نجات دا بُوہا کُشادہ کُھلیا اے! | The Gate to Salvation Is Wide Open!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

آرمیائی تبصرہ نگار ڈاکٹر آدم کلارک Dr. Adam Clarke نے آیت دے پہلے حصے تے ایہہ غور طلب گل پیش کیتی:

اُو سارے جنہاں نوں پیو دے ذریعے نال کھِچیا جاندا اے… یعنی کہ، اُو سارے لوکی جیہڑے اُوہدے روح دے ذریعے نال متاثر ہوندے نے، تے اُوہناں اثرات دے سامنے گھُٹنے ٹیک دیندے نے… اُو جنہاں نے ہتھیار ڈال دِتے نجات پا گئے: اُو جنہاں نے ایس کھِچے جان دے اگے گھٹنے نئیں ٹیکے گمراہ یا برگشتہ ہو گئے (آدم کلارک، ایل ایل۔ ڈی۔ Adam Clarke, LL.D.، کلارک دا تبصرہClarke’s Commentary، فیر اشاعت Abingdon، جلد پنجم، صفحہ 561)۔

سپرجئین Spurgeon نے آیت دے پہلے حصے نوں ’’قدرے اُلجھیا ہویا نکتہ‘‘ کہیا، تے ایہنوں اصلاحی انداز وچ سمجھانا جاری رکھیا۔ فیر سپرجئین نے کہیا، ’’اُو جیہڑا پُتر تے ایمان لہیاندا اے ہمیشہ دی حیاتی پاندا اے، تے اُوہدا ایمان ثابت کردا اے کہ اُوس حیاتی لئی اُو خُدا وَلّوں چُنیا گیا سی؛ لیکن اُو جیہڑا پُتر تے ایمان نئیں لہیاندا جے اُو اُوسی بے اعتقادی وچ قائم رہندا اے تے بِلاشُبہ مر جاوے گا‘‘ (سی۔ ایچ۔ سپرجئینC. H. Spurgeon، ’’وڈے پھاٹک کُشادہ کُھلے نےThe Big Gates Wide Open،‘‘ دی میٹروپولیٹن واعظ گاہThe Metropolitan Tabernacle Pulpit، پِلگِرم اشاعت خانےPilgrim Publications، فیر اشاعت1978، جلد 51، صفحہ458)۔ میرے خیال وچ اسی سب اُوہدے نال متفق ہو سکنے آں۔ فیر سپرجئین نے کہیا، ’’اُوس اُلجھے ہوئے نکتے نوں سرے توں چھڈ دین نال، میں غور کیتا، ساڈی آزاد جلالی تے کُشادہ تلاوت وچ، ’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا،‘ کہ ایتھے اِک ضروری عمل اے، تے اُو اے، کہ اسی مسیح دے کول جانے آں‘‘ (ibid.)۔ یسوع نے کہیا،

’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا6:37).

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

ایس توں پہلاں کہ میں مذید ہور اگے جاواں، آؤ مینوں تہانوں پُچھ لین دیو، ’’تہاڈے وچوں کیہنے لوکی مسیح دے کول آ چکے نے؟‘‘ میرا خیال اے کہ تہاڈے وچوں زیادہ تر اینج کر چُکے نے۔ جے تہاڈے وچوں کوئی مسیح دے کول نئیں آیا اے، تے میں تہاڈے توں اینج کرن دی تمنا رکھنا واں۔ ’’لیکن،‘‘ تُسی شاید پُچھو، ’’ایہدا مطلب کی ہوندا اے؟‘‘ اُوہناں لفظاں تے نظراں جماؤ جنہاں نوں مسیح نے استعمال کیتا،

’’جیہڑا کوئی میرے کول آئے گا‘‘ (یوحنا6:37).

اُو اِک عمل، اِک تحریک دے بارے وچ گل کردا اے، لیکن بدن دے عمل یا تحریک دے بارے وچ نئیں، کیوں جے بے شمار سی جیہڑے جسمانی سمجھ وچ مسیح دے کول آئے، لیکن اُوہناں نے اُوہدے مقابلے چہ ایویں آن نال نجات نئیں پائی سی۔ ایہہ آنا ذہن دا اِک عمل اے؛ تُسی جانندے اُو… ذہن لئی [اِک مخصوص] نکتے تیکر آنا کی ہوندا اے، لیکن، [غور کرو] کہ ایتھے [دِل] دا معاملہ پنہاں ہوندا اے، ’’جیہڑا میرے کول آئے گا۔‘‘ نجات دلان آلا ایمان مسیح دے کول آ رہیا اے – اُوس ہستی لئی…نجات دی سچی راہ پرہوسا کرنا اے… یسوع مسیح دی اُوس جیتی جاگدی ہستی وچ جیہڑا خُدا وَلّوں متعین کیتا ہویا نجات دہندہ اے… تہانوں آنا چائیدا اے… اُوہدے کول، مسیح دے کول، جیہڑا معلون صلیب تے، اُوہناں ساریاں لئی جیہڑے اُوہدے چہ ایمان رکھدے نے کفارہ بنیا سی۔ تہانوں ضرور آنا چائیدا اے… تے اُوہنوں اپنے متبادل دے طور تے قبول کرنا چائیدا اے۔ اُو اُتے آسمان وچ جا چُکیا اے، لیکن اُو اوتھوں گنہگاراں لئی التجاواں کر رہیا اے، تے تہانوں اُتے اُوہدے ول ایویں اپنے ذہن دیاں اکھاں نوں ٹکائے رکھنا چائیدا اے کہ تُسی اُوہدے وچ پرہوسا رکھو گے جیہڑا مُردیاں وچوں جی اُٹھیا اے، تے اُتے جلال وچ جا چُکیا اے۔ اُوہنوں مسیح دے کول آنا ہوندا اے – اُوہدی ہستی وچ ذہن دا قائم ہونا (ibid.، صفحہ459)۔

ایہہ گل وی واضح اے کہ جدوں تُسی کسی مخصوص تے پہنچدے اُو، تے تُسی کسی ہور گل توں پرے ہو جاندے اُو۔ تہانوں اپنے گناہواں تے بے اعتقادی توں پرے ہو جانا چائیدا اے، تے اُوس [یسوع] دے کول آنا چائیدا اے۔

ہُن، کی میں تہانوں فیر پُچھ سکنا واں، ’’کی تُسی کول آ چکے اُو؟‘‘ کی تُسی کلیاں یسوع مسیح وچ پرہوسا کر رئے اُو؟ جے تُسی اُوہدے کول آندے اُو تے تلاوت وچ جیہڑا وعدہ اے اُو تہاڈے لئی ہو جاندا اے،

’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا6:37).

II۔ دوجی گل، ایتھے غیر ضروری خدشات دا تُرک کیتا جانا اے۔

کُج لوکی ہوندے نے جیہڑے کہندے نے کہ اُو مسیح دے کول جانا چاہندے نے، لیکن اُو سوچدے نے کہ یسوع شاید اُوہناں نوں مسترد کر دوے۔ اُو کیویں سچ ہو سکدا اے؟ جے ایہہ ممکن اے کہ اُو شاید تہانوں مسترد کر دوے، اُودوں اُوس [یسوع] نے جھوٹ بولیا۔ تُسی اُوہدے نالوں کئیں بہتر جانندے اُو! تُسی جانندے اُو مسیح کدی وی جھوٹ نئیں بولے گا۔ اُودوں اُو سوچ کہ اُو شاید تہانوں مسترد کر دوے گا غلط ہونی چائیدی اے، کیوں جے اُوس یسوع نے کہیا،

’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا6:37).

جے تُسی مسیح دے کول آندے اُو تے اُو تہانوں ’’اپنے توں جُدا نہ ہون دوے‘‘ گا۔ اوتھے تہانوں مِل جاندا اے اُوہناں لفظاں وچ ’’اپنے توں جُدا نہ ہون دوے گا‘‘

’’لیکن،‘‘ تُسی کہندے اُو، ’’میری شاید مسیح وچ ایمان لہیان دی جھوٹی تبدیلی ہوئی اے۔‘‘

’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘

’’میری شاید پہلاں ای توں مسیح وچ ایمان لہیان دی جھوٹی تبدیلی ہوئی اے۔‘‘

’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘

اُوہدے کول جان لئی کوئی وی ’’غلط راہ‘‘ نئیں اے۔ اُوہدے کول چاہے کسی وی راہ توں آؤ تے اُو تہانوں اپنے توں جُدا نئیں ہون دوے گا۔ ’’لیکن میں تذبذب دا شکار آں۔‘‘ فیر، میں کہناں واں، جے تُسی ’’تذبذب دا شکار‘‘ ہو کے اُوہدے کول آندے اُو تے وی اُو تہانوں اپنے توں جُدا نہ ہون دوے گا! تلاوت نئیں کہندی، ’’جیہڑا کوئی میرے کول تذبذب دا شکار ہوئے بغیر آئے گا میں اُوہنوں اپنے توں جُدا نہ ہون دواں گا۔‘‘ جی نئیں! جی نئیں! اُو اِختلافِ رائے رکھن آلا تلاوت وچ نئیں اے! ابلیس نے اُوہدا خُدا دے کلام وچ اضافہ کیتا! اُوہدے کول اپنے تمام تر تذبذب نال آؤ تے اُو تہانوں اپنے توں جُدا نہ ہون دوے گا!

’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6:37).

’’لیکن میں لوڑ دے مطابق سزایابی وچ نئیں آیا واں۔‘‘ مذید ہور شیطانی گھٹیا گل! جے تُسی اُوہدے کول سرے توں بالکل وی کسی سزایابی دے بغیر آندے اُو، تے اُو تہانوں اپنے توں جُدا نئیں ہون دوے گا!

’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6:37).

’’لیکن میرے کول دُرست احساسات نئیں نے۔‘‘ فیر، مینوں ابلیس دی تہانوں ایویں دے غیر ضروری خدشات وچ پان تے ملامت کرنی چائیدی اے۔ تُسی شاید مخصوص احساسات دی توقع کردے اُو۔ لیکن اُو توقع شیطانی ہوندی اے۔ تلاوت وچ ’’احساسات‘‘ دے بارے وچ بالکل وی کُج نئیں اے! ایہہ محض کہندی اے،

’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6:37).

جے تُسی ایس لمحے وچ کسی ہور پرہوسے تے ٹکے ہوئے اُو، تے میں تہانوں التجا کرنا واں ایہنوں جان دیو، تے یسوع دیاں بانہواں وچ آ گِرو، تے جان جاؤ – کیوں جے خُدا ایہہ کہہ چُکیا اے – کہ جیس لمحے تُسی یسوع وچ ایمان لہیاندے اُو، تُسی نجات پا لیندے اُو؛ ایتھے تہانوں الہٰی حیاتی وچ اِک شراکت بخشی جاندی اے جیہڑی کدی وی نئیں مرے گی۔ اُوسی لمحے چہ، تہاڈے توں تہاڈے سارے گناہ لے لیے جاندے نے، تاں جے ایہہ تہانوں ملعون نہ کر دین، تے تُسی فیر کدی وی نئیں واپس ڈالے جاندے۔ ایتھے تہاڈے تے اِک کامل راستبازی وی منسوب کیتی جاندی اے جیہڑی تہاڈے توں کدی وی چھینی نئیں جاوے گی، تے ایس بے داغ لبادے وچ تُسی ایتھوں تیکر کہ اُوس عظیم اخیرلی عدالت دے دِن جرأت دے نال کھلوتے ہوو گے… تلاوت دی آرام پہنچان آلی یقین دہانی ایہہ اے، ’’جے یسوع مسیح مینوں اپنے توں جُدا نئیں ہون دوے گا، تے مینوں خود چہ سمو لئے گا‘‘… اُو مینوں دھو ڈالے گا، اُو مینوں پاک صاف کر دوے گا، اُو مینوں لبادہ پہنائے گا، اُو مینوں خوراک کھلائے گا… اُو مینوں حیاتی وچ رکھے گا، تے اُو مینوں موت وچ رکھے گا… یسوع تے پرہوسا کرو، میں تہانوں اِلتماس کرنا واں۔ اُو تہاڈے پرہوسے دے قابل اے، کیوں جے اُو خُدا دا پُتر اے تے اُو ایس لئی قربان ہویا کہ اُوہناں ساریاں دے جرائم نوں دور کر دوے جیہڑے اُوہدے تے پرہوسا کردے نے (ibid.، صفحات465۔466)۔

نجات لئی پھاٹک کُشادہ کھُلیا اے! ہُنے چلے آؤ! ہُنے یسوع دے کول چلے آؤ، جیہڑا خُدا دا پُتر اے تے تُسی ہمیشہ لئی وچا لیے جاؤو گے، کیوں جے اُوہنے وعدہ کیتا سی،

’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6:37).

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔