ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
مسیح دے جی اُٹھن دی باطنی گواہی
|
ساڈے عقیدے دے خلاف تازہ ترین حملہ، ہمیشہ وانگوں، ایسٹر دے موسم دے دوران ہویا اے۔ ایہ حملہ مسیح دی جسمانی طور تے جی اُٹھن توں انکار دے ذریعے نال مسیحیت دی بنیاد نوں کمزور کرن دی کوشش سی۔ پچھلے ورے یہ ڈاونچی کوڈThe DaVinci Code سی۔ ایس ورے ایہ یسوع دی گمشدہ قبرThe Lost Tomb of Jesus اے، جِںہوں ڈسکوری چینل ٹیلی ویژن نے خصوصی لکھیا تے جِیس دی ہدایت کاری سمچا جیکوبویسیSimcha Jacobovici نے کیتی تے جیمز کیمرون نے خرچہ برداشت کیتا یعنی پروڈیوس کیتا۔
اس ٹی وی اسپیشل نے کہیا کہ یسوع دی قبر دریافت کیتی گئی سی، جیس وِچ مسیح دے مُردیاں وِچوں جی اُٹھنے نوں شمار نئیں کیتا گیا سی تے جان بُجھ کے مسیح دے بارے چہ ’’اَسی جیہڑا کُجھ جاننے آں اُوہنوں تبدیل کر دین‘‘ دی کوشش کیتی گئی سی۔ ایس توں علاوہ، ایس اسپیشل پروگرام نے کہیا کہ یسوع شادی شُدہ سی، اُوہدی باقیات نوں اُوہدی ’’ووہٹی‘‘ مریم مگدلینی تے اُوہناں دے پُتر دے نال دفن کیتا گیا سی۔
’’یسوع دی قبر‘‘ کہلائی جان آلی تھاں ستائیس ورے پہلاں دریافت ہوئی سی۔ ایس وِچ یوسف، مریم، یسوع، ماریامین، یہوداہ تے متی دے ناواں دے نال کئی تابوت نما باکس (ہڈیاں دے ڈبے) لبھے سن۔ ’’یسوع‘‘ نامی شخص دا تعلق ’’مریامینی‘‘ نامی عورت نال نئیں سی۔ فلم فرض کردی اے کہ اُو عورت مریم مگدلینی سی، تے ایہو ای اُو ’’ثبوت‘‘ اے کہ اُو یسوع مسیح دی ووہٹی سی! ایہ سراسر قیاس آرائی اے۔ حتمی حقائق صرف ایہ نے: یروشلم وِچ اِک مقبرہ اے، ایس وِچ ہڈیاں دے نو باکسز سن جِنہاں تے ناں کنندہ نے۔ گھٹ توں گھٹ دو افراد دا کوئی خونی تعلق نئیں سی۔ بس ایہو ای سب کُجھ اے! باقی سب کُجھ محض قیاس آرائی اے – صرف ’’جے اینج ہو جاندا وغیرہ وغیرہ‘‘ وگری قیاس آرائیاں دا اِک تسلسل اے۔ جے مریامینی مریم میگدلینی ہوندی تے فیر؟ جے یسوع تے مریم میگدلینی شادی شُدہ ہوندے تے؟ جے اُوہناں دا یہوداہ نامی بطہ ہوندا تے؟ تہانوں کُجھ سمجھ چہ آیا۔ فلم دا مرکزی موضوع ایہنا ای کمزور اے جِنہا کہ تُسی ایہناں سستے، سپر مارکیٹ دے حسیّت پرست رسالیاں وِچوں کسی اِک وِچ پڑھدے اُو۔
پہلی صدی دے یروشلم وِچ ہڈیاں دے باکسز تے ناں بہوتے مشہور ہویا کردے سن۔ ایس زمانے چہ ’’یوسف‘‘ ناں دوجا سب توں بوہتا مقبول ناں سی۔ ’’یسوع‘‘ ناں وی بہوتا مشہور سی۔ ایس توں علاوہ، ’’مریم‘‘ ناں وی اُوس ویلے دا عورتاں دا سب توں عام ناں سی۔
ٹورنٹو سٹار
نے 26 فروری 2007 نوں رپورٹ کیتا کہ ’’کینیڈا دے اِک دستاویزی فلم بنان آلے دے دعٰوے نوں نہ صرف یسوع دی تدفین دی تھاں لبھی اے بلکہ اُوہدے ڈی این اے تے اُوہدے پُتر ہون دے شواہد لبھے نے جِنہاں نوں کلیسیا دے رہنماواں تے ماہرینِ آثارِ قدیمہ دوواں وَلوں ’خیالی تے بے معنی‘ قرار دے کے مسترد کر دِتا گیا اے۔‘‘(درج بالا اقتباسات نوں سورڈ آف دی لارڈ The Sword of the Lord، 3 مارچ، 2007، صفحہ 7 وِچوں لیہیا گیا اے۔)
نئے عہدنامے دی دستاوایزات مسیح دی موت، دفنائے جان تے مُردیاں وِچوں جی اُٹھن دے بارے چہ بہترین تاریخی ثبوت نے۔ ڈٓاکٹر ٹیڈ بایئر Dr. Ted Baehr کہندے نے،
’’نئے عہدنامے دے مطابق، 500 لوکاں نے اِک موقع تے جی اُٹھے مسیح نوں ویکھیا تے 3000 لوکاں نے کئی موقعیاں تے اُوہنوں ویکھیا۔ ایہدے علاوہ، مقدس پولوس رسول I کرنتھیوں 15 باب وِچ دلیل دیہندے نے کہ جے امیر آدمی دی قبر جیتھے اُوہناں نے مسیح دی لاش رکھی سی، خالی نئیں سی تے جے ایہناں لوکاں نے ایہدے بعد یسوع نوں زندہ نئیں ویکھیا، تے مسیحی ایمان بالکل درست نئیں اے۔
’’جیمز کیمرون دے ڈسکوری چینل نوں ایس انتہائی قابلِ اعتراض دریافت توں کِدرے بوہتا ثبوت دی لوڑ اے، تے نئے عہدنامے دی دستاویزات تے 2,000 وریاں دی مسیحی تعلیمات نوں غلط ثابت کرن دے لئی زیادہ باشعور لوکاں دی لوڑ اے۔‘‘
بایئر نے نتیجہ اخذ کیتا، ’’ایہ حقیقت تے موجود اے، یسوع مسیح دی قبر خالی سی، اُو جسمانی طور تے [سینکڑوں] لوکاں تے ظاہر ہویا تے اُوہناں دے نال کھانا کھایا تے گل کیتی، رومی تے یہودی جیہڑی ایس ویلے یسوع تے اُوہدے پیروکاراں دی مخالفت کردے سن، اُوہدی ہڈیاں تلاش نئیں کر سکے، تے پطرس وگرے بزدل، تھوما وگرے شکی، تے اذیت دین آلا ظالم پولوس وگرا غیرمعمولی طور تے بہادر لوکی بن گئے جیہڑے بجائے ایہدے کہ اُوہناں نے جی اُٹھے مسیح نوں ویکھیا اے ایس توں انکار کردے درد بھری اذیت توں لنگہن نوں تے موت نوں قبول کیتا‘‘ (مووی گائیڈ Movieguide، مارچ 2007، صفحہ 39)۔
ایس واعظ وِچ میرا مقصد مسیح دے مُردیاں وِچ جی اُٹھن تے مختلف دلائل پیش کرنا نئیں اے۔ اَج دی سویرے میں تہانوں مسیح چہ ایمان لیہیان دی تبدیلی دے ذریعے، سادگی نال ذاتی تجربے توں دلیل پیش کراں گا۔ ایس گل تے ساڈی تلاوت تے غور کرو۔
’’جدوں تُسی بپتسمہ پایا تے مسیح دے نال گویا دفن ہو گئے تے جدوں تُسی خدا دی قدرت تے ایمان لیہیائے جِنہے مسیح نوں مُردیاں وِچوں زندہ کیتا تے تُسی اُوہدے نال زندہ وی کیتے گئے‘‘ (کُلسیوں 2: 12)۔
مسیح چہ ایمان لیہیان دی تبدیلی دی ایہو ای اِک تصویر اے۔ جیس بپتسمہ دی ایتھے گل کیتی گئی اے اُو روح دے باطنی بپتسمہ دا حوالہ دیہندا اے، جیہڑا کہ مسیح چہ ایمان لیہیان دی تبدیلی دے ویلے رونما ہوندا اے۔ گنہگار یسوع دے کول ایمان دے وسیلے توں آندا اے، تے اُو اُوہدی موت، تدفین تے مُردیاں وِچوں جی اُٹھن چہ متحد ہو جاندا اے۔ اُو ای مسیح چہ ایمان لیہیان دی حقیقی تبدیلی ہوندی اے ’’خدا دے عمل دے ایمان دے ذریعے، جِنہے اُوہنوں مُردیاں وِچوں زندہ کیتا‘‘!
پانی وِچ بپتسمہ جیہڑا باطنی طور تے مسیھ چہ ایمان لیہیان دی تبدیلی دے لمحے تے رونما ہوندا اے اُوہدی بیرونی تصویر ہوندی اے۔ پانی چہ مکمل ڈوب کے بپتسمہ لیہنا صحیح شکل اے، کیوں جے کوئی دوجی شکل مسیح دے نال تبدیل ہون آلے دی موت، تدفین تے جی اُٹھن دی تصویر نئیں وکھاندی اے۔ جیویں کہ مسیح مر گیا تے اِک قبر چہ دفن ہویا، ایویں ای مسیح چہ ایمان لیہیا کے تبدیل ہون آلا اپنی پرانی طرزِ حیاتی وِچ مر جاندا اے، جیہڑا مسیح دے نال دفن ہوندا اے۔ فیر اُو مسیح وِچ نئی حیاتی وَل اُٹھدا اے، جیس دی تصویر پانی دے ہیٹاں ڈالے جان تے فیر پانی توں باہر کڈن نال دِتی گئی اے۔ ایویں ای پانی دا بپتسمہ مسیح وِچ روح دے بپتسمہ دی تصویر کشی کردا اے۔ فیر مسیح دے نال تبدیل ہون آلی جی اُٹھدا اے، ’’خدا دے عمل دے ایمان دے ذریعے، جِنہے اُوہنوں مُردیاں وِچوں زندہ کیتا‘‘ (کلسیوں 2: 12)۔
ایہ سانوں تبدیل دا حقیقی معنی وکھاندا اے۔ کوئی وی کدی مسیحی پیدا نئیں ہوندا۔ اُو اِک مسیحی گھر وِچ پیدا ہو سکدا اے، تے ایتھوں تیکر کہ اِک مسیحی دے طور تے پرورش پا سکدا اے۔ فیر وی اُو غیر تبدیل شُدہ رہووے گا جدوں تیکر کہ اُو یسوع دے کول نئیں آندا، تے ایمان دے ذریعے یسوع دے نال متحد نئیں ہو جاندا۔
مسیحی طور تے تبدیل ہون دے لئی، اِک شخص نوں مسیح دے نال مرنا چائیدا اے تے فیر دوبارہ جنم لیہنا چائیدا اے۔ پولوس رسول نے اُوہنوں رومیوں 6: 4 وِچ بیان کیتا،
’’چنانچہ موت وِچ شامل ہون دا بپتسمہ لے ے اَسی اُوہدے نال دفن وی ہوئے تاکہ جیس طرح مسیح اپنے آسمانی باپ دی جلالی قوت دے وسیلہ نال مُردیاں وِچوں زندہ کیتا گیا اُوس ای طرح اَسی وی نئی حیاتی وِچ قدم ودھائیے‘‘ (رومیوں 6:4)۔
پس، نئے جنم دا تجربہ کسی ایہو جئی گل دے ذریعے نال جیہڑی اَسی کرنے آں نئیں کیتا جا سکدا۔ ڈاکٹر میگی نے بجا طور تے کہیا،
’’خدا دے عمل دے ایمان دے ذریعے، جیس نے اُوہنوں مُردیاں وِچوں زندہ کیتا‘‘ – نجات خدا دے جی اُٹھن دی طاقت دے وسیلہ نال مکمل ہوندی اے … اَسی زندہ مسیح دے نال جُڑے ہوئے آں (جے ورنن میگیJ. Vernon McGee، بائبل وِچوں Thru the Bible، تھامس نیلسن، 1983، صفحہ 350)۔
جدوں تُسی … خداوند یسوع مسیح وِچ پروہسا کردے اُو، تے روح القدس تہانوں مسیح دے جسم وِچ بپتسمہ دیہندا اے۔ ایہ اُوس بپتسمہ دے ذریعے اے کہ اَسی مسیح دے نال پہچانے جاندے آں، تے اَسی ’’اُوہدے نال جی اُٹھے‘‘ وی آں – زندہ مسیح وِچ شامل ہوئے (گذشتہ گل دے تسلسل وِچ ibid.)۔
ایہی وجہ اے کہ ’’سامنے آنا‘‘ یا ’’گنہگار دی دعا‘‘ کہنا یا کوئی ہور شے جیہڑی اِک انسان سِیکھ سکدا اے یا کر سکدا اے اُوہدے نال معمولی جئی وی بھلائی نئیں ہوندی۔ نجات دا ’’فیصلہ کرن آلا‘‘ مکمل نظریہ اِک دوجے توں الگ ہو کے اُدھڑ رہیا اے – کیوں جے فیصلہ سازی جھوٹی اے، بائبل دے لئی درست نئیں۔ ڈاکٹر میگی نے کہیا، ’’نجات خدا دے جی اُٹھن دی طاقت دے وسیلہ توں مکمل ہوندی اے۔‘‘ ایہ انسانی فصلیاں یا خداوند دے وعدیاں نال پوری نئیں ہوندی۔
’’تُسی اُوہدے نال خدا دے عمل دے ایمان دے ذریعے جی اُٹھنے اُو، جِنہے اُوہنوں مُردیاں وِچوں زندہ کیتا‘‘ (کلسیوں 2: 12)۔
ایہ گل نجات نوں تہاڈے ہتھاں توں مکمل طور تے چھین لیہندی اے تے ایہنوں مکمل طور تے خدا دے ہتھ وِچ سونپ دیہندی اے، ’’جِنہے اُوہنوں مُردیاں وِچوں زندہ کیتا۔‘‘
کی تُسی حیران اُو کہ کی ایہ سچ اے؟ آیت تیرہ نوں ویکھو، تے تہانوں وی ایہو ای خیال نظر آئے گا۔ آئیے تیرہویں آیت نوں اُوچی واج نال پڑھیے۔
’’تُسی تے نامختون سی تے اپنے گناہواں دی وجہ توں مُردہ سی لیکن تہانوں وی خدا نے مسیح دے نال زندہ کیتا۔ اُوہنے ساڈے سارے قصور معاف کر دِتے‘‘ (کُلسیوں 2: 13)۔
تیرھویں آیت وِچ دو الفاظ ’’مُردہ‘‘ تے ’’زندہ کیتا‘‘ تے غور کرو۔ ایس توں پہلاں کہ تُسی مسیح دے کول آؤ، تُسی مُردہ ہوندے اُو، ’’اپنے گناہواں وِچ مُردہ۔‘‘ ایہ بالکل اُو اہی گل اے جیہڑی رسول نے افسیوں 2: 1 آیت وِچ تے 2: 5 آیت وِچ کہی۔
’’گناہواں تے قصوراں وِچ مُردہ‘‘ (افسیوں 2: 1)۔
’’گناہواں وِچ مُردہ‘‘ (افسیوں 2: 5)۔
ایہ ہر شخص دی دوبارہ پیدا ہون توں پہلاں دی روحانی حالت اے۔ ایتھے کلسیوں 2: 13 وِچ، رسول اُوہی الفاظ کہندا اے جیہڑے اَسی افسیوں وِچ پڑھنے آں، ’’اپنے گناہواں وِچ مُردہ‘‘۔ اِک شخص ایس حالت وِچ زندہ تے مرے گا، گناہواں وِچ مُردہ، جدوں تیکر کہ خدا مداخلت نہ کرے۔
لیکن ایہ بالکل اُوہی اے جیہڑا خدا کردا اے – اُو مداخلت کردا اے۔ لہِذا، تیرہویں آیت وِچ دوجا لفظ اے ’’زندہ کیتا‘‘ – حیاتی وِچ لیہایا گیا! لیکن نوٹ کرو کہ ایہ کہندا اے، ’’اُوہدے نال زندہ کیتا گیا‘‘ – یسوع دے نال خدا دی اُوہی طاقت جیس نے مسیح نوں ’’زندہ‘‘ کیتا، جدوں اُو قبر وِچ مر گیا سی، اِک شخص نوں ’’زندہ‘‘ کردی اے جدوں اُو دوبارہ پیدا ہوندا اے۔ ایہو ای گل پولوس رسول نے افسیوں 2: 4۔5 وَچ کہی اے،
’’لیکن خدا نے … ایتھوں تیکر کہ جدوں اَسی گناہواں وِچ مُردہ سی، اُوہنے سانوں مسیح دے نال زندہ کیتا‘‘ (افسیوں 2: 4۔5)۔
’’زندہ کیتا گیا‘‘ – جیہڑا کہ ’’حیاتی وِچ لیہایا گیا‘‘ روحانی موت دی حالت توں زندہ کیتا گیا،
’’خدا دے ایمان دے عمل دے ذریعے ، جِنہے اُوہنوں مُردیاں وِچوں زندہ کیتا‘‘ (کلسیوں 2: 12)۔
’’تے اپنے گناہواں دی وجہ توں مُردہ سن … مسیح دے نال زندہ کیتا‘‘ (کُلسیوں 2: 13)۔
ڈاکٹر جان گِل نے کہیا،
اُو [جیہڑا مسیح چہ ایمان نہ لیہیائے ہوئے لوکی سن] خدا توں الگ ہو گئے سن، جیویں موت دے ویلے جسم روح توں [جدا ہو جاندا اے، تے اینج ای خدا دی حیاتی توں الگ ہو گئے سن، تے ایویں ای [روحانی طور تے] مُردہ ہونا لازمی اے … تے، مُردہ آدمیوں ای وانگوں، اپنی [حالت] توں بے حس [بے ہوش] سن … روحانی گلاں وِچوں بے بس سن، روحانی حیاتی دے زیادہ محتاج [ضرورت مند] سن … تے اپنے آپ وِچ دائمی موت دے مستحق سن [جہنم وِچ] (جان گل، ڈی ڈیJohn Gill, D.D.، نئے عہد نامہ دی تاویل An Exposition of the New Testament، دی بیپٹسٹ سٹینڈرڈ بیئرر، 1989 دوبارہ اشاعت، جلد 9، صفحہ 189)۔
ایس روحانی طور تے مُردہ حالت وِچ، گمراہ یا کھوئے ہوئے لوکی اپنی خوفناک حالت وِچ، خدا توں اُوہناں دی بیگانگی تے مسیح وِچ خدا دی حیاتی توں بے خبر نے۔ لیکن خدا دی زندہ کر دین آلی قدرت،
’’جیس نے اُوہنوں [یسوع نوں] مُردیاں وِچوں زندہ کیتا … روحانی طور تے مُردہ لوکاں نوں زندہ کیتا جائے [ممکن بناندا اے] بالکل ایویں ای جیویں یسوع نوں قبر وِچ زندہ کیتا گیا سی خدا دے ایمان دے عمل دے ذریعے جِنہے اُوہنوں مُردیاں وِچ زندہ کیتا‘‘ (کُلسیوں 2: 12)۔
جدوں تُسی نئے سرے توں پیدا ہوندے اُو، تے تُہانوں زندہ کیتا جاندا اے، جیویں کہ چارلس ویزلی نے اپنے حمدوثنا دے عظیم گیت وِچ کہیا، ’’تے کی ایہ ہو سکدا اے؟‘‘ اُوہنے نئے جنم دے ذریعے زندہ کیتے جان، زندگی وِچ لیے جان دی گل کیتی۔ حمدوثنا دے ایس گیت دا چوتھا بند بالکل ظاہر کردا اے کہ ایس زندہ کیتے جان توں ساڈا کی مطلب اے جیہڑا اِک کھوئے یا گمراہ ہوئے بندے نوں مسیح یسوع وِچ فیر توں زندہ کردا اے۔ نوٹ کرو کہ ویزلی نے حمدوثنا دے ایس گیت دے چوتھے بند وِچ کی لکھیا اے۔ ’’زندہ کیتے جاان‘‘ یعنی دوبارہ پیدا ہون دی ایہ اُوس دی اپنی گواہی اے۔
لمبے عرصہ تیکر میری قید روح پیہئی رئی
گناہ تے فطرت دی تاریکی وِچ زبردست بنہھی ہوئی۔
تیر اَکھ توں اِک تیز لپک پھیلی،
میں جاگ اُٹھیا، قیدخانہ نور نال جگمگا اُٹھیا۔
میری زنجیراں ٹُوٹ گئیاں، میرا دِل آزاد سی،
میں جاگ اُٹھیا، اَگے ودھیا، تے تیری پیروی کیتی۔
حیرت انگیز محبت! ایہ ہو کیویں سکدی اے،
کہ تیہنوں، اے میرے خداوند، میرے لئی مرنا پیہیا۔
(’’تے ایہ کیویں ہو سکدا اے؟ And Can It Be? ‘‘ شاعر چارلس ویزلی Charles Wesley، 1707۔1788).
حمدوثنا دے ایس گیت دے چوتھے بند وِچ، چارلس ویزلی نے نئے جنم دی تصویری عکاسی پیش کیتی اے۔ طویل عرصے تیکر اُوہدی قید کیتی ہوئی روح اِک سیاہ تہ خانے وِچ پیہئی سی، جیہڑی فطرت وَلوں گناہ وِچ مُردہ ہون دی تصویر سی۔ لیکن فیر اِک (خدا وَلوں روشنی دی) تیز کِرن اُوہدی لمبے عرصے توں مُردہ روح نوں چھید گئی۔ اُو بیدار ہویا، ہُنے تیکر گناہ تے تاریکی دے قیدخانے وِچ سی، جدوں اچانک تہ خانہ ’’نور نال جگمگا‘‘ اُٹھیا۔ اُو ایمان دے وسیلہ نال یسوع دے کول آیا، تے ایویں اُوہنے کہیا، ’’میری زنجیراں ٹوٹ گئیاں، میرا دِل آزاد سی؛ میں (اُوس تھاں تے جیتھے اُو سی، گناہ دے غار وِچ) جاگ اُٹھیا۔‘‘ اُو سانوں دسدا اے کہ اُوہدی زنجیراں ڈِگ گئیاں نے تے اُوہدا دِل آزاد ہو گیا سی۔ اُو فیر توں پیدا ہویا – مسیح وِچ ایمان لیہیا کے تبدیل ہویا سی، تے اُو جاگ اُٹھیا سی، اَگے ودھیا تے مسیح دی پیروی کیتی۔ ’’میری زنجیریں ٹُٹ گئیاں، میرا دِل آزاد سی، میں جاگ اُٹھیا، اَگے ودھیا تے تیرے پیچھے ہو لیہیا۔‘‘
لیکن نوٹ کرو کہ نئے جنم دا ایہ شاندار تجربہ اُوہدے نال تیز رفتاری نال شروع ہویا (اِک قیدی دی زنجیراں وِچ جکڑیا ہویا، اپنی ای گناہ دی فطرت دا اِک حقیقی قیدی)۔ ایہ اُودھوں ای سی جدوں مسیح دا نور اُوہدی روح تیکر پہنچیا، کہ چارلس ویزلی دلیری نال کہہ سکے، ’’میں جی اُٹھیا (نجات پایا ہویا اِک بندہ)، اَگے ودھیا‘‘ (غار توں باہر نکلیا) – خدا دی زندہ کر دین آلی قدرت دے وسیلہ توں – جیس نے اُوہنوں آخرکار اِک حقیقی زندہ مسیحی بنا دِتا! اُو ایس سطر نوں ایہ کہندے ہوئے ختم کردا اے، ’’میں جی اُٹھیا، اَگے ودھیا [گناہ تے روحانی موت دے تہ خانے توں باہر نکلیا] – میں جی اُٹھیا، اَگے ودھیا، تے تیری [مسیح دی] پیروی کیتی۔
ایہ اِک ایہو جئے بندے دا خوبصورت تے سچا اِظہار اے جیہڑا گناہواں وِچ مُردہ سی نئے جنم دے ذریعے زندہ کیتا جا رہیا سی، جیس دے بارے وِچ یسوع نے دسیا جدوں اُوہنے کہیا،
’’تہانوں نئے سرے توں جنم لیہنا چائیدا اے‘‘ (یوحنا 3: 7)۔
چارلس ویزلی نے حمدوثنا دے ایس گیت نوں اُوہدے اَخیرلے بند وِچ ایہ کہہ کے ختم کیتا کہ اُو مسیح وِچ خدا وَلوں زندہ کیتا گیا، زندگی دے لئی لیہایا گیا۔
اُوس وِچ زندہ، میرا زندہ سرتاج،
تے الہٰی راستبازی دا لباس پہنے ہوئے،
چارلس ویزلی ہُن کہہ پائے گا کہ اُوہنے نئے سرے توں جنم لیہیا سی،
’’تے تُسی …اپنے گناہواں دی وجہ توں مُردہ سی لیکن تہانوں وی خدا نے مسیح دے نال زندہ کیتا۔ اُوہنے ساڈے سارے قصور معاف کر دِتے‘‘ (کُلسیوں 2: 13)۔
اُوہنے نئے سرے توں جنم لیہیا سی،
’’خدا د ےایمان دے عمل دے ذریعے جیس نے اُوہنوں مُردیاں وِچوں زندہ کیتا‘‘ (کُلسیوں 2: 12)۔
چارلس ویزلی، تے اُوہدے ویر جان ویزلی، مسیح چہ ایمان لیہیا کے اپنے تبدیل ہون توں پہلاں ای ’’فطرت دی رات‘‘ دی تاریکی وِچ مر چکے سن۔ لیکن اُوہناں دوویں بھائیاں دے کول انہیرے دے وِچکار نور آیا۔ فیر اُو خدا دے وسیلہ توں زندہ ہو گئے، یسوع دے نال اُوہدی موت، تدفین تے جی اُٹھن وِچ شامل ہو گئے – تے اُو دوویں بھائی ہُن نئے سرے توں پیدا ہوئے سن، تے اُو اپنے دِلاں وِچ خدا دی روح دی گواہی توں ایہ جانندے سن۔ بعد وِچ ایہ دوویں بندے پرانے زمانے دے میتھوڈسٹ چرچ دے بانی بن گئے، جیہڑے کہ اِک سو وریاں توں زیادہ عرصے تیکر پوری دُنیا وچ اِک طاقتور انجیلی بشارت دی قوت اے۔
دوویں ویزلی دے نئے سرے توں جنم لین توں چند وریاں پہلاں، اُو اپنے والد، سیموئیل ویزلی نوں ملن گئے، جیہڑے کہ اِک معمر مذہبی خادم سن، جیس ویلے اُو بسترِ مرگ تے پیہئے سن۔ دوجے لوکاں دے سونے دے کمرے توں نکل جان دے بعد جیتھے اُو مر رئے سن، ریورنڈ سیموئل ویزلی نے جان ویزلی دا بازو پھڑیا تے اُوہنوں اپنے چہرے دے قریب کھینچ لیہیا۔ فیر ای اُوہناں نے اپنے پُتر جان ویزلی نال اُو مشہور الفاظ سرگوشی وِچ کہے۔ اُوہنے کہیا، پُتر ایہ باطنی گواہی اے، باطنی گواہی، ایہ مسیحیت دا ثبوت، مضبوط ترین ثبوت اے۔
جان ویزلی نوں سمجھ نئیں آیا کہ ایس ویلے اُوہناں دے والد دا کی مطلب سی۔ چناجہ، تقریباً تین وریاں تیکر، جان ویزلی نے جدوجہد کیتی، اِک دے بعد اِک فیصلہ کرن دی کوشش کیتی، اپنے کماں تے نیک اعمال، وعدیاں، دعاواں تے فیصلاں توں نجات حاْسل کرن دی پوری کوشش کیتی۔ فیر وی جیس شام جان ویزلی مسیح وِچ ایمان لیہیا کے تبدیل ہوئے، اینج لگدا اے کہ اُوہناں دے والد دے آخری الفاظ پوری قوت دے نال اُوہناں دے ذہن وِچ واپس آئے سن، کیوں جے اِک چھوٹے جئے بائبل اسٹڈی گروپ وِچ جیتھے لوتھر دا رومیوں دے لئی مراسلے دا دیباچہ پڑھیا گیا، اُوہناں نے کہیا، ’’میں اپنا دِل عجیب طرح نال گرم محسوس کیتا۔ میں محسوس کیتا کہ میں جات دے لئی صرف تنہا مسیح تے، مسیح تے پروہسا کرنا آں۔‘‘ ایہ خدا دے روح دی باطنی گواہی سی جِنہے ایس گل دی تصدیق کیتی کہ اُو فیر توں پیدا ہویا اے۔
ہُن، میں ایس سوچ دے نال ختم کرنا آں: میں تہانوں مسیح دے جسمانی جی اُٹھن دے لئی بہتیرے معذرت خواہ دلائل دے سکنا آں، لیکن اُو سارے ایہو جئے دلائل ہون گے جیہڑے صرف دماغ نوں متاثر کردے نے، دِل نوں نئیں۔ ایہدے نال تہانوں کوئی فائدہ نئیں ہووے گا، کیوں جے بائبل کہندی اے،
’’دل نال بندہ راستبازی تے یقین کردا اے‘‘ (رومیوں 10: 10)۔
تُسی کئی وریاں تیکر ایس گل دا یقین کیتے بغیر، باطن دی گہرائی تیکر جا سکدے اُو، کہ مسیح مُردیاں وِچوں جی اُٹھیا اے۔ تُسی شاید سوچو کہ کی ہڈیاں دے ایس جھوٹے تابوت وِچ شاید یسوع دی ہڈیاں موجود سن۔
میں ذاتی طور تے تقریبا! ست وریاں تیکر ایہ یقین کرن دی کوشش کردا رہیا کہ یسوع مُردیاں وِچوں جی اُٹھیا۔ لیکن میں فیر وی شک تے بے یقینی نال بھریا ہویا سی۔ فیر اِک سویرے، 28 ستمبر، 1961 نوں، مسیح دا نور میری تاریک روح وِچ داخل ہویا۔ اچانک خدا نے جی اُٹھے مسیح نوں میرے لئی حقیقی بنایا۔ تے میں اُوس لمحے وِچ مسیح تے پروہسا کیتا۔
’’خدا دی قدرت تے ایمان دے وسیلہ نال جِنہے اُوہنوں مُردیاں وِچوں زندہ کیتا … [تے میہنوں] زندہ کیتا [حیاتی وَل لیہایا گیا] [مسیح] دے نال‘‘ (کُلسیوں 2: 12۔13)۔
جان تے چارلس ویزلی، تے اُوہناں دے کالج دے ہم جماعت جارج وائٹ فیلڈ وانگوں، میں وی دو دوبارہ پیدا ہویا، اپنی طاقت یا ’’فیصلیاں‘‘ نال نئیں، بلکہ
’’خدا دی قدرت تے ایمان دے وسیلہ توں جِنہے اُوہنوں مُردیاں وِچوں زندہ کیتا … [مسیح] دے نال زندہ کیتا‘‘ (کُلسیوں 2: 12۔13)۔
جدوں تُسی مسیح دے کول آؤ گے، تُسی وی نئے سرے توں جنم لوؤ گے، ’’خدا دی قدرت دے وسیلہ توں، جِنہے اُوہنوں مُردیاں وِچوں زندہ کیتا۔‘‘ فیر تہانوں ایس سچائی دا پورا پتہ چل جائے گا جیہڑی مردے ہوئے سیموئیل ویزلی نے اپنے پُتر جان نوں کہی سی۔ ’’باطنی گواہ، بیٹا۔ باطنی گواہ۔ ایہ مسیحیت دا ثبوت، مضبوط ترین ثبوت اے۔‘‘
جدوں تُسی نئے سرے توں پیدا ہوندے اُو، ’’مسیح دے نال زندہ کیتے جاندے اُو‘‘، تُسی خدا دے نئے سرے توں جنم لیہئے ہوئے بچے ہوو گے۔ تے جدوں تُسی ایس طرح دوبارہ پیدا ہوندے نے، ’’خدا دی قدرت دے ایمان دے ذریعے، جِنہے اُوہنوں مُردیاں وِچوں زندہ کیتا،‘‘ کوئی ہالی ووڈ فلم یا کالج وِچ مسیحی مخالف پروفیسر تہانوں اُلجھان دے قابل نئیں ہووے گا۔ تُسی یسوع تے اُوہناں دے حملیاں توں بالکل محفوظ رہوو گے، کیوں جے، ’’ایہ باطنی گواہ اے بیٹا۔ باطنی گواہ ساڈے مذہب دا سب توں وڈا ثبوت اے۔‘‘ چارلس ویزلی نے اپنے والد دے خیال نوں اپنے حمدوثنا دے گیت دے چوتھے بند وِچ قید کیتا، ’’اُٹھ میری روح، اُٹھ!‘‘
اُوہدی روح لہو نوں جوابدہ اے،
تے میہنوں دسدی اے میں خدا توں پیدا ہویا آں۔
تے میہنوں دسدی اے میں خدا توں پیدا ہویا آں۔
(اُٹھ! میری روح، اُٹھ! Arise! My Soul, Arise!‘‘ شاعر چارلس ویزلی Charles Wesley، 1707۔1788)۔
یسوع دے کول آؤ۔ بغیر کسی ہچکچاہٹ دے اُوہدے تے پروہسا کرو۔ اُوہدے قیمتی لہو نال اپنے گناہواں توں پاک صاف ہو جاؤ! تُسی آ سکدے اُو، کیوں جے خدا تہانوں کھینچ لئے گا۔ آؤ تے ’’مسیح دے نال زندہ کیتے جاؤ۔‘‘ فیر تُسی پولوس رسول دے نال کہہ سکو گے،
’’روح آپئے ساڈی روح دے نال گواہی دیہندی اے کہ اَسی خداوند دے فرزند آں‘‘ (رومیوں 8: 16)۔
فیر تُسی اپنی روح وِچ جان لو گے کہ یسوع جسمانی طور تے قبر وِچوں جی اُٹھیا سی۔ تے کوئی وی تہانوں کدی وی قائل نئیں کر سکے گا کہ اینج نئیں اے! آمین!
آؤ کِھلو جاؤ تے تہاڈے گانیاں دے صفحات توں حمدوثنا دا گیت نمبر سات گانے آں، ’’تے کی ایہ ہو سکدا اے؟‘‘ شاعر جارلس ویزلی۔
کی اینج ہو سکدا اے کہ میہنوں پانا چائیدا اے
نجات دہندہ دے لہو وِچ اِک منافع؟
اُو میرے لئی مریا، کون اُوہدے دُکھ دا سبب بنیا؟
میرے لئی، کیہنے اُوہنوں موت دے تعاقب وِچ پایا؟
حیرت انگیز محبت! ایہ ہو کیویں سکدی اے،
کہ تیہنوں، اے میرے خداوند، میرے لئی مرنا پیہیا؟
حیرت انگیز محبت! ایہ ہو کیویں سکدی اے،
کہ تیہنوں، اے میرے خداوند، میرے لئی مرنا پیہیا؟
ایہ سب توں وڈا اسرار اے! کہ لافانی مر جاندا اے!
کون اُوہدے حیرت انگیز مقصد دی تحقیق کر سکدا اے؟
بیکار وِچ پہلوٹھی فرشتانہ ہستی کوشش کردی اے
کہ الہٰی محبت دی گہرائیاں نوں جانچ سکیے!
ایہ ای ساری رحم اے! زمین نوں اُوہدی ستائش کر لین دیو،
فرشتانہ ذہناں نوں مذید ہُور تفتیش نہ کرن دیو۔
حیرت انگیز محبت! ایہ ہو کیویں سکدی اے،
کہ تیہنوں، اے میرے خداوند، میرے لئی مرنا پیہیا؟
اُوہنے اپنے باپ دا تخت عالم بالا وِچ ای چھڈ دِتا،
اُوہدا فضل ایس قدر آزاد، ایس قدر لا محدود؛
ماسوائے محبت دے خود نوں ساریاں دے لئی خالی کر دِتا،
تے آدم دی بے بس نسل دے لئی لہو وگایا؛
ایہ سارا رحم، ایس قدر شدید تے مفت وِچ،
کیوں جے اے میرے خداوند، اُوہنے میہنوں لبھ لیہیا!
حیرت انگیز محبت! ایہ ہو کیویں سکدی اے،
کہ تیہنوں، اے میرے خداوند، میرے لئی مرنا پیہیا؟
لمبے عرصہ تیکر میری قید روح پیہئی رئی
گناہ تے فطرت دی تاریکی وِچ زبردست بنہھی ہوئی۔
تیر اَکھ توں اِک تیز لپک پھیلی،
میں جاگ اُٹھیا، قیدخانہ نور نال جگمگا اُٹھیا۔
میری زنجیراں ٹُوٹ گئیاں، میرا دِل آزاد سی،
میں جاگ اُٹھیا، اَگے ودھیا، تے تیری پیروی کیتی۔
حیرت انگیز محبت! ایہ ہو کیویں سکدی اے،
کہ تیہنوں، اے میرے خداوند، میرے لئی مرنا پیہیا۔
ہُن کسی مذمت توں میہنوں ڈر نئیں لگدا اے۔
یسوع، تے اُوہدے وِچ سب کُجھ ، میرا اے۔
ایہدے وِچ زندہ، میرا زندہ سرتاج،
تے اِلہٰی راستبازی دا لباس پہنے ہوئے،
میں دلیری نال ابدی تخت دے قریب پہنچنا آں،
تے تاج دا دعویٰ کراں، خود میرے اپنے مسیح دے ذریعے۔
حیرت انگیز محبت! ایہ ہو کیویں سکدی اے،
کہ تیہنوں، اے میرے خداوند، میرے لئی مرنا پیہیا؟
(’’تے ایہ کیویں ہو سکدا اے؟ And Can It Be?‘‘ شاعر چارلس ویزلی Charles Wesley، 1707۔1788).
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔