Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




فاصلے توں نجات بخشنا

DELIVERANCE FROM A DISTANCE
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

لاس اینجلز دی پبتسمہ دین آلی عبادت گاہ وچ دِتا گیا اِک واعظ
خُداوند دے دِن دی سویر، 28 مئی، 2006
A sermon preached at the Baptist Tabernacle of Los Angeles
Lord’s Day Morning, May 28, 2006

’’جدوں اُو گھر لوٹی تے ویکھیا کہ کُڑی چارپائی تے لیٹی ہوئی اے تے بدروح اُوہدے وچوں نکل چُکی اے‘‘ (مرقس 7:30).


تِن اِتوار پہلاں، 7 مئی نوں، میں ’’فریسی تے کنعانی کُڑی دا موازنہ‘‘ دے عنوان توں اِک واعظ دی تبلیغ کیتی سی۔ میں تہاڈے نال وعدہ کیتا سی کہ میں آن آلے اِتوار، ماواں دے دِن تے، اِک دوجے واعظ دی منادی کراں گا، جیہڑا اُوس کُڑی دی تیہہ دے چھُٹکارے تے ہووے گا۔ مگر میں اُو وعدہ پورا کرن دے قابل نئیں ہو پایا کیوں جے خُداوند نے مینوں اِک دوجا واعظ بخش دِتا سی۔

اج دی سویر میں اُوس موضوع تے واپس آ رہیا واں جیدا میں ایس تلاوت تے، تِن ہفتے پہلاں وعدہ کیتا سی

’’جدوں اُو گھر لوٹی تے ویکھیا کہ کُڑی چارپائی تے لیٹی ہوئی اے تے بدروح [آسیب] اُوہدے وچوں نکل چُکی اے‘‘ (مرقس 7:30).

ایہہ تِن واقعات وچوں اِک اے جیتھے یسوع نے لوکاں نوں چُھٹکارا فاصلے نال دلایا۔.

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

اِک لمحہ پہلاں ساڈی کلام پاک دی تلاوت وچ ڈاکٹر چعین Dr. Chan نے یوحنا4:46۔54 پڑھی، اُو حوالہ جیہڑا سانوں دسدا اے کہ یسوع نے فاصلے توں اِک شاہی افسر دے پُتر نوں شفا بخشی سی۔ بندے نے کہیا،

’’اَے خداوند! چھیتی کر، کِتھے اینج نہ ہووے کہ میرا پُتر مر جائے‘‘ (یوحنا 4:49).

مگر یسوع اُوس شخص دے گھر تیکر نئیں گیا سی۔ ایدے بجائے، یسوع نے اُوہنوں کہیا،

’’رُخصت ہو؛ تیرا پُتر سلامت روے گا‘‘ (یوحنا 4:50).

جدوں اُو شاہی افسر واپس اپنے گھر لوٹیا تے اُوہنے پایا کہ اُوہدے پُتر نے شفا پا لئی سی تے زندہ تے ٹھیک ٹھاک سی۔ اُوہنے ایہہ وی دریافت کیتا کہ اُوہدے پُتر نے اُوسی لمحے شفا پا لئی سی جدوں یسوع نے کہیا سی، ’’رُخصت ہو، تیرا پُتر سلامت روے گا‘‘ (یوحنا4:50)۔

یسوع دے اِک بندے نوں فاصلے نال چھُٹکارا دلان دا تیجا واقعہ لوقا7:1۔10 تے متی8:5۔13 وچ درج اے۔ اِک مخصوص رومی سپ سالار سی جیدے گھر تے اِک پیارا خادم سی۔ اُوس سپہ سالار نے یسوع نوں کہیا، ’’اے خُداوند، میرا خادم فالج دا مارا گھر وچ بیمار پیا اے تے بڑی تکلیف چہ اے‘‘ (متی8:6)۔ لوقا سانوں دسدا اے کہ خادم ’’بیمار سی، تے مرن آلا سی‘‘ (لوقا7:2)۔ یسوع نے رومی سپہ سالار دے گھر ول بیمار بندے نوں شفا دین لئی ٹُرنا شروع کر دِتا سی۔ مگر رومی سپہ سالار نے کہیا،

’’اَے خداوند، میں ایس لائق نئیں کہ تُو میری چھت دے تھلے آئے، تُو صرف زبان نال کہہ دے تے میرا خادم شفا پائے گا‘‘ (متی 8:8).

’’تے یسوع نے اُوس افسر نوں کہیا، جا، جیہوجیا تیرا ایمان اے، تیرے لئی اوویں ای ہووے گا تے اُوسی لمحے اُوہدے خادم نے شفا پائی‘‘ (متی 8:13).

ایہہ تیجا واقعہ اے جیدے چہ یسوع بغیر لوکاں دے قریب جائے فاصلے توں ای اُوہناں نوں شفا دیندا اے ۔

رومی سپہ سالار دے خادم نے جان لیوا فالج توں شفا پائی سی۔ اُوس شاہی افسر دے پُتر نے ’’مرن دے لمحے وچ‘‘ شفا پائی سی (یوحنا 47:4). سُورفینیکی کُڑی دی تیہہ نے ’’اِک ناپاک روح‘‘ دی غلامی توں شفا پائی سی، بدروح دے قبضے توں چھُٹکارا پایا سی (مرقس 25:7). سارے دے سارے تِنوں معجزے یسوع نے اُوس بستی دے جیہنوں شفا پان دی لوڑ سی کول جائے بغیر یا چھوئے بغیر کیتے سی۔ یسوع نے سُورفینیکی کُڑی نوں کہیا،

’’بدرُوح [آسیب] تیری تیہہ وچوں نکل گئی اے۔ تے جدوں اُو گھر لوٹی تے ویکھیا کہ کُڑی چارپائی تے لیٹی ہُوئی اے تے بدروح [آسیب] اُوہدے وچوں نکل چُکی اے‘‘ (مرقس 7:29۔30).

یسوع دے فاصلے توں لوکاں نوں شفا دین دے ایناں واقعات دا اندراج بائبل وچ اِک وجہ توں اے۔ جان لیوا بیماریاں توں شفا پانا مسیح وچ ایمان لہیا کے تبدیل ہون دے معجزات دی تصویراں نے۔

’’لیکن خدا بہتیری محبت کرن آلا اے تے رحم کرن چہ غنی اے۔ اُوہنے سانوں جدوں کہ اسی اپنے قصوراں دے باعث مُردہ سی، مسیح دے نال زندہ کیتا۔ اُوسی دے فضل نال تہانوں نجات ملی اے‘‘ (افسیوں 2:4۔5).

شیطانی ظلم تے جبر توں چُھٹکارا پانا وی مسیح وچ ایمان لہیا کے تبدیل ہون دی تصویراں نے،

’’اپنے مخالفاں نوں حلیمی نال سمجھاؤ۔ ممکن اے کہ خدا اُوہناں نوں توبہ دی توفیق دئے تے اُو حق نوں پہچانن، ہوش وچ آن تے شیطان دے پھندے توں چھُٹ کے خدا دی مرضی دے تابع ہو جان‘‘ (2۔ تیموتاؤس 2:25۔26).

ایویں، ساڈی تلاوت جیہڑی اِک اینج دی کُڑی نوں جیہنوں شیطان نے ’’قیدی بنایا‘‘ ہویا سی نجات دلان دی یسوع دی اِک خوبصورت تصویر اے۔ تے یسوع نے اُوہدی ماں نوں کہیا،

’’بدرُوح [آسیب] تیری تیہہ وچوں نکل گئی اے۔ تے جدوں اُو گھر لوٹی تے ویکھیا کہ کُڑی چارپائی تے لیٹی ہُوئی اے تے بدروح [آسیب] اُوہدے وچوں نکل چُکی اے‘‘ (مرقس 7:29۔30).

جے اُسی ہُنے تیکر مسیح وچ ایمان لہیا کے تبدیل نئیں ہوئے نے تے تہاڈے لئی ایس تلاوت وچ کم از کم تِن سبق موجود نے۔

I۔ پہلی گل، اُو نوجوان کُڑی شیطانی گرفت دے تحت آئی ہوئی سی۔

انجیلی بشارت دے پرچار وچ کسی نوں ایہہ جانن لئی زیادہ تجربہ حاصل کرن دی لوڑ نئیں پیندی کہ شیطانی قوت اے جیہڑی لوکاں نوں مسیح وچ ایمان لہیا کے نجات پان توں روکن لئی کم کر رئی اے۔ اسی ایس حقیقت دے بارے چہ کلام پاک دے اِک اعلیٰ درجے دے حوالے توں سِکھنے آں۔ ایناں آیتاں وچ، شیطان نوں ’’ہوا دی عملداری دا حاکم‘‘ کہیا گیا اے۔ پولوس رسول نے کہیا،

’’تہاڈے قصوراں تے گناہواں دی وجہ نال تہاڈا حال مُردیاں وانگوں سی۔ تُسی اُوہناں چہ پھس کے دُنیا دی روش تے چلدے سی تے ہوا دی عملداری دے حاکم [شیطان] دی پیروی کردے سی جیدی روح ہُن تیکر نافرمان لوکاں وچ تاثیر کردی اے‘‘ (افسیوں 2:1۔2).

اِیناں آیتاں دے بارے وچ ڈاکٹر مورس Dr. Morris نے کہیا،

’ہوا دی عملداری دا حاکم‘ شیطان اے، جیہڑا برگشتہ فرشتیاں [آسیباں] دے اِک بہت وڈے ہجوم تے حکمرانی کر رہیا اے… ساڈی قدرتی [غیر نجات یافتہ] حالت چہ سانوں ’نافرمانی دے بچے‘ کہیا گیا اے (افسیوں 2:2) تے ’قہر دے بچے‘ کہیا گیا اے۔ سانوں ’شیطاناں دے فرزند‘ وی کہیا گیا اے (متی 38:13). تے ’ابلیس دے بچے‘ (1۔ یوحنا 10:3) کہیا گیا اے۔ ایہہ ای وجہ سی کہ یسوع نے ایس قدر زیادہ ظاہری طور تے مذہبی بندے وگرے نیکودیمس نوں کہیا، ’تیہنوں نئے سرے توں پیدا ہونا چائیدا اے‘ (یوحنا 7:3)، تے فیر اُوہناں دسیا، ’’جدوں تیکر انسان نئے سرے توں جنم نئیں لیندا اُو خُدا دی بادشاہی نوں نئیں ویکھ سکدا‘ (ھنری ایم۔ مورس، پی ایچ۔ ڈی۔ Henry M. Morris, Ph.D.، بائبل دا دفاع کرن آلیاں دا مطالعہ The Defender’s Study Bible، ورلڈ اشاعتی خانے World Publishing، 1995، صفحہ 1305)۔

مسیح یسوع وچ اِک سچی تبدیلی وگری گل ای تہانوں بچا پائے گی۔ ایہہ مسیح وچ ایمان لہیا کے تبدیل ہونا تے کلّیاں اُوسی مسیح وچ ایمان لہیا کے تبدیل ہونا ای اے جیہڑا اِک ہستی نوں شیطان تے اُوہدے آسیباں دی حکومت توں آزادی دلاندا اے۔

ڈاکٹر جان گِل Dr. John Gill دے مطابق، افسیوں2:1۔2

خود شیطان دے بارے وچ گل کیتی جائے، جیہڑا اِک روح اے، تے اِک شیطانی تے ناپاک روح اے؛ تے جیہڑی قوت دی بھرپوری دے نال بے اعتقاداں [غیر نجات یافتہ لوکاں] وچ کم کردی اے کیوں جے اُو اُوہناں توں مُراد ای نافرمانی دے بچے، یا بے اعتقادے نے… جنہاں دے ذہناں نوں اُو انَھا کر دیندا اے تے جنہاں دے دلاں نوں اُو بھر دیندا اے (جان گِل، ڈی۔ڈی۔ John Gill, D.D.، نئے عہد نامے دی اِک تفسیرAn Exposition of the New Testament، دی بپٹسٹ سٹینڈرڈ بیئرر The Baptist Standard Bearer، فیر اشاعت1989، جلد سوئم، صفحہ70)۔

اِک غیر نجات یافتہ بندے دے ذہن تے شیطان دی ایس قدر گرفت ہوندی اے کہ اُو ’’شیطان دے پھندے وچ، جیہڑا اُوہنوں قیدی بنا دیندا اے… اُوہدی مرضی تے‘‘ پھسا لیندا اے (حوالہ ویکھو2تیموتاؤس2:26)۔

جی ہاں، شیطانی قوتّاں ہوندیاں نے ’’جیہڑی نافرمانی دے بچیاں وچ کم کردیاں نے‘‘ (افسیوں 2:2)۔ کی ایہہ گل تہاڈے بارے چہ سچی ہو سکدی اے؟ کی ایہہ ہو سکدا اے کہ تہاڈے تے ایس طریقے نال شیطان نے کم کیتا ہووے، خود تہاڈی اپنی مسخ، برگشتہ فطرت دے نال اِک سازش وچ، کہ تُسی مسیح یسوع وچ نجات نوں مسترد کر دیندے اُو؟ کی ایہہ ای نئیں اے جیدی بائبل تعلیم دیندی اے؟ کی ایہہ ای وجہ نئیں اے کہ تہاڈا دِل بغاوت کردا اے؟ کی ایہہ ای وجہ نئیں اے کہ تُسی یسوع دے قریب ہون توں اِنکار کردے اُو؟ کی ایہہ ای وجہ نئیں اے کہ تُسی ایناں خوشخبری دے واعظاں نوں سُنندے اُو تے فیر وی خود نوں مسیح دے حوالے کرن لئی رضامند نئیں ہوندے اُو؟ کی ایہہ ای وجہ نئیں اے کہ تُسی تفتیشی کمرے وچ لڑکھڑاندے ہوئے جاندے اُو، تے فیر چھانٹے جاندے اُو، مسیح یسوع وچ نجات نئیں پاندے اُو؟ کی ایہہ ای وجہ نئیں اے کہ تہاڈا کُج حصّہ مسیح دے حوالے ہونا چاہندا اے، جدوں کہ تہاڈا دوجا حصّہ کلُی طور تے مسیح دے کول جان توں انکار کردا اے؟ کی ایہہ سب کُج ایس لئی سچا نئیں اے کیوں جے شیطان ’’اُو روح اے جیہڑا [تہاڈے چہ] کم کردا اے،‘‘ جیہڑا تہانوں یسوع دے کول آن دے معاملے نوں طے کرن چہ رخنہ ڈالدا اے تے انکار کراندا اے؟ میں کہنا واں کہ تُسی خود نوں یسوع دے حوالے نئیں کردے ایہدی گہری روحانی وجہ ایہہ اے کہ تُسی ’’ہوا دی عملداری دے حاکم… دے مطابق‘‘ ٹُردے اُو‘‘؟ (افسیوں2:2)۔

کی تہاڈی حالت اُوس نوجوان کُڑی وگری نئیں اے جیدے بارے وچ ساڈی تلاوت چہ دسیا گیا اے؟ میں اُمید کرنا واں کہ تُسی اُو ویکھ سکدے اُو کہ مسیح وچ ایمان توں تعلق رکھدے ہوئے تہاڈے ذہن دا شیطان دے قبضے دے تحت رہنا تہاڈی مدد نئیں کرے گا، بلکہ رِمکے رِمکے تہانوں ودھ توں ودھ نجات دہندہ دے خلاف سخت کرے گا۔

جے تُسی واقعی چہ محسوس کردے اُو کہ شیطان تے آسیبی قوتاں شاید تہاڈے ذہن نال کھیل رئیاں نے، تہانوں مسیح توں دور رکھ رئیاں نے، تے کی ایہہ گل سچ نئیں اے کہ تہانوں ایس معاملے نوں اِک ای مرتبہ حل کر لینا چائیدا اے – تے چھیتی ای شیطان دے شکنجیاں وچوں باہر کڈنا چائیدا اے تے یسوع تے پرہوسا کرنا چائیدا اے؟ کیوں ’’ابلیس دے پھندے وچ‘‘ حیاتی بسر کردے رہنا جاری رکھنا چائیدا اے؟ (2۔ تیموتاؤس 26:2). کی تُسی شیطان دی چِکنیاں چُپڑیاں گلاں وچ تے واضح جھوٹاں وچ انتہائی دیر نئیں کر چکے اُو؟ کی ایہہ سچ نئیں اے کہ تہانوں شیطان نال بندھن توڑن تے خود نوں مسیح دے حوالے کرن دی لوڑ اے – جیہڑا کہ واحد ہستی اے جیہڑی تہانوں اُوس شیطانی گرفت توں جیہڑی ابلیس دی تہاڈے ذہن تے اے نجات دلا سکدا اے؟

’’تے جدوں اُو گھر لوٹی تے ویکھیا کہ کُڑی چارپائی تے لیٹی ہُوئی اے تے بدروح [آسیب] اُوہدے وچوں نکل چُکی اے‘‘ (مرقس 7:30).

مگر ساڈی تلاوت وچ اِک سبق ہور اے۔

II۔ دوجی گل، اُوس نوجوان کُڑی نے مسیح دے بارے چہ سُنیا ہویا سی۔

ایس حوالے وچ سانوں دسیا گیا اے کہ اُوس نوجوان کُڑی دی ماں نے یسوع دے ’’بارے وچ سُن رکھیا‘‘ سی (مرقس 25:7). اُوس عورت نے اُوہناں معجزات دے بارے چہ جیہڑے یسوع نے کیتے سی تے جنہاں لوکاں نوں یسوع نے بچایا سی بہت کُج سُن رکھیا سی۔ اُوس سُورفینیکی عورت نے بغیر کسی شک و شُبہ دے اپنی آسیب زدہ تیہہ توں ’’یسوع دے بارے چہ جو کُج سُن رکھیا سی‘‘ گل کیتی سی (مرقس 25:7). اُو کُڑی ایہہ گل وی جانندی سی کہ اُوہدی ماں یقین رکھدی سی کہ یسوع اُوس کُڑی نوں بچا لئے گا۔ مگر ہُنے تیکر اُوس کُڑی نے اپنی آسیبی طور تے انّی تے شیطانی طور تے قبضے وچ آئی ہوئی حالت وچ گھٹ توجہ دِتی سی۔

کی ایہہ گل اج سویر تہاڈے وچوں کُج دے بارے وچ سچی نئیں اے؟ کی تُسی وی اُوس نجات دلان آلے فضل دے بارے چہ نئیں سُنیا ہویا اے؟ تے فیر وی بدروح دے قبضے وچ آئی ہوئی اُوس کڑی چہ کوئی فرق نئیں پیا تے اُو لاتعلق ای رئی۔ اُو بالکل وی خود توں یسوع دے کول جان لئی دلچسپی نئیں رکھدی سی۔

کی تہاڈے وچوں کُج ایویں دے ای نئیں اُو – لاتعلق تے عدم دلچسپی دا شکار جدوں تُسی سانوں مسیح دے ذریعے نال نجات تے چھُٹکارے تے تبلیغ کردے ہوئے سُنندے اُو؟ کی تُسی اکثر واعظ نوں ’’سُننا چھڈ‘‘ نئیں دیندے؟ کی تُسی اکثر دوجیاں گلاں دے بارے وچ نئیں سوچدے تے خوشخبری دے واعظ دی تبلیغ دے کُج ای دیر بعد، چھیتی نال اپنے ذہن توں یسوع دے تہانوں بچان دے بارے وچ خیالات نوں باہر نئیں کَڈ دیندے؟ کی ایہہ گل سچی نئیں اے کہ ہر واعظ دے فوراً بعد تُسی سُنندے اُو،

’’شیطان [آندا] اے تے [تہاڈے دِلاں] توں کلام نوں نکال لے جاندا اے۔ اینج نہ ہووے کہ [تُسی] ایمان لہیاؤ تے نجات پاؤ‘‘ (لوقا 8:12).

تے کی خوشخبری دی منادی وچ تہاڈی عدم دلچسپی تہانوں بالکل اُوس تھاں تے لہیا کے کھڑا نئیں کر دیندی جیویں ایہہ نوجوان کُڑی جیدا ذہن ایس قدر دُھندلا تے شیطان دے قابو وچ آ چُکیا سی؟ جیڑا سانوں ساڈے حتمی نکتے تے لے جاندا اے۔

III۔ تیجی گل، اُو نوجوان کُڑی اِک فاصلے توں یسوع دے وسیلے نال بچائی گئی سی۔

یسوع کدی وی کُڑی دے گھر دے قریب نئیں گیا سی۔ اُوہنے اُوہنوں کدی ویکھیا وی نئیں سی۔ اُوہنے کدی وی اُوہدے تے اپنا ہتھ نئیں رکھیا سی یا اُوہدے لئی دعا نئیں منگی سی۔ تے، جی ہاں، اُوہنے اُوس کُڑی نوں کدی وی خوشخبری وی نئیں سُنائی سی۔ جیہڑا تھوڑا بوہتا اُوس کُڑی نوں نجات دے بارے وچ پتا چلیا سی اُو اُوس تیکر جیہڑا کُج اُوہدی ماں نے یسوع دے بارے وچ دسیا سی پہنچیا سی – ایس توں ودھ کُج وی نئیں۔ تے فیر وی ایہہ اُوہدی ماں دے بارے وچ کہیا جاندا اے،

’’تے جدوں اُو گھر لوٹی تے ویکھیا کہ کُڑی چارپائی تے لیٹی ہُوئی اے تے بدروح اُوہدے وچوں نکل چُکی اے‘‘ (مرقس 7:30).

ایتھے تہاڈے لئی وی اِک سبق اے، جیہڑا کہ ساڈا حتمی نکتہ اے۔ اُو نوجوان کُڑی اِک فاصلے توں یسوع دے وسیلے نال بچائی گئی سی۔

میں ایس واعظ وچ پہلاں کہیا سی کہ اِک شاہی افسر دا پُتر فاصلے توں بچایا گیا سی، چونکہ یسوع ذاتی طور تے اُوہدے گھر وچ نئیں گیا سی۔ میں تہانوں اِک رومی سپہ سالار دے خادم دے بارے وچ وی دسیا سی جیہنوں یسوع نے اُوس بندے دے قریب جائے بغیر ای بچایا سی۔

ایہہ گل اج سانوں کی کہندی اے؟ دوجیاں گلاں دے مابین، ایہہ سانوں دسدی اے کہ یسوع نوں آسمان توں تھلے زمین تے آ کے تہانوں بچان لئی تہانوں ہتھ لگان دی لوڑ نئیں پیندی۔ اِک مشہور گیت اے جیہڑا کہندا اے، ’’اُوہنے مینوں ہتھ لگایا، جی ہاں اُوہنے مینوں ہتھ لگایا، تے ہائے اُو خوشی جیہنوں میری جان نوں بھر دِتا۔‘‘ مگر ایہہ ہمیشہ ای ایویں نئیں ہوندا اے۔ یسوع نے ایناں تِن لوکاں نوں ہتھ نئیں لگایا سی جدوں اُوہنے اُوہناں نوں بچایا سی۔ اُوہنے اُوہناں نوں اُوس ویلے جیتھے اُو سی اُوہدے توں بوہتی دور تھاں تے بچایا سی۔ اُو اُوہدے وسیلے نال فاصلے توں بچائے گئے سی۔

ایہہ یاد رکھن آلی اِک اہم گل اے۔ یسوع ہُن تہاڈے نزدیک نئیں اے۔ بائبل بار بار سانوں دسدی اے کہ اُو ساڈے توں بہت دور اے، اُتے آسمان وچ، خُدا باپ دے سجے ہتھ تے بیٹھیا ہویا اے، پولوس رسول نے ایہہ گل واضح کیتی جدوں اُوہنے لکھیا،

’’مسیح یسوع ای اُو اے جیہڑا مر گیا تے جی اُٹھیا تے جیہڑا خدا دے سجے پاسے موجود اے… ‘‘ (رومیوں 8:34).

فیر پولوس رسول نے لکھیا،

’’عالمِ بالا دی شیواں دی جُستجو وچ رہوو جیتھے مسیح خدا دے سجے پاسے بیٹھیا ہویا اے۔ عالمِ بالا دی شیواں دے خیال وچ رہوو نہ کہ زمین دیاں شیواں دے‘‘ (کلسیوں 3:1۔2).

ایدا مطلب ہوندا اے کہ تہانوں یسوع دے کول ایمان دے وسیلے نال آنا چائیدا اے، محسوسات دے ذریعے نال نئیں۔ مسیح دے کول آن دا مطلب ہوندا اے کہ تُسی اُوہدے تے پرہوسا کردے اُو، جیتھے اُو اے – اُتے آسمان تے۔

ایس سویرے اَسی بائبل دے زمانیاں وِچ تِن لوکاں نوں ویکھ چکے آں جِنہاں نوں یسوع دے وسیلے نال بچایا گیا سی حالانکہ اُو جسمانی طور تے اُوہدے توں بہت دور سن۔ تے تُسی، اَج دی سویرے، اُوہدے وسیلے نال بچائے جا سکدے اُو، حالانکہ اُو جسمانی طور تے تہاڈے توں بہت دور اے۔

’’عالمِ بالا دی شیواں دے خیال وچ رہوو نہ کہ زمین دیاں شیواں دے‘‘ (کلسیوں 3:2).

کسی وی قسم دے ’’احساس‘‘ نوں تلاش نہ کرو۔ ایہہ گل ’’زمین تے‘‘ ہوندی اے۔ خود اپنے دِل تے دماغ وچ نہ جھانکو۔ ایہہ گل ’’زمین تے‘‘ ہوندی اے۔ میں بیچارے گمراہ لوکاں نوں جاننا واں جیہڑے کئی کئی مہینیاں تیکر اِک زمینی احساس دی تلاش وچ مسلسل جاری رئے، خود اپنے آپ چہ اِک ’’تبدیلی‘‘ آ جان نوں ویکھدے رئے، ’’زمین تے‘‘ کسی تبدیلی نوں لبدے رئے۔ جی ہاں، کئی کئی مہینیاں تیکر ویکھدے رہنا ممکن اے، ایتھوں تیکر کہ وریاں تیکر، ایس ’’زمین تے شیواں‘‘ نوں لبدے رہنا ممکن ہوندا اے، اندر باطن وچ اِک دُرست احساس نوں لبنا، یا اندر باطنی طور تے دِل وچ اِک تبدیلی نوں لبنا۔ مگر ایدے توں تہانوں کوئی فائدہ نئیں ہوئے گا۔

کی تُسی ایویں رہ چُکے اُو؟ کی تُسی اینج کردے رئے اُو؟ جے تُسی کردے رئے اُو، تے میرے کول تہاڈے لئی اِک چنگی خبر اے! تُسی بالکل ایس ای سویر نجات پا سکدے اُو جے تُسی خود وچ لبنا روک دیو گے، اپنے احساسات نوں تے ذہنی حالت نوں۔ ایہہ چنگی خبر ایہہ اے – جیس لمحے تُسی خود وچ لبنا چھڈ دیو گے تے سادہ جئے ایمان دے نال یسوع ول ویکھو گے تُسی نجات پا لوو گے۔ جیس لمحے تُسی ایمان دے وسیلے نال یسوع چہ آندے اُو، حالانکہ اُو ایس قدر بہت دور وکھائی دیندا اے، تُسی یسوع دے وسیلے نال نجات پا لوو گے، بالکل جیویں اُوہناں تِن لوکاں نے جنہاں دا اسی اج دی سویر مطالعہ کیتا یسوع دے وسیلے نال نجات پا لئی سی جدوں یسوع اُوہناں توں بہت دور سی۔ اُوہنے اُوہناں نوں دور ای توں چھُٹکارا دِلا دِتا سی۔ اُو تہانوں وی فاصلے توں نجات دلا سکدا اے۔

خود وچ اِک احساس یا اِک اندرونی ’’تبدیلی‘‘ تے انحصار کرنا چھڈ دیو۔ خود اپنے آپ توں مکمل طور تے پرے ویکھو – آسمان وچ یسوع ول۔ یسوع ول ویکھو۔ اُوہدے تے پرہوسا کرو۔ ایمان دے وسیلے نال اُوہدے کول آؤ۔ اُو تہانوں اُوسی لمحے نجات دے دے گا جیویں ای تُسی اُوہدے تے سادہ ایمان وچ پرہوسا کردے اُو۔ تُسی اُوسی لمحے جرم توں خلاصی تے گناہ دی معافی پا لیندے اُو جدوں تُسی یسوع مسیح تے پرہوسا کردے اُو – حالانکہ اُو تہاڈے توں بہت دُور وکھائی دیندا اے۔ یسوع صلیب تے تہاڈے گناہ دا کفارہ ادا کرن لئی قُربان ہویا۔ اُو تہانوں حیاتی دین لئی مُردیاں وچوں جی اُٹھیا تے واپس آسمان وچ چلا گیا۔

اِک رات اِک بندے نے پولوس رسول نوں پُچھیا، ’’میں کی کراں کہ نجات پاواں؟‘‘ (اعمال 30:16). پولوس نے اُوہنوں ایہہ کہندے ہوئے جواب دِتا، ’’خُداوند یسوع مسیح وچ ایمان لہیا تے تُو نجات پا لئے گا‘‘ (اعمال 31:16). بالکل اُوسی راتی اُوس بندے نے یسوع تے پرہوسا کیتا تے نجات پا لئی سی۔

کی تُسی اینج اج دی سویر کرو گے؟ میں جاننا واں کہ ایہہ دشوار وکھائی دیندا اے – مگر ایہہ واقعی چہ دشوار نئیں اے۔ خُدا تہاڈی مدد کرے گا۔ خُدا تہانوں کھِچے گا۔ خوف کرن دی کوئی لوڑ نئیں اے۔ خوف ابلیس ولّوں ہوندا اے۔ خُدا نئیں چاہندا تُسی خوفزدہ ہوو۔ خدا ایمان دے وسیلے نال یسوع دے کول آن لئی تہاڈی مدد کرنا چاہندا اے، تے خُدا اینج کرن لئی تہاڈی مدد کرے گا۔

پہلی عظیم بیداری دے حمدوثنا دے مشہور شاعر جوزف ہارٹ Joseph Hart، وریاں دی جدوجہد تے خوف توں لنگے سی، مگر اُو فیر وی مسیح وچ ایمان لہیا کے تبدیل نئیں ہوئے سی۔ فیر اِک دِن اُوہناں نے خود نوں یسوع دے حوالے کر دِتا۔ ایہہ ایس قدر آسان سی کہ شروع چہ جوزف ہارٹ مشکل نال ای یقین کر پائے کہ اُوہناں نے نجات پا لئی سی۔ مگر بعد چہ اُوہناں نوں یقین دہانی ہو گئی سی کہ مسیح نے ایتھوں تیکر کہ اُوہدے وگرے اِک خُودسر ڈھیٹ بندے نوں نجات دلا دِتی سی۔ اُوہناں نے فیر اُو خوبصورت حمدوثنا دا گیت لکھیا سی جیہڑا اسی عبات وچ اِک لمحے پہلاں گایا سی۔ ایتھے ہارٹ دے حمدوثنا دے گیت دے کُج حصے نے،

آؤ، سارے تھکے ماندوں، بوجھ نال دبے، زخمی تے گرن نال ٹُٹے ہوئیوں۔
جے تُسی سُستی کرو گے جدوں تیکر کہ ٹھیک نئیں ہو جاندے، تے تُسی کدی وی نئیں آ پاؤ گے۔
کوئی ہور نئیں ماسوائے یسوع دے، کوئی ہور نئیں ماسوائے یسوع دے،
جیہڑا بے یارومددگار گنہگاراں لئی کُج چنگا کر سکدا اے۔
اُو لائق اے، اُو لائق اے، اُو رضامند اے، ودھ ہور شک مت کرو!
اُو لائق اے، اُو لائق اے، اُو رضامند اے، ودھ ہور شک مت کرو!
   (’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).

ہور ودھ شک مت کرو! یسوع بوہتی دور اے – اُتے آسمان وچ، مگر اُوہدا فضل تے محبت تہاڈے کول فاصلے توں وی آ سکدی اے، جیویں ایہہ بائبل دے ادوار وچ ہویا سی۔

اُو لائق اے، اُو لائق اے، اُو رضامند اے، ودھ ہور شک مت کرو۔

بیشک جے تُسی پہلاں لڑکھڑائے سی تے یسوع دے کول نئیں آئے سی، یا پہلاں اِک جھوٹی مسیح وچ ایمان لہیان دی تبدیلی کیتی سی، تُسی ایس قدر آسانی دے نال اج دی سویر ایمان دے وسیلے نال یسوع تے ہُن پرہوسا کر سکدے اُو تے تمام زمانیاں تے ابدیت تیکر لئی نجات پا سکدے اُو۔ کاش خُدا تہاڈے اپنے پُتر، ساڈے پیارے مُنّجی، یسوع مسیح وچ پرہوسا کرن چہ مدد فرمائے۔ آمین۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

فاصلے توں شفا بخشنا

DELIVERANCE FROM A DISTANCE

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’جدوں اُو گھر لوٹی تے ویکھیا کہ کُڑی چارپائی تے لیٹی ہوئی اے تے بدروح اُوہدے وچوں نکل چُکی اے‘‘ (مرقس 7:30).

(یوحنا4:49۔50؛ حوالہ ویکھو لوقا7:1۔10؛ حوالہ ویکھو متی8:5۔13؛
متی8:6؛ لوقا7:2؛ متی8:8، 13؛ یوحنا4:47؛
مرقس7:25، 29۔30؛ افسیوں2:4۔5؛ 2تیموتاؤس2:25۔26)

I.    اُو نوجوان کُڑی شیطانی گرفت دے تحت آئی ہوئی سی،
افسیوں2:1۔2؛ متی13:38؛ 1یوحنا3:10؛ یوحنا3:7؛ 2تیموتاؤس2:26 .

II.   اُوس نوجوان کُڑی نے مسیح دے بارے چہ سُنیا ہویا سی، مرقس7:25؛ لوقا8:12 .

III.  اُو نوجوان کُڑی اِک فاصلے توں یسوع دے وسیلے نال بچائی گئی سی،
رومیوں8:34؛ کُلسیوں3:1۔2؛ اعمال16:30۔31 .