ہار منے بغیر کوئی نجات نہیں! | No Salvation Without Surrender!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اِک مشہور ’’فیصلہ ساز‘‘ کتابچہ ایہناں لفظاں نال شروع ہوندا اے، ’’خدا تہانوں پیار کردا اے، تے تہاڈی حیاتی دے لئی اِک شاندار منصوبہ پیش کردا اے۔‘‘ ایویں کتابچہ شروع ہوندا اے۔ مسیحیت نوں خدا وَل گھٹ کر دِتا گیا اے جیہڑا ’’تہاڈی حیاتی دے لئی اِک شاندار منصوبہ‘‘ پیش کردی اے۔ اگرچہ ایہ مکمل طور تے جھوٹ نئیں اے، ایہ صرف اَدھا سچ اے۔ پوری سچائی بوہتی بائبلی ہووے گی۔ ایہ بہتر ہووے گا کہ کتابچہ نوں مسیح دے ’’سخت‘‘ لفظاں نال شروع کیتا جائے، ایہو جئے لفظ جیہڑے خداوند دے مُنہ توں نکلدے نے بجائے ایس دے کہ کسی انجیلی بشارت نوں بیچن آلے بندے دے قلم توں۔

میں جاننا آں کہ بیچن آلے بندے کیویں کام کردے نے۔ میرے پیو تے اُوہناں دے دو بہھرا ویچن آلے بندے [سلیزمین] سن۔ جیویں کہ پرانی کہاوت اے، اُو ایسکیموس نوں آئس کیوب بیچ سکدے نے! میں اُوہناں توں سِکھیا اے کہ سلیزمین مشکلات نوں گھٹ کردے نے۔ ’’کوئی مسئلہ نئیں ہووے گا،‘‘ اُو کہندے نے۔ اُو ہر شے نوں اُوس ویلے تیکر آسان تے سَوکھا بنا دیندے نے جدوں تیکر کہ اُو ’’بیچن دے معاملے نال نمٹ نہ لین۔‘‘

میہنوں ڈر اے کہ ’’فیصلہ کرن آلے‘‘ مبلغین بہوتی زیادہ سلیزمینز وانگوں نے جِنہاں نوں میں جاننا آں۔ اُو تہاڈے تے ’’گنہگار دی دعا‘‘ کیہن دے لئی دباؤ پاندے نے تاکہ ’’تہانوں [مسیحی بنان دے] ’’معاملے نوں نمٹا لین۔‘‘ فیر اُو تہانوں دسدے نے کہ مسیحی حیاتی کیہنی آسان اے۔ میں حال ای وِچ اِک نوں سُنیا جِنہے حقیقت وِچ کہیا، ’’تُسی جو چاہوو گناہ کر سکدے اُو۔‘‘ اُو سوچدے نے کہ ایس قسم دے بیچن دے موقعے دے ذریعے اُو کسی نوں ’’پسند‘‘ کر سکدے نے تے کدی کدی گرجا گھر آ سکدے نے۔ تاہم، ایس نقطہ نظر دے نال اِک مسئلہ اے۔ ایہ جھوٹ اے! ایہ اَدھا سچا ہو سکدا اے لیکن اَدھا سچ وی اَدھا جھوٹ ہوندا اے۔ تُسی لوکاں نوں اُوہناں نال جھوٹ بول کے مسیحی بنن تے آمادہ نئیں کر سکدے!

یسوع کوئی ہوشیار سلیزمین نئیں سی۔ ایہدے برعکس! لوکاں دے نال اپنے برتاؤ دے بالکل شروع وِچ، مسیح نے بار بار ایہ گل بہوتی واضح کیتی کہ اِک حقیقی مسیحی بنن دے لئی کی ضروری اے۔

ہُن، جیویں کہ اَسی متی 16: 24-26 وِچ اپنی تلاوت نوں ویکھنے آں، آئیے دو سادہ سچائیاں نوں ذہن وِچ رکھیے۔

I۔ پہلی گل، جِنہاں لوکاں نال یسوع نے گل کیتی سی اُو ہُنھے تیکر یسوع وِچ ایمان لیہیا کے تبدیل نئیں ہوئے سن۔

تُسی بلاشبہ جانندے اُو کہ یہوداہ تبدیل نئیں ہویا سی۔ اُوہنے تقریباً تین وریاں تیکر مسیح دی پیروی کیتی، لیکن اُو ’’جہنم یا بربادی دا پُتر‘‘ ای رہیا۔ اُوہنے مسیح نوں دھوکہ دِتا، خودکشی کیتی، تے ’’خود اپنی تھاں‘‘، جہنم چہ ٹُر گیا۔ تے ایہ گل واضح اے کہ گھٹ توں گھٹ اِک بندہ یہوداہ، جِنہے یسوع نال گل کیتی سی تبدیل نئیں ہویا سی۔ لیکن پطرس دے بارے چہ کی خیال اے؟ ٹھیک ا، جے تُسی 21 تے 22 ویں آیتاں پڑھو تے تُسی ویکھو گے کہ پطرس انجیل تے یقین نئیں کرتا سی۔ جدوں یسوع نے اُوہناں نوں دسیا کہ اُو

’’قتل کیتا جائے گا، تے تیجے دِن مُردیاں وِچوں جی اُٹھے گا‘‘ (متی 16: 21)،

پطرس نے اُوہنوں [یسوع نوں] ملامت کیتی، ایہ کہندے ہوئے،

’’ہرگز نئیں، تیرے نال اینج کدی نئیں ہووے گا‘‘ (متی 16: 22)۔

’’اے شیطان، میرے کولوں دور ہو جا: توں میرے راستے وِچ رکاوٹ بن رہیا اے، تیہنوں خدا دی گلاں دا نئیں بلکہ بندیاں دی گلاں دا خیال اے‘‘ (متی 16: 23)۔

ایہ میرا عقیدہ اے کہ پطرس تے دوجے رسول اُوس ویلے تیکر مسیح چہ ایمان لیہیا کے تبدیل نئیں ہوئے جدوں تیکر کہ مسیح اپنے جی اُٹھن دے بعد اُوہناں تے ظاہر نئیں ہویا، جدوں اُوہنے

’’اُوہناں تے پھونکا تے اُوہناں نوں کہیا، تُسی پاک روح پاؤ‘‘ (یوحنا 20: 22)۔

ڈاکٹر جے ورنن میگی تے ڈاکٹر ڈبلیو اے کرسویل دا ایہو ای نظریہ سی۔ ڈاکٹر میگی نے کہیا،

ایہ سچ اے کہ شمعون پطرس نے کُجھ سمجھداری دا مظاہرہ کیتا جدوں اُوہنے کہیا کہ یسوع ای مسیح اے، لیکن ایہ چند منٹ بعد ای سی کہ اُوہنے یسوع نوں کہیا کہ سولی تے نہ جانا تے مرنا۔ میں ذاتی طور تے یقین رکھنا آں کہ جیس ویلے ساڈے خداوند نے اُوہناں تے پھونک ماری، تے کہیا، ’’تُسی روح القدس حاصل کرو،‘‘ ایہناں لوکاں نوں فیر توں احیاء لبھی [دوبارہ پیدا ہوئے]۔ ایس توں پہلاں، اُو خدا دے روح وَلوں مسلط نئیں ہوئے سن۔ بائبل وِچ لفظ ’’ اُوہناں تے پھونک ماری‘‘ صرف اِک وری آندا اے۔ پیدائش [2: 7] وِچ خدا نے آدم چہ حیاتی دی سانس پھونک دِتی۔ میں یقین رکھنا آں [یوحنا 20: 22 وِچ] کہ یسوع مسیح نے ایہناں لوکاں نوں خدا دی روح دے کے ہمیشہ دی حیاتی پھونک دِتی (جے ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru the Bible، تھامس نیلسن پبلیشرز، 1983، جلد چہارم، صفحہ 498)۔

جیویں کہ آدم دی حیاتی خدا دی سانس دے ذریعے دِتی گئی سی، ایویں ای رسولاں نوں روحانی حیاتی دا تحفہ مسیح دے پھونکن نال دِتا گیا سی (ڈبلیو اے کرسویل، پی ایچ۔ ڈی۔ W. A. Criswell, Ph.D.، کرسویل دا مطالعہ بائبل The Criswell Study Bible، تھامس نیلسن پبلیشرز، 1979، صفحہ 1271، یوحنا 20: 22 تے غور طلب گل)۔

ایہو جیہا معاملہ ہون دی وجہ توں ، ساڈی تلاوت دے الفاظ وِچ جِنہاں لوکاں نال یسوع نے گل کیتی سی، اُو ہُنے تیکر غیر تبدیل شُدہ سن۔ میرے خیال وِچ ایہ بہوتا اہم اے۔ ایہدا مطلب اے کہ ساڈی تلاوت وِچ مسیح دے الفاظ اصرار دے نال انجیلی بشارت تے مبنی نے۔ میہنوں یقین اے کہ ایہ سچ اے۔ میرا یقین اے کہ مسیح دے الفاظ توبہ تے ایمان دا تجربہ کرن دی اپیل نے، جیہڑے تبدیلی دے دو حصے نے۔ توبہ تے ایمان تبدیلی دے دو رخ نے۔ توبہ دے بغیر سچے انجیلی بشارت تے مبنی ایمان وگری کوئی شے نئیں اے۔ توبہ تے ایمان مسیح چہ ایمان لیہیان دے اِک حقیقی تبدیلی وِچ اِکہو نال ٹُردے نے۔ تے میں ماننا آں کہ ایہناں آیتاں نوں اَج گمشدہ یا گمراہ لوکاں تیکر انجیلی بشارت دے نال منادی کرنا ایہنا ای ضروری اے جِنہا کہ مسیح دے زمانے وِچ سی۔

II۔ دوجی گل، جیہڑا پیغام اَسی مسیح چہ ایمان نہ لیہیائے ہوئے غیر تبدیل شُدہ لوکاں نوں سُنانے آں ایویں ہونا چائیدا اے جیویں کہ اُو پیغام جیہڑا کہ مسیح نے ہُںے تیکر اُوہدے تے ایمان نہ لیہیائے ہوئے غیر تبدیل شُدہ لوکاں نوں دِتا سی۔

آؤ کِھلو جائیے تے متی 16: 24۔26 دی تلاوت نوں اُوچی واج نال پڑھیے،

’’فیر یسوع نے اپنے شاگرداں نوں کہیا، جے کوئی میری پیروی کرنا چاہندا اے تے اُو اپنی خودی دا انکار کرے تے اپنی سولی اُٹھائے تے میرے پیچھے ہو لئے۔ کیوں جے جیہڑا کوئی اپنی جان نوں محفوظ رکھنا چاہوے گا اُوہنوں کھوئے گا تے جیہڑا اُوہنوں میری خاطر کھوئے گا فیر توں پا لئے گا۔ جے کوئی آدمی ساری دُںیا حاصل کر لئے لیکن اپنی جان دا نقصان اُٹھائے تے اُوہنوں کی فائدہ ہووے گا؟ یا آدمی اپنی جان دے بدلے وِچ کی دے گا؟‘‘ (متی 16: 24۔26)۔

نجات دے لئی درکار واحد شے یسوع تےایمان اے۔ لیکن انسانی دِل اُوس ویلے تیکر دے لئی پیچھے ہٹ جاندا اے جدوں تیکر کہ اُو یسوع وِچ توبہ تے ایمان نوں بچان دا تجربہ نہ کر لئے۔ گمراہ یا گواچے ہوئے لوکی اپنا اعتماد مسیح دے بجائے دوجی شیواں تے رکھدے نے۔ میرے خیال چہ، ایہ خداوند دی نجات دی وضاحت نئیں اے، بلکہ ایمان دے نال مسیح نوں توبہ کرن تے قبول کرن دے لئی روح دی تیاری دی تفصیل اے۔

اُو بشر جیہڑا خود توں انکار کرن نوں تیار نئیں اے اُو مسیح تے پروہسا نئیں کرے گا۔ اُو بشر جیہڑا مشکلات برداشت کرن دے لئی تیار نئیں اے اُو مسیح تے پروہسا نئیں کرے گا۔ اُو بشر جیہڑا مسیح دی مصیبتاں وِچ پیروی کرن نوں تیار نئیں اے اُو مسیح تے پروہسا نئیں کرے گا۔ اُو بشر جیہڑا مصیبتاں، ملامتاں تے اذیتاں توں محفوظ رہنا چاہندا اے، اُو مسیح تے پروہسا نئیں کرے گا۔ اُو بشر جیہڑا مسیح دی وجہ توں کُجھ وی برداشت کرن نوں تیار نئیں اے اُو مسیح تے پروہسا نئیں کرے گا۔ کوئی حقیقی نجات نئیں اے جدوں تیکر کہ بشر یسوع مسیح دے سامنے ہتھیار نہ سُٹ دیوے!

ایہ سب کُجھ بہوتا عملی اے، تُسی جانندے اُو۔ ایہ بالکل اُوتھے ای ہوندا اے جیتھے اَسی رہنے آں۔ ایس شہر وِچ برائے نام مسیحیاں دی کثرت اے۔ ایہ اُوہناں لوکاں نال بھریا ہویا اے جیہڑے اپنے آپ نوں مسیحی کہندے نے۔ لیکن کیہنے لوکی مسیح دے ایہناں لفظاں نوں سنجیدگی نال لیہندے نے؟

’’جے کوئی میری پیروی کرنا چاہندا اے تے اُو اپنی خودی دا انکار کرے تے اپنی سولی اُٹھائے تے میرے پیچھے ہو لئے‘‘ (متی 16: 24)۔

ایہ الفاظ کسی خاص طبقے دے لوکاں نوں، نام نہاد کہلائے جان آلے ’’مقدساں‘‘ نوں نئیں دِتے گئے نے۔ جی نئیں، یسوع کہندا اے، ’’جے کوئی بندہ میرے پیچھے آئے تے اُو اپنی خودی دا انکار کرے۔‘‘ ایہ کسی وی ایہو جئے بندے دے لئی اے جیہڑا حقیقی مسیحی بننا چاہندا اے۔ ایہ اختیاری نئیں اے۔

کوئی کہہ سکدا اے، ’’تُسی میرے توں اپنی پوری حیاتی بدلن دی اُمید کیویں رکھ سکدے اُو؟ میں اُوویں پرورش نئیں پائی جیویں تُسی پائی اے۔‘‘ ایہدے دو جواب نے۔ سب توں پہلاں، ایہ میں نئیں کہیا سی! ایہ یسوع ای سی جِنہے ایہ کہیا سی۔ دوجا، میری پرورش بطور مسیحی نئیں ہوئی سی۔ میہنوں بچپن وِچ گرجا گھر نئیں لے جایا گیا سی۔ میرا خاندان برائے ناں مسیحی وی نئیں سی۔ میہنوں اپنے دوویں ماں پیو دے نال اِک ای ویلے چہ گرجا گھر وِچ بیٹھن دا واحد موقع اُوس ویلے لبھیا سی جدوں میں اُوہناں نوں اِلتجا کیتی سی کہ اُو میرے نال بپتسمہ دین آلے گرجا گھر وِچ ’’گُڈ فرائیڈے‘‘ دی عبادت چہ آن۔ تے میرے والد پادری دی ایس عبادت وِچ کہی گئی گل تے غصے وِچ سن۔ اُوہناں نے کہیا کہ اُو فیر کدی بپٹسٹ گرجا گھر نئیں جان گے۔ ایہ واحد موقع سی جدوں میں اپنے دوویں ماں پیو دے نال اِک ساتھ گرجا گھر گیا سی، جدوں میں چودہ وریاں دا سی، حالانکہ میرے دوویں ماں پیو اپنے بڑھاپے وِچ گرجا گھر آئے سن، اُوہناں دی طلاق تے فیر توں شادی کرن دے کافی عرصے بعد۔ بڑھاپے وِچ اُو دوویں بھرپور اُمید دے نال مسیحی ہوئے سن۔ میری ماں اَسی وریاں دی عمر وِچ اِک بہوتی ای شاندار مسیحی بن گئیں۔

لہٰذا، میں مسیحی ہون دے لئی پرورش نئیں پائی سی۔ تے نہ ای ساڈے گرجا گھر وِچ زیادہ تر لوکاں نے پائی سی۔ ایہناں وِچوں تقریباً سارے ای بعد چہ نوعمری تے نوجوان بالغاں دے بور تے مسیح چہ ایمان لیہیا کے تبدیل ہوئے سن۔ پس یسوع دے ایہ الفاظ تہاڈے تے لاگو ہوندے نے، جیویں کہ اُوہناں نوں اِساں ساریاں تے لاگو کیتا گیا سی۔

’’جے کوئی میری پیروی کرنا چاہندا اے تے اُو اپنی خودی دا انکار کرے تے اپنی سولی اُٹھائے تے میرے پیچھے لو لئے‘‘ (متی 16: 24)۔

’’کیوں جے جیہڑا کوئی اپنی جان نوں محفوظ رکھنا چاہوے گا اُوہنوں کھوئے گا تے جیہڑا اُوہنوں میری خاطر کھوئے گا فیر توں پا لئے گا‘‘ (متی 16: 25)۔

جیہڑا شخص اپنے آپ نوں مصیبتاں، ملامتاں، ایذارسانیاں تے موت توں بچان دا خواہشمند ہووے؛ تے اینج کرن دے لئی اییہو جیہا طریقہ اِختیار کردا اے، جیویں کہ مسیح نوں ترک کر کے، اُوہدی انجیل دا انکار کر کے، تے ایہدی وجہ توں اپنا پیشل چھوڑ کے؛ تے اینج کرن نال، لوکاں دی حمایت نوں لبھاندا اے، خود نوں دُنیاوی دلالی دی خاطر …. عزت، سکون، لذت تے حیاتی، ایس توں محروم ہو جائے گی۔ اُو اپنے آپ نوں خدا دے غضب، ہمیشہ دی سزا، جہنم وِچ روح تے جسم دی تباہی دے لئی بے نقاب کرے گا … تے جیہڑا کوئی وی میرے خاطر اپنی جان کھو دے گا؛ یعنی، اُو حیاتی دی لذتاں تے راحتاں نوں ترک کرن دے لئی تیار اے … مسیح تے انجیل دی خاطر، ایہدا انکار کرن دے بجائے، خود نوں حیاتی دین دے لئی … تے اُوہنوں لبھ جائے گا؛ دوجی دُنیا وِچ ، وڈا فائدہ ہووے گا؛ اُو اِک لافانی تے ابدی حیاتی دا لطف اُٹھائے گا (جان گل، ڈی۔ڈی۔ John Gill D.D.، پرانے تے نئے عہدنامے دی اِک تفسیر An Exposition of the Old and New Testament، دی بیپٹسٹ سٹینڈرڈ بیئرر، 1989 دوبارہ اشاعت، جلد 7، صفحہ 189، متی 16: 25 تے غور طلب گل)۔

تے، فیر، آؤ تلاوت دی آخیرلی آیت نوں پڑھیے۔ مہربانی نال کھڑے ہو جاؤ تے متی 16: 26 آیت نوں اُوچی واج نال پڑھو۔

’’کیوں جے کوئی آدمی ساری دُںیا حاصل کر لئے لیکن اپنی جان دا نقصان اُٹھائے تے اُوہنوں کی فائدہ ہووے گا؟ یا آدمی اپنی جان دے بدلے وِچ کی دے گا؟‘‘ (متی 16: 26)۔

جنوب مشرقی ایشیا تے چین وِچ کمیونسٹ حکومت دی پابندیاں تے ظلم و ستم دے باوجود مسیحیت ودی تیزی نال ودھ رئی اے۔ برما (جِنہوں ہُن میانمار کہیا جاندا اے) وِچ فوجی حکومت طاقت دے ذریعے ملک نوں مسیحیاں توں نجات دلان دا پروگرام شروع کر چکیا اے۔ ایس منصوبے دا عنوان، ’’برما وِچ مسیحی مذہب نوں ختم کرن دا پروگرام۔‘‘ بینیڈکٹ راجرز، عالمگیر سطح تے مسیحی یکجہتی دی وکالت دے جنوبی ایشیا دے افسر نے کہیا، ’’[برما وِچ] تقریباً ہر قسم دی انسانی حقوق دی خلاف ورزیاں ہو رئیاں نے‘‘ (اَج دی مسیحیت Christianity Today، اپریل، 2007، صفحہ 21)۔ ایہدے باوجود برما تے تھائی لینڈ دے وِچکار سرحداں دے نال نال، مسیحیت حیران کُن شرح نال ودھ رئی اے، ہر سال ہزارہا لوکی مسیح دے کول آندے نے۔ تے جیویں چین وِچ ’’مسیحی مذہب نوں ختم کرن‘‘ دا منصوبہ ناکام ہویا اے، ایویں ای ایہ برما وِچ وی ناکام ہو جائے گا۔ کیوں؟ کیوں جے خدا مسیح دے الفاظ دی سچائی نوں ویکھن دے لئی ایشیا وِچ لکھاں لوکاں دی اَکھاں کھول رہیا اے،

اَج دی مسیحیت Christianity Today دا اُوہی ایڈیشن جیس نے برما دی صورتحال نوں رپورٹ کیتا، رپورٹ کردا اے کہ اِک کمیونسٹ ’’حکومت دے زیر اہتمام سروے وِچ چین وِچ 300 ملین مذہبی ایماندار پائے گئے۔ حکومتی اعداد و شمار نے پہلے ایہ تعداد 100 ملین بتائی سی‘‘ (اَج دی مسیحیت Christianity Today، گذشتہ گل دے تسلسل وِچ ibid.)۔ لیکن ایہ خیال کیتا جاندا اے کہ 300 ملین دی تعداد وی شاید چین وِچ مسیحیاں دی اصل تعداد توں گھٹ اے، جیہڑا واقعی حیران کُن اے: شاید 400 ملین یا ایس توں بوہتی تعداد اے۔ اِک اندازے دے مطابق چین وِچ ہر گھنٹے وِچ اِک ہزار توں بوہتے لوکی مسیحیت نوں اِختیار کردے نے – ہر روز چووی گھنٹیاں وِچ! ہُن چین وِچ ہر اِتوار نوں پورے یورپ دے مقابلے بوہتی لوکی گرجا گھر وِچ آندے نے۔ موجودہ ترقی دی شرح تے، جنوب مشرقی ایشیا تے چین نہ صرف یورپ بلکہ امریکہ دُنیا دی تاریخ وِچ مسیحیت دے سب توں وڈے احیاء وِچ اِک اے۔ تے اَسی ایہدے تے خداوند دا شکر ادا کرنے آں۔

ایسٹ چائنا نارمل یونیورسٹی دے پروفیسر ڈاکٹر لیو ژونگیو نے سماجی طور تے چین وِچ مسیحیت دی تیز رفتار نشوونما دی وضاحت کیتی، جدوں اُوہناں نے کہیا، ’’زیادہ تر چینی غیر مستحکم تے بے بنیاد زندگیاں توں پریشانی محسوس کردے نے … اُو اپنی حیاتیاں نوں مضبوط کرن دے لئی کُجھ تلاش کر رئے نے‘‘ (اَج دی مسیحیت Christianity Today، گذشتہ گل دے تسلسل وِچ ibid.)۔ ایہ اِک کمیونسٹ دا سماجی جواب اے۔ لیکن حقیقی جواب ایس حقیقت وِچ مضمر اے کہ خدا ایشیائی باشندیاں دی روحانی اَکھاں مسیح دے لفظاں دی سچائی دے لئی کھول رہیا اے،

ایہدے باوجود، افسوسناک طور تے، جدوں ایشیائی امریکہ وِچ آندے نے تے اُو مادیت پرستی وِچ نگلے جاندے نے، جیہڑے اُوہناں نوں زیادہ تر امریکیاں دی جھوٹی بے دینیت دی فضولیت نال اَنّا کر دیہندی اے۔

چو سی اُنگ ہوئیCho Seung-hui نے گزشتہ ہفتے ورجینیا ٹیک وِچ کالج دے 32 طالب علموں نوں قتل کیتا، تے فیر خود نوں ہلاک کر لیہیا۔ ایہ [خبر] ایس ہفتے ساریاں خبراں وِچ چلدی رئی اے۔ لیکلن ایتھے اَن کہی کہانی اے۔ چو 1984 وِچ سیول، جنوبی کوریا وِچ پیدا ہویا سی۔ اُوہدا خاندان کوریا وِچ غریب سی، کرائے دے تہہ خانے وِچ رہندا سی۔ سیول وِچ اُوہناں دے سابق مالک مکان نے کہیا، ’’اُو [جنوبی کوریا وِچ] غریب حیاتی لنگہا رئے سن۔‘‘ اُوہناں نے ایہ وی کہیا کہ چو دے والد نے اُوہناں نوں دسیا، ’’اُو امریکہ جا رئے سن کیوں جے ایتھے رہنا مشکل اے۔‘‘

چو دا خاندان 1992 وِچ، جدوں اُو 8 وریاں دا سی، اپنے ماں پیو تے اِک وڈی بہن دے نال امریکہ ٹر گیا۔ ماں پیو نے اپنی دھی نوں پرنسٹن یونیورسٹی تے اپنے پُتر نوں ورجینیا ٹیک وِچ پڑھان دے خاطر داخل کرن دے لئی ڈرائی کلینر تے کام کیتا۔ اُوہناں نے صبح سویرے توں لے کے رات ئے تیکر طویل گھنٹے کام کیتا، تاکہ اپنے بچیاں نوں اُو سب کُجھ دے سکن جیہڑا اُو خرید سکدے نے۔ لیکن اُو پیسے کمان وِچ ایہنے مصروف سن کہ اُوہناں دے کول چو دے نال لنگہان دے لئی بہوتا گھٹ ویلہ سی۔ اُو اکیلا ہو گیا۔ فیر اُو باہر نکل گیا۔ ہُن اُو تے 32 دوجے طالب علماں نال مر چکے نے۔

چو دی موت وِچ ہر اُوس ایشیائی دے لئی اِک سبق اے جیہڑا ایتھے ’’گولڈن ماؤنٹین‘‘ تے آندا اے، جیویں کہ چینی امریکہ نوں کہندے نے۔ ایس سانحہ نال ایشیائی ماں پیو نوں جیہڑا سبق سِکھنا چائیدا اے اُو ایہ اے:

امریکی ماں پیو نوں وی ایہ سبق سِکھنا چائیدا اے۔

نوجوانو، چو سی اُنگ ہوئی دا المیہ تہانوں اپنی حیاتی دی پوری سمت تے مقصد تے نظرثانی کرن تے مجبور کرے۔ پیسے نوں اپنی حیاتی وِچ اِک ثانوی شے بناؤ، ورنہ تُسی امریکی مادیت دے کِھڈونیاں تے پیدائشی زیورات دے وِچکار کسی نہ کسی طریقے نال اپنی جان گنوا دین گے۔ ہُنے فیصلہ کرو کہ پیسے جمع کرن نوں اِک ثانوی حصول بناؤ۔ یسوع مسیح نوں اپنی حیاتی وِچ پہلی تھاں تے رکھو! جدوں وی بوہا کُھلا ہوندا اے گرجا گھر وِچ آؤ تے رہوو۔ ایس مقامی گرجا گھر وِچ یسوع مسیح دے لئی کافی ویلہ کڈو۔ اینج کرن تے تہاڈے ماں پیو تے بیلیاں نوں تہانوں ’’احمق‘‘ کیہن دیو۔ اُو غلط ہون گے جدوں اُو [اینج] کرن گے،

اُو کہہ سکدے نے کہ تُسی گرجا گھر وِچ بہوتی زیادہ ویلہ لنگہا رئے اُو، تے اُو تہاڈی حوصلہ شکنی [گرجا گھر وِچ] آن دے لئی کر سکدے نے۔ لیکن اُو لوکی غلط ہون گے – تے تُسی یسوع مسیح نوں اپنی حیاتی وِچ پہلی تھاں دین دے لئی درست ہوو گے۔

ڈیٹریچ بونہیفرDietrich Bonhoeffer جرمنی وِچ اِک لوتھرن پادری سی جِنہاں نے مسیح دی تبلیغ کیتی تے دوجی جنگ عظیم دے دوران ہٹلر دے خلاف مزاحمت کیتی۔ اُوس جنگ دے خاتمے توں چند دِن پہلاں ہٹلر دے نازیاں نے اُوہناں دی گردن نوں رسی نال کس کے وار کیتا، تے اُو 39 وریاں دی عمر وِچ یسوع مسیح دے لئی شہید ہو گئے۔ اُوہناں نوں اُوہناں دے عقیدے دی وجہ توں تشدد دا نشانہ بنایا گیا تے قتل کر دِتا گیا، جیہڑا کہ اِک مسیحی دی بُلاہٹ نوں حاصل ہون آلا سب توں وڈا اعزاز اے، اُو اعزاز جِنہوں خدا اپنے پُتر دی خاطر قربان ہون دے لئی قیمتی شمار کردا اے۔ جنگ توں ٹھیک پہلاں اُوہناں دی شاگردی دی قیمت The Cost of Discipleship دے عنوان نال لکھی گئی اِک کتاب وِچ، بونہوفر نے ہُن مشہور ہون آلے ایہ الفاظ لکھے، ’’جدوں مسیح کسی آدمی نوں پکاردا اے، تے اُو اُوہنوں آن تے مرن دی پیشکش کردا اے‘‘ (ڈیٹریچ بونہیفرDietrich Bonhoeffer، شاگردی دی قیمت The Cost of Discipleship، کولیئر بُکس، 1963 دوبارہ اشاعت، صفحہ 99)۔ بونہیفر نے ایہدے تے کیوں یقین کیتا، تے واقعی چہ، مسیح دے لئی قربان ہو کے اینج کیتا؟ اُوہناں نے اینج ایس لئی کیتا کیوں جے اُوہناں نے محسوس کیتا کہ مسیح نال وابستگی ’’صرف تنہا یسوع مسیح دی غلامی توں بوہتا کُجھ نئیں، ہر پروگرام، ہر آئیڈیل، [انسانی] قوانین دے ہر سیٹ نوں مکمل طور تے توڑنا ہوندا اے۔ کوئی دوجی اہمیت ممکن نئیں کیوں جے یسوع ای واحد اہمیت اے۔ یسوع دے علاوہ کسی شے دی کوئی اہمیت نئیں، اُو اکیلا ای اہمیت رکھدا اے۔‘‘ (بونہیفر، گذشتہ گل دے تسلسل وِچ ibid.، صفحہ 63)۔

ایمان دے وسیلے نال مسیح دے کول آؤ! خود نوں اُوہدے حوالے کر دیو! اُوہدے تے پروہسا کرو! اُوہدے کول آؤ پاویں اُوہدی کوئی وی قیمت کیوں نہ چکانی پیہئے! کیوں جے اَخیر وِچ صرف مسیح ای اہمیت رکھدا اے، تے ’’جدوں مسیح کسی آدمی نوں پکاردا اے، تے اُو اُوہنوں آن تے قربان ہون دی پیشکش کردا اے۔‘‘ کیوں جے ایہ ایس دُنیا دی لذتاں تے منافعیاں دے لئی مرن وِچ اے کہ اَسی یسوع مسیح وِچ ابدی حیاتی دے لئی نئے سرے توں پیدا ہوئے آں۔ تے، اَخیر وِچ، صرف مسیح ای اہمیت رکھدا اے!

مسیح دے کول آؤ۔ اپنے آپ نوں ایمان دے وسیلے نال اُوہدے حوالے کر دیو، تے اُوہدا لہو تہاڈے ہر گناہ نوں دھو دے گا۔ ایمان دے وسیلے نال مسیح دے کول آؤ۔ اپنے دِل نوں اُوہدے حوالے کر دیو۔ اُو مُردیاں وِچوں جی اُٹھیا اے، آسمان وِچ خدا باپ دے سجّے ہتھ تے بیٹھا اے۔ دُنیا دی لذتاں تے گناہواں نوں قربان کر کے یسوع دے کول آؤ، کیوں جے ایہ اُوہدے نال ایمان دے وسیلے نال مرن تے جین وِچ اے کہ اَسی بدی حیاتی دے لئی فیر توں پیدا ہونے آں! ایہو ای مسیح وِچ ایمان لیہیان دی حقیقی تبدیلی اے! آؤ کھڑے ہو جاؤ تے اپنے گیتاں دے ورق توں گیت نمبر ست گاؤ۔ پوری جوش و خروش نال گاؤ!

آقا نوں اپنا بہترین پیش کرو؛
     اپنی جوانی دی قوت نوں پیش کر دیو۔
اپنی جان دا چمکدا دمکدا ہویا جذبہ حوالے کر دیو۔
     سچائی دی جنگ وِچ۔
یسوع نے مثال قائم کیتی اے؛
     اُو جوان تے بہادر بہوتا نڈر سی۔
اُوہنوں اپنی وفاداری پیش کر دیو،
     اُوہنوں بہترین دیو جیہڑا تہاڈے کول اے۔
آقا نوں اپنا بہترین پیش کرو؛
     اپنی جوانی دی قوت نوں پیش کر دیو۔
نجات دے مکمل بکتر وِچ ملبوس،
     حق دی جنگ وِچ شامل ہوو۔
آقا نوں اپنا بہترین پیش کرو؛
     اُوہنوں اپنے دِل وِچ پہلی تھاں دیو۔
اُوہنوں اپنی عبادت وِچ اولیت تھاں تے رکھو؛
     ہر حصے نوں مقدس کرو۔
ونڈو تے تہانوں دِتا جائے گا۔
     خدا نے اپنے پیارے پُتر نوں دِتا۔
شکر گزاری نال اُوس [خدا] دی خدمت دی تلاش وِچ،
     اُوہنوں بہترین دیو جیہڑا تہاڈے کول اے۔
آقا نوں اپنا بہترین پیش کرو؛
     اپنی جوانی دی قوت نوں پیش کر دیو۔
نجات دے مکمل بکتر وِچ ملبوس،
     حق دی جنگ وِچ شامل ہوو۔
آقا نوں اپنا بہترین پیش کرو؛
     ایہدے علاوہ کوئی وی اُوہدی محبت دے لائق نئیں اے۔
اُوہنے خود نوں تہاڈے فدیے دے لئی دے دِتا،
     عالم بالا وِچ اُوہنے اپنے جلال نوں ترک کر دِتا۔
بُڑبُڑائے بغیر اپنی جان دے دِتی،
     تہانوں گناہ دی بربادی توں بچان دے لئی۔
دِل نال اُوہنوں اپنی تعظیم پیش کرو؛
     اُوہنوں بہترین دیو جیہڑا تہاڈے کول اے۔
آقا نوں اپنا بہترین پیش کرو؛
     اپنی جوانی دی قوت نوں پیش کر دیو۔
نجات دے مکمل بکتر وِچ ملبوس،
     حق دی جنگ وِچ شامل ہوو۔
(’’آقا نوں اپنا بہترین پیش کروGive of Your Best to the Master‘‘
شاعر ہاورڈ بی گروس Howard B. Grose، 1851۔1939)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔