کیا برائی اور مصائب کا وجود ثابت کرتا ہے کہ کوئی خدا نہیں ہے؟ | Does the Existence of Evil and Suffering Prove There Is No God?

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کالج دے طلباء نوں اکثر بُرائی دے مسئلے دا سامنا کرنا پیہندا اے۔ جے خدا اے تے دُنیا چہ بُرائی کیوں اے؟ جے خدا موجود اے تے برائی نوں کیوں نئیں روکدا؟ بہتیرے لوکاں دا خیال اے کہ بُرائی دا وجود خدا دے وجود نوں غلط ثابت کردا اے۔ دلیل ایویں ہوندی اے۔

2. جے خدا قادر مطلق ہوندا تے اُو ایہناں شیواں نوں روکن دے قابل ہوندا۔

3. جے خدا مکمل طور تے چنگا سی، تے محبت دا خدا سی، تے اُو اُوہناں نوں روکن دے قابل ہووے گا۔

4. جے اِک قادرِ مطلق تے مکمل طور تے چنگا خدا ہوندا تے بُرائی تے مصیبتاں دی دُنیا وِچ کوئی تھاں نہ ہوندی۔

5. لہٰذا، اِک قادرِ مطلق تے مکمل ور تے چنگے خدا وگری کوئی شے نئیں اے۔

ایہ خدا تے یقین دے خلاف اِک سنگین الزام اے۔ ایہ دلیل ھٹلر دے جرمنی وِچ موت دے کیمپاں دے بارے وِچ اِستعمال کیتی گئی سی۔ ہُنے حال ای وِچ ایہ 9/11 دے بارے وِچ اِستعمال ہویا اے۔ ’’جے خدا موجود اے،‘‘ سوال کہندا اے، تے فیر ’’اُوہنے ایہناں شیواں نوں کیوں ہون دِتا؟‘‘ ایہناں تاریخی واقعات تے عام معنیاں وِچ ایہ دلیل دا اِطلاق اے۔ مذید ذاتی سطح تے، ایہ ایویں جاری رہندی اے، ’’ جے خدا موجود اے، تے اُوہنے میہنوں ایس درد تے تکلیف دا سامنا کرن دی اِجازت کیوں دِتی؟‘‘

اِک مسیحی ایس دلیل دا جواب کیویں دے سکدا اے؟ میہنوں یقین اے کہ بائبل وِچ ایس سوال دا جواب دین دے تین اہم طریقے نے۔

I۔ پہلا، خُدا نے برائی تے مصیبت نوں تخلیق نئیں کیتا۔

خدا نے بُرائی تے مصیبتاں نوں تخلیق نئیں کیتا سی۔ مسیحی دلیل توں باز نئیں آندے۔ اُو ایہدا جواب ایہ کہہ کے دیہندے نے کہ خدا نے بُرائی پیدا نئیں کیتی تے اینج کرن دا الزام نئیں لگایا جا سکدا۔ ذاتی طور تے، میں کدی وی محسوس نئیں کیتا کہ ایہ سوال ایس توں بوہتے جواب دا مستحق اے۔ میری پرورش اِک غیر مسیحی گھر تے ماحوال وِچ ہوئی۔ میں اپنے ای خاندان دے لوکاں نوں بچپن وِچ خدا دے خلاف ایس قسم دی دلیل دیہندے ہوئے سنیا اے، تے بعد وِچ، جدوں میں اِک سیکولر یونیورسٹی (Cal State L.A) وِچ تعلیم حاصل کیتی تے زیادہ نفیس انداز وِچ دلیل دیہندے ہوئے سُںیا۔ اِک چھوٹے جہئے مُنڈے دی حیثیت نال میں جیہڑا نتیجہ اخذ کیتا اُو کالج دی پوری حیاتی میرے لئی سوال بن کے کِھلوتا رہیا۔ ایہ ایہنا ای سہوکھا سی، ’’تُسی شیطان تے گنہگار انساناں وَلوں پیدا کردہ بُرائی دے لئی خدا نوں موردِ الزام نئیں ٹھہرا سکدے۔ خدا نے شیطان تے انسان نوں اُوہناں دے طرز عمل وِچ اِک خاص حد تیکر آزاد مرضی دی اِجازت دِتی، تے اُوہناں نے غلط انتخاب کیتے جیہڑے مصیبتاں تے بُرائی دی وجہ بنے۔‘‘ میں اپنے بچگانہ جئے ذہن وِچ ایہدے بارے وِچ جیہڑا سوچیا سی اُو اَج وی بالکل چنگا جواب لگدا اے۔

حزقی ایل 28 تے اشعیا 14 باب وِچ، سانوں کائنات وِچ بُرائی دے داخلے دی تصویر دِتی گئی اے۔ اُوہدی وضاحت دے لئی اشعیا 14: 12-15 آیات نوں کھولو۔ مہربانی نال ایہنوں اُوچی واج نال پڑھو۔

’’اے سویرے دے ستارے، اے لوسیفر [فجر دے پُتر]، کیویں آسمان توں ڈِگ پیہیا! توں جیہڑا کسی زمانے وِچ قوماں نوں زیر کیا کردا سی، خود وی زمین تے پٹکا گیا! توں اپنے دِل وِچ کہندا سی میں آسمان تے چڑھ جاواں گا، تے اپنا تخت خدا توں وی اُوچا کراں گا: میں جماعت دے پہاڑ تے تخت نشین ہوواں گا، اُوس مقدس پہاڑ دی بالائی چوٹیاں تے۔ میں بدلاں دے سِراں توں وی اُوچا چڑھ جاواں گا، میں خداوند خدا وانگوں بناں گا۔ لیکن توں قبر وِچ اُتاریا گیا، بالکل پاتال دی تہہ وِچ‘‘ (اشعیا 14: 12۔15)۔

لہٰذا، اِیتھے تہاڈے کول بُرائی دی وضاحت اے، جیویں کہ بائبل وِچ دِتا گیا اے۔ خدا نے شیطان نوں اِک مخصوص محدود مقدار وِچ آزاد مرضی دی اجازت دِتی، جیہدا شیطان، آسمان وِچ اِک سابقہ فرشتہ، غلط استعمال کردا سی جدوں اُوہنے خدا دے خلاف بغاوت کیتی۔ نتیجے دے طور تے، اُو آسمان توں زمین تے سُٹ دِتا گیا سی، اُوس ویلے تے انتظار وِچ جدوں اُوہنوں جہنم وِچ پیہجھ دِتا جائے گا۔

پیدائش دے تیجے باب وِچ، اَسی اپنے پہلے انسانی ماں پیو نوں باغ عدن وِچ پانے آں۔ سَپ وی اُوتھے موجود سی، جیہڑا شیطان نوں مجسم بنا رہیا سی۔ شیطان نے ساڈے پہلے ماں پیو نوں گناہ کرن تے اُکسایا، جِنہے پوری نسل انسانی نوں تباہ کر دِتا، تے خود تخلیق تے لعنت پیہجھی۔ خدا نے انسان نوں اِک خاص محدود مقدار وِچ آزاد مرضی دی اِجازت دِتی، تے انسان نے ایس آزاد مرضی دا غلط استعمال کردے ہوئے شیطان دی گل سُن کے تے اُو پھل کھا کے جیہڑا خدا نے اُوہنوں کھان توں منع کیتا سی، جان بُجھ کے خدا دے خلاف گناہ کیتا۔ ایہدے خوفناک نتائج سن، انسان تے ساری مخلوق دوواں دے لئی۔ ایہدے وضاحت دے لئی مہربانی نال پیدائش 3: 17-19 آیات نوں کھولو۔ براہِ کرم کِھلو کے ایہناں تیناں آیتاں نوں اُوجی واج نال پڑھو۔

’’تے اُوس [خدا] نے آدم نوں کہیا، چونکہ توں اپنی ووہٹی دی گل منی تے اُوس درخت دا پھل کھادا جِنہوں کھان توں میں تیہنوں منع کیتا سی۔ ایس لئی زمین تیری وجہ توں ملعون ٹھہری، توں محںت مشقت کر کے عمر بھر ایہدی پیداوار کھاندا رئے گا۔ اُو تیرے لئی کنڈے تے اُونٹ کٹارے اُگائے گی تے توں کھیت دی سبزیاں کھائیں گا۔ توں اپنے متھے دے پسینے دی روٹی کھائے گا جدوں تیکر کہ توں زمین وِچ واپس نہ لوٹ جائے، ایس لئی کہ توں ایس ای وِچوں کڈیا گیا اے کیوں جے توں خاک اے تے خاک ای وِچ فیر لوٹ جائے گا‘‘ (پیدائش 3: 17: 19)۔

تُسی تشریف رکھ سکدے اُو۔ ساری انسانی مصیبتاں تے ایتھوں تیکر کہ فطرت دے دُکھ، خدا دی وجہ توں نئیں سن، بلکہ ساڈے پہلے ماں پیو وَلوں سن، غلط انتخاب تے خدا دے خلاف بغاوت نال آئے سن۔

لہٰذا، اَسی کلام پاک دے ایہناں حوالیاں نال ویکھنے آں کہ اَسی دُنیا وِچ برائی تے مصیبتاں دے لئی خدا نوں موردِ اِلزام نئیں ٹھہرا سکدے۔ بُرائی تے مصیبتاں اُوہنے پیدا نئیں کیتے سن۔ بُرائی تے مصیبتاں شیطان تے انساناں دے گناہ تے سرکشی دا نتیجہ نے۔

ہُن، اِک بے دین غالباً کہووے گا، ’’خدا نے شیطان تے انسان نوں اینج دا انتخاب کرن دی اِجازت کیوں دِتی؟‘‘ میرے بچگانہ ذہن دا جواب ایہ سی کہ خدا نے شیطان تے انسان نوں اِک خاص انتخاب دین دا انتخاب کیتا، تے اُوہناں نے غلط انتخاب کیتا۔ ایہ ہُن وی میہنوں صحیح لگدا اے۔ تے ایہ کافی آسان جواب اے۔

آشوٹز تے ہٹلر دے جرمنی وِچ موت دے دوجے کیمپاں دا نتیجہ انسان دی خدا دی گنہگار نافرمانی دے نتیجے وِچ ہویا۔ اینج ای یورپ تے قرونِ وسطیٰ وِچ جادوگرنیاں دے مقدے ہوئے۔ صلیبی جنگاں نے وی اینج ای کیتا۔ ایہ قرون وسطیٰ دے کیتھولک نئے عہدنامے وِچ صدقہ دی واضح تعلیمات تے عمل نئیں کر رئے سن۔ اُوہناں نے جان بوجھ کے مسیح دی تعلیم نوں ’’اپنے پڑوسی نال اپنے وگرا پیار کرن‘‘ دی تعلیم نوں چھڈ دِتا جدوں اُوہناں نے ایہ مظالم کیتے – بالکل ایویں ای جیویں ساڈے معاشرے نے مسیح دی محبت تے خیرات دی تعلیمات نوں ٹھکراندے ہوئے خد ادے خلاف بغاوت کیتی اے، جدوں اُوہناں نے امریکہ وِچ اسقاطِ حمل ہولوکاسٹ وِچ 46 ملین بچیاں نوں جان بُجھ کے قتل کیتا سی۔ اَسی خدا تے ایہدے وِچوں کسی دا الزام نئیں لگا سکدے۔ خدا نے ایہناں وِچوں کوئی وی بُرا کام نئیں کتیا۔ انسان نے اُوہناں نوں کیتا، بلاشبہ شیطان، خدا دے سخت دشمن توں متاثر سی۔

لیکن خدا نے اُوہناں نوں ایہ بُرے کام کرن دی اِجازت کیوں دِتی؟ کیوں جے اُوہنے اُوہناں نوں اینج کرن دے لئی کافی آزاد مرضی دِتی، تے اُوہناں نے اُوہدے نافرمانی دا انتخاب کیتا۔ جے خدا نے اُوہناں نوں ایہنی آزادی نہ دِتی ہوندی تے اُو محض روبوٹ ہوندے، انسان نہ ہوندے جیہڑے ایس طرح دے انتخاب دے قابل ہوتے۔

II۔ دوجی گل، بُرائی تے مصیبتاں مستقل نئیں نے۔

بُرائی دے مسئلے دا دوجا جواب ایہ اے کہ بُرائی تے مصیبتاں مستقل نئیں ہوندے۔ مشہور مصنف

زوال دی وجہ توں، دُنیا غیر معمولی اے۔ شیواں ایس حالت وِچ نئیں نے جیہدے چہ اُوہناں نوں ہونا چائیدا اے … کوئی وی حل جیہڑا بنی نوع انسان نوں درپیش مسائل دا دِتا جا سکدا اے اُوہنوں ایس گل نوں ذہن وِچ رکھنا چائیدا اے کہ اَسی جیس دُنیا وِچ رہنے آں اُو نارمل نئیں اے (جوش میک ڈویل Josh McDowell، اِک تیار دفاع A Ready Defense، تھامس نیلسن پبلشرز، 1993، صفحہ 412)۔

جی ہاںِ دُنیا بے ترتیب اے، یا جیویں کہ میک ڈویل نے کہیا، ’’معمول نئیں‘‘، جیویں کہ خدا نے اصل وِچ ایہدا اِرادہ کیتا سی۔

لیکن ایہ پوری کہانی نئیں اے۔ اِک نئی دُنیا آں آلی اے، جیس وِچ خداوند سب کُجھ ٹھیک کر دے گا۔ دُکھ، درد تے بُرائی ختم ہو جائے گی۔

’’تے خدا اُوہناں دی اَکھاں توں سارے اتھرو پُنجھ دے گا، تے ہُن کوئی موت نئیں ہووے گی، نہ رنج، نہ رونا، نہ کوئی ہُور درد ہووے گا، کیوں جے پچھلی شیواں ختم ہو گئیاں نے۔ تے جیہڑا تخت تے بیٹھا اے، اُوہنے کہیا، ویکھو میں سب کُجھ نیا کرنا آں …‘‘ (مکاشفہ 21: 4-5)۔

میہنوں احساس اے کہ ایہدے نال اُوس بے دین دی تسلی نئیں ہووے گی۔ اُو کُجھ ایویں کہووے گا: ’’تے فیر خدا ہُنے اینج کیوں نئیں کردا؟‘‘ رومیوں 11: 33-34 آیات نوں کھولو۔ آئیں کِھلو کے ایہناں دوواں آیتاں نوں اُوچی واج نے پڑھیے۔ آْیت 33 نوں وِچکار توں پڑھنا شروع کرو۔

’’اُوہدے فیصلے تے اُوہدیاں راہواں کیہو جئی ناقابلِ تلاش نے، کیوں جے خداوند دے ذہن نوں کون جانندا اے یا اُودا مشیر کون اے؟ (رومیوں 11 :33-34)۔

تُسی تشریف رکھ سکدے اُو۔ اَسی پوری طرح نال نئیں سمجھ سکدے کہ خدا شیواں نوں درست کرن دا انتظار کیوں کردا اے، کیوں جے بائبل خدا دے فیصلیاں، طریقیاں تے مقاصد دے بارے وِچ سب کُجھ ظاہر نئیں کردی اے۔

میں سمجھنا آں کہ ایہ ایس بے دین نوں مطمئن نئیں کرے گا جیہڑا خدا دے ہر اندرونی مقصد نوں جانن تے اِصرار کردا اے۔ لیکن، اپنے بچپن دے سوچ وِچ، میں ایہ سمجھنا آں کہ میں ایہ وی نئیں جان سکدا سی کہ انساناں نے جو کُجھ کیتا اُو کیوں کیتا، ناکہ نے خدا نے کیتا! رومیوں 11: 33-34 آیتاں کہندیاں نے کہ اَسی ’’خداوند دے ذہن‘‘ نوں پوری طرح نال نئیں سمجھ سکدے۔ میرے بچگانہ ذہن دے لئی، ایہ معقول لگ رہیا سی۔ چونکہ میں اپنے رشتہ داراں تے دوستاں دے عزائم تے خیالات نوں پوری طرح نال نئیں سمجھ سکیا، ایس لئی میں خدا دے مقاصد تے خیالات نوں پوری طرح سمجھن دی اُمید کیویں رکھ سکنا آں؟

III۔ تیجی گل، بُرائی تے مصیبتاں دا جسمانی طور تے خود خدا نے تجربہ کیتا۔

’’مجسم‘‘ دی اصطلاح توں ایہو ای مراد اے۔ ایہدا مطلب اے کہ خدا انسان بن گیا۔

’’تے کلام مجسم ہویا تے ساڈے وِچکار خیمہ زن ہویا‘‘ (یوحنا 1: 14)۔

’’کیوں جے الوہیت دی ساری معموری اُوہدے وِچ مجسم ہو کے سکونت کردی اے‘‘ (کُلسیوں 2: 9)۔

زمین تے مسیح انسانی جسم وِچ خدا سی۔ ڈورتھی سیئرز Dorothy Sayers نے کہیا،

کسی وی وجہ توں خدا نے انسان نوں اپنے وگرا بنان دا انتخاب کیتا اے … اُو آپ ای انسانی حیاتی دے سارے تجربیاں توں لنگ چکیا اے، خاندانی حیاتی دی معمولی جھنجھلاہٹ تے محنت تے پیسے دی کمی دے کربناک تجربات توں لے کے درد تے ذلت، شکست، مایوسی تے موت دی بدترین ہولناکیاں تیکر توں لنگ چکیا اے۔ جدوں اُو آدمی سے، اُوہنے آدمی دا کردار ادا کیتا۔ اُو غربت وِچ سی (ڈوروتھی سیئرز، اعتقاد یا افراتفری Creed or Chaos؟ ہارکورٹ، بریس اینڈ کمپنی، 1949، صفحہ 4)۔

خدا، مسیح وِچ، گنہگار آدمی نوں بچان دے لئی سولی تے چڑھ گیا۔ ایہ گل بُرائی دے مسئلے نوں اُوہدے صحیح تناظر وِچ رکھدی اے۔ جدوں اُو مُردیاں وِچوں جی اُٹھیا تے بُرائی تے مصیبتاں تے مسیح دے زریعے قابو پایا گیا۔

بُرائی تے مصیبتاں دا وجود خدا دے وجود نوں غلط ثابت نئیں کردا۔ ایہدے بجائے، اُو انسان دی گنہگاری، تے انسان دی نجات دی لوڑ نوں ثابت کردے نے۔ تے خدا بیٹا گنہگار آدمی نوں چُھڑان دے لئی دُنیا وِچ آیا۔ پولوس رسول نے کہیا،

’’یسوع مسیح دُنیا وِچ گنہگاراں نوں بچان د ےلئی آیا‘‘ (I تیمتھیس 1: 15)۔

پادری رچرڈ ورمبرینڈ اِک نوجوان دے طور تے بے دینی توں تبدیل ہو گیا سی۔ بعد وِچ اُوہنے خوشخبری دی تبلیغ دے لئی کیمونسٹ جیل وِچ چودہ ورے اذیتاں تے تکلیفاں سہیاں۔ 1964 وِچ پادری ورمبرینڈ نوں رومانیہ دی کیمونسٹ حکومت توں تاوان دِتا گیا سی جدوں مغرب دے مسیحیاں نے اُوہناں دی رہائی دے لئی 10,000 ڈالر ادا کیتے سن۔ مئی 1966 وِچ ورمبرینڈ نے ریاست ہائے متحدہ دی سینیٹ دے اَگے گواہی دِتی۔ اُوہناں نے سینیٹراں دے سامنے اپنی قمیض اُتاری تاکہ اُوہناں دے جسم تے تشدد دے 18 گہرے زخم وکھائی دین۔ اُوہناں دی کہانی دُنیا بھر دے اخباراں وِچ شائع ہوئی۔ میں پادری ورمبرینڈ نوں ذاتی طور تے جانندا سی۔ میں تے میری ووہٹی نے پادری تے مسز ورمبرینڈ دے نال اُوہناں دے گھر وِچ رات دا کھایا سی۔ اُوہناں نے ساڈے گرجا گھر وِچ کئی وری گفتگو کیتی۔ اُوہناں نوں ہمیشہ تبلیغ دے دوران بیٹھنا پیہندا سی کیوں جے اُوہناں دے پاؤں دے ہیٹلے حصے [تلوے] مار پیٹ دے زخماں نال ڈھکے ہوئے سن جیس دی وجہ توں اُوہناں دے لئی کھڑے ہونا مشکل ہو گیا سی۔ اپنی کتاب، مسیح دے لئی اذیت سہی Tortured for Christ وِچ، پادری ورمبرینڈ نے اِک نوجوان عورت دے بارے وِچ دسیا جیہدے تے خوشخبری پھیلان دے لئی مقدمہ چل رہیا سی۔ بے دین کیمونسٹ جج نے کہیا، ’’تہاڈا مذہب سائنس دے خلاف اے۔‘‘ لڑکی نے جواب دِتا،

’’کی تُسی نیوٹن توں بوہتی آئین اسٹائین توں بوہتی سائنس جانندے اُو؟ اُو [خدا تے یقین رکھدے سن]۔ ساڈی کائنات آئین اسٹائن دا ناں رکھدی اے۔ میں ہائی سکول وِچ سِکھیا اے کہ اُوہدا ناں آئین اسٹائن کائنات اے۔ آئین اسٹائن لکھدے نے، ’جے اَسی یہودیاں دے نبیاں تے مسیحیت نوں اینج دا ای پاک صاف کر دیے جیویں کہ یسوع نے ایہنوں بعد وِچ آن آلی شیواں نال سِکھایا اے، خاص طور تے کاہنانہ ہنر نال، تے ساڈے کول اِک ایہو جیہا مذہب آ جاندا اے جیہڑا دُنیا نوں ساری سماجی بُرائیاں توں بچا سکدا اے۔ ہر انسان دا مقدس فریضہ اے کہ اُو ایس مذہب نوں فتح تیکر پہنچائے۔‘ تے ساڈے عظیم فزیالوجسٹ پاولوفPovlov کو یاد رکھیں! اور کیا ہماری کتابیں یہ نہیں کہتی ہیں کہ وہ ایک مسیحی تھا، یہاں تک کہ مارکسMarx نے بھی داس کپیٹلDas Kapital دے دیباچے وِچ کہیا سی کہ ’مسیحیت، خاص طور تے اپنی پروٹسٹنٹ شکل وِچ، گناہ نال تباہ شُدہ کرداراں نوں فیر توں بنان دے لئی اِک مثالی مذہب اے۔‘ میرا اِک کردار سی جِںہوں میں گناہ نال تباہ کر دِتا۔ مرکس نے میہنوں مسیحی بننا سِکھایا اے تاکہ ایہنوں فیر توں تشکیل دِتا جا سکے۔ مارکزسٹ، ایس گل دے لئی تُسی کیویں میرا انصاف کر سکدے اُو؟‘‘ ایہ سمجھنا آسان اے کہ جج خاموش کیوں رہیا (رچرڈ ورمبرینڈRichard Wurmbrand، مسیح دے لئی اذیت سہی Tortured for Christ، ڈیان کُتب Diane Books، 1976 دوبارہ اشاعت، صفحہ 120)۔

اِک کالج دے پروفیسر دے لئی، جیہڑا مغربی قوم دی سہولتاں وِچ رہندا اے، ایہ کہنا آسان اے کہ بُرائی دا وجود ثابت کردا اے کہ کوئی خدا نئیں اے۔ لیکن مسیحی لوکی جِنہاں نے کیمونزم دے تحت حیاتی لنگہائی اے تے اپنے عقیدے دے لئی بہوتے دُکھ چُکے نے، جیویں پادری ورمبرینڈ تے اُوس لڑکی نے، جانندے نے کہ بُرائی دا وجود صرف ایہ ثابت کردا اے کہ انسان گنہگار اے تے یسوع مسیح وِچ پائی جان آلی محبت تے نجات دا محتاج اے۔

’’یسوع مسیح دُنیا وِچ گنہگاراں نوں بچان دے لئی آیا‘‘ (I تیمتھیس 1: 15)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔