ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
ایس زمانے دی لوڑ –
|
میں ڈاکٹر آر البرٹ موہلر، جونیئر، لوئس ول، کینٹکی میں سدرن بیپٹسٹ تھیولوجیکل سیمینری دے صدر دی اِک تصنیف پڑھ رہیا آں، ’’بائبل دی تبلیغ دی لوڑ‘‘۔ ڈاکٹر موہلر اِک قدامت پسند آدمی نے، تے اُوہناں دے کول جریدے دے ایس نشرپارے وِچ کیہن نوں بہوتا کُجھ اے جیہڑا کہ چنگا تے سچ اے۔ میں جنوبی بپتسمہ دین آلے اجتماع دے ایہناں آزاد خیال لوکاں نال متفق نئیں آں جیہڑے ہُنے وی بائیں بازو دے 153 جنوبی بپتسمہ دین آلے کالجاں، یونیورسٹیاں، تے یونیورسٹی دے زیر ملکیت مذہبی اسکولاں تے سخت کنٹرول رکھدے نے۔ ڈاکٹر موہلر، جیہڑے کہ اِک قدامت پسند صدر نے، سیمنریاں وِچ محض اِک دے سربراہ نے۔ جنوبی بپتسمہ دین آلیاں نوں اِک لمبا، طویل سفر طے کرنا اے ایس توں پہلاں کہ اَسی ایہ اِعلان کر سکن کہ اُوہناں نے لبرل اِزم تے جنگ جیت لئی اے۔ ڈاکٹر موہلر اِک چنگے قدامت پسند شخص نے۔ میں ایس واعظ دے آخر وِچ اُوہناں دی پوری تصینف بطور ضمیمہ پیش کیتی اے۔ میہنوں اُمید اے کہ تُسی ایہنوں انٹرنیٹ تے پڑھو گے۔
ڈاکٹر موہلر دی مکمل تصنیف پیش کیتے بغیر، میں ایہدا چند جملیاں وِچ خلاصہ کرن دی کوشش کراں گا۔ اُو کہندے نے کہ تبلیغ مشکل ویلے وِچ پڑ چکی اے۔ دورِ حاضرہ دے لوکاں دی ’’ضرورتاں نوں پورا کرن‘‘ دے لئی بائبل تے مبنی تبلیغ دی مرکزِ انسانی دے نقطۂ نظر وَل تبدیلی آئی اے۔ اُو اِک جانے مانے بائبل نوں مسترد کرن آلے لبرل، ہیری ایمرسن فوسڈک دا حوالہ دیہندے نے، جِنہاں نے کہیا، ’’تبلیغ کرنا اِک گروپ دی بنیاد تے ذاتی مشاورت اے۔‘‘ اُو کہندے نے کہ تبلیغ دے پرانے طریقے دی مثال پپیوریٹن رچرڈ بیکسٹر نے دِتی، جِنہاں نے کہیا، ’’میں ایویں تبلیغ کرنا آں کہ دوبارہ کدی تبلیغ نئیں کراں گا، تے اِک مردے ہوئے بندے وانگوں مردے ہوئے لوکاں دے لئی تبلیغ کرنا آں۔‘‘ لیکن ڈاکٹر موہلر کہندے نے، بیکسٹر دی تبلیغ دا پرانا طریقہ، پچھلی کئی دہائیاں وِچ فوسڈک دے لبرل طریقہ وِچ بدل گیا اے۔ ’’فوسڈک دے لئی، مبلغ اِک مہربان مشیر اے جیہڑا مفید مشورے دیہندا اے تے حوصلہ افزائی کردا اے۔‘‘ موہلر کہندے نے، ’’حیرت انگیز طور تے، ہُن ایہ نقطۂ نظر بہتیری انجیلی واعظ گاہواں وِچ واضح اے۔ [واعظ گاہ] مشورے دا اِک مرکز بن گئی اے تے گرجا گھر وِچ رکھیا ہویا لکڑی دا لمبا ٹیک لگا کے بیٹھن آلا بینچ معالج دا صوفہ بن چکیا اے۔ نفسیاتی تے عملی خدشات نے [انجیل دی تبلیغ دی تھاں لے لئی اے]۔ [انجیل دی خوشخبری نوں] وقتی ضرورتاں جیویں کہ ذاتی تکمیل، مالی تحفظ، خاندانی امن، تے کیریئر دی ترقی [تے بولن نال بدل دِتا گیا اے]۔ بہوتے سارے واعظ ایہناں … ضرورتاں تے خدشات دا جواب دین دے لئی طے پا جاندے نے، تے [بائبل وِچوں مسیح دی خوشخبری] دا اِعلان کرن وِچ ناکام رہندے نے۔ تُسی ڈاکٹر موہلر دی بقیہ تصنیف ایس واعظ دے آخیر وِچ پڑھ سکدے اُو۔
میہنوں یقین اے کہ اُوہناں نے اُوس دور دے گرجا گھراں دی ضرورتاں دی نشاندہی کیتی اے – بائبل دے الفاظ دی بنیاد تے، مسیح مصلوب دی تبلیغ کرنا۔ تے ایہ بالکل اُو ای نکتہ سی جیہڑا پولوس رسول نے ساڈی تلاوت دے الفاظ پیش کردے ویلے بیان کیتا سی،
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
دوجے لوکی ریڈرز ڈائجسٹ Reader’s Digest توں لئے گئے روشن تے خوش کُن تحریک پیغامات پیش کر سکدے نے۔
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
کئی ہُور دوجے لوکی ’’مقصد تے چلن آلی حیاتی‘‘ تے تبلیغ کر سکدے نے۔
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
ہُنے وی دوجے کئی لوکی کلام مقدس دے اِک طویل حوالے نوں پیش کردے ہوئے، ترتیب وار، آیت بہ آیت، ہر اِک آیت دے بارے وِچ کُجھ سرسری جئی گلاں کردے ہوئے، نام نہاد ’’تفسیرات یا تاویلاں‘‘ پیش کر سکدے نے، جدوں اُو گل کر رئے ہوندے نے تے بکریاں نوں چران دی کوشش کردے ہوئے، تے کسی نہ کسی طرح اُوہناں لوکاں نوں ’’خوراک کھلان‘‘ دے ایس طریقے نال پھیہڈھاں بنا دیہندے نے۔
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
اِک مبلغ بیلی جیہڑا اُویں ای سوچدا اے جیویں کہ میں تبلیغ دے بارے وِچ سوچنا آں ایس گل توں دِلی طور تے متفق سی، جدوں میں کہیا کہ اُو تے میں ڈائیناسور نے۔ اَسی تیزی نال ایس زمین توں مُکدے جا رئے آں، چونکہ پرانے انجیل دے مبلغین ختم ہو چکے نے، تے انتاہجئی کامیاب لوکاں دی اِک نئی نسل (ایہ سطحی طور تے ظاہر ہو سکدی اے) نے وکھایا اے کہ تبلیغ دا پرانا طریقہ دورِ حاضرہ دے انساناں تیکر نئیں پہنچدا۔ تے فیر وی، میہنوں ہُنے وی پولوس رسول دے نال کہنا چائیدا اے،
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
تُسی پُچھ سکدے اُو کہ اَسی، ایس گرجا گھر وِچ، مصلوب مسیح دے موضوع تے اپنی تبلیغ نوں کیوں مرکوز کردے نے۔ میں تہانوں تین نکات وِچ دساں گا کہ کیوں [مرکوز] کردے نے۔
I۔ پہلی گل، اَسی مصلوب مسیح دی تبلیغ کرنے آں کیوں جے مسیح مصلوب سب توں اہم موضوع اے جیس تے اَسی کدی گل کر سکنے آں۔
نا ای تے جوئل اوسٹین، نا ای رِک وارن، یا جان میک آرتھر بلکہ کسی وی مبلغ دے مقابلے وِچ پولوس رسول مبلغ دا بہترین نمونہ اے۔ تے پولوس نے کہیا، ’’اَسی مسیح مصلوب دی منادی کرنے آں۔ میرے لئی ایہ ای کافی اے! تُسی مہینوں آثارِ قدیمہ دا اِک ڈٓائیناسور کہہ سکدے اُو‘‘ بہوتے پرانے زمانے دی، کمانیاں آلیاں (وڈے آلے) شیشیاں دی عینک دے نال، اِک سفید قمیض تے ٹائی، تے میرے ہتھ وِچ اِک پرانی سیکوفیلڈ بائبل اے، جیہڑی انجیل دی عظیم سچائیاں دا اعلان کردی اے۔ تے ہو جائے! جے میں اِک فرسودہ ڈائیناسور آں، تے میں ماضی دے کُجھ پُر تعجب خوفناک ڈائناساراں – مارٹن لوتھر، جارج وائٹ فیلڈ، جان ویزلی، جان بنیعان، تے سی ایچ سپرجیئن دے نال کِھلوتا آں۔ جے میں ڈائیناسور آں، تے اُو وی سن، لیکن اُو منبر وِچ بہوتے جوشیلے سن۔ میں بغیر دنداں آلے [پوپلے مُنہ] وگرے دورِ حاضرہ دے عجائبات وِچ اِک منبر دے مقابلے وِچ چمکدے ہوئے تیز دنداں آلا ٹائرنوسورس ریکس بننا چاہواں گا! موجودہ دور دے منبراں دے بزدل، مسکراندے ہوئے خوشامدی مبلغین دے مقابلے وِچ میہنوں بیکسٹر تے بنیعان وگرے پرانے ڈائیناسوراں دے پہلو وِچ شمار کرو! میہنوں پولوس رسول وگرے لوکاں وِچ شمار کرو، نہ کہ نام نہاد کہلانے جان آلے ’’سُپر گرجا گھراں‘‘ وِچ رہن آلے بے حوصلہ تے بزدل، ’’امکانی سوچ رکھن آلے لوکاں وِچ۔‘‘ (اونج وی ایہناں دے بارے وِچ ایہنا ’’سُپر‘‘ کی اے؟) اُو مورمونز وانگوں ’’سُپر‘‘ نئیں نے، جِنہاں دا ہجوم وی بوہتا اِکھٹا ہوندا اے۔ اُو ایہنے ’’سُپر‘‘ نئیں نے جِنہا کہ پوپ صاحب نے، جیہڑے لاکھاں دی تعداد وِچ لکیر دے فقیر ’’مذہبی واعظ پیش کرن آلے‘‘ اپنے لوکاں نوں نکال لیہندے نے۔ اُو بلی گراہم وانگوں ’’سُپر‘‘ نئیں نے، جِنہاں نوں ’’سُپر‘‘ ہجوم نوں اپنے وَل متوجہ کرن دے لئی بہ تے ہلیری کلنٹن دی ’’گواہی‘‘ پیش کرن وگری بندی دی چالاں دا سہارا لیہنا پیہندا اے۔ جی نئیں، میں 12 منٹ دی اُوپرا ونفری وگرے سٹائل دی ’’ہمت ودھان آلی‘‘ ترغیب دیہن توں پہلاں اُوہناں دی دنیاوی، غیرنجات یافتہ لوکاں دے ’’سُپر‘‘ ہجوم نوں پینتالی منٹاں دی راک موسیقی سُنن دے لئی اپنے وَل متوجہ کرن دے لئی اُوہناں د ےطریقیاں نوں نئیں اپناواں گا۔ میں اینج نئیں کردا تے میں کدی نئیں کراں گا۔ میں اپنی موت دے دِن تیکر پولوس رسول دے نال کِھلوتا رہواں گا، جِنہے کہیا،
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
میں اینج کیوں کہنا آں؟ کیوں جے مصلوب مسیح دی منادی اُو سب توں اہم پیغام اے جِنہوں دُنیا نے کدی سُنیا اے – یا کدی سُنے گی – جدوں تیکر کہ خدا حیاتی د ےاسٹیج تے پردے نوں ہیٹاں نئیں کھیچدا تے کہندا اے، ’’حضرات، ویلہ ختم ہویا چاہندا اے۔‘‘ میری حیاتی دے آخیر تیکر – جی نئیں، دُنیا دے اِختتام تیکر، میری دعا ایہو ای رہووے گی کہ ایہ اندرون شہر گرجا گھر، جیہڑا شدید بُت پرستی، بے اعتقادی، جھوٹے مذہب، تے ناقابلِ فہم گناہ نا گِھریا ہویا اے جاری رہووے گا، کدی وی دُنیاوی خواہشات دے اَگے ہار نئیں منے گا، پولوس رسول دے نال کہہ رہیا آں،
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
درحقیقت اِس رسول دے نال جسمانی طور تے کہنے آں،
’’کیوں جے میں فیصلہ کیتا ہویا سی کہ جدوں تیکر تہاڈے وِچکار رہواں گا خداوند یسوع مسیح مصلوب دی منادی دے سِوا کسی ہُور گل تے زور نہ دیاں گا‘‘
دوجے لوکی جے چاہوون تے کوئی ہُور نعرہ منتخب کر سکدے نے، لیکن ہمیشہ تے ہمیشہ ساڈا موضوع ہونا چائیدا اے،
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
اُو ای ساڈا ترانہ تے ساڈا مرکزی موضوع اے، تے ایہ اُودھوں تیکر رہووے گا جدوں تیکر کہ خدا سانوں جنت وِچ گھر نئیں بُلاندا!
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
مسیح مصلوب سب توں اہم واعظ اے جیس دی کوئی وی انسان کدی وی تبلیغ کر سکدا اے۔ آؤ اَسی ایہدے ’’اِک مَردے ہوئے بندے وانگوں مَردے ہوئے لوکاں نوں‘‘ تبلیغ کرنے آں۔ تے جیہڑے وی دوجے کورسز تے ’’راک‘‘ گانے دوجے لوکی اُوہناں دی عبادتاں وِچ پیش کر سکدے نے، ساڈے گانے تے ساڈے ترانے نوں اُو ای رہن دیو۔ ’’ایتھے لہو نال بھریا ہویا اِک چشمہ اے۔‘‘ کھڑے ہو کے اُوچی تے مضبوط واج وِچ گاؤ!
اوتھے عمانوئیل دی رگاں وچوں کھچیا گیا لہو نال بھریا اِک چشمہ اے، تے گنہگار اُوس چشمے دے ہیٹاں ڈبکی لاندے نے تے اپنے تمام قصوراں دے دھبے دھو لیندے نے؛ اپنے تمام قصوراں دے دھبے دھو لیندے نے، اپنے تمام قصوراں دے دھبے دھو لیندے نے، تے گنہگار اُوس چشمے دے ہیٹاں ڈبکی لاندے نے تے اپنے تمام قصوراں دے دھبے دھو لیندے نے۔ (’’اوتھے اِک چشمہ اے There Is a Fountain‘‘ شاعر ولیم کاؤپر William Cowper، 1731۔1800).’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
II۔ دوجی گل، اَسی مصلوب مسیح دی تبلیغ کرنے آں کیوں جے مسیح سب توں اہم شخص اے جیہڑا کدی زندہ رہیا، تے اُوہدی مصلوبیت ساری انسانی تاریخ دا سب توں بوہتا اہم واقعہ اے۔
اُو سب توں اہم شخص اے جیہڑا کدی زندہ رہیا – نہ صرف ایس وجہ توں کہ جِیہڑے اِسباق دی اُوہنے تعلیم دِتی یا جیہڑی مثال اُوہنے دِتی – بلکہ ایس وجہ توں کہ اُو کون اے! ہائپوسٹیٹک یونین دے ذریعہ، اُو خدائے انسان اے۔ کوئی وی جیہڑا ہُن تیکر زندہ رہیا اے ایہ اِعلان نئیں کر سکدا کہ مسیح نے کی کہیا، جدوں اُوہنے ایہ الفاظ کہے،
’’میں تے میرا پیو اِک نے‘‘ (یوحنا 10: 30)۔
’’جیہڑا کوئی میرے تے ایمان لیہیاندا اے، اُو نہ صرف میرے تے بلکہ میرے پیہجھن آلے تے وی ایمان لیہیاندا اے‘‘ (یوحنا 12: 44)۔
’’جِنہے میہنوں ویکھیا اے اُوہنے باپ نوں ویکھیا اے‘‘ (یوحنا 14: 9)۔
C. S. Lewis نے کہیا کہ کوئی وی ایہناں لفظاں نوں نئیں کہہ سکدا جدوں تیکر کہ اُو دیوانہ نہ ہووے – یا جیہڑا اُوہنے کہیا کہ اُو مقدس تثلیث دی دوجی ہستی اے – خدائے بیٹا! خدا تے انسان د ےمفروضہ اِتحاد دے اِسرار توں، صرف یسوع ای، سارے انساناں وِچوں جیہڑے ہُن تیکر زندہ رئے نے، خدا تے انسان دوویں اے۔ بائبل ایہنی شدت نال مسیح وِچ خدا تے انسان دا فرضی اِتحاد پیش کردی اے کہ،
’’خدا نے اپنے لہو نا [سانوں] خرید لیہیا اے‘‘ (اعمال 20: 28)۔
مسیح دا جسم خدا دا جسم اے۔ مسیح دا لہو خدا دا لہو اے۔ یسوع جیہڑا خدائے انسان اے اُوہدے بارے وِچ ایہناں سچائیوں نوں ٹھکران آلیاں نوں اپنی جاناں نوں کھون دے خطرے نال جہنم دی اَگ وِچ بھسم ہو جان دیو، کیوں جے
’’جیہڑا ایمان نئیں لیہیاندا اُو لعنتی ہووے گا‘‘ (مرقس 16: 16)۔
اَسی مصلوب مسیح دی تبلیغ کرنے آں کیوں جے مسیح خدا دا بندہ اے، اُوہدی زمین تے زندہ رہن آلی سب توں اہم شخصیت۔ تے سولی تے اُوہدا مصلوب ہونا پوری انسانی تاریخ دا سب توں اہم واقعہ اے – کیوں جے ایہ سولی تے ای سی کہ کامل، بے گناہ خدائے انسان نوں تہاڈے گناہ دا پورا کفارہ ادا کرن دے لئی مصلوب کیتا گیا سی۔ تے ایہ اُوتھے ای اے کہ تہانوں سارے گناہواں توں پاک صاف کرن دے لئی خدا دا لہو اُوس خدائے انسان دی رگاں توں وگایا، تاکہ تُسی اِک مقدس خدا دے سامنے اُوہدی کامل مواخذہ راستبازی وِچ کِھلو سکو۔ ایس لئی ای اَسی رسول دے نال کہنے آں،
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
III۔ تیجی گل، اَسی مصلوب مسیح دی تبلیغ کرنے آں کیوں جے صرف اُو اے جیہڑا گنہگاراں نوں گناہ دے جرم تے سزا توں بچا سکدا اے۔
یسوع نے کہیا،
’’راہ تے حق تے حیاتی میں ای آں۔ میرے وسیلہ دے بغیر کوئی باپ دے کول نئیں آندا‘‘ (یوحنا 14: 6)۔
مسیح واحد خدائے انسان اے جیہڑا کدی زندہ رہیا اے۔ اُو واحد بندہ اے جِنہے تہاڈے گناہواں نوں پاک کرن دے لئی خدا دا انتہائی لہو وگایا۔ کسی ہُور مذہبی رہنما یا اُستاد نے کدی ایہو جیہا دعویٰ نئیں کیتا۔ لیکن یسوع نے ایہو جیہا دعویٰ دلیری نال کیتا۔
’’نجات کسی ہُور دے وسیلہ توں نئیں اے، کیوں جے آسمان دے ہیٹاں لوکاں نوں کوئی دوجا ناں نئیں دِتا گیا اے جیس دے وسیلہ توں اَسی نجات پا سکیے‘‘ (اعمال 4: 12)۔
یسوع مسیح، خدائے بیٹا دے سوا کوئی نئیں جیہڑا تہانوں گناہ دے جرم تے ابدی جہنم دے عذاب توں بچا سکدا اے!
دوجے لوکی جنت وِچ جان دے لئی ’’کئی طریقیاں دی‘‘ تبلیغ کر سکدے نے۔ ایہ اِک تکثیری معاشرے وِچ چنگا لگ سکدا اے جیہڑا صحیح تے غلط – تے کی غلط تے سچ اے دے بارے وِچ سارے مطلقات نوں ٹھکراندا اے۔ اُوہناں نوں بے عیب نوں ٹھکران دیو۔ اُو سانوں تنگ نظر متعصب کہندے نے۔ ایہ سانوں ساڈی مقدس بُلاہٹ توں ماڑا جیہا وی نئیں روکے گا،
’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔
اَسی ایس واعظ نوں عظیم سپرجیئن، مبلغین دے شہزادے دے اِک اقتباس دے نال ختم کرنے آں، جِنہاں نے ساڈی تلاوت تے گل کردے ہوئے کہیا،
سانوں گنہگار نوں ایہ دسن وِچ بالکل واضح ہونا چائیدا اے کہ ایہدے لئی مسیح دے سوا کِدرے کوئی اُمید نئیں اے (سی ایچ سپرجیئن، ’’مسیح مصلوب دی تبلیغ Preaching Christ Crucified‘‘، میٹروپولیٹن دی عبادت گاہ دی واعظ گاہ توں The Metropolitan Tabernacle Pulpit، پیلگرم پبلی کیشنز، 1979 دوبارہ پرنٹ، والیم LVI، صفحہ 485)۔
سپرجیئن نے کیہیا کہ وفادار مبلغ مسیح مصلوب دی تبلیغ کرنا اے
ہر زمانے دے گنہگاراں نوں … ہر درجہ دے … اُو ہر قسم دے گنہگاراں نوں وی مسیح دی تبلیغ کردا اے، ایتھوں تیکر کہ خدا دا انکار کرن آلیاں نوں وی، اُو بندہ جیہڑا کہندا اے کہ کوئی خدا نئیں اے، تے اُو اُوہنوں منن دا تے جیون دا حکم دیہندا اے۔ اُو کُھلم کُھلا بے حرمتی کرن آلیاں نوں … گلیاں تے کسبیاں نوں… شرابی نوں … [کلیسیا وِچ غیر تبدیل شُدہ لوکاں نوں … سارے مرداں تے عورتاں نوں] مسیح دی منادی کردا اے۔ مصلوب ہون آلے مسیح دی تبلیغ… گنہگاراں نوں مقدساں وِچ تبدیل کرن دے لئی کافی طاقت رکھدی اے تے ایس لئی اَسی ہر طرح دے سارے گنہگاراں نوں مسیح [مصلوب] دی تبلیغ جاری رکھاں گے۔ اَسی اِک نوں وی چھڈن دا اِرادہ نئیں رکھدے، ایتھوں تیکر کہ تہانوں وی نئیں، میرے بیلی، جیہڑا سوچدا اے کہ تہانوں چھڈ دِتا گیا اے، یا چھڈ دِتا جانا چائیدا اے … ہُنے تیکر دُکھیاں دے لئی رحم باقی اے، فیر وی ایہناں قصورواراں دے لئی معافی اے جیہڑا آئے گا تے یسوع مسیح تے پروہسا کرے گا، تے اُوہنوں مصلوب کر دِتا جائے گا … ہائے، اے گنہگار، میں [خواہش کرنا آں کہ] تُسی ایس ای لمحے مسیح تے پروہسا کردے! کی تہانوں احساس اے کہ تہاڈا خطرہ کیس قدر وڈا اے؟ … خبردار اینج نہ ہووے کہ تہانوں بغیر تیاری دے لے جایا جائے، کیونکہ، جے ایہ تہاڈی دُکھی [تقدیر] اے، تے کوئی فدیہ نئیں ہووے گا جیہڑا تہانوں [جہنم] توں نجات دلا سکے۔ اے گنہگار، اپنے لئی مسیح دی لوڑ نوں ویکھ تے اُوہدے تے ایمان دے نال قائم رہ۔ مسیح دے سِوا کوئی تیہنوں نجات نئیں دِلا سکدا (گذشتہ گل توں تعلق رکھدے ہوئیاں ibid.، صفحات 487۔490)۔
مسیح دے کول آؤ۔ اُو تہاڈے گناہ دا کفارہ ادا کرے گا۔ اُو تہاڈے گناہ دے ریکارڈ نوں صاف کرے گا تے تہانوں اپنی راستبازی دا لباس پہنائے گا۔ ہائے، اے گنہگار، مسیح دے کول آ!
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب ایس زمانے دی لوڑ – THE NEED OF THIS HOUR – ڈاکٹر آر ایل ہائیمرز جونیئر وَلّوں ’’لیکن اَسی مسیح مصلوب دی منادی کرنے آں‘‘ (I کرنتھیوں 1: 23)۔ I۔ پہلی گل، اَسی مسیح مصلوب دی تبلیغ کرنے آں کیوں جے مسیح مصلوب سب توں اہم موضوع اے جیس تے اَسی کدی گل کر سکنے آں، I کرنتھیوں 2: 2۔ II۔ دوجی گل، اَسی مسیح مصلوب دی تبلیغ کرنے آں کیوں جے مسیح سب توں اہم شخص اے جیہڑا کدی زندہ رہیا، تے اُوہدی مصلوبیت ساری انسانی تاریخ دا سب توں زیادہ اہم واقعہ اے، یوحنا 10: 30؛ 12: 44؛ یوحنا 14:9؛ اعمال 20:28; مرقس 16:16۔ III۔ تیجی گل، اَسی مسیح مصلوب دی تبلیغ کرنے آں کیوں جے صرف اُو ای اے جیہڑا گنہگاراں نوں گناہ دے جرم تے سزا توں بچا سکدا اے، یوحنا 14: 6؛ اعمال 4: 12۔ |
ضمیمہ: ڈاکٹر آر البرٹ موہلر، جونیئرDr. R. Albert Mohler, Jr. وَلّوں ’’بائبل دی تبلیغ دی لوڑ The Need for Biblical Preaching، تہاڈے مطالعہ تے تدوین دے لئی مکمل طور تے دِتی گئی اے۔
’’بائبل دی تبلیغ دی لوڑ
ڈاکٹر آر البرٹ موہلر، جونیئر
مغربی بپٹسٹ الہٰیاتی سیمینری دے صدر،
لوئس ول، کینٹکی۔
کی تبلیغ مشکل ویلے چہ پیہئی اے؟ کلیسیا وِچ تبلیغ دے کردار تے مرکزیت تے ہُن اِک کُھلی بحث چھیڑی جا رئی اے۔ مسیحی عبادت تے اِعلان دی سالمیت نوں داؤ تے لگانا کسی توں گھٹ نئیں اے۔
ایہ کیویں ہویا؟ نئے عہدنامے دی کلیسیا وِچ کلیسیا دے مرکزی مقام نوں ویکھدے ہوئے، اینج لگدا اے کہ بائبل دی منادی دی ترجیح بِلا مقابلہ ہونی چائیدی اے۔ آخرکار، جیویں کہ جان اے براڈس نے مشہور ترین تبصرہ کیتا، ’’تبلیغ کرنا مسیحیت دی خصوصیت اے۔ کسی دوجے مذہب نے لوکاں دے گروہواں دے باقاعدہ تے کثرت نال جمع ہون، مذہبی ہدایتاں تے نصیحیتاں نوں سُنن نوں، مسیحی عبادت دا اِک لازمی حصہ نئیں بنایا۔‘‘
فیر وی انجیلی بشارت دے اندر متعدد بااثر آوازاں دسدیاں نے کہ [بائبل تے مبنی] واعظ دا زمانہ ہُن لنگ چکیا اے۔ ایہدی تھاں تے، کُجھ عصری مبلغین ہُن جان بُجھ کے دُنیاوی یا سطحی اجتماعات تیکر پہنچن دے لئی بنائے گئے پیغامات دی تھاں لے لیہندے نے – ایہو جئے پیغامات جیہڑے بائبل دی تلاوت دی تبلیغ توں گریز کردے نے، تے ایویں بائبل دی سچائی دے نال ممکنہ طور تے شرمناک تصادم توں بچدے نے۔
20 ویں صدی دے آغاز وِچ نظر آن آلے اِک لطیف تبدیلی 21 ویں صدی دے شروع ہون دے نال ای اِک عظیم تقسیم بن گئی اے۔ [بائبل تے مبنی] تبلیغ توں زیادہ حالات تے انساناں تے مبنی نقطۂ نظر وَل تبدیلی، تبلیغ وِچ کلام پاک دی تھاں، تے خود تبلیغ دی نوعیت تے اِک بحث وِچ بدل گئی اے۔
تبلیغ دے بارے وِچ دو مشہور بیانات ایس ودھدی ہوئی تقسیم نوں واضح کردے نے۔ تبلیغ دی عجلت تے مرکزیت تے شاعرانہ انداز وِچ عکاسی کردے ہوئے، پیوریٹن پادری رچرڈ بیکسٹر نے اِک وری تبصرہ کیتا، ’’میں اینج تبلیغ کرنا آں کہ دوبارہ کدی تبلیغ نئیں کراں گا، اِک مردے ہوئے بندے وانگوں مردے ہوئے لوکاں دے لئی۔‘‘ شوخیٔ اِظہار تے خوشخبری دی کشش دے احساس دے نال، بیکسٹر نے سمجھا کہ تبلیغ واقعی وِچ حیاتی یا موت دا معاملہ اے۔ ابدیت ترازو وِچ لٹکی ہوئی اے جیس ویلے کہ مبلغ کلام دا اِعلان کردا اے۔
ایس بیان دا موازنہ ہیری ایمرسن فوسڈک دے الفاظ نال کرو، جیہڑے شاید 20ویں صدی دے ابتدائی دہائیاں دے سب توں مشہور (یا بدنام) مبلغ سن۔ نیویارک سٹی وِچ ریور سائیڈ گرجا گھر دے پادری، فوسڈک، قابلِ احترام بیکسٹر توں اِک سبق آموز تضاد فراہم کردے نے: ’’تبلیغ کرنا،‘‘ اُوہناں نے وضاحت کیتی، ’’گروہی بنیاد تے ذاتی مشاورت اے۔‘‘
تبلیغ دے بارے وِچ ایہ دو بیانات عصری بحث دی شکل نوں ظاہر کردے نے۔ بیکسٹر دے لئی، جنت دا وعدہ تے جہنم دی ہولناکیاں مبلغ دے انتہائی بوجھ نوں دھوکے نال اُلجھا لیہندی نے۔ فوسڈک دے لئی، مبلغ اِک مہربان مشیر اے جیہڑا مفید مشورے تے حوصلہ افزائی کردا اے۔
تبلیغ تے موجودہ بحث عام طور تے واعظ دی توجہ تے شکل دے بارے وِچ اِک دلیل دے طور تے بیان کیتی جاندی اے۔ کی مبلغ نوں [بائبل تے مبنی] واعظ دے ذریعے بائبل دی تلاوت دی تبلیغ کرن دی کوشش کرنی چائیدی اے؟ یا کی مبلغ نوں واعظ نوں سُنن آلیاں دی ’’حساسی ضرورتاں‘‘ تے سجمجھ جان آلے خدشات وَل لے جانا چائیدا اے؟
واضح طور تے، انجیلی بشارت دا پرچار کرن آلے بہتیرے لوکی ہُن دوجے نقطۂ نظر دے حق وِچ نے۔ ’’ضرورت تے مبنی تبلیغ‘‘ دے عقیدت منداں وَلوں زور دِتا گیا، بہتیرے انجیلی بشارت دا پرچار کرن آلیاں نے ایہ تسلیم کیتے بغیر تلاوت نوں ترک کر دِتا اے کہ اُوہناں نے اینج کیتا اے۔ ایہ مبلغین آخرکار واعظ دے دوران تلاوت تیکر پہنچ سکدے نے، لیکن تلاوت ایجنڈا متعین نئیں کردی تے نا ای پیغام دی دی شکل قائم کردی اے۔
نام نہاد ’’سمجھی ہوئی ضرورتاں‘‘ تے توجہ مرکوز کرنا تے ایہناں ضرورتاں نوں تبلیغی ایجنڈا طے کرن دی اجازت دیہنا لامحالہ بائبل دی اتھارٹی تے واعظ وِچ بائبل دے مواد دے نقصان دا باعث بنندا اے۔ فیر وی، ایہ نمونہ بہتیرے انجیلی بشارت دا پرچار کرن آلیاں دے منبراں وِچ تیزی نال معمول بنندا جا رہیا اے۔ فوسڈک قبر توں مسکر رہیا ہووے گا۔
ابتدائی دور دے انجیلی بشارت دا پرچار کرن آلیاں نے فوسڈک دے نقطۂ نظر نوں بائبل دی تبلیغ نوں مسترد کرن دے طور تے تسلیم کیتا سی۔ فوسڈک جیہڑے کہ کوئی ڈھکے چُھپے الہٰیاتی آزاد خیال نئیں رئے سن، اُوہناں نے بائبل دے اِلہٰام، بے راہ روی، تے ناقص ہون نوں مسترد کر دِتا – تے مسیحی عقیدے دے مرکزیت آلے دیگر عقائد نوں مسترد کر دِتا۔ نفسیاتی نظریہ دے رُجحانات توں متاثر ہو کے، فوسڈک آزاد خیال پروسٹسٹنٹ اِزم دے واعظ گاہ توں خوش کر دین آلے معالج بن گئے۔ اُوہناں دی تبلیغ دے مقصد نوں اُوہناں دے بہتیری کتاباں وِچوں اِک دے عنوان توں بخوبی گرفت وِچ کر لیہیا گیا سی، اِک حقیقی ہستی ہون تے۔
چونکا دین آلی گل ایہ اے کہ ہُن ایہ نقطہ نظر بہتیرے انجیلی بشارت دا پرچار کرن آلیاں دی واعظ گاہواں وِچ واضح اے۔ مقدس دفتر مشورے دا مرکز بن گیا اے تے گرجا گھر وِچ رکھے جان آلے لکڑی دے بینج معالج دا صوفہ بن گئے نے۔ نفسیاتی تے عملی خدشات نے مذہبی تفسیر نوں بے گھر کر دِتا اے تے مبلغ اپنے واعظ دا رُخ جماعت دی سمجھی جان آلی ضرورتاں وَل کردا اے۔
یقیناً مسئلہ ایہ اے کہ گنہگار نوں ایہ نئیں معلوم کہ ایہدی سب توں فوری لوڑ کی اے۔ اُو نجات تے خدا دے نال مفاہمت دی اپنی لوڑ توں انّہا اے، تے ممکنہ طور تے حقیقی لیکن وقتی ضرورتاں جیویں کہ ذاتی تکمیل، مالی تحفظ، خاندانی امن، تے کیریئر دی ترقی تے توجہ مرکوز کردا اے۔ بہوتی سارے واعظ ظاہر کیتی ہوئیاں ایہناں ضرورتاں تے خدشات دا جواب دین دے لئی طے پاندے نے، تے کلمہ حق دا اعلان کرن وِچ ناکام رہندے نے۔
بِلاشُبہ، ایس مقبول رجحان دی پیروی کرن آلے چند مبلغین باجئبل نوں چھڈن دا اِرادہ رکھدے نے۔ لیکن دورِ حاضرہ دے مرداں تے عورتاں تیکر پہنچن دے لئی کہ ’’جِنہاں علاقیاں دے وِچ اُو نے‘‘ اِرادے دی آر وِچ واعظ نوں اِک کامیاب سیمینار وِچ تبدیل کر دِتا گیا اے۔ کلام پاک دی کُجھ آیتاں نوں [ایس] گڈمڈ وِچ اِضافے دے لئی شامل کیتا جا سکدا اے، لیکن اِک واعظ دے حقیقی طور تے بائبلی ہون دے لئی، تلاوت نوں لائحہ عمل دے پیغام دی بنیاد دے طور تے متعین کرنا چائیدا اے – نہ کہ حاشیے وِچ لکھی جان آلی روحانی غور طلب گلاں دے لئی اِک اتھارٹی دے طور تے۔
چارلس سپرجیئن نے اپنے زمانے وِچ واعظ گاہواں دے تذبذب وِچ ہون دا بالکل ایس ای انداز وِچ سامنا کیتا۔ لندن دے چند انتہائی فیش ایبل تے چنگی طرح نال شرکت کرن آلے گرجا گھراں وِچ واعظ گاہواں شامل سن جیہڑیاں دورِ حاضرہ دی ضرورتاں تے مبنی مبلغین دی پیش خیمہ سن۔ سپرجیئن نے اعتراف کیتا کہ ’’مسیح دا حقیقی سفیر محسوس کردا اے کہ اُو خود خدا دے سامنے کِھلوتا اے تے اُوہنوں خدا دے بندے دے طور تے خدا دی تھاں بشراں نا نمٹنا اے، تے اِک سنجیدہ مقام تے کِھلوتا اے – اِک ایہو جئی تھاں جِیتھے بے وفائی انسان دے نال غیر انسانی تے خدا نال غداری اے۔‘‘
سپرجیئن تے بیکسٹر نے مبلغ دے خطرناک فرمان نوں سمجھا، تے ایس وجہ توں اُو بائبل وَل اُوہدے واحد اِختیار تے پیغام دے طور تے متوجہ ہو گئے۔ اُوہناں نے اپنے سُنن آلیاں دی جاناں دی فوری فکر دے نال اپنی واعظ گاہواں نوں لرزدے ہوئے چھڈ دِتا تے خدا دے سامنے اُوہدے کلام تے صرف اُوہدے کلام دی تبلیغ د ےلئی اپنی جوابدہی نال پوری طرح آگاہ ہو گئے۔ اُوہناں دے واعظاں دی طاقت نوں فوسڈک دی مقبولیت دے لحاظ توں ناپا جاندا سی۔
تبلیغ تے موجودہ بحث کلیسیا، فرقیاں تے انجیلی بشارت دا پرچار کرن آلیاں دی تحریک نوں چنگی طرح چُھنجُھنا سکدی اے۔ لیکن ایہ جان لیو: ایس نسل وِچ کلیسیا دی بحالی تے تجدید صرف اُوس ویلے آئے گی جدوں اِک واعظ گاہ توں دوجی واعظ گاہ تیکر پیغام رساں یا قاصد ایویں تبلیغ کرے کہ فیر کدی تبلیغ کرن دا یقین ای نہ ہووے، تے اِک مردے ہوئے بندے وانگوں مردے ہوئے لوکاں دے لئی تبلیٖغ کرے۔
(ڈاکٹر موہلر دے مضمون دی دوبارہ اشاعت واعظ گاہ مدد کردی اے Pulpit Helps توں ہوئی اے، ڈاکٹر سپائیروس ذوڈھیاٹس پبلیشرز Dr. Spiros Zodhiates, publishers، جولائی، 2005، صفحات 1، 11)۔