ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
یوحنا بپتسمہ دین آلا اُوہناں لوکاں نال مخاطب ہوندا اے
|
ایتھے یوحنا بپتسمہ دین آلے دا اِک بہوتا ای سادہ جیہا واعظ اے۔ غور کرو کہ [لوکاں دی] کیہنی وڈی تعداد یوحنا دے ذریعے بپتسمہ لین آئی سی۔
’’فیر یروشلم تے سارے یہودیہ تے اردن دے لاگے تاگے دے سارے علاقے اُوہدے کول گئے‘‘ (متی 3: 5)۔
یوحنا دے کول آن آلے زیادہ تر لوکی بپتسمہ لیہنا چاہندے سن۔ لوقا ’’ایس بھیڑ دے بارے وِچ گل کردا اے جیہڑی بپتسمہ لین دے لئی نکلی سی‘‘ (لوقا 3: 7)۔ تے لوقا سانوں دسدا اے کہ یوحنا
’’کہیا … اُوس ہجوم توں جیہڑا اُوہدے کولوں بپتسمہ لین دے لئی آیا سی، اے سَپاں دی نسل، تہانوں کیہنے خبردار کیتا اے کہ آن آلے غضب توں نٹھو؟‘‘ (لوقا 3: 7)۔
ڈاکٹر جان آر رائس نے کہیا،
یوحنا بپتسمہ دین آلے نے [مسیح وِچ ایمان نہ لیہیائے ہوئے] غیر تبدیل شُدہ لوکاں نوں ’’سپاں دی نسل‘‘ کہیا۔ ہر مبلغ نوں چائیدا اے کہ اینج دے ہر کسی بندے نوں تبلیغ کرے جیہڑا توبہ کیتے بغیر تے یسوع تے پروہسا کیتے بغیر پہلاں بپتسمہ لیہنا چاہندا اے … مشکوک صورتاں وِچ، مبلغین نوں، یوحنا بپتسمہ دین آلے وانگوں، ایہناں لوکاں نوں بپتسمہ دین توں انکار کرنا چائیدا اے جیہڑا توبہ دا کوئی ثبوت نئیں وکھاندے نے … مبلغین نوں ایہناں ساریاں لوکاں نوں بپتسمہ دین دی لوڑ نئیں اے جیہڑے بپتسمہ دین دے لئی درخواست دیہندے نے۔ یا تے خود مبلغ نوں، غیرمعمولی معاملات وِچ، جیویں کہ یوحنا بپتسمہ دین آلے نے کیتا سی تے جیویں کہ خواجہ سرا دے معاملے وِچ فلپ نے کیتا سی (اعمال 8: 37)، ایہ دسنا چائیدا اے کہ آیا بندے مسیح تے پروہسا کرن دا ثبوت وکھاندے نے، یا جمع ہون آلے مسیحیاں دے اِک گروہ نوں ایس معاملے نوں اَگے ودھانا چائیدا اے جیویں کہ یہودی مسیحی جیہڑا پطرس دے نال کورنیلیس دے گھر آئے سن۔ اِک جماعت نوں بپتسمہ دے لئی قبول کرن آلیاں نوں منظور کرن دا رواج ایویں صحیفائی اے (جان آر. رائس، ڈی ڈیJohn R. Rice, D.D.، یہودیوں دا بادشاہ: متی تے آیت بہ آیت تفسیرThe King of the Jews: A Verse-by-Verse Commentary on Matthew، سورڈ آف دی لارڈ پبلشرز، 1980 دوبارہ اشاعت، صفحہ 57)۔
’’مشکوک معاملات وِچ، مبلغین نوں چائیدا اے … ایہناں لوکاں نوں بپتسمہ دین توں انکار کرنا جیہڑے توبہ دا کوئی ثبوت نئیں وکھاندے نے‘‘ (ibid.) ’’یوحنا بپتسمہ دین آلے نے [مسیح وِچ ایمان نہ لیہیائے ہوئے] غیر تبدیل شُدہ لوکاں نوں ’سپاں دی نسل‘ کہیا۔ ہر مبلغ نوں چائیدا اے کہ اُو کسی ایہو جئے بندے نوں تبلیغ کرے جیہڑا توبہ تے یسوع تے پروہسا کیتے بغیر پہلاں بپتسمہ لینا چاہندا اے‘‘ (ibid.)۔
کی یوحنا بپتسمہ دین آلا غلط سی کہ اُوہنے ایہناں نوں ’’سپاں دی نسل‘‘ کہیا؟ میں اینج نئیں سوچدا۔ میرے خیال وِچ اُو ایہناں دی فطری خرابی وَل اشارہ کر رہیا سی۔ یوحنا بپتسمہ دین آلا جانندا سی کہ انسان اِخلاقی زوال پزیر مخلوق اے۔ اُو جانندا سی کہ [مسیح وِچ ایمان نہ لیہایا ہویا] اِک غیر تبدیل شُدہ شخص ’’تہاڈے ذہن وِچ اجنبی تےدشمن اے‘‘ (کلسیوں 1: 21)۔ ایہ [مسیح وِچ ایمان نہ لیہیائے ہوئے] ہر غیر تبدیل شُدہ شخص دی تفصیل اے – ’’تہاڈے ذہن وِچ اجنبی تے دشمن۔‘‘ غیر تبدیل شُدہ [مسیح وِچ ایمان نہ لیہایا ہویا] آدمی خدا توں بیگانہ اے۔ یوںانی لفظ جیس دا ترجمہ ’’اجنبی‘‘ کیتا گیا اے ایہدا مطلب اے ’’منقطع کرنا‘‘۔ ڈبلیو ای وائنW. E. Vine، جیہڑے بائبل دے الفاظ دے اِک عظیم ترجمان نے اُوہناں نے کہیا کہ یوںانی لفظ ’’سماجی طور تے منحرفalienated‘‘ دا مطلب اے کہ [مسیح وِچ ایمان نہ لیہایا ہویا] غیر تبدیل شُدہ آدمی ’’تین گناہ بیگانگی دی حالت وِچ اے – اسرائیل دی دولت توں [منقطع]، خدا دی حیاتی توں تے خود خدا توں منقطع‘‘ (ڈبلیو ای وائن W. E. Vine، نئے عہدنامے دے الفاظ دی تفسیراتی لغت An Expository Dictionary of New Testament Words، فیلیمنگ ایچ۔ ریویل کمپنی Fleming H. Revell Company، 1966 دوبارہ اشاعت، صفحہ 45)۔
غیر تبدیل شُدہ [مسیح وِچ ایمان نہ لیہایا ہویا] مرد یا عورت، اسرائیل دے وعدیاں توں منقطع قائم کِھلوتا ہویا اے، خدا دی حیاتی توں منقطع، تے خود خود توں منقطع اے۔
لیکن فیر رسول کہندا اے کہ تُسی ناصرف سماجی طور تے منحرف اُو بلکہ خدا توں وی منقطع اُو، ورنہ تُسی ’’اپنے ذہناں وِچ دشمناں‘‘ وانگوں اُو (کُلسیوں 1: 21)۔ ایہ حقیقت کہ تُسی خدا توں انسانی گناہ دے ذریعے منقطع ہو گئے اُو، جیہڑا آدم توں آندا اے، تے ساری بنی نوع انسان تیکر پہنچایا گیا اے، تہانوں خدا دا فطری دشمن بنا دیہندا اے،
’’جِسمانی نیّت موت اے… کیوں جے جسمانی نیت [جسمانی طور تے، مسیح وِچ ایمان نہ لیہایا ہویا غیر تبدیل شُدہ ذہن] خدا دے خلاف دشمنی اے‘‘ (رومیوں 8: 6-7)۔
رومیوں 8: 7ویں آیت تے تبصرہ کردے ہوئیاں، پر تبصرہ کرتے ہوئے، بائبل دی اِصلاح دا مطالعہ The Reformation Study bible کہندی اے،
’’خدا دی دشمنی۔ خالص خدا مخالف دشمنی … [مسیح وِچ ایمان لیہیا کے تبدیل ہون توں پہلاں] ہر اِک دا حقیقی معنیاں وِچ ذہنی طور تے تیار ہونا اے۔ [مسیح وِچ ایمان نہ لیہایا اِک غیر تبدیل شُدہ] فطری شخص خدا نوں اپنا دشمن سمجھدا اے‘‘ (بائبل دی اصلاح دا مطالعہ The Reformation Study Bible، لیگونیئر منسٹریز، 2005، رومیوں 8: 7 پر تبصرہ، صفحہ 1625)۔
تُسی ایہدے توں جِنہا وِی انکار کرو، صحیفے کہندے نے کہ [مسیح وِچ ایمان نہ لیہایا ہویا] غیر تبدیل شُدہ ذہن دراصل خدا دے خلاف اے۔ تُسی احتجاج کر سکدے اُو کہ ایہ سچ نئیں اے، لیکن تہاڈا دماغ ایہدی سچائی نوں ظاہر کردا اے۔ خدا دے خلاف تہادے اپنے تعصبات نے۔ تہاڈا دماغ ایس گل نوں قبول نئیں کرے گا جیہڑی خدا نے کلام وِچ کہی اے، تے تُسی یسوع دے کول نئیں آؤ گے، تے اُوہدے قدماں وِچ نئیں ڈِگو گے۔ تُسی اُوہنوں نجات دہندہ تے خداوند دے طور تے تسلیم نئیں کرو گے۔ ایہنوں اِک حقیقی محور دے طور تے اپناؤ۔ تہاڈے معاملے وِچ جیہڑیاں وی تفصیلات ہون تے اِختلافات ہون، ایہ خام حقیقت اے کہ تُسی مسیح دی تلاش نئیں کردے، تے نجات دے لئی اُوہدے کول نئیں آؤ گے، ایہ ظاہر کردا اے کہ ایہ آیت کیہنی گہرائی وِچ سچی اے؛ تہاڈا جسمانی دماغ خدا دے خلاف، خدا دا دشمن اے۔ جدوں خدا ایہنے واضح تے پیار نال تہانوں مسیح دے کول آن دے لئی کہندا اے، تے تُسی اینج نئیں کرو گے۔ تے، تہاڈی مسیح دے کول نہ آن دی وجہ ایہ اے کہ تُسی مخالف اُو، تہاڈا دِل، اپنی خراب حالت وِچ، مسیح نوں نئیں چاہندا۔ ایویں، تُسی خدا دے فطری دشمن اُو، جے (تے میں کہہ سکنا آں، خاص طور تے جے) تُسی مسیح دے کول آن توں انکار کردے اُو۔ مسیح دا اینج دا انکار اِک مُردہ تحفہ اے کہ تہاڈا دماغ یسوع دے خلاف اے، پاویں تُسی جو وی ’’لفظی کھیل‘‘ کھیڈو، ایہ ثابت کرن دی کوشش کرو کہ تُسی مسیح دی دشمن نئیں اُو۔
کُجھ [لوکی] کہہ سکدے نے، ’’لیکن، میں مسیح دا دشمن نئیں بننا چاہندا۔‘‘ جے تُسی ایہ کیہن وِچ مخلص اُو، تے سامنے آؤ تے اپنے آپ نوں یسوع دے قدماں دے حوالے کر دیو – تے اُو تہانوں اِک ای ویلے وِچ نجات دی برکات عطا کرے گا!
جیس لمحے اِک گنہگار یقین کردا اے،
تے اپنے مصلوب خدا تے پروہسا کردا اے،
اُوہدی معافی اُوہنوں فوراً لبھدی اے،
اُوہدے لہو دے ذریعے مکمل نجات۔
(’’گناہ دا یقین کرن آلا لمحہ The Moment a Sinner Believes‘‘ شاعر جوزف ہارٹ Joseph Hart، 1759).
لیکن ایہتھے کُجھ ایہو جئے نے جیہڑے یسوع تے یقین نئیں کرن گے تے پروہسا نئیں کرن گے، جِنہاں نوں مسیح دی مخلصانہ معافی نئیں لبھے گی، حالانکہ جیس لمحے اُو یسوع دے کول آندا اے، ایس ای لمحے وِچ، ’’ جیس لمحے اِک گنہگار یقین کردا اے۔‘‘ ’’اُوہدی معافی اُوہنوں فوراً لبھ جاندی اے، اُوہدے لہو دے ذریعے توں مکمل نجات۔‘‘
لیکن، جے تُسی خدا دے نال اپنی باطنی دشمنی تے ٹردے اُو، جیویں کہ اُوہناں وِچوں بہتیرے لوکاں نے کیتا جیہڑے اُوس دِن یوحنا نوں بپتسمہ دیہندے ہوئے ویکھن دے لئی دریائے یردن تے آئے سن، تے کی ایہ درست نئیں کہ یوحنا تہانوں وی ’’سپاں دی نسل‘‘ کہندا اے؟
لیکن ہُن اَسی متی 3: 9-10 وِچ خود تلاوت تیکر پہنچنے آں۔ تے ایتھے سانوں تین روشن خیال بیانات لبھدے نے جِنہاں دی یوحنا نے تبلیغ کیتی، تے اَسی دریافت کراں گے کہ اُوہنے جو کُجھ کہیا اے اُو براہ راست تہاڈے وِچوں بعض تے لاگو ہوندا اے۔
I۔ پہلی گل، مسیحی پس منظر توں تعلق رکھن آلے اکثر لوکی مسیح وِچ ایمان لیہیائے بغیر [غیر تبدیل شُدہ] رہندے نے۔
ایہ بہوتی افسوسناک گل اے، لیکن تجربہ تے کلام دسدا اے کہ ایہ سچ اے۔ نویں آیت نوں ویکھو۔ کِھلو کے ایہنوں اُوچی واج نال پڑھو۔ یسوع نے کہیا،
’’خود توں ایس گمان وِچ نہ رہنا کہ اَسی تے ابراہا دی اولاد آں …‘‘ (متی 3: 9)۔
تُسی بیٹھ سکدے اُو۔ ایہ یہودی لوکی اُوہناں نوں بچان دے لئی اپنے نسب تے منحصر سن۔ میں پورے دِل نال اُمید کرنا آں کہ تُسی ایہو جئی غلبی نئیں کرو گے۔ فیر وی میہنوں ڈر اے کہ تہاڈے وِچوں کُجھ لوکی ایہ احمقانہ غلطی کر رئے نے۔
تُسی سوچ سکدے اُو کہ تہاڈے خدا پرست والدین دی نجات کسی نہ کسی طرح تہانوں منتقل ہو جائے گی۔ ایہناں وِچوں کُجھ یہودیاں دا ایہو ای خیال سی۔ اُوہناں نے کہیا، ’’اَسی ابراہام دی اولاد آں۔‘‘ آہ، لیکن ایہدے نال اُوہنوں نو کی فائدہ ہویا؟ ہو سکدا اے کہ تہاڈے والد دے طور تے کوئی مُناد موجود ہووے۔ تہاڈے خدا پرست مسیح والدین ہو سکدے نے۔ ہو سکدا اے کہ تہانوں اُوہناں دے ذریعے گرجا گھر وِچ لیہایا گیا ہووے جدوں تُسی بچپن وِچ سی۔ میں جاننا آں کہ تہاڈے وِچوں کُجھ دے بارے چہ ایہ سچ اے۔ لیکن ایہ تہاڈی مدد کیویں کردا اے؟ تخلیق نو دا تجربہ ہر نسل نوں ہونا چائیدا اے – بالکل ایویں ای جیویں ہر اِک نے کافراں دے گھر وِچ پرورش پائی ہووے۔ جوزف ہارٹ، جِنہاں دی اِک لمحہ پہلاں حمد دا میں حوالہ دِتا، اُوہدی پرورش اِک بہوتے ای خدائی گھر وِچ ہوئی۔ لیکن ایہدے نال اُوہنوں تھوڑا ای فائدہ ہویا۔ اُو دھیرے دھیرے اپنے ماں پیو دے گرجا گھر توں الگ ہو گیا، تے یسوع دا کُھلا دشمن بن گیا۔ ایہدے لئی ایہ ممکن نئیں سی کہ اُو اپنے شریر دِل نوں بدل سکے۔ صرف خداوند دا فضل ای اینج کر سکدا اے۔ شکر اے، اِک طویل تے تلخ جدوجہد دے بعد، جوزف ہارٹ سرنگوں ہویا – تے مسیح دے کول آیا۔ ایہ مسیح وِچ ایمان لیہیان دی ایہنی فوری تبدیلی سی کہ لندن وِچ بُہتیرے لوکی حیران رہ گئے کہ خدا نے کیہنی چھیتی انسان دا دِل بدل دِتا۔ لیکن جوزف ہارٹ نوں معلوم سی کہ اُوہدی کیہنی تیزی نال ایہ حتمی تبدیلی واقع ہوئی۔ تے ایویں، اُوہنے لکھیا،
جیس لمحے اِک گنہگار یقین کردا اے،
تے اپنے مصلوب خدا تے پروہسا کردا اے،
اُوہدی معافی اُوہنوں فوراً لبھدی اے،
اُوہدے لہو دے ذریعے مکمل نجات۔
اگرچہ ہارٹ دی پرورش خوشخبری دی منادی کرن آلے گھر تے کلیسیا وِچ پیدائش نال ہوئی سی، لیکن اُو اُوس ویلے تیکر مسیح وِچ ایمان لیہایا کے تبدیل نئیں ہویا سی جدوں تیکر کہ ’’اُوس لمحے‘‘ (اُوہدے الفاظ) اُو ایمان دے نال یسوع دے کول نئیں آیا تے ’’اُوہدے لہو دے ذریعے مکمل نجات‘‘ نئیں پائی۔
تے میں تہانوں کہنا آں، ایہدے نال کوئی فرق نئیں پیہندا اے کہ تُسی گرجا گھر وِچ کیہنے ویلے توں آ رئے اُو، پاویں تُسی کیہنیاں ای بائبل دیاں آیتاں حفظ کر لیہیاں ہون، پاویں تُسی ہر اِتوار نوں کیہنی ای دیر تیکر گرجا گھر وِچ گئے اُو، تہاڈے لئی کوئی نجات نئیں ہووے گی جدوں تیکر کہ تُسی اپنے لئی ایس بحران دا تجربہ نہ کرو۔ مسیح وِچ ایمان لیہیان دی بحرانی تبدیلی ای بائبل وِچ پائی جان آلی اُو واحد قسم اے۔ صدیاں دے سارے عظیم مبلغین نوں ایس بحران توں لنگہنا پیہیا – کیوں جے بحران دی تبدیلی ای واحد قسم اے جیہڑی تہانوں عذاب توں نجات وَل موڑ دے گی۔ تے تبدیلی دا بحران ہمیشہ فوری طور تے آندا اے۔ اگرچہ عام طور تے پہلاں بیداری دی مدت ہوندی اے، اصل تبدیل اچانک تے غیر متوقع طور تے آندی اے، جیویں کہ جوزف ہارٹ نے اشارہ کیتا جدوں اُوہنے کہیا، ’’جیس لمحے توں اِک گنہگار یقین کردا اے … اُوہدی معافی فوراً لبھ جاندی اے۔‘‘ اگرجہ تُسی گرجا گھر وِچ کئی وریاں توں رہ سکدے اُو، تہاڈا سخت تے باغی دِل خدا وَلوں ٹوٹ جانا چائیدا اے۔ فیر تُسی حقیقی بحرانی تبدیلی دا تجربہ کرو گے، جیویں کہ پولوس رسول نے کیتا، جیویں کہ آگسٹین نے کیتا، جیویں کہ عظیم اصلاح کاراں نے تے علمبردار مشنریاں نے کیتا سی۔ اوہ، ایہ تہاڈے نال وی ہو سکدا اے۔ گرجا گھر وِچ پرورش پان آلیاں دے لئی نجات دی اُمید اِک منشیات دی عادی یا طوائف توں بہوتی نئیں اے – جدوں تیکر کہ اُوہناں دی اَکھاں نہ کُھلن، تے اُو بحران دے اِک لمحے وِچ مسیح دے کول نئیں آندے نے!
II۔ دوجی گل، غیر مسیحی گھراں توں تعلق رکھنے آلیاں نوں مسیح وِچ ایمان دِلا کے تبدیل کیتا جا سکدا اے، جدوں کہ گرجا گھر وِچ پروان چڑھے بچے گمراہ یا کھوئے ہوئے رہندے نے۔
متی 3: 9 آیت تے فیر نظر پاؤ۔ آؤ کھرے ہوئیے تے ایہنوں اُوچی واج نال پڑھیے۔
’’تے آپئے ایس گماہ وِچ نہ رہنا کہ تُسی کہہ سکدے اُو، اِسی تے ابراہام دی اولاد آں کیوں جے میں تہانوں کہنا آں کہ خدا ایہناں پتھراں توں وی ابراہام دے لئی اولاد پیدا کر سکدا اے‘‘ (متی 3: 9)۔
تُسی تشریف رکھ سکدے اُو۔
ڈاکٹر گِل نے کہیا کہ ’’پتھر‘‘ غیر قوماں تے ’’اَدھے یہودی‘‘ سامریاں وَل اشارہ کر سکدے نے جیہڑے اُوہتھے موجود سن، یا مسیح دریائے اردن دے پتھراں دا حوالہ دے رہیا ہووے گا، جیتھے اُو بپتسمہ دے رہیا سی۔ میں ذاتی طور تے پہلے نقطہ نظر وَل جھکاؤ رکھنا آں، کیوں جے اَسی لوقا 3 دی موازی حوالے وِچ پڑھنے آں کہ رومی سپاہی ایہناں لوکاں وِچ شامل سن جِنہاں نے اُوس دِل نجات پائی سی تے بپتسمہ لیہیا سی (ویکھو لوقا 3: 14)۔ ایہ ایویں ای اے جیویں یوحنا بپتسمہ دین آلا یہودیاں نوں کہہ رہیا سی، ایہ کھردرے رومی سپاہی، پتھر دے ظالم دِل دے نال، مسیح وِچ ایمان لیہایا کے تبدیل ہو جان گے، کہ ’’خدا ایہناں پتھراں توں ابراہام دے لئی اولاد پیدا کرن تے قادر اے۔‘‘ تے بالکل اینج ای ہویا۔ ایہناں وِچوں بوہتے سارے یہودی ’’سَپاں دی نسل‘‘ بنے رئے (متی 3: 7)۔ لیکن شریر محصول لین آلے تے گناہ نال سخت دِل فوجی آئے تے اُوہناں دی تھاں لے لئی (لوقا 3: 12۔14)۔
ایہدے نال میں صرف اِک ای نتیجہ اخذ کر سکنا آں کہ کُجھ [لوکی] جیہڑے گرجا گھر وِچ پرورش پاندے نے اُو گمراہ یا کھوئے ہوئے رہن گے – جدوں کہ دوجے، جیہڑے غیر مسیحی گھراں توں آندے نے، بزرگ ابراہام دے حقیقی روحانی بچے بن جاندے نے۔
تھوڑی دیر بعد یسوع نے ایس عجیب و غریب واقعہ دے بارے وِچ ہُور وی واضح طور تے گل کیتی جدوں اُوہنے کہیا،
’’میں تہانوں کہنا آں کہل بہتیرے لوکی مشرق تے مغرب توں آ کے ابراہام، اصحاق تے یعقوب دے نال آسمان دی بادشاہی دی ضیافت وِچ شریک ہون گے۔ مگر بادشاہی دے اصل وارثین نوں باہر انہیرے وِچ سُٹ دِتا جائے گا جیتھے اُو روندے تے دند پیہسدے رہن گے‘‘ (متی 8: 11۔12)۔
احتیاط نال غور کرو کہ متی دی انجیل وِچ اِک ہُور تھاں تے مسیح نے کی کیہیا۔ مسیح دی تنبیہ تے دھیان نال توجہ دیو، کیوں جے اُو یقینی طور تے گرجا گھر وِچ [مسیح چہ ایمان نہ لیہیائے ہوئے] غیر تبدیل شُدہ نوجواناں نال درخواست دے ذریعے گل کر رہیا اے۔ مسیح نے کہیا،
’’ایس لئی میں تاہنوں کہنا آں کلہ خدا دی بادشاہی تہاڈے کولوں لے لئی جائے گی تے اُوس قوم نوں جیہڑی پھل لیہیائے، اُوہنوں دے دِتی جائے گی‘‘ (متی 21: 43)۔
اُو مشرق تے مغرب توں آن گے، تے گرجا گھر اُوہناں لوکاں کولوں لے لیہیا جائے گا جِنہاں نے ایہدے وِچ پرورش پائی سی، لیکن [مسیح وِچ ایمان لیہیائے بغیر] غیر تبدیل شُدہ رئے، تے خدا ایہ اُوہناں لوکاں نوں دیوے گا جیہڑے [گرجا گھر وِچ] اندر آئے نے – مشرق تے مغرب توں! ایہ سوچ کے دُکھ ہوندا اے، لیکن بالکل اینج ای ہووے گا ایہناں لوکاں دے نال جیہڑے مسیح دے کول آن توں انکار کردے رہندے نے۔
III۔ تیجی گل، اُو لوکی جیہڑے مسیحی پس منظر دے حامل ہوندے نے تے جیہڑے مسیح وِچ ایمان لیہیائے بغیر [غیر تبدیل شُدہ] رہندے نے، آخرکار، جہنم دی اَگ وِچ جھونکے جان گے۔
مہربانی نال کِھلو جاؤ تے 10 ویں آیت نوں اوچی واج نال پڑھو۔
’’ہُن درختاں دی جڑ تے کلہاڑا رکھ دِتا گیا اے، لہٰذا جیہڑا درخت چنگا پھل نئیں لیہیاندا اُو کاٹا تے اَگے وِچ جھونکا جاندا اے‘‘ (متی 3: 10)۔
تُسی تشریف رکھ سکدے اُو۔ ایتھے گرجا گھر وِچ پرورش پان آلیاں تے اِطلاق درختاں دا حوالہ دین نال ہوندا اے۔ اُو یہودی جِنہاں دی پرورش مذہب وِچ ہوئی سی، اُوہناں نوں تقریباً کدی وی کسی بحرانی تبدیلی دا سامنا نئیں کرنا پیہیا جیہڑی اُوہناں دی حیاتیاں وِچ چنگا پھل لیہیائے۔ تے ایویں ایہ نوجواناں دے نال اے جیہڑے مسیح یسوع وِچ تبدیلی دے گہرے، دِل نال محسوس کیتے گئے بحران دا تجربہ کیتے بغیر گرجا گھر وِچ طویل عرصے تیکر رئے نے۔ جے ایہو ای گل تہانوں بیان کردی اے، تے میں تہانوں خبردار کرنا آں، تُسی اِک دِن چھیتی اے
’’کاٹے جاؤ گے تے اَگ وِچ جھونک دِتے جاؤ گے‘‘ (متی 3: 10)۔
’’تے اُوس نکمے نوکر نوں باہر دی تاریکی وِچ سُٹ دیو: اُوتھے رونا تے دنداں دا پیہسنا ہووے گا‘‘ (متی 25: 30)۔
’’تے ایہ ابدی عذاب وِچ ٹُر جان گے‘‘ (متی 25: 46)۔
[مسیح وِچ ایمان نہ لیہیائے ہوئے] ہر غیر تبدیل شُدہ نوجوان نوں میں خود مسیح دے مُنہ توں ایہ بختہ وارننگ دیہنا آں۔ تہانوں اپنے آپ نوں فروتن کرنا چائیدا اے، تے ایمان دے نال اُوہدے کول آنا چائیدا اے، ورنہ ’’خدا دی بادشاہی تہاڈے کولوں چھین لئی جائے گی، تے اِیک ایہو جئی قوم نوں دِتی جائے گی جیہڑی ایہدا پھل لیہیائے۔‘‘ آمین
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب یوحنا بپتسمہ دین آلا اُوہناں لوکاں نال مخاطب ہوندا اے JOHN THE BAPTIST SPEAKS TO THOSE ڈاکٹر آر ایل ہائیمرز جونیئر وَلّوں ’’تے آپئے ایس گمان وِچ نہ رہنا کہ تُسی کہہ سکدے اُو، اَسی تے ابراہام دی اُولاد آں: کیوں جے میں تہانوں کہنا آں کہ خدا ایہناں پتھراں توں وی ابراہام دے لئی اولاد پیدا کر سکدا اے۔ ہُن درختاں دی جڑ تے کُلہاڑا رکھ دِتا گیا اے، لہٰذا جیہڑا درخت چنگا پھل نئیں لیہیاندا اُو کاٹا تے اَگ وِچ جھونکا جاندا اے‘‘ (متی 3: 9۔10)۔ (متی 3: 5؛ لوقا 3: 7؛ حوالہ ویکھو اعمال 8: 37؛ حوالہ ویکھو اعمال 10: 47؛ حوالہ ویکھو کلسیوں 1: 21؛ رومیوں 8: 6-7) I۔ پہلی گل، مسیحی پس منظر توں تعلق رکھن آلے اکثر لوکی مسیح وِچ ایمان لیہیائے بغیر [غیر تبدیل شُدہ] رہندے نے، متی 3: 9 الف۔ II۔ دوجی گل، غیر مسیحی گھراں توں تعلق رکھنے آلیاں نوں مسیح وِچ ایمان دِلا کے تبدیل کیتا جا سکدا اے، جدوں کہ گرجا گھر وِچ پروان چڑھے بچے گمراہ یا کھوئے ہوئے رہندے نے، متی 3: 9 ب، 7؛ حوالہ دیکھیں لوقا 3: 12-14؛ متی 8: 11-12؛ 21:43. III۔ تیجی گل، اُو لوکی جیہڑے مسیحی پس منظر دے حامل ہوندے نے تے جیہڑے مسیح وِچ ایمان لیہیائے بغیر [غیر تبدیل شُدہ] رہندے نے، آخرکار، جہنم دی اَگ وِچ جھونکے جان گے، متی 3: 10؛ 25: 30؛ 46. |