دل تے تین وار! | Three Stabs In The Heart!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پچھلے اِتوار دی راتی میں یعقوب دا مقابلہ کیتا، جِنہے ساڈی تلاوت دے الفاظ اپنے دادا ابراہیم نوں کہے۔ میں کہیا کہ ابراہیم اِک نوجوان دی تصویر کشی کردا اے جیہڑا اِک غیرمسیحی گھر وِچ پرورش پاندا اے۔ جدوں اُو گرجا گھر چہ آندا اے تے اُوہدے لئی سارا کُجھ نیا ہوندا اے۔ اکثر، ابراہام وانگوں، اُو وڈے جوش دے نال اپنے نئے پائے جان آلے ایمان نوں زندہ کرن دے لئی تیار ہوندا اے۔ ابراہیم نے ایہو ای کہیا۔ تے بہتیرے نوجوان جیہڑا گرجا گھر وِچ آندے نے اُوہی کردے نے جدوں اُو مسیح چہ ایمان لیہیا کے تبدیل ہو جاندے نے۔

دوجے پاسے، یعقوب نے اِک نوجوان دی تصویر کشی کیتی اے جیہڑا گرجا گھر وِچ پلیا ودھیا اے، جیہڑا بائبل تے معمولات نوں جانندا اے۔ اُو طویل تجربے توں جانندا اے کہ ایہدے نال کی توقع کیتی جاندی اے، تے اُو گرجا گھر وِچ اپنے فرائض انجام دیہندا اے – حالانکہ اُو اپنی خدمت چہ کافی میکانکی اے۔

ابراہام وانگوں، دُنیا توں تبدیل ہون آلا، جیس وِچ کوئی مسیحی والدین اُوہنوں اَگے ودھان دے لئی نئیں نے، ایہدے باوجود اکثر چھیتی ای مسیح چہ ایمان لیہیا کے تبدیل ہو جاندے نے تے خدا دے لئی جوش نال بھرے ہوندے نے۔ لیکن یعقوب وگرے بندے لئی لئی، جیہڑا کلیسیا وِچ پرورش پاندا اے، مذہب دے بارے چہ پورا نقطہ نظر مختلف اے۔ تے ایس لئی اَج دی راتی میں محسوس کرنا آں کہ ساڈے لئی ایہ مناسب اے کہ اَسی توجہ مرکوز کریے، ابراہام تے نئیں، ایہو جیہا بندہ جیہڑا دُنیا توں تبدیل نئیں ہویا اے، بلکہ ایہ کہ سانوں اِک وری فیر توں اُوہدے پوتے یعقوب وَل توجہ مرکوز کرنی چائیدی اے۔ کیوں جے اَج دی راتی تہاڈے وِچوں بہتیرے لوکاں وانگوں، یعقوب دی پرورش اُوہدے وِچ ہوئی سی جِنہوں اَج اَسی ’’مسیحی گھر‘‘ کیہاں گے۔ اُوہدا خاندان مکمل کامل ہون توں بہوتی دور سی۔ اَسی پیدائش، 27 ویں باب دے فوری مطالعے توں وی ویکھ سکنے آں۔ ایہ اِک ایہو جیہا گھر سی جیہڑا کدی کدی تناؤ نال بھر جاندا سی۔ اُوہدے پیو دا ایمان بعض اوقات کمزور سی۔ اُوہدی ماں کدی کدی اپنے پیو دے خلاف بغاوت کردیہندی سی۔ ایہ اِک ایہو جیہا گھر سی جیہڑا کامل ہون توں بہوتی دور سی۔ تے فیر وی، آخرکار، ایہ اِک ’’مسیحی گھر‘‘ سی۔ فلستیاں تے حتّیاں دے گھراں نال موازنہ کیتا جائے جیہڑا اُوہناں دے چاروں پاسے سن، ایہ سب توں بہترین دستیاب گھر سی۔

فیر وی یعقوب نے کیہنی ای گھٹ چنگی گلاں دی تعریف کیتی جیہڑے اُوہنوں گھر وِچ گھیرے ہوئے سن۔ اُوہنے ایہناں عظیم فائدیاں دے بارے چہ کیہنا گھٹ سوچیا سی جیہڑے اُوہدے سن، جِنہاں دا تجربہ کافر خانداناں دے مُنڈیاں تے کُڑیاں نے کدی نئیں کیتا سی۔

تے فیر وی اُو خزانے جِنہاں نوں اُو پیدائش توں جانندا سی اُوہدے لئی ایس قدر عام سن کہ اُوہنے ایہناں دے نال مٹی وانگوں سلوک کیتا۔ اُوہنوں خدا دے بارے چہ کسی وی خیال نوں اِک پاسے کردے ہوئے ویکھو! ویکھو کہ اُو اپنے بہھرا نوں دھوکہ دیہندا اے، اپنی ماں نال چشم پوشی کردا اے، تے اپنے پیو نال جھوٹ بولدا اے! اُوہنوں اپنی بے جا غداری نال ایہو جیہا کھڈا کھوددے ہوئے ویکھو کہ اُو اپنے بہھرا دی نفرت دے بارے چہ سوچ کے پیچھے ہٹ جاندا اے! اُوہنوں ویکھو جدوں اُو اپنی جان کھون دے خوف توں اپنے بچپن دے گھر توں نٹھ رہیا سی۔

سانوں یعقوب دی کہانی دی تفصیلات وِچ نئیں جانا چائیدا اے، ورنہ اَسی ایہدے وڈے سبقاں توں محروم ہو جان گے۔ سانوں بنیادی نکات تے توجہ مرکوز کرنی چائیدی اے، ورنہ ایہ صرف اِک سطحی بائبلی مطالعہ بن جائے گا، تے گہرا مطلب ساڈے توں بچ جائے گا۔

میں اَج دی راتی سوچنا آں کہ کی ساڈے وچکار نوجوان مرد یا عورت ہو سکدا اے، جیس دی پرورش گرجا گھر چہ ہوئی ہووے، لیکن ہُن کُجھ دباؤ محسوس کر رہیا آں جیہڑا جیکب نے محسوس کیتا کہ اُو اُوہناں توں نٹھ رہیا ہووے۔ ایہ اَج کل گرجا گھراں وِچ پرورش پان آلے نوجواناں وِچ اِک بہوتا عام احساس اے۔ سانوں رائے دہندگان دے ذریعہ دسیا گیا اے کہ 85 % توں زیادہ اُو لوکی جیہڑے انجیلی بشارت دے گھراں وِچ پرورش پاندے نے اُو اپنی بیسویں دہائی دے شروع شروع وِچ گرجا گھر چھڈ دیہندے نے، کدی واپس نئیں آندے۔ چونکہ اَج کل ایہ اِک عام واقعہ اے، میں حیران آں کہ کی تُسی ایہدے وِچوں دی کجھ محسوس نئیں کر رئے ہوو گے، کُجھ اندرونی دباؤ یعقوب نے محسوس کیتا سی کہ اُو فرار ہو جائے – خود نوں اپنے ماں پیو دے جوئے توں آزاد کر کے اپنی حیاتی ’’خود ای‘‘ لنگہائے۔ اوہ، میں جاننا آں کہ تُسی اینج دے خیالات کدی نئیں مانوں گے۔ لیکن میں حیران آں کہ کی اُو کدی کدی تہاڈے کول نئیں آئے نے، جیویں کہ اُوہناں نے یعقوب دے نال کیتا سی۔ میں حیران آں کہ جے تُسی سوچیا ہووے گا، ’’میں ایہدے توں کیویں نکل سکنا آں؟ میں اپنے آپ نوں ایس پوری کلیسیائی چیز دی مجبوری تے غلامی توں کیویں نجات دِلا سکنا آں؟‘‘ ایہدے تے اپنے آپ نال ایماندار رہوو۔ کی تہانوں کدی کدی ایہو جئے خیالات نئیں آندے؟ کی شیطان تہاڈے کول آ کے وسوسہ نئیں پاندا جیویں کہ اُوہنے یسوع دے نال کیتا سی؟

’’جے توں میرے سامنے گھٹنے ٹیک کے سجدہ کرے تے میں ایہ سب کُجھ تیہنوں دے دیاں گا‘‘؟ (متی 4: 9)۔

کی شیطان تہاڈے کول نئیں آیا، تہاڈا ’’گلا دبان‘‘ دی کوشش کر رہیا اے،

’’ایس حیاتی دی دیکھ بھال تے دولت تے لذتاں دے نال‘‘؟ (لوقا 8: 14)۔

جے ایہدے وِچوں کُجھ وی، حتیٰ کہ ایہدا تھوڑا جیہا وی، آزمائش کرن آلے دے ذریعے تہاڈے ذہن وِچ لیہایا گیا اے، تے کی اُوہنے تہانوں ایہ سوچن تے مجبور نئیں کیتا کہ، شاید، ایہ سب توں بہتر ہووے گا، صرف اپنے تے گرجا گھر دے وِچکار فاصلہ رکھنا؟ ’’بس تھوڑی دیر دے لئی،‘‘ آزمائش کرن آلا تجویز دیہندا اے۔ ’’جدوں تیکر تُسی اپنی آزادی تے خودمختیاری حاسل نئیں کر لیہندے،‘‘ اُو سرگوشی کردا اے۔ ’’آخیر نوں،‘‘ اُو کہندا اے، ’’ہُن تُسی وڈے ہو گئے اُو۔ ایہ بچگانہ بکواس چھڈ دیو!‘‘ میہنوں حیرت اے کہ کی تُسی ایہدی سحر آمیز اِلتجا سُن رئے اُو۔

’’تے یعقوب بیرسبع [اپنے گھر] توں نکل کے حاران وَل چلا گیا‘‘ (پیدائش 28: 10)۔

تنہائی وِچ اُو سو جاندا اے۔ انہیرے وِچ اُوہنوں عجیب خواب آندے نے۔ تے فیر اُوہدے ذریعے خدا دی آواز آندی اے، تے یعقوب خوف دے مارے جاگ اُٹھدا اے۔

’’تے یعقوب اپنی نیندر توں بیدار ہویا، تے اُوہنے کہیا، یقیناً خداوند ایس تھاں اے؛ تے میں ایہ نئیں جانندا سی‘‘ (پیدائش 28: 16)۔

یعقوب فے تجربے دے بارے وِچ تین گلاں تے غور کرو۔ میہنوں اُمید اے کہ اُو تہاڈے نال گھر جان گے۔ میہنوں اُمید اے کہ خدا تہانوں ایہناں خیالاں نال ’’پریشان‘‘ کرے گا۔ میں دعا کرنا آں کہ ایس تلاوت توں کڈے گئے نکات، اُس سحر وِچوں دی چیردے ہوئے تہانوں کڈ لیہیان گے جیس وِچ شیطان نے اپنے لطیف، خوابیدہ کرشمیاں دے ذریعے تہانوں پایا ہویا اے۔ میں دعا کرنا آں کہ خدا دا کلام، جیہڑا

’’تیز، طاقتور، تے کسی وی دو دھاری تلوار توں بہوتا تیز اے، جیہڑی چھید ڈالن آلی اے … تہاڈے دِل دے خیالات تے اِرادیاں دا [اِک جانن آلا] اے‘‘ (عبرانیوں 4: 12)

تہاڈے اُونگھدے ہوئے دِل تے وار کرے گا، جیویں ای اَسی تلاوت تے غور کرنے آں،

میں اُمید کرنا آں کہ اُس تلاوت وِچوں خدا دے کلام دے تین وار تہاڈے دِل نوں چیر ڈالن گے۔

’’تے یعقوب اپنی نیندر توں بیدار ہویا‘‘ (پیدائش 28: 16)۔

علامتی طور تے یعقوب اپنی ساری حیاتی خدا دے گلاں وَلوں ’’بیدار‘‘ نئیں ہویا سی۔

جیہڑا بندہ ایویں سوندا اے اُو وڈے خطرے وِچ اے لیکن اُوہنوں معلوم نئیں۔ سمندر اِک زبردست طوفان توں بپھر گیا سی۔ جہاز لہراں توں ٹوٹن آلا سی۔ یونس ایہدے بارے چہ کُجھ نئیں جانندا سی۔ اُو خطرے توں بے خبر کیوں سی؟

’’یوناہ جہاز دے کناریاں وِچ ہیٹاں چلا گیا؛ تے اُو لیٹیا، تے گہری نیندر سو گیا‘‘ (یوناہ 1: 5)۔

کی ایہ اَج راتی تہاڈی وضاحت نئیں کردا؟ کی ایہو ای تہاڈی حالت نئیں اے؟ غضب دا طوفان برپا اے۔ فیصلے دی لہراں تہاڈے تے ڈِگن آلیاں نے۔ تے فیر وی تُسی سوندے رہوو۔

ملاح ڈر گئے، فیر وی یونس سوندا رہیا۔ جہاز دا مالک آیا تے طوفان دے شور توں وی اُوچی واج چہ چلایا،

’’تُسی کیویں سو سکدے اُو؟‘‘ اُو زور نال چلایا۔

بائبل چہ نیندر نوں اکثر خراب روشی یا عکاسی وِچ وکھایا گیا اے۔ پنج احمق کنواریاں سو رہیاں سن۔

اُو ساریاں دی ساریاں اُونگھدے اُونگھدے سو گئیاں‘‘ (متی 25: 5)۔

مسیح اُوہناں نوں نئیں جانندا سی۔ اُو بغیر تیاری دے سن۔ تے فیر وی، ’’اُو ساریاں دی ساریاں اُونگھدے اُونگھدے سو گئیاں۔‘‘ کروڈنCruden نے کہیا، ’’بائبل وِچ نیندردا استعمال… روح دی سستی [کاہلی] تے سست پن دے لئی کیتا گیا اے‘‘ (کروڈن دی مکمل کانکارڈینس Cruden’s Complete Concordance، ژونڈروان پبلشنگ ہاؤس، 1968 دوبارہ اشاعت، صفحہ 607)۔

یعقوب جسمانی طور تے بیدار ہو چکیا سی۔ لیکن اُوہدی روح ساری حیاتی سوئی رئی۔ اُوہنوں ایہنوں کھون دا بہوتی خطرہ سی، فیر وی اُو سو گیا۔

’’اے کاہل کدوں تیکر سوئے گا، نیندر توں کدوں اُٹھے گا؟‘‘ (امثال 6: 9)۔

کی ایس ویلے تہاڈی ایہو ای حالت نئیں اے؟ کی ایہ اُو سوال نئیں اے جیہڑا خدا اَج راتی تہانوں پُچھ رہیا اے؟

’’اے کاہل کدوں تیکر سوئے گا، نیندر توں کدھوں اُٹھیں گا؟‘‘

ہاں، ساڈی تحریر دا پہلا وار ایہو ای سوچنا چائیدا اے کہ تُسی سو رئے اُو۔ تُسی گرجا گھر دی راہداریاں وِچ نیندر چہ ٹُرن آلے بندے وانگوں اُو – نیندر چہ ٹُرن آلے وانگوں ٹُردے اُو۔ نیندر چہ ٹُرن آلا بندہ جگدا ہویا وکھائی دیہندا اے۔ اُوہدی لتّاں حرکت کردیاں نے۔ اُو اپنے ہتھاں نال اشارہ کردا اے۔ اُوہدی اَکھاں کُھلی ہوئیاں نے۔ تے ایہدے باوجود نیندر دا عالم صرف ظاہری طور تے بیدار وکھائی دیندا اے – کیوں جے اُو اپنی نیندر وِچ ٹُر رہیا اے۔ میہنوں بہوتا ڈر لگدا اے کہ ایہ آج رات تہاڈی تفصیل اے۔ تُسی بائبل پڑھی اے – اپنی نیندر وِچ ای! تُسی گِڑ گڑا کے دعاواں کیتیاں نے – اپنی نیندر وِچ ای! تُسی بے شمار واعظاں وِچ بیٹھے [سُںندے رہئے] اُو – اپنی نیندر وِچ ای! تے میں تہانوں ایہ سوال اِک وری فیر پُچھ رہیا آں،

’’اے کاہل کدوں تیکر سوئے گا، نیندر توں کدھوں اُٹھیں گا؟‘‘

’’تے یعقوب اپنی نیندر توں بیدار ہویا‘‘ (پیدائش 28: 16)۔

II۔ دوجا وار ایہ اے کہ تُسی شاید کدی بیدار ای نہ ہوو۔

ایہ سوچ کے مطمئن نہ ہو جاؤ کہ یعقوب بیدار ہویا۔ ایہ جھوٹی اُمید مت رکھو کہ اُو جاگ گیا اے، تُسی وی کسی دِن بیدار ہو جاؤ گے۔

تہاڈے وِچوں کُجھ خواب ویکھ رئے نے۔ تہاڈے خواباں وِچ تُسی بیدار ہون دے منتظر اُو۔ لیکن ایہ خیالات محض سراب نے۔ کی تُسی جانندے اُو کہ اُو کی اے؟ سراب اِک نظری وہم اے جیہڑا مختلف درجہ حرارت تے کثافت دی ہوا دی تہواں دے ذریعے روشنی دے انعکاس دی وجہ نال پیدا ہوندا اے، جیس نال پانی دا اِک تالاب صحرا دے کنارے تے چمکدا ہویا نظر آندا اے۔

صحرائے صحارا دے وسیع و عریض علاقے وِچ گواچے ہوئے بہتیرے دھوپ آلے آوارہ گرداں نے ریت دے اگلے ٹیلے تے پانی دے تالاب دا جھلملاندا عکس ویکھیا اے۔ لیکن، افسوس! ایہ صرف اِک سراب اے! ایہ صرف اِک چھوٹی اُمید اے! تے جدوں اُو ایس تھاں تیکر پہنچدا اے جیتھے پانی نظر آندا سی تے اُوتھے سوائے جلدی ریت دے کُجھ نئیں ہوندا۔ اُو پانی دے لئی اپنی اُنگلیاں اَگے ودھاندا اے، لیکن اُوہدے ہتھ دھول نال بھرے ہوئے واپس آندے نے۔ وریاں بعد اِک قافلہ اُوس تھاں تے آندا اے۔ اُو اُوس کنکال دی سفید ہڈیاں نوں باہر کُجھ پھڑدے ہوئے پاندے نے – پانی دی جھوٹی اُمید وَل، جیہڑی اُوہدی اَکھاں اَگے صرف اِک نظری وہم سی۔

تے میں کہنا آں کہ تہاڈا کسی دِن بیدار ہون دا خواب وی ایس توں زیادہ نئیں اے – اِک سراب توں زیادہ نئیں اے، تہاڈے دماغ دے اِک نظری وہم توں زیادہ نئیں اے، اِک جھوٹی اُمید توں زیادہ نئیں اے!

’’میں کسی دِن بیدار ہو جاواں گا،‘‘ تُسی اپنے ذہن چہ کہندے اُو۔ بکواس اے! ایہ اِک فریب توں زیادہ کجھ نئیں، صحرا چہ سراب توں زیادہ کُجھ نئیں!

’’رات بہوتی لنگھ چکی اے، دِن نیڑے ای اے‘‘ (رومیوں 13: 12)۔

’’نیندر توں بیدار ہون دا ویلہ اے‘‘ (رومیوں 13: 11)۔

’’اے کاہل کدھوں تیکر سوئے گا، نیندر توں کدھوں اُٹھے گا؟‘‘ (امثال 6: 9)۔

’’تے یعقوب اپنی نیندر توں بیدار ہویا …‘‘ (پیدائش 28: 16)۔

لیکن اُوہدا بہھرا کدی نئیں جاگیا! ایہدے بھائی بے ہوش حالت چہ ای قبر وِچ اُتر گیا! تے، ایہ جانندے ہوئے وی، تُسی کیویں ایہنے پُرسکون ہو سکدے اُو کہ تُسی بیدار نئیں مرو گے – جیویں کہ یعقوب دے بہھرا نے کیتا؟ اوہ، تُسی خوفناک حقیقت نوں ویکھو کہ تُسی گواچے ہوئے تے نااُمید اُو۔ کیوں جے جدوں تیکر تُہاڈی گواچی ہوئی حالت تہانوں پریشان نئیں کردی اے، تہاڈے بارے چہ ایہ کہیا جائے گا، جیویں کہ یعقوب دے بہھرا دے بارے وِچ سی۔

’’جیویں کہ لکھیا اے، میں یعقوب نال محبت کیتی، لیکن عیسو نال نفرت کیتی‘‘ (رومیوں 9: 13)۔

میں ایس خوفنا آیت دی ایس توں زیادہ کوئی وضاحت نئیں کردا – جے تُسی ایس راستے تے ٹُرو گے تے تہاڈے بارے چہ وی کہیا جائے گا،

’’میں یعقوب نال محبت کیتی، لیکن عیسو نال نفرت کیتی‘‘

اُو نوجوان یا عورت جیہڑے بے دین گھر توں گرجا گھر وِچ آئے سن ’’کی میں پیار کیتا اے۔‘‘ لیکن کلیسیا دے نیندر وِچ ڈوبے ہوئے بچے نال ’’کی میہنوں نفرت اے؟‘‘ اُو خدا دا کلام اے۔ جے میں کوشش کیتی تے میں اُوہنوں تبدیل نئیں کر سکدا۔

’’اے کاہل کدھوں تیکر سوئے گا، نیندر توں کدھوں اُٹھے گا؟‘‘ (امثال 6: 9)۔

’’تے یعقوب اپنی نیندر توں بیدار ہویا، تے اُوہنے کہیا، یقیناً خداوند ایس تھاں اے؛ تے میں ایہ نئیں جاننا آں‘‘ (پیدائش 28: 16)۔

III۔ تیجا وار ایہ اے کہ تُسی کدی وی خداوند دی دہشت محسوس نئیں کیتی۔

’’پیچھے رہوو،‘‘ نئے انجیلی بشارت آلے کہہ سکدے نے۔ ’’تُسی اُوہناں نوں انتہائی وار کر چکے نے، اُوہناں نوں سکون تے معافی دیو!‘‘ میں اینج دا کُجھ نئیں کراں گا! جے میں اینج کیتا تے میں تلاوت نوں اُوہدے سیاق و سباق توں باہر کڈ رہیا آں – تے جیویں کہ پرانی کہاوت اے، ’’کسی سیاق و سباق دے بغیر تلاوت اِک بہانہ اے۔‘‘ اگلی آیت، آیت 17 نوں ویکھو۔

’’تے اُو ڈر گیا، تے کہیا، ایہ تھاں کیہنی خوفناک اے!‘‘ (پیدائش 28: 17)۔

پرانے زمانے دے مبلغین دے بولن تے تُسی اینج دا ای محسوس کیتا۔ میں آر جی لی R. G. Lee نوں ذاتی طور تے تبلیغ کردے سُںیا اے۔ اُوہناں نے اُودھوں تیکر تبلیغ کیتی جدوں تیکر کہ میرے جسم چہ چیونٹیاں جئیاں نہ رینگیاں! اُوہناں نے تبلیغ کیتی ایتھوں تیکر کہ میرا پسینہ بہہ گیا! اُوہناں نے خداوند دی دھشت دی تبلیغ کیتی۔ ایویں ای باب جونزBob Jones Sr.، سینئر نے وی کیتا جان آر رائسJohn R. Rice نے وی کیتا۔ موردکی ہامMordecai Ham نے وی اینج ای کیتا۔ جے فرینک نورسJ. Frank Norris نے وی اینج ای کیتا۔

’’تے اُو ڈر گیا، تے کہیا، ایہ تھاں کیہنی خوفناک اے!‘‘

ایہو ای بیداری اے! ایہو ای سراب نوں اِک پاسے سُٹ دیہنا اے! ایہو ای نیندر توں جاگنا ہوندا اے!

’’اے کاہل توں کدھوں تیکر سوئیں گے، توں اپنی نیندر توں کدھوں اُٹھیں گا؟‘‘ (امثال 6: 9)۔

اِک بندہ سے جیہڑا اپنی نظراں جھکائے حیاتی لنگہا گیا۔ اُو سراب چہ رہندا سی۔ اُوہنے حیاتی نوں اِک نیندر وانگوں لنگہایا، نیندر چہ ٹُردے ہوئے، خواب ویکھدے ہوئے، خداوند دے خوف توں مُردہ، مسیح یسوع دے ذریعے نجات دی اپنی لوڑ دے بارے چہ کدی نئیں سوچیا۔ اُو ایس دُنیا چہ کدی بیدار نئیں ہویا۔

فیر اِک دِن، حیاتی دی بھول بھلیاں توں لنگہدے ہوئے، اُو مر گیا۔

’’تے جہنم وِچ اُوہنے عذاب چہ مبتلا ہو کے اپنی نظراں چُکیاں‘‘ (لوقا 16: 23)۔

اُو کدی بیدار نئیں ہویا، اُوہنے کدی وی نظراں نئیں چکیاں، جدوں تیکر کہ اُو اَگ دے شعلیاں وِچ نئیں جاگیا۔ تہاڈا معاملہ اینج دا نہ ہووے! ایس توں پہلاں کہ تُسی ابدی شعلیاں وِچ جاگو، تہانوں ہُنے ای نیندر چہ ہون دا مجرم ٹھہرایا جائے گا! آمین۔

آؤ اَسی حمدوثنا وَل رجوع کرنے آں، ’’کی تُسی قیمت دا اندازہ لگایا اے؟‘‘ آؤ کِھلو جاؤ جے ایہنوں سوچ سمجھ کے گاؤ۔ ایہنوں اپنے دِل نال گل کرن دیو۔

ایتھے اِک لکیر اے جیہڑی ساڈے خُداوند نوں مُسترد کرن تے کھِچی گئی اے،
جیتھے اُوہدی روح دی واج کھو جاندی اے،
تے تُسی دیوانے ہجوم دے نال چھیتی کرو –
کی تُسی اندازہ لگایا، کی تُسی قیمت دا اندازہ لگایا؟
کی تُسی قیمت دا اندازہ لگایا جے تہاڈی روح کھو جاندی اے،
حالانکہ تُسی اپنے لئی پوری دُنیا حاصل کر لوو گے؟
ہو سکدا اے کہ ہُن وی تُسی اُوہی لکیر پار کر چُکے ہوو،
کی تُسی اندازہ لگایا، کی تُسی قیمت دا اندازہ لگایا؟
(‘‘کی تُسی قیمت دا اندازہ لگایا؟Have You Counted the Cost? ‘‘
شاعر اے. جے. ہاجA. J. Hodge، 1923).

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔