ریپچر تے نجات دا موازنہ | The Rapture and Salvation Compared

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں چاہنا آں کہ تُسی ایس تلاوت دے دوجے حصے تے غور کرو،

’’تے میں آخیرلے دِن فیر توں ایہنوں زندہ کر دیاں گا۔‘‘

کلام پاک دے ایس حوالے وِچ مسیح دے ذریعے توں ایس جملے دا چار وری تزکرہ کیتا گیا سی۔

’’تے ایہ باپ دے مرضی اے جِنہے میہنوں پیہجھیا اے، جیہڑا کُجھ اُوہنے میہنوں دِتا اے اُوہدے وِچوں میہنوں کُجھ نئیں گنوانا چائیدا اے، بلکہ اُوہنوں آخیرلے دِن فیر توں زندہ کرنا چائیدا اے‘‘ (یوحنا 6: 39)۔

’’تے ایہ اُوہدے مرضٰ اے جِنہے میہنوں پیہجھیا اے، کہ ہر کوئی جیہڑا پُتر نوں ویکھے تے اُوہدے تے ایمان لیہیائے ہمیشہ دی حیاتی پائے: تے میں اَخیرلے دِن فیر توں اُوہنوں زندہ کر دیاں گا‘‘ (یوحنا 6: 40)۔

’’جیہڑا میرا گوشت کھاندا اے، تے میرا لہو پیندا اے، ہمیشہ دی حیاتی اُوہدے کول اے، تے میں آخیرلے دِن فیر توں اُوہنوں زندہ کر دیاں گا‘‘ (یوحنا 6:54)۔

’’میرے کول کوئی نئیں آ سکدا جدوں تیکر کہ باپ جِنہے میہنوں پیہجھیا اے اُوہنوں کھیچ نہ لیہیائے، تے میں آخیرلے دِن فیر توں اُوہنوں زندہ کر دیاں گا‘‘ (یوحنا 6: 44)۔

’’لیکن اُوہنوں آخیرلے دِن فیر توں اُٹھانا چائیدا اے۔‘‘

’’تے میں آخیرلے دِن فیر توں اُوہنوں زندہ کر دیاں گا۔‘‘

انجیلی پرچار کرن آلے نئے مسیحیاں نوں ایہدے چہ کوئی پریشانی نئیں اے۔ ایہنوں ’’ریپچر‘‘ کہیا جاندا اے، جیہڑا مستقبل دے اُوس دور دا حوالہ دیہندا اے جدوں مسیح بدلاں وِچ آئے گا،

’’تے مسیح وِچ مُردہ پہلاں جی اُٹھن گے … ہوا وِچ خداوند توں مِلن دے لئی‘‘ (1 تسالونیکیوں 4: 16-17)۔

یہ اَج کل عام طور تے نئے انجیلی بشارت د ےمسیحیاں دا عقیدہ اے کہ مسیح آئے گا تے مُردہ مسیحیاں نوں زندہ کرے گا تاکہ اُو ’’ریپچر [مسیح دا بدلاں وِچ اِستقبال کرن دے لئی آسمان تے دوجے ایمانداراں دے نال]‘‘ ہوا وِچ اُوہدا اِستقبال کرن۔ تے میں ایہدے نال مکمل طور تے اتفاق کرنا آں۔ تلاوت ایہدے بارے چہ دسدی اے:

’’تے میں آخیرلے دِن فیر توں اُوہنوں زندہ کر دیاں گا‘‘ (یوحنا 6: 44)۔

کوئی نئیں کہوے گا کہ ایس دِن قبر وِچوں اِک مُردہ اپنے آپ نوں خداوند نال مِلن دے لئی اُٹھاندا اے! کوئی ایہ وی نئیں کہوے گا کہ اِک مُردہ آدمی ہوا وِچ خداوند نال مِلن دے لئی خود نوں اُٹھے اُٹھان وِچ مدد کردا اے! ہر کوئی ایس گل تے سختی نال متفق تے ایس گل دی تصدیق کرے گا کہ مُردہ مسیحیاں دے ’’ریپچر [مسیح دا بدلاں وِچ اِستقبال کرن دے لئی آسمان تے دوجے ایمانداراں دے نال ہوا وِچ اُٹھایا جانا]‘‘ صرف تے صرف خدا دی طاقت نال، مکمل طور تے خدا دے فضل نال، انسانی ’’فیصلے‘‘ یا انسانی مرضی دے کسی عمل دی آمیزش دے بغیر ہووے گا۔ سبھی ایس گل تے متفق نے کہ ’’ریپچر [مسیح دا بدلاں وِچ اِستقبال کرن دے لئی آسمان تے دوجے ایمانداراں دے نال]‘‘ صرف خدا دی طاقت نال، صرف تے صرف خدا دے فضل نال ہووے گا۔

’’تے میں آخیرلے دِن فیر توں اُوہنوں زندہ کر دیاں گا‘‘ (یوحنا 6: 44)۔

رے فیر وی، کی ایہ عجیب گل نئیں اے کہ انہی نئے انجیلی بشارت د ےمسیحیاں نوں اکثر تلاوت دے پہلے نصف حصے نال پریشانی ہوندی اے؟

’’میرے کول کوئی نئیں آ سکدا جدوں تیکر کہ باپ جِنہے میہنوں پیہجھیا اے اُوہنوں کھیچ نہ لیہیائے …‘‘ (یوحنا 6: 44)۔

اُودھوں، فیر اَسی، ایس آیت توں دو اہم گلاں سِکھنے آں۔

I۔ پہلی گل، خود اپنے قوت دے وسیلے توں ہُنے انسان مسیھ دے کول آن دے لئی نااہل اے، جیویں کہ اُوہدا اپنا مستقبل وِچ ریپچر وِچ [مسیح دا بدلاں وِچ اِستقبال کرن دے لئی آسمان تے دوجے ایمانداراں دے نال ہوا وِچ] چُکیا جانا ہووے گا۔

کی میں اپنی حد پار کر گیا آں؟ میہنوں اینج نئیں لگدا! ساڈے زمنے دے فیصلہ کُن اِرتداد وِچ، بہتیرے لوکی جیہڑے ریپچر دے حوالے نال مانرجسٹ نے [اُو لوکی جیہڑے ایمان رکھدے نے کہ نجات مکمل طور تے، انسانی شراکت دے بغیر، خدا دا عمل اے]، نجات دے حوالے نال پیلاجینسٹ نے [اُو لوکی جیہڑے ایہ منندے نے کہ انسان دا گناہ کرن دا رجحان اِک آزاد انتخاب اے]! ’’مونرگِسم‘‘ دا مطلب اے کہ خدا تنہا ای کام کردا اے۔ ’’پلیگیئنیزمpelagianism ‘‘ اِک بدعتی عقیدہ اے کہ صرف کہ صرف آدمی کام کردا یا عمل کردا اے۔ ریپچر توں تعلق رکھدے ہوئے بے شمار لوکی مونرجسٹ نے، جیہڑے ریپچر دے حوالے نال ایہ کہندے نے کہ خدا کام کردا اے۔ لیکن اُو نجات دے حوالے توں پلیگیئنسٹpelagianist بدعتی نے، جیہڑے کہندے نے کہ انسان کام کردا اے۔ میں کہنا آں کہ ساریاں گلاں خدا دا کلام نے – شروع توں اَخیر تیکر – نجات توں لے کے ریپچر تیکر – نجات دا سارا کام خدا دے فضل توں اے – رومن کیتھولک کماں دے کسی وی راستبازیاتی اعمال دی کسی ملاوٹ دے بغیر!

تعجب دی گل نئیں اے کہ بہتیرے انجیلی بشارت آلے نئے مسیحی اپنے تے روم دے ایمان وِچکار کوئی فرق نئیں ویکھدے نے۔ جدوں تُسی کلیاں فضل نال نجات نوں ترک کر دیہندے اُو، تے تُسی ساڈے تاریخی بپتسمہ دین آلے تے پروٹسٹنٹ عقیدے دی بنیاد نوں ترک کر دِتا اے!

’’کیوں جے تہانوں ایمان دے ویلے توں فضل ای دے نال نجات لبھی اے تے ایہ تہاڈی کوششاں دا نتیجہ نئیں اے بلکہ خدا دی بخشش اے تے نہ ای ایہ تہاڈے اعمال دا پھل اے کہ کوئی فخر کر سکے‘‘ (افسیوں 2: 8۔9)۔

فضل! ایہ اِک دلکش آواز اے،
سُنن وِچ بھلی ہم آہنگی لگدی اے؛
بازگشت دے نال آسمان گونجن گے،
تے ساری دھرتی سُنے گے۔
(’’فضل! ایہ اِک دلکش آواز اے Grace! ‘Tis a Charming Sound،‘‘ شاعر فلپ ڈوڈریج Philip Doddridge، 1702۔1751)۔

فضل، فضل، خداوند دا فضل،
فضل جیہڑا معاف کرے گا تے باطن توں پاک کرے گا؛
فضل، فضل، خداوند دا فضل،
فضل جیہڑا ساڈے سارے گناہ توں وڈا اے۔
(’’فضل جیہڑا ساڈے سارے گناہ توں وڈا اے Grace Greater Than Our Sin‘‘ شاعر جولیا ایچ۔ جونسٹن Julia H. Johnston، 1849۔1919)۔

حیرت انگیز فضل! کیس قدر مِٹھی اُو واج اے،
جنہے میرے وگرے تباہ حال نوں بچایا اے!
میں جیہڑا کدی گواچ گیا سی، لیکن ہُن مل گیا واں،
اَنّا سی لیکن ہُن ویکھنا واں۔
(’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

ایہو ای ساڈا بپٹسٹ تے پروٹسٹنٹ ورثہ اے۔ زمانیاں دے ادوار دے پار ساڈا ایہو ای عقیدہ اے! ایہو ای ساڈے آباؤ اِجداد دا ایمان اے! ایہو ای اصلاح تے عظیم بیداری دی تبلیغ اے! ایہو ای ’’فیصلہ پسندی‘‘ دی رومن کیتھولک بدعت دی تردید کردا اے، جیہڑا ایس گھٹیا پلیگیئنسٹ Pelagianist چارلس جی. فنی دے ذریعہ فیر توں جدید انجیلی بشارت تے آمادہ کیتا گیا سی! ایہو ای ساڈے لہو وگان آلے بپتسمہ دین آلے شہیداں تے آباؤ اِجداد دا ایمان اے! ایہو ای صرف فضل نال نجات اے، انسان دے اعمال دے بغیر، انسان دی کوششاں دے بغیر، انسان دے فیصلیاں دے بغیر!

’’میرے کول کوئی نئیں آ سکدا جدوں تیکر کہ باپ جِنہے میہنوں پیہجھیا اے اُوہنوں کھیچ نہ لیہیائے، تے میں آخیرلے دِن فیر توں اُوہنوں زندہ کر دیاں گا‘‘ (یوحنا 6: 44)۔

ایہو ای خدا دا کلام اے، صاف تے واضح، مقدس کتاب دے صفحہ تے! ایہدے توں نٹھو نئیں! ایہنوں ایویں ای ضائع نہ کرو! ایہدی تبلیغ کرو جیویں کہ ایہ اے – اپنی کنگ جیمز بائبل د ےصفحہ تے! انسان ہُن اپنی طاقت نال مسیح دے کول اان توں ایہنا ای قاض اے، جیویں کہ اُو مسیح دی دوسری آمد تے قبر توں خود نوں ریپچر [مسیح دا بدلاں وِچ استقبال کرن دے لئی آسمان تے دوجے ایمانداراں دے نال ہوا وِچ چکیا جانا] کروائے گا!

II۔ دوجی گل، اِک انسان جیہڑا روحانی طور تے مر چکیا اے ایہنوں خود اپنے باطن دے باہر توں اِک قدرت دے وسیلے توں نجات پانی چائیدی اے۔

میں کسی نوں سرگوشی کردے سُن سکنا آں، ’’ہائیمرز اِک ہائپر کیلونسٹ اے۔‘‘ ایہ جھوٹ اے! میں کوئی ہائپر کیلونسٹ نئیں آں! کیلونسٹ میہنوں قبول وی نئیں کرن گے۔ اُو کیہن گے کہ میں رچرڈ بیکسٹر، جان گڈون تے مارٹن لوتھر دے نظریات تے یقین رکھنا آں۔ لیکن میں تہانوں اِک گل دساں گا – میہنوں یقین اے کہ انسان گناہ وِچ مُردہ ہو گیا اے! میں ایہدے تے یقین کرنا آں کیوں جے بائبل اینج کہندی اے! ایہ تہاڈی بائبل دے صفحہ تے واضح طور تے کہندی اے:

جی نئیں ’’اَسی بیمار سی۔‘‘ اوہ، بالکل وی نئیں!

ایہو ای سراسر بدکاری یعنی اِخلاقی زوال اے! تے میں یقین کرنا آں کہ خدا میری بائبل دے صفحہ تے کی کہندا اے!

میرے بیلی، جے تُوں کھویا ہویا گنہگار اے، تے توں اے۔

’’قصوراں تے گناہواں وِچ مُردہ‘‘ (افسیوں 2: 1)،

تے خدائے قادر دے فضل دے سِوا کُجھ وی تہانوں حیاتی وَل واپس نئیں لیہیا سکدا!

’’میرے کول کوئی نئیں آ سکدا جدوں تیکر کہ باپ جِنہے میہنوں پیہجھیا اے اُوہنوں کھیچ نہ لیہیائے‘‘ (یوحنا 6: 44)۔

تہاڈا دِل ایہنا ٹھنڈا تے مُردہ اے کہ تُسی مسیح دے کول نئیں آ سکدے پاویں تُسی اپنی پوری قوت نال اینج کرن دی کوشش کیتی ہووے!

’’میرے کول کوئی نئیں آ سکدا جدوں تیکر کہ باپ جِنہے میہنوں پیہجھیا اے اُوہنوں کھیچ نہ لیہیائے‘‘ (یوحنا 6: 44)۔

اِک انسان جیہڑا روحانی طور تے مر چکا اے اُوہنوں خود اپنے باطن دے باہر توں اِک قدرت دے وسیلے نال نجات پانی چائیدی اے – خدا دے فضل تے قدرت دے وسیلے نال!

ہُن، خدا ایہ کیویں کردا اے؟ خدا باپ مُردہ گنہگاراں نوں مسیح وَل کیویں کھیچدا اے؟ جوناتھن ایڈورڈز نے انتہائی مستعدی دے نال ایہدا مطالعہ کیتا، تے ایہنوں سِکھن دے لئی گھنٹیاں تیکر کام کیتا، دوویں اپنی مطالعہ گاہ وِچ تے اُوہناں لوکاں دے وِچکار جِنہاں دی اُوہناں نے اپنے گرجا گھر وِچ مشاورت کیتی سی۔ گمراہ ہوئے گنہگاراں دی تبدیلی دا ایہنا سنجیدہ طالب علم جوناتھن ایڈورڈز توں بہوتا کوئی بندہ نئیں سی۔ اے گنہگار اُوہناں دی گلاں نوں کان لگا کے دھیان نال سُن۔ ایڈورڈ نے کہیا،

خدا دی روح دا بہاؤ … [گمشدہ گنہگاراں] نوں زیادہ توں زیادہ اُوس [خدا] دی نظر وِچ اُوہناں دی حد توں بوہتی مکاری و برائی تے جرم دے احساس وَل لے جان نال متاثر ہویا اے۔ اُوہناں دی آلودگی، تے اُوہناں دی اپنی راستبازی دا گھاٹا؛ کہ اُو کسی وی صورت وِچ اپنی مدد نئیں کر سکدے … دِل دے گناہواں دے احساس نال بوجھل، اپنی فطرت دی خوفناک خرابی، خدا دے خلاف اُوہناں دی دشمنی، اُوہناں دے دِلاں دا غرور، اُوہناں دا اعتقاد، اُوہناں دا مسیح نوں مسترد کرنا، اپنی خواہشات دی ضد تے ہٹ دھرمی (جوناتھن ایڈورڈزJonathan Edwards، ’’تبدیلی دا طریقہ مختلف The Manner of Conversion Various‘‘)۔

اُو گل جاری رکھدے ہوئے کہندے نے کہ بیدار گنہگار اپنے ماضی دے گناہ دے بارے وِچ سوچدے نے۔ فہر اُو اپنی اصلاح کرن تے بہتر حیاتی لنگہان دی کوشش کردے نے۔ لیکن ایہدے نال اُوہناں نوں کوئی اندرونی سکون نئیں لبھدا۔ فیر وی اگرچہ اُوہناں دی کوششاں نال اُوہناں دا کوئی فائدہ نئیں ہوندا، اُو اِک ای شے نوں بار بار کرن دی کوشش کردے نے، اگرچہ ایہ ہمیشہ ناکام ہو جاندا اے۔ اُو دوجیاں نوں نجات پاندے ہوئے ویکھدے نے، لیکن ایہ صرف اُوہناں نوں غصہ، حسد، تے خدا دے تئیں تلخ کردا اے۔ اُو تنگ بوہے توں داخل ہون دی کوشش کرن توں باز آ جاندے نے۔ اُو سوچ سکدے نے کہ اُوہناں نے ناقابلِ معافی گناہ کیتا اے۔ اُوہناں دے جذبات اُوہناں نوں تذبذب وِچ مبتلا کردے نے۔ ہر شے اُوہناں نوں اَدھی رات وانگوں تاریک لگدی اے۔

خدا اُوہناں نوں خوفناک اندرونی کشمکش توں دوچار کر رہیا اے تاکہ اُوہناں وِچوں خود تے کسی وی طرح دے انحصار نوں ختم کر سکے۔ ایڈورڈز نے کہیا،

بعض نوں اُوہناں دے گناہ دے وڈے احساس نال ایس سزایابی وِچ لیہایا جاندا اے کہ اُو دِل تے حیاتی وِچ ایہو جئی گھٹیا، شریر مخلوق نے: دوجیاں دی حیاتی دے گناہ اُوہناں دے اَگے غیرمعمولی انداز وِچ رکھے جاندے نے، [اُوہناں دے گناہواں] دی کثرت اُوس ویلے اُوہناں دی یاد وِچ تازہ ہو جاندی اے، تے اُوہناں دے سامنے رکھی جاندی اے … کُجھ دا ذہن خاص طور تے کسی خاص مشق تے لگا ہویا اے جیس وِچ اُو ملوث نے۔ بعض اپنے دِلاں دی لغزش تے شرارت نوں ویکھ کے خاص طور تے قائل ہو جاندے نے۔ بعض دے خیال نال اُوہناں دے نیڑے بدعنوائی دی کسی خاص مشق دی ہولناکی اے … جیس نال خدا دے خلاف دِل دی دشمنی ظاہر ہوئی اے۔ کُجھ خاص طور تے بے اعتقادی دے گناہ دے احساس، مسیح دے ذریعہ نجات دی راہ وِچ اُوہناں دے دِلاں دی مخالفت، تے اُوس [خدا] دے فضل … نوں مسترد کرن وِچ اُوہناں دی ہٹ دھرمی نال قائل ہوندے نے (گذشتہ گل دے تسلسل وِچ ibid.)۔

ایہ سب کُجھ خدا نے گنہگار دے دِل وِچ اُوہنوں ذلیل کرن دے لئی کیتا اے، تے اُوہنوں مسیح وِچ نجات دے لئی تیار کرن دے لئی کیتا اے، جدوں تیکر کہ، آخر کار، ’’مسیح نوں واضح طور تے ذہن دا موضوع بنایا گیا اے، اُوہدی پوری کفایت تے گنہگاراں نوں بچان دے لئی رضامندی دے نال … کُجھ مسیح دی مردی ہوئی محبت دے جلال تے کمال نال متاثر نے؛ تے کُجھ اُوہدے لہو دی کفایت تے قیمت دے نال، جیویں کہ گناہ دا کفارہ ادا کرن دے لئی پیش کیتا گیا اے … کُجھ وِچ مسیح دی فضیلت تے محبت [ذہن وِچ آندی اے] … تے دوجیاں وِچ، مسیح دے ذریعہ نجات دی راہ دی فضیلت ذہن وِچ آندی اے‘‘ (گذشتہ گل دے تسلسل وِچ ibid.)۔

اپنی تبدلی دے بعد لوکی اکثر مذہبی شیواں دے بارے چہ گل کردے نے جیہڑی اُوہناں دے لئی نئی لگدی اے۔ کہ تبلیغ اِک نئی شے اے۔ اینج لگدا اے کہ اُوہناں نے پہلاں کدی تبلیغ نئیں سُنی۔ کہ بائبل اِک نئی کتاب اے … کیوں جے اُو ایہنوں اِک نئی روشنی وِچ ویکھدے نے۔ ایتھے اِک عورت دی اِک قابلِ ذکر مثال اے [70 وریاں توں زیادہ دی عمر دی، جیہڑی اپنی ساری حیاتی گرجا گھر گئی سی]ْ۔ نئے عہدنامہ وِچ گنہگاراں دے لئی مسیح دے دُکھاں دے بارے وِچ پڑھدے ہوئے، اُو جیہڑا کُجھ پڑھدی اے اُوہدے تے اُو حیران ہوندی وکھائی دیہندی اے، [کہ ایہ] حقیقی تے حیرت انگیز سی، لیکن اُوہدے لئی بالکل نیا سی۔ پہلاں … اُوہنے [سوچیا] کہ اُوہنے پہلاں کدی ایہدے بارے چہ نئیں سُنیا سی۔ لیکن فیر [یاد آیا] اُوہنے اکثر ایہدے بارے چہ سُنیا سی، تے ایہنوں پڑھیا سی، لیکن اَج تیکر ایہنوں کدی حقیقی نئیں ویکھیا۔ اُوہنے فیر [سوچیا] کہ ایہ کیہنا شاندار سی، کہ خدا دے پُتر نوں گنہگاراں دے لئی [ایہو جئی مصیبت توں لنگہنا] چائیدا اے، تے اُوہنے کیویں اپنا ویلہ ایہنے چنگے خدا، تے ایہو جئے نجات دہندہ دے خلاف ناشکری دے نال گناہ کرن وِچ لنگہایا [حالانکہ وہ بظاہر] بے عیب تے ناگوار حیاتی گزار رئی سی (گذشتہ گل دے تسلسل وِچ ibid.)۔

اُو جذبات نال ایس قدر مغلوب ہو گئی سی، ایہ سوچ کر کہ یسوع اپنے گناہواں دا کفارہ ادا کرن دے لئی مریا اے، کہ اُوہدے آس پاس دے لوکاں نے سوچیا کہ اُو مر رئی اے!

کُجھ لوکی [مسیح دے لئی] ایہو جئی آرزوواں رکھدے نے … جیہڑے اُوہناں دی فطری طاقت نوں چھین لین۔ کُجھ مسیح دے محبت وِچ مرن دے احساس نال ایس قدر مغلوب ہو چکے نے … جیہڑا جسم نوں کمزور کر دیہندا اے … تے اُوہناں نے خدا دے کمالات دے جلال دے بارے وِچ جدوں بولن دے قابل ہو گئے مسیح وِچ اُوہدے فضل دی حیرت انگیزی تے گل کیتی (گذشتہ گل دے تسلسل وِچ ibid.)۔

ہو سکدا اے تہانوں وی اینج دی ای تبدیلی دا تجربہ ہووے! تہانوں خدا باپ وَلّوں یسوع، نجات دہندہ وَل کھیچیا جائے، جِنہے تہانوں ہر گناہ نوں دھون دے لئی سولی تے اپنا لہو وگایا! خدا دے فضل نال تُسی یسوع دے کول آؤ،

’’خدا دا برّہ جیہڑا جہاں دے گناہ اُٹھا لے جاندا اے‘‘ (یوحںا 1: 29)۔

آئیں تہاڈے گیتاں دے ورق تے حمدوثنا دے گیت نمبر چار نوں کھولیے۔ براہ کرم سارے اِکھٹے کِھلو جاؤ تے ایہنوں دِل نال گاؤ!

افسوس! تے کی میرے نجات دہندہ نے لہو وگایا؟
   تے کی میرا حاکم اعلیٰ مر گیا؟
کی اُو اُوس پاک سر نوں نچھاور کر دے گا
   اِک ایہو جئے کیڑے دے لئی جیویں دا میں آں؟

کی ایہہ اُوہناں جرائم لئی سی جہیڑے میں کیتے
   سولی تے اُو غم تے تکلیف سہندا رہیا؟
حیرت ناک ہمدردی! انجانا فضل!
   تے حد توں وی زیادہ پیار!

چاہے سورج تاریکی چہ چھپ جائے،
   تے اپنا جاہ و جلال اندر چھپا لوے،
لیکن، جدوں عظیم بناون آلا مسیح، مویا
   انسان لئی جہیڑا گناہ دی مخلوق سی۔

لیکن غم دے اتھرو کدی وی ادا نئیں کر سکدے
   اُوس محبت دے قرض نوں جیس دا میں قرضدار آں؛
ایتھے، خداوند، میں خود نوں حوالے کرنا آں –
   ایہو ای اے سب کُج جیہڑا میں کر سکنا آں۔
(’’افسوس! تے کی میرے نجات دہندہ دا خُون بہا سی؟ Alas! And Did My Saviour Bleed?‘‘ شاعر آئزک واٹز، ڈی. ڈی. ، 1674۔1748، ’’ہائے وہ میری خاطر کُھل گیا O Set Ye Open Unto Me‘‘ بیلمونٹ)۔

جے تُسی ڈاکٹر کیگن تے میرے نال مسیح یسوع دے ذریعے نجات دے بارے چہ گل کرنا چاہندے اُو تے مہربانی نال رفاقت آلے وڈے کمرے وَل جان آلے چھوٹے جئے داخلے دی تھاں تے رُکیں، جدوں کہ اَسی اِکٹھے رَل کے ناشتہ کرن دے لئی اُتے جاواں گے۔ خدا باپ تہانوں نجات دہندہ یسوع وَل کھیچے، اپنے لہو دے ذریعے گناہ توں پاک ہون دے لئی۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔