بشر دی تلاش کرن آلے دو سوال

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج سانوں اکثر دسیا جاندا اے کہ انسان دے مسائل دو ذرائع توں آندے نے – ماحول توں تے وراثت توں۔ لیکن ساڈے پہلے ماں پیو، آدم تے حوّا، ایہناں نال متاثر نئیں ہوئے سن۔ باغ عدن وِچ اُوہناں دا ماحول بہترین سی۔ ایہ سچ اے کہ اُوتھے شیطان موجود سی، لیکن اُو اُوہدی گل سُنن دے لئی کسی مجبوری وِچ نئیں سن۔ اُوہناں نوں وراثت وِچ کوئی گناہ دی فطرت نئیں لبھی سی۔ اُو ہںے تیکر گمراہ ہوئی مخلوق نئیں سن۔ ماحول تے وراثت اُوہناں دے گناہ دا سبب نئیں سن۔ اُوہناں نوں شیطان نے آزمایا تے فیر جان بُجھ کے خدا دی نافرمانی کیتی۔

جیس جنت چہ اُو رہندے سن فوراً ای اُوہناں دے لئی اِک خوفناک، تاریک جنگل بن گیا۔ اُو خدا دے خوف نال درختاں دی گہرائیاں وِچ نٹھ گئے۔ لیکن اُو خدا دی واج توں بچن دے لئی ایہنی دور نئیں جا سکدے سن۔ اُو اُوہنوں پکاردیاں ہوئیاں سُن سکدے سی، ’’تُوں کِیتھے ایں؟‘‘ (پیدائش 3: 9)۔ خدا دی واج اُوہناں دے دِلاں تیکر پہنچ چکی سی۔ اُوہناں نے پہلاں اُوہدی واج سُنی سی، لیکن ہُن اُوہناں دے دِل گھبرا گئے سن۔ خدا نے اُوہناں نوں لبھ لیہیا سی۔ تے خدا نے اُوہناں توں دو سوال پُچھے سن۔ ایہ اُوہی سوالات سن جیہڑے اَج کھوئے ہوئے گنہگاراں نوں مخاطب نے۔ خدا اُوہی سوالات اَج دی راتی تہانوں پُچھ رہیا اے۔

I۔ پہلی گل، تیہنوں کیہنے دَسیا کہ توں ننگا اے؟

’’ٹھیک اے،‘‘ تُسی کہندے اُو، ’’میہنوں ایہ کدی وی نئیں دسیا گیا!‘‘ فیر میہنوں ڈر اے کہ اَج دی راتی میرے کول تہانوں کیہن دے لئی کُجھ ہُور نئیں اے۔ مین تہانوں انجیل دے بنیادی حقائق بتا سکنا آں،

’’پاک صحائف دے مطابق کیویں مسیح ساڈے گناہواں دی خاطر قربان ہو گیا؛ تے اُو دفنایا گیا، تے اُو فیرتوں تیجے دِن پاک صحائف دے مطابق مُردیاں وِچوں جی اُٹھیا‘‘ (I کرنتھیوں 15: 3۔4)۔

میں انجیل دے اُوہناں عظیم مرکزی موضوعات تے تبلیغ کر سکنا آں تے کرنا آں۔ ایہدے باوجود انجیل دا پیغام تہاڈے چہ کوئی تحریک پیدا نئیں کرے گا جدوں تیکر کہ تُسی اُوس سوال دا سامنا نئیں کردے اُو،

’’تیہنوں کیہنے دَسیا اے کہ توں ننگا اے؟‘‘ (پیدائش 3: 11)۔

ایہ اُو اژدھا نئیں سی جِنہے اُوہناں نوں دسیا سی۔ شیطان کدی وی گنہگار نوں نئیں دسدا کہ اُو گمراہ ہو گیا اے۔ شیطان گنہگار نوں سون دے لئی کہندا اے۔ اُو اُوہی اے جیہڑا تہانوں دسدا اے کہ تُہاڈے وگرے وی نے جیہڑے اینج دے تے ایہنے ای چنگے نے۔ اُو اُوہی اے جیہڑا تہانوں دسدا اے کہ تُسی خطرے وِچ نئیں اُو۔ اُو اُوہی اے جیہڑا کہندا اے کہ خدا تہانوں سزا نئیں دے گا۔ اُو اُوہی اے جیہڑا کہندا اے کہ قیامت دا دِن نئیں ہووے گا۔ اُو اُوہی اے جِنہے

’’… اُوہناں لوکاں دے ذہناں نوں انّہا کیتا اے جیہڑے ایمان نئیں رکھدے‘‘ (II کرنتھیوں 4: 4)۔

’’اُو پرانا اژدھا، ابلیس تے شیطان کہلایا جان آلا، جِنہے ساری دُنیا نوں دھوکہ دِتا‘‘ (مکاشفہ 12: 9)۔

اَج کل لوکاں نوں ایہ کہندے ہوئے سُننا بہوتا عام اے کہ شیطان اُو اے جیہڑا تہانوں مجرم محسوس کراندا اے۔ ایہ کیہو جیہا اِک فریب اے! شیطان اینج کیوں کرے گا؟ جے اُوہنے اینج کیتا تے اُو اپنے خلاف کام کرے گا۔ نئیں، شیطان اُو نئیں اے جیہڑا کھوئے ہوئے گنہگار نوں اپنے جرم دا احساس دِلاندا اے۔ ایہ خدا دی روح دا کام اے۔

’’تے جدوں آُو آ جائے گا، تے جیتھوں تیکر گناہ … دا تعلق اے اُو دُنیا نوں مجرم قرار دے گا‘‘ (یوحنا 16: 8)۔

یہ خدا دی روح اے جیہڑی کھوئے ہوئے بندیاں نوں دسدی اے کہ اُو گنہگار نے، تے خدا دی نظر وِچ ننگے نے۔ جدوں تیکر روح القدس تہانوں خدا دی نظر وِچ تہاڈی برہنگی نئیں وکھائے گا، تُسی نئیں جان پاؤ گے

’’… توں بدبخت، بیچارہ، غریب، انّہا تے ننگا اے‘‘ (مکاشفہ 3: 17)۔

’’تیہنوں کیہنے دَسیا کہ توں ننگا اے؟‘‘ (پیدائش 3: 11)۔

کیوں، ایہ خدا دی روح سی جِنے اُوہنوں دسیا۔ تے اَج وی اینج ای اے۔ جیہڑا کدی نئیں بدلیا۔

تُسی یسوع نے اپنے لہو نال تہاڈے گناہواں نوں ڈھانپن دی لوڑ نوں کدی وی نئیں ویکھ پاؤ گے جدوں تیکر کہ روح القدس تہانوں خدا دی نظر وِچ تہاڈی برہنگی نہ وکھائے۔ تُسی کدی نئیں ویکھ پاؤ گے کہ بائبل کیوں کہندی اے،

’’مبارک نے اُو …جِنہاں دے گناہواں نوں ڈھانپا جاندا اے‘‘ (رومیوں 4: 7)۔

جدوں تیکر کہ پاک روح تہاڈے تے پہلاں ایہ ظاہر نہ کر دے کہ تُسی ’’انّہے تے ننگے‘‘ اُو (مکاشفہ 3: 7)۔

II۔ دوجی گل، کی تُسی خدا دے حکماں نوں توڑیا اے؟

ساڈی تلاوت تے فیر توں نظر پاؤ۔ مہربانی نال کِھلو جاؤ تے اُیہنوں اُوچی واج نال پڑھو۔

’’تے اُوہنے کہیا، تیہنوں کیہنے دَسیا کہ توں ننگا اے؟ کی توں اُوس درخت دا پھال کھادا اے جِنہوں کھان توں میں تیہنوں منع کیتا سی؟‘‘ (پیدائش 3: 11)۔

کی توں ’’اُوس درخت دا پھل کھادا اے‘‘ کہ ’’جیس توں میں تیہنوں منع کیتا سی کہ توں مت کھائیں؟‘‘ ایہو ای اے جیہڑا خدا اَج دی راتی تہانوں کہہ رہیا اے۔ کہ تُسی میرے حکماں نوں توڑیا اے؟ کی تُسی میری شریعت وِچوں کسی [حکم نوں] توڑیا اے؟ کی تُسی اِک گنہگار اُو؟ کی تہاڈے دِل تے دماغ وِچ خدا دے خلاف کوئی گناہ اے؟ کی تہاڈے باطن وِچ کوئی خفیہ یا پوشیدہ گناہ اے؟

’’میہنوں تلاش کر، اے خدا، تے میرے دِل نوں جان: میہنوں آزما، تے میرے خیالات جان: تے ویکھ کہ کی میرے چہ کوئی بُری راہ اے …‘‘ (زبور 139: 23-24)۔

تے، جے تُسی داؤد دی اُو دعا منگی اے تے کہ تُسی کہہ سکدے اُو، ’’جی نئیں، میرے چہ کوئی وی بُری راہ نئیں اے‘‘؟ کی تُسی ایمانداری دے نال خدا نوں اُو الفاظ کہہ سکدے اُو؟

’’کی توں اُوس درخت دا پھل کھادا اے جِنہوں کھان توں میں تیہنوں منع کیتا سی؟‘‘ (پیدائش 3: 11)۔

ایتھے خدا نے آدم دے ضمیر نوں تیز جبھن نال چھویا۔ اُوہنے اُوہنوں دسیا، جیویں کہ ایہ سی، ’’تہانوں شرم نئیں آندی سی حالانکہ تُسی ننگے سی، نہ ای میری آواز نے تہانوں ڈرایا سی۔ لیکن تہاڈے ضمیر نے تہاڈے تے اِلزام دھریا‘‘ … چنانچہ، خدا دے دباؤ چہ آ کے، آدم نے خود نوں موت تے جہنم دے خوف وِچ پایا … تے ہُن اُوہنوں خداوند دے مُنہ توں اُو ای خیالات سُننا پیہئے جیہڑے اُوہدے دماغ وِچ سن (مارٹن لوتھر، ٹی ایچ۔ ڈی۔ Martin Luther, Th.D.، پیدائش دی کتاب تے لوتھر دا تبصرہ Luther’s Commentary on Genesis، ژونڈروان اشاعتی گھر Zondervan Publishing House، دوبارہ اشاعت 1958، جلد اوّل، صفحہ 76)۔

ممنوعہ پھل کھان نال، اَسی اِک عظیم تے مہربان خدا نوں ناراض کیتا، اِک منصفانہ تے راست قانون نوں توڑیا … تے خدا دے فضل توں محروم ہو کے تے اپنے آپ نوں اُوہدے غضب تے لعنت دے سامنے بے نقاب کر کے اپنی قیمتی جاناں تے ظلم کیتا (میتھیو ھنری دا تمام بائبل تے تبصرہ Matthew Henry’s Commentary on the Whole Bible، ہینڈرکسن پبلشرز، دوبارہ اشاعت 1991، جلد اوّل، صفحہ 23)۔

’’تیہنوں کِیہنے دَسیا کہ توں ننگا اے؟ کی تُوں اُوس درخت دا پھل کھادا اے جِنہوں کھان توں میں تیہنوں منع کیتا سی؟‘‘ (پیدائش 3: 11)۔

خدا نے ایہ سوالات کیوں پُچھے؟ ایہ جانن دے لئی نئیں سی کہ اُوہناں نے کی کیتا۔ خدا دی ہر گل نوں جانن تے ویکھن آلی اَکھ پہلاں توں ای جانندی سی کہ اُوہناں نے گناہ کیتا اے۔ خدا نے ایہ سوالات اُوہناں دے ضمیراں دی جانچ کرن دے لئی، اُوہناں نوں چُبھن محسوس کران دے لئی، اُوہناں نوں اُوہناں دے گناہ نوں تسلیم کران دے لئی تحریک دین دے لئی پُچھے۔ لیکن اُوہناں نے اینج نئیں کیتا۔ اُوہناں نے صرف اپنے آپ نوں درست ثابت کرن دی کوشش کیتی، کسی ہُور تے اِلزام لگان دی کوشش کیتی۔ ڈاکٹر ھنری ایم مورس نے کہیا، ’’ایہدے مطابق، خداوند دے کول [اُوہناں نوں] سزا دین دے سوا کوئی عمل نئیں سی‘‘ (ھنری ایم مورس، پی ایچ ڈی Henry M. Morris, Ph.D.، پیدائش دی کتاب دا ریکارڈ The Genesis Record، بیکر کُتب گھر Baker Book House، 1986 ایڈیشن، صفحہ 117)۔

ایہ ایس گل دی تصویر اے کہ جے تُسی اپنے گناہ دا بہانہ بناندے رہوو گے تے تہاڈے نال کی ہووے گا۔

’’اپنی تقصیر اپنے سینہ وِچ چُھپا کے جے میں آدم وانگوں اپنے قصوراں تے پردہ پایا ہووے‘‘ (ایوب 31: 33)۔

’’تہاڈے تے آن آلی مصیبتاں تے روؤ تے چیخو گے‘‘ (ایوب 5: 1)۔

تہانوں آخری عدالت وِچ خدا دے تخت دے سامنے گھسیٹا جائے گا۔ تُسی

’’خداوند دی حضوری وِچ کھڑے ہوو؛ تے کتاباں کھولیاں جان گئیاں … تے سارے مُردیاں دا انصاف اُوہناں دے اعمال دے مطابق کیتا گیا جیہڑے اُوہناں دی کتاباں وِچ درج سن‘‘ (مکاشفہ 20: 12)۔

یعنی، انسان دے [گناہواں] دا ریکارڈ ’’تے مُردیاں دا فیصلہ اُوہناں شیواں نال کیتا گیا جیہڑیاں کتاباں وِچ لکھیاں گئیاں سن‘‘ … [خدا] اِنساناں دے سارے [گناہواں] دا ریکارڈ رکھدا اے، تے اُوہناں ساریاں خیالات تے احساسات دا جِنہاں دے تحت اُو عمل کردے نے … ایتھے کوئی رحم نئیں اے۔ معافی دے بارے وِچ کُجھ نئیں کہیا گیا، خدا دے فضل دے بارے چہ کُجھ نئیں کہیا گیا، کفارہ دے بارے وِچ کُجھ نئیں کہیا گیا اے۔ ایہناں ساریاں نوں لعن طعن کیتا گیا اے۔ ہُن صرف درست فیصلہ لاگو ہوندا اے۔ لوکی جہنم وِچ جان گے کیوں جے اُوہناں نوں جانا چائیدا اے۔ اُو جہنم دے مستحق نے … ’’دھوکے وِچ نہ آؤ؛ خدا دا مذاق نئیں اُڑایا جاندا: کیوں جے بندہ جیہڑا کُجھ بوئے گا، اُو ای کٹے گا‘‘ (گلتیوں 6: 7)… گناہ دا بدلہ چُکانا چائیدا اے۔ اُو لوکی جیہڑے مسیح دی قربانی نوں ٹھکرا دیہندے نے اُوہناں نوں ابدی … کدی معاف نہ ہون آلے گناہ دے لئی اپنا قرض ادا کرنا چائیدا اے … جیہڑا کوئی بُرائی کرنا چاہندا اے یا اُو کرے گا [جے اُوہنوں موقع لبھے] یا جے اُو بے نقاب ہون توں نئیں ڈردا، تے اُو اپنے دِل وِچ ایس گناہ دا مجرم اے۔ اوہ، ایس خوفناک دِن [دِل دے] گناہ خدا دی ریکارڈ دی کتاباں توں پڑھے جان گے! (جان آر رائس، ڈی ڈی John R. Rice, D.D.، ویکھو، اُو آندا اے Behold, He Cometh، سورڈ آف دی لارڈ پبلشرز، 1977، صفحہ 304-305)

’’اُوس دِن جدوں خدا انساناں دے رازاں دا فیصلہ کرے گا‘‘ (رومیوں 2: 16)۔

ہائے اُو روز، جزا آن آلا اے! خداوند دی کتاباں کُھلن گئیاں۔ تہاڈے سارے خفیہ گناہ خدا دی کتاباں توں پڑھے جان گے۔ کُجھ نئیں چُھپے گا۔ تہاڈے دِل تے حیاتی دے سارے گناہ خدا دی کتاباں توں پڑھے جان گے، تے تہاڈے گناہواں دا کامل ریکارڈ تہانوں مجرم ٹھہرائے گا۔ اُودھوں مسیح تہانوں کہووے گا،

’’اے لعنی لوکو، میرے کولوں دور ہو جاؤ، تے اُوس ہمیشہ جلدی رہن آلی اَگ وِچ چلے جاؤ‘‘ (متی 25: 41)۔

اوہ، میں تہانوں نصیحت کرنا آں، میں تہانوں اِلتجا کرنا آں کہ ’’روزِ عدالت دا خوفناک انتظار تے اُوس اَگ دا غضب باقی اے جیہڑا خدا دے دشمناں نوں کھا لئے گی‘‘ (عبرانیوں 10: 27)۔

اوہ، ہُن دشمن نہ بنو، خداوند تعالیٰ دے دشمن نہ بنو! یاد رکھو کہ

’’جیہڑا اپنے گناہواں نوں چُھپاندا اے اُو فلاح نئیں پائے گا لیکن جیہڑا اُوہناں دا اقرار کردا اے تے ترک کردا اے اُوہدے تے رحم کیتا جائے گا‘‘ (امثال 28: 13)۔

خُدا دے سامنے اپنے گناہ دا اِقرار کرو جیویں کہ داؤد نے کیتا، جدوں اُوہنے کہیا،

’’کیوں جے میں اپنے گناہواں نوں تسلیم کرنا آں: تے میرا گناہ ہمیشہ میرے سامنے اے‘‘ (زبور 51: 3)۔

’’جیہڑا اپنے گناہواں نوں چُھپاندا اے اُو فلاح نئیں پائے گا لیکن جیہڑا اُوہناں دا اِقرار کردا اے تے ترک کردا اے اُوہدے تے رحم کیتا جائے گا‘‘ (امثال 28: 13)۔

اپنے گناہواں نوں چُھپانا چھڈ دیو۔ تُسی واقعی چہ اُونج وی ایہو جیہا نئیں کر سکدے! خدا دی سب ویکھن آلی اَکھ پہلاں توں ای تہاڈے گناہ دے بارے چہ سب کُجھ جانندی اے! ہر گناہ جیہڑا تُسی کیتا اے اُو خدا دی کتاباں وِچ درج اے تے آخیرلی عدالت وِچ تہانوں مجرم ٹھہرائے گا۔ چھیتی کرو، میرے دوست، ہُنے وی ویلہ اے! اپنے گناہواں دا اعتراف کر لو ایس توں پہلاں کہ بہوتی دیر ہو جائے! بائبل کہندی اے کہ تہانوں ’’[یسوع دے] لہو نال راستباز ٹھہرایا جانا چائیدا اے۔ تہانوں ’’اُوہدے ذریعے قہر توں بچایا جانا چائیدا اے‘‘ (رومیوں 5: 9)۔

’’تیہنوں کیہنے دَسیا کہ توں ننگا اے؟ کی توں اُوس درخت دا پھل کھادا اے جِنہوں کھان نال میں تیہنوں منع کیتا سی؟‘‘ (پیدائش 3: 11)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔