بھر گئے۔ ایویں گناہ کر کے اُو خود ابلیس وانگوں بن گئے۔ آدم دی ساری اولاد نوں اخلاقی پستی آللی ایہ وِگڑی ہوئی فطرت ورثے وِچ ملی، جیہڑا ’’ذات‘‘ نوں ای نگاہواں دا مرکز بناندی اے۔ ایہ گل ہر انسان دے بارے وِچ سچ اے۔

ایڈورڈز دے اِک ہُور واعظ دا عنوان اے، ’’انسان دی فطرت ایس قدر وِگڑ چکی اے کہ اُو اِک انتہائی شریر تے نقصان دہ مخلوق بن گیا اے۔‘‘ ایس واعظ وِچ ایڈورڈز نے کہیا، ’’فطری طور تے انسان دے کول اپنے اعمال وِچ رہنمائی دے لئی … ’ذات نال محبت‘ دے سِوا کوئی ہُور اصول نئیں ہوندا … ایہنوں خدا دے جلال یا دوجیاں دی بھلائی دا ذرا وی مخلصانہ خیال نئیں ہوندا۔ اُو اپنے فائدے، اپنی ترقی تے اپنی خواہشات دی تسکین دے ای درپے رہندا اے، قطع نظر ایس دے کہ اُوہدا دوجیاں دی بھلائی تے کی اثر پیہندا اے۔‘‘

’’تُسی اپنے پیو ابلیس دے اُو، تے اپنے پیو دی مرضی تے ٹُرنا چاہندے اُو‘‘ (یوحنا 8: 44)۔

شیطان کائنات دی کسی وی دوجی ہستی دی نسبت خود توں زیادہ محبت کردا اے۔ اُو چاہندا اے کہ انسان اُوہدی تقلید تے پیروی کرے، یعنی اُو خود نوں خدا دے مقام تے فائز کرن تے صرف اپنی ذات نوں خوش کرن دے لئی حیاتی لنگہان۔

جیویں کہ اَسی ذکر کیتا اے، آدم اُوس ویلے گمراہ ہویا جدوں اُوہنے خدا وگرا بنن دی کوشش کیتی، جدوں اُوہنے خدا توں آزادی تے خود کفالت حاصل کرن تے خود اپنا خدا بنن دی کوشش کیتی۔ اپنی ہر سرگرمی وِچ، فطری انسان اپنی شہوانی تے نفسانی خواہشاں دی تسکین دے ذریعے لذت دا متلاشی رہندا اے، یا فیر اپنے متکبرانہ نفس دی تسکین دے ذریعے طاقت، عزت تے شہرتے حاصل کرن دی کوشش کردا اے۔ ایڈورڈز نے کہیا، ’’اُو شیطان وانگوں نے کیوں جے اُو وی ایس ای قسم دی شہوتاں تے گناہواں دے زیرِ اثر ہوندے نے جِنہاں وِچ شیطان مبتلا اے۔ اُوہناں دی فطرت وی اُونج دی اے شریر اے۔ شیطان تے ایمان توں محروم انسان فطرت دے اعتبار نال یکساں نے۔ ایہناں وِچ خدا دے خلاف اُوہی دشمنی، اُوہی تکبر تے اُوہی بغض پایا جاندا اے۔ ایمان توں محروم انسان شیطانی فطرت دے حامل ہوندے نے … انسان تے شیطان، دوواں وِچ گناہ دا سرچشمہ خود پرستی ای اے۔‘‘

لیکن ایمان توں محروم لوکی اپنے بارے وِچ ایہ تسلیم نئیں کرنا چاہندے۔ مسیح دے ایمان توں محروم لوکی بالکل اینج ای [اپنے آپ وِچ] غصے چہ ہو جاندے نے جیویں کہ یہودی یسوع دے دِناں وِچ سن جدوں اُوہناں نوں اُوہنے دسیا سی،

’’تُسی اپنے پیو ابلیس دے اُو، تے اپنے پیو دی مرضی تے ٹُرنا چاہندے اُو‘‘ (یوحنا 8: 44)۔

مسیح چہ ایمان توں محروم لوکی کہندے نے کہ ایہ گل اُوہناں تے صادق نئیں آندی، حالانکہ ایہ سچ اے۔ اُو اپنے بارے وِچ بہوتا اُوچا خیال رکھدے نے۔ ایڈورڈز نے کہیا، ’’تُسی خود نوں بہوتی سارے چنگے کام کرن آلا سمجھدے اُو۔ تُسی بائبل پڑھدے تے دعا کردے اُو، تے سمجھدے اُو کہ تُسی بہوتی سارے نیک کام کیتے نے۔ تے تہانوں لگدا اے کہ تہاڈے کیتے گئے نیک کماں دی خدا دے ہاں قدر ہونی چائیدی اے، مگر خدا تہاڈے بارے وِچ اُونج نئیں سوچدا جیویں تُسی خود دے بارے وِچ سوچدے اُو۔ خدا جانندا اے کہ تُسی پاویں کیہنے ای چنگے کام کیوں نہ کر لو، ہُنے وی شیطان ای تہاڈا پیو اے، تے تُسی اُوس دی ای اولاد اُو۔ کیوں جے اپنی تمام تر ظاہری نیکی دے باوجود، تہاڈے اندر سانپ دا زہر موجود اے۔ تُسی زہریلے سپاں دی نسل توں اُو، اگرچہ تُسی خود وِچ ایہ گل نئیں ویکھ پاندے۔ فیر وی تہاڈا دِل درحقیقت شیطان، یعنی اُوس پرانے سَپ، دی زہریلی فطرت وگرا اے۔‘‘ ایویں، ایمان نہ لیہیان آلیاں دے دِل تے شیطان دے دِل آپس وِچ بہوتی مشابہت رکھدے نے۔

’’تُسی اپنے پیو ابلیس دے اُو، تے اپنے پیو دی مرضی تے ٹُرنا چاہندے اُو‘‘ (یوحنا 8: 44)۔

ایڈورڈز ایس عقیدے نوں لوکاں نوں اُوہناں دے ’’اپنے دِلاں دی بدکاری‘‘ دا احساس دِلان دے لئی استعمال کردے نے۔ اُو خبردار کردے نے کہ ’’چونکہ تُسی شیطان دی اولاد اُو، ایس لئی خدا تہانوں وی ایس ای قدر ناپسندیدگی دی نظر نال ویکھدا اے جیس قدر اُو شیطان نوں ویکھدا اے۔ خدا شیطان دی ساری اولاد نوں شدید غضب دی نگاہ نال ویکھدا اے۔ خدا بدکاراں نال ہر روز ناراض رہندا اے، یعنی جدوں تُسی سو رئے ہوندے اُو یا جاگ رئے ہوندے اُو، بیٹھدے اُو یا کھڑے ہوندے اُو، فیر وی اُو تہاڈے نال ناراض ہوندا اے۔ خدا دا غضب ہر ویلے تہاڈے خلاف بھڑکدا رہندا اے۔‘‘ خدا ایمان نہ لیہیان آلیاں تے زور دیہندا اے کہ اُو … ’’ایہ ویکھن تے تسلیم کرن کہ خدا دا تہانوں بدستور حقارت دی نظر نال ویکھنا تے تہاڈی اصل حالت تے تہاڈے کیتے گئے سارے بُرے کاماں دی پاداش وِچ تہانوں ہلاکت [یا جہنم] دے سپرد کرنا عین انصاف تے عدل تے مبنی ہووے گا، کیوں جے جدوں خدا شیطان تے اُوہدی اولاد یعنی تُسی لوکاں نوں ہلاکت دے سپرد کردا اے تے اُو نہ تے نا اِنصافی دا مرتکب ہوندا اے تے نہ ای غلطی کردا اے۔‘‘

لیکن اَج کل اُو لوکی جِنہاں نے توبہ نئیں کیتی، درحقیقت ایہ نئیں ویکھدے تے نہ ای تسلیم کردے نے کہ خدا دا اُوہناں نوں ہلاکت دے لئی ٹھہرانا درست تے عین اِنصاف اے۔ کوئی وی شخص ایس گل تے ایس ویلے تیکر یقین نئیں کرے گا جدوں تیکر کہ اُو انساناں دے دِلاں تے فطرت دی بدی دے باعث خدا دی روح دے ذریعے عاجز تے شکستہ نہ ہو جائے۔

بائبل کہندی اے،

”خدا شریرراں نال ہر روز ناراض رہندا اے‘‘ (زبور 7: 11)۔

جدوں اَج ایس قسم دی کوئی آیت سکھائی جاندی اے تے ایہدے نال اُو لوکی ناراض ہو سکدے نے جِنہاں نے ہُنے تیکر ایمان قبول نئیں کیتا جِنہاں دا ایمان محض ظاہری تے جھوٹا اے۔ لیکن جے اَسی اُو تعلیم نئیں دیہندے جیہڑی بائبل سکھاندی اے، تے اَسی درحقیقت بھٹکے ہوئے لوکاں نوں گمراہ کر رئے ہونے آں۔

’’تُسی اپنے پیو ابلیس دے اُو، تے اپنے پیو دی مرضی تے ٹُرنا چاہندے اُو‘‘ (یوحنا 8: 44)۔

اَسی لوکاں نوں گمراہ کر رئے آں جدوں اَسی اُوہناں نوں ایہ کیہن دے لئی کہنے آں، ساڈا پیو جیہڑا آسمان تے اے‘‘ [’’عشائے ربانی‘‘ دی دعا وِچ] جدوں کہ خدا اُوہناں دا پیو ای نئیں اے۔ اُوہناں دا حقیقی پیو شیطان اے،

’’تُسی اپنے پیو ابلیس دے اُو، تے اپنے پیو دی مرضی تے ٹُرنا چاہندے اُو‘‘ (یوحنا 8: 44)۔

ایڈورڈز نے کہیا، ’’جے تُسی واقعی شیطان دی اولاد اُو، تے خدا تہانوں وی اینج ای ہلاک کر دے گا جیویں تہاڈے پیو یعنی ابلیس نوں ہلاک کیتا جائے گا۔ تُسی جہنم وِچ اُوہدے نال ای ہوو گے۔ تُسی شیطان دے نال ایس ای ابدی اَگ وِچ رہوو گے، تے تہاڈے تے اینج ای نفرت دی نظراں نال ویکھیا جائے گا جیویں خدا تے پاک فرشتے ابدلآباد توں ویکھدے رئے نے۔‘‘ جوناتھن ایڈورڈز دے ایس سلسلے دا اگلا واعظ تہانوں دسے گا کہ جہنم دے عذاب دراصل کیویں ہون گے۔*

*ایہ تحریر جوناتھن ایڈورڈز دے واعظ ’’کہ شریر لوکی شیطان دی اولاد نے That Wicked Men are the Children of the Devil‘‘ تے ولیم سی نکولس دے تبصریاں دا خلاصہ اے؛ ایہ مواد مسٹر نکولس دی 2006 وِچ شائع ہون آلی کتاب جنہم دے عذاب: جاناتھن ایڈورڈز دائمی لعنت تے The Torments of Hell: Jonathan E