انجیلی بشارت دی تبلیغ تے خدا دا کلام | Evangelistic Preaching And The Word Of God

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج دی سویر میں لوقا دے اٹھویں باب توں مماثلت آلے حوالے تے منادی کیتی۔ لیکن مرقس دی انجیل سانوں کُجھ تفصیلات فراہم کردی اے جیہڑی لوقا وِچ نئیں نے۔ مثال دے طور تے تیرھویں آیت تے غور کرو،

’’تُسی ایہ تمثیل نئیں سمجھے؟ تے باقی ساریاں تمثیلاں کیویں سمجھو گے؟‘‘ (مرقس 4: 13)۔

جے اُو بیج بون آلے دی سادہ جئی تمثیل نوں نئیں سمجھ سکدے تے اُو مذید پیچیدہ تمثیلاں نوں سمجھن دی اُمید کیویں کر سکدے نے؟ بون آلے دی تمثیل اِک کسان دی گل کردی اے جیہڑا بیج بکھیرن نکلدا اے۔ بیج چار قسم دی مٹی تے ڈِگدا اے۔ پہلی تین قسماں دی مٹی پھل نئیں لیہیاندی۔ آخری قسم [دی مٹی پھل] لیہیاندی اے۔ ایہ اِک بہوتی سادہ جئی کہانی اے۔ ایہ اِک بہوتی ای سادہ جئی سچائی دی تصویر کشی کردی اے۔ ایہ تین قسم دے لوکاں دی تصویر کشی اے جیہڑے مسیح چہ ایمان لیہیا کے تبدیل نئیں ہوندے، تے اِک قسم جیہڑی مسیح چہ ایمان لیہیا کے بدلدے نے۔ ایہ بہوتی بنیادی تعلیمات نے۔

فیر وی ایہ سوچنا اِک وڈی غلطی اے کہ تہانوں ایہنوں سُنن دی لوڑ نئیں اے – پاویں تُسی ایہنوں پہلاں وی کئی وری سُنیا ہووے – کیوں جے ایہو ای بنیادی تمثیل اے، جیہڑی انجیلی بشارت تے مسیح چہ ایمان لیہیان دی تبدیلی دی واضح تصویر پیش کردی اے۔ جے ایہدے چہ موجود سچائیاں تہاڈی روح نوں نئیں جکڑدیاں تے دوجی، گہری تے پیچیدہ تمثیلاں وَل جان دا کوئی فائدہ نئیں۔ جے تُسی ایہنوں نئیں سمجھدے تے تُسی باقی نوں نئیں سمجھ پاؤ گے۔

بالکل شروع چہ، تمثیل دے آغاز وِچ، اَسی دو عظیم سچائیاں نوں سِکھنے آں جیہڑیاں کُلیدی نے، بنیادی نے، جِنہاں تے مسیحیت دا انحصار اے۔ ایہ اُو سچائیاں نے جیہڑیاں ساڈے گرجا گھر وِچ ہر نئے فرد نوں جانن دی لوڑ اے، تے جِنہاں دے بارے چہ ہر بزرگ نوں یاد دلان دی لوڑ اے۔

بیج بون آلا کی ہوندا اے؟ اُو کلام [دا بیج] بوندا اے۔ چودھویں آیت تے نظر پاؤ۔

’’بون آلا خدا دے کلام دا بیج بوندا اے‘‘ (مرقس 4: 14)۔

متی، مرقس تے لوقا تینوں ایس حقیقت نوں ریکارڈ کردے نے کہ بون آلا کلام بوندا اے۔ ایتھے ’’کلام‘‘، جیویں دوجی تھاواں وانگوں، مقدس صحیفے، مقدس بائبل، خدا دا کلام اے۔ ایہ بائبل دے الفاظ نے جیہڑے خدا بشراں نوں مسیح چہ ایمان دِلا کے تبدیل کرن دے لئی استعمال کردا اے۔ ایہنوں ’’روح دی تلوار، جیہڑی کہ خدا دا کلام اے‘‘ کیہیا جاندا اے (فسیوں 6: 17)۔ خدا دے کلام دے نال ’’شیطان دے آتشین تیراں‘‘ تے قابو پا لیہیا جاندا اے (افسیوں 6: 16)۔ مقدس صحیفے اِک تیز تلوار وانگوں نے۔ اَسی فولادی تلوار نال دشمن نوں شکست نئیں دے سکدے۔ سانوں روح دی تلوار دا استعمال کرنا چائیدا اے، جیہڑی کہ خدا دا کلام اے۔ جے بائبل، خدا دا انتہائی کلام، سچی مسیحیت دے دشمناں تے قابو نئیں پاندی، تے فیر اُو غالب نئیں آ پان گے۔ واحد تلوار جیہڑی سانوں دِتی گئی اے اُو خدا دا کلام اے۔ تے ایہ واقعی اِک قوی کلام اے!

’’بون آلا خدا دے کلام دا بیج بوندا اے‘‘ (مرقس 4: 14)۔

مذید برآں، کلام نوں دِل وَچ گُھسنا چائیدا اے، ورنہ مسیح چہ ایمان لیہیان دی تبدیلیاں رونما نئیں ہون گئیاں۔ میرے پسندیدہ زبوراں وِچوں اِک کہندا اے، ’’تیرے کلام دا بوہا روشنی دیہندا اے؛ ایہ سادہ لوحواں نوں سمجھ دیہندا اے‘‘ (زبور 119: 130)۔ جے کلام دے الفاظ، اُو انتہای الفاظ، روح وِچ داخل نئیں ہوندے نے، تے کوئی تبدیلی واقع نئیں ہووے گی۔

’’بون آلا خدا دے کلام دا بیج بوندا اے‘‘ (مرقس 4: 14)۔

میرے خیال چہ ایہ ایہناں طریقیاں وِچوں اِک اے جیہڑا وریاں دے دوران انجیلی بشارت دی تبلیغ غلط ہوندی گئی۔ پرانے پیوریٹن مبشراں نے کلام دی تبلیغ کیتی۔ اُوہناں نے خدا دے کلام دا مطالعہ کیتا۔ اُوہناں نے خدا دے کلام تے غور کیتا، تے دعا کیتی۔ تے فیر اُو اپنے منبر تے گئے تے خدا دے کلام دی تبلیغ کیتی۔ پہلی عظیم بیداری وِچ، ہاویل ہیرس، ڈینیئل رولینڈ، جارج وائٹ فیلڈ تے جان ویزلی وگرے لوکاں نے غیر ترقی یافتہ لیکن ممکنہ طور تے مفید زمین تے واقعی چہ ہل چلایا تے بے جان گرجا گھراں نوں اُوہناں دی جڑاں تیکر ہلا دِتا۔ ہاویل ہیرس (1714-1773) نے اپنے اَگے بائبل رکھی تے پانے پھیپھڑیاں دی آخریلی حد تیکر زور نال بول کے خدا دے کلام دی تبلیغ کیتی – اکثر اِک ویلے چہ دو دو یا تین تین گھنٹے تیکر تبلیغ کیتی۔ اُوہدی تبلیغ نے چرچ آف انگلینڈ دی بنیاد نوں ہلا کر رکھ دِتا۔ لوکی کانبدے، آہواں بھردے، چیخدے، تے زمین تے ڈِگ پیہندے – بالکل وی نئیں، کسی وی معنی وچ نئیں، جیہڑا اَسی اَج کرشماتی مشن آلیاں دے جلسیاں وِچ ویکھنے آں۔ اوہ، نئیں! کرشماتی مشن دے پیغامات ہوول ہیرس دے روح نوں پھڑکا ڈالن آلن واعظاں دی ناقص، سطحی جئی نقلاں نے! بالغ عمر دے لوکی گناہ دی سزایابی دے تحت زمین تے ڈِگ پیہندے نے تے ساری ساری راتی تے اگلے اَدھے دِن تیکر چیخدے رہندے نے کہ خدا اُوہناں نوں بخشے! ہاول ہیرس دی تبلیغ تے جدید کرشماتی مشن آلیاں دی تبلیغ وِچ ایہو ای فرق اے۔ ہاویل ہیرس دا اِک واعظ بینی ہن Benny Hinn دے پورے ہجوم نوں اُڑا کے رکھ دے گا! اُو گھر نٹھن گے تے پلنگ دے ہیٹاں چھپ جان گے! جدوں ہیرس نے منادی کیتی تے لوکی خود اپنے ای مکمل اخلاقی زوال توں ڈردے ہوئے گناہ دی سزایابی دے تحت بیقرار ہو گئے، اُوہناں نوں تسلی نئیں دِتی جا سکدی سی جدوں تیکر کہ اُوہناں وِچ راستبازی تے مسیح دی راستبازی دا اِک عمل قطعی مکمل طور تے تہمت یا اِلزام نہ لگا دے۔ کوئی وی ہُور گل اُوہناں دی آہواں تے چیخاں نوں خاموش نئیں کرا سکدی سی۔ لیکن ہاول ہیرس دی تبلیغ تے جدید کرشمہ سازی وِچ فرق ایہ اے کہ ہیرس نے اپنے اَگے اِک کُھلی بائبل رکھی تے اُوہدے لفظاں دی تبلیغ کیتی، تے اُوس [بائبل] دے لفظاں وِچ ہتھوڑا ماریا، تے دھمکی دِتی، ملامت کیتی، تنبیہ کیتی، تے اپنے سُنن آلیاں دی کلام دے نال حوصلہ افزائی کیتی – اپنے پھیپھڑیاں دی آخریلی حد تیکر تبلیغ کیتی – جیہڑی کہ، جے کیہیا جائے تے، میرا یقین اے کہ گمراہ گنہگاراں نوں تبلیغ کرن دا واحد بائبلی طریقہ اے، تے میں ایہنوں بائبل نال ثابت کر سکنا آں۔ لیکن ایہ اِک ہُور واعظ دی منتظر اے۔ میرا نقطہ ایہ اے کہ ایہ عظیم، دُنیا نوں بدل ڈالن آلے مبلغین، جیویں ہاویل ہیرس، ڈینیل رولینڈز، کرسمس ایونز، تے بِلاشبہ جارج وائٹ فیلڈ تے جان ویزلی تے چارلس ویزلی، ایہناں وِچوں ہر اِک سی، جیویں کہ ویزلی نے تحریر کیتا، ’’اِک کتاب دا آدمی‘‘۔ تے اُو کتاب بائبل سی، تے اُوس کتاب نال اُوہناں نے اِک مُردہ کلیسیا دی تے مُردی ہوئی قوم دی بنیاداں ہِلا دِتیاں۔

’’بون آلا خدا دے کلام دا بیج بوندا اے‘‘ (مرقس 4: 14)۔

یاد رکھو کہ ایہ لوکی بائبل دے اُستاد نئیں سن، جیویں کہ اَسی اُوہناں نوں اَج جاننے آں۔ اوہ، نئیں! اَسی بائبل دے استاداں توں تنگ آ چکے نے۔ اَسی ہاویل ہیرس چاہنے آں! تے اِسی اُوس ویلے تیکر اُوہنوں پکارنا بند نئیں کراں گے جدوں تیکر کہ کوئی، کسی نہ کسی تھاں، ہیریس وگرے بندے نوں اُوہدی کلیسیا وِچ ڈھیل دین دی ہمت نہ کرے – تے اُوہنوں اجازت دیوے کہ یا تے اُوس کلیسیا نوں تباہ کر دے یا اُوہنوں تبدیل کر دے! فیر ای (تے اُوھدوں ای) حیاتِ نو ہو سکدا اے!

زندہ خدا دا کلام، ہاول ہیرس وگرے آدمی دے مُنہ وِچ، خداوند دی اِک [ایہو جئی تلوار اے جیہڑی تعظیم، تعجب یا خوف دے گہرے احساس نوں جنم دیہندی اے] تے اُو خوفناک تلوار اے! خدا ایہو جئے بندیاں نوں، ایلیاہ تے یوحنا بپتسمہ دین آلے دی روح [دی صورت] وِچ چھیتی پیہجھے! امریکہ وِچ ساڈا مسیحی طرز حیاتی ختم ہو چکیا اے۔ خدا مبلغین پیہجھے جیہڑے اپنا مُنہ کھولن تے خدا دی اَگ نوں اُنڈیل دین، کلیسیا نوں بھڑکا دین تاکہ باغی اپنی جان دے لئی نٹھن۔ کھوئے ہوئے یا گمراہ بندے نوں بھڑکان، اُو سخت سزایابی دے تحت آندے نے۔ نجات پائے ہوئے نوں بھڑکان، تے اُو نماز وِچ منہ دے بل ڈِگ جاندے نے۔ اوہ، ایلیاہ دا خدا کیتھے اے؟ اُو مرد جِنہاں دے کول روح دی تلوار، خدا دے کلام دے علاوہ کوئی دوجی تلوار نئیں، اُو مرد جیہڑا ایس تلوار نوں انجیلی بشارت دے احیاء یا حیاتِ نو دے مقصد وِچ بے رحمی نال چِلان دے لئی تیار نے – ایہو ای ایس ویلے دی لوڑ اے!

’’بون آلا خدا دے کلام دا بیج بوندا اے‘‘ (مرقس 4: 14)۔

ایہ اُو پہلی گل اے جیس دی توجہ تلاوت وِچ ساڈے وَل دلائی گئی اے – خدا دے کلام دی فضیلت، برہنہ، واضح، سخت بائبل دی تبلیغ، جیہڑی دشمن نوں مار ڈالے گی، فلستی دا ختنہ کرے گی، مُردیاں نوں جگائے گی تے خدا دے لوکاں نوں اِک لشکر وانگوں مسیح توں انکار کرن آلی دُنیا توں باہر کر دے گی۔ خدا دے کلام دی فضیلت – جیویں کہ ایہ بون آلے دی تمثیل وِچ سِکھایا جاندا اے۔

’’بون آلا خدا دے کلام دا بیج بوندا اے‘‘ (مرقس 4: 14)۔

جدوں یسوع نے تمثیل دِتی دے اُو جانندا سی کہ ہر کوئی [یسوع چہ ایمان لیہیا کے] تبدیل نئیں ہووے گا۔ تمثیل دے انتہائی الفاظ وِچ اُوہنے سانوں واضح طور تے دسیا، تے تصویری طور تے ایس حقیقت نوں بیان کیتا کہ زیادہ تر لوکی کلام دی منادی کرن نال تبدیل نئیں ہون گے۔ کُجھ لوکی شیطان نوں اُوہناں دے دِلاں توں کڈن دین گے۔ کُجھ نوں تبدیل ہوئے بغیر، صرف اِک لمحاتی جذباتی تجربہ ہووے گا۔ دوجے لوکی تبدیل ہوندے وکھائی دین گے، لیکن اِک مقامی گرجا گھر توں، تے اِک اہم عقیدے توں ’’آزمائش دے ویلے پسپا ہوندے وکھائی دین گے‘‘۔

لیکن مسیح ایہ وی جانندا سی کہ کُجھ لوکی گہرائی تیکر متاثر ہون گے، حقیقی سزایابی دے تحت آن گے، کلام دے ذریعے اُوہناں دے باطن دی انتہائی گہرائیاں تیکر ہِل جان گے، ایہدے نال باطنی طور تے زخمی ہو جان گے، مسیح چہ ایمان لیہیان آلی تبدیلی وِچ پیدائش چہ ہون آلی دردِ زہ وگری اذیت وِچوں لنگہن گے – تے آخیر وِچ، زندہ، پھل دین آلے مسیحی ہون گے۔

میں غیر تبدیل شُدہ حالت وِچ سو واعظ سنے نے۔ لیلکن اگرچہ ایہ اُوچی واج، پرانے زمانے دے جنوبی بپتسمہ دین آلیاں دے واعظ سن، لیکن اُو پاک کلام دے انتہائی لفظاں دے بجائے کہانیاں تے تمثیلاں تے زیادہ توجہ دیہندے سن۔ ایہ اُوس ویلے تیکر نئیں سی جدوں تیکر کہ میں اِک پرانے زمانے دے بائبل تے پریسبیٹیرین نوں نئیں سی، جیہڑا حقیقت وِچ کلام پاک دے حوالیاں توں ای تبلیغ کردا سی، کہ میں آخرکار مسیح چہ ایمان لیہیا کے تبدیل ہو گیا سی۔ اَج میں اُوس شخص دی مثال تے عمل کرن دی کوشش کرنا آں۔ اُوہدے وانگوں، تے ہاویل ہیرس وانگوں، تے وائٹ فیلڈ وانگوں، تے عظیم سپرجیئن وانگوں، میں چند کہانیاں سُنانا آں، تے چند مثالاں دیہنا آن۔ غور کرو کہ میں اُوس واعظ وِچ اِک وی ایہو جئی گل نئیں کیتی جِنہوں ہُن ’’مثال‘‘ کہیا جاندا اے۔ کیوں؟ کیوں جے ایہ مثالاں نئیں بلکہ خود خدا دا انتہائی کلام اے جیہڑا بائبل دی تبلیغ دے ذریعے انسانی روح نوں تبدیل کردا اے۔

’’بون آلا خدا دے کلام دا بیج بوندا اے‘‘ (مرقس 4: 14)۔

’’کیوں جے خدا دا کلام زندہ تے مؤثر اے تے اُو ہر دو دھاری تلوار توں زیادہ تیز اے، ایتھوں تیکر کہ جان تے روح دی تقسیم تیکر نوں چیر ڈالدا اے، تے ہڈیاں دے جوڑاں تے گودے تیکر نوں چیردا ہویا لنگ جاندا اے، تے دِل دے خیالاں تے اِرادیاں نوں جانچدا اے‘‘ (عبرانیوں 4: 12)۔

بائبل کہندی اے کہ تُسی گناہ کیتا اے۔ تہاڈے گناہ خدا دی کتاباں وِچ درج نے۔ تہاڈے گناہ غیر نجات یافتہ مُردیاں دی آخیرلی عدالت وِچ تہاڈا سامنا کرن گے۔ تہاڈے گناہ تہانوں جہنم دے کھڈے وِچ پیہجھ دین گے۔ ہر ویلے تے ابدیت دے لئی، تُسی شعلیاں وِچ روندے رہوو گے! تہانوں بائبل دا پیغام ضرور سُننا چائیدا اے تے اُوہدے تے عمل کرنا چائیدا اے، ورنہ تُسی خدا دے غضب توں بچ نئیں سکدے!

ایہ بائبل خدا دا کلام اے، جیہڑا لوکاں دے دِلاں نوں چیر ڈالدا اے، اُوہناں نوں بے چین تے خوفزدہ کردا اے، اُوہناں دی اَکھاں تے دِلاں وِچ اَتھرو لیہیاندا اے، اُوہناں نوں گرجا گھر توں نٹھاندا اے – لیکن عجیب تے پراسرار طور تے، اُوہناں نوں دوبارہ واپس کھیچدا اے، لرزدے تے روندے ہوئے، مسیح دی انجیل دی طاقت نال تبدیل ہون دے لئی۔ ایہ بائبل اے، زندہ خدا دا کلام، جیہڑا اُوہناں دے گناہواں توں سخت دِلاں نوں پگھلاندا اے، اُوہناں نوں وکھاندا اے کہ اُوہناں نے خدا نوں ناراض کیتا اے، اُوہناں نوں اپنے مقدس لہو نال رحم، راستبازی تے پاکیزگی دے لئی یسوع دے قدماں دے کول آن تے مجبور کردا اے۔ ایس لئی

’’بون آلا خدا دے کلام دا بیج بوندا اے‘‘ (مرقس 4: 14)۔

میں اَج دی رات تہانوں پوچھنا آں، کی خدا دے کلام دی منادی نے تہانوں ایویں متاثر کیتا اے؟ کی اُوہنے تہانوں پکاریا،

’’ہائے میں کیس قدر بدبخت انسان آں! میہنوں ایس موت دے جسم توں کون نجات دلائے گا؟‘‘ (رومیوں 7: 24)۔

جے تُسی اَج دی رات خدا دے کلام دی تبلیغ دے تحت پریشان تے غمگین تے کھوئے ہوئے محسوس کیتا اے، تے میں تہانوں پُچھنا آں – ’’کی تُسی یسوع مسیح دے کول آؤ گے؟ کی تُسی اُوہدے لہو دے وسیلے نال اپنے گناہواں توں پاک ہونا چاہوو گے؟‘‘ تہاڈے پریشان دِل نوں پرسکون کرن دا کوئی دوجا راستہ نئیں اے۔ تہاڈے لئی نجات دا تجربہ کرن دا کوئی دوجا راستہ نئیں اے۔ تہاڈے گناہواں دی معافی دا کوئی دوجا راستہ نئیں اے۔ تہاڈے لئی خدا دے نال صلح کرن دا کوئی دوجا راستہ نئیں اے۔ تُسی ہمیشہ نااُمید تے کھوئے ہوئے تے گنہگار محسوس کرو گے جدوں تیکر کہ تُسی یسوع دے کول نئیں آندے تے اُوہدے ذریعے نجات نئیں پاندے۔

’’لہٰذا ایمان دے ذریعے راستباز ٹھہرائے جان نال، اَسی اپنے خداوند یسوع مسیح دے ذریعے خدا دے نال صلح رکھنے آں‘‘ (رومیوں 5: 1)۔

کی تُسی مسیح دے کول آؤ گے؟ اَسی تفتیشی کمرے چہ تہاڈا انتظار کراں گے تاکہ تہانوں مشورہ دِتا جا سکے۔

’’بون آلا خدا دے کلام دا بیج بوندا اے‘‘ (مرقس 4: 14)۔

میں اَج دی رات کلام دی تبلیغ کرن دی پوری کوشش کیتی اے۔ میرا واعظ ختم ہو گیا اے۔ ہُن، کی تُسی یسوع تے پروہسا کرو گے تے نجات پاؤ گے؟

جے تُسی ایس سادہ جئے واعظ نال اپنے دِل وِچ من گئے اُو، جے تُسی چاہندے اُو کہ یسوع تہاڈے گناہ نوں صاف کرے، تے کمرے دے پچھلے حصے وِچ جاؤ تے مناد صاحب تہانوں تفتیشی کمرے وِچ لے جان گے تاکہ تہاڈے نال مشاورت کیتی جا سکے۔ لیکن اُوس ویلے تیکر نہ جاؤ جدوں تیکر کہ تہاڈی روح خدا دے کلام نال چھِید نا جائے۔ اُوس ویلے تیکر نہ جاؤ جدوں تیکر کہ تہانوں گناہ دا احساس نہ ہووے۔

آؤ اے بوجھل تے تھکے ہوئے لوکو؛
اپنی تمام تر احتیاط دے نال آؤ۔
گنہگار پریشان ضمیر دے نال آندے نے
تہاڈے سارے گناہ یسوع نوں برداشت کرن دیو۔
اے بھاری دِل، اے تھکی ہوئی جان،
اپنے سارے رنج و غم تے اپنی ساریاں پریشانیاں لیہیاؤ،
اے گنہگار توبہ کرن آلے، معافی پیاری اے
یسوع دے قدماں وِچ آن دے لئی ایہ تہاڈی اے۔
(’’اے بوجھل دِل آلیو O Heavy Hearted‘‘ شاعر ڈاکٹر جان آر رائس Dr. John R. Rice،1895۔1980)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔