ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں تہانوں دعا دے بارے چہ ڈاکٹر جان آر رائس دے چند لفظاں نوں پیش کر رہیا آں، جیہڑے اِک ایہو جئے بندے دے نے جیہڑا ذاتی تجربے نال دعا دے بارے چہ بہوتا کچھ جانندے سن۔ مرقس 11: 24 دے بارے وِچ، ڈاکٹر رائس نے کہیا،

ایس وعدے وِچ بہتیری حیرت انگیز سچائیاں نے، لیکن یاد رکھو کہ یسوع دا یقینی طور تے ایہ مطلب سی کہ اِک مسیحی دے ذہن وِچ مخصوص خواہشات ہونی چائیدیاں نے جدوں اُو دعا کردا اے تے فیر اُوہنوں خدا تے پروہسا کرن دے قابل ہونا چائیدا اے تے خدا کولوں اُو شیواں حاصل کرنی چائیدیاں نے جیہڑیاں اُو منگدا اے۔ دعا، بائبل دے معنی وِچ، بنیادی حقائق یا عملی تفصیلات تے غور کرنا شروع کرنا تے خدا توں بالکل اُوہی منگنا اے جیہڑا تُسی چاہندے اُو۔ دعا صرف منگنا ای نئیں بلکہ کچھ نہ کچھ منگنا وی اے۔ جے ایہ یقینی دعا نئیں اے تے ایہ [حقیقی دعا وی نئیں] اے (جان آر. رائس، ڈی ڈی John R. Rice, D.D.، دعا: منگنا تے قبول کیتے جانا Prayer: Asking and Receiving، سورڈ آف دی لارڈ Sword of the Lord، 1970 وِچ 1942 دی معیاری اشاعت دی دوبارہ اشاعت، صفحہ 147)۔

بائبل وِچ، جدعون نے یقینی طور تے دعا منگی۔ اُوہنے خدا نوں درخواست کیتی کہ اُوس اون نوں خشک کر دے جیہڑا اُوہنے فرش تے رکھیا سی، تے اُون دے آلے دوالے زمین نوں گیلا کر دِتا جائے۔ خدا نے اُوہنوں یقینی طور تے جواب دِتا جیہڑا اُوہنے اُوس یقینی دعا وِچ پُچھیا سی۔ جدعون دی بائبل وِچ ایہ اِک واضح تصویر اے کہ اُو خاص طور تے دعا کر رہیا اے تے خدا نے اُوہنوں بالکل واضح طور تے جواب دِتا اے جیہڑا اُوہنے [واضح] منگیا سی۔

بائبل اُوہناں لوکاں دی مثالاں نال بھریا پیہئی اے جیہڑے بالکل جانندے سن کہ اُو کی چاہندے نے، تے اُو خدا دے نال ایس طرح دے معاہدے وِچ سن کہ اُوہناں نے مطالبہ کیتا تے بالکل اُوہی حاصل کیتا جیہڑا اَخیرلی تفصیل دے حد تیکر اُوہناں دے ذہن وِچ سی! ایہ یقینی دعا اے۔

ڈاکٹر رائس نے کہیا،

مبارک نے اُو مسیحی جیہڑے خدا دی مرضی چہ راضی نے، جیہڑا خدا دے ذہن نوں جانندا اے، جیہدیاں ایہو جہیاں قطعی خواہشاں نے کہ خدا دے کام دےبارے وِچ، اُو خدا نوں حکم دے سکدا اے تے جو چاہندا اے اُوہنوں حاصل کر سکدا اے (گذشتہ گل دے تسلسل وِچ ibid.، صفحہ 149)۔

غیر معینہ دعا اکثر محض رسمی تے غیر مخلصانہ ہوندی اے۔ بہتیرے لوکی دِن بہ دِن اُوہناں شیواں دے لئی دعا منگدے نے جِنہاں دی اُو واقعی خواہش نئیں کردے نے۔ لیکن مرقس 11: 24 بیان کردا اے ’’جدوں تُسی دعا کردے اُو، جِنہاں شیواں نوں تُسی چاہندے اُو …‘‘ خدا اُوہناں دعاواں دا جواب کیویں دے سکدا اے جیہڑیاں مخلصانہ خواہش دی نمائندگی نئیں کردیاں نے؟

کُجھ لوکی [دوجیاں دے ذریعہ] سُنے جان دے لئی دعا منگدے نے۔ سوچو ایہناں دعاواں وِچ کیہنیاں بے شمار دعاواں غیریقینی نے، خدا توں کُجھ وی منگنا تے حاصل کُجھ وی نہ کرنا۔

غیر معینہ دعا عموماً ایہ ظاہر کردیاں نے کہ نماز چہ کوئی بوجھ نئیں، دعا چہ کوئی خاص عجلت نئیں اے۔

ڈاکٹر رائس نے اِک عورت دے بارے چہ دسیا جیہدا سولہ وریاں دا اِک ٹھیک ٹھاک مُنڈا سی جیہڑا غیر نجات یافتہ سی۔ ’’لیکن،‘‘ اُوہنے کہیا، ’’میہنوں یقین اے کہ اُو ایہناں دِناں وِچوں کسی وی دِن نجات پا جائے گا۔‘‘ اُوہنوں اپنے پُتر دی فوری تبدیلی دے لئی کوئی چھیتی یا بوجھ نئیں سی۔ فیر اِک راتی اُوہدے پُتر نوں کالی بیوہ نامی اِک زہریلی مکڑی نے کٹ لیہیا۔ اُوہدا دی خیال سی کہ اُو مر جائے گا۔ اُوہنے فوراً ڈاکٹر نوں بُلایا، تے ڈاکٹر رائس نے کہیا کہ جیویں ای مُنڈے دا علاج معالجہ وغیرہ کروا لیہیا گیا، ’’اُوہنے رات دے گیارہ بجے میہنوں بُلایا۔ میں قصبے دے دوجے سرے توں فوراً [اُوہدے] پتر دی عیادت دے لئی پہنچیا۔‘‘ اُو عورت رو رئی سی تے جدوں اُوہنے ڈاکٹر رائس نوں کہیا، ’’میں اُوس ویلے تیکر نئیں سوواں گی جدوں تیکر میہنوں معلوم نہ ہو جائے کہ اُو نجات پا گیا اے۔ تے میں محض ہُںے ای ایہ ویکھن دے لئی جاگی آں کہ اُو کسی وی ویلے مر سکدا اے تے جہنم جا سکدا اے!‘‘ مصیبت زدہ ماں اُوہدے پلنگ دے کول کِھلوتی اُوہنوں اِلتجا کر رئی سی، لڑکا چھیتی ای اپنے گناہواں دی سزایابی وِچ آ گیا تے چھیتی ای اُوہدی نجات دہندی دے بور تے مسیح تے پروہسا کرن دے لئی رہنمائی کیتی گئی۔

میں کہنا آں، جدوں دعا وِچ کوئی قطعیت نئیں اے، تے ایہدی وجہ ایہ اے کہ کوئی حقیقی بوجھ نئیں اے، دِل وِچ [جواب دے جواب دے لئی] کوئی خواہش نئیں اے۔

جدوں میں کسی پڑوسی نوں ویکھنا آں جیہڑا کہندا اے، ’’کدی میرے کول وی آؤ تے میہنوں مِلو،‘‘ میں شاید جواب دیاں، ’’ٹھیک اے، میں آواں گا تے کسی ویلے تہانوں مل لیہواں گا۔‘‘ [لیکن] اَسی دوویں صرف شائستہ آں۔ اُو ’’کسی وی ویلے‘‘ کدی نئیں آندا۔

میں کہنا آں کہ خدا دے کلام دا مطالعہ ساڈی دعاواں نوں یقینی بنان وِچ ساڈی مدد کرے گا … جدوں اَسی بائبل نوں پڑھنے آں تے ویکھنے آں کہ [خدا] سانوں کیہنا دین دی خواہش رکھدا اے تے اُو کیہنی آزادی نال ساڈی دعاواں دا جواب دیہن دے لئی پیشکش کردا اے … لہٰذا یقینی مقاصد دے لئی تے یقینی اوقات وِچ دعا منگن وِچ تے بوہتی جرأت دا مظاہرہ کرو۔

یقینی دعا دا مطلب ایہ نئیں اے کہ تُسی خدا نوں اپنے نقطہ نظر تے لیہیان دی کوشش کرو۔ بلکہ، ایہدا مطلب ایہ اے کہ معلوم کرو کہ خدا تہانوں کی دیہنا چاہندا اے، تے فیر اُو دعا منگو جیہڑی خدا تہاڈے دِل وِچ رکھدا اے۔

یقینی ہون دا دوجا طریقہ ایہ اے کہ ایہنوں لکھ دِتا جائے۔ میں کدی کدی اِک فہرست رکھنا آں، تے دعا دی درخواستاں لکھنا آں، میں چاہنا آں کہ خدا جواب دیوے۔ میں اُوہناں نوں اِک کاغذ دے ٹکڑے تے 1، 2، 3، 4 وغیرہ نمبر دیہنا آں، تے فیر ایس کاغذ نوں اپنی بائبل وِچ رکھنا آں۔

لہٰذا میں اکثر یقینی درخواستاں لکھنا آں۔ تے فیر اِک ہُور کالم وِچ ایہ تاریخ لکھنا آں کہ دعا قبول ہوئی۔ اُو گل یقینی طور تے دعا دے جواب وِچ خود توں یقینی شیواں دین دے لئی دعا کرنا اے۔

ایہ خصوصی طور تے اُوس ویلے اہم ہوندا اے جدوں تُسی کلیسیا وِچ گمراہ لوکاں دے لئی دعا منگ رئے ہوندے اُو۔ اپنی بائبل وِچ ایہناں چند لوکاں دے ناواں دے نال کاغذ دی اِک پرچی لگاؤ جِنہاں دے لئی تُسی نجات پان دی دعا کر رئے اُو۔ اِک کالم (نمبر ایک، دو، تین، وغیرہ) وِچ ناں تے تاریخاں پاؤ جیس دِن توں تُسی اُوہناں دے لئی دعا شروع کیتی سی۔ فیر اِک ہُور کالم وِچ، اُوہناں دے ناں دے نال، اِک [کالم] خالی چھڈ دیو، تاکہ تُسی نام تے تاریخ نوں پُر کر سکو جدوں اُو نجات پا گئے سن۔ اُوہدے نتیجے وِچ دعا چہ تہاڈے ایمان وِچ اضافہ ہووے گا، تے ایہ یقینی طور تے خدا وَلوں ایہناں لوکاں نوں [مسیح وِچ ایمان دِلا کے] تبدیل کرن دے لئی استعمال کیتا جائے گا جِنہاں دے لئی تُسی منظم طریقے نال تے باقاعدگی نال نجات پائے جان دی دعا کر رئے اُو۔

’’جیہڑیاں شیواں تُسی چاہندے اُو، جدوں تُسی دعا کردے اُو، یقین رکھو کہ تہانوں اُو لبھہن گئیاں، تے اُو تہانوں لبھ جان گئیاں‘‘ (مرقس 11: 24)۔

میہنوں اُمید اے کہ تہاڈے وِچوں بہتیرے لوکی ایہو جئی دعاواں دی فہرشت شروع کرن گے تے ایہنوں اپنی بائبل وِچ رکھن گے۔ اِک شادی شُدہ جوڑے دی درخواست اے کہ تُسی اُوہناں دے نام لکھو تے نام لے کے اُوہناں دے لئی دعا کرو۔ فیر ایہناں دے کالماں وِچوں تاریخ تے نشان لگا لوؤ جِنہاں دے لئی تُسی نجات دے سلسلے وِچ دعا کر رئے اُو۔ میہنوں وی دسو کہ جدوں خدا ایس فرد دے لئی تہاڈی یقینی، مسلسل دعا دا جواب دیہندا اے، تے جواب آندا اے۔ میرے کول ذاتی طور تے آؤ تے میہنوں دسو کہ جدوں خدا ایس فرد دے لئی تہاڈی مسلسل، مستقل دعا دا جواب دیہندا اے تے اُو آخرکار نجات پا جاندا اے۔ ایہنج کرو تاکہ اَسی خوشی منائیے تے اِکٹھے ہو کے خدا دی ستائش کر سکیے۔ میں تہانوں عوامی گواہی دین دیہنا آں کہ تُسی اُوس شخص دے لئی کیویں دعا کیتی تے اُو مسیح وِچ ایمان لیہیا کے تبدیل ہویا۔

جیویں کہ اَسی اگلے چند ہفتیاں وِچ انجیلی بشارت دے جلسیاں وَل ودھاں گے، اپنی بائبل وِچ ایہو جئی دعاواں دی فہرست نوں فوراً ای رکھنا شروع کرو، تے ہر روز ایہناں لوکاں دی نجات دے لئی دعا کرو جدوں تیکر کہ خدا تہانوں جواب نہ دے دیوے تے اُو نجات پا جان۔ خدا تہاڈی ایس معاملے وِچ مدد کرے تاکہ یقینی لوکاں نوں بچایا جا سکے۔ یسوع دے ناں وِچ، آمین۔ آؤ کِھلو جاؤ تے مرقس 11: 24 نوں اُوچی واج نال پڑھو۔

’’جیہڑیاں شیواں تُسی چاہندے اُو، جدوں تُسی دعا کردے اُو، یقین رکھو کہ تہانوں اُو لبھہن گئیاں، تے اُو تہانوں لبھ جان گئیاں‘‘ (مرقس 11: 24)۔

جے تہاڈے وِچوں بہوتی سارے لوکی ہُنے ای اینج کرن گے، میہنوں یقین اے کہ آن آلے ہفتیاں وِچ انجیلی بشارت دے جلسیاں تیکر بہتیرے لوکی مسیح وِچ ایمان لیہیا کے تبدیل ہو جان گے۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔