Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




مسیح دی جلالی خوشخبری

THE GLORIOUS GOSPEL OF CHRIST
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

خُداوند دے دِن دی سویرے دِتا گیا اِک واعظ، 19 نومبر، 2006
لاس اینجلز دی بپتسمہ دین آلی عبادت گاہ وِچ
A sermon preached on Lord’s Day Morning, November 19, 2006
at the Baptist Tabernacle of Los Angeles

’’مسیح دے جلال دی خوشخبری دی روشنی‘‘ (2۔ کرنتھیوں 4:4).


شکر گزاری دے موقع تے منادی کرن لئی میں ایس توں بہتر کسی ہُور مرکزی موضوع دے بارے وِچ سوچ نئیں سکیا،

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

پولوس رسول اپنے ذہن وِچ اِک اہم آئیڈیے آلہ بندہ سی۔ وہ مصلوب تے جی اُٹھے مسیح دے جلال دے لئی شکرگزاری کیتے بغیر مشکل نال ہی سوچ یا بول پاندا سی۔ لفظ ’’جلالglory‘‘ دا ترجمہ یونانی لفظ ’’ڈوخشاdoxa‘‘ توں لہیا گیا اے۔ ایس دا مطلب ’’ستائش، تعظیم، پرستش‘‘ ہوندا اے۔ ’’جلالیglorious‘‘ دا مطلب ہوندا اے، ’’تعظیم تے ستائش دے قابل۔‘‘ پولوس رسول دے لئی خوشخبری تمام ستائش، احترام تے تعظیم دے لائق اے، ایہہ تمام ستائش تے تعظیم دے لائق اے، کیوں جے ایہہ ’’مسیح دی جلالی خوشخبری اے۔‘‘ تے، پولوس رسول دے نال، سانوں اپنے سراں تے دِلاں نوں جھکانا چائیدا اے تے مسیح دے پیغام دے لئی تعظیم، تے ستائش تے شکرگزاری کرنی چائیدی اے، جیہڑی سانوں اِخلاقی زوال، تاریکی، گناہ تے جہنم وِچ دائمی سزا توں باہر کڈ لہیاندا اے، ایس ذریعے نال

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

کلام پاک دے ایس حوالے وِچ، رسول ایس حقیقت تے غمزدہ اے کہ اُوتھے لوکی سن جِنہاں نوں اُوہنے تبلیغ کیتی تے جیہڑا اُو ویکھ نہ پائے جو اُوہنے ویکھیا، جیہڑے سچائی نوں گرفت وِچ نہ لے پائے، یا ویکھ پائے،

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

پولوس نوں احساس ہو گیا سی کہ خوشخبری اُوہناں دے لئی لُکی ہوئی سی۔ اُو جانندا سی کہ شیطان نے، اپنی بُری قوت دے ذریعے نال، ’’جلالی خوشخبری‘‘ دے لئی اُوہناں نوں اَنّا کر دِتا سی۔ پولوس جانندا سی کہ جے شیطان نے اُوہناں نوں اَنّا نہ کیتا ہوندا تے خوشخبری دا نور تے قوت اُوہناں دیاں اَکھاں دے اَگے اِک چکا چوند کر دین آلی روشنی وانگوں لشکّدا۔

یسوع نور بخشن دے لئی آیا۔ شیطان اَنّا کرن لئی کم کردا اے۔ مسیح تے شیطان دے خلاف جگن ہر غیرتبدیل شُدہ یا غیر نجات یافتہ بندے دے ذہن تے دِل وِچ ہوندی اے۔ سوال ایہہ اے – کی تُسی مسیح وِچ خدا دی قوت دے ذریعے توں خوشخبری دی روشنی ویکھو گے؟ یا کی تُسی انیہرے وِچ ای رہوو گے؟

اَسی جیہڑے مسیحی نے دعا مانگنے آں کہ خوشخبری دی روشنی تہاڈے دِل نوں چھید ڈالے، تے انیہرے وِچوں نور نوں کڈے۔ دُنیا دے شروع وِچ، خدا نے کہیا،

’’روشنی ہو جا: تے روشنی ہو گئی‘‘ (پیدائش 1:3).

ہُن، ایناں بُرے دِناں وِچ، ایس تاریکی دے گھڑی وِچ جیس وِچ اَسی حیاتی بسر کر رئے آں، اَسی دعا مانگنے آں کہ خُدا اِک وری فیر ساڈے انیہرے ذہن نوں کہوے،

’’روشنی ہو جا۔‘‘

کاش زمانے دے شروع وِچ نور دی تخلیق دا معجزہ تُہاڈی روح وِچ دھرائے، تاں جے تُسی واضح طور تے ویکھ پاؤ

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

ایہہ کیس قدر شاندار شکرگزاری ہووے گی جے کوئی ساڈے گرجا گھر وِچ ایمان دے وسیلے نال مسیح نوں ویکھے، تے اُوہدے توں نور دی اِک جھلک پا لئے، جیہڑی تہانوں مکمل نجات تیکر لہیاندی اے

’’مسیح دے جلال دی خوشخبری دی روشنی۔‘‘

یسوع نے کہیا،

’’اِک گنہگار دے توبہ کرن تے وی خدا دے فرشتیاں دے اَگے خوشی منائی جاندی اے‘‘ (لوقا 15:10).

آسمان دیاں ٹلیاں وجا دیو! اَج عید نوں پھیلا دیو!
   فرشتو [سنو] خوشی دے شادیانیاں دی تال!
مسرت دی خبر نوں دس دیو، ایہنوں دور دور تیکر پھیلا دیو!
   کیوں جے اِک قیمتی جان فیر پیدا ہوئی اے۔
’’آسمان دی ٹلیاں وجا دیوRing the Bells of Heaven‘‘ شاعر ولیم او۔ کُوشنگ William O. Cushing، 1823۔1902)۔

تے میں تہانوں یقین دلانا واں کہ ایس گرجا گھر وِچ وی خدا دے لئی شکر گزاری دی چیخان تے اتھرو ہوون گے، جے کوئی خوشخبری کی روشنی نوں پا لیندا اے تے اَج دی سویر یسوع مسیح دے کول سادہ ایمان دے وسیلے نال آندا اے! ایہہ گل زمین تے ساڈی شکرگزاری نوں آسمان تے اُوس شکرگزاری وگرا بنا ڈالے گی جے تُسی صرف اپنے گوڈیاں تے ہوو تے دِل نوں حلیم کرو تے اَج دا دِن مُکن توں پہلاں خداوند یسوع مسیح دے کول آؤ! ایس لئی اِسی دعا کرنے آں کہ

’’مسیح دے جلال دی خوشخبری دی روشنی، جیہڑی خدا دی صورت اے، [تہاڈے تے] لِشکے [گی]‘‘ (2۔ کرنتھیوں 4:4).

اَج دے ای دِن! ایس مقصد دے نال تے ایس ای دی خاطر، آؤ ساڈی تلاوت دے بارے وِچ بے شمار گلاں تے غور کرو۔

I ۔ پہلی گل، اُوس ناں دے بارے چہ سوچو جیہڑا پولوس نے خوشخبری نوں دِتا

۔

اُوس نے اُوہنوں’’مسیح دی جلالی خوشخبری‘‘ کہیا۔ رسول نے کہیا کہ خوشخبری دا موضوع مسیح اے۔ فرشتیاں نے اُوہدی پیدائش تے خوشخبری دا اعلان کیتا سی۔ اُوہدے مُردیاں وِچوں جی اُٹھن دے بعد، اُوہدے پیروکار، اُوسی سادہ ویمان دے ذریعے نجات دے پیغام دا اعلان کرن لئی تھاں تھاں تے گئے۔ اَج اُو خدا دے سجے ہتھ تے بیٹھا اے، تے تُسی اُوہدے کول ایمان دے وسیلے نال آ سکدے اُو تے معافی تے دائمی حیاتی پا سکدے اُو۔ مسیح خوشخبری دا مصنف اے، خوشخبری دا موضوع اے، تے خوشخبری دا آخر اے – اُو اوّل تے آخر اے، الفا تے اومیگا، خوشخبری دا شروع تے آخر۔ اُو خوشخبری اے! اُو [یسوع] اُوہی پیغام اے جیس دا اَسی اعلان کرنے آں! اُو ساڈی منادی دا موضوع تے مقصد اے!

لفظ ’’گاسپلGospel‘‘ دا مطلب ہوندا اے ’’خوشخبری۔‘‘ تے خوشخبری ایہہ اے – ’’یسوع مسیح ایس دُنیا وِچ گنہگاراں نوں بچان لئی آیا‘‘ (1تیموتاؤس1:15)۔ اُو ’’مسیح دی جلالی خوشخبری دی روشنی‘‘ اے (2کرنتھیوں4:4)۔ مسیح دی خوشخبری گنہگاراں نوں اُوس ویلے بچا لیندی اے جدوں اُو اُوہنوں سُنندے نے تے اُوس [یسوع] دے کول ایمان دے نال آندے نے۔ خوشخبری ساڈی مسیح وَل نشاندہی کردی اے۔ ایہہ ساڈی منادی دا موضوع اے، ساڈے ایمان دا روح رواں اے، تے ایہہ یسوع مسیح، خداوند دے پُتر نوں ہمیشہ لئی جلال بخشدا اے!

مسیح دی جلالی خوشخبری دا کوئی مقابلہ نئیں اے۔ پولوس رسول دے لئی ساری دُںیا وِچ ایہدے نال موازنہ کرن لئی کج وی نئیں سی۔ رسول دا خوشخبری دی منادی کرنا کدی وی یہودیت یا کافریت یا سٹوایکز Stoics یا روم دی ایپی کیوریئینزEpicureans of Rome دے نال مقابلہ نئیں سی۔ پولوس دے ذہن وِچ ’’مسیح دی جلالی خوشخبری‘‘ دے نال موازنے وِچ اُوہناں دی تعلیمات غیر اہم سن۔ مسیح دی خوشخبری اُو اہم گل سی جنہے اُوہدے ذہن نوں گھیریا ہویا سی، تے اُوہدی منادی دا، اُوہدی تحریراں دا تے اُوہدے خیالات دا مرکزی موضوع سی۔ ایہہ گل صرف پولوس دے نال ای سچی نئیں اے۔ مسیح دی جلالی خوشخبری ساری بائبل دے انتہائی دِل وِچ پہناں اے۔ پیدائش توں لیکے مکاشفے تیکر، تشبیہات دے ذریعے، پیشن گوئیاں دے ذریعے، واضح بیانات دے ذریعے، مسیح دی جلالی خوشخبری تمام پاک صحائف دا مرکزی موضوع اے!

ایہہ واعظ سپرجئینSpurgeon دے پیغام ’’مسیح دے جلال دی خوشخبریThe Gospel of the Glory of Christ‘‘ دی اِک انتہائی سادہ کیتی گئی ذرا جہئی تبدیل شُدہ نقل اے (دی میٹروپولیٹن عبادت گاہ دی واعظ گاہ The Metropolitan Tabernacle Pulpit، نمبر2,077)۔ سپرجیئن نے کہیا،

خوشخبری دا جلال… انتہائی حد تیکر ساڈے خدا دی ہستی وِچ پنہاں اے… خدا دے فرشتیاں دے نال اَسی یسوع مسیح دی خدا دی حیثیت نال پرستش کرنے آں۔ [اُو] انسان وی اے – ساڈے ای وگرا اِک انسان، ایس رعایت دے نال، کہ اُوہدے وِچ قدرتی اخلاقی زوال [بدکاری] دا کوئی وی دھبہ نئیں اے، گناہ دے کسی وی عمل نے کدی وی اُوہدے کردار تے کوئی داغ نئیں لایا۔ اُوہدے جلال نوں ویکھو جیہڑا پُراسرار طور تے اِک ای ہستی وِچ خدا تے انسان ہو کے متحد اے! اُو بے نظیر اے: وہ باپ دے جلال دی لِشّک اے، تے بدقسمتی دے لئی پیدا ہویا پرہا اے۔ ایہہ خوشخبری اے – کہ آپئے خدا دے پُتر نے جلالی طور تے [انسانیت] دی نجات دا بیڑا چُکیا تے ایسی لئی انسان بنیا، تے ساڈے درمیان خیمہ زن ہویا، تے اِسی اُوہدے جلال نوں ویکھیا (ibid.، صفحہ 171)۔

ستائش تے تعظیم تے جلال یسوع دے لئی اے، نا صرف ایس لئی کہ جو کُج اُو اے، بلکہ اُوہدی اُوہناں لوکاں لئی اُوس محبت لئی وی جنہاں نوں بچان لئی اُو آیا،

’’اُو اپنے لوکاں نال جیہڑے دُنیا وِچ سن، محبت کردا سی تے اُوہدی محبت اُوہناں نال آخری ویلے تیکر قائم رئی‘‘ (یوحنا 13:1).

مسیح دی اُوہناں لوکاں دے لئی محبت جنہاں نوں اُوہنے نجات دلائی کدی وی نئیں مُکے گی۔ تے ساڈے لئی اُوہدی محبت دا جلال بغیر ابتدا دے، بغیر تبدیلی دے، بغیر خاتمے دے اے۔ ایہہ ای خوشخبری دی انتہائی حیاتی دا لہو اے۔ یسوع گنہگار دا بیلی اے!

یسوع، میری روح دے محبوب،
   مینوں اپنے سینے نال لِپٹن دے،
جدوں تیکر بوہتی نیڑے پانیاں وِچ لہراں نیں،
   جدوں تیکر طوفان زوراں تے اے۔
(تیرے وِچ چھپن نالHiding in Thee ‘‘ شاعر ولیم او۔ کُشینگ William o. Cushing، 1823۔1902)۔

ایس دے بعد اَسی مسیح دے جلال نوں اُوہدے متجسم ہون وِچ ویکھنے آں۔ اُو بیت اللحم چہ دُنیا وِچ آیا، تے ناصرت وِچ پرورش پا کے آدمی بنیا۔ بیشک اُو اِک کمتر ترکھان دی زمینی پُتر سی، ایہدے باوجود سارے زمانیاں تیکر دے لئی ایہہ خدا تے انسان دے درمیان مصالحت کروان آلے دا جلال ٹھہرائے گا، کہ اُوہنے خود دی بے عزتی کروائی، کہ اُوہنے خود نوں کمتر کروایا، ساڈے وانگوں انسان بن کے۔ اُوہدے غربت تے شرمندگی وِچ جلال اے، اپنا سر کدرے وی نہ ٹپکان وِچ اُوہدا جلال اے، تے اُوہدی خستہ حال تے بُھک وِچ جلال اے، گتسمنی وِچ تے اُوہدے خونی پسینے وِچ جلال اے، گناہ دی ادائیگی دے لئی صلیب تے اُوہدی قربانی وِچ جلال اے۔ جیہڑا اُوہنے اپنے تے تھوکے جان تے کوڑے کھان نوں برداشت کیتا اُوہدے وِچ جلال اے، اُوس درد وِچ جلال اے جیہڑا اُوہنے جدوں اُوہدے ہتھاں تے پیراں وِچ کیل ٹھونکے گئے اُوہدوں محسوس کیتا۔ متجسم خدا، انسانی جسم چہ مسیح وِچ، فضل تے محبت دا جلال ویکھیا جاندا اے، جیہڑا صلیب تے اپنی اذیتاں دے ذریعے نال گنہگاراں دے لئی نجات لہیاندا اے۔ تے، اُوہناں لئی جیہڑے مجرم نے تے گناہ دے قائل نے، ایہو نجات دی انتہائی خوشخبری اے! اُوہدی اذیتاں دے وسیلہ نال جیہڑیاں اُوہنے ساڈی خطاواں دا کفارا ادا کرن دے لئی برداشت کیتیاں، اَسی ویکھنے آں کہ خدا دا پُتر گنہگاراں دے لئی محبت تے ترس ظاہر کردا اے۔ ایہہ اے

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

’’تے اُوہنے انسانی شکل وِچ ظاہر ہو کے، اپنے آپ نوں فروتن کیتا تے موت بلکہ صلیب موت تیکر فرمانبردار رہیا‘‘ (فلپیوں 2:8).

صلیب تے اپنی موت وِچ اُوہنے موت تے فتح پائی تے ابلیس تے قابو کیتا۔ تے اُوہدی قربانی توں تعلق رکھدی ہوئی موت نے ساڈے گناہ نوں دھو ڈالیا تے خدا دی شریعت نوں پورا کیتا۔ ایہہ اے ساڈی نجات دی خوشخبری۔ ایہہ اے

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

ایس توں وی اَگے ویکھیا جاوے تے اَسی اُوہدے جی اُٹھن دے جلال نوں ویکھنے آں۔ اُوہنوں موت دیان زنجیراں وِچ جکڑیا نہ جا سکیا۔ جی ہاں، اُو واقعی چہ صلیب تے قربان ہویا سی۔ مگر خدا اُوہدے جسم نوں گلدا سڑدا ہویا نئیں ویکھ سکدا سی۔ تے ایویں، کُج ویلے تیکر قبر وِچ رہ چکن دے بعد، اُو مُردیاں وِچوں جی اُٹھیا، تے اُوہناں تمام دے لئی جیہڑے اُوہدے تے پروہسا کردے نے روشنی تے آزادی لیہایا – اُوس زندہ مسیح نے اپنے جسمانی طور تے خود موت توں جی اُٹھن دے وسیلہ نال جلال بخشیا، تے نسل انسانی دے لئی لیہایا

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

اوہ، ایمان دے وسیلے توں ساڈے جی اُٹھے نجات دہندہ تے خداوند دے جلال نوں ویکھو!

اِک وری فیر، ایمان دے وسیلہ نال اپنی نظراں نوں چُکو تے مسیح دے جلال تے نظر پاؤ جیہڑا خدا دے سجے ہتھ تے تخت تے بیٹھا ہویا اے، تے اپنی فاتحانہ آمد ثانی تے زمین تے تقریباً دوبارہ آن ای آلا اے! اُو ہُن خدا باپ دے سجّے ہتھ تے تخت تے بیٹھا ہویا اے۔ اُو ساڈے لئی اُوتھے دعا مانگدا اے۔

’’اُو [ساڈی] شفاعت کرن دے لئی ہمیشہ زندہ اے‘‘ (عبرانیوں 7:25).

تے جدوں زمین تے ساڈے دِن پورے ہوندے نے، تے ایہہ زمانہ مُکن تے آندا اے، مسیح یسوع دوبارہ آوے گا۔ بادلاں نوں چیردا ہویا،

’’ایہو ای یسوع، جیہڑا تہاڈے کولوں آسمان تے چُکیا گیا [سی]، اینج ای فیر آئے گا جیویں تُسی لوکاں نے اُوہنوں آسمان تے [اُوتے جاندیاں] ویکھیا اے‘‘ (اعمال 1:11).

اُوس مقررہ گھڑی تے، مسیح جلال وِچ اپنے تخت نوں چھڈے گا، تے آسمان توں ہیٹاں آئے گا، ساری زمین تے حکمرانی کرن دے لئی۔ تے جدوں اُو ایس زمین تے آسمان توں واپس آئے گا،

’’اُوہدی پوشاک تے ران تے ایہہ ناں لکھیا ہویا [ہووے گا]، بادشاہواں دا بادشاہ، تے خداونداں دا خداوند‘‘ (مکاشفہ 19:16).

تے اُو اِک ہزار وریاں تیکر ساری روئے زمین تے قوت وِچ حکمرانی کرے گا! ایہہ، وی، اے

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

ایہہ اے او تکمیل، ساڈے خداوند یسوع ’’مسیح دے جلال دی خوشخبری دی روشنی‘‘ دی اُوس پیشن گوئی دا مکمل طور تے پورا ہو جانا!

II ۔ دوسری بات، خوشخبری کی روشنی کے بارے میں سوچیں

۔

رسول ’’مسیح دی جلالی خوشخبری دی روشنی‘‘ دے بارے وِچ گل کردا اے۔ اُو روشنی اِک بے نقاب روشنی اے۔ پرانے عہد نامے دے صحائف وِچ بوہتی زیادہ روشنی سی، لیکن اُو پردے وِچ سی تے ایس قدر واضح نئیں سی جیویں ایہہ مسیح وِچ اے۔ اُو آں آلی گلاں تے پرچھایاں تے تشبیہات وِچ روشنی پیش کیتی گئی سی۔ لیکن جدوں مسیح زمیں تے آیا، تے اُو پردہ ہٹا دِتا جاندا اے، تے سب کُج کُھلا تے واضح ہو گیا۔

ساڈی منادی وِچ کُج وی چُھپا ہویا نئیں اے۔ اَسی چند آزاد خیال مبلغین وانگوں نئیں آں جیہڑے اِک گل وِچ یقین رکھدے نے مگر لوکاں نوں کُج ہُور ای تبلیغ کردے نے۔ جی نئیں! اِک ہزار وری نئیں! اَسی صرف اُوس دی ای منادی کرنے آں جیس تے یقین رکھنے آں۔ خوشخبری روشنی اے، تے ایہہ اُو روشنی اے جنہوں چُھپا ہویا نئیں ہونا چائیدا اے بلکہ ہر کسی نوں دور دراز تیکر اعلانیہ دسنا چائیدا اے،

’’ایس لئی میں انجیل [خوشخبری] توں نئیں شرماندا کیوں جے اُو ہر ایمان لہیان آلے دی نجات دے لئی خدا دی قدرت اے‘‘ (رومیوں 1:16).

ایس لئی میں مسیح دی خوشخبری توں نئیں شرمندہ ہوندا۔ اَسی اُوہدی منادی سارے لوکاں وِچ بغیر خوف تے طرفداری دے کرنے آں، کیوں جے ایہہ اے

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

خوشخبری دے کوئی قیمت نئیں ہوندی جدوں تیکر کہ ایس دی منادی نہ کیتی جائے، جدوں تیکر ایس دی روشنی گناہ نال انیہرے وِچ گِھرے مرداں تے عورتاں دیاں روحواں وِچ داخل نئیں ہو جاندی۔

خوشخبری اُو روشنی اے جیہڑی تنہا مسیح توں آندی اے۔ تُسی خُوشخبری نوں منور نئیں کر سکدے۔ ایہہ بذات خود اِک نور اے۔ میں اِک احمق ہوواں گا جے میں اِک موم بتی لے کے تے ایس نوں استعمال کر کے لوکاں نوں سورج وکھاں دی کوشش کراں گا!

لوکی خوشخبری دی روشنی نوں فلسفے یا وجوہات یا ایتھوں تیکر کہ فضیح منادی دے ذریعے توں وی نئیں ویکھ سکدے۔ لوکاں نوں ایس دی روشنی تے جلال وکھان لئی خوشخبری دی سادہ منادی ای اے جیس دی تمام تر لوڑ اے۔ میں خواہش کرنا واں کہ میں تہاڈے درمیان غیرنجات یافتہ لوکاں نوں قائل کر پاواں کہ اُو ہر شامی خود نوں بستر تے لے جان توں پہلاں اپنی بائبل وِچوں مسیح دے مصلوب ہون نوں پڑھن تے مطالعہ کرن۔ میں یقین کرنا واں کہ اُو روشنی جیس دی کرناں صلیب وِچوں پھوٹدیاں نے تہاڈی اَنکھاں کھول دین گے تے تہاڈی روحواں وِچ داخل ہو جائے گی، تے تُسی نجات پا لو گے۔

’’تیرے کلام دی تشریح نور بخشدی اے؛ سادہ لَوحواں نوں سمجھ عطا کردی اے‘‘ (زبور 119:130).

خوشخبری دی روشنی اِک انکشافاتی روشنی وی اے۔ جدوں کدی وی خوشخبری دی روشنی کسی دے دِل وِچ پھوٹدی ہوئی جاندی اے تے ایہہ انیہرے تے گناہ دی لُکی ہویاں گلاں نوں ظاہر کر دیندی اے۔ جیس مسیح دے جلال نوں ویکھا جاندا اے، فیر تُسی خود اپنے گناہ دی بھرپوری تے شرمندگی نوں ویکھ پاؤ گے۔ اَسی کدی وی خود اپنے اخلاقی زوال تے گناہ نوں ایس قدر بخوبی نئیں ویکھ سکدے جیویں اَس اُودھوں ویکھدے نے جدوں مسیح دے جلال دی روشنی ساڈے تے چمکدی اے۔ ایہہ کِنا وڈا انکشاف اے جدوں مسیح دی روشنی ساڈے دِل دے خفیہ خانیاں وِچ چمکدی اے، تے اُوتھے لُکے ہوئے سارے دے سارے بُت اپنی تمام تر کراہتی مضحکہ خیزی وِچ نظر آ جاندے نے! کاش خدا ایہہ روشنی تہادے لئی پیجے تہانوں تہاڈے اندرونی تے بیرونی گناہواں نوں وکھان دے لئی۔

لیکن خوشخبری دی روشنی حیاتی وی بخشدی اے۔ کوئی وی دوجی روشنی اُوہناں نوں جیہڑے ’’قصوراں تے گناہواں وِچ مُردہ‘‘ نے حیاتی نئیں بخشدی (افسیون2:1)۔ مگر خوشخبری دی روشنی دے وسیلے نال اَسی ’’اکٹھے مسیح دے نال زندہ کیتے جانے آں [فیر حیاتی پانے آں]‘‘ (افسیوں2:5)۔ اُو اِک نیا جنم ہوندا اے، جیہڑا اِس ذریعے نال انسان دے کول آندا اے۔

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

تے اَخیر وِچ، مسیح دی خوشخبری اُو روشنی اے جیہڑی امن تے خوشی نوں تخلیق کردی اے۔ مسیح دی خوشخبری دی روشنی تہانوں مُسرت نال بھرپور کر دے گی جدوں تُسی خداوند یسوع مسیح دے کول آؤ گے! اِک بندہ شدید طور تے اُداس نئیں ہو سکدا جیہڑا مسیح دی جلالی خوشخبری دی روشنی نوں ویکھ چُکیا ہوندا اے! یقینی طور تے خُدا دے پُتر دی جلالی خوشخبری دی روشنی تہاڈے اُداس دِل دی اُداسی نوں دور کرے گی تے تہانوں اُمید تے سکون بخشے گی۔ خُدایا بخش دے کہ کاش اسی سارے دے سارے لوکاں وچ مسیح دی خوشخبری دی روشنی دے وسیلے نال ودھ توں ودھ جوش آ جائے!

III ۔ تیجی گل، سوچو تہانوں مسیح دی خوشخبری دی روشنی نال کی کرنا چائیدا اے۔

ایہنوں قبول کرنا چائیدا اے! مسیح دی روشنی ول ویکھنا چائیدا اے! اُوس جلال تے اِک طویل تے ٹھہری ہوئی نظر پانی چائیدی اے، تے مسیح نوں اُوہدی تمام تر خوبصورتی تے قوت تے محبت وچ ویکھنا چائیدا اے! خود نوں ویکھنا تے خود اپنے احساسات نوں چھڈ دیو۔ خود اپنے خیالاں تے تعصبات تے نظر پانا چھڈ دیو۔ کُلی طور تے اپنے توں پرے ویکھو

’’مسیح دے جلال دی خُوشخبری دی روشنی [نوں]‘‘ (2۔ کرنتھیوں 4:4).

مسیح ول ویکھو۔ اُوہدے کول ایمان دے وسیلہ نال آؤ – تے مسیح دی روشنی اینج چمکے گی جیویں خود آسمان دا جلال ہوندا اے!

دوستو، جے تُسی پُچھدے اُو تہانوں مسیح دی خوشخبری دی روشنی نال کی کرنا چائیدا اے تے میں جواب دیاں گا، ایہدی قدر کرو، ایہدی عظیم اہمیت نوں ویکھو۔ یاد رکھو شیطان ایہدے نال کیس قدر نفرت کردا اے۔ اُو لوکاں دیاں اکھاں نوں انھا کرن لئی پریشانی مول لیندا اے، ایس خوف نال کہ کِتھے اُو ایہدی سچائی نوں ویکھ نہ لوے، ایس خوف نال کہ کِتھے اُو اُوہناں لوکاں نوں اپنے غلاماں دی حیثیت نال کھو نہ دوے۔ ابلیس لوکاں دی اندرونی اکھاں وچ بے اعتقادی دی گرم سُلاخاں نوں دھکیل دیندا اے، تے اُوہناں نوں تاریک ترین رات دی انھے پن وچ مہربند کرر دیندا اے، کیوں جے اُو مسیح دی جلالی خوشخبری توں نفرت کردا اے۔ سوچو، جناب، جے ابلیس مسیح دی خوشخبری توں ایس قدر نفرت کردا اے، تے ایس گل نوں یقینی بناؤ کہ تُسی ایہدے نال محبت کرو۔ ایس گل نوں یقینی بناؤ کہ تُسی انتہائی اعتماد دے نال مسیح تے قائم رہوو۔ یاد رکھو کہ یسوع نے کہیا،

’’بُوہے وچ ہوو۔ جے کوئی میرے ذریعہ داخل ہووے تے نجات پائے گا‘‘ (یوحنا 10:9).

اج دی سویر، آؤ ’’مسیح دی جلالی خوشخبری دی روشنی‘‘ نوں اپنے دِل وچ داخل ہو لین دیو تے تہانوں مسیح دے کول جان لئی مجبور کر لین دیو تے اُوسی وچ ’’داخل‘‘ ہو لین دیو! جیس لمحہ [تُسی] ’’داخل ہوو گے نجات پا لوو گے‘‘ (یوحنا10:9)۔ ایمان دے وسیلہ نال، مسیح وچ داخل ہوو۔ ایمان دے وسیلہ نال، مسیح دے کول آؤ۔

’’جے کوئی میرے ذریعہ داخل ہووے تے نجات پائے گا‘‘ (یوحنا 10:9).

کی اج دی سویر تُسی ایمان دے وسیلے نال یسوع مسیح دے کول آؤ گے؟ جے تُسی اُوہدے کول آندے اُو تے اُو تہانوں اپنے توں دور نئیں کرے گا۔

’’مسیح دے جلال دی خُوشخبری دی روشنی‘‘ (2۔ کرنتھیوں 4:4).

تہاڈی روح اُوسی لمحے داخل ہو جائے جدوں تُسی مسیح لئی آؤ گے – تے تُسی اُوس [یسوع] دے وسیلے نال نجات پا لوو گے، ساریاں زباناں تے ساری ابدیت لئی۔

آؤ کھلوو تے گیتاں دے ورق تے حمدوثنا دا اخیرلا گیت اکٹھے گاؤ۔ دِل نال پُکار کے گاؤ!

صلیب دے ہیٹاں جیتھے میرا نجات دہندہ مریا،
   اُوتھے ہیٹاں جیتھے گناہ توں پاک صاف ہون لئی میں پکاریا،
اُوتھے ای میرے دِل تے اُو لہو استعمال ہویا سی؛
   اُوہدے ناں نوں جلال ہووے!
اُوہدے ناں نوں جلال ہووے، اُوہدے ناں نوں جلال ہووے؛
   اُوتھے ای میرے دِل تے لہو استعمال ہویا سی؛
اُوہدے ناں نوں جلال ہووے!
   (’’اُوہدے ناں نوں جلال ہووے Glory to His Name‘‘ شاعرہ علیشاہ اے۔ ہوفمین Elisha A. Hoffman، 1839۔1929)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

مسیح دی جلالی خوشخبری

THE GLORIOUS GOSPEL OF CHRIST

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’مسیح دے جلال دی خوشخبری دی روشنی‘‘ (2۔ کرنتھیوں 4:4).

(پیدائش1:3؛ لوقا15:10)

I.   پہلی گل، اُوس ناں دے بارے چہ سوچو جیہڑا پولوس نے خوشخبری نوں دِتا، 1تیموتاؤس1:15؛ یوحنا13:1؛ فلپیوں2:8؛ عبرانیوں7:25؛ اعمال1:11؛ مکاشفہ19:16 .

II.  دوجی گل، مسیح دی خوشخبری دی روشنی دے بارے وِچ سوچو، رومیوں1:16؛
زبور119:130؛ افسیوں2:1، 5 .

III. تیجی گل، سوچو کہ تہانوں مسیح دی خوشخبری دی روشنی دے نال کی کرنا چائیدا
اے، یوحنا10:9 .