Print Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 43 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔




مسیح تہانوں پاک صاف کر سکدا اے!

CHRIST CAN MAKE YOU CLEAN!
(Punjabi – A Language of Pakistan)

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

خُداوند دے دِن دی سویرے دِتا گیا اِک واعظ، 7 اگست، 2005
لاس اینجلز دی بپتسمہ دین آلی عبادت گاہ وَچ
A sermon preached on Lord’s Day Morning, August 7, 2005
at the Baptist Tabernacle of Los Angeles

’’تے اِک کوڑھی یسوع دے کول آیا تے گوڈے ٹیک کے اُوہنوں منت کرن لگا کہ جے توں چاہوے تے مینوں کوڑھ توں پاک صاف کر سکدا اے۔ تے یسوع نے اُوہدے تے ترس کھا کے اپنا ہتھ ودھایا، کوڑھی نوں چھوا تے اُوہنوں کہیا، میں چاہنا واں کہ توں پاک صاف ہو جائے۔‘‘ (مرقس 1: 40۔41).


سیکوفیلڈ دا مطالعۂ بائبل Scofield Study Bible کہندی اے کہ ’’کوڑھ گناہ دے بارے چہ دسدا اے جیویں (1) اُو لہو وچ ہوندا اے؛ (2) قابلِ کراہت طریقیاں توں کھُلم کھُلا نظر آ جاندا اے؛ (3) انسانی ذریعاں نال ناقابلِ علاج‘‘ (احبار13:3 تے غور طلب گل)۔ یہودیاں نوں کوڑھیاں نوں نہ چھوّن دا حکم سی۔ ایس بندے نوں ایہدے رشتے داراں توں کڈیا جا چُکیا سی، تے کلیاں حیاتی گزار رہیا سی۔ کوئی وی اوہدے نزدیک نئیں آندا سی۔ اُو سڑکاں تے کلیاں زور زور نال چیخدے ہوئے پھردا سی، ’’ناپاک۔ ناپاک۔‘‘

ایہہ اِک تصویر اے، اِک شبیہہ اے، گناہ دے بارے وچ جیہڑا اُو اِک بندے نال کردا اے۔ گناہ تہانوں خُدا دی نظراں وچ ناپاک کر دیندا اے۔ گناہ تہانوں خُدا توں جُدا کر دیندا اے۔ گناہ تہانوں شراکت تے مقامی کلیسیا دی حیاتی توں جُدا کر دیندا اے۔ اوہ، تُسی شاید گرجا گھر آندے اُو، مگر تُسی اُوہدے چہ اُوہدی مکمل شراکت نال داخل نئیں ہو سکدے۔ تُسی ہمیشہ ’’باہر‘‘ ای ہوندے اُو۔ تُسی واقعی چہ خدا دے لوکاں توں تعلق نئیں رکھدے، تے تُسی ایہہ گل جانندے اُو، کِتھے گہرائی وچ۔ تُسی اِتوار دے دِن تے دوجے موقعیاں تے خدا دے لوکاں دے نال ہوندے اُو، مگر کسی نہ کسی طور، چاہے تُسی کیہنی ای دیر نال گرجا گھر آندے رئے ہوو، تے ’’ایہدے ہوندے‘‘ نئیں اُو۔ تُسی فیر وی اِک باہر آلے وانگوں ای محسوس کردے اُو۔ ایہہ اے جیہڑا گناہ دا کوڑھ تہاڈے نال کردا اے۔

تے جدوں تُسی دعا منگنا شروع کردے اُو، تے تہاڈے دِل وچ سوچن لئی ہمیشہ اِک رُجحان ہوندا اے کہ خُدا تہاڈی نئیں سُنے گا۔ گناہ تہانوں خُدا دے نال مکمل شراکت نال جُدا کر چُکیا ہوندا اے۔ تُسی خُدا دے لوکاں نال دلی طور تے دعا وچ شامل نئیں ہو سکدے۔ تُسی کلّے ہوندے اُو، اپنے گناہ دے کوڑھ وچ۔ ’’کوڑھ گناہ دے بارے چہ گل کردا اے جیویں اُو خون وچ ہوندا اے… انسانی ذرائع توں ناقابلِ علاج۔‘‘

تے ایویں، تُسی اج دی سویر فیر گرجا کرن لئی آئے۔ لیکن تہاڈے دِل وچ کوڑھی دے الفاظ چیخ رئے ہوندے نے، ‘‘ناپاک! ناپاک!’’

’’تے ایس قسم دے متعدی مرض مثلاً کوڑھ وچ مبتلا بندے لئی ضروری اے کہ اُو … چِلّا چِلّا کے کہے کہ ناپاک! ناپاک! جدوں تیکر اُو اینج متعدی مرض وچ مبتلا رئے گا اُو ناپاک سمجھیا جاوے گا۔ ایس لئی ضروری اے کہ اُو کَلّا رئے تے لشکر گاہ دے باہر حیاتی لنگائے‘‘ (احبار13:45۔46).

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

اُو حالت سی جیدے وچ اُو کوڑھی سی – خُدا تے لوکاں توں جُدا کیتا ہویا۔ کی اج دی سویر ایتھے کوئی اے جیہرا اونج محسوس کردا اے؟ کی تہانوں احساس ہوندا اے کہ تُسی ہُنے تیکر واقعی چہ ایس گرجا گھر دا حصہ نئیں اُو؟ کی تُسی محسوس کردے اُو کہ تُسی ہُنے تیکر خُدا توں بوہتی دُور اُو؟ کی تُسی اپنے اندر گناہ دے قابلِ کراہت کوڑھ توں آگاہ اُو، جیہڑا تہاڈی انتہائی فطرت دا اخلاقی زوال اے، جیہڑا گناہ دے ذریعے نال تباہ تے آلودہ اے؟ جے تُسی اُوہدے وچوں کسی نوں وی محسوس کیتا سی، فیر آؤ تے سِکھو کیویں ایہہ کوڑھی پاک صاف ہویا سی، تے شاید خُدا تہانوں اُو ایمان بخش دئے گا کہ اُوہدی مثال دی پیروی کرو تے خود توں پاک صاف ہو جاؤ۔ ایس کوڑھی نے کی کیتا سی؟ اُوہدے اِرادے تے افعال کی سی؟

I۔ پہلی گل، کوڑھی یسوع دے وسیلے نال پاک صاف ہون لئی بیقرار سی۔

آیت 40 تے نظر پاؤ۔

’’تے اِک کوڑھی یسوع دے کول آیا تے گھٹنے ٹیک کے اُوہنوں منّت کرن لگا…‘‘(مرقس1:40).

مہربانی نال اُتے ویکھو۔ کوڑھی یسوع دے کول آیا سی تے گھٹنے ٹیک کے اُوہنوں منّت کیتی سی۔ ایہہ ظاہر کردا اے کہ جے تُسی رحم چاہندے اُو تے مسیح نال پاک صاف ہونا چاہندے اُو، تے تہانوں وی انتہائی بیقرار تے سنجیدہ ہونا چائیدا اے۔

بے شمار لوکی جیہڑے ہُنے تیکر گناہ وچ سوئے ہوئے نے محض ’’میں نجات پانا چاہنا واں‘‘ دے الفاظ مُنہ وچ بُڑبُڑان دے ذریعے نال ’’نجات پان‘‘ دی کوشش کردے نے۔ لیکن اُو ایدے بارے چہ سنجیدہ نئیں ہوندے۔ اُو ایدے وچ خود نوں حوالے نئیں کردے۔ اُوہناں دی فکر ودھدی اے جدوں اُو گناہ تے سزا تے اِک واعظ سُنندے اُو، لیکن اُو احساس جلد ای اُوہناں نوں چھڈ جاندا اے، تے اُوہناں دے ذہن جلدی نال دوجیاں گلاں وچ بھٹکن لگدے نے۔ اینج دی حالت وچ لوکی مسیح چہ ایمان لہیا کے تبدیل نئیں ہوندے۔ یسوع نے کہیا،

’’تنگ بُوہے توں داخل ہون دی پُوری کوشش کرو کیوں جے میں تہانوں کہنا واں کہ بہتیرے لوکی اندر جان دی کوشش کرن گے لیکن جا نہ پان گے‘‘ (لوقا 13:24).

جدوں میں واعظ دے بعد ہُن تیکر سوتے ہوئے لوکاں نال گل کرنا واں، میں اکثر اُوہناں کولوں اِک سوال پُچھنا واں، ’’تُسی کی چاہندے اُو یسوع اَج تہاڈے لئی کرے؟‘‘ میں اکثر اُوہناں نوں اخیر وچ اِک سوالیہ علامت نال جواب دیندا ہویا سُننا واں۔ اُو اکثر کہندے نے، ’’میرے گناہواں نوں معاف کرے؟‘‘ اُو ایہہ گل اخیر وچ اِک سوالیہ علامت نال کہندے نے، جیویں پُچھ رئے ہون، ’’کی ایہہ جواب دُرست اے؟‘‘

اُوہناں دے نال مسئلہ ایہہ اے کہ اُوہناں دی حالت دی کراہت انگیزی نے اُوہناں نوں جکڑیا ہویا نئیں ہوندا۔ اُوہناں نوں اپنی کوڑھ آلی گناہ توں بھوپور حالت دی ہولناکی دا احساس ای نئیں ہوندا۔ بوہتا کم اے جیہڑا میں کہہ یا کر سکنا واں جیہڑا اُوہناں دی مدد کرے جدوں کہ اُو ایس بے دِلانہ، بے تعصب، لاتعلقانہ حالت وچ ہوندے نے۔ میں اُوہناں نوں جان دینا واں، اُمید کردے ہوئے تے دعا منگدے ہوئے کہ خُدا دا روح اُوہناں دے دِلاں نوں چھیدے تے اُوہناں نوں گناہ نال لادے۔ میں اکثر اُوہناں نوں پڑھن لئی اِک ادبی کاغذ پیش کرنا واں تے بس اُوہناں نوں جان دینا واں، دعا منگدے ہوئے کہ اگلی وری میں اُوہناں دے نال گل کراں، تے اُو اپنی لوڑ نوں ویکھ پان گے۔

اپنی لوڑ نوں ویکھنا! ایہہ اے جیہڑا ضروری اے! ایس کوڑھی نے یقینی طور تے اپنی لوڑ نوں ویکھیا سی – تے شدت توں ایہدے نال پریشان ہویا سی۔ اُو جانندا سی کہ اُو اِک گمراہ کوڑھی سی، تے اُو جانندا سی کہ ماسوائے مسیح دے رحم دے اُوہدے کول ہور کوئی دوجی اُمید نئیں سی۔

’’تے اِک کوڑھی یسوع کول آیا تے گھٹنے ٹیک کے اُوہنوں [اِلتجا] مِنّت کرن لگا…‘‘ (مرقس 1:40).

ایہہ بندہ سنجیدہ سی۔ کی تُسی اُو؟ ایہہ بندہ جانندا سی کہ اُو تباہ ہو چُکیا سی تے مایوسی نال گناہ دے کوڑھ دی متعدی بیماری وچ مبتلا سی۔ کی تُسی ایہہ جانندے اُو؟ ایہہ بندہ بیقرار سی، یسوع دے وسیلے نال پاک صاف ہون لئی جدوجہد کرنا واں۔ کی ایہہ گل تہاڈی تشریح کردی اے؟ جے تہانوں ایس قسم دے احساسات ہوندے نے، تے شاید اج تُسی یسوع دے وسیلے نال پاک صاف ہو جاؤ۔ جے نئیں، تے فیر ایہہ وی محض اِک ہور واعظ ہووے گا جیہنوں تُسی سُنیا تے فیر ایہدے بارے چہ پُل گئے۔

II۔ دوجی گل، کوڑھی نوں یقین سی کہ یسوع دے وسیلے نال پاک صاف ہونا ممکن سی۔

جی ہاں! اُوہنوں یقین سی ایہہ ممکن سی! اُو واقعی چہ یقین رکھدا سی کہ یسوع اُوہنوں پاک صاف کر سکدا اے۔ آیت 40 تے فیر نظر پاؤ۔

’’تے اِک کوڑھی یسوع دے کول آیا تے گوڈے ٹیک کے اُوہنوں منت کرن لگا کہ جے توں چاہوے تے مینوں کوڑھ توں پاک صاف کر سکدا اے‘‘ (مرقس 1:40).

’’جے تُو چاہوے تے مینوں کوڑھ توں پاک صاف کر سکدا اے‘‘ اُوہنوں یقین سی کہ مسیح اُوہنوں پاک صاف کر سکدا اے۔ کی تہانوں اُوس گل دا یقین اے؟ یا کی ایہہ صرف اِک نظریہ اے جیہڑا تُسی لوکاں نوں گرجا گھر وچ کہندے ہوئے سُنیا؟

گذشتہ ہفتے اِک بندے نے مینوں خط لکھیا تے کہیا کہ اُو ساڈے واعظاں نوں میل دے ذریعے نال پیجن آلی فہرست وچوں اپنا ناں ہٹوانا چاہندا اے۔ اُو میرے نال ایہہ گل کہن تے ناراض سی کہ جان میک آرتھر غلطی تے اے جدوں اُو کہندا اے کہ دورِ حاضرہ وچ کوئی لہو نئیں اے۔ ایہہ بندہ میرے نال ایس قدر ناراض ہویا سی کہ اُوہنے مینوں ’’غیر ذمہ دار،‘‘ ’’جاہل‘‘ تے ’’احمق‘‘ کہیا۔ شاید میں کُج گلاں وچ جیہڑی میں کہیاں غیر ذمہ دار رہ چُکیا واں۔ میں پُریقین آں کہ میں زیادہ تر جاہل آں۔ تے میں شاید کُج گلاں چہ بجا طور تے احمق آں۔ لیکن گنہگاراں نوں ایہہ دسنا کہ ’’لہو نال پریا ہویا اِک چشمہ ہوندا اے… تے گنہگار اُوس دھارے دے تھلے ڈبکی لگاندے نے تے اپنے قصوراں دے سارے داغ صاف کروا لیندے نے‘‘ غیر ذمہ داری نئیں اے۔ اُو غیر ذمہ داری نئیں ہوندی اے۔ تے بائبل وچ یقین کرنا جہالت نئیں ہوندی جدوں ایہہ کہندی اے،

’’اُوہدے پُتر یسوع دا لہو سانوں ہر گناہ توں پاک کردا اے‘‘ (1۔ یوحنا 1:7).

اُوہدے چہ یقین رکھنا تے اُوہدی منادی کرن دے بارے وچ کوئی گل جہالت نئیں ہوندی اے – کیوں جے ایہہ خُدا دا کلام اے! تے میں یقین نئیں رکھدا کہ ایس گل تے اصرار کرنا احمقانہ اے کہ مسیح دا لہو

’’بولدا اے‘‘ (عبرانیوں12:24)۔

لہو جیدی کدی وی تعریف نئیں کیتی گئی، لہو جیہنوں زمین تے خراب کیتا گیا، اُو لہو جیہڑا سینکڑو وریاں پہلاں فنا ہو گیا سی ہُن گل نئیں کر سکدا! لیکن یسوع دا لہو ’’بولدا اے‘‘ (عبرانیوں 12:24). میں نئیں سوچدا ایس گل دا اصرار کرنا کہ مسیح دا لہو ’’بولدا اے‘‘ احمقانہ اے کیوں جے بائبل کہندی اے ایہہ بولدا اے (عبرانیوں 12:24). تے مسیح دا لہو کیڑیاں گلاں بولدا اے؟ ایہہ اُوہناں لوکاں نال جیہڑے یسوع دے کول آندے نے امن تے رحم دیاں گلاں کردا اے! ایہہ اُوہناں لوکاں نال جیہڑے ایمان دے وسیلے نال مسیح دے کول آندے نے سارے گناہواں توں پاک صاف ہون تے نجات دیاں گلاں بولدا اے!

جے مینوں نجات دہندہ دے لہو دے وسیلے نال پاک صاف کیتے جان تے حیاتی پان دا اِعلان کرن لئی ’’غیر ذمہ دار، جاہل، تے احمق‘‘ کہیا جاندا اے تے کہہ لین دیو۔ میں اُوہناں اِلزامات نوں اِک اعزازی تمغہ دی حیثیت نال اپنا لواں گا۔ خود روم دے پوپ نے لوتھر نوں کلیاں مسیح دے لہو دے وسیلے نال نجات دا اِعلان کرن لئی ’’احمق‘‘ کہیا سی۔ میں اینوں عزت وچ شمار کراں گا مذہبی سُدھار آلے دے نال اخیر تیکر احمقاں وانگوں کھلو کے، مسیح یسوع دے ہمیشہ دی حیاتی آلے، مکمل طور تے مؤثر لہو دا ڈھٹائی نال دفاع کردے رہن نوں اِک نایاب و نادر موقعہ وچ شمار کراں گا!

لیکن ایس نِکی جئی کہانی دا اختتام چنگا اے۔ مینوں ایہہ کہندے ہوئے خوشی ہوندی اے کہ ایس بندے نے بعد چہ مینوں فیر خط لکھیا تے جو اُوہنے کہیا سی اُو الفاظ واپس لئے تے معافی منگی۔ میں خوش آں اُو گل رونما ہوئی سی۔ میں اُوہدی معافی قبول کرنا واں۔ ایہدے باوجود میں جیہڑا مسیح دے لہو دے بارے وچ یقین رکھنا واں اُوہنوں بدل نئیں سکدا۔

آہ، جدوں گل پاک صاف کیتے جان دی آندی اے تے ایہہ کوڑھی کوئی بے اعتقادہ شکی نئیں سی۔ بیشک اُوہدا علم لہو نال تعلق رکھدے ہوئے محدود رہیا ہووے، اُو یقینی طور تے جانندا سی کہ یسوع اُوہنوں پاک صاف کر سکدا اے۔ اُوہنوں ایس بارے چہ یقین سی۔ کِتھے کوئی تھیالوجیکل پریشانی نئیں اے۔ ایس بندے دے ذہن وچ کوئی شک نئیں سی۔ ویکھو کیس قدر جرأت دے نال اُو بولدا اے،

’’جے تُو چاہوے تے مینوں کوڑھ توں پاک صاف کر سکدا اے‘‘ (مرقس1:40).

کی تُسی یقین رکھدے اُو مسیح تہانوں پاک صاف کر سکدا اے؟ کی تُسی یقین رکھدے اُو کہ اُوس یسوع دے وسیلے نال تہاڈے لئی گناہ توں پاک صاف ہونا ممکن اے؟ کی تُسی یقین رکھدے اُو یسوع تہاڈے لئی اُو کر سکدا اے؟ تے فیر تُسی انتظار کیوں کردے اُو؟

’’آہ‘‘ تُسی شاید کہوو، ’’لیکن میں بجا طور نال گناہ دی سزایابی وچ نئیں آیا واں۔‘‘ ایہہ اِک غلطی ہوندی اے۔ صرف جیس گل دی لور اے اُو اے ’’اپنے لئی اُوس یسوع دی لوڑ نوں محسوس کرنا‘‘ (’’آؤ، اے گنہگارو Come, Ye Sinners،‘‘ شاعر جوزف ہارٹ Joseph Hart، 1759). ایس بندے نے اپنے لئی یسوع دی لوڑ نوں محسوس کیتا سی۔ کی تُسی محسوس کردے اُو تہانوں پاک صاف ہون لئی مسیح دی لوڑ پیندی اے؟ تے فیر مذید کسی ہور گل دا اضافہ کرن دی لوڑ نئیں پیندے اے! یسوع دے کول آؤ تے اُو تہانوں پاک صاف کر دوے گا!

III۔ کوڑھی نوں یسوع وچ ایمان دا صلہ مِلیا سی۔

آؤ کھلوو تے اُچی واج نال آیت 41 تے 42 پڑھو۔

’’تے یسوع نے اُوہدے تے ترس کھا کے اپنا ہتھ ودھایا، کوڑھی نوں چھوا تے اُوہنوں کہیا، میں چاہنا واں کہ توں پاک صاف ہو جائے۔ اُوسی دم اُوہدا کوڑھ جاندا رہیا تے اُو پاک صاف ہو گیا‘‘ (مرقس 1:41۔42).

تُسی تشرف رکھ سکدے اُو۔

جدوں کوڑھی نے کہیا، ’’جے تُو چاہوے تے مینوں پاک صاف کر سکدا اے،‘‘ تے یسوع دے دِل نوں اُوہدے تے ’’بڑا ترس آیا‘‘ سی۔ جیوین سپرجیئن اینوں تحریر کردے نے،

اُو یونانی لفظ جیہڑا ایتھے استعمال ہویا… ساری نسل انسانی دی فکر دا اظہار کردا اے، سارے باطنی حصّیاں وچ اِک ہلچل… نجات دہندہ نوں بڑا ترس آیا سی… جیویں ای ساڈے خداوند یسوع نوں ترس آیا اوویں ای اُوہدا ہتھ اگے ودھیا تے اُوہنے اُوس بندے نوں چھویا تے اُوہنوں فوراً شفایاب کیتا۔ علاج کرن لئی زیادہ ویلے دی لوڑ ای نئیں پیندی سی؛ کیوں جے کوڑی دے لہو نوں اِک سیکنڈ وچ پاک صاف تے ٹھنڈا کیتا جا چُکیا سی (سی۔ ایچ۔ سپرجیئن C. H. Spurgeon، ’’خُداوند تے کوڑھی The Lord and the Leper،‘‘ میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پِلگرِم اشاعت خانے Pilgrim Publications، فیر اشاعت 1974، جلد XXXIV، صفحہ 95)۔

مسیح نے اپنا ہتھ اگے ودھایا تے اُوہنوں چھویا تے اُوہنوں کہیا، میں چاہنا واں کہ تُو پاک صاف ہو جا۔ تے جیویں ای اُوہنے ایہہ گل کہی، فوراً ای کوڑھ اُوس بندے توں چلا گیا تے اُو پاک صاف ہو گیا‘‘ (مرقس 1:41۔42)۔

اُوس انتہائی لمحے وچ جدوں تُسی یسوع دے کول آندے اُو، اُو تہانوں چھوئے گا تے تہاڈے گناہ ہمیشہ لئی مُک جان گے۔ ڈاکٹر جے ورنن میگی Dr. J. Vernon McGee نے کہیا،

ایس معجزے دا اِک شاندار نفسیاتی پہلو اے۔ کسی نے وی اُوس کوڑھی نوں چھوتا نئیں سی۔ اُوس بندے نوں وریاں توں کسی نے وی نئیں چھوتا سی۔ نا ای اُو کسی نوں چھو پایا سی۔ میں تصور کر سکنا واں اُوہدے خاندان آلے اُوہدے لئی اوتھے ای کھانا تے پانی لے آندے سی، چھڈ جاندے، تے جدوں اُو واپس ٹُر جاندے تے اُو باہر آندا تے ایہہ شیواں چُک کے لے جاندا۔ اُو غالباً اُوہناں نوں ہتھ ہلا کے سلام دعا کر سکدا سی، لیکن اُو فیر کدی وی اُوہناں کول نئیں جا سکدا سی، کدی وی اُوہناں نوں اپنی باواں وچ نئیں تھام سکدا سی، کدی وی چھو نئیں سکدا سی۔ لیکن ہُن خُداوند ایس بندے نوں چھوندا اے، تے اُو یسوع اینوں پاک صاف کر دیندا اے! (جے ورنن میگی، ٹی ایچ۔ ڈی۔ J. Vernon McGee, Th.D.، بائبل وچوں Thru the Bible، تھامس نیلسنThomas Nelson، 1983، جلد چہارم، صفحہ166)۔

اِک مشہورومعروف گیت وچ، بِل گیتھر Bill Gaither نے ایس بارے چہ دسیا جدوں اُوہنے اُو گیت تحریر کیتا سی۔

اِک بھاری بوجھ نال جکڑیا ہویا، ’شرمندگی تے جرم دے وزن نال دبیا ہویا،
اُودوں یسوع دے ہتھ نے مینوں چھوتا، تے میں فیر ہور پہلے وگرا نہ رہیا۔
اُوہنے مینوں چھوا، اوہ، اُوہنے مینوں چھوا،
تے اوہ، اُو خوشی جیہڑی میری جان وچ مچل کے نٹھی۔
کُج نہ کُج ہویا سی، تے ہُن میں جان گیا،
اُوہنے مینوں چھوتا سی تے مینوں مکمل کر دِتا سی۔
   (’’اُوہنے مینوں چھواHe Touched Me‘‘ شاعر بِل گیتھر Bill Gaither، 1963)۔

جیس لمحے تُسی یسوع دے کول ایمان دے وسیلے نال آندے اُو، اُو تہانوں چھوئے گا، تے تہانوں سارے گناہواں تے جرم توں پاک صاف کر دیوے گا۔ اُو صلیب تے تہاڈے گناہ دی ادائیگی لئی قربان ہویا سی۔ اُو تہانوں حیاتی بخشن لئی مُردیاں وچوں زندہ یا سی۔

’’اُوہدے پُتر یوع مسیح دا لہو سانوں سارے گناہواں توں پاک صاف کردا اے‘‘ (1یوحنا1:7)۔

یسوع دے کول آؤ۔ اُوہدے وچ یقین رکھو۔ اُوس لمحے اُو تہانوں پاک صاف کر دیوے گا۔


جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔


لُبِ لُباب

مسیح تہانوں پاک صاف کر سکدا اے!

CHRIST CAN MAKE YOU CLEAN!

ڈاکٹر آر۔ ایل۔ ہائیمرز، جونیئر وَلّوں
by Dr. R. L. Hymers, Jr.

‘‘تے اِک کوڑھی یسوع دے کول آیا تے گوڈے ٹیک کے اُوہنوں منت کرن لگا کہ تے توں چاہوے تے مینوں کوڑھ توں پاک صاف کر سکدا اے۔ تے یسوع نے اُوہدے تے ترس کھا کے اپنا ہتھ ودھایا، کوڑھی نوں چھوا تے اُوہنوں کہیا، میں چاہنا واں کہ توں پاک صاف ہو جائے۔’’ (مرقس 1: 40۔41).

(احبار 13:45۔46)

I.    کوڑھی یسوع دے وسیلے توں پاک صاف ہون لئی بیقرار سی، مرقس 1:40الف؛ لوقا 13:24۔

II.   کوڑھی نوں یقین سی کہ یسوع دے وسیلے توں پاک صاف ہونا ممکن سی،
مرقس 1:40ب؛ 1۔ یوحنا 1:7؛ عبرانیوں 12:24۔

III.  کوڑھی نوں یسوع وِچ ایمان دا صِلہ مِلیا سی، مرقس 1:41۔42؛ 1۔ یوحنا 1:7۔