ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پچھلی اِتوار دی سویرے میں ’’یہودیاں نال خدا دے وعدے‘‘ تے منادی کیتی۔ حزقی ایل 37 باب دے پہلے حصے دے ایس واعظ وِچ، آیتاں 1-12 تیکر وِچ، مَیں ایہناں لفظاں تے توجہ مرکوز کیتی،

’’میں تہاڈی قبراں کھود کے تہانوں ایہناں توں باہر کڈ رہیا آں، تے میں تہانوں اسرائیل دی سرزمین تے واپس لیہیاواں گا‘‘ (حزقی ایل 37: 12)۔

میں کہیا، ’’ہُنے اَسی آیت 12 دی تکمیل دا آغاز ویکھ رئے آں۔ مستقبل وِچ، 13 ویں تے 14 ویں آیتاں پوری ہون گئیاں۔‘‘

اسرائیل تے آلے دووالے دی عرب قوماں وِچ ہون آلیاں ساریاں لڑائیاں تے خونریزیاں دے نال، میں محسوس کرنا آں کہ مسیحیاں دے لئی اسرائیل دی چھوٹی قوم تے عام طور تے یہودی لوکاں دے نال کِھلوتے ہونا ضروری اے۔ لہٰذا، اَج دی شامی، اَسی دو سادہ جئی وجوہات ویکھاں گے کہ کیوں ہر بائبل تے یقین رکھن آلے مسیحی نوں یہودیاں تے اسرائیل دی قوم دی حمایت کرنی چائیدی اے۔

I۔ پہلی گل، سانوں اسرائیل دی حمایت کرنی چائیدی اے کیوں جے خداوند اپنے فضل نال یہودیاں نوں اُوہناں دی وعدہ کیتی گئی سرزمین تے واپس لیہیا رہیا آں۔

مہربانی نال کھڑے ہو جاؤ تے 12 ویں آیت نوں اُوچی واج نال پڑھو۔

’’ایس لئی توں نبوت کر تے اُوہناں نوں کہہ، خداوند خدا ایویں فرماندا اے؛ غور نال سُنو، اے میرے لوکو، میں تہاڈی قبراں کھود کے تہانوں ایہناں توں باہر کڈ رہیا آں، تے میں تہانوں اسرائیل دی سرزمین تے واپس لیہیاواں گا‘‘ (حزقی ایل 37: 12)۔

تُسی تشریف رکھ سکدے اُو۔ ایتھے ’’قبراں‘‘ ’’غیر قوماں‘‘ دی نشاندہی کراندیاں نے، جیویں کہ تُسی حزقی ایل 37: 21ویں آیت وِچ ویکھ سکدے اُو۔

’’پس خداوند خدا فرماندا اے؛ غور نال سُنو، میں اسرائیل نوں خدا نوں نا منن آلی اُوہناں قوماں وِچوں کڈ کے لے جاواں گا جیتھے اُو گئے نے، میں اُوہناں نوں ہر پاسیوں جمع کر کے اُوہناں دے اپنے مُلک وِچ واپس لیہیاواں گا‘‘ (حزقی ایل 37: 12)۔

70ویں عیسوی وِچ ٹائٹس دی قیادت وِچ رومی فوج نے یہودیاں نوں اُوہناں دے وطن اسرائیل توں نکال باہر کیتا سی۔ یہودی لوکی پوری دُنیا وِچ بکھرے ہوئے سن، لیکن چند یہودی اگلی صدیاں وِچ اسرائیل چہ رئے۔ ہوور انسٹی ٹیوٹHoover Institute دے ایک سینئر ساتھی تھامس سوولThomas Sowell نے اِک حالیہ اخباری کالم وِچ لکھیا،

     زیادہ تر لوکی مشرق وسطیٰ دی تاریخ توں ایہنے ای بے خبر نے جِنہے کہ اُو ایہدے جغرافیے دے بارے وِچ نے۔ اسرائیل چھوٹا اے، ریاست نیو ہیمپشائر توں چھوٹا]۔ خیال کیتا جاندا اے کہ یہودیاں نے اسرائیل دی ریاست بنان دے لئی فلسطینیاں دی سرزمین تے قبضہ کر لیہیا سی۔
     لیکن فلسطینیاں دا کوئی وطن نئیں سی۔ ایہ پورا خطہ سلطنت عثمانیہ دا سی جدوں تیکر کہ پہلی جنگ عظیم وِچ سلطنت عثمانیہ دی شکست دے بعد ایہدے ٹکرے نئیں ہو گئے۔
     مسیحی، یہودی تے عرب سارے صدیاں توں فلسطین وِچ آباد سن۔ نئی قوماں دی تشکیل دے لئی سلطنت عثمانیہ دی تشکیل دے دوران، انگریزاں نے ایہدا اِک چھوٹا جیہا حصہ یہودیاں دے لئی مختص کر دِتا [2 نومبر 1917 نوں اُوس ویلے دے برطانوی وزیر خارجہ سر جیمز بالفور نے بالفور اعلامیہ لکھیا، جیس وِچ برطانوی حکومت دی فلسطین وِچ یہودیاں دے قومی گھر دے قیام وِچ مدد کرن دی خواہش دا اِظہار کیتا گیا سی]۔ عرباں [برطانیہ] دے پُرتشدد اتراضات دے بعد ایس زمین نوں اِک آزاد مُلک بنن دے لئی برساں تیکر روکے رکھیا گیا۔ یہودی فلسطین وِچ اَسرائیل دی ریاست بنن توں بہوتی پہلاں توں تے عثمانی سلطنت دے وجود توں وی پہلاں رہندے سن۔ 1939 وِچ، ونسٹن چرچل نے تبصرہ کیتا کہ فلسطین وِچ یہودیاں نے ’’ریگستان نوں سرسبزوشاداب کیتا‘‘۔ علاقے دی نتیجہ خیز خوشحالی نے یہودیاں تے عرباں دوواں نوں اپنے وَل متوجہ کیتا، جِنہاں وِچ کُجھ عرب وی شامل نے جِنہاں دی اولاداں بعد چہ دعویٰ کرن گئیاں کہ یہودیاں نے اُوہناں دے مُلک تے قبضہ کر لیہیا اے۔
     دوجی جنگ عظیم تے ہولوکاسٹ [ہٹلر دی یہودیاں نوں ختم کرن دی کوشش] دے بعد، پناہ دی تلاش وِچ یہودی مشرق وسطیٰ وِچ اپنے وعدہ شُدہ گھر [جیہدا برطانیہ دے بالفور ڈیکلریشن دے ذریعے وعدہ کیتا گیا سی] وَل متوجہ ہوئے تے برطانویاں نال لڑے [اُوہناں نوں اپنے وعے تے عمل کرن تے مجبور کرن دی کوشش کیتی] … تے اسرائیل دی آزادی دا اعلان کیتا، [بدقسمتی نال چرچل اپنے دفتر وِچ موجود نئیں سی، تے ایہ کلیمنٹ ایٹلی دی لبرل پارٹی سی جِنہے اسرائیل نوں تسلیم کرن توں انکار کر دِتا۔ چرچل اسرائیل دا تاحیات حامی سی (حوالہ ویکھو مارٹن گلبرٹ Martin Gilbert، ونسٹن ایس چرچل Winston S. Churchill، والیم VIII، صفحات 439، 454، 457، وغیرہ)۔]… ایس دوران، عرب مُلکاں نے اسرائیل وِچ رہن آلے عرباں تے زور دِتا کہ اُو [اسرائیل دی] نئی ریاست نوں تباہ کرن دے مقصد نال ایہناں مُلکاں دے منصوبہ بند حملیاں توں پہلاں اُودھروں ٹر جان۔
     اسرائیلیاں دے بجائے اُوہناں عرباں نے ای فلسطینی پناہ گزیناں دا اِک وڈا مسئلہ پیدا کیتا۔ جدوں کہ یہودی پناہ گزیناں نوں اسرائیل دی عام آبادی وِچ جذب کیتا گیا، عرب مُلکاں وِچ فلطینیاں نوں نسل در نسل پناہ گزین کیمپاں وِچ رکھیا گیا – اسرائیل دی فتح تے یہودیاں دے بے گھر ہون دے بعد واپسی دے حق دا وعدہ کیتا۔
1967      وِچ اسرائیل نوں نیست و نابود کرن دی کئی عرب کوششوں دی مکمل ناکامی دے بعد، اسرائیلیاں نے مستقبل وِچ فوجی حملیاں وِچ اِستعمال ہون توں روکن دے لئی گولان دی پہاڑیاں وگری اسٹریٹجک قدر دی زمیناں تے قبضہ کر لیہیا۔ ایہناں سارے وریاں وِچ جدوں ایہ زمیناں عرب ریاستاں دے قبضے وِچ سن، کسی نے وی [یعنی، کسی عرب نے] اُوہناں نوں فلسطینی وطن بنا کے نئیں دِتا۔
     لیکن ہُن ایہ اسرائیل نوں اِک ایہو جئی فلسطین ریاست بنان تے مجبور کرن دا اِک پُرجوش سبب بن گیا اے جِنہوں عرباں نے کدی [خود توں] نئیں بنایا سی۔
     ایہدے وِچوں مشرق وسطیٰ وِچ نفرت چہ مبتلا افراد یا مغرب وِچ ایہناں لوکاں دے لئی کوئی فرق نئیں پیہندا جیہڑے حقیقی نتائج دے بارے وِچ سوچن دی زحمت کیتے بغیر جنگ بندی دے خواہاں نے (تھامس سوول Thomas Sowell، ’’حزب اللہ صرف جوابی کارروائی دا انتظار کر رئی اے،‘‘ لاس اینجلس ڈیلی نیوز The Los Angeles Daily News، 17 اگست، 2006، صفحہ 19)۔

اَج ایتھے مغرب وِچ ’’چنگا محسوس کران آلے‘‘ سیاست دان میہنوں 1930 دی دہائی وِچ بالڈون Baldwin، میکڈونلڈ MacDonald تے انگلستان دے چیمبرلینChamberlain of England دے بارے وِچ سوچنے تے مجبور کردے نے، جِنہاں دا خیال سی کہ اُو ہٹلر دے نال صُلح کر سکدے نے۔ اَج اُوہناں وگرے مرد ایہ ویکھن وِچ ناکام نے کہ ایہناں لوکاں دے نال کدی امن نئیں ہو سکدا جِنہاں دا بیان کردہ مقصد (قرآن وِچ) یہودیت تے مسیحیت دوواں نوں تباہ کرنا اے۔

’’چنگا محسوس کران آلیاں‘‘ دی اُو گل سِکھے بغیر مغربی دُنیا پہلی تے دوجی جنگ عظیم وِچوں لنگہی‘‘۔ تُسی ایہناں لوکاں نوں مطمئن نئیں کر سکدے جِنہاں دا مقصد تہانوں تباہ کرنا اے۔ اَسی ایہناں توں سِکھے بغیر سرد جنگ (تیجی جنگ عظیم World War III) وِچوں لنگہے۔ اَسی ہُن ایہدے وِچ داخل ہو گئے آں جِنہوں نیوٹ گنگرچ Newt Gingrich نے ’’چوتھی جنگ عظیم World War IV‘‘ کہیا اے۔ کی ’’چنگا محسوس کران آلیاں‘‘ نے اپنا سبق سِکھیا اے؟ جی نئیں، جیویں کہ چرچل نے دوجی جنگ عظیم دی اپنی تاریخ دی آخری جلد وِچ اپنے ’’مرکزی موضوع‘‘ وِچ کہیا گیا سی، ’’کیویں وڈی وڈی جمہوریتاں نے فتح حاصل کیتی، تے ایویں اُو ایہناں غلطیاں نوں فیر توں شروع کرن وِچ کامیاب ہوئے جیہدی وجہ توں اُوہناں نوں اُوہناں دی حیاتی دی تقریباً قیمت ادا کرنی پیہہ گئی سی۔‘‘

میں واعظ دے اُوس مقام تے بہوتی دور ٹُر گیا آں، لیکن میں محسوس کرنا آں کہ میں جو کُجھ کہیا اے ایہنوں کیہن دی لوڑ اے، ورنہ تُسی خدا دے فضل دی وسعت نوں نئیں سمجھو گے، جیہڑا انسان دی بدحالی نوں ختم کردے ہوئے، تے ایہدی پیشنگوئی دی تکمیل وِچ یہودیاں نوں اُوہناں دے وطن واپس لیہیانا اے،

’’غور نال سُنو، اے میرے لوکو، میں تہاڈی قبراں کھود کے تہانوں ایہناں توں باہر کڈ رہیا آں، تے میں تہانوں اسرائیل دی سرزمین تے واپس لیہیاواں گا‘‘ (حزقی ایل 37: 12)۔

سانوں اسرائیل دی حمایت کرنی چائیدی اے کیوں جے خدا اُوہناں نوں اُوہناں دے وطن واپس لیہیا رہیا اے، جیویں کہ اُوہنے وعدہ کیتا سی۔

II۔ دوجی گل، سانوں اسرائیل دی حمایت کرنی چائیدی اے کیوں جے بائبل سانوں دسدی اے کہ خدا مستقبل وِچ یہودیاں دے نال کی کرے گا۔

مہربانی نے کِھلو جاؤ تے حزقی ایل 37: 13-14 نوں پڑھو۔ آیت 12 ہُںے ہو رہی اے۔ آیات 13 تے 14 مستقبل وِچ ہون گئیاں۔

’’جدوں میں تہاڈی قبراں کھول کے تہانوں ایہناں توں باہر کڈ لیہیاواں گا اُودھوں تُسی اے میرے لوکو، جان لو گے کہ میں خداوند آں۔ میں اپنی روح تہاڈے وِچ پاواں گا تے تُسی جیو گے، تے میں تہانوں تہاڈے اپنے مُلک وِچ بساواں گا: فیر تُسی ایہ جان لو گے کہ مجھ خداوند نے ایہ فرمایا اے تے میں ایہنوں عمل وِچ وی لیہایا آں‘‘ (حزقی ایل 37: 13۔14)۔

تُسی تشریف رکھ سکدے اُو۔

اسرائیل دے نال خدا دے ایس دوجے وعدے دے دو حصے نے۔ ایہ دوویں مستقبل نے۔

جدوں خدا نے یہودیاں نوں اسرائیل دی سرزمین تے واپس لیہیانا شروع کیتا، جیویں کہ حزقی ایل 37: 12 وِچ وعدہ کیتا گیا اے، اُو کہندا اے،

’’تے تُسی اے میرے لوکو، … تے میں اپنی روح تہاڈے وِچ ڈال دیاں گا تے تُسی جیو گے‘‘ (حزقی ایل 37: 13۔14)۔

ایہ پیشنگوئی مستقبل وِچ یہودیاں دی تبدیلی دے بارے وِچ دسدی اے۔ تے، جیویں کہ میں کہیا، ایہدے دو حصے یا مراحل نے۔

ایس وعدے دا پہلا حصہ بہوتی وڈی مصیبتاں دے دور دے دوران آئے گا، تاریخ دے آخر وِچ ست سالہ دور جدوں دُنیا دجال، آخری عالمی آمر وَلوں شدید ظلم و ستم توں لنگہے گی۔ سکوفیلڈ مطالعۂ بائبل کہندی اے،

بہوتی وڈی مصیبتاں دا دور اِک ایہو جئی مصیبت دا دور اے جیس دی پیشن گوئی کیتی گئی اے … تے مکاشفہ 11۔18 وِچ بیان کیتا گیا اے۔ پوری زمین نوں اِک کسوٹی وِچ شامل کردے ہوئے (مکاشفہ 3: 10)، ایہ ہُنے تیکر واضح طور تے ’’یعقوب دی مصیبت دا دور‘‘ اے (یرمیاہ 30: 7) [اسرائیل دی سب توں وڈی آزمائش دا دور]، تے اُوہدا بھنور [اٹل تے تباہ کُن طاقت دا بھنور … تباہی دا بھنور] یعقوب تے زمین تے مرکوز اے۔ ایہدے وِچ خدا دے لوکی [یہودی] شامل نے جیہڑے بے اعتقادی دے نال فلسطین واپس آئے ہون گے (اسکوفیلڈ مطالعۂ بائبل، 1917، مکاشفہ 7: 14 تے غور طلب گل)۔

ایہ سکو فیلڈ نوٹ 1917 وِچ لکھیا گیا سی۔ ایہ 1948 وِچ یہودیاں دی اسرائیل وِچ واپسی دے آغاز دے بارے وِچ قابلِ ذکر بصیرت نوں ظاہر کردا اے۔

فیر وی مستقبل وِچ، ست سالہ بہوتی وڈی تے خوفناک مصیبتاں دے دور دے وِچکار، یہودی اِک غیر معمولی روحانی حیات نو دا تجربہ کرن گے۔ تے ایس حیات نو وِچ 144,000 یہودی اِک غیر معمولی مختصر ویلے وِچ مسیح چہ تبدیلی دا تجربہ کرن گے۔ براہ کرم مکاشفہ 7: 3۔8 وَل رجوع کرو۔ آیت نمبر 3 نوں اُوچی واج نال پڑھو۔ زمین تے کِھلوتا فرشتہ کہووے گا،

’’زمین، سمندر تے درختاں نوں نقصان نہ پہنچاؤ، جدوں تیکر کہ اَسی اپنے خدا دے بندیاں دی پیشانیاں تے مہر نہ لگا لہیے‘‘ (مکاشفہ 7:3)۔

اُودھوں یہوداہ دے 12 ہزار قبیلیاں دے ماتھے تے مہر لگائی جاندی اے۔ تے اسرائیل دے باقی گیارہ قبائل وِچوں ہر اِک دے 12 ہزار یہودیاں دے ماتھے تے مہر لگی ہوئی اے۔ ڈاکٹر جیمز او کومبس نے اپنے ماتھیاں تے ایس ’’مہر‘‘ دے بارے وِچ کہیا، ’’بِلاشُبہ روح القدس ایتھے شامل اے (افسیوں 1: 13)‘‘ (جیمس اُو کومبس James O. Combs, D.Min., Litt.D.، مکاشفہ وِچوں قوس و قزائیں Rainbows from Revelation، ٹرائیبون پبلیشرز، 1994، صفحہ 83)۔ افسیوں 1: 13 اُوہناں لوکاں دے بارے وِچ کہندا اے جیہڑے خوشخبری سُنن دے بعد مسیح تے پروہسا کردے نے،

’’جیس تے وی تُسی ایمان لیہیائے اُوہدے بعد تہاڈے تے وعدہ دی روح القدس دی مہر لگی‘‘ (افسیوں 1: 13)۔

فیر، بہترین تشریح ایہ اے کہ ایہ 144,000 یہودی نے جیہڑے مصیبت دے دور وِچ اپنے دماغاں تے دِلاں وِچ خدا دی روح دے کام دے ذریعے تبدیل ہوئے نے۔ ایہ حزقی ایل 37:14 وِچ خدا دے وعدے دے پہلے حصے دے طور تے نشان زدہ کردا اے۔

’’[میں] تہاڈے وِچ اپنی روح ڈالاں گا، تے تُسی جیو گے‘‘ (حزقی ایل 37: 14)۔

نہ صرف ایہ 144,000 یہودی مسیح وِچ تبدیل ہو جان گے تے ’’زندہ رہن گے‘‘ بلکہ اُو اِک مختصر ویلے وِچ پوری دُنیا وِچ انجیلی بشارت دا اِک قابلِ ذکر کام کرن گے۔ میہنوں یقین اے کہ مصیبت دے بہوتے وڈے دور وِچ مسیح چہ ایمان لیہیا کے تبدیل ہون آلے 144,000 یہودیاں دے بارے وِچ مکاشفہ 12: 17 میں کہیا گیا اے، جیویں کہ اُو نے،

’’جیہڑے خدا دے احکام نوں مانندے نے، تے یسوع مسیح دی گواہی رکھدے نے‘‘ (مکاشفہ 12: 17)۔

ایہناں دے بارے وِچ فیر توں مکاشفہ 14: 3۔4 وِچ کہیا گیا اے جیویں کہ اُو نے،

’’اِک لاکھ چالیس ہزار، جیہڑے زمین توں چھڑائے گئے سن … ایہ اُو لوکی نے جیہڑے برّہ [یسوع] دی پیروی کردے نے جیتھے اُو جاندا اے‘‘ (مکاشفہ 14: 3-4)۔

لہٰذا، اُو مسیح دے پیروکار نے، تے اُو مسیح دی گواہی دیہندے نے (مکاشفہ 14: 4؛ 12: 17)۔ ایہ مسیح وِچ ایمان لیہیائے تبدیل شُدہ یہودی مقدس جوش دی بے خوف چمک وِچ زمین تے بشارت دین گے، جیس دے نتیجے وِچ

’’اِک بہوتا وڈا ہجوم جِنہوں کوئی وی شمار نئیں کر سکدا، ساریاں قوماں، رشتہ داراں، لوکاں تے زباناں دا‘‘ (مکاشفہ 7: 9)۔

’’ایہ اُو نے جیہڑے مصیبت دے دور توں نکلے نے، تے اُوہناں نے اپنے لباس نوں برّہ [خداوند یسوع] دے لہو توں دھو کے سفید کیتا اے‘‘ (مکاشفہ 7: 14)۔

چین جنوبی کوریا، تے جنوب مشرق ایشیا وگری تھاواں تے انجیلی بشارت دا جوش اَج سانوں یاد دلاندا اے کہ اُو لوکی جِنہاں دی حیاتی وِچ بشراں نوں جیتنا ایہناں دا بنیادی مقصد اے، بہوتے گھٹ ویلے وِچ مسیح دے لئی کیہنے بشراں نوں جیتیا جا سکدا اے۔ بہوتی وڈی مصیبت دے دور وِچ بچائے گئے 144,000 یہودی اَج دے ایشیا وِچ اُوہناں وفادار گواہاں توں وی بہوتے جوش و جذبے دا مظاہرہ کرن گے۔ لوکاں دے لئی اُوہناں دا جوش 18ویں صدی وِچ پہلی عظیم بیداری وِچ وائٹ فیلڈ تے ویزلی دی ہفتے دے ست دِن دی زبردست انجیلی بشارت نال وی مماثلت رکھدا اے۔ اُو غیر قوماں دے لوکاں نوں جیت کے اپنے آپ نوں بالکل ختم کر دین گے، تے دُنیا عظیم حیاتِ نو دا تجربہ کرے گی، تے ایہناں دی انجیلی بشارت دی تبلیغ تے گواہی دے تحت وڈی تعداد وِچ مسیح چہ ایمان لیہیان دی تبدیلیاں رونما ہون گئیاں۔

اوہ، میں کیس قدر دعا کرنا آں کہ اَج ساڈے بہتیرے نوجوان مسیح وِچ داخل ہون دی کوشش کرن گے، تے فیر چمکدی ہوئی روشنیاں دے طور تے جلن گے، بشراں نوں جیتن گے تے اُوہناں نوں ساڈے گرجا گھر وِچ لیہیان گے۔ آؤ بیچے گئے، مسیح میں ایمان لا کر تبدیل شُدہ، بشراں نوں جیتن آلے یہودیاں نوں اپنی مثال بنن دین – نہ کہ چند غیر تبدیل شُدہ ’’گرجا گھر وِچ پروان چڑھے بچے‘‘، جیہڑیاں حماقتاں کردے پھردے نے تے مسیح دے مقصد دے لئی پُرجوش نئیں نے! بہوتی وڈی مصیبت دے دور وِچ 144,000 یہودیاں دی مسیح وِچ ایمان لیہیان دی تبدیلی حزقی ایل 37: 14 دی تکمیل دا پہلا حصہ اے،

’’تے [میں] اپنی روح تہاڈے وِچ ڈالاں گا، تے تُسی جیو گے‘‘ (حزقی ایل 37: 14)۔

لیکن بعد وِچ یہودیاں دے نال ایس وعدے دی ہور وی وڈی تکمیل ہونی اے۔ براہ کرم رومیوں 11: 25۔27 وَل رجوع کرو۔ ایہنوں اوچی واج نال پڑھو۔

’’اے بھائیو! میہنوں منظور نئیں کہ تُسی ایس راز توں ناواقف رہوو تے اپنے آپ نوں عقلمند سمجھن لگو۔ اُو راز ایہ اے کہ اسرائیل دا اِک حصہ کسی حد تیکر سخت دِل ہو گیا اے تے جدوں تیکر خدا دے کول آن آلے غیر یہودیاں دی تعداد پوری نئیں ہو جاندی اُو اونج ای رہووے گا۔ فیر تمام اسرائیل نجات پائے گا۔ چنانچہ کتاب مقدس وِچ لکھیا اے: ’’نجات دہندہ صیہون توں آئے گا؛ تے اُو بے دینی نوں یعقوب توں دور کرے گا۔ تے اُوہناں دے نال میرا ایہ عہد ہووے گا، جدوں میں اُوہناں دے گناہ دور کر دیاں گا‘‘ (رومیوں 11:25۔27)۔

جدوں مسیح ’’نجات دین آلا‘‘ ایس زمین تے واپس آئے گا، تے اُو یہودی لوکاں دے ’’انّہے پن‘‘ نوں دور کر دے گا، ’’تے ایویں تمام اسرائیل بچ جان گے۔‘‘

ایہ سچے مسیحیاں دے مسیح دا استقبال کرن دے لئی آسمان تے بادلاں وِچ اُٹھائے جان [ریپچر] دا حوالہ نئیں دیہندا، بلکہ بہوتی وڈی مصیبت دے دور دے اِختتام تے مسیح دی زمین تے واپسی وَل اشارہ کردا اے۔ ایس شاندار وعدے دے لئی زکریاہ 12: 10 وَل رجوع کرو۔ مہربانی نال کِھلو جاؤ تے ایہنوں اوچی واج نال پڑھو۔ خدا کہندا اے،

’’تے میں داؤد دے گھرانے تے یروشلیم دے باشندیاں تے فضل تے مناجات دی روح نازل کراں گا، تے اُو اُوہدے تے جِنہوں اُوہناں نے چھید ڈالیا نظر کرن گے تے اُوہدے لئی ماتم کرن گے جیویں کوئی اپنے اِکلوتے پتر دے لئی کردا اے۔ تے اُوہدے لئی اینج غمگین ہون گے جیویں کوئی اپنے پہلوٹھے دے لئی غمگین ہوندا اے‘‘ (زکریاہ 12: 10)۔

تُسی تشریف رکھ سکدے اُو۔

ایہ حقیقی حیات نو دی اِک تصویر اے، جدوں ’’داؤد دے گھرانے، تے … یروشلم دے باشاندے‘‘ دے کھوئے ہوئے یہودی اپنے گناہ تے یسوع مسیح نوں ٹھکران دے بارے وِچ گہری سزایابی دے تحت آندے نے۔ تے جدوں اُو گہری سزایابی دے تحت ہون گے، تے اُو ’’اُوہنوں ویکھن گے جِنہوں اُوہناں نے چھیدیا اے، تے اُو اُوہدے لئی ماتم کرن گے۔‘‘

ایویں ای اَج کوئی وی گمراہ ہویا گنہگار نجات پاندا اے۔ اُو گناہ دی سزایابی دے تحت آندے نے۔ اُو اُوہدے وَل ویکھدے نے جیہڑا اُوہناں دے لئی ایمان دے واسطے مریا۔ اُو اُوہدے لئی ماتم کردے نے جدوں تیکر کہ اُو اُوہدے قیمتی لہو نال پاک نئیں ہو جاندے۔ زکریاہ 13: 1 نوں ویکھو۔ جدوں اَسی کھڑے ہوئیے تے اُوہنوں اُوچی واج نال پڑھو۔

’’ایس دِن داؤد دے گھرانے تے یروشلم دے باشندیاں [یہودیاں] دے لئی گناہ تے ناپاکی دے لئی اِک چشمہ کھولیا جائے گا‘‘ (زکریاہ 13: 1)۔

تُسی تشریف رکھ سکدے اُو۔ ایہ [آیت] کیس دے بارے وِچ گل کردی اے؟ بہوتی سادہ جئی گل اے، ایہ I یوحنا 1: 7 دی گل کردی اے،

’’اُوہدے پتر یسوع مسیح دا لہو سانوں ساریاں گناہواں توں پاک کردا اے‘‘ (I یوحنا 1: 7)۔

اُوس آن آلے دِن وِچ، جدوں یسوع بہوتی وڈی مصیبت دے دور دے بعد زمین تے آئے گا، یہودی لوکی گناہ دی خوفناک سزایابی دے تحت ہون گے، تے فیر خوشخبری دی سچائی نوں ویکھو گے، کہ یہودیاں دے نال نال غیر قوماں دے لئی ’’داؤد دے گھر دے لئی اِک چشمہ کُھلا‘‘ اے۔

اوتھے عمانوئیل دی رگاں وچوں کھچیا گیا لہو نال بھریا اِک چشمہ اے:
تے گنہگار اُوس چشمے دے ہیٹاں ڈبکی لاندے نے تے اپنے تمام قصوراں دے دھبے دھو لیندے نے۔
اپنے تمام قصوراں دے دھبے دھو لیندے نے؛ اپنے تمام قصوراں دے دھبے دھو لیندے نے،
تے گنہگار اُوس چشمے دے ہیٹاں ڈبکی لاندے نے تے اپنے تمام قصوراں دے دھبے دھو لیندے نے۔
     (’’اوتھے اِک چشمہ اے There Is a Fountain‘‘ شاعر ولیم کاؤپر William Cowper، 1731۔1800).

جیویں کہ ساڈی تلاوت نے کہیا،

’’جدوں میں تہاڈی قبراں کھول کے تہانوں ایس توں باہر کڈ لیہیاواں گا فیر تُسی اے میرے لوکو، جان لو گے کہ میں خداوند آں۔ تے میں اپنی روح تہاڈے وِچ پا دیاں گا تے تُسی جیو گے … فیر تُسی جان لو گے کہ مجھ خداوند نے ایہ فرمایا اے تے میں ایہنوں عمل وِچ وی لیہایاں آں‘‘ (حزقی ایل 37: 13۔14)۔

’’تے ایویں سارے اسرائیل بچ جان گے: جیویں کہ لکھیا اے، نجات دیہن آلا صیہون توں نکلے گا، تے بے دینی نوں یعقوب توں دور کرے گا‘‘ (رومیوں 11:26)۔

تے اُو زمین تے یسوع مسیح دی شاندار 1,000 سالہ بادشاہی وِچ داخل ہون گے!

اَج راتی تہاڈا کی ہووے گا؟ کی تہاڈے دِل وِچ خدا دی روح محرک ہو رئی اے؟ کی تُسی گناہ دی سزا دے تحت اُو، پاویں اُو کیہنے ای چھوٹے ہون؟ کی تُسی باطن دی گہرائیاں نال جانندے اُو کہ تہانوں مسیح دے کول آنا چائیدا اے؟یہودیاں دے نال پیشن گوئی دے ایہناں واقعات دا انتظار کیوں کیتا جائے؟ کیوں نہ ہُنے ای یسوع دے کول آن، تے اُوہدے لہو دے چشمے نال صاف ہو جان؟ اُو قیمتی لہو تہاڈے لئی بالکل ہُنے ای دستیاب اے! جیویں کہ اُو پرانا گیت ایہنوں تحریر کردا اے،

ہُںے ای کیوں نئیں؟ ہُںے ای کیوں نئیں؟
ہُںے ای کیوں نئیں؟ ہُںے ای کیوں نئیں؟
ہُںے ای کیوں نئیں؟ ہُںے ای کیوں نئیں؟
ہُںے ای کیوں نئیں یسوع دے کول آندے؟
   (’’ہُںے ای کیوں نئیں؟ Why Not Now? ‘‘ شاعر ڈانیئل ڈبلیو۔ وھٹل Daniel W. Whittle، 1840۔1901)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔