ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
تنبیہ کیتی لیکن سرکش ہو گیاREPROVED BUT HARDENED ڈاکٹر آر ایل ہائیمرز جونیئر وَلّوں ’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدے کوئی چارہ نہ ہووے گا‘‘ (اِمثال 29: 1)۔ |
ایس آیت تے ڈاکٹر جان گِل Dr. John Gill دے تبصرے نوں سُنو:
اِک ایہو جیہا بندہ جیہدی اکثر ماں پیو نے، انجیل دے خادماں نے، خود خداوند وَلوں … اپنے کلام تے روح نال ملامت کرنے آں … تے فیر وی اُو سارے مشورے تے [انتباہ] نوں حقیر تے رد کردا اے تے اپنے آپ نوں اُوہناں دی سرکشی تے آمادہ کردا اے، تے اُوہناں دی کوئی پرواہ نئیں کردا اے۔ ایہ [مثال] بیلاں توں لئی گئی اے، جیہڑے لت ماردے تے اُچھلدے نے، تے جوئے نوں اپنی گردناں تے پان دی [اِجازت نئیں دیہندے]۔ اینج [اِک بندہ] اچانک تباہ ہو جائے گا۔ یا ٹوٹ جائے گا؛ جیویں [مٹی دی بنے ہوئے بھانڈے دی اِک ٹکڑے] نوں لوہے دی سلاخ دے نال ٹکڑے ٹکڑے کر کے توڑا جاندا اے، تے دوبارہ فیر کدی وی نئیں جوڑا جا سکدا؛ لہٰذا [بالکل اینج ای] ایہو جئے لوکاں نوں ابدی تباہی دے نال سزا دِتی جائے گی، جیہڑی اُوہناں تے اچانک ای آ جائے گی، جدوں [اُو سوچن گے کہ اُو سکون وِچ نے، حالانکہ اُوہناں دی ملامت کیتی جا چکی ہوندی اے] خدا دے لوکاں دے ذریعے۔ تے وہ وی بِنا کسی علاج دے؛ یا ہُور اُوہدی کوئی شفا نئیں ہوندی اے؛ اُوہناں دی بیماری دا کوئی علاج نئیں اے … اُوہناں دے گناہواں دی معافی نئیں۔ کوئی بازیابی نئیں … اُوہناں دی بدحالی دی … کیفیت تے حالت توں باہر؛ اُو [اُمید توں بالاتر نے] اُوہناں دے لئی کوئی مدد نئیں اے، [کیوں جے اُوہناں نے] سارے مشوریاں تے ہدایتاں نوں حقیر سمجھیا اے، ’’تے اَخیرکار خود ماتم کردے نے، میں نصحیت نال کیویں نفرت کیتی، تے میرے دِل نے ملامت نوں کیویں حقیر جانیا‘‘ (جان گل، ڈی ڈی John Gill, D.D.، پرانے عہد نامے دی اِک تفسیر An Exposition of the Old Testament، دی بپٹسٹ سٹینڈرڈ بیئرر The Baptist Standard Bearer، دوبارہ اشاعت 1989، جلد IV، صفحہ 524)۔
’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نئیں ہووے گا‘‘ (اِمثال 29: 1)۔
’’اپنی گردن نوں اکڑا لیہن‘‘ دا مطلب ہوندا اے کہ اُو بندہ ناقابلِ تعلیم تے ضدی اے۔ مسیح چہ ایمان نہ لیہیا کے اِک غیر تبدیل شُدہ دماغ دا کوئی مضبوط ثبوت نئیں ہوندا اے جیہڑا مشورہ تے انتباہ حاسل کرن دے لئی تیار نئیں اے۔ سچے مسیحی اصلاح تے مشورے دے لئی شکر گزار نے، لیکن مغرور تے متکبر گنہگار ہمیشہ اپنی نظراں وِچ سچے ہوندے نے۔ اُو انتباہات، مشوریاں تے اصلاح نوں ٹھکرا دیہندے نے۔ گردن اکڑا لیہن آلے [مغرور] نوں ڈٓانٹن یا درست کرن دا کوئی فائدہ نئیں۔
’’ٹھٹھّے باز نوں نہ ڈانٹ، اینج نہ ہووے اُو تیرے نال نفرت کرن لگے، لیکن دانشمند نوں ڈانٹ تے اُو تیرے نال محبت کرے گا‘‘ (اِمثال 9: 8)۔
اینج دا ای فرق ہوندا اے مسیح چہ ایمان لیہیا کے تبدیل ہوئے بندے تے ایمان نہ لیہیا کے ْغیر تبدیل شُدہ بندے دے وِچکار جدوں اُوہناں دی غلطیاں دے بارے وِچ یاد دہانی کرائی جاندی اے۔
’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نئیں ہووے گا‘‘ (اِمثال 29: 1)۔
اَج دی راتی میں چاہنا آں کہ تُسی اُو پنج طریقے ویکھو جیہڑا خدا مسیح چہ ایمان نہ لیہیائے ہوئے غیرتبدیل شُدہ گنہگار دی ملامت دے لئی کردا اے۔
I۔ پہلا طریقہ، تہاڈے ماں پیو دے ذریعے ملامت کردا اے۔
خدا ماں پیو نوں اپنے بچیاں دی سرزنش تے اصلاح دے لئی استعمال کردا اے۔ والدین دا فرض اے کہ اُو اپنے بچیاں دی برائیاں نوں روکن تے اُوہناں دی اصلاح کرن۔ رسول نے فرمایا
’’ایہدے علاوہ جدوں ساڈے جسمانی باپ سانوں تنبیہ کردے سن تے اَسی اُوہناں دی تعظیم کردے رئے [اَسی اُوہناں نوں عزت دِتی]‘‘ (عبرانیوں 12: 9)۔
اِک بے دین بچے دے سر تے جرم دا کیہنا بوجھ ہوندا اے جیہڑا اِک مسیحی پیو یا ماں دی تنبیہات تے دعاواں نوں حقیر سمجھدا اے! اِک نوجوان جیہڑا اُوہدے مسیحی ماں پیو وَلّوں درست نئیں کیتا جائے گا یقینی طور تے مسیح چہ ایمان نہ لیہیا کے تبدیل نئیں ہو پائے گا۔
’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نئیں ہووے گا‘‘ (اِمثال 29: 1)۔
II۔ دوجا طریقہ، خدا تہاڈی صحیفیاں دے ذریعے ملامت کردا اے۔
خدا صحیفیاں دے ذریعہ غیر تبدیل شُدہ لوکاں دی تنبیہ تے ملامت کردا اے۔
’’ہر صحیفہ جیہڑا خدا دے الہٰام نال اے اُو تعلیم دین، تنبیہ کرن … دے لئی مفید اے‘‘ (II تیمتھیس 3: 16)۔
بائبل وِچ ساریاں بُلاہٹاں، احکامات، دھمکیاں تے تنبیہات اُوہناں لوکاں دے لئی ملامت تے تنبیہ نے جیہڑے ہُنے تیکر مسیح چہ ایمان نہ لیہیا کے غیر تبدیل شُدہ نے۔ تُسی قورح دے جہنم وِچ ڈِگن، ہیرودیس دے کیڑیاں نال کھائے جان، یا حننیاہ تے صفیرا دے خدا دا خوف محسوس کیتے بغیر مرن دے بارے وِچ کیویں پڑھ سکدے نے؟ درحقیقت، تُسی بائبل وِچ خدا دی سزا تے جہنم دے بارے وِچ کیویں پڑھ سکدے اُو جیہڑا تہاڈا انتظار کر رئی اے تے ایہدے باوجود وی قادرِ مطلق خدا دا خوف محسوس نئیں کردے؟
’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نئیں ہووے گا‘‘ (اِمثال 29: 1)۔
III۔ تیجا طریقہ، خدا تہاڈی اُوہناں واعظاں دے ذریعے ملامت کردا اے جیہڑے تُسی سُنندے اُو۔
خدا مسیح وِچ ایمان نہ لیہیائے ہوئے غیرتبدیل شُدہ لوکاں نوں اُوہناں دی سنن آلے واعظاں دے ذریعے ملامت کردا اے تے سرزنش کردا اے۔ پولوس رسول نے کہیا،
’’کلام دی منادی کردے ویلے … سمجھا، ملامت تے نصحیت کر … کیوں جے ایہو جیہا ویلہ آ رہیا اے کہ لوکی صحیح تعلیم نوں برداشت نئیں کرن گے‘‘ (II تیمتھیس 4: 2۔3)۔
وفادار پادری نوں سرزنش کرن، ڈٓنٹ ڈپٹ کرن تے نصیحت دے نال منادی کرن دے لئی بُلایا جاندا اے۔ اُو سزا تے جہنم توں خبردار کردا اے۔ کی اُو ویلہ آ گیا اے جدوں تُسی ’’صحیح نظریے نوں برداشت نئیں کرو گے‘‘؟ جے تُسی ایہو جئی تبلیغ حاصل کرن دے لئی بہوتے سخت دِل تے سرکش اُو، تے تُسی پہلاں توں ای مایوس کُن حالت وِچ اُو۔
’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نئیں ہووے گا‘‘ (اِمثال 29: 1)۔
IV۔ چوتھا طریقہ، خُدا تہاڈی روح القدس دے ذریعے ملامت کردا اے۔
خداوند اپنے پاک روح دی کاروائی دے وسیلے توں مسیح چہ ایمان نہ لیہیائے ہوئے غیرتبدیل شُدہ بندے نوں جھڑکدا اے تے ملامت کردا اے۔
’’تے جدوں اُو مددگار آ جائے گا … اُو دُنیا نوں مجرم قرار دے گا‘‘ (یوحنا 16: 8)۔
کی خدا دی روح تہاڈے کوئی آئی اے؟ کی اُوہنے تہاڈے دِل دی سرزنش کیتی اے تے ملامت کیتی اے؟ کی اُوہنے تہانوں تہاڈے گناہ دے بارے وِچ یقین دلایا اے؟ کی تُسی محسوس کیتا اے کہ خدا دی روح تہاڈے باطن وِچ کہندی اے، ’’اے گنہگار، توں کیتھے جا رہیا اے؟ تیری گناہ توں بھرپور حیاتی کیویں ختم ہو گی؟ جدوں توں مریں گا تے خدا نال ملن دے لئی تیار نئیں ہووے گا۔‘‘ کی تُسی خدا دی روح کولوں اینج دے اشارے تے ملامتاں سُنیاں نے؟
’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نئیں ہووے گا‘‘ (اِمثال 29: 1)۔
V۔ پانچواں، خدا تہاڈی دوجیاں دی تبدیلی دے ذریعے ملامت کردا اے۔
خدا بعض ویلے اِک گنہگار دی دوجے گنہگار دی سزایابی تے تبدیلی دے ذریعے ملامت کردا اے۔ اپو بندے تہاڈا بیلی تے ساتھی سی۔ تہاڈے جذبات تے خیالات بہوتی یکساں سن۔ کُجھ ویلے پہلاں اُو وی تہاڈے وگرا سی۔ لیکن فیر اُو خوفزدہ ہو گیا تے گناہ دا مرتکب ہویا۔ ہن اُو تہاڈے وگرا نئیں رہیا۔ ایہ، میرے بیلی، تہانوں اُوچی واج وِچ تبلیغ کر رہیا اے۔ جدوں کوئی قریبی بیلی تبدیل ہو جاندا اے، تے ایہ تہاڈے جاگن دا ویلہ اے۔ ایہ تہاڈے لیے اِک سخت وارننگ اے۔
’’آن آلے غضب توں بچ کے پھہج نکلو‘‘ (متی 3: 7)۔
جدوں تُسی کسی سرکش گنہگار نوں اُوہدی بھیانک حالت نال گھبرائے ہوئے ویکھدے یا سُنندے اُو، تے ایہ تہاڈے لئی سخت سرزنش اے۔ ویکھو کہ تہاڈی حیاتی کیس پاسے جا رئی اے۔ اگرچہ تُسی سوچ سکدے اُو کہ تُسی نمٹ سکدے اُو تے خدا دے سامنے ہار تسلیم نئیں کر سکدے، فیر وی تُسی بہوتی دیر تیکر نئیں ٹھہر سکدے۔ عنقریب تہاڈا سخت دِل کنبہے گا تے تہاڈی آکڑی ہوئی تہون خوف نال ہل جائے گی۔ تے تہاڈی ساری نام نہاد ہمت، بزدلی تے گھبراہٹ وِچ مُک جائے گی۔ اُو خوفناک انجام ویکھو جیس وَل تُسی تیزی نال پہنچ رئے اُو۔ تہانوں وی مسیح چہ ایمان لیہیا کے تبدیل ہونا چائیدا اے – ورنہ تُسی ہلاک ہو جاؤ گے۔
’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نئیں ہووے گا‘‘ (اِمثال 29: 1)۔
جہنم دے کھولدے ہوئے گڑھے وِچ ویکھو۔ ایہ اُو تھاں اے جیتھے تہاڈا مستقبل پنہاں اے۔ ایہ اُو تھاں اے جیتھے تہاڈی روح اپنا کدی وی نہ ختم ہون آلا وجود لنگہائے گی۔
’’تے زمین نے اپنا مُنہ کھول دِتا تے اُوہناں نوں، اُوہناں دے گھربار تے قورح دے ہاں دے سارے بندیاں نوں تے اُوہناں دے مال و اسباب نوں ہڑپ کر لیہیا۔ اُو اپنے سارے مال و اسباب دے نال جیوندے جی قبر وِچ جا پیہئے تےزمین اُوہناں دے اُوتے برابر ہو گئی تے اُو جماعت وِچوں نابود ہو گئے‘‘ (گنتی 16: 32۔33)۔
’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نئیں ہووے گا‘‘ (اِمثال 29: 1)۔
[ہیرودیس بہوتا مغرور تے خود تے یقین رکھدا سی] ’’تے ہیرودیس نے خدا دی تمجید نہ کیتی ایس لئی اُوہدے تے اُسی ویلے خدا دے فرشتہ دی ایہو جئی مار پیہئی کہ اُوہدے جسم وِچ کیڑے پڑ گئے تے اُو مر گیا‘‘ (اعمال 12: 21، 23)۔
’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نئیں ہووے گا‘‘ (اِمثال 29: 1)۔
’’حننیاہ ایہ سُںندے ای ڈِگ گیا تے اُوہدا دم نکل گیا تے جِنہاں لوکاں نے ایہ سُنیا اُوہناں تے وڈا خوف طاری ہو گیا‘‘ (اعمال 5: 5)۔
’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدا کوئی چارہ نئیں ہووے گا‘‘ (اِمثال 29: 1)۔
خدا دے غضب توں دور نٹھ جاؤ۔ نٹھو
’’خدا دے برّے وَل، جیہڑا دُںیا دے گناہ نوں چُک لے جاندا اے‘‘ (یوحنا 1: 29)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب تنبیہ کیتی لیکن سرکش ہو گیا REPROVED BUT HARDENED ڈاکٹر آر ایل ہائیمرز جونیئر وَلّوں ’’جیہڑا بندہ بار بار متنبہ کیتے جان تے وی سرکشی کردا اے اُو ناگہاں تباہ کیتا جائے گا، تے اُوہدے کوئی چارہ نہ ہووے گا‘‘ (اِمثال 29: 1)۔ (اِمثال 9: 8) I۔ پہلا طریقہ، خُدا تہاڈی تہاڈے ماں پیو دے ذریعے ملامت کردا اے، عبرانیوں 12: 9۔ II۔ دوجا طریقہ، خدا تہاڈی صحیفیاں دے ذریعے ملامت کردا اے، II تیمتھیس 3: 16۔ III۔ تیجا طریقہ، خُدا تہاڈی اُوہناں واعظاں دے ذریعے ملامت کرتا ہے جیہڑے تُسی سُنندے اُو، II تیمتھیس 4: 2-3۔ IV۔ چوتھا طریقہ، خُدا تہاڈی روح القدس دے ذریعے ملامت کردا اے، یوحنا 16: 8۔
V۔ پانچواں طریقہ، خدا تہاڈی دوجیاں دی تبدیلی دے ذریعے ملامت کردا اے، متی 3: 7؛ |