Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




ایس توں پہلاں کہ اُو ویکھ پاندے
اُوہناں نوں بدحال کیتا ای جانا سی

THEY HAD TO BE MADE MISERABLE
BEFORE THEY COULD SEE
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

نئے سال دی شام نوں تبلیغ کیتا گیا اِک واعظ، 31 دسمبر، 2005
لاس اینجلز دی بپتسمہ دین آلی عبادت گاہ وِچ
A sermon preached on New Year’s Eve, December 31, 2005
at the Baptist Tabernacle of Los Angeles

’’اُوس لونڈی تے اُوہدے پُتر نوں باہر کڈ دے‘‘ (پیدائش10:21)۔

’’تے خُدا نے ہاجرہ دیاں اَنکھاں کھول دِتیاں، تے اُوہنے پانی دا اِک کھو ویکھیا؛ تے اُو گئی تے پانی دے نال اِک مُشکیزہ بھر لہیائی تے مُنڈے نوں پانی پِلایا‘‘ (پیدائش19:21)۔


کلام مقدس دا ایہہ حوالہ سانوں ہاجرہ تے اسماعیل دی تبدیلی وِچ رونما ہون آلی شریعت تے خوشخبری دی اِک واضح تصویر وکھاندا اے۔ ایہہ ایس باب توں واضح ہوندا اے کہ خُدا دی شریعت نوں اِک گمراہ گنہگار تے سختی نال لاگو ہونا چائیدا اے ایس توں پہلاں کہ اُوہدیاں اَنکھاں کُھلن تے اُو اپنے لئی مسیح دی لوڑ نوں محسوس ویکھے،

’’اُو اُوہدے وِچ حیاتی دا چشمہ بن جاوے گا تے ہمیشہ جاری رہووے گا‘‘ (یوحنا4:14)۔

خوشخبری دی تبلیغ دے پرانے طریقے نے مرداں تے عورتاں نوں اُہناں دے گناہ تے اِخلاق زوال نوں شریعت دے وسیلے توں واضح تے صاف طور تے اُوہناں نوں خوشخبری نوں پیش کرن توں پہلاں وکھایا سی۔ موجودہ دور دی انجیلی بشارت دی وڈی وڈی غلطیاں وِچوں اِک، پچھلے اِک سو پنجی وریاں یا زیادہ ویلے توں ترتیب دا پلٹنا رہیا اے، تے مسیح دے رحم تے محبت نوں پہلاں پیش کرنا رہیا اے، تے صرف فیر ای شریعت دی ہولناکیاں نوں پیش کرنا جے اُو مسیح نوں مسترد کر دیندے۔ ایہہ گل ساری بائبل وِچ پیش کیتی گئی ترتیب نوں پلٹ دیندی اے، تے ایہو ای گل صدیاں دے اعلیٰ درجے دی انجیلی بشارت دے عظیم مبلغین دے توں پیش کیتی گئی ترتیب نوں پلٹ دیندی اے۔ لوتھر، ویزلی، وائٹ فیلڈ، بنعیئن تے تِناں عظیم بیداریاں دے اعلیٰ درجے دے مبلغین نے اُودھروں ای آغاز کیتا جِدروں بائبل شروع ہوندی اے، گمراہ گنہگاراں نوں اُوہناں دی ہولناک حالت، بھیانک کیفیت تے اُوہناں دے بدنصیب مستقبل نال سامنا کروانا ہونداسی۔

اَج کل گرجا گھراں وِچ گمراہ لوکی خوشخبری دی منادی دے ایس اعلیٰ درجے دے پیش کیتے جان نوں پسندے نئیں کردے۔ اُو مسیح دی تبلیغ دے ذریعے نال محبت تے قبولیت چاہندے نے، ایس توں بعد اُو اِک قسم دے یا دوجی قسم دے الطان توں بلاوے دی پیروی چاہندے نے جیس دے نال اُو واعظ دے بعد توبہ توبہ کرن دا بُلاوہ چاہندے نے۔ ساری بائبل وِچ جیس گل دی تعلیم دِتی گئی اے اُوہدی ترتیب نوں پلٹ ڈالن نال، مسیح دے لئی زیادہ تر ’’فیصلے‘‘ بہترین طور تے سطحی ہوندے نے، تے چند اِک لوکی ای سچے طور تے کسی بائبلی یا دیرپا طریقے وِچ مسیح وِچ ایمان لہیا کے تبدیل ہوندے نے۔

ساڈے زمانے وِچ پادری صاحبان دے اِک بہت وڈی تعداد انجیلی بشارت دی منادی دے ایس اعلیٰ درجے دی طریقے توں شدید خوفزدہ ہوندے نے۔ اُو ایس توں اینج ای ڈردے نے جیویں رومن کاتھولک کلیسیا لوتھر دی منادی توں خوفزدہ سی، تے اُوہنوں واقعی وِچ ایس طرح نال منادی کرن لئی سارے گرجا گھراں وِچوں نکال باہر کیتا سی، ایتھوں تیکر کہ اُو آسمان ہیٹاں کُھلے میداناں وِچ منادی کرن لئی مجبور ہو گئے سن۔ دورِ حاضرہ دے مبلغین ’’خوشخبری توں پہلاں شریعت‘‘ دی منادی نوں پیش کرن توں اَج اُوہنے ای خوفزدہ ہوندے نے جِنہے اُو اٹھارویں صدی وچ ہوندے سن، جدوں عظیم وائٹ فیلڈ تے ویزلی نے اپنے جریدیاں وِچ بارہا کہیا، ’’مینوں اُوتھے بالکل وی منادی نئیں کرنی چائیدی۔‘‘

تے اَج بے شمار مبلغین اینے ای خوفزدہ نے جنہے اُوس زمانے دی پادری صاحبان ہوندے سن، ایسی گل دی وجہ توں۔اُوہناں وِچوں بے شمار، خود اپنے طور تے کدی وی مسیح وِچ ایمان لہیا کے تبدیل نئیں ہوئے سن، تے ایس اعلیٰ درجے دی، بائبلی انداز آلی تبلیغ دے بائبلی طریقے دی لوڑ نوں نئیں ویکھدے سن۔ دوجے، جیہڑے مسیح وِچ ایمان لہیا کے تبدیل ہوئے لوکی سن، جدید رُجحانات دے ذریعے توں اُوہناں دی منادی وِچ بہکن یا بھٹک جان وَل رہنمائی پاندے سن، جیویں کہ دُنیا بھر وِچ ’’صلیبی جنگاں،‘‘ بور تے خشک ترین نظریاتی تے فلسفیاتی کیلوِن اِزم، مدعو کرنے دے نظام، کرشماتی اِزم تے ترقی پسندیت آلے رُجحانات۔ ایہہ رُجحانات ’’کامیاب‘‘ ہوندے وکھائی دیندے سن، تے ایسی لئی بے شمار پادری صاحبان نے ایناں دی نقل کیتی، بجائے ایس دے کہ خوشخبری توں پہلاں شریعت دی منادی کرنے دے پرانے بائبلی انداز وَل واپس جاندے۔ اُوہناں نوں ایہدی کوئی لوڑ ای نظر نئیں آندی سی۔

پادری صاحبان دا تیجا گروہ جیس منادی کرن دے پرانے بائبلی انداز نوں ٹُھکراندا اے اُو لوکی نے جِنہاں نے کدی وی تبلیغ کرن لئی کدی وی اِک واضح فق الفطرت بُلاہٹ دا تجربہ کیتا ای نئیں ہوندا۔ خُدا وَلوں کوئی بُلاہٹ نہ پان تے، اُوہناں نوں بس سمجھ ای نئیں آندہ سی کہ کیوں لوکاں نوں واعظ دے شروع وِچ ای ’’ایس قدر سخت منادی‘‘ دے ذریعے نال پریشان ہون تے مجبور کیتا جانا چائیدا اے۔ اُو چاہندے سن کہ لوکاں دی مسیح وِچ ایمان لہیان دیاں تبدیلیاں سوکھیاں تے آرام دہ ہون، بغیر کسی جدوجہد دے، بغیر کسی شدید کشمکش دے، کوئی وی پریشان نہ ہووے۔ اُو تصور کردے سن کہ گمراہ بندے نوں بس خدا دی محبت تے مسیح دی قربانی دے حقائق نال آگاہ کیتا جانا چائیدا اے تے جدوں اُو ایناں خوشگوار عقیدیاں نوں سُن چُکن، تے اُو قدرتی طور تے مسیح لئی ’’فیصلہ کر‘‘ لین گے۔

میں کہنا واں کہ ایس قسم دے واعظ بالکل وی غیر نجات یافتہ لوکاں لئی کسی وی طور تے مددگار ثابت نئیں ہوندے۔ میں کہنا واں کہ ساڈی کلیسیائیں ابتری تے تذبذب وِچ نے، جیہڑیاں اَج گمراہ لوکاں دے بہت وڈے وڈے ہجوماں نال بھریاں پہیاں نے، کیوں جے بِنا بُلاہٹ دے لوکی، اُوہناں دے منبراں وِچ کِھلوتے، کم ہمت چاپلوسانہ، بے تُکی، بے معنی فضول گوئی، آیت بہ آیت تبصریاں وِچ پیش کردے نے جہیڑی کسی نوں وی چیلنج پیش نئیں کردی، کسی نوں وی غصہ نئیں دِلاندی، کسی نوں وی سزایابی وِچ نئیں لہیاندی، تے کسی نوں وی مسیح وِچ ایمان لہیا کے تبدیل نئیں کراندی!

لیکن میں اَج دی راتی واپس پیدائش21 باب وَل آواں گا، تہانوں اُو پرانا، بائبلی انداز وکھان لئی جیس دے نال خدا لوکاں نال نمٹدا سی۔ تے ایہو ای اُو طریقہ اے جیدے نال میں اَج دی راتی تُسی لوکاں نوں منادی کرن جا رہیا واں۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

I۔ پہلی گل، ہاجرہ تے اسماعیل نوں کَڈیا گیا تے بدحال ہون تے مجبور کیتا گیا سی۔

سارہ نے تیکھے انداز وچ کہیا،

’’اُوس لونڈی تے اُوہدے پُتر نوں کَڈ دے کیوں جے اُوس لونڈی دا پُتر میرے پُتر اِضحاق دے نال اُوہدی میراث وچ ہر گز شریک نئیں ہووے گا‘‘ (پیدائش 21:10).

لوتھر نے ایہدے چہ اِک گمشدہ بشر نوں شریعت دے تحت لہیائے جان دی تصویر ویکھی،

اُو جنہاں نوں، اسماعیل تے اُوہدی ماں وانگوں، اپنے گھراں تے آبائی زمیناں توں باہر کَڈ دِتا گیا، جیہڑے صحرا وچ پُکھ تے پیاس نال تقریباً بے حال نے، جیہڑے خُدا توں ماتم کردے تے پُکاردے نے، تے مایوسی دے دہانے تے کھلوتے نے۔ [صرف] اوہی لوکی خوشخبری دے بجا طور تے سُنن آلے لوکی ہوندے نے (پیدائش تے تبصرہ)۔

لوتھر نے نشاندہی کیتی سی کہ ہاجرہ تے اسماعیل دے غرور نوں توڑن لئی اُوہناں دا بدحالی دی حالت وچ لہیایا جانا ضروری سی۔ انسان قدرتی طور تے مغرور ہوندے نے۔ اُو سوچدے نے کہ سزاوار قرار دِتے جان لئی اُو اینے زیادہ گناہ توں بھرپور نئیں ہوندے نے۔ اُو اپنی خود راستبازی وچ خُدا دے سامنے بے شرمی نال کھلوندے نے۔ اُوہناں دا غرور توڑا جانا چائیدا اے۔ لوتھر نے کہیا،

میں جاننا سی کہ اسماعیل دا پہلاں کڈیا جانا تے مایوس ہونا تے مجبور کیتا جانا ضروری سی ایہدے توں پہلاں کہ اُو فرشتے دے سکون پہنچا دین آلے لفظاں نوں سُن سکدا۔ موزوں طور تے، میں اصول دی پیروی کیتی کسی وی بندے نوں سہولت پہنچان لئی نئیں ماسوائے اُوہناں دے جیہڑے پشیمان ہو چکے نے تے اپنے گناہواں دی وجہ توں غم منا رئے نے – اُو جیہڑے اپنی مدد آپ توں مایوس ہو چکے نے، جنہاں نوں شریعت خوفناکی وچ مبتلا کر چُکی اے… ابراہام دے گھر توں کَڈ دِتے جان توں پہلاں اسماعیل سخت مشکلاں وچ گھری ہوئی ایس [حالت] چہ نئیں لہیایا گیا سی؛ اوہ مغرور تے بے فکر سی… کیوں جے اُو اضحاق توں پہلاں پیدا ہویا سی، اُو کہہ سکدا سی: میں مالک تے ایس گھر دا وارث آں؛ اضحاق تے سارہ نوں میرے سامنے گُوڈے ٹیکنے چائیدے نے، یا کی ایس گل لئی اُوہدی ملامت کیتی جانی چائیدی اے؟ جے بعد دی گل نوں لہیا جائے، تے فیر کسی دوجے طریقے نال اُوہدی ملامت کیتی جانی چائیدی اے بجائے ایہدے کہ اُوہنوں اپنی ماں دے نال گھر توں باہر کَڈ دِتا جائے تے ابراہام دے گھر وچوں اپنے نال کسی وی شے نوں لے جان دی اجازت نہ دِتی جائے ماسوائے شریعت دی سزا، روٹی تے پانی دے؟… مگر اخیر وچ کوئی پانی نئیں رہندا، تے ماسوائے مرن دے کُج وی باقی نئیں رہ جاندا۔ ایہدے توں ودھ شریعت کدی وی کُج نہ کردی۔ آؤ اُودے توں سبق سِکھیے، فیر، کہ خُدا ہر مغرور بندے دا دشمن ہوندا اے؛ لیکن اُو جیہڑے عاجز ہو جاندے نے تے شریعت دی قوت نوں محسوس کر چُکے نے اُو [خُدا] اُوہناں نوں سکون پہنچاندا اے… کیوں جے اُو نئیں چاہندا کہ اینج دے لوکی فنا ہو جان۔ دوجے پاسے، اُو مغرور تے بے فکرے لوکاں نوں ابراہام دے گھر وچ رہن دی [برداشت] اِجازت نئیں دیندا (ibid.)۔

تہانوں چائیدا اے کہ اینوں کُچلو، اپنے آپ نوں عاجز کرنا چائیدا اے، کہ تہانوں عشائے ربانی وِچ شرکت کرن اِجازت نئیں۔ تہانوں چائیدا اے کہ اینوں کُچلو، کہ تہانوں کلام مقدس دے مطابق بپتسمہ پان دی اِجازت نئیں اے۔ تہانوں چائیدا اے کہ اینوں کُچلو، اپنے آپ نوں عاجز کرنا چائیدا اے کہ دوجے گرجا گھر وِچ آندے نے تے مسیح وِچ ایمان لہیا کے تبدیل ہو جاندے نے جدوں کہ تُسی خارج شُدہ ای رہندے اُو۔

’’اُوس لونڈی تے اُوہدے پُتر نے باہر کڈ دے‘‘ (پیدائش 21:10).

’’جدوں مُشکیزے دا پانی ختم ہو گیا تے اُوہنے منڈے نوں اِک جھاڑی دے سایہ چہ چھڈ دِتا … تے اُو بیٹھ گئی … تے اَتھروواں نال رون لگ پئی‘‘ (پیدائش21:15۔16).

اُو باہر کڈی جا چکی سی۔ پانی مُک چکیا سی۔ اُو اَتھروواں نال رون لگی سی۔

تہانوں وی ایہو جئی باطنی حالت وِچ لہیا جانا چائیدا اے – ورنہ خوشخبری دے تہاڈے لئی کوئی معنی نئیں رہن گے! مسیح دی خوشخبری کُج وہ نئیں لگے گی ماسوائے لفظاں دے جدوں تیکر کہ تُسی کڈے ہوئے مسحسوس نہ کرو، جدوں تیکر کہ تہاڈا پانی نہ مُک جائے، تے تُسی اَتھروواں نہ رونا نہ شروع کر دیو!

II۔ دوجی گل، ہاجرہ تے اسماعیل نوں صرف اُودھوں ای سکون مِلایا سی۔

مہربانی نال کِھلو جاؤ تے آیت 19 نوں باآواز، بُلند پڑھو۔

’’فیر خُدا نے ہاجرہ دی اَنکھاں کھولیاں تے اُوہنے پانی دا اِک کھو ویکھیا۔ چناچہ اُو گئی تے مُشک بھر کے لے آئی تے مُندے نوں پانی پِلایا‘‘ (پیدائش21:19).

تُسی تشریف رکھ سکدے اُو۔

کُھو اُوتھے پہلاں ای تو سی، مگر ہاجرہ اُوہنوں ویکھ نہ پائی سی۔ جدوں اُو بالاآخر توڑ ڈالی گئی تے اِک بے بسی دے حالت وِچ لہیائی گئی، فیر، ’’خُدا نے اُوہدیاں اَنکھاں کھولیاں تے اُوہنے پانی دا اِخ کُھو ویکھیا۔‘‘ کُھو اُوتھے شروع توں ہی موجود رہیا سی، مگر اُو اُوہنوں ویکھ نئیں سکی سی جدوں تیکر کہ خُدا نے اُوہدیاں اَکھاں نہ کھولیاں۔ عظیم سپرجیئن نے کہیا،

ہُن، ایہہ بے شمار … گنہگار لوکاں… دی حالت دی ایک تصویرانہ نمائندگی اے۔ خُدا دے پتر وَل ویکھو تے حیاتی پاؤ: ایس توں بوہتا سُہکھا ہو کی ہو سکدا اے؟ تے ایس دے باوجود کوئی وی کدی وی ’’ایمان لہیان تے حیاتی پان‘‘ دے عقیدے نوں سمجھ نئیں پایا جدوں تیکر کہ خُدا اُوہدیاں اَنکھاں نئیں کھولدا۔ کُھو اُوتھے ای سی، مگر پیاسی جان اُوہنوں ویکھ نئیں سکدی۔ مسیح اُوتھے ای اے، مگر گنہگار اُوہنوں ویکھ نئیں سکدا۔ اُوتھے لہو نال پرہیا ہویا اِک چشمہ ہوندا اے مگر اُو نئیں جانند اُوہدے وِچ پاک صاف کیویں ہونا ہوندا اے… جدوں تیکر کہ گنہگار دے کالے ڈیہلیاں [اَکھ دے اندر سیاہ گول حصہ] تے دائمی نور نئیں چمکدا، اُو اُوہنوں ویکھ نئیں سکدا تے اُوس ڈھاڈھی سچائی دا حل تلاش نئیں کر پائے گا… بے شمار لوکی ایہو جئے ہوندے نے کہ خود نوں احساس برتری دی وجہ توں ویکھ ای نئیں پاندے۔ جدوں بہت وڈی خودی اُوہناں دی اَنکھاں نوں خود اپنے نیک اعمال تے مذہبی اداکاریاں دی ضیافتاں دا نظارہ کروادیاں نے تے بیشک، تنہا مسیح دے وسیلے نال نجات دی راہ نوں ویکھیا ای نئیں جا سکدا۔ خُدا اُوہناں پیمانیاں نوں تہاڈی اَنکھاں توں کُھو لیندا اے، بیچارہ گنہگار، کیوں جے خود انیرے نوں بنان آلی بہت وڈی صنعت اے۔ کوئی وی گل ایس قدر یقین دے نال اِک بشر نوں انیرے وِچ نئیں جکڑدی جِنہا اُوہدی آپ دی قوتاں دا زعمِ باطل اُوہنوں تاریکی وِچ جکڑدا اے… مینوں خود تے اِک شدید گمان ہوندا اے کہ میں کسی ایہو جئے نوجوان بندے نال گل کر رہیا واں جیدے مستقبل دا انحصار اُوہدے دانشمندانہ ٹھہراؤ تے محتاط غوروفکر تے کردا اے ایس توں پہلاں کہ اُو پاؤں نوں فیر تھلے رکھے۔ اِک قدم، تے تُسی برگشتہ ہو جاندے اُو۔ میں تہاڈی منت کرنا آں، جم کے کِھلو جاؤ تے سُنو جیہڑا خُدا تہاڈے نال ہُنے گل کرے گا۔ اپنا مُنہ موڑو، اپنے گناہ توں اپنا مُنہ موڑو تے اپنے نجات دہندہ دی ہُنے تلاش کرو، تے تُسی اُوہنوں فوراً لبھ لوؤ گے… تے شاید تہاڈے بارے چہ ایہہ کہیا جائے، ’’خُدا نے اُوہدیاں اَنکھاں کھولیاں‘‘ (سی۔ ایچ۔ سپرجیئن C. H. Spurgeon، ’’اَکھاں کُھل گئیاں Eyes Opened،‘‘ میٹرو پولیٹن عبادت گاہ دی واعظ گاہ توں The Metropolitan Tabernacle Pulpit، جلد 25، پِلگرِم اشاعت خانے Pilgrim Publications، دوبارہ اشاعت1972، صفحات129۔131)۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

ایس توں پہلاں کہ اُو ویکھ پاندے
اُوہناں نوں بدحال کیتا ای جانا سی

THEY HAD TO BE MADE MISERABLE
BEFORE THEY COULD SEE

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

’’اُوس لونڈی تے اُوہدے پُتر نوں باہر کڈ دے‘‘ (پیدائش10:21)۔

’’تے خُدا نے ہاجرہ دیاں اَنکھاں کھول دِتیاں، تے اُوہنے پانی دا اِک کھو ویکھیا؛ تے اُو گئی تے پانی دے نال اِک مُشکیزہ بھر لہیائی تے مُنڈے نوں پانی پِلایا‘‘ (پیدائش19:21)۔

(یوحنا 4:14)

I.    پہلی گل، ہاجرہ تے اسماعیل نوں باہر کڈیا گیا تے بدحال ہون تے مجبور کیتا گیا سی،
پیدائش 21:10، 15۔16۔

II.   دوجی گل، ہاجرہ تے اسماعیل نوں صرف فیر ای سکون مِلیا سی، پیدائش 21:19۔