ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

والٹ ڈزنی دی موت دے ویلے اُوہناں دا جسم جم گیا سی۔ اُوہناں دی لاش نوں ایس اُمید تے فریج رکھیا گیا اے کہ سائنس کسی دِن اُوہناں نوں فیر توں زندہ کرن وِچ کامیاب ہو جائے گی۔ ڈزنی نے اپنی اُمید سائنس تے ٹیکنالوجی وِچ رکھی۔ اُوہناں وانگوں، تہاڈے ماں پیو تے دادا دادی نوں خدا توں بوہتا سائنس تے یقین سی۔ اُوہناں وِچوں اکثر

’’خالق توں بوہتی مخلوق دی عبادت تے خدمت کیتی‘‘ (رومیوں 1: 25)۔

پرانی نسل دے بہتیرے لوکاں نوں یقین سی کہ سائنس دے کول انسان دے سارے مسئلیاں دا جواب اے۔

لیکن میں دریافت کیتا اے کہ اَج بہتیرے نوجوان ایس خیال نوں ٹھکرا رئے نے۔ بہتیرے نوجوان ایہناں قدراں تے سوال چُک رئے نے۔ بیسویں صدی دی مادیت تے تیکنیکی ترقی نے سانوں اِک بہتر دُنیا نئیں دِتی۔ ایہدے بجائے، تہانوں اِک سمندر دِتا گیا سی جیتھے مچھلی تیزی نال تباہ ہو رئی اے۔ پچھلے چند وریاں دے وِچ ٹائم میگزین تے خبراں دے دوجے مقامات تے وڈی خبراں آئیاں نے۔ یو ایس نیوز اینڈ ورلڈ رپورٹ دے سرورق نے کہیا، ’’خالی سمندر – کیوں دُنیا دی سمندری غذا دی سپلائی غائب ہو رئی اے‘‘ (9 جون، 2003)۔ ایہدے بارے چہ سوچو – مچھلی دے بغیر اِک سمندر!

اَسی پیغام رساں مسافر کبوتر نوں تباہ کر دِتا۔ اَسی ایہناں مجھہاں نوں تباہ کر دِتا جیہڑیاں کدی دیوہیکل ریوڑ وِچ میدانی علاقیاں وِچ گھومدیاں سن۔ تے ہُن اَسی مچھلیاں دی وڈی انواع نوں تباہ کر رئے آں جیہڑیاں کدی سمندر وِچ پنپدیاں سن۔ ہیمنگوے دا پلیٹزر انعام یافتہ ناول، دی اولڈ مین اینڈ دی سی، آن آلی نسلاں کے لیے عملی طور تے ناقابل فہم ہووے گا – جدوں عظیم مچھلیاں ختم ہو جان گئیاں۔

ایہو ای نئیں، اَسی اوزون دی ایس تہہ نوں جلا رئے آں جیہڑی کدی زمین نوں الٹرا وائلٹ شعاعاں توں محفوظ رکھدیاں سن۔ ایہ اِک اہم وجہ اے کہ کینسر اَج کل بوہتا ودھ رہیا اے۔ کسی وی ویلے دھوپ چہ نکلنا خطرناک اے، کیوں جے ایس حفاظتی تہہ نوں انسان جدید ٹیکنالوجی دے ذریعے تباہ کر رہیا اے۔

سائنس نے تہانوں کی دِتا اے؟ اَجکل بہتیرے نوجوان ایہ سمجھن لگے نے کہ حیاتی وِچ ویڈیو گیمز تے کمپیوٹر دے علاوہ ہُور وی بہوتا کُجھ اے۔ ایس تمام ٹیکنالوجی نے تہاڈی نسل نوں اِک خالی احساس دے نال چھڈ دِتا اے، ’’بس ایہو ای سب کُجھ اے؟‘‘ تُسی تنہا محسوس کردے اُو کیوں جے زیادہ تر خاندان لفظی طور تے غیر فعال نے۔ لوکی ہر ویلے متحرک رہندے نے۔ تُسی اپنے بیلیاں نوں گنوا دیہندے اُو۔ تہانوں تنہائی محسوس ہوندی اے۔ تُسی جاننا چاہندے اُو کہ کی حیاتی دا کوئی مطلب تے مقصد اے؟ سائنس خالی حیاتی تے بے معنی موت دے خلا نوں پُر نئیں کر سکی۔

تے ایس نوجوان نے اینج ای محسوس کیتا۔ مرقس دی انجیل سانوں دسدی اے کہ اُو یسوع دے کول نٹھدا ہویا آیا۔ اُوہنے گوڈے ٹیک کے یسوع کولوں سوال پُچھیا،

’’ابدی حیاتی دا وارث ہون دے لئی میں کی کراں؟‘‘ (لوقا 18: 18)۔

اُو ابدیت دے بارے وِچ سوچ رہیا سی۔ کی تُسی کدی ایہدے بارے چہ سوچیا اے؟ ابدیت – لامتناہی، لازاوال، کدی نہ مُکن آلی ابدیت۔ ایہ نوجوان ابدیت دے بارے وِچ سوچ رہیا سی۔ تے میں چاہنا آں کہ تُسی ایہدے بارے وِچ وی سوچن دے لئی کُجھ لمحے نکالو۔

I. پہلاں، کُجھ گلاں دے بارے وِچ سوچوں جیہڑیاں ابدی نئیں نے۔

سب توں پہلاں، زمین تے تہاڈی حیاتی ابدی نئیں اے۔ تُسی مر جاؤ گے۔ سانوں بائبل وِچ کئی وری موت دی یاد دلائی گئی اے۔ ایہ کہندی اے،

’’کوئی بندہ ایہو جیہا نئیں اے جیہڑا روح تے قدرت رکھدا ہووے کہ اُو روح نوں برقرار رکھے تے نہ موت دے دِن تے اُوہدا اِختیار اے‘‘ (واعظ 8: 8)۔

دُنیا دا امیر ترین آدمی موت توں نئیں بچ سکدا۔ والٹ ڈزنی اپنے جسم نوں منجمد کر سکدا سی، لیکن اُو موت توں بچ نئیں سکدا سی۔

کُجھ ویلے پہلاں میں ہاورڈ ہیوز دی سوانح عمری پڑھی۔ اُو زمین دے امیر ترین بندیاں وِچوں اِک سی۔ اُو ہیوز ایئر کرافٹ تے اِک موشن پکچر کمپنی دے مالک سن۔ اُو ارب پتی سن۔ اُو جو چاہندے خرید سکدے سن۔ اُوہناں دی طاقت تے دولت بہوتی زیادہ سی۔ اُوہناں نے لاتعداد عورتاں نال جنسی تعلقات قائم کیتے – جِنہاں وِچوں بہوتی ساریاں مشہور فلمی اداکارائیں سن۔ اُوہناں دے کول کشتیاں تے ہوائی جہاز تے کوٹھیاں سن۔ اُوہناں دے کول ایہ سب کُجھ سی! تے فیر وی اُو پاگل ہو گئے تے مر گئے، اِک منشیات دا عادت جیس دی لمبی سفید داڑھی تے ناخن سن جِنہاں دی لمبائی کئی انچ سی۔ جدوں ہاورڈ ہیوز دا انتقال ہویا تے میں کتاب دی اِک آیت دے بارے وِچ سوچیا،

’’بندیاں دا دِل بُرائی نال بھریا ہویا اے، تے اُوہناں دے دِل وِچ دیوانگی اے جدوں تیکر اُو زندہ رہندے نے، تے اُوہدے بعد اُو مُردیاں وِچ چلے جاندے نے‘‘ (واعظ 9: 3)۔

دوجی گل، پیسہ ابدی نئیں اے۔ بائبل ’’سونا جیہڑا ہو فنا ہو جاندا اے‘‘ دی گل کردی اے (1 پطرس 1: 7)۔ بائبل ’’فانی شیواں دی گل کردی اے، جیویں چاندی تے سونا‘‘ (1 پطرس 1: 18)۔ پیسہ بہتیری شیواں خرید سکدا اے، لیکن ایہ تہانوں خوشی نئیں خرید کے دے سکدا، تے ایہ تہانوں ابدی حیاتی نئیں خرید کے دے سکدا۔ تہاڈے بہتیرے ماں پیو دِن رات محنت کر رئے نے تاکہ زیادہ توں زیادہ پیسہ کمایا جا سکے۔ لیکن تُسی جانندے اُو کہ ایہ اُوہناں نوں خوش نئیں کردا اے۔ اُو جِنہا بوہتا پیسہ کماندے نے اُوہنے ای بوہتے ناخوشی ہوندے نے۔

تُسی کالج وِچ بہترین درجات حاصل کر سکدے اُو تے فیر اِک چنگی نوکری حاْصل کر سکدے اُو تے بہوتی سارے پیسے کما سکدے اُو۔ لیکن جدوں تہاڈی موت دا دِن آئے گا تے ایس رقم نال تُہانوں کوئی فائدہ نئیں ہووے گا۔ بائبل کہدی اے،

’’امیر بندہ وی مر گیا، تے دفن کیتا گیا؛ تے جہنم وِچ عذاب چہ مبتلا ہو کے اُوہنے اپنی اَکھاں اُوتے چُکیاں‘‘ (لوقا 16: 22-23)۔

تہانوں ایہدے نال کی فائدہ ہووے گا کہ تُسی بہوتی زیادہ پیسہ کماؤ، تے فیر مر جاؤ تے ہمیشہ دے لئی جہنم وِچ گزاروں؟ ایس ای لئی یسوع نے کہیا،

’’اپنے لئی زمین تے خزانے جمع نہ کرو … بلکہ اپنے لئی آسمان تے خزانے جمع کرو … کیوں جے جیتھے تہاڈا خزانہ اے اُوتھے ای تہاڈا دِل وی ہووے گا‘‘ (متی 6: 19۔21)۔

میں اِک وری اِک بہوتے امیر بندے تے جنازے وِچ تبلیغ کیتی۔ اُوہنے اِک اُداس تے تنہا حیاتی لنگہائی سی۔ پیسے نے اُوہدی مدد نئیں کیتی۔ اُوہناں نے اُوہنوں اپنے تکیے ہیٹاں پستول دے نال اِک خوابگاہ وِچ بند پایا۔ اُو کئی دِناں توں اُوتھے ای سی۔ فالج نال اَدھا مر چکیا سی۔ جدوں میں اُوہنوں ہسپتال وِچ ویکھن گیا تے اُو گل نئیں کر سکیا۔ اُوہنے بس میرے وَل ویکھیا تے پھوٹ پھوٹ کے رون لگا۔ میں اُوہنوں تسلی دین دے لئی کُجھ وی نئیں کہہ سکتا سی۔ اُوہنے اُوتھے ہسپتال دے بستر تے پیہئے روندے ہوئے تے حلق توں خرخر دی ہولناک واجاں کڈدے ہوئے ویکھنا خوفناک سی۔ میں جدوں تیکر زندہ رہواں گا اُو خوفناک واج، یا اُوہدے پریشان، نااُمید چہرے آلی نظر نوں کدی وی نئیں بُھلاں گا۔ بائبل کہندی اے،

’’بندیاں دا دِل بُرائی نال بھریا ہویا اے، تے اُوہناں دے دِل وِچ دیوانگی اے جدوں تیکر اُو زندہ رہندے نے، تے ایہدے بعد اُو مُردیاں وِچ چلے جاندے نے‘‘ (واعظ 9: 3)۔

پیسہ ابدی نئیں اے۔

ہُںے ای خدا دے لئی سیلہ کڈو، جدوں کہ تُسی جوان اُو! ہر اِتوار نوں گرجا گھر وِچ ہون دے لئی ویلہ کڈو، پاویں کُجھ وی ہو جائے۔ گرجا گھر وِچ بیلی بناؤ۔ اُو تہانوں تنہا رہن توں بچان گے۔ یقینی بناؤ کہ تُسی نجات پا گئے اُو، اِک حقیقی مسیحی دی حیثیت نال۔ ہاورڈ ہیوز یا اُوس بندے وانگوں کلیاں کیوں مریے جیہدا رونا میں روک وی نئیں سکدا سی؟ اینج نہ کرو! ایہو ای وجہ اے کہ اِسی کہنے آں، ’’تنہا کیوں رہیا جائے؟ گھر چلے آؤ – گرجا گھر وِچ! گمراہ کیوں رہیا جائے؟ گھر چلے آؤ – یسوع مسیح دے کول تے نجات پاؤ!‘‘ جیویں کہ حمدوثنا دا اِک پرانا گیت ایہنوں تحریر کردہ اے،

گھر آ رہیا آں، گھر آ رہیا آں، کدی مذید ہُور بھٹکن دے لئی نئیں۔
تیرے پیار بھرے بازو کُھلے ہوئے نے، اے خداوندا، میں گھر آ رہیا آں۔
   (’’اے خُداوندا، میں گھر آ رہیا آں Lord, I’m Coming Home ‘‘ شاعر ولیم جے۔ کِرک پیٹرک William J. Kirkpatrick، 1838۔1821)۔

تیجی گل، لذت ابدی نئیں اے۔ بادشاہ سلیمان اُوہناں امیر ترین بندیاں وِچوں اِک سی جیہڑے ہُن تیکر زندہ رئے۔ اُوہنے لذت پان دی کوشش کیتی، تے ایہ اُوہنوں حقیقی خوشی دلان یا اُوہنوں ابدیت دے لئی تیار کرن وِچ ناکام رئی۔ اُوہنے کہیا،

’’میں اپنے لئی مرد گلوکار تے عورتاں، تے بنی آدم دی لذتاں بطور ساز تے ہر طرح دی گلاں کیتیاں … تے جیہڑا کُجھ میری اَکھاں نے چاہیا میں اُوہنوں اُوہناں توں دور نئیں رکھیا، میں اپنے دِل نوں کسی خوشی توں نئیں روکیا … فیر میں دِل ای دِل چہ کہیا، جیویں احمق دے نال ہوندا اے، اُونج ای میرے نال وی ہوندا اے … فیر میں دِل ای دِل چہ کہیا کہ ایہ وی زعمِ باطل یعنی احساس برتری اے [ایہ وی بے معنی اے]‘‘ (واعظ 2: 8، 10، 15)۔

اُوہدے کول شراب، عورتاں تے گانا سی – لیکن ایہ سب زعمِ باطل سی، آخرکار، ایہ سب بے معنی سی۔ تے ایویں ای ایہ تہاڈے لئی وی ہووے گا۔ بہوتے سارے پیسے کمانا تے گناہ دی لذت دا تجربہ کرنا تہانوں دیرپا خوشی نئیں دے گا۔ بائبل سانوں دسدی اے کہ گناہ دی لذتاں صرف اِک موسم تیکر رہندیاں نے (عبرانیوں 11: 25)۔ گناہ دی لذتاں ابدی نئیں ہوندیاں۔ جے تُسی صرف پیسے تے خوشی دے لئی حیاتی لنگہاندے اُو تے خدا دا کلام کہندا اے کہ تُسی

’’تہاڈے تے آن آلی مصیبتاں دے لئی روؤ تے چیخو … کیوں جے تُسی زمین تے عیش و عشرت دی حیاتی بسر کیتی اے، تے بے ہودہ رئے‘‘ (یعقوب 5: 1، 5)۔

گناہ دی خوشیاں چھیتی ای مُک جان گئیاں – تے فیر خدا دا فیصلہ آئے گا۔ گناہ دی لذتاں ابدی نئیں ہوندیاں۔

II۔ دوجی گل، ایہو جئی کُجھ گلاں دے بارے وِچ سوچو جیہڑیاں ابدیاں نے۔

خدا ابدی اے۔ بائبل ’’ابدی خدا‘‘ دے بارے وِچ گل کردی اے (استثنا 33: 27)۔ بائبل کہندی اے،

’’پہاڑاں دے پیدا ہون توں پہلاں، یا تیرے زمین تے دُنیا دی تشکیل توں پہلاں، ایتھوں تیکر کہ ازل توں پہلاں توں لے کے ابد تیکر، توں ای خدا اے‘‘ (زبور 90: 2)۔

فیر توں، بائبل کہندی اے،

’’تیرا ناں، اے خداوند، ابد تیکر قائم اے؛ تے تیری یادگار، اے خداوند، ساری نسلاں تیکر اے‘‘ (زبور 135: 13)۔

کُجھ لمحے پہلاں اَسی ڈاکٹر آئزک واٹس دا حمدوثنا دا اِک عظیم گیت سُنیا،

اے خدا، ماضی وِچ ساڈی مدد، آن آلے وریاں دی ساڈی اُمید،
جدوں تیکر حیاتی باقی رئے گی، تے ساڈا ابدی گھر توں ای ساڈا رہنما بن جائے۔
   (’’اے خُدا، لنگہدیاں زمانے وِچ ساڈی مدد O God, Our Help in Ages Past‘‘ شاعر ڈاکٹر آئزک واٹز Dr. Isaac Watts، 1674۔1748)۔

میں تے میری ووہٹی لندن وِچ بنحِیل فیلڈز قبرستان وِچ ڈاکٹر واٹس دے مقبرے دے کول کِھلوتے سن۔ تے اُوہناں دی عظیم حمدوثنا دے گیت دے الفاظ میرے ذہن وِچ اُجاگر ہوندے چلے گئے،

تیری نظراں وِچ اِک ہزار ورے، اِک شام دے لنگہن وانگوں نے؛
گھڑی دے ویلے وانگوں گھٹ نے جیہڑی رات سورج نکلن توں پہلاں مُکاندی اے۔

اے خدا، ماضی وِچ ساڈی مدد، آن آلے وریاں دی ساڈی اُمید،
طوفانی دھماکے توں ساڈی پناہ گاہ، تے ساڈا ابدی گھر۔
   (ڈاکٹر آئزک واٹز، گذشتہ گیت دے تسلسل وِچ ibid.)۔

خداوند ابدی اے۔

دوجی گل، بائبل ابدی اے۔ اشعیا نبی نے کہیا،

’’گھاس سوکھ جاندی اے، پُھل مرجھا جاندا اے، لیکن ساڈے خدا دا کلام ابد تیکر قائم رئے گا‘‘ (اشعیا 40: 8)۔

خدا دا کلام، بائبل ہزارہا وریاں توں غیر تبدیل شُدہ اے۔ سٹالن، ہٹلر، ماؤتسے تنگ، تے ہوچی منح وگرے آمراں نے بائبل نوں للکاریا اے تے اُوہدی توہین کیتی اے – لیکن ہُن اُو مر چکے نے – تے بائبل زندہ اے – سارے زمانیاں دے لئی، تے ہمیشہ دی ابدیت دے لئی! تہاڈے کالج دا پروفیسر بائبل تے حملہ کر سکدا اے – لیکن اُوہدے ہڈیاں دے خاک وِچ بدل جان دے بعد وی بائبل پوری دُنیا وِچ پڑھی جائے گی تے اُوہدی عزت کیتی جائے گی!

میں تین وریاں تیکر اِک آزاد خیال سیمنری وِچ شرکت کیتی۔ پروفیسر ساڈی کلاساں وِچ روزانہ دی بنیاد تے بائبل نوں بدنام تے تنقید دا نشانہ بناندے سن۔ لیکن ہُن ایہ سب ختم ہو چکے نے۔ ایہناں دی تھاں قدامت پسند پروفیسراں نے لے لئی اے۔ بائبل تے حملہ کرن آل ختم ہو چکے نے۔ آخری چند ورے پہلاں مر گیا – تے اپنے انجام نوں پہنچ گیا۔ بائبل تے حملہ کرن آلے آزاد خیال ختم ہو چکے نے۔ لیکن بائبل بذاتِ خود اچھوت، بے داغ تے بے ضرر اے۔ یسوع نے کہیا،

’’آسمان تے زمین ٹل جان گے لیکن میری گلاں کدی نہ ٹلن گئیاں‘‘ (متی 24: 35)۔

یورپ تے امریکہ دے پرانے فرقیاں نے بائبل توں مُنہ موڑ لیہیا۔ مغربی تہذیب ختم ہو گئی۔ مغرب وِچ [اِک دور چہ یہودیاں دے قتل عام] ہولوکاسٹ اِسقاطِ حمل وِچ 150 ملین توں زیادہ بچے مارے گئے۔ سفید فام قوماں زوال پزیر نے تے فیر فراموشی وِچ پے گئیاں۔ سفید فام لوکاں دے گرجا گھر سُرمئی، پرانے تے بوسیدہ ہو گئے۔ اُو میوزیم بن گئے۔ ایتھوں تیکر کہ اپنے آپ نوں ’’قدامت پسند‘‘ کیہن آلیاں نے اِتوار دے شامی اپنے دروازے بند کر لیہئے۔ اَگ بُجھ گئے تے گرجا گھر مر گئے۔

لیکن خدا نئے لوکاں نوں سب توں زیادہ غیر متوقع تھاواں تے کھڑا کر رہیا اے۔ ویت نام دے جنگلاں وِچ حیاتِ نو پھُٹ پیہیا اے۔ شدید ظلم و ستم دی وجہ توں پورے جنوب مشرقی ایشیا وِچ ہزاہاں لوکی مسیحی بن رئے نے۔ عوامی جمہوریہ چین وِچ لکھاں لوکی مسیح دے کول آ رئے نے، تے اپنے ایمان دے لئی مرن دے لئی تیار نے۔ افریقہ وِچ، سوڈان وِچ، انڈونیشیا وِچ، سخت ظلم و ستم دے زد وِچ، مسیحیت تیز رفتاری نال ودھ رئی اے! بائبل ایہناں قوماں وِچ پہلاں تو زیادہ مقبول اے جیہڑیاں مغربی ثقافت نوں بدلن دے لئی پیدا ہو رہیاں نے!

’’ہمیشہ دے لئی، اے خداوند، تیرا کلام آسمان تے آباد اے‘‘ (زبور 119: 89)۔

’’خدا دا کلام جیہڑا ابد تیکر زندہ تے قائم اے‘‘ (I پطرس 1: 23)۔

’’آسمان تے زمین ٹل جان گے، لیکن میری گلاں نئیں ٹلن گئیاں‘‘ (متی 24: 35)۔

تیجا، تہاڈی جان تے روح ابدی اے۔ ایوب بائبل دی سب توں قدیم کتاب اے۔ ایوب نے کہیا،

’’کیوں جے میں جاننا آں کہ میرا نجات دہندہ زندہ اے، تے اُو آخیرلے دِن زمین تے کِھلوتا ہووے گا: تے حالانکہ میرا جسم فنا ہو جائے گا، فیر وی میں اپنے جسم سمیت ای خدا نوں ویکھاں گا: میں ای خود اُوہنوں ویکھاں گا، تے خود اپنی اِکھاں نال میں اُوہدے تے نگاہ کراں گا، تے کوئی ہُور نئیں؛ (اُوس گھڑی دے لئی) میرا دِل اندر ای اندر کیس قدر بے قرار ہو رہیا اے‘‘ (ایوب 19: 25-27)۔

اشعیا نبی نے کہیا،

’’تہاڈے مُردے زندہ ہون گے، میرے مُردہ جسم دے نال اُو جی اُٹھن گے۔ اے خاک چہ رہن آلیو، جاگو تے گاؤ، کیوں جے تہاڈی اوس جڑی بوٹیاں دی شبنم وانگوں اے، تے زمین مُردیاں نوں نکال دے گی۔‘‘ (اشعیا 26: 19)۔

تہاڈی جان تے روح ہمیشہ زندہ رئے گی۔ تہاڈے کول ہڈیاں تے گوشت دے نال اِک جسم اے۔ لیکن تہاڈی شخصیت، تہاڈی ذہانت، تہاڈا شعور، تے تہاڈی یاد – تہاڈی روح – ہمیشہ زندہ رئے گی۔ ایہ تہاڈی انسانی جان تے روح اے، تے بائبل دے مطابق، ایہ کدی نئیں مرے گی۔ تے کسی دِن تہاڈی روح تہاڈے جی اُٹھے جسم دے نال مل جائے گی۔ بائبل سکھاندی اے کہ تہاڈی روح ابدی اے۔

چوتھی گل، بائبل سکھاندی اے کہ جہنم ابدی اے۔ بائبل ایہدے بارے وِچ گل کردی اے۔

’’ابدی آگ دا انتقام‘‘ (یہوداہ 7)۔

جدوں تُسی مر جاندے اُو، تے تہاڈی روح براہ راست جنت یا جہنم وِچ جاندی اے – قیامت تے آخیرلی عدالت دا نتظار کرن دے لئی۔ تے جہنم دی پوری بائبل وِچ گل کیتی گئی اے۔ اشعیا نبی نے کہیا،

’’صیحون دے گنہگار خوفزدہ نے؛ خوف نے منافقاں نوں حیران کر دِتا اے۔ ساڈے وِچوں کون بھسم کرن آلی اَگ دے نال رئے گا؟ ساڈے وِچوں کیہڑا ابدی جلن دے نال رئے گا؟‘‘ (اشعیا 33: 14)۔

بائبل اُوہناں لوکاں دے بارے وِچ دسدی اے جیہڑے خود نوں ویکھ کے حیران رہ جان گے

’’شرم تے ابدی حقارت‘‘ (دانی ایل 12: 2)۔

’’فیر وی تہانوں جہنم وِچ، گڑھے دے کناریاں تیکر پہنچایا جائے گا‘‘ (اشعیا 14: 15)۔

’’جہنم دے دُکھاں نے میہنوں گھیر لیہیا؛ موت دے پھندیاں نے میہنوں روکیا‘‘ (II سیموئیل 22: 6)۔

’’موت دے دُکھاں نے میہنوں گھیر لیہیا، تے جہنم دے درد نے میہنوں جکڑ لیہیا: میں مصیبت تے غم پایا‘‘ (زبور 116: 3)۔

تے یسوع نے ایہدے باےر وِچ گل کیتی

’’ابدی سزا دا خطرہ‘‘ (مرقس 3: 29)۔

تُسی اپنے آپ نوں نئیں بُجھا سکدے۔ حقیقی معنیاں وِچ، تُسی واقعی اپنے آپ نوں نئیں مار سکدے۔ تہاڈی باشعور جان زندہ رئے گی – جہنم وِچ! تے ایس ای وجہ توں تہانوں ہُنے ای مسیح نوں قبول کرن دی لوڑ اے، جب کہ تُسی ہُن وی یہ کر سکدے اُو۔ تہاڈے مرن دے بعد نجات پان دے لئی بہوتی دیر ہو چکی ہووے گی – بائبل دے مطابق۔ حیاتی اِک آخیرلے امتحان دی تیاری وانگوں اے۔ جدوں آخیرلا اِمتحان آندا اے، تے تُسی مذید تیاری نئیں کر سکدے۔ بہوتی دیر ہو چکی اے۔ موت اِک آخری اِمتحان وانگوں اے۔ تُسی یا تے تیار اُو، یا تُسی تیار نئیں اُو۔ دو ہزار ست سو وریاں پہلاں عاموس نبی نے کہیا،

’’اپنے خدا نال ملن دے لئی تیار رہ‘‘ (عاموس 4: 12)۔

کی تُسی تیار اُوْ؟ کی تُسی حیاتی دے اَخیرلے اِمتحان دے لئی تیار اُو؟ کی تُسی مردے ویلے خداوند نال ملن دے لئی تیار اُو؟ جے تُسی مسیح دے لہو توں پاک نئیں ہوئے اُو، تے تُسی ابدی سزا پاؤ گے۔ جی ہاں، بائبل سکھاندی اے کہ جہنم ابدی اے۔

لیلکن پنجویں گل، صحیفے سانوں دسدے نے کہ نجات ابدی اے۔ بائبل کہندی اے کہ مسیح اے۔

’’ابدی نجات دا مصنف‘‘ (عبرانیوں 5: 9)۔

مسیح نے سولی تے تہاڈی ابدی مخلصی خریدی۔ فلپ بی بلس نے کہیا،

میں اپنے نجات دہندہ دا گیت گاواں گا، تے اُوہدی حیرت انگیز محبت میرے نال،
ظالمانہ سولی تے جیہدا اُوہنے سامنا کیتا، میہنوں اُوس لعنت توں آزاد کران دے لئی۔
سولی تے اُوہنے میری معافی تے مہر لگائی، قرض ادا کیتا تے میہنوں آزاد کیتا۔
   (’’میہنوں مخلصی دلان آلا My Redeemer‘‘ شاعر فلپ پی. بلسPhilip P. Bliss ، 1838-1876)۔

مسیح نے سولی تے تہاڈے گناہ دی ادائیگی کیتی تاکہ تہانوں جہنم وِچ اپنے گناہ دی ادائیگی نہ کرنی پیہئے۔ جے تُسی مسیح دے کول آندے اُو، تے سولی تے اُوہدی ہر اُوس گناہ دی مکمل ادائیگی اے جیہڑا تُسی کدی کیتا اے۔ تے جدوں تُسی مسیح دے کول آندے اُو، تے اُوہدا لہو تہاڈے ماضی، حال تے مستقبل دے سارے گناہواں نوں دھو دیہندا اے، جیس لمحے تُسی مسیح دے کول آندے اُو۔ جدوں تُسی ایمان دے نال اُوہدے کول آندے اُو تے اُوہدا لہو تہاڈے گناہ نوں صاف کردا اے۔

’’نہ بکرے تے وَچھڑیاں دے لہو نال بلکہ اپنے ای لہو نال اُو مقدس مقام چہ اِک ای وری داخل ہویا، ساڈے لئی ابدی مخلصی حاصل کر کے‘‘ (عبرانیوں 9: 12)۔

’’ابدی نجات‘‘ (عبرانیوں 5: 9)۔ ’’ابدی مخلصی‘‘ (عبرانیوں 9: 12)۔ مسیح تہانوں تمام ابدیت دے لئی بچائے گا جے تُسی اُوہدے کول ایمان دے اِک قطعی عمل وِچ آؤ گے۔

ایہ گل سانوں اُوس نوجوان دے کول واپس لے جاندی اے جیہڑا یسوع دے کول نٹھیا، تے اُوہدے قدماں تے ڈِگیا، تے اُوہنوں پُچھیا،

’’ابدی حیاتی دا وارث ہون دے لئی میں کی کراں؟‘‘ (لوقا 18: 18)۔

یسوع نے اُوہنوں براہ راست جواب نئیں دِتا، لیکن اُوہدے خلوص نوں جانچن دے لئی کئی سوالات پُچھے۔ میں اُوہی اِک کام کرن جا رہیا آں، لیکن اِک مختلف ترتیب وِچ ۔ اُوہنے جیہڑا سوال کیتا اُو ایہ سی،

’’ابدی حیاتی دا وارث ہون دے لئی میں کی کراں؟‘‘ (لوقا 18: 18)۔

مسیح دا جواب ایہ رہیا:

’’جیہڑا میرے تے ایمان لیہیاندا اے اُوہدی ہمیشہ دی حیاتی اے‘‘ (یوحنا 6: 47)۔

ایہو ای جواب اے! کی تُسی سچے دِل نال ابدی حیاتی چاہندے اُو؟ جے تُسی اینج کردے اُو، تے اپنے گناہ بھرے طریقے نال حیاتی لنگہانا ترک کر دیو، تے یسوع تے یقین کرو! اپنے آپ نوں خدا دے پُتر دے حوالے کر دیو!

ہُن تہاڈے اخلاص دے اِمتحان دے لئی۔ کی تُسی اگلے اتوار نوں گرجا گھر واپس آؤ گے؟ ایہدے لئی اِک یقینی موڑ دی لوڑ اے جِنہوں بائبل ’’توبہ‘‘ کہندی اے۔ میں تہانوں اینج کرن دے ترغیب دیہنا آں۔ مسیح تہانوں فاتح بنائے گا – تے تہاڈے گناہواں نوں معاف کرے گا، تے تہانوں ابدی حیاتی دے گا! ’’تنہا کیوں رہیا جائے؟ گھر چلے آؤ – گرجا گھر وِچ! گمراہ کیوں رہیا جائے؟ گھر چلے آؤ – یسوع مسیح دے کول آؤ!‘‘

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔