مسیح – دا گمراہ گنہگاراں نوں منادی کرنا

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں سینتالی وریاں توں انجیل دی تبلیغ کر رہیا آں۔ میری زیادہ تر تبلیغ انجیلی بشارت تے مبنی رئی اے۔ بہوتی ساریاں شیواں نے، بہوتے سارے شعبیاں وِچ، جیہڑی میں نئیں جانندا – لیکن میں تقریباً پنج دہائیاں وِچ انجیلی بشارت دی تبلیغ دے بارے چہ کُجھ سِکھایا اے۔ میں بغیر کسی ہچکچاہٹ دے کہواں گا کہ ڈاکٹر مارٹن لائیڈ جونز اپنی عظیم کتاب تبلیغ تے مبلغینPreaching and Preachers وِچ درست سن، جدوں اُوہناں نے کہیا،

تبلیغ اِک سب توں حیرت انگیز، تے سب توں بوہتی سنسنی خیز سرگرمی اے جیس وِچ کدی وی مشغول کیتا جا سکدا اے، ایس سب دی وجہ توں جیہڑی ایہ اَسیاں ساریاں دے لئی حال وِچ موجود اے، تے اِک ابدی مستقبل چہ شاندار لامتناہی امکانات دی وجہ توں (مارٹن لائیڈ جونزMartyn Lloyd-Jones, M.D.، ایم ڈی، تبلیغ تے مبلغین Preaching and Preachers، ژونڈروانZondervan، صفحہ 19، صفحہ 19)۔

تے میں ایہ کیہن وِچ اِک لمحے دے لئی وی ہچکچاہٹ محسوس نئیں کراں گا کہ اِک نوجوان جیہڑا مذہبی خدمات وِچ داخل ہون دے بارے چہ سوچ رہیا اے اُوہنوں بنیادی طور تے تبلیغ دی دعوت دے بارے چہ سوچنا چائیدا اے! کیوں؟ کی دیگر شیواں اہم نئیں نے – مشاورت، قائدانہ اصول، تنظیمی صلاحیتاں، فنڈ اِکٹھا کرنا، وغیرہ؟ ہاں، اُو اہم نے۔ لیکن اُو اصل معیار نئیں نے جیہڑے اِک حقیقی مبلغ بناندا اے۔ مرکزی چیز جیس دے بارے چہ تہانوں بُلایا جاندا اے اُو تبلیغ اے۔ ایس لئی، میں پورے دِل نال ڈاکٹر لائیڈ جونز نال اتفاق کرنا آں جدوں اُوہناں نے کہیا، ’’تبلیغ کرنا سب توں بہوتا حیرت انگیز، تے سب توں بہوتا سنسنی خیز سرگرمی اے جیس وِچ کدی ی شمولیت کیتی جا سکدی اے…‘‘ اُو بالکل درست کہندے نے۔ جے تُسی تبلیغ کر سکدے اُو، تے تُسی پادری بن سکدے اُو۔ جے تُسی تبلیغ نئیں کر سکدے، تے تُسی یا تے مکمل طور تے ناکام ہو جاؤ گے، ورنہ تہانوں اِک چاپلوس، خوشامدی، ویلے دی خدمت کرن آلے چمچے یا چیلے دے اَگے، اِک ذلیل، اِک ماتحتی، غلامانہ، مکار دے اَگے، تے تہاڈی عبادتاں وِچ شرکت کرن آلیاں دی خواہشات تے خواہشات دے اَگے سر تسلیم خم کر دین گے۔

جدوں اِک سچا مبلغ منبر تے کِھلوتا ہوندا اے، تے اُو خواتین دے رفاقتی گروپ دی خواہشات دے تحت کنٹرول نئیں ہوندا، خواتین دی مشنری یونین دے تحت کنٹرول نئیں ہوندا، بورڈ آف ڈیکنز دے تحت کنٹرول نئیں ہوندا، یا اُوہدے گرجا گھر دے گناہواں توں دوچار نوجواناں دی پسند نا پسند دے ذریعے کنٹرول نئیں ہوندا۔ اُو کسی وی شکل یا ہیّت وِچ تبلیغ کرن دے بارے چہ کی تبلیغ کرنی یا نئیں کرنی اے ایس توں تعلق دے بارے چہ کنٹرول نئیں ہوندا – ورنہ اُو اِک حقیقی مبلغ نئیں اے!

کیوں جے اِک سچا مبلغ اپنے واعظ واحد اِک ای ماخذ یا منبع توں حاصل کردا اے – قادرِ مطلق خدا وَلوں جیس نے اُوہنوں مسیح یسوع دی خوشخبری سنان دے لئی بُلایا!

لہٰذا، میں ایہ کیہن دے لئی معذرت خواہ نئیں آں کہ مذہبی خدمت دے بارے وِچ سوچن آلے کسی وی نوجوان دے لئی بہترین نمونہ خداوند یسوع مسیح اے! اُوہنوں تہاڈا نمونہ بن لین دیو کہ اِک مبلغ کینج دا ہونا چائیدا اے۔ اُوہنوں تہاڈا کپتان تے تہاڈا کوچ بن لین دیو۔ اُوہدی تبلیغ نوں اُو معیار بن لین دیو جیس دی تُسی برابری کردے تے نقل کردے اُو – تے تُسی اپنی تبلیغ وِچ غلط نئیں ہوو گے! جیویں کہ اِک پرانا گیت اے،

زمین توں جلال تیکر، میں یسوع وانگوں رہواں گا؛
بار بار کہانی نوں سُناندے ہوئے، میں یسوع وگرا بناں گا۔
یسوع وگرا بناں گا، ایہو ای میرا گیت، گھر چہ تے لوکاں وِچ ہووے گا؛
دِن بھر یسوع وانگوں بنو! میں یسوع وگرا بناں گا۔
’’میں یسوع وگرا بناں گا I would Be Like Jesus‘‘ شاعر جیمز رو James Rowe، 1865۔1933)۔

یقیناً ایہ منادی وِچ، تے خاص طور تے انجیلی بشارت دی تبلیغ وِچ درست ہونا چائیدا اے، کیوں جے خداوند نے زمین تے اپنی خدمت دے دوران بہوتی زیادہ انجیلی بشارت دی منادی کیتی۔

’’کیوں جے تُسی وی ایس قسم دے چال چلن دے لئی بُلائے گئے اُو کیوں جے مسیح نے وی ساڈے لئی دُکھ اُٹھائے تے ساڈے لئی اِک مثال چھڈی تاکہ تُسی اُوہدے نقشِ قدم تے چلو‘‘۔ (I پطرس 2: 21)۔

ہاں، بعض مصیبتاں اینج دیاں نے جِنہاں توں مبلغین لنگہدے نے، لیکن مسیح وی اینج ای کردا اے، ایویں ای اکثریتی اشتراکیت پسند چینی تے شمالی کوریا وِچ وفادار مبلغین وی کردے نے، ایویں ای شمالی آئرلینڈ وِچ برطانوی ولی عہد دی اِرتداد نال نابینا قیادت دے تحت مبلغین وی کردے نے، تے اَک ای دی راتی میں دُنیا دے دیگر حصیاں وِچ، بشمول ریاست ہائے متحدہ امریکہ وِچ مبلغین وی کردے نے – اگرچہ اکثر شیطانی طریقیاں نال لطیف شکلاں وِچ۔ لیکن بائبل سارے مبلغین نوں دسدی اے کہ مسیح نے ’’ساڈے لئی اِک مثال چھڈی اے، تاکہ تُسی اُوہدے نقشِ قدم تے چلو‘‘، پاویں راستہ کیہنا ای مشکل کیوں نہ ہووے! تے ایہ یقینی طور نال تے یقیناً انجیلی بشارت دی تبلیغ دے سلسلے چہ سچ اے جیس دے لئی اُو سانوں بُلاندا اے۔

جیہڑا سانوں یوحنا 5: 34 وِچ ساڈی تلاوت وَل واپس لے جاندا اے۔ مسیح نے کہیا،

’’ایہ گلاں میں کہنا آں، تاکہ تُسی نجات پاؤ‘‘ (یوحنا 5: 34)۔

اُو انجیلی بشارت دا واعظ دین آلا اے۔ اُو اُوہناں نوں دسن جا رہیا اے کہ ’’نجات کیویں حاصل کیتی جائے۔‘‘ تےایویں ساڈے خداوند دے واعظ وِچ جو کُجھ ہوندا اے اُو ایس گل دی اِک بہترین مثال اے کہ اِک انجیلی بشارت دا واعظ کی ہونا چائیدا اے – تیز، واضح، مطمئن کرن آلیاں دے لئی پریشان کُن، باعثِ تکلیف، اَسی ایتھوں تیکر کہہ سکنے آں، کیوں جے اِک مخصوص طبقے دے لوکی پہلاں ای اُوہدی پچھلی تبلیغ دے لئی ’’اُوہنوں قتل کرن‘‘ دا انتظار کر رئے سن، جیویں کہ اَسی آیت 18 وِچ ویکھنے آں۔ تے ایہ ایہناں لوکاں دا ردعمل وی سی جِنہاں نے زمانے دے عظیم ترین مبلغین دے خلاف تے تشدد ردعمل دا اِظہار کیتا۔

اعمال دی کتاب وِچ، مبلغین نوں سنگسار کیتا گیا، شہراں توں باہر سُٹ دِتا گیا، جیلاں وِچ ڈالیا گیا، اُوہناں دے سُنن آلیاں نے اُوہناں تے تھوکیا تے چلایا۔

کریسسٹوم Chrysostom غیر معمولی فصیح، قائل، تے طاقتور، خوبصورت تقریر نعمت دے نال معمور مبلغ نوں تبلیغ دے لئی اپنے وطن توں جلا وطن کر دِتا گیا۔
لوتھر Luther نوں روم وَلوں ملامت کیتی گئی تے تبلیغ دے لئی خارج کر دِتا گیا۔
بیکسٹر Baxter نوں تبلیغ دے لئی ٹاور آف لندن وِچ بند کر دِتا گیا سی۔
جان بنیعان John Bunyan، اُو مضبوط دِل آلا بپتسمہ دین آلا، اُوہنوں جیل وِچ تبلیغ دے لئی بارہ ورے تیکر قید رکھیا گیا سی۔
ویزلی برادران The Wesley brothers نوں انگلستان دے گرجا گھراں توں تبلیغ دے لئی کڈ دِتا گیا سی۔
وائٹ فیلڈ Whitefield نوں تبلیغ دے لئی لندن دے ہر گرجا گھر وِچ منع کر دِتا گیا سی۔
سپرجیئن Spurgeon نوں تبلیغ دے لئی بپٹسٹ یونین وِچ کمزور سمجھوتہ کرن آلیاں نے سرزنش کیتی سی۔ اُوہدی ووہٹی نے کہیا کہ ایس گل نے اُوہنوں مار ڈالیا۔
جے گریشام میکحن J. Gresham Machen نوں پادری ہون دے فرائض توں محروم کر دِتا گیا، اُوہناں دی تبلیغی تعیناتی تبلیغ دے لئی اِرتداد نال نابینا پریسبیٹیرینز دے ذریعے نال منسوخ کر دِتی گئی۔
تے ایہ نہ بُھلنا کہ لاجواب جوناتھن ایڈورڈز Jonathan Edward تبلیغ دے لئی اپنے ای گرجا گھر توں باہر کر دِتا گیا سی۔
تے کدی نہ بُھلو کہ ساڈے خُداوند یسوع مسیح Lord Jesus Christ نوں تبلیغ دے لئی مصلوب کیتا گیا سی۔

جیہڑے لوکی اپنی انجیلی بشارت دی تبلیغ وِچ مسیح دی پیروی کردے نے اُوہناں دی حیاتی آسان نئیں ہووے گی۔ تے فیر وی، جے تہانوں تبلیغ دے لئی بُلایا جاندا اے، تے تہانوں کھڑے ہو کے کہنا چائیدا اے، مسیح دے نال،

’’ایہ گلاں میں کہنا آں، تاکہ تُسی نجات پاؤ‘‘ (یوحنا 5: 34)۔

تے فیر مسیح سانوں اُو عناصر پیش کردا اے جیہڑے اِک حقیقی انجیلی بشارت دا واعظ بناندے نے۔ اُو یوحنا، باب 5 دے ایس حوالے توں لئے گئے نے۔

I۔ پہلی گل، سانوں ایہ گل تہانوں دس دیہنی چائیدی اے کہ خدا دا کلام تہاڈے باطن چہ نئیں اے۔

مہربانی نال کِھلو جاؤ تے یوحنا 5: 38 آیت نوں اُوچی واج وِچ پڑھو۔

’’تے اُوہدا کلام تہاڈے وِچ قائم نئیں رہندا: جیس دے لئی اُوس [خدا] نے پیہجھیا اے، اُوس [یسوع] تے یقین نئیں کردے‘‘ (یوحنا 5: 38)۔

سچی انجیلی بشارت دی تبلیغ وِچ سانوں اپنی کلیسیا چہ گمشدہ لوکاں نوں وی ایہو ای دسنا چائیدا اے۔ سانوں اُوہناں نوں دسنا چائیدا اے، حالانکہ اُو بائبل پڑھدے نے، تے شاید کُجھ آیتاں وی یاد کر چکے نے، کہ ’’تہاڈے اندر اُوہدا کلام نئیں اے۔‘‘ ایہ کیویں ہو سکدا اے کہ تُہاڈے اندر خدا دا کلام نہ ہووے؟ تُسی اکثر منادی سُنی ہووے گی۔ تُسی اُوہنوں ایہنی وری پڑھیا اے؟ ایہ تہاڈے وِچ ’’بسیا ہویا‘‘ کیوں نئیں اے؟ جواب بہوتی سادہ جیہا اے۔ جدوں تُسی بائبل پڑھدے اُو، یا خدا دے کلام توں کوئی واعظ سُنندے اُو،

’’فیر شیطان آندا اے، تے کلام نوں اُوہناں دے دِلاں توں کڈ دیہندا اے، اینج نہ ہووے کہ اُو ایمان لے آن تے نجات پان‘‘ (لوقا 8: 12)۔

اَج دی راتی ایتھے بالکل ایہو جئی حالت وِچ نوجوان نے۔ تُسی کافی نفیس ہو سکدے اُو۔ تُسی سکول وِچ بہوتا چنگا کر سکدے اُو۔ ہو سکدا اے تُسی بہوتے ہوشیار ہوو۔ لیکن تُسی ایہنے ہوشیار نئیں اُو کہ منادی ختم ہوندے ای شیطان نوں اپنے دِل توں خدا دے کلام نوں نکال پھاڑن توں روک سکو۔ میں تہاڈی ایہدے لئی ملامت کرنا آں۔ میں ایہدے لئی تہانوں الزام دیہنا آں۔ میں تہانوں ایہدے لئی شرمندہ کرنا آں۔ جدوں تُسی واعظ سُنیا یا بائبل پڑھی تے تُسی شیطان دی چالاں دے اَگے دِل دے کے سب توں وڈے احمق بن گئے۔ میں کہنا آں کہ تُسی ایہنے ای احمق اُو جِنہے کہ اُو یہودی جِنہاں نوں مسیح نے کہیا سی،

’’تے اُوہدا کلام تہاڈے وِچ قائم نئیں رہندا: جیہدے لئی اُوس [خدا] نے پیہجھیا اے، اُوس [یسوع] تے یقین نئیں کردے‘‘ (یوحنا 5: 38)۔

انجیلی بشارت دی تبلیغ وِچ میرا مقصد ایہ ظاہر کرنا اے کہ تُسی سارے احمقاں توں ودھ کے اِک احمق نے، کیوں جے تُسی خدا دے کلام نوں نئیں سُنیا اے، تے تُسی یسوع تے یقین نئیں کیتا اے ’’جِنہوں اُوہنے پیہجھیا اے۔‘‘ شیطان نوں اپنی روح نوں تباہ کرن توں روکو۔ اَج دی راتی سیدھے مسیح دے کول آؤ تے اُوہدے تے پروہسا کرو۔ پاویں تُسی ہلاک ہو جاؤ یا نہ ہوو، مسیح دی خاطر اپنی جان نوں خطرے وِچ پاؤ۔ اُو تہانوں مایوس نئیں ہون دے گا۔ تہاڈا یسوع وگرا پیار کرن آلا تے خیال رکھن آلا کوئی دوست نئیں اے۔ اُوہدے کول آؤ، اُوہدے تے پروہسا کرو۔ اُو تہانوں نجات دلائے گا۔ اُوہناں کافراں وانگوں سخت دِل دے نال اَگے نہ ودھو جیہڑے مسیح دے سامنے کِھلوتے ہوئے سن جدوں اُوہنے ایہ واعظ دِتا۔

II۔ دوجی گل، سانوں ایہ گل تہانوں دس دیہنی چائیدی اے کہ تُسی بائبل دے اپنے علم وِچ قائم اُو ناکہ مسیح وِچ۔

مہربانی نال کِھلو جاؤ تے یوحنا 5: 39۔40 آیات پڑھو۔

’’صحیفیاں نوں تلاش کرو؛ کیوں جے تُسی سمجھدے اُو کہ اُوہناں وِچ تسی ہمیشہ دی حیاتی پا لیہندے اُو: تے ایہ اُوہی نے جیہڑے میرے گواہی دیہندے نے۔ تے تُسی میرے کول نئیں آؤ گے تاکہ تہانوں حیاتی لبھے‘‘ (یوحنا 5: 39-40)۔

تُسی کہندے اُو، ’’میں بائبل نوں جاننا آں۔ میں اِک لمبے عرصے توں گرجا گھر وِچ آں۔ میں ایہدے بارے چہ سب کُجھ جاننا آں۔‘‘ جی ہاں، تے ایہنے تہانوں کیہڑا فائدہ پہنچایا؟ کُجھ وی نئیں! تُسی نجات پائے جان توں ایہنے ای دور اُو جِنہے تُسی کدی گرجا گھر نئیں گئے سی۔ جی نئیں، ایس توں وی دور! نئے لوکی آندے نے تے چھیتی ای مسیح چہ ایمان لیہیا کے تبدیل ہو جاندے نے، لیکن

’’تُسی میرے کول نئیں آؤ گے، کہ تہانوں حیاتی لبھے‘‘ (یوحنا 5: 40)۔

تُسی بائبل نوں ایہنا ایہ جانندے اُو کہ ایہ سمجھن دے لئی کہ اِک خدا اے۔ تسی صحیفیاں توں جانندے اُو کہ مسیح تہاڈے گناہواں دے لئی، تہانوں خدا دے نال ملان دے لئی مریا۔ تُسی ایہ وی جانندے اُو کہ مسیح مُردیاں وِچوں جی اُٹھیا تے آسمان چہ خدا دے سجّے ہاتھ تے بیٹھا اے۔ تے تُسی جانندے اُو کہ تہانوں راستباز ہون دے لئی مسیح دے کول آنا چائیدا اے۔ ایہ بائبل دے حقائق نے جیہڑے تُسی جانندے اُو۔ لیکن، جیویں کہ مسیح نے آیت 40 چہ گل کیتی سی، تُسی ایہناں حقائق دے علم چہ قائم رہندے اُو۔ لیکن میرا سوال ایہ اے کہ ایہناں حقائق دا علم تہانوں کیویں فائدہ پہنچاندا ہے؟ میں کہنا آں کہ بائبل وِچ موجود ایہناں حقائق دا علم تہانوں کُجھ فائدہ نئیں دے گا جدوں تیکر کہ تُسی مسیح بخود نال منسلک نئیں ہو جاندے۔ تے تہاڈا مسیح نال جُڑن دا واحد طریقہ سادہ ایمان دے ذریعے اُوہدے کول آنا اے۔

III۔ تیجی گل، سانوں ایہ گل تہانوں دس دیہنی چائیدی اے کہ کسی دوجے مشیر دی گل نہ سنو۔

’’میں اپنے باپ دے ناں تے آیا آں، تے تُسی میہنوں قبول نئیں کردے: جے کوئی اپنے ناں نال آئے گا تے تُسی اُوہنوں قبول کرو گے۔‘‘ (یوحنا 5: 43)۔

ہُن، کی ایہ سچ نئیں اے کہ تُسی مسیح نوں قبول نئیں کیتا؟ ہُن تیکر تُسی اُوہدے کول آن دے لئی آمادہ نئیں ہوئے۔ کیوں؟ ظاہر اے کہ تُسی اُوہدی تھاں کسی ہُور نوں قبول کیتا اے۔ ’’جے کوئی دوجا آندا اے … تُسی ایہنوں قبول کرو گے۔‘‘ تُسی مسیح دے بجائے کیہنوں قبول کیتا اے؟ تہانوں یا تے اپنے خیالات لبھے نے یا شیطان دے خیالات – یا دوواں دا مجموعہ۔ کی ایہ بالکل اُو ای نئیں جیہڑا اُوہناں یہودیاں نے کیتا سی جیہڑے مسیح دے کول نئیں آئے سن؟ تے تُسی اپنے خیالات نال تے شیطان دے جیہڑے خیالات تہانوں لبھدے نے اُوہناں نال کیویں آزاد ہو جاندے اُو؟ میرا یقین اے کہ ایہ صرف ایس صورت وِچ ہو سکدا اے جدوں تُسی اپنے ذہن چہ آن آلے خیالات نوں اپنی مرضی نال رد کر دیو، تے اپنے آپ نوں صرف مسیح دی رحمت دے حوالے کر دیو۔ اِک پرانے گیت وِچ اِک چنگی سطر اے جیہڑی کہندی اے،

میں آپئے حوالے کر دیہنا آں، تے جیہڑا کُجھ میں جاننا آں،
ہُن میہنوں دھو، تے میں برف توں بوہتا سفید ہو جاواں گا۔
(’’برف توں سفید Whiter Than Snow‘‘ جیمز ایل نکلسن James L. Nicholson، 1828-1876)۔

اپنے آپ نوں حوالے کر دیو، تے جیہڑا کُجھ وی تُسی جانندے اُو، یا سوچدے اُو کہ تُسی جانندے اُو، تے عاجزی دے نال مسیح دے کول آؤ۔

تیہنوں لبھہن آلیاں نوں توں کدی ’’نہ‘‘ نئیں کہیا
ہُن میہنوں دھو، میں برف توں بوہتا سفید ہو جاواں گا۔
(پچھلے گیت نال منسلک ibid.)۔

سانوں گمراہ ہوئے لوکاں نوں مسلسل دسنا چائیدا اے کہ اُوہناں نوں اپنے خیالات تے احساسات تے پروہسا نئیں کرنا چائیدا اے۔ تہانوں خود دے نال ای تے جیہڑا کُجھ وی تُسی جانندے اُو اُوہنوں چھڈ دینا چائیدا اے ورنہ تُسی بار بار ٹھوکر کھاؤ گے۔ تہانوں اپنا مشیر نئیں ہونا چائیدا اے۔ تہانوں اپنے لئی سب کُجھ معلوم کرن دی کوشش کیتے بغیر مسیح نوں قبول کرنا چائیدا اے۔ نجات اِک ریاضیاتی مساوات وانگوں نئیں اے جِنہوں تُسی ذہنی طور تے سمجھ سکدے اُو۔ تہانوں اِک خطرہ مول لیہنا چائیدا اے – تے سراسر ایمان دے عمل وِچ مسیح دے کول چھلانگ لگانا چائیدا اے۔

میرا ویلہ لنگ چکیا اے، لیکن میہنوں مسیح دے انجیل بشارت دی تبلیغ وِچ دو ہُور نکات نوں چھونا چائیدا اے۔

IV۔ چوتھی گل، سانوں ایہ گل تہانوں دس دیہنی چائیدی اے کہ دوجیاں دے بارے چہ فکرمند نہ ہوو کہ اُو تہاڈے بارے چہ کی سوچدے نے بلکہ اُوس عزت دی تلاش کرو جیہڑی تنہا مسیح وِچ خداوند وَلّوں لبھدی ہے۔

مہربانی نال کِھلو جاؤ تے یوحنا 5: 44 آیت نوں اُوچی واج نال پڑھو۔

’’تُسی کیویں یقین کر سکدے اُو جیہڑے اِک دوجے دی عزت کردے نے تے اُوس عزت دی تلاش نئیں کردے جیہڑی صرف خدا وَلوں آندی اے؟‘‘ (یوحنا 5: 44)۔

ہُن، اپنے آپ نال اِک سوال پُچھو۔ اپنا جائزہ لہیو تے اپنے آپ توں پُچھو کہ کی تُسی خدا نوں خوش کرن دی کوشش کر رئے اُو۔ ہو سکدا اے تُسی کافی عرصے توں گرجا گھر وِچ رئے ہوو۔ تُسی بہوتی چنگی گلاں کیتیاں ہون گئیاں۔ لیکن کی خدا نوں خوشک رنا تہاڈا بنیادی مقصد رہیا آے؟ تُسی یسوع دے کول کدی نئیں آؤ گے جدوں تیکر کہ تہاڈی بنیادی خواہش خدا نوں خوش کرنا نہ ہووے۔ کی تُسی دوجیاں نوں خوش کرن دے لئی باہر اُو؟ فیر تُسی مسیح دے کول نئیں آؤ گے۔ کی تُسی خود نوں خوش کرن دے لئی باہر اُو؟ فیر تُسی مسیح دے کول نئیں آؤ گے۔

میں ایہنوں دوجے طریقے نال دسنا آں۔ تُسی کی کر سکدے اُو جیہڑا خدا نوں سب توں بوہتا خوش کرے؟ کیوں، اُوہدے پُتر [یسوع] دے کول آن! لہٰذا، خدا دے پُتر دے کول آن توں انکار سب توں بوہتا ناگوار گل اے جِنہوں تُسی خدا دی نظر وِچ کر سکدے اُو۔ تے سب توں بوہتی خوش کُن گل جیہڑی تہانوں خدا دی نظر وِچ کر سکدے اُو، اُو اے مسیح دے کول آنا۔ کی تُسی خود نوں خوش کرنا چاہندے اُو، یا کسی ہُور نوں؟ فیر تُسی خدا نوں اُوہدے پُتر نوں قبول کر کے خوش نئیں کرنا چاہوو گے۔ ایہ ایہنا ای آسان اے۔ آیت 42 نوں ویکھو۔

’’لیکن میں تہانوں جاننا آں کہ تہاڈے وِچ خدا دی محبت نئیں آے۔‘‘ (یوحنا 5:42)۔

’’اوہ،‘‘ تُسی کہہ سکدے اُو،، ’’ایہ میری وضاحت نئیں کردا اے۔‘‘ کی تہانوں ایہدے بارے وِچ یقین اے؟ جے تُسی واقعی خدا نال محبت کردے اُو، تے اُوہدے پُتر دی تعظیم کرن تے اُوہدے کول آن نال اُوہنوں خوش کیوں نئیں کردے؟

V۔ پنجویں گل، سانوں ایہ گل تہانوں دس دیہنی چائیدی اے کہ تُسی جیس انتہائی بائبل تے یقین رکھن دا دعویٰ کردے اُو اُوہدے ای وسیلے نال تہاڈی ملامت کیتی جاندی اے۔

’’ایہ نا سمجھو کہ میں باپ دے سامنے تہانوں مجرم ٹھہراواں گا۔ تہانوں مجرم ٹھہران آلا تے موسیٰ اے جِیہدے نال تہاڈی اُمیداں وابستہ نے۔ جے تُسی موسیٰ دا یقین کردے تے میرا وی کردے، ایس لئی کہ اُوہنے میرے بارے چہ لکھیا اے۔ لیکن جدوں تُسی اُوہدی لکھی ہوئی گلاں دا یقین نئیں کردے تے میرے مُنہ توں نکلی ہوئی گلاں دا یقین کیویں کرو گے؟‘‘ (یوحنا 5: 45-46)۔

’’موسی‘‘ توں مُراد، مسیح دا مطلب بائبل دی پہلی پنج کتاباں نے۔ لیکن جیہڑا کُجھ مسیح نے موسیٰ دی کتاباں دے بارے وِچ کہیا اُو پوری بائبل دے بارے وِچ وی کہیا جا سکدا اے۔ تے، میں تہانوں پُچھنا آں – کی تُسی بائبل تے یقین رکھدے اُو؟ ایہ کافی آسان سوال اے۔ کی تُسی بائبل تے یقین رکھدے اُو؟ اپنے ذہن وِچ ایہدا جواب دیو۔ جے تُسی مسیح دے کول نئیں آؤ گے، تے ایہدا مطلب ایہ ہونا چائیدا اے کہ تُسی واقعی ایہدے تے یقین نئیں کردے۔

’’جے تُسی موسیٰ دا یقین کردے تے میرا وی کردے، ایس لئی کہ اُوہنے میرے بارے چہ لکھیا اے‘‘ (یوحنا 5: 46)۔

’’ٹھیک اے،‘‘ تُسی کہہ سکدے اُو، ’’ہاں، میں بائبل تے یقین رکھنا آن!‘‘ فیر تُسی کیوں ہچکچاندے اُو؟ تُسی مسیح دے کول آن توں کیوں رُک جاندے اُو؟ یسوع نے صاف صاف کہیا،

ایہ تہاڈی بائبل دے صفحہ تے اے۔ جے تپسی یقین کردے اُو کہ ایہ اُوس [یسوع] دے بارے وِچ کی کہندی اے، تے اُوس [یسوع] دے کول آ کے ثابت کرو۔ یسوع نے کہیا،

’’جیہڑا میرے کول آئے گا میں اُوہنوں ہرگز خود توں جُدا نئیں کراں گا‘‘ (یوحنا 6: 37)۔

ایہ بائبل وِچ اے۔ جے تُسی یقین کردے اُو کہ یسوع نے بائبل وِچ کی کہیا اے، تے اُوہدے کول کیوں نئیں آندے؟ ہُن اینج کیوں نئیں کردے؟

ایہ یوحنا 5: 34-47 وِچ یسوع دے عظیم انجیلی بشارت دے واعظ تے چند تبصرے نے۔ یاد رکھو کہ اُوہنے سانوں ایہ دس کے شروع کیتا سی،

’’ایہناں گلاں دا ذکر ایس لئی کرنا آں کہ تُسی نجات پاؤ‘‘ (یوحنا 5: 34)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔