Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




TWO MEN – TWO OFFERINGS
(پیدائش دی کتاب تے واعظ # 36)
(SERMON #36 ON THE BOOK OF GENESIS)
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی بپتسمہ دین آلی عبادت گاہ وِچ دِتا گیا اِک واعظ
خُداوند دے دِن دی سویر، 16 دسمبر، 2007
A sermon preached at the Baptist Tabernacle of Los Angeles
Lord's Day Evening, December 16, 2007

’’خُداوند نے ہابل تے اُوہدے ہدیے نوں قبول فرمایا لیکن قائن تے اُوہدے ہدیہ نوں منظور نہ کیتا‘‘ (پیدائش 4:4۔5).


قائن تے ہابل دوواں نے اِکہو جیہئے ماحول وچ جنم لہیا تے پرورش پائی سی تے اُوسی وراثت نال۔ اُو دوویں ای باغِ عدن توں باہر گناہ وِچ گھری ہوئی دُنیا وِچ پیدا ہوئے سن۔ اُوہناں دی وراثت بالکل اِک جئی سی۔ دراصل، بوہتے معیاری تبصرہ نگار یقین کردے نے کہ اُو جڑواں سن۔ ایس دی بنیاد ایس گل تے اے کہ آدم ایناں دوویں نوجوان لوکاں دے پیدا ہون توں پہلاں حوّا دے کول صرف اِک وری گیا سی۔ اُوہناں دوواں ای دی گناہ وِچ گھری ہوئی اُوہی فطرت سی جیویں کہ اُوہناں دے پیو آدم دی سی۔ اُو دوویں ای گناہ دی حالت وِچ پیدا ہوئے سن، ’’تے طبعی طور تے خدا دے غضب دے ماتحت سن‘‘ (افسیوں2:3)۔

ایس دے باوجود سانوں ساڈی تلاوت وِچ دسیا گیا اے کہ ’’خُداوند نے ہابل دے اُوہدے ہدیے نوں قبول فرمایا: لیکن قائن تے اُوہدے ہدیے نوں منظور نہ کیتا۔‘‘ عبرانی لفظ ’’قبول کرنا‘‘ دا مطلب ہوندا اے ’’حمایت دے نال نظر پانا‘‘ (سٹرانگ، نمبر 8159)۔ ڈاکٹر کئیل Dr. Keil نے کہیا، ’’دوویں ہدیات دی مختلف قبولیت دا سبب خدا وَل ذہن دی اُو نیت سی جیہدے نال اُو دوویں ہدیات یا نذرانے لہیائے سی… نہیں، بِلاشُبہ ایس حقیقت وِچ کہ ہابل اِک وگدے ہوئے لہو دا نذرانہ لہیا سی تے قائن اِک بغیر لہو دا نذرانہ لہیا سی‘‘ (سی۔ ایف۔ کئیل C. F. Keil, Ph. D.، پرانے عہد نامے تے تبصرہ Commentary on the Old Testamanent، ولیم بی۔ عئیرڈ مینز اشاعتی کمپنی William B. Eerdmans Publishing Company، دوبارہ اشاعت 1973، جلد اوّل، صفحہ 110)۔ ایہہ کسی حد تیکر سچ اے۔ اُوہناں دی ’’ذہنی حالت‘‘ بِلاشُبہ مختلف سی۔ مگر ایس دے مقابلے وِچ ایس وِچ ایس توں وی بوہتا ہوُر کُج اے، کیوں جے خدا نے نا صرف ’’ہابل نوں قبول‘‘ کیتا سی بلکہ ’’اُوہدے ہدیے‘‘ نوں وی قبول کیتا سی۔ لہٰذا، تے خدا نے ناصرف ’’قائن‘‘ نوں ’’قبول نئیں کیتا‘‘ بلکہ اُوہدے ’’اُوس نذرانہ‘‘ نوں وی قبول نئیں کیتا سی۔ یوں، سانوں کہنا چائیدا اے کہ ہابل نوں دوویں وجوہات دی وجہ توں ’’قبول کیتا گیا‘‘ سی (ہابل تے اُوہدا ہدیہ)، تے قائن نوں دوویں وجوہات دے سبب توں قبول نئیں کیتا گیا سی (قائن تے اُوہدی ہدیہ)۔ ہابل تے اُوہدے ہدیے نوں خدا وَلوں قبولیت ملی سی۔ قائن تے اُوہدے ہدیے نوں خدا وَلوں قبولیت نئیں ملی سی۔ میرے خیال چہ سانوں بوہتی احتیاط دے نال دوویں حقائق وِچ اِمتیاز کرنا چائیدا اے کہ ہابل تے اُوہدے ہدیے ایہناں دوواں وِچ کُج نہ کُج سی کہ اُو قبول کیتے گئے تے کُج نہ کُج قائن تے اُوہدے ہدیے وِچ سی کہ اُو نامنظور ہوئے سن۔ مینوں وکھائی نئیں دیندا کہ اَسی کیویں پیدائش4:4۔5 آیت دے نال اُو اِمتیاز کیتے بغیر جامع طور تے سمجھوتا کر سکنے آں۔ ایس لئی، آؤ، ایناں دوواں لوکاں (قائن تے ہابل) تے اُوہناں دے ہدیات تے نظر پاؤ۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی گل، خداوند نے ہابل تے اُوہدے ہدیے نوں قبول کیتا سی۔

بوہتے معیاری تبصرہ نگاراں نے غور کیتا اے کہ خُدا نے ہابل نوں تے فیر اُوہدے ہدیے نوں ’’قبول کیتا‘‘ سی (یا ’’حمایت دے نال نظر پائی سی)۔

’’تے ہابل وی اپنی بھیڈ بکریاں دے چند پہلوٹھے بچے تے اُوہناں دی چربی لے آیا۔ تے خُداوند نے ہابل تے اُوہدے ہدیہ نوں قبول فرمایا‘‘ (پیدائش 4:4).

ہابل دے بارے چہ اُوتھے کہیڑی گل سی کہ خُداوند نے اُوہناں تے طرفدارانہ نظر پائی؟ خود اُوہدے اپنے کردار وِچ ایہو جئی کوئی گل نئیں رئی ہووے گی کیوں جے اُو وی ایناں ای گناہ وِچ ڈگیا ہویا سی جنہاں کہ اُوہدا پرہا سی۔ جواب عبرانیوں11:4 ایت وِچ درج اے،

’’ایمان ای نال ہابِل نے قائِن توں افضل قربانی پیش کیتی‘‘ (عبرانیوں 11:4).

خدا نے ہابل دے ایمان نوں ویکھیا سی۔ ایس لئی خدا نے اُوہدے تے طرفدارانہ نظر پائی سی۔ ایہہ ساڈے پروٹسٹنٹ تے بپتسمہ دین آلیاں دے اعتقاد دا بنیادی عقیدہ اے – تنہا ایمان دے وسیلے توں نجات۔

’’کیوں جے پاک کلام کی کہندا اے؟ کہ ابراہام خُدا تے ایمان لہایا تے ایہہ اُوہدے لئی راستبازی گِنیا گیا‘‘ (رومیوں 4:3).

اُو آیت نئیں کہندی کہ ابراہام نے خدا دی ’’گلاں دے بارے وِچ‘‘ یقین کیتا۔ ڈبلیو۔ ای۔ وائن W. E. Vine نے کہیا، ’’ابراہام دے ایمان دا ہدف خُدا دا وعدہ نئیں سی… اُوہدا ایمان آپئے خدا تے قائم سی‘‘ (ڈبلیو۔ ای۔ وائن W. E. Vine، نئے عہد نامے دے لفظاں دی تفسیراتی لغت An Expository Dictionary of New Testament Words، فلیمنگ ایچ۔ ریول کمپنی Fleming H. Revell Company، ایڈیشن 1966، جلد دوئم، صفحہ 71)۔

میں ہمیشہ ای ڈاکٹر ایم۔ آر۔ ڈیحان Dr. M. R. DeHaan دی تحریرراں نوں پڑھنا پسند کیتا اے۔ اُو گلاں نوں واضح تے سادہ بناندے نے۔ ڈاکٹر ڈیحان نے کہیا، ’’قائن اِک دہریہ نئیں سی۔ اُو خدا تےایہناں ای یقین رکھدا سی جنہا کہ ہابل رکھدا سی۔ مگر جدوں کہ قائن خدا وِچ یقین رکھدا سی، اُو خُدا وچ یقین نئیں رکھدا سی‘‘ (ایم۔ آر۔ ڈیحان M. R. DeHaan، نوح دے زمانے The Days of Noah، ژونڈروان اشاعت گھرZondervan Publishing House، دوبارہ اشاعت 1971، صفحہ 22)، جدوں اَسی تاریخ دیاں مشہور تبدیلیاں تے نظر پانے آں تے اَسی ویکھنے آںکہ اُوہناں ساریاں لوکاں نے اپنے تبدیل ہون توں پہلاں خُدا تے یقین کیتا سی۔ ایہہ پولوس رسول، آگسٹین، لوتھر، بنعئین، وائٹ فیلڈ، ویزلی، سپرجئین – اُوہناں ساریاں دے لئی سچ اے۔ اُوہناں ساریاں نے نجات دلان آلے ایمان دے پائے جانے توں پہلاں خُدا دی وجودیت وِچ یقین کیتا سی – مسیح وچ خدا تے اُوہناں دا ایمان قائم ہون توں پہلاں۔ جیویں کہ اِک پرانا حمدوثنا دا گیت ایس نوں لکھدا اے،

میرے ایمان نے اِک آرام گاہ پا لہئی اے،
   نا ای کسی عقیدے تے یا کسی آلے وِچ؛
میں اُوہدے تے پروہسا کرنا واں جیہڑا ہمیشہ جیوندا رہندا اے،
   میرے لئی اُوہدے زخم اِلتجا کرن گے…
(’’کوئی دوجی التجا نئیں No Other Plea‘‘ شاعرہ علیزہ ای۔ ھیوایٹ Eliza E. Hewitt، 1851۔1920)۔

ہابل دے بارے چہ اُو اہم گل سی۔ اُوہنے محض خدا دی وجودیت ای وِچ یقین نئیں کتیا سی۔ اُو اِک ’’آلے‘‘ یا ’’عقیدے‘‘ تے قائم نئیں سی۔ اُوہنے خود ’’ہمیشہ جیوندا رہن آلے‘‘ وِچ پروہسا کتیا سی تے اُوہدے وِچ قائم رہیا سی۔ جیویں کہ ایہہ ابراہام دے نال سی، جیہنے ’’خُدا وِچ یقین کیتا سی، تے اُو ایہدے لئی راستبازی شمار کیتا گیا سی، ’’ایویں ای ہابل دے نال ہویا سی۔ اُوہنوں اُوہدے ایمان دی بنیاد تے قبول کیتا گیا سی جیہڑا آپئے خُدا تے قائم سی۔

’’تے خُداوند نے ہابل تے اُوہدے ہدیہ نوں قبول فرمایا‘‘ (پیدائش 4:4).

خُدا نے ہابل تے طرفدارانہ نظر پائی سی، جیہنے اُوہدے تے ایمان دے وسیلے نال پروہسا کتیا سی۔ مگر فیر بائبل کہندی اے، ’’تے اُوہدے ہدیے نوں۔‘‘ خُدا نے ہابل دے ہدیے نوں وی طرفدارانہ نظر نال ویکھیا سی۔ ایہہ بوہتی اہم گل اے۔ ہابل نے اپنی پیڈھاں وِچوں سب توں بہترین وِچوں کُج دا ہدیہ دِتا سی۔ خُدا نے اُوہناں پیڈھاں دی قربانی تے طرفدارانہ نظر پائی سی۔ کیوں؟ کیوں جے ہابل دا ہدیہ ماضی وِچ اُوس قربانی دی یاد دِلاندا سی جیہڑا اُو ویلے دِتی گئی سی جدوں خُدا نے ہابل دے ماں پیو لئی کھل دا لبادہ بنایا سی (پیدائش3:21)۔ ایویں، ہابل دی قربانی ماضی وچ دِتی گئی قربانی دی یاد دلاندی سی۔ ایس دے علاوہ، ہابل دی قربانی آن آلے ویلے دے بارے وِچ وی دسدی اے – صلیب تے مسیح دی قربانی دے لئی، جیہڑا

’’خُدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

پس، ہابل دا لہو دی قربانی پیش ماضی وِچ کھل دے لبادے تے آن آلے زمانے وِچ صلیب تے مسیح دی یاد دلاندا سی

’’ خداوند نے ہابل تے اُوہدے ہدیہ نوں قبول فرمایا‘‘ (پیدائش 4:4).

مصلوب کیتے گئے دے لہو دے وسیلے توں بچایا گیا!
   ہُن گناہ توں بخشوایا گیا تے اِک نوے عمل دا آغاز ہویا،
پیو دے لئی ستائش گاؤ تے پُتر دے لئی ستائش گاؤ،
   مصلوب کیتے گئے دے لہو دے وسیلے توں بچایا گیا!
(’’مصلوب کیتے گئے دے لہو دے وسیلے توں بچایا گیاSaved by the Blood of the Crucified One‘‘ شاعر ایس۔ جے۔ ھینڈرسن S. J. Henderson، 1902)۔

II۔ دوجی گل، خُداوند نے قائن تے اُوہدے ہدیے نوں منظور نئیں کیتا۔

مہربانی نال کِھلو جاؤ تے اُوچی واج نال پیدائش4:5 آیت پڑھو، جیس دا اختتام ’’منظور‘‘ دے نال اے۔

’’لیکن قائِن تے اُوہدے ہدیہ نوں منظور نہ کیتا‘‘ (پیدائش 4:5).

تُسی تشریف رکھ سکدے اُو۔

پہلاں، سانوں دسیا گیا اے کہ خُداوند نے قائن نو منطور (یا طرفداری دے نال نئیں ویکھیا) نہ کیتا۔ قائن دے نال کی خرابی سی؟ میرے خیال وِچ عبرانی 11:4 اُوہنوں واضح کر دیندی اے۔

’’ایمان ای نال ہابل نے قائن توں افضل قربانی پیش کیتی‘‘ (عبرانیوں 11:4).

قائن خُدا دی وجودیت وِچ یقین رکھدا سی، مگر اُوہدا خُدا وِچ ایمان نئیں سی۔ اَسی جاننے آں کہ اُو خُدا دی وجودیت وِچ یقین نئیں رکھدا سی کیوں جے پیدائش4:3 آیت کہندی اے کہ اُو ’’زمین دی پیداوار وِچوں خداوند دے لئی ہدیہ لہایا۔‘‘ اَسی ایہہ وی جاننے آں کہ ایس دے بعد آن آلی آیات وِچ قائن دی خُداوند دے نال اِک طویل گفتگو ہوئی سی۔ ایس لئی ایہہ واضح ہو جاندا اے کہ قائن دا خُدا وِچ یقین سی۔ مگر اُو اُوہدے تے ایمان دے وسیلے توں پروہسا نئیں کردا سی۔

فیر، دوجی گل، خُدا نے قائن دے ہدیے تے طرفداری دے نال نئیں ویکھیا سی۔ ایہہ آیت پنج وِچ سادہ تے واضح اے،

’’لیکن قائن تے اُوہدے ہدیہ نوں منظور نئیں کیتا‘‘ (پیدائش 4:5).

خُداوند نے قائن دے ’’زمین دی پیداوار دے‘‘ ہدیے تے التفات دے نال نظر نئیں پائی سی۔ کیوں نئیں؟ ایہہ کسی دے لئی وی جیس نے بائبل پڑھی ہوئی اے واضح ہونا چائیدا اے کہ خُداوند نے قائن دے ہدیے نوں منظور نئیں کیتا سی کیوں جے اُو لہو دی قربانی نئیں سی۔ ڈاکٹر ڈیحان Dr. DeHaan نے کہیا،

یاد رکھو، قائن کوئی دہریہ نئیں سی… اُوہدے پرہا دا قتل ہو جان تیکر، قائن واضح طور تے مخلص تے پُرخلوص سی، تے انتہائی مذہبی سی… اُوتھے یقین کرن لئی ہر اِک وجہ سی کہ جیہڑا ہدیہ قائن لیہایا سی اُو اِک شاندار ہدیہ سی۔ اُو ’’زمین دی پیداوار‘‘ تے مشتمل سی (پیدائش4:3)۔ ایہہ ایہناں پھلاں دی پیداوار دے لئی بوہتی زیادہ محبت تے پسینے تے جفاکشی نوں ظاہر کردا اے… ہُن ایہدے نال ہابل دے ہدیے دا موازنہ کرو۔ ایہہ اِک برّہ سی… اِک خونی، لہو نال پرھیا ہدیہ – لہو وِچ نہاتا ہویا اِک برّہ، جیہڑی ناگوار تے غیر پُرکشش سی۔ قائن دا ہدیہ خوبصورت تے پُرکشش سی جیویں کہ اُو سی اُونج دا سی، لیکن اُو کوئی مدد نئیں کر سکیا تے خدا نے اُوہنوں ٹھکرا دِتا سی کیوں جے اُوہنے لہو نوں نظر انداز کیتا سی۔ اُوہدا [لہو وِچ] بے اعتقادی دا مذہب سی (ڈیحان DeHaan، ibid.، صفحہ23)۔

’’ایمان ای نال ہابل نے قائن توں افضل قربانی پیش کیتی‘‘ (عبرانیوں 11:4).

ایمان دے وسیلے توں! کیس گل وِچ ایمان؟ آن آلے مسیح وِچ ایمان، جیہڑا ’’کلام پاک دے مطابق ساڈے گناہواں لئی مریا‘‘ (1۔کرنتھیوں15:3)۔

’’تے جدوں تیکر لہو نہ وگایا جائے گناہ وی نئیں بخشے جاندے‘‘ (عبرانیوں 9:22).

ایہہ قائن دے زمانے وِچ وی اِینا ای سچ سی جِنہا کہ اَج ایہہ ہابل دے زمانے وِچ اے! کُج وی نئیں بدلیا اے!

’’تے جدوں تیکر لہو نہ وگایا جائے گناہ وی نئیں بخشے جاندے‘‘ (عبرانیوں 9:22).

قائن نے خونی قربانی لہیان توں کیوں انکار کیتا سی؟ کیوں جے اُو یقین نئیں کردا سی کہ ایہہ ضروری سی! پیدائش دے چوتھے باب وِچ اَسی جیہڑی آیت پڑھی سی اُوہدے توں کی واضح ہوندا اے؟ قائن نے سوچیا سی کہ اُوہنوں لہو دی قربانی دین دی لوڑ نئیں سی! مگر اُو غلطی تے سی!

جے تُسی بچائے جان لئی یقین رکھدے اُو، تے تہانوں اُوہدے پُتر خداوند یسوع مسیح دی خونی قربانی دے ذریعے توں خدا دے کول آنا چائیدا اے۔ تہانوں ٹُٹیا ہویا تے حلیم ہونا چائیدا اے، تے احساس کرنا چائیدا اے کہ تُسی جو کُج وی خُداوند دے لئی لیہا رئے اُو خود تہاڈے اپنے انسانی اعمال نے کہ جو کُج تُسی کردے اُو اُوہدے نال خُدا نوں خوش کرن دی کوشش رئے اُو۔ ایس دے بجائے تہانوں مسیح تے جیہڑا ’’بنائے عالم توں ذبح کیتا ہویا برّہ‘‘ تے ’’خُدا دے مقررہ انتظام تے علم سابق دے مطابق اے‘‘ اُوہدے تے پروہسا کرنا چائیدا اے، تے آن آلے زمانے وِچ زمین تے ظاہر کرنا چائیدا اے۔ (مکاشفہ13:8؛ اعمال2:23)۔

مسیح دی منظر کشی اُوس لہو دی قربانی وِچ کیتی گئی سی جیہڑی ہابل لیہایا سی۔ قائن دے لہو دے بغیر دی قربانی وِچ خود راستبازی دے انسانی اعمال دی منظر کشی کیتی گئی اے۔

اُوہ، میں تہانوں اِلتجا کرنا واں، ’’قائن دی راہ‘‘ تے مت ٹُرو (یہوداہ11)۔ مسیح وِچ خدا دے بارے وِچ گلاں جانن دے وسیلے توں بچائے جان دے لئی کوششاں مت کرو۔ مذہبی گلاں نوں کرن دے وسیلے نال بچائے جان دے لئی کوششاں مت کرو۔ جی ہاں، تہانوں گرجا گھر کرن دے لئی آنا چائیدا اے۔ جی ہاں، تہانوں بائبل پڑھنی چائیدی اے تے دعا کرنی چائیدی اے۔ مگر اُوہناں ساریاں مذہبی سرگرمیاں وِچوں کوئی وی تہانوں نجات نئیں دلا سکدی۔

تہانوں خود نوں حلیم کرنا چائیدا اے۔ تہانوں ویکھنا چائیدا اے کہ تُسی اِک گواچے ہوئے گنہگار اُو۔ تہانوں خود اپنے نیک اعمال نوں تے خدا دے لئی کوئی وی چنگی گل کرن دے اپنے منصوبیاں نوں چھڈنا چائیدا اے۔ خُدا دی نظراں وِچ ایہہ سب کُج کچرا اے۔ تہانوں حلیم ہونا چائیدا اے۔ تہانوں خود نوں یسوع دے کول لیہانا چائیدا اے۔ تہانوں اُوہدے وِچ ایمان دے وسیلے نال قائم رہنا چائیدا اے۔ تہانوں اُوہدے وِچ ایمان رکھن دا اہل ہونا چائیدا اے،

’’جیہڑا ساڈے نال محبت رکھدا اے تے جیس نے اپنے لہو دے وسیلہ توں سانوں ساڈے سارے گناہواں توں مخلصی بخشی‘‘ (مکاشفہ 1:5).

تہانوں حقیقی خلوص دے نال گان دے قابل ہونا چائیدا اے،

خُداوندا! میں آ رہیا واں، میں ہُنے ای تیرے کول آ رہیا واں!
   مینوں دھو ڈال، مینوں لہو وِچ پاک صاف کر ڈال
جیہڑا کلوری تے وگیا سی۔
   (’’اے خُداوند میں آ رہیا واں I Am Coming, Lord، شاعر لوئیس ہارٹسو Lewis Hartsough ، 1828۔1919)۔

اوہ، میں کسی قدر دعا کرنا واں کہ تُسی اپنے گناہ دے قائل ہو جاؤ، تے فیر یسوع تے پروہسا کرو۔ اُو تہاڈے نال محبت کردا اے۔ اُوسی تے پروہسا کرو۔ اُو تہانوں ٹھکرائے گا نئیں۔ اُو تہانوں اپنی راستبازی دے لبادے وِچ ڈھک لئے گا تے اپنے لہو دے نال تہاڈے گناہ نوں پاک صاف کر دے گا۔ ’’خداوند یسوع مسیح وِچ یقین کرو، تے تُسی نجات پا جاؤ گے‘‘ (اعمال16:31)۔ اُوہ، ’’خداوند یسوع مسیح وِچ یقین کرو، تے تُسی نجات پا جاؤ گے!‘‘ تے فیر ایس گل نوں یقینی بناؤ کہ تُسی ایتھے 23 دسمبر نوں، اِتوار دی راتی کرسمس دے کھانے دے لئی ساڈے نال ہوو گے۔ یسوع دی خاطر خداوند تہانوں برکت دیوے۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

دو لوکی – دو ہدیے

TWO MEN – TWO OFFERINGS
(پیدائش دی کتاب تے واعظ # 36)
(SERMON #36 ON THE BOOK OF GENESIS)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’خُداوند نے ہابل تے اُوہدے ہدیے نوں قبول فرمایا لیکن قائن تے اُوہدے ہدیہ نوں منظور نہ کیتا‘‘ (پیدائش 4:4۔5).

(افسیوں 2:3)

I.   پہلی گل، خداوند نے ہابل تے اُوہدے ہدیے نوں قبول کیتا سی،
پیدائش4:4؛ عبرانیوں11:4؛ رومیوں4:3؛ پیدائش3:21؛ یوحنا1:29 .

II.  دوجی گل، خداوندنے قائن تے اُوہدے ہدیے نوں منظور نئیں کیتا سی،
پیدائش 4:5؛ عبرانیوں11:4؛ پیدائش4:3؛ 1۔کرنتھیوں15:3؛
عبرانیوں9:22؛ مکاشفہ13:8؛ اعمال2:23؛ یہوداہ11؛
مکاشفہ1:5؛ اعمال16:31 .