ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
انجیلی بشارت دے پرانے طریقے تے فیر توں غور کرناRETHINKING THE OLDER WAY OF EVANGELISM ڈاکٹر آر ایل ہائیمرز جونیئر وَلّوں |
اَسی پیوریٹنز دا مطالعہ کر کے منادی تے انجیلی بشارت دے بارے وِچ بہوتا کُجھ سیکھ سکنے آں، تے خاص طور تے اُوہناں مَرداں دا جِنہاں نے پہلی عظیم بیداری (1740-1770) تے دوجی عظیم بیداری (1800-1830) وِچ اُوہناں دی پیروی کیتی۔
سی ایچ سپرجیئن C. H. Spurgeon آخری مبلغین وِچوں اِک سن جِنہاں نے انجیلی بشارت دے پیورٹین طریقے دی پیروی کیتی۔ میں ذاتی طور تے یقین رکھنا آں کہ سپرجیئن دے طریقہ کار تے واپس آنا دانشمندی ہووے گی۔ اَج کل اکثر لوکی مسیح وِچ ایمان لیہیا کے تبدیل ہوئے بغیر بپتسمہ لیہندے نے۔ میرے خیال وِچ ایہدے توں بچن دا بہترین طریقہ ایہ اے کہ پادری صاحبان سپرجیئن دے طریقہ کار تے عمل کرن۔ اُوہناں نے ہر پبتسمہ دین آلے مبلغ تے زور دِتا کہ اُو اِک پرسکون تھاں رکھن جیتھے اُو گمراہ ہوئے یا کھوئے ہوئے لوکاں دے نال طویل گفتگو کر سکن۔ اُوہناں نے پادری صاحبان دے اپنے طلب علماں نوں کہیا:
جے تُسی اپنے واعظاں دے نتائج ویکھنا چاہندے اُو تے تہاڈا پُچھ کُجھ کرن آلیاں دے لئی قابلِ رسائی ہونا لازم اے۔ ایہ سوچ کے حیرانی ہوندی اے کہ ایہو جئے منادی کرن آلے مذہبی خادم وی نے جِنہاں دے کول مضطرب لوکاں نال مِلن دا کوئی طریقہ نئیں اے۔ پہلاں ای توں تہانوں ایہناں ساریاں لوکاں نوں ویکھن دے لئی متواتر تے باقاعدہ اوقات مقرر کرنا چائیدے نے جیہڑا مسیح دی تلاش وِچ نے، تے تہانوں ایہو جئے لوکاں نوں خوش دِل دے نال مدعو کرنا چائیدا اے کہ اُو آن تے تہاڈے نال گل کرن۔ اِک اِک کر کے بھٹکی ہوئی پیہڈھاں نوں تلاش کرو۔ اپنی محنت توں بغض نہ رکھو، کیوں جے تہاڈے خداوند نے اپنی تمثیل وِچ اچھے چرواہے دی نمائیندگی کیتی اے کہ اُو اپنی پیہڈھاں نوں اِک ریوڑ وِچ نئیں بلکہ اِک اِک کر کے گھر وِچ لیہیا رہیا اے۔1
ایس ای موضوع تے گل کردے ہوئے، سترہویں صدی دے مبلغ رچرڈ بیکسٹر نے پادری صاحبان نوں کہیا:
مسیح وِچ ایمان دِلا کے لیہیان آلی تبدیلی دا کام پہلی تے بہوتی وڈی گل اے جیہدے تے سانوں دیوانہ وار ٹُرنا چائیدا اے۔ ایہدے بعد سانوں اپنی پوری طاقت دے نال محنت کرنی چائیدی اے … سانوں اپنے کول آن آلے سوالیاں نوں مشورہ دیہن دے لئی تیار رہنا چائیدا اے۔ اِک مذہبی خادم دا کام محض اِک عوامی مبلغ ہونا نئیں ہوندا اے، بلکہ اپنے لوکاں دے لئی مشیر دے طور تے جانے جان دا کام وی ہوندا اے، جیویں کہ اُوہناں دے جسماں دے لئی طبیب ہوندا اے … ایس مقدس دے لئی ایہ بہوتا ضروری اے کہ کہ تُسی عملی معاملات نال بخوبی واقف ہوو، تے خاص طور تے ایہ کہ تُسی نجات دلان آلے فضل دی نوعیت توں واقف ہوو، تے اُوہناں دی حالت نوں آزمان وِچ اُوہناں دی مدد کرن دے قابل ہوو، تے ایس اہم سوال نوں جیہڑا اُوہناں دی ابدی حیاتی یا موت نال تعلق رکھدا اے حل کرن دے قابل ہوو۔ مذہبی خادم وَلوں ضرورت منداں نوں دِتے گئے مناسب ویلے تے، دانشمندانہ مشورے دا اِک لفظ بہتیرے واعظاں توں بہوتا مفید ہو سکدا اے۔2
ماضی دے ایہ دو بندے پادری صاحبان نال اصرار کردے نے کہ اُو گمراہ ہوئے یا کھوئے ہوئے لوکاں نال ایہنا پیار کرن کے اُوہناں دے نال ویلہ لنگہا پان تے اُوہناں دی مدد کر پان۔ مسیح چہ ایمان لیہان دی تبدیلی تے ایہ خاکہ پادری صاحبان دی مشاورت دے کام وِث مدد کرن دے لئی دِتا گیا اے جِنہوں سپرجیئن تے بیکسٹر نے بیان کیتا اے۔ اَسی ایہ نئیں منندے کہ لوکی صرف ساڈے طریقے نال ای نجات پاندے نے۔ جیہڑا کوئی وی یسوع دے کول جاندا اے اُو نجات پاندا اے (یوحنا 6: 37)۔ لیکن اَسی سمجھنے آں کہ درج ذیل خاکہ ایس گل نوں یقینی بنان وِچ مددگار ثابت ہو سکدا اے کہ پُچھن آلے بشر درحقیقت اُوس [یسوع] دے کول آن۔ جیہڑا کُجھ اَسی ایتھے پیش کرنے آں اُو رچرڈ بیکسٹر، اساحل نیٹلٹن تے سی ایچ سپرجیئن دے استعمال کردہ طریقیاں دے بالکل لاگے اے۔ ایس موضوع تے ایہناں حضرات نے کی لکھیا اُوہنوں پڑھ کے آسانی نال ثابت کیتا جا سکدا اے۔
مسیح وِچ ایمان لیہیان دی تبدیلی کی ہوندی اے؟
الف۔ سانوں مسیح دے ذریعے نجات دی تعریف نوں ذہن وِچ رکھنا چائیدا اے۔
مسیح وِچ ایمان لیہیان دی تبدیلی انسان نوں اِک نئی فطرت تے خدا دے سامنے کھڑے ہون دی اجازت دیہندی اے تے اینج اُوہدی حیاتی وِچ اِک نئی سمت پیدا کردی اے۔
مسیح وِچ ایمان لیہیان دی تبدیلی روح القدس دے اُوس کام دا نتیجہ اے جیہڑا اِک کھوئے ہوئے گنہگار نوں یسوع مسیح وَل راستبازی تے تخیلق نو دے لئی کھینچ لیہیاندا اے، تے خدا دے سامنے گنہگار دے مؤقف نوں کھوئے ہوئے توں نجات پائے ہوئے وِچ بدل دیہندا اے، خداوند دی روح نوں الہٰی حیاتی فراہم کردا اے، اینج مسیح وِچ ایمان لیہیا کے تبدیل ہون آلے دی حیاتی وِچ اِک نئی سمت پیدا کردا اے۔ نجات دا معروضی پہلو راستبازی اے۔ نجات دا موضوعی پہلو تخلیق نو اے۔ نتیجہ مسیح چہ ایمان لیہیان دی تبدیلی ہوندا اے۔
سانوں یقین اے کہ ایس تعریف نال فیصلہ سازی دی وجہ توں پیدا ہون آلی اُلجھ نوں دور کرن وِچ مدد ملے گی۔
1۔ تاریخی تے معروضی طور تے (جیہڑا مسیح نے کیتا)۔
’’کیوں جے اِک وڈی اہم گل جیہڑی مجھ تیکر پہنچی اے تے میں تہانوں سُنائی اے ایہ اے کہ کتابِ مقدس دے مطابق مسیح ساڈے گناہواں دے لئی قربان ہویا، دفن ہویا تے کتابِ مقدس دے مطابق تیجے دِن زندہ ہو گیا‘‘ (I کرنتھیوں 15: 3۔4)۔
2۔ ذاتی تے موضوعی طور پر (مسیح چہ ایمان لیہیا کے تبدیل ہون آلا کی کردا اے)۔
’’خداوند یسوع مسیح میں ایمان رکھ تے توں نجات پائے گا‘‘ (اعمال 16: 31)۔
جیویں کہ سپرجیئن نے کہیا، ’’اُو یامان جیہڑا روح نوں بچاندا اے اُو اِک بندے تے ایمان لیہیانا اے، جیہڑا ابدی حیاتی دے لئی یسوع تے منحصر اے۔‘‘ 3
3. مسیح چہ ایمان لیہیان دا عمل (جِنہوں مسیح تے پروہسا وی کہیا جاندا اے) اُو ذریعہ اے جیہدے ذریعے تاریخی طور تے ساری بنی نوع انسان دے لئی دِتا گیا کفارہ انفرادی گنہگار نوں حاصل ہوندا اے تے اُوہدے تے لاگو ہوندا اے۔ مسیح سارے مرداں تے عورتاں دے لئی قربان ہویا، فیر وی ساریاں نوں نجات نئیں ملی، کیوں جے زیادہ تر لوکی اُوہدے تے پروہسا نئیں کردے۔
4. مسیح تے یقین کرن یا اُوہدے تے پروہسا کرن دا ایہ عمل انجیل یعنی خوشخبری دے تاریخی حقائق دے نال محض معاہدہ نئیں اے۔ ایہدے بجائے ایہ اِک ایہو جیہا عمل اے جیس وِچ گنہگار مسیح شخص، خود مسیح تے پروہسا کردا اے (یوحنا 1: 12)۔ اے ٹی پیئرسن A.T. Pierson دا حوالہ ایچ سی تھائیسن H.C. Thiessen نے اپنے درجہ بہ درجہ علم الہٰیات دے لیکچرز Lectures in Systematic Theology وِچ دِتا سی۔ ڈاکٹر پیئرسن نے لکھیا:
’’پھر، ایتھے، کسی وی بندے دے لئی نقطۂ آغاز اے جیہڑا نجات دلان آلے ایمان دا استعمال کرے گا؛ اُوہنوں یسوع نوں نجات دہندہ، مسیح، خدا دے پُتر دے طور تے قبول کرنا چائیدا اے؛ اُو صرف اُوہی گواہی نئیں جیہڑی خدا نے اپنے پُتر دے بارے وِچ دِتی اے، بلکہ خود خدا دا پُتر اے۔‘‘4
یا، جیویں کہ سی ایچ سپرجیئن C. H Spurgeon نے کہیا، ’’تاہم، ایہناں حقیقتاں دا محض علم، سانوں نئیں بچائے گا، جدوں تیکر کہ اَسی واقعی تے حقیقی طور تے اپنی جاناں نوں نجات دہندہ دے ہتھاں وِچ نئیں سونپ دیہندے۔‘‘5
5. ایہ عمل اُوہناں ساریاں کماں وِچ منفرد اے جیہڑے انسان کر سکدا اے۔ اگرچہ یوحنا 6: 29 میں ایہنوں ’’عمل‘‘ کہیا گیا اے، لیکن ایہ اپنی اِک قسم وِچوں اے تے سارے انسانی اعمال توں ممتاز اے جیویں گرجا گھر جانا، گناہواں نوں ترک کرنا، گواہی دینا، روزہ رکھنا، پیسے دینا، دعا کرنا، وغیرہ وغیرہ۔ یسوع تے یقین کرنا ای واحد شے اے جیہڑی انسان نوں نجات دے گی (یوحنا 6: 29)۔
مسیح تے پروہسا کرن دا عمل دراصل فوق الفطرت اے:
الف۔ ایہ زمین توں جنت تیکر پہنچدا اے، اِک بندہ دی ہستی توں باہر تے ایتھوں تیکر کہ ایس زمینی کائنات توں وی باہر پہنچدا اے۔
جدوں کہ اِک گنہگار اپنی طاقت نال گناہواں نوں ترک کر سکدا اے، دعا کر سکدا اے، گرجا گھر جا سکدا اے، بائبل پڑھ سکدا اے، وغیرہ وغیرہ، اُو نجات دے کسی وی پہلو نوں انجام نئیں دے سکدا: اُو اپنے گناہواں دی ادائیگی نئیں کر سکدا (I کرنتھیوں 15: 3-4) تے اُو اپنی صلاحیتاں توں، خدا دے فضل دے بغیر، مسیح دے کول نئیں آ سکدا (یوحنا 6: 44)۔ جیہڑا کے آسمان وِچ اے (مرقس 16: 19؛ عبرانیوں 10: 12)۔
ایویں ای، اِک بندے دے لئی یسوع دے کول اانا، پروہسا کرنا، یا کسی ہُور طرح نال رابطہ کرنا ناممکن ہووے گا، جے ایہ خالصتاً انسانی صلاحیتاں تے مںحصر ہووے: لیکن خدا دا فضل درحقیقت نجات دلائے جان تے پروہسے نوں ممکن بناندا اے (افسیوں 2: 8-9)۔ خدا دی محبت کیہنی شاندار اے!
ب۔ مزید برآں، گنہگار نوں ایس خستہ حالت وِچ نجات نئیں لبھ سکدی، تے اُو بچنا وی نئیں چاہندا۔ اُو ’’قصورراں تے گناہواں وِچ مُردہ‘‘ اے (افسیوں 2: 1) ’’سمجھ بوجھ دی تاریکی‘‘ دے نال (افسیوں 4: 18)۔
ایہ صرف خدا ای اے جیہڑا اِک گنہگار نوں بیدار کردا اے تے اُوہدے باطن وِچ مسیح دے کول آن دی خواہش تے اینج کرن دی صلاحیت دوواں نوں بخش دیہندا اے، یوحنا 6: 44۔
جے ایہ خدا دے فضل دے لئی نہ ہوندا تے کوئی کھویا ہویا گنہگار مسیح تے پروہسا نئیں کر سکدا سی، یا ایتھوں تیکر کہ کرنا وی نئیں چاہندا سی۔
لیکن خُدا دی محبت ایہنی شاندار تے ایہنی عظیم اے کہ نہ صرف مسیح ساڈے لئی قربان ہو گیا (رومیوں 5: 8) بلکہ ایہ کہ خدا کسی بندے نوں اپنی حیاتی وِچ گھٹ توں گھٹ اِک وری (آرزومندانہ فضل دے ذریعے) کِیھچدا اے تے ایس دے لئی مسیح تے پروہسا کرنا ممکن بناندا اے (طیطس 2: 11)۔ ’’اُوہنے پہلاں ساڈے نال محبت کیتی‘‘ (1 یوحنا 4: 19)۔
’’محبت ایہ نئیں کہ اَسی اُوہدے نال محبت کیتی [اَسی نئیں کیتی] بلکہ ایہ کہ [پہلاں] اُوہنے ساڈے نال محبت کیتی تے ساڈے گناہواں دا کفارہ بنن دے لئی اپنے پُتر نوں پیہجھیا‘‘ (I یوحنا 4: 10)۔
6. جدوں کوئی شخص مسیح تے پروہسا کردا اے، تے اُو مسیح نال منسلک سارے فائدے حاصل کردا اے (پاوہں اُو اُوہناں نوں محسوس کردا ہووے یا جانندا ہووے): گناہواں دی معافی، نیا جنم، وغیرہ وغیرہ۔ ایویں مسیح آپئے ایہناں سارے نتائج نوں ترجیح دیہندا اے جیہڑے اُوہدے تے پروہسا کرن دے نال نال آندے نے: خوشی، امن، یقین دہانی، اِک نئی حیاتی، تے ایتھوں تیکر کہ نیا جنم۔ جے کوئی شخص مسیح دے کول آندا اے، تے اُو مسیح دے سارے فائدے حاصل کردا اے، I کرنتھیوں 1: 30-31۔
7. مسیح تے پروہسا کرنا یا مسیح تے ایمان لیہیانا یا مسیح دے کول آن دا مقصد تلاش کرنا ہوندا اے۔ کھوئے ہوئے گنہگار نوں مسیح تے پروہسا کرن دی کوشش کرنی چائیدی اے، تے پادری یا ذاتی کارکن نوں کھوئے ہوئے گنہگار نال مسیح تے پروہسا کرن دے لئی قائل کرن دی نیت نال گل کرنی چائیدی اے، اعمال 8: 30-37؛ رومیوں 10: 14۔
الف۔ نجات دے حوالے توں بہتیریاں غلطیاں نے، جیس دی وجہ توں ایہ مسیح بخود دے علاوہ کسی ہُور شے دے ذریعے آندی اے۔
1. نجات ہرگز ضروری نئیں ہوندی اے، کسی شخص دی ’’حیاتی دی دلچسپی‘‘ یا ’’حیاتی تے پروہسا‘‘ کسی ہُور تھاں تے: پیسہ، دوست، خاندان، علم، جنس، خود، وغیرہ۔ اکثر کھلے عام یا عملی طور تے مسیحی نظریے دے انکار دے نال مل کے؛ اُو شخص سوچدا سکدا اے کہ بائبل سچی نئیں اے، جہنم دے وجود توں انکار کر سکدا اے، سوچدا اے کہ مرن دے بعد دی حیاتی نئیں اے، وغیرہ، وغیرہ۔
2. نجات ضروری اے، لیکن مسیح دے بغیر حاصل کیتی گئی اے۔ اعمال دے ذریعے، تقدس دے ذریعے، مطالعہ، مجالس وِچ حاضری، مذہبیت، گناہواں توں پرھیز، نماز، اقرار یا اعتراف، تےاینج ای (یہودیت وغیرہ) دے ذریعے توں۔
3. نجات مبینہ طور تے مسیح وَلوں ہوندی اے، لیکن حقیقت وِچ مسیح پابند کر دِتا جاندا اے یا کسی ہُور ’’نظام دے تحت‘‘ پہنچائی جاندی اے۔
الف۔ کیتھولک: مسیح نوں حاصل کردے یا ثالثی بناندے نے بپتسمہ لے کے، پاکشراکت نال، اعتراف کر کے، گرجا گھر وچ حاضری وغیرہ توں۔ (بدتر ہو جاندی اے: کنواری یا مقدسین دے ذریعے توں نجات؛ مسیح دور ہو گیا۔)
ب۔ انجیلی بشارت تے بپتسمہ دین آلا مسیح نوں حاصل کردے\ثالثی بناندے نے: گنہگار دی دعا توں (یسوع وِچ ایمان نوں محفوظ کیتے بغیر)، نظریاتی عقیدے توں، مطالعہ نال، گرجا گھر وِچ حاضری نال، خداوند دی وابستگی نال، یا کسی ہُور شے دے ذریعے۔ ایہناں شیواں وِچوں اِک دا کرنا مسیح نوں تسلیم کرندا اے یا ثابت کردا اے کہ اِک بندے دے کول اُو [یسوع] اے۔
ج۔ پینتیکوسٹل: مسیح نوں حاصل کردے\ثالثی بناندے نے: تجربات دے ذریعے، غیر مرئی زباناں نال، چنگے احساسات نال، حیاتی چنگی لنگہان دے نال، وغیرہ وغیرہ۔
ایہ غلطیاں وجودیات توں منطقی طور تے غلط نے؛ یعنی اُو مسیح نوں بخود اپنے آپ دے مقابلے توں گھٹ کسی شے دے تحت رکھدے نے یا کسی ہُور ’’نظام دے تحت‘‘ کردے نے، جیویں کہ گرجا گھر وِچ حاضری، گرجا گھر وِچ عبادت، گنہگار دی دعا، یا نظریہ عقیدہ۔ درحقیقت اَسی مسیح تے اِک ’’براہ راست‘‘ پروہسے دے ذریعے نجات پانے آں، جیہڑا ایہناں دوجیاں شیواں توں وڈا اے: ’’تے اُو ساریاں شیواں توں پہلاں اے، تے اُوسی دے ذریعے ساریاں شیواں قائم نے‘‘ (کلسیوں 1: 7)۔
ب۔ ایہ ساری غلطیاں حقیقت وِچ مسیح تے پروہسا کرن نال گھٹ ہوندیاں نے، حالانکہ اُوہدا ناں استعمال کیتا جا سکدا اے۔ جیویں اِک کیتھولک جیہڑا یسوع دا ناں لیہندا اے لیکن درحقیقت بپتسمہ تے پروہسا کردا اے اُو نجات نئیں پاندا اے، ایویں ای اِک انجیلی بشارت کرن آلا جیہڑا یسوع دا ناں لیہندا اے لیکن درحقیقت براہ راست مسیح تے پروہسا کرن دے بجائے گنہگار دی دعا یا نظریاتی عقیدے تے پروہسا کردا اے نجات نئیں پاندا۔ ایہ گل وضاحت نال دسدی اے کہ کیوں ’’نئے سرے توں جنم لین آلے‘‘ دا دعویٰ کرن آلے بہتیرے ایماندار حقیقی مسیحی حیاتی نئیں رکھدے، سنگین گناہ وِچ رہندے نے، تے عام طور تے مسیح دے نال اتحاد دا کوئی ثبوت نئیں دیہندے – صرف ایس وجہ توں کہ اُوہناں نے حقیقت وِچ مسیح تے پروہسا نئیں کیتا، اُوہدے وِچ قائم نئیں رئے، اُوہدے نال نجات پان آلے اتحاد وِچ داخل نئیں ہوئے، یوحنا 5: 40؛ یوحنا 6: 40۔
ایویں ای، پادری صاحب نوں مسیح تے پروہسا کرن دے ذریعے گمشدہ شخص دی نجات دے تجربے وَل رہنمائی کرنی ہوندی اے۔ ایہ شاید اُوس ویلے رونما ہو سکدا اے جدوں کوئی شخص گنہگار دی نماز پڑھدا اے، لیکن کدی نئیں رونما ہوندا کیوں جے دعا دے منگن نال ہوندا ای نئیں اے۔ کُلیدی عنصر مسیح تے پروہسا کرنا اے، دعا تے پروہسا کرنا نئیں ہوندا اے۔ جان آر رائس نے لکھیا کہ اِک شخص نوں بغیر اپنی چھوٹی دعائیہ کتا بچہ وِچوں دعا دے پڑھے نجات دلائی جا سکدی اے، میہنوں دعا پان دے لئی کی کرنا چائیدا اے؟ What Must I Do To Be Saved?‘‘ سی ایچ سپرجیئن، جان ویزلی، تے خود میں نے، یسوع تے ایمان دے اِک سادہ جئے عمل دے ذریعے ’’گنہگار دی دعا‘‘ کہے بغیر نجات پائی، یوحنا 3: 18۔ سپرجیئن، ویزلی تے میں نے اُوس ویلے دعا نئیں کیتی جدوں اَسی نجات پا گئے سن، بلکہ صرف اپنے دِلاں دا پروہسا یسوع تے رکھیا۔ ’’انسان راستبازی دے لئی دِل نال ایمان لیہیاندا اے‘‘ (رومیوں 10: 10)۔
نجات دے دو رُخ
الف۔ نجات دا موضوعی پہلو – تخلیق نو (یوحنا 3: 3؛ I جان 3: 9)۔ ’’موضوعی subjective‘‘ توں مُراد اُو اے جیہڑا مسیح وِچ ایمان لیہیا کے تبدیل ہون آلے بندے دے باطن وِچ ہوندا اے۔
ایس ای نوں نیا جنم کہندے نے۔ جدوں روح القدس ایس شخص نوں نئی حیاتی دیہندا اے جیس نے مسیح تے پروہسا کیتا اے۔ ایہ اُوہنوں مسیحی حیاتی تے نئی (الہٰی) فطرت نوں جین دی طاقت دیہندا اے۔ ایہ نئی حیاتی مسیح وِچ ایمان لیہیا کے تبدیل ہون آلے وِچ اپنے آپ ای جھلکدی اے، I کرنتھیوں 6: 11۔
ب۔ نجات دا مقصدی پہلو – راستبازی (رومیوں 5: 1، 6-9؛ رومیوں 4: 5؛ اشعیا 53)۔ ’’مقصد‘‘ توں مُراد اُو اے جیہڑا آسمان وِچ خدا دے سامنے ہوندا اے۔
ایس توں مُراد مسیح دے وگائے لہو دے ذریعے گناہواں دی معافی اے جیہڑا گناہواں دی ادائیگی دے لئی سولی تے قربان ہو گیا، رومیوں 5: 8-9۔
مناسب ترتیب – راستبازی تخلیق نو توں پہلاں توں اے۔ ایہ ترتیب مسیح نوں سب توں اہم تھاں تے رکھدی اے، جیتھے اُوہنوں ہونا چائیدا اے۔ (ایہ ترتیب تاریخ دے بجائے منطقی اے، کیوں جے دوویں اِک ای لمحے وِچ ہوندے نے جدوں کوئی بندہ مسیح تے پروہسا کردا اے)۔
ج۔ نتیجہ – مسیح وِچ ایمان لیہیان دی تبدیلی۔
1۔ اِک بندہ جیہڑا مسیح وَل رجوع کردا اے تے اُوہدے تے پروہسا کردا اے (اُوس تے یقین رکھدا اے، اُوہدے نال متحد ہوندا اے، اُوہدے کول آندا اے) معافی دے لئی (راستبازی) نوں مقصدی طور تے انصاف لبھ جاندہ اے تے موضوعی طور تے نئے جنم نوں قبول کردا اے، رومیوں 4: 5۔ نتیجے دے طور تے اُو مسیح وِچ ایمان لیہیا کے تبدیل ہوندی اے، متی 18: 3۔
2۔ ایک بندہ جیہڑا مسیح وَل محض روحانی ’’تجربے‘‘ دے لئی، ذاتی طاقت دے لئی (ایتھوں تیکر کہ گناہ تے قابو پان دے لئی) ویکھدا اے، احساسات دے لئی، اِک تبدیلی وغیرہ دے لئی ویکھدا اے، اُوہنوں نہ تے راستبازی لبھے گی تے نہ ای تخلیق نو، اعمال 8: 18-23۔ نتیجے دے طور تے، اُو مسیح وِچ ایمان لیہیا کے تبدیل نئیں کیتا جائے گا۔
3. لہذا، اَس جو چاہنے آں کہ پُچھن آلا اپنے گناہواں دی معافی دے لئی معافی وَل رجوع کرے، جیہڑا آسمان وِچ خدا دی کتاباں وِچ لکھے گئے نے (مثلاً مکاشفہ 20: 12-15)۔ ایہ گناہ قیامت دے روز گمراہ ہوئے یا کھوئے ہوئے گنہگار تے اِلزام دھرن گے بیشک اُو اُوہناں نوں جاری رکھنا ترک کر چکیا ہووے، کیوں جے اُو آسمان تے درج نے (مکاشفہ 20: 12)۔ اُو صرف مسیح دے لہو نال ای ’’پاک‘‘ ہو سکدے نے، عبرانیوں 9: 14، 22۔
مسیح وِچ ایمان لیہیان دی تبدیلی دے مراحل
الف۔ تعارف: ابتدائی تحفظات۔
1. نجات پان دے لئی صرف اِک شے دی لوڑ اے اُو اے مسیح تے پروہسا کرنا۔ ایویں، اِک بندے نوں نجات پان دے لئی بیداری یا گناہ دی سزایابی دے قابلِ توجہ یا قابل دی دور توں لنگہن دی لوڑ نئیں پیہندی اے۔
الف۔ کُجھ نوں اُوہناں دی مسیح وِچ ایمان لیہیان دی تبدیلی دے ویلے گناہ دی سزایابی دے بغیر نجات دالئی گئی اے جیویں کہ نابینا برمائی، مرقس 10: 47۔52، حالانکہ اُو بلاشُبہ اپنی گنہگار تے دُکھی حالت توں واقف سی تے ایس لحاظ نال مسیح چہ ایمان لیہیان دی تبدیلی دے لئی تیار سی۔
ب۔ تاہم، زیادہ تر معاملات وِچ لوکاں نوں اپنی مسیح چہ ایمان لیہیان دی تبدیلی دے ویلے اپنے گناہواں نوں ویکھن دی لوڑ ہوندی اے، ورنہ اُو مسیح تے پروہسا نئیں کرن گے۔ جیویں کہ ڈاکٹر جے گریشام میکحن نے لکھیا:
’’گناہ دے شعور دے بغیر، پوری انجیل اِک بیکار کہانی معلوم ہووے گی۔‘‘ 6
د۔ کُجھ لوکی نجات دی تفصیلات تے ہُور’’کیویں‘‘ مسیح تے توجہ مرکوز کرنی چائیدی اے تے توجہ مرکوز کرنا چاہندے نے، لیکن اُوہناں نوں گناہ دا کوئی احساس نئیں اے، ایس لئی ایہ پورا عمل اِک ’’بیکار کہانی‘‘ اے، یوحنا 5: 39-40۔
س۔ کُجھ تہاڈا تجزیہ کرن دی کوشش کرن دے نال مسیح نوں ویکھن دے بجائے اپنے آپ وِچ گناہ دے احساس نوں ختم کرن دی کوشش کردے نے۔ ایہ وی بے نتیجہ اے، افسیوں 4: 18۔19؛ II تیمتھیس 3: 7۔
2. مسیح تے پروہسا کرنا فوری اے۔
الف۔ ایتھے تجویز کردہ ’’مرحلے‘‘ عام طور تے ویلے دے نال لنگ جاندے نے۔ جیویں کہ سپرجیئن نے لکھیا، ’’پہلی نظر وِچ ایمان وگری کوئی شے ہو سکدی اے؛ لیکن عام طور تے اَسی مراحل نال ایمان تیکر پہنچنے آں: اَسی دلچسپی لیہنے آں، اَسی غور کرنے آں، اَسی ثبوت سُننے آں، تے اینج ای یقین کرن تے مجبور ہونے آں‘‘7 (حوالہ ویکھو مرقس 8: 22-25)۔ لیکن یقین دا لمحہ بخود فوری اے (مرقس 8: 25)۔
ب۔ تاہم، ایہ مراحل بعض اوقات تیزی نال رونما ہو سکدے نے تے ویلے دی ترتیب دے بجائے اِک منطقی ترتیب ہو سکدے نے، اعمال 8: 30۔38۔ میری اپنی ووہٹی تے ساڈے دو مناد صاحبان انجیلی بشارت دا صرف اِک واعظ سُنن دے بعد مسیح وِچ ایمان لیہیا کے تبدیل ہو گئے سن۔ اہم گل ایہ اے کہ انسان نوں بیداری تے یقین دے عمل توں تے مسیح دے نال اتحاد دے بجائے بیداری یا یقین دی تلاش کر رئے [لوکاں نوں] گویا کہ اُو خود ای ہدف نے، اُوہناں نوں بت بنان دے بجائے مسیح وَل لے جایا جائے۔
ب۔ بےخبر یا لاپرواہ گنہگار
تقریبا ہر اُو بندہ جیہڑا پہلی یا دوجی وری مشاورت دے لئی آندا اے ایس حالت وِچ ہوندا اے۔ ایس حالت وِث رہن دا مطلب ایہ نئیں اے کہ کوئی بندہ مذہبی نئیں اے، ظاہری طور تے صاف ستھری حیاتی نئیں رکھدا، یا بائبل، کلیسیا، یا خدا دی ظاہری شیواں وِچ دلچسپی نئیں رکھدا۔ نیکدیمس تے پولوس رسول اپنی تبدیلیاں توں پہلاں بے خبر سن ایہدے باوجود مذہبی تے پاکیزہ حیاتی لنگہا رئے سن، یوحنا 3: 10؛ اعمال 26: 4-5؛ اعمال 9: 5۔
رچرڈ بیکسٹر نے نشاندہی کیتی کہ ایہ پادری صاحب دا کام اے، بائبل دے استعمال دے ذریعے، اِک گنہگار نوں بیدار تے سزایافتہ حالت وِچ، تے آخر وِچ مسیح چہ ایمان لیہیان دی تبدیلی وَل لے جان وِچ معاون بننا۔8
بے خبر گنہگار، پاویں اُو گرجا گھر وِچ نئے ہون یا اُو اِک طویل عرصے توں گرجا گھر وِچ آ رئے ہوں، اُوہناں وِچوں ایہ خصوصیت پائی جاندی اے:
1. اُوہناں نے خدا (باپ)، یسوع مسیح، نجات (جنت وِچ کیویں جانا اے)، جنت تے جہنم وغیرہ دے بارے وِچ پہلاں توں مذہبی رائے قائم کیتی ہوئی ہوندی اے۔ بے خبر گنہگار ایہناں خیالات تے قائم رہندے نے حالانکہ اُو وریاں توں خوشخبری دی منادی دے تحت حیاتی بسر کر رئے ہوہندے نے۔ اُو ظاہری طور تے آرتھوڈکس مسیحیت دا دعویٰ کر سکدے نے لیکن درحقیقت جانچ پڑتال تے، اُوہناں دا مذہب بالکل مختلف اے (پہلی عطیم بیداری، 1859 دے حیاتِ نو وغیرہ توں پہلاں گمشدہ لیکن آرتھوڈکس مسیحیاں دا سچ)۔
ایہ آراء [رائے دی جمع] حیاتی وِچ کسی وی ویلے حاصل کیتی جا سکدی اے، عام طور تے کسی گرجا گھر یا مذہبی اِجلاس وِچ شرکت کر کے تے خوشخبری سن کے۔
مذہبی رائے قائم کرن دے لئی کئی وری گرجا گھر جانا ضروری نئیں اے۔ بہتیرے لوکاں نے اِک ای مذہبی اِجلاس وِچ شرکت کر کے، یا مسیحی ٹیلی ویژن ویکھ کے یا کوئی کتاب پڑھ کے، یا دوجیاں دے نال گفتگو کر کے، جیس دے دوران مذہبی آراء دا اِظہار کیتا جاندا اے، اپنی رائے قائم کیتی اے۔
الف۔ پادری دے لئی ایہ ضروری اے کہ اُو گنہگار توں پُچھے کہ ماضی وِچ اُوہدا گرجا گھر یا مذہب کی (کیہڑا) سی۔ ایہدے نال تہانوں اندازہ ہو جائے گا کہ گنہگار کی سوچدا اے۔
(i) کیتھولک پس منظرآلے لوکی عام طور تے اعمال توں نجات دے حوالے توں سوچن گے – گناہواں نوں روکنا، جِنہوں اُو ’’توبہ‘‘ کہندے نے، گرجا گھر جانا، یسوع دی پیروی کرنا، یسوع نال محبت کرنا، اعتراف کرنا، تے عام طور تے چنگا ہونا۔ اُو اکثر ایہ وی سوچن گے کہ یسوع تے خدا باپ ہر لحاظ توں اِکیہو جئے اِکہو وگرے ای نے، تے ایویں حقیقت وِچ ایہ نئیں سمجھدے کہ یسوع کیس طرح تثلیث دے کام وِچ خدا تے انساناں دے وِچکار ثالث دے طور تے کام کردا اے (I۔ تیمتھیس 2: 5)۔
(ii) بپتسمہ دین آلے، انجیلی بشارت یا اصلاح شُدہ پس منظر دے حامل لوکی اکثر بپتسمہ تے پروہسا کرن گے، گنہگار دی دعا کیہن تے، یا ذہنی طور تے مسیحی نظریے تے یقین رکھدے نے، جیویں کہ نجات دے منصوب نوں دہران دے قابل ہونا۔ اُو اکثر مومن دی سلامتی دے نظریے دا غلط استعمال کردے ہوئے ایہ سوچدے اُو کہ جے اُوہناں نے کسی ویلے دیا کیتی اے، بپسمہ لیہیا اے، گرجا گھر وِچ شمولیت اِختیار کیتی اے، یا مسیحی نظریے تے یقین کیتا اے، تے اُو اُودھوں توں ای نجات پا گئے نے تے ہُن محض ’’اِخلاقی طور تے پسماندہ ہوئے‘‘ نے حالانکہ اُو کدی وی مسیح وِچ ایمان لیہیا کے تبدیل نئیں ہوئے سن۔
(iii) کرشماتی مشن یا پینتیکوسٹل مشن دے پس منظر آلے لوکی عام طور تے احساسات تے تجربات دے لحاظ نال سوچدے نے۔ جے کسی شخص نوں ایہدا تجربہ ہویا اے جِنہوں اُو روح القدس سمجھدا اے، اپنی حیاتی وِچ خدا دی نعمت محسوس کردا اے، یا اپنے دِل وِچ سکون تے خوشی محسوس کردا اے، وغیرہ وغیرہ، تے اُو اپنے آپ نوں نجات یافتہ سمجھدا اے۔ کئی وری ایہو جئے لوکی مشورے دے لئی یقین دہانی یا کسی ہُور احساس دے لئی آندے نے جدوں کہ حقیقت وِچ اُو کدی وی مسیح تے پروہسا کرن توں نجات پائے ہوئے نئیں سن۔
ب۔ مزید ہور دریافت کرن دے لئی، پادری صاحب نوں گنہگار توں پُچھنا چائیدا اے، ’’تُسی جنت وِچ جان دی اُمید کیویں رکھدے اُو؟‘‘ ایہ ظاہر کرے گا کہ گنہگار نجات دے بارے وِچ کی یقین رکھدا اے۔ ایہ نجات دے بارے وِچ گنہگار دی جھوٹی اُمید نوں ظاہر کرے گا – جنت وِچ جان دے لئی گنہگار کی کرن دی اُمید رکھدا اے، یا سوچدا اے کہ اُو پہلاں ای کر چکیا اے۔
جے گنہگار پہلاں توں ای سوچدا اے کہ اُو جنت وِچ جا رہیا اے (تے کی فیر اُوہنوں مر جانا چائیدا اے)، پادری صاحب نوں اُوہس توں پُچھنا چائیدا اے کہ اِک شخص نوں جنت وِچ جان دے لئی کی کرنا چائیدا اے۔ جے ویلہ گھٹ اے، تے ایہ پُچھنا بہتر اے بجائے ایس دے کہ گنہگار توں اُو دہرایا جائے جِنہوں اُو اپنی نجات دی گواہی سمجھدا اے، جیہڑی اکثر اُوس شخص دی حیاتی دے تجربات دی اِک لمبی کہانی ہوندی اے، جیس دے نتیجے وِچ اچانک خاتمہ ہو جاندا اے، جیس وِچ یسوع دے اپنے لہو دے ذریعے گناہواں نوں معاف کرن دا بہت گھٹ یا کوئی ذکر ای نئیں ہوندا۔ ایس ساری گفتگو نوں چھڈ دیو، تے بس سادگی نال پُچھو، ’’جنت وِچ جان دے لئی انسان نوں کی کرنا چائیدا اے؟ براہ کرم میہنوں اِک جملے وِچ دَسو۔‘‘ اکیلے ایہ سوال عام طور تے ایہ ظاہر کرے گا کہ آیا کسی نوں نجات دلائی گئی اے یا نئیں، تے ایہناں دی جھوٹی اُمید کی اے۔ ایہ اَکھاں کھول دین آلی گل اے! ایہ تہانوں وکھائے گی کہ کیہنے گمراہ ہوئے یا کھوئے ہوئے لوکی تہاڈے گرجا گھر وِچ آندے نے!
اَسی جیس شے دی تلاش کر رئے آں اُو ایہ اے: کی اُو شخص یسوع دے کول آیا اے؟ کی اُو یسوع دے کول آیا اے کیوں جے اُو کسی ہور طریقے توں اپنے گناہواں توں چھٹکارا نئیں پا سکدا سی؟ کی اُو خدا دے پُتر دے نال اِتحاد دے ذریعے راستباز ٹھہرایا گیا اے؟
ایہ سمجھنا چائیدا اے کہ جیس مشورے دی اَسی وکالت کرنے آں اُو ایہناں تفتیش کاراں دے نال کیتی جانی چائیدی اے جِنہاں نے مشورہ کرن توں پہلاں ای اِک پرانے زمانے دا، گناہ دی مذمت کرن آلا، ضمیر دی جانچ کرن آلا، مسیح نوں بُلند کرن آلا واعظ سُنیا اے۔ ’’کیوں جے سولی دی منادی اُوہناں دے لئی جیہڑے ہلاک ہو جاندے نے حماقت اے، لیکن ساڈے لئی جیہڑے نجات پاندے نے ایہ خدا دی قدرت اے‘‘ (I کرنتھیوں 1: 18)۔ ایس طرح دی تبلیغ مشاورت توں پہلاں ضروری اے یا ایس توں بہوتا گھٹ فائدہ ہووے گا۔
سپرجیئن نے کہیا، ’’مضطرب سوالیاں نال گل کردے ویلے، میں اکثر ایس ہوشیاری تے حیران رہ جانا آں جیس نال اُو اپنے دِلاں وِچ ایمان دے داخلے نوں روکدے نے … میں اُوہناں لوکاں نوں اُوہناں دے گھراں تیکر ایہنی تندہی نال تلاش کیتا جیویں میں کوئی لومڑی دا شکاری آں، تے اُوہناں نوں اوہناں دی چُھپن دی تھاواں توں کڈن دی کوشش کیتی ہووے۔‘‘ 9
میرا ماننا اے کہ سانوں ایہناں لوکاں نوں فوری طور تے بپتسمہ نئیں دیہنا چائیدا اے جیہڑے اَگے آن، لیکن ایہ کہ پادری صاحبان نوں لوکاں دا انٹرویو کرنا چائیدا اے جیس طرح میں عبادتاں دے بعد تجویز کیتا اے، تے فیر، بعد وِچ ، بپتسمہ دی عبادت دی منصوبہ بندی توں پہلاں۔ لوکاں نوں بپتسمہ لین تے ساڈے گرجا گھراں دی رُکنیت وِچ داخل ہون توں پہلاں نجات دی واضح گواہی دین دے قابل ہونا چائیدا اے۔ جے اَسی ایس منصوبے تے عمل کرنے آں تے اَسی ایہنے زیادہ گمراہ لوکاں نوں نئیں پاواں گے۔
FOOTNOTES
1C. H. Spurgeon, Lectures to My Students (New York: Robert Carter & Brothers, 1889), pp. 60-61.
2Richard Baxter, The Reformed Pastor (Edinburgh, Scotland: Banner of Truth Trust, 1989, reprinted from the 1656 edition), pp. 94-97.
3C. H. Spurgeon, “The Warrant of Faith,” The Metropolitan Tabernacle Pulpit (Pasadena, Texas: Pilgrim Publications, 1979 reprint), volume 9, p. 530.
4A. T. Pierson, The Bible and Spiritual Life (New York: Gospel Publishing House, 1908), p. 238; quoted in Henry C. Thiessen, Lectures in Systematic Theology, (Grand Rapids, Michigan: William B. Eerdmans Publishing Co., 1949), p. 359.
5C. H. Spurgeon, “The Warrant of Faith,” p. 530.
6J. Gresham Machen, Christianity and Liberalism (Grand Rapids, Michigan: William B. Eerdmans Publishing Co., 1923, reprinted 1983), p. 66.
7C. H. Spurgeon, Around the Wicket Gate (Pasadena, Texas: Pilgrim Publications, 1992 reprint), p. 57.
8Richard Baxter, The Reformed Pastor (Edinburgh, Scotland: Banner of Truth Trust, 1989, reprinted from the 1656 edition), pp. 94-100.
9C. H. Spurgeon, Autobiography (Edinburgh, Scotland: Banner of Truth Trust, reprinted 1976), pp. 243-244.
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔