اِرتداد دے دور وِچ سچی منادی | True Preaching in a Time of Apostasy

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں تہانوں ایس کہانی دی تفصیلات دسن نئیں جا رہیا آں۔ کہانی وِچ اَسی ایس قدر پھس سکنے آں کہ اَسی ایس پیغام نوں گنوا دیاں گے جیہڑا ساڈے لئی اے۔ میں ایہ کہواں گا – ایہ اِک اہم پیغام ہونا چائیدا اے۔ ایہنوں II تواریخ، باب 18 وِچ تقریباً لفظ بہ لفظ دہرایا گیا اے۔ ایس لحاظ توں ایہ نئےت عہدنامے وِچ چاروں انجیلاں (متی، مرقس، لوقا تے یوحنا) وانگوں اے۔ انجیلاں وِچوں ہر اِک وِچ سانوں اِک ای بنیادی کہانی دسدی اے، ایتھے اُوتھے دی کُجھ اضافی شیواں دے نال سانوں اُو کہانی چار وری سُنائی گئی کیوں جے خدا چاہندا سی کہ اَسی ایہنوں چار وری سُنیے۔ تے سانوں ایہ کہانی دو وری، بائبل دی دو مختلف کتاباں وِچوں ، ایس ای وجہ توں سنائی گئی اے۔ خدا نے سوچیا کہ ساڈے لئی ایہنوں دو وری پڑھنا کافی ضروری اے۔ تے بالکل اُوہی اے جیہڑا میں ہر سال کرنا آں۔ جیویں کہ میں ہر سال بائبل پڑھانا آں، مہینوں دو وری ایس بندے، میکایاہ بِن اِملہ دے بارے وِچ سوچن تے مجبور کیتا جاندا اے۔

تے اُو کافی اہم بندہ سی۔ اگرچہ اَسی ایس لمحے توں پہلاں اُوہدی حیاتی دے بارے وِچ کُجھ نئیں پڑھیا، تے ایہدے بعد وی کُجھ نئیں، اُوس لمحے توں لے کے جدوں اُوہنے بادشاہ دے اَگے منادی کرن دے لئی قدم رکھیا تے اُوس لمحے تیکر جدوں تیکر کہ اُوہنوں جیل وِچ نئیں سُٹیا گیا، اَسی فطری طور تے ایہ سمجھنے آں کہ اَسی اِک مبلغ دی موجودگی وِچ رئے آں۔ تے مبلغین اہم بندے نے، بہتیرے طریقیاں نال سارے بندیاں وِچوں سب توں اہم نے – کیوں جے اُوہناں مبلغاں دے ذریعے ای خدا لوکاں دے ضمیراں نال گل کردا اے۔ پولوس رسول نے ایہنوں دو سوالاں دی شکل وِچ پیش کیتا:

’’اِک مبلغ دے بغیر اُو کیوں سُنن گے؟ تے اُو کیویں منادی کرن گے جدوں تیکر اُو پیہجھے ناں جان؟‘‘ (رومیوں 10: 14۔15)۔

یقینی طور تے میکایاہ نوں پیہجھیا گیا سی تے بالکل ایہنے ای یقینی طور تے، اگر اُو نہ پیہجھیا جاندا تے اُو خدا دا پیغام نہ سُنندے۔ ایہ خدا ای سی جِنہے اُوہنوں پیہجھیا سی۔ تے اُوہناں نے اُوس خدا دی بُلاہٹ آلے، خدا دے پیہجھے ہوئے مبلغ دے مُنہ توں سچائی سُنی۔ اسرائیل دے بادشاہ نے کہیا،

’’اِک بندہ ہُور وی اے، میکایاہ بِن اِملہ، جیہدے وسیلہ توں اَسی خداوند توں پُچھ سکنے آں …‘‘ (I سلاطین 22: 8)۔

I۔ پہلی گل، ساڈی تلاوت ایہو جئی منادی کرن آلیاں دی کمی دے بارے وِچ دسدی اے۔

’’اِک بندہ ہُور وی اے …‘‘ کیوں، کی تہانوں اُو سارے دوجے لوکی نئیں لبھے؟ بادشاہ نے

’’صرف چار سو بندیاں نوں اِکٹھا کیتا سی‘‘ (I سلاطین 22: 6)۔

چار سو دی کیوں نہ سُنی جائے؟ کی اُو کافی چنگے نئیں نے؟ کی اُو تہانوں چنگے طریقے نال نئیں سکھا سکدے؟ لیکن ایہ مبلغیں محض مزدور سن۔ اُو تبلیغ کر رئے سن کیوں جے اُوہناں نوں اینج کرن دے لئی ادائیگی کیتی گئی سی۔ میکایاہ کسی ہُور ای شے دا ناں سی۔ اُوہنوں اینج کرن دی ادائیگی نئیں کیتی گئی سی۔ اُوہنے منادی کیتی کیوں جے خدا نے اُوہنوں اینج کرن دے لئی بُلایا سی۔ اُوہنے الہٰی دعوت دے احساس نال تبلیغ کیتی۔ میکایاہ تے دیگر 400 مبلغاں دے وِچکار ایہو ای فرق سی۔ ایہناں 400 بندیاں دے واعظ دے بعد، یہوسفط نے کہیا،

’’کی ایتھے خداوند دا کوئی نبی نئیں جیس توں اَسی پُچھ سکیے؟‘‘ (I سلاطین 22: 7)۔

اعلیٰ درجے کے تبصرہ نگار میتھیو ھنری Matthew Henry نے کہیا،

اِتحاد ہمیشہ اِک سچی کلیسیا تے اِک سچی منادی دا نشان نئیں ہوندا اے۔ ایتھے 400 بندے سن جِنہاں نے اِک دماغ تے اِک منہ نال پیشن گوئی کیتی، تے فیر وی سارے غلطی تے سن۔ یہوسفط ایس قسم دی تبلیغ دا مزہ نئیں لے سکتا۔ اُو اینج کرن دا عادی ای نئیں سی۔ جھوٹے نبی سچ دی ایہنی نقل نئیں کر سکدے کہ جِنہے روحانی حواس دا استعمال کیتا سی اُو غلط فہمی نوں جان سکدا سی، تے ایس لئی اُوہنے ایہدے علاوہ خداوند دے اِک نبی دے لئی دریافت کیتا (ساری بائبل تے میتھیو ھنری دا تبصرہ Matthew Henry’s Commentary on the Whole Bible، جلد دوئم، ہینڈرکسن پبلشرHenderickson Publishers، 1996 دوبارہ اشاعت، صفحہ 545)۔

’’کی ایتھے خداوند دا کوئی نبی نئیں جیس توں اَسی پُچھ سکیے؟‘‘ (I سلاطین 22: 7)۔

ساڈی تلاوت سانوں ایہو جئے لوکاں دی کمی دے بارے چہ دسدی اے۔ اسرائیل دے بادشاہ نے کہیا،

’’اِک بندہ ہُور وی اے، میکایاہ بِن اِملہ، جیہدے وسیلے نال اَسی خداوند توں پُچھ سکنے آں …‘‘ (I سلاطین 22: 8)۔

ہُنے تیکر اِک بندہ اے جِنہوں منادی دے لئی بُلایا گیا اے۔ ہُنے تیکر اِک شخص ایہو جیہا اے جیہڑا مجبورکر ڈالن آلی خدا دی بُلاہٹ دے تحت اینج کردا اے۔ ہُنے تیکر اِک بندہ اے جیہڑا پیسے یا عزت دے لئی اینج نئیں کردا۔ ہُنے اِک آدمی اے جہیڑا

’’کلام دی منادی کرے گا؛ موقع دی مناسبت نال فوری کرے گا؛ جدوں موقع نئیں اے فیر وی کرے گا؛ تنبیہ کرے گا، ملامت کرے گا، سارے تحمل تے عقیدے دے نال جوش ودھائے گا۔ کیوں جے اینج دا ویلہ آ رہیا اے کہ لوکی صحیح تعلیم نوں برداشت نئیں کرن گے بلکہ اپنی خواہشاں دے مطابق بہتیرے اُستاد بنا لین گے تاکہ اُو اُوہی کُجھ دسن جیہڑا اُوہناں دے کناں نوں چنگا معلوم ہووے۔ اُو سچائی وَلوں کن بن کر لین گے تے کہانیاں وَل توجہ دین لگن گے۔ مگر توں ہر حالت وِچ ہوشیار رہ، دُکھ اُٹھا، مبشر دا کام انجام دے تے اپنی خدمت نوں پورا کر‘‘ (II تیمتھیس 4: 2۔5)۔

مسیح دے ظہور دے ویلے سارے اُستاداں وِچوں، اِسرائیل وِچ صرف اِک یوحنا بپتسمہ دین آلا سی۔ یونان وِچ مارس ہل تے سارے اُستاداں وِچوں صرف اِک پولوس رسول ای سی۔ پندرھویں صدی وِچ بوہیمیا دے سارے پادریاں وِچوں صرف اِک جان ہس John Huss سی۔ چودھویں صدی وِچ انگلستان دے سارے پادریاں وِچوں صرف اِک جان وائکلفJohn Wycliffe سی۔ سولہویں صدی وِچ جرمنی دے سارے بشپاں، پادریاں تے راہباں وِچوں صرف اِک لوتھرLuther سی۔ اٹھارویں صدی وِچ لندن دے تمام صاف ستھرے تے مناسب پادریاں وِچوں صرف اِک جارج وائٹ فیلڈGeorge Whitefield سی، جیہڑا خدا دے روح نال ایہنا متحرک سی کہ اگرچہ ہر گرجا گھر دے بوہے اُوہدے خلاف بند کر دِتے گئے سن، لیکن اُو خدا وَلوں مجبور سی کہ اُو کھیتاں وِچ یسوع مسیح دی ناقابلِ تلاش دولت دی تبلیغ کرے!

یوحنا بپتسمہ دین آلا کیتھے اے؟ پولوس رسول کیتھے اے؟ ہَس وگرا بندہ کیتھے اے جیہڑا کدا وَلوں اینج دی تبلیغ کرن تے مجبور اے جیویں رومی کلیسیا دے شعلے اُوہدے پِنڈے نوں جلا کے سووا کر دیہندے نے؟ وائکلف کیتھے اے؟ لوتھر کیتھے اے؟ عظیم وائٹ فیلڈ کیتھے اے جدون سانوں اُوہدے سب توں بہوتی ہوڑ اے؟

تے جے تُسی اِک نوجوان اُو جیہڑا مذہبی خدا دی بُلاہٹ تے غور کر رہیا اے، تے ایہناں بندیاں نوں تے میکایاہ نبی نوں، اپنی مثال بناؤ۔ بعل دے چار سو پجاریاں نوں نئیں، بوہیمیا دے پجاریاں نوں نئیں، جرمنی دے بشپاں تے راہباں نوں نئیں، لندن دے صاف سُتھرے پادریاں نوں نئیں، نہ کہ روکھے پیکھے غیرمحبتی ’’بائبل دے اُستاداں‘‘ نوں تے ساڈے اِرتداد دے دور دے ’’بائبل دی تفسیراں لکھنے آلیاں‘‘ نوں اپنی مثال مت بناؤ۔ ایہناں دے پِیچھے نہ ٹُرو نوجوانو۔ میکایاہ بِن اِملہ، جان بپٹسٹ، پولوس رسول، جان ہَس، وائکلف، لوتھر تے جارج وائٹ فیلڈ وگرے بندیاں دی تُسی پیروی کرو تے اُوہناں دی تقلید کردے رہوو۔ اُوہناں نوں اپنی مثال بن لین دیو کہ اِک مبلغ نوں کیویں دا ہونا چائیدا اے!

’’اِخ بندہ ہُور وی اے … جیہدے وسیلے توں اَسی خداوند توں پُچھ سکنے آں …‘‘ (I سلاطین 22: 8)۔

تے جے اَج دی سویرے تُسی ایتھے اُو تے مسیح چہ ایمان لیہیا کے تبدیل نئیں ہوئے اُو، تے یہوسفط وگرا احساس لیہیاؤ۔ اُوہناں لوکاں مگر نہ نٹھو جیہڑے بائبل نوں بغیر پسینہ وگائے، بغیر جذبات دے تے خدا وَلوں کسی بُلاہٹ دے بغیر پڑھاندے نے۔ اُوس بندے نوں لبھہو جیہڑا تہاڈی جان دی نجات دی خاطر تکلیف سہندا اے، جیہڑا تہانوں اُو خوشخبری جیہڑی تہانوں نجات دلا سکدی اے سُنان دے خوفناک فرض نال بوجھل اے۔ تے اُوس بندے دی سنو جیہڑا تہانوں خدا دا کلام سمجھاندا اے، اُو واحد بندہ جِنہوں تہانوں خدا دا کلام پہنچان دے لئی چُنیا گیا اے، اِک ایہو جیہا بندہ جیہڑا

’’اپنے مخالفاں نوں حلیمی نال سمجھائے۔ ممکن اے کہ خدا اُوہناں نوں توبہ دی توفیق دیوے تے اُو حق نوں پہچانن، ہوش وِچ آؤ تے شیطان دے پھندے توں چھوٹ کے خدا دی مرضی دے تابع ہو جاؤ‘‘ (II تیمتھیس 2: 25)۔

ایہو جئے مبلغ دی قدر کرو۔ اُوہدی گلاں تے قائم رہوو۔ اُوہدے وسیلے نال مسیح یسوع وَل رہنمائی پاؤ۔ اُوہدے وسیلے نال سچائی تے نجات دی راہ وِچ ہدایت پاؤ۔ خدا تہاڈی اینج کرن وِچ مدد کرے۔ کیوں جے ساڈے زمانے وِچ زمین تے ایہو جئے مبلغین دی کمی اے۔

’’تے اسرائیل دے بادشاہ نے یہوسفط نوں کہیا، اِک بندہ ہُور وی اے، میکایاہ بِن اِملہ، جیہدے وسیلہ توں اَسی خداوند توں پُچھ سکنے آں لیکن میں اُوہدے نال نفرت کرنا آں …‘‘ (I سلاطین 22: 8)۔

II۔ دوجی گل، ساڈی تلاوت ایس نفرت دے بارے وِچ دسدی اے جیہڑی بے اعتقاد دُنیا ایہو جئے مبلغاں یعنی منادی کرن آلیاں نال کرے گی۔

’’اِک بندہ ہُور وی اے … جیہدے وسیلہ توں اَسی خداوند توں پُچھ سکنے آں لیکن میں اُوہدے نال نفرت کرنا آں …‘‘ (I سلاطین 22: 8)۔

میکایاہ بِن اِملہ دے خلاف ایہ الفاظ صدیاں توں کیویں چلے آ رئے نے! ’’اِک آدمی اے … لیکن میں اُوہدے ال نفرت کرنا آں۔‘‘ جے تُسی خدا دے بُلائے ہوئے مبلغ اُو تے تُسی بے اعتقادی دںیا دی نفرت توں نئیں بچ سکدے۔ میں اپنے ویلے وِچ خوشخبری دی سچائی دا اعلان کرن تے دُنیاوی لوکان وَل نفرت دے اِک چھوٹے جئے ڈنک نوں تھوڑا بہوتا جاننا آں۔ لیکن ایس وِچوں صرف تھوڑا جیہا۔ میں میکایاہ بِن اِملہ وانگوں قید نئیں ہویا آں۔ یوحنا بپتسمہ دین آلے وانگوں سر قلم نئیں کروایا، پولوس رسول وانگوں شہید نئیں ہویا؛ ہَس وانگوں کھمبے نال باندھ کے جلایا نئیں گیا یا لوتھر وانگوں خارج نئیں کیتا گیا، جارج وائٹ فیلڈ وانگوں میہنوں اپنی ای گرجا گھر وِچوں بے دخل نئیں کیتا گیا۔ رچرڈ بیکسٹر وانگوں ٹاور آف لندن وِچ بند نئیں کیتا گیا؛ بے مثال سپرجیئن وِانگوں اِرتداد توں متاثر بپٹسٹ یونین وَلوں مذمت نئیں کیتی گئی؛ انڈونیشیا وِچ کُجھ وفادار مبلغاں وانگوں ستایا تے ماریا نئیں گیا۔ چین وِچ کُجھ وفادار مبلغاں وِانگوں قید نئیں کیتا گیا۔ لیکن میرے نال نفرت کیتی گئی اے۔ جی ہاں، میں اُوس طنزیہ تمسخر نال تھوڑا جیہا واقف آں جیہڑا میکایاہ نبی تے اُوس دِن اُڑایا گیا سی جدوں اسرائیل دے بادشاہ نے کہیا،

’’اِک بندہ ہُور وی اے، میکایاہ بِن اِملہ، جیہدے وسیلہ توں اَسی خداوند توں پُچھ سکنے آں لیکن میں اُوہدے نال نفرت کرنا آں …‘‘ (I سلاطین 22: 8)۔

لیکن جیہڑے چھوٹے حملے میں برداشت کیتے نے اُو اُوہدے مقابلے چہ کُجھ وی نئیں نے جِنہاں وِچوں ساڈا خداوند [یسوع] لنگہیا اے۔ اُوہدے وَلوں کہیا گیا،

’’جے دُنیا تہاڈے نال نفرت کردی اے تے تُسی جانندے اپو کہ تُہاڈے نال نفرت کرن توں پہلاں اُوہنے میرے نال نفرت کیتی‘‘ (یوحنا 15: 18)۔

’’اُوہناں نے بِلا وجہ میرے نال نفرت کیتی‘‘ (یوحنا 15: 25)۔

ساڈے خداوند یسوع مسیح نوں خدا دا بُلایا ہویا مبلغ بندہ ہون دی وجہ توں ایہنی نفرت سہنی پیہئی کہ اُوہناں نے اُوہنوں گرفتار کر لیہیا، اُوہنوں اَدھموا ہون تیکر کوڑے مارے، تے اُوہدے لہو نال بھرے جسم نوں سولی تے کیلاں نال جڑ دِتا۔

’’تُسی وی ایس ای قسم دےت چال چلن دے لئی بُلائے گئے اُو کیوں جے مسیح نے تہاڈی خاطر دُکھ اُٹھا کے اِک مثال قائم کر دِتی تاکہ تُسی اُوہدے نقش قدم تے ٹُر سکو۔ اُوہنے نہ تے کدی گناہ کیتا نہ اُوہدے مُنہ توں کوئی مکر دی گل نکلی …. اُو خود اپنے ای بدن تے ساڈے گناہواں دا بوجھ لئے ہوئے سولی تے چڑھ گیا تاکہ اَسی گناہواں دے اعتبار توں مُردہ ہو جائیے مگر راستبازی دے اعتبار نال زندہ ہو جائیے۔ اُوہدے کوڑے کھان نال تُسی شفا پائی‘‘ (I پطرس 2: 21۔24)۔

تے ایہ میہنوں لگدا اے کہ میکایاہ اِک تشبیہ اے، یقیناً اِک مثال اے، ساڈے خداوند یسوع مسیح دی اُوہدے دُکھاں وِچ۔ آیت 24 تے غور کرو۔ آؤ کِھلو جاؤ تے ایہنوں اُوچی واج نال پڑھو۔

’’اُودھوں صدقیا بن کنعانہ نے اَگے ودھ کے میکایاہ دے مُنہ تے تھپڑ ماریا تے پُچھیا کہ خداوند دے روح جدوں میرے کولوں تیرے نال کلام کرن گئی تے اُو کیس راستے توں گئی سی؟‘‘ (I سلاطین 22: 24)۔

سانوں فوری طور تے اپنے خداوند یسوع مسیح دی یاد دلائی جاندی اے:

’’اُوہدے بعد اُوہناں نے اُوہدے مُنہ تے تھوکیا تے اُوہنوں مُکے مارے، تے بعض نے طمانچے مار کے کہیا، اے مسیح جے توں نبی اے تے دس کیس نے تیہنوں ماریا؟‘‘ (متی 26: 67۔68)۔

اُو نوجوان جیہڑے منادی یا مذہبی خدمت دے لئی بُلاہٹ محسوس کردے نے اُوہناں نوں ایہ گل ذہن نشین کر لیہنی چائیدی اے کہ اُو اِک خاص طبقے دے لوکاں وَلوں ناپسندیدہ کیتے جان تے اُوہناں نال نفرت کیتی جائے گی۔ ایہدے توں بچن دا کوئی طریقہ نئیں اے۔ مسیح نے کہیا،

’’جے دُنیا تہاڈے نال دشمنی رکھدی اے تے یاد رکھو اُوہنے پہلاں میرے نال وی دشمنی رکھی اے … لیکن ہُن تُسی دُنیا دے نئیں اُو کیوں جے میں نے تہانوں چُن کے دُنیا توں الگ کر دِتا اے ایہو ای وجہ اے کہ دُنیا تہاڈے نال دشمنی رکھدی اے‘‘ (یوحنا 15: 18۔19)۔

صرف مبلغین تے ایہ نئیں بلکہ حقیقی معنیاں وِچ ایہ کسی وی سچے مسیحی تے لاگو ہوندا اے۔ تُسی جِنہے بوہتے خدا پرست ہوو گے، تے جِنہا بوہتا تُسی مسیح دے لئی ڈٹ کے قائم رہوو گے، ایہناں ای بوہتا اِمکان اے کہ تہانوں دُنیا وَلوں ملامت کیتی جائے گی۔ کی تہانوں کدی مسیحی ہون دی وجہ توں پریشانی ہوئی اے؟ سنجیدگی نال – ایہدے بارے وِچ سوچوں۔ کی مسیحیت نے کدی تہانوں اِک غیر آرام دہ صورتحال وِچ پایا آے؟ میں کہواں گا، جے اینج نئیں اے، تے تہانوں اپنے آپ نوں چنگی طرح نال ویکھنا چائیدا اے۔ کُجھ گڑبڑ اے۔ مسیح نے کہیا،

’’جے تُسی دُںیا دے ہوندے تے دُنیا تہانوں اپنیاں وانگوں عزیز رکھدی لیکن ہُن تُسی دںیا دے نئیں اُو کیوں جے میں تہانوں چُن کے دُنیا توں الگ کر دِتا اے ایہو ای وجہ اے کہ دُںیا تہاڈے نال دشمنی رکھدی اے‘‘ (یوحنا 15: 19)۔

ہُن، ایہدا مطلب ایہ نئیں اے کہ ہر کوئی تہاڈے نال نفرت کرے گا۔ اِک آخری وری تلاوت نوں ویکھو، I سلاطین 22: 8۔ آؤ کِھلو جاؤ تے ایہنوں اوچی واج نال پرھو۔

’’تے اسرائیل دے بادشاہ نے یہوسفط نوں کہیا، اِک بندہ ہُور وی اے، میکایاہ بِن اِملہ، جیہدے وسیلہ توں اَسی خداوند توں پُچھ سکنے آں لیکن میں اُوہدے نال نفرت کرنا آں کیوں جے اُو میرے بارے چہ کدی کسی چنگی گل دی نبوت نئیں کردا بلکہ ہمیشہ بُری گل دی پیشن گوئی کردا اے۔ تے یہوسفط نے جواب دِتا کہ بادشاہ نوں اینج نئیں کہنا چائیدا اے‘‘ (I سلاطین 22: 8)۔

اسرائیل دا بادشاہ نبی نال نفرت کردا سی کیوں جے اُوہنے ایس [بادشاہ] دے بارے وِچ چنگی تے خوشگوار گلاں نئیں کہیاں سن۔ لیکن یہوسفط وگرا سمجھدار بندہ اپنے بارے وِچ سچ سُننا چاہندا اے۔ اُو جنوب توں سی۔ اُوہنے چنگی، ٹھوس تبلیغ سُنی سی۔ اُو خوشی ہویا جدوں مبلغ نے اُوہنوں اپنی گنہگار، کھوئی ہوئی یا برگشتہ حالت دے بارے وِچ سچ دسیا۔

کی تُسی اپنے بارے وِچ چند خوشگوار گلاں سُنن دے لئی گرجا گھر آندے اُو – یا کی تُسی اپنی کھوئی ہوئی حالت تے تہانوں بچان دے لئی مسیح دی لوڑ دے بارے وِچ سچائی سُنن دے لئی آندے اُو؟ غور کرو کہ یہوسفط اسرائیل دے بادشاہ نال متفق نئیں سی۔ اُوہنے کہیا، ’’بادشاہ نوں اینج نئیں کہنا چائیدا اے،‘‘ تہانوں اینج نئیں کہنا چائیدا اے۔ تے بِلاشبہ، اُوہنوں اینج نئیں کہنا چائیدا سی۔ میتھیو ھنری نے ایہ تبصرہ کیتا:

نوٹ کرو، اُو گناہ دی بدنصیبی وِچ بُری طرح سخت دِل نے، تے تباہی وَل تیزی نال ودھ رئے نے، جیہڑے خدا دے خادماں نال نفرت کردے نے کیوں جے اُو اُوہناں دے نال صرف طور تے پیش آندے نے تے اُوہنوں نوں گناہ دی وجہ توں اُوہناں دیاں مصیبتاں تے خطریاں توں وفاداری دے نال خبردار کردے نے، تے اُو اُوہناں نوں دشمناں وِچ شمار کردے نے جیہڑے اُوہناں نوں سچ کہندے نے (گذشتہ گل دے تسلسل وِچ ibid.)۔

خدا دی بلاہٹ آلے مبلغ بندے تے اِک تحریک مقرر دے وِچکار فرق ایس حوالے توں بالکل واضھ کیتا گیا اے۔ اِک تحریک مقرر، جیویں ٹونی رابنز، جیہڑا لوکاں نوں دسدا اے کہ اُوہناں دے اندر بہتر کرن دی طاقت اے۔ تحریک مقرر اُوہناں نوں دسدا اے کہ جے اُو مثبت سوچدے نے تے مثبت انداز وِچ کام کردے نے تے اُو کامیاب ہو سکدے نے۔ ایہ ایس باب وِچ بعل دے 400 نبیاں وانگوں اے۔ بعل دے سارے نبی تحریک مقرر سن! اُو کہن لگے

’’رامات جلعاد تے حملہ کر تے فتح پا کیوں جے خداوند اُوہنوں بادشاہ دے قبضہ وِچ کر دے گا‘‘ (I سلاطین 22: 12)۔

اُو ’’کامیابیاں یا خوشحالیاں‘‘ دے مقرر سن! اُو تحریکی مقرر سن! لیکن، تُسی ویکھیا، اِک مبلغ اُوہناں وگرا نئیں ہوندا اے۔ اِک مبلغ تہانوں ایہ نئیں کہندا، ’’تُسی ایہ کر سکدے اُو۔‘‘ اِک مبلغ تہانوں کہندا اے، ’’تُسی ایہ نئیں کر سکدے۔‘‘ اِک مبلغ تہانوں دسدا اے کہ تُسی بدکار تے گنہگار اُو، تے بے بس تے کھوئے ہوئے اُو – ایہناں تحریکی یا خوشحالی مقررراں وِچوں کسی اِک دے وی بالکل برعکس جیہڑا تُسی ٹیلی ویژن تے سُنندے اُو۔ لیکن سچے مبلغ دے کول منفی پیغام اے، تے بہتیرے لوکی اُوہناں نوں سُننا نئیں چاہندے۔ اُو اسرائیل دے بادشاہ وانگوں نے، جِنہے کہیا،

’’میں اُوہدے نال نفرت کرنا آں کیوں جے اُو میرے بارے وِچ کدی کسی چنگی گل دی نبوت نئیں کردا‘‘ (I سلاطین 22: 8)۔

منادی کرنا آلا سچا بندہ شریعت دی پیروی کردا اے! اُو تہانوں دسدا اے کہ تُسی اِک گنہگار اُو۔ اُو تہانوں دسدا اے کہ تہاڈے کول بے اعتقادی دا اِک بدکار دِل اے۔ اُو ’’چنگی پیشن گوئی‘‘ نئیں کردا۔ اُو تہانوں دسدا اے کہ تُسی اِک گنہگار اُو جیہدے نصیب وِچ جہنم اے، تے ایہ کہ مسیح دے لہو دے سِوا کُجھ وی تہانوں نئیں بچا سکدا!

میری دعا اے کہ تُسی ایس واعظ نوں سُنو گے۔ میں تہانوں دس رہیا آں کہ تُسی تباہ شدہ گنہگار اُو۔ ایہدے توں انکار نہ کرو۔ اپنے اندر جھانک کے ویکھو کہ ایہ سچ اے۔ اپنے آپ دے دِل نوں خود نوں مجرم ٹھہرا لین دیو تے خدا تہانوں مجرم نئیں ٹھہرائے گا۔ مسیح دے کول اُوہدے قیمتی لہو وِچ پاکیزگی دے لئی آؤ تے تہانوں آن آلے غضب توں بچایا جائے گا، کیوں جے، اگر تُسی اُوہدے کول آندے اُو،

’’اُوہدے پُتر یسوع مسیح دا لہو سانوں سارے گناہواں توں پاک صاف کردا اے‘‘ (I یوحنا 1: 7)۔

توبہ کرو۔ اپنے ذہن نوں بدلو۔ مسیح دے کول آؤ تے اُو تہانوں سارے گناہواں توں پاک صاف کر دے گا۔

I سلاطین 22ویں باب وِچ ایس واقعے دے بارے چہ افسوسناک گل ایہ اے کہ اسرائیل دے بادشاہ نے مبلغ دی گل نئیں سُنی۔ اُو اپنے طریقے نال ایس جنگ وِچ اَگے ودھیا جیس دے خلاف مبلغ نے اُوہنوں خبردار کیتا سی۔

’’تے کسی نے ایویں ای اپنی کمان کھیچی تے اِک تیر چلایا جیہڑا شاہِ اسرائیل نوں اُوہدے زرہ بکتر د ےجوڑاں دے وِچکار جا لگیا … پس بادشاہ مر گیا تے اُوہنوں سامریہ لے جایا گیا تے اُوہناں نے بادشاہ نوں سامریہ وِچ دفن کیتا‘‘ (I سلاطین 22: 34، 37)۔

’’تے عذاب وِچ مبتلا ہو کے جہنم وِچ اُو اپنی اَکھاں اُوتے چُکے گا‘‘ (لوقا 16: 23)۔

ہائے، میں دعا منگنا آں کہ تُسی ایس واعظ نوں سنو گے، تے اپنا زہن بدلو گے، تے ایمان دے نال مسیح دے کول آؤ گے۔ یسوع دے سِوا کوئی وی تہاڈے گناہ نوں پاک صاف نئیں کر سکدا تے تہانوں خدا دی نظر وِچ معافی تے کفارہ نئیں دِلا سکدا۔ ہُنے ای یسوع دے کول آؤ – یا، اسرائیل دے بادشاہ وانگوں، تہاڈی حیاتی زمین تے ختم ہو جائے گی تے تُہاڈی روح قادرِ مطلق خد تہاڈے منصف دے سامنے نجات دے بغیر کِھلوتی ہووے گی۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔