ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج دی راتی میں تہانوں اِک واعظ پیش کر رہیا آں جِنہوں 1931 وِچ برطانیہ وِچ ڈاکٹر مارٹن لائیڈ جونز نے پیش کیتا سی۔ ڈاکٹر لائیڈ جونز بیسویں صدی دے ممتاز مبلغین وِچوں اِک سن۔ 1930 دی دہائی دے آغاز وِچ اُوہناں دی تبلیغ دے نال عظیم حیاتِ نو دا آغاز ہویا۔ ڈاکٹر لائیڈ جونز نوں کسی بائبل سکول یا مذہبی سکول وِچ منادی کرن دے لئی تربیت نئیں دِتی گئی سی۔ اُو اِک طبّی ڈاکٹر سی جیہڑا بادشاہ دے ذاتی معالج لارڈ ہارڈر دے خصوصی معاون سی، جیہڑے اُوس ویلے برطانیہ وِچ طبّی میدان وِچ بہوتے اعلیٰ مقام تے سی۔ ڈاکٹر لائیڈ جونز نے مبلغ بنن دے لئی ایس اعلیٰ تے باوقار طبّی ملازمت توں استعفیٰ دے دِتا۔ ایہ، انسانی لحاظ نال، تبلیغ وِچ اُوہناں دی عظیم کامیابی دی اِک وجہ سی۔ نوجوان ’’ڈاکٹر‘‘ نوں سُنن دے لئی لوکی میلوں دور توں آئے جِنہاں نے خوشخبری دی منادی کرن دے لئی اِک اعلیٰ معاوضہ تے عزت دار عہدہ ترک کر دِتا سی۔ تے ایہو ای وجہ اے کہ اُوہناں دی تبلیغ اُوہناں دے سُنن آلیاں دے لئی بہوتی مختلف تے چونکا دین آلی سی۔ ڈاکٹر لائیڈ جونز نے مختلف انداز وِچ تبلیغ کیتی۔ اُو اپنے واعظاں توں لوکاں نوں پریشان کرن نال نئیں ڈردے سی۔ جے تُسی ایس واعظ نوں غور نال سُنو گے تے تُسی ویکھو گے کہ ایہ کافی انقلابی اے – اِج وی، ایہ جدید دور دی تبلیغ دے بہتیرے نقائص نوں بے نقاب کردا اے، تے جے تُسی توجہ دیو تے ایہنوں غور نال سُنو تے ایہ تہانوں چیر ڈالے گا تے تہاڈے گنہگار دِل نوں بے نقاب کر دے گا۔ ’’ڈاکٹر‘‘ نوں تہاڈی روح دی سرجری کرن دیو۔ میں نے واعظ نوں بہوتا مختصر کیتا اے تے ایہنوں اکیسویں صدی دی فکر دے مطابق ڈھالیا اے۔

’’تے تُسی سچائی نوں جان لؤ گے تے سچائی تہانوں آزاد کر دے گی‘‘ (یوحنا 8: 32)۔

میں اکثر سوچیا اے کہ ایہ گل جانن د اِک بہترین طریقہ کہ آیا تُسی صحیح طیرقے نال تبلیغ کر رئے اُو یا نئیں، ایہ ویکھنا اے کہ اِک خاص قسم دے لوکی تہاڈی گلاں تے اعتراض کردے نے یا نئیں، تے تہاڈے کیہن تے تہاڈے نال ناراضگی رکھدے نے یا نئیں۔ میرا مطلب ایہ نئیں اے کہ مبلغین جان بوجھ کے لوکاں نوں ناراض کرن دی کوشش کرن۔ لیکن بائبل تے مسیحی تاریخ نوں پڑھن نال میہنوں ایہ واضھ معلوم ہوندا اے کہ بہترین تبلیغ نے ہمیشہ اِک خاص طبقے دے لوکاں نوں پریشان کیتا اے۔ اِک ای ویلے وِچ، بدترین تبلیغ نے ہمیشہ لوکاں نوں سکون پہنچان، اُوہناں نوں تحفظ دے غلط احساس وِچ مبتلا کرن دا رجحان رکھیا اے۔ تے ایس گل وِچ کوئی سوال ای پیدا نئیں ہو سکدا کہ ساڈے زمانے وِچ بہوتی ساری تبلیغ زیادہ چنگی نئیں اے، تے ممکنہ طور تے اُو بدترین اے جیہڑے مسیحیت دی طویل تاریخ وِچ کدی پیدا ہوئی اے۔ گرجا گھر دی حاضری وِچ کمی دی اِک اہم وجہ یقینی طور تے سب نوں مفاہمت تے خوش کرن دی کوشش وِچ مضمِر اے۔ تے میں سمجھنا آں کہ [ایس] مسئلے دا اِک چنگا حل کمزور لوکاں دے اِک مخصوص طبقے نوں ایہ فیصلہ کرن دینا اے کہ واعظ وِچ کی گل قابلِ اعتراض اے۔

میں ایس بارے وِچ گل نئیں کر رہیا آں کہ مبلغ کیہنے اُوچے یا دھیمے [لہجے وِچ] گل کردا اے۔ تُسی تیز آواز دے نال کسی دے منبر تے جا سکدے اُو تے خاموشی نال جوناتھن ایڈورڈز یا ڈبلیو پی نکلسن دے واعظ پڑھ سکدے اُو تے گرجا گھر دے اراکین وِچ بغاوت [پیدا] کر سکدے اُو۔ ایہ اِک تند و تیز آواز وِچ بیان دی وجہ توں نئیں اے، لیکن قطعی طور تے واعظ دے مواد دی وجہ توں اے۔ تے ایہ، میرے خیال وِچ، ساڈے گرجا گھراں دے زوال پزیر ہون دی اِک اہم وجہ اے۔ خوشخبری ایہنی ناگوار تے غیر خطرناک ہو گئی اے کہ ہُن ایہنوں حیاتی دے ممکنہ متبادل نظریہ دے طور تے سنجیدگی نال نئیں لیہیا جاندا اے۔ سانوں دسیا گیا اے کہ ’’موجودہ دور دی تبلیغ لوکاں نوں نئیں بچاندی۔‘‘ لیکن ایس توں وی بدتر شے اے۔ موجودہ دور دی تبلیغ لوکاں نوں ستاندی وی نئیں۔ ایہ اُوہناں نوں ماڑا جیہا وی پریشان نئیں کردی اے کہ اُو اُوہناں دی حیاتی وِچ کوئی اہم تبدیلی لیہیا سکے۔ موجودہ دور دی تبلیغ لوکاں نوں بالکل اُوتھے ای چھڈ دیہندی اے جیتھے اُو سن، اُوہناں نوں بے قرار کیتے بغیر، تے ماڑی جیہئی وی پریشانی دے بغیر۔

ہُن چار انجیلاں نوں پڑھن وِچ ایس حقیقت توں بوہتی واضح کوئی گل نئیں اے کہ مسیح نے، اپنی تبلیغ وِچ، اپنی کلیسیا تے دو وِچوں اِک اثر پایا سی – یا تے اُوہنے اُوہناں نوں نجات دلائی یا فیر اُوہنے یقینی طور تے اُوہناں نوں دشمن بنا لہیا یعنی مزاحمت کیتی۔ اُو یا تے نجات پا گئے یا پریشان ہوئے۔ مسیح دی منادی نے یا تے لوکاں نوں تبدیل کیتا یا فیر اُوہنے اُوہناں نوں اعتراض کرن، ایذا دین تے دھمکی دین تے مجبور کیتا۔ تے اُوہنے اعمال دی ساری کتاب وِچ رسولاں دی تبلیغ نوں نمایاں کیتا۔ تے پوری مسیحی تاریخ وِچ، حیاتِ نو تے بیداری دے زمانیاں وِچ، تبلیغ ہمیشہ مسیح تے رسولاں دے قائم کردہ نمونے وَل لوٹ آئی اے، بہوتی اہم، زندہ، مسیح وگری تبلیغ ہمیشہ اِک واضح انتخاب دا مطالبہ کردی اے، تے ہمیشہ اِک خاص قسم دے لوکاں نوں ناراض کرن، اعتراض کرن، تے بعض اوقات دھمکی دین دا سبب بنندی اے۔ ایس طرح دی کسی پریشانی تے جھنجھناہٹ دی عدم موجودگی ظاہر کردی اے کہ مبلغ اینج نئیں بول رہیا اے جیویں کہ مسیح تے رسولاں نے کیتا سی – یا جیویں کہ وائٹ فیلڈ، ویزلی تے دیگر عظیم حیاتِ نو دے مبلغین نے کیتا سی۔ ایہ جدید تبلیغ دی بے بسی تے کمزوری دی تقریباً عالمگیر علامت اے۔

نئے عہدنامے وِچ منادی تے جیہڑا کُجھ اَسی اَج گرجا گھراں وِچ سُننے آں اُوہدے وِچکار فرق دے بارے چہ سوچو! ایہو جئے واعظ دِتے جاندے نے جیہڑے بالکل بے ضرر تے بے جان ہوندے نے۔ اُو مختصر ’’مقصد تے مبنی‘‘ پیغامات نے، خوشگوار ’’ممکنہ سوچ‘‘، حوصلہ افزا گفتگو، نرم لہجے آلی آیت بہ آیت بائبل دی تفسیراں نے، یا بعض اوقات ایہو جئے لوکاں دی تند و تیز تلخ تنقید اُوہناں دے خلاف جیہڑے اُوتھے موجود نئیں نے، جیویں کیتھولک، یا لبرل۔ ایہ جملے بہوتی زیادہ جدید تبلیغ نوں بیان کردے نے۔ قابل رحم گل اے! ایہو جیہا کُجھ وی نئیں کیہیا جاندا یا کیتا جاندا اے جیہدے نال کلیسیا وِچ کسی نوں وی پریشانی ہووے۔ اُو یقینی طور تے کسی نوں وی ناراض یا مشتعل نئیں کرن گے جیہڑا اُوہناں نوں سُنندا اے۔ ایویں جدید تبلیغ نے مسیح تے رسولاں دی مثال نوں ترک کر دِتا اے۔

کلیسیا نوں اِک دواخانہ دے طور تے سمجھا جاندا اے جیتھے ہر کسی نوں آرام تے تسلی دین دے لئی آرام دہ مرکب تے دواواں دِتیاں جاندیاں نے تے اُوہناں نوں اُونج ای چھڈ دِتا جاندا اے جیویں اُو سن۔ کوئی وی جیہڑا ایہناں اصولاں نوں توڑدا اے، تے جیہدی تبلیغ کسی جماعت دے اراکین نوں پریشان کردی اے اُوہنوں اِک قابلِ اعتراض، خوفناک مبلغ سمجھا جاندا اے۔ اُو ناپسندیدہ اے تے اُوہدے تے انجیل دی تبلیغ کرن دے بجائے اپنی رائے دا اِظہار کرن دا اِلزام دھریا گیا اے، جیہدے بارے وِچ کہیا جاندا اے کہ ایس توں پہلاں سُن چکے فالتو تصورات دی مسلسل تکرار دے علاوہ کُجھ نئیں اے۔

لیکن لوکاں نوں پریشان کرن دی سب توں وڈی تے بہترین وجہ ایہ اے کہ اِک آدمی سادہ تے ایمانداری نال یسوع مسیح دی خوشخبری سُنا رہیا اے۔ چار انجیلاں تے اعمال دی کتاب وِچ رسولاں دی منادی دے بارے وِچ ساڈے کول موجود بیان نوں ویکھو! جے کدی کوئی اینج دا سی جِنہے خدا دی محبت نوں سمجھیا تے اُوہدی تبلیغ کیتی اُو یسوع مسیح سی۔ تے فیر وی اُوہدی تبلیغ دا اثر کی سی؟ کی سارے لوکی اُوہدی تبلیغ سُنن دے بعد گھر نوں ٹُر گئے سی، سارے مسکراندے ہوئے تے خوش سن، خود نوں مطمئن محسوس کردے سن تے اپنی نجات دا یقین رکھدے سن؟ نئے عہدنامے دے صفحات پڑھو تے جواب تلاش کرو۔ خاص طور تے یوحنا دی انجیل دے صفحات پڑھو۔ مسیح دی منادی دے بارے وِچ اُوہدے واقعات نوں پڑھو۔ یوحنا دی انجیل وِث تُسی ویکھو گے کہ، اِک موقع تے، بعض گلاں دی وجہ توں، جِنہاں دی مسیح نے منادی کیتی، ’’اُوہدے بہتیرے شاگرد واپس ٹُر گئے، تے اُوہدے نال مذید نئیں ٹُرے‘‘ (یوحنا 6: 66)۔ اُوس موقع تے مسیح دے لفظاں نے اِک خاص تعداد وِچ لوکاں نے گھر جان دا عزم کیتا کہ اُو دوبارہ کدی اُوہدی منادی نئیں سُنن گے۔ کوئی جملہ اُوہدے واعظاں دے آخیر وِچ ایہنی کثرت نال نئیں آندا اے، ’’فیر اُوہناں نے اُوہنوں لے جان دی کوشش کیتی‘‘ تے ’’فیر اُوہدے تے سُٹن دے لئی وَٹّے چُکے‘‘۔ تقریباً ہر وری جدوں مسیح نے منادی کیتی بعض لوکاں نے اُوس گل تے بحث کیتی کہ اُو اُوہنوں کیویں پھر سکدے نے یا اُوہنوں کیویں تباہ کر سکدے نے۔

میہنوں ایہدی ہور وضاحت کرن دی لوڑ نئیں اے۔ کسی وی معنی وِچ کہیا نئیں جا سکدا جیویں کہ مسیح نے ایس خوشخبری دی تبلیغ کیتی، کہ اُو سُنن وِچ آرام دہ سی۔ اُوہدی تبلیغ نے کدی وی لوکاں نوں اُونج نئیں چھڈیا جیویں اُو سی۔ اُوہنے یا تے اُوہناں نوں پُرجوش کیتا یا اُوہناں نوں مشتعل کیتا۔ کیوں جے ’’جیہڑا اُوہدے تے ایمان لیہیاندا اے اُوہنوں سزا نئیں دِتی جاندی، لیکن جیہڑا اُوہدے تے ایمان نئیں لیہیاندا اُو پہلاں ای مجرم ٹھہرایا جاندا اے …‘‘ (یوحنا 3: 18)۔ جے تُسی اُوہنوں سُن کے نجات نئیں پاندے اُو، تے اُوہنوں سُن کے مذمت پاندے اُو۔ اِک گل طے اے۔ تُسی ایہدے توں لاتعلق نئیں رہ سکدے۔ اینج نئیں اے کہ مسیح لوکاں دی مذمت کرنا چاہندا سی۔ اُو بچان آیا سی، مذمت کرن دے لئی نئیں۔ ترجیحاً، گل ایہ اے کہ خود خوشخبری نوں اک آدمی نوں نجات دلانی چائیدی اے یا فیر خوشخبری نال اُوہدی مذمت کرنی چائیدی اے۔ ایہ ناممکن اے کہ انجیل دا کوئی اثر نہ ہووے، تے ایہ کہ اَسی ایہنوں سُن سکنے آں تے بالکل اُونج ای چھڈ دِتے جانے آں جیویں اَسی پہلاں سی۔ مسیح دے پیغام وِچ اِک جارحیت اے، اِک ایہو جیہا احساس جیس وِچ ہر غیر تبدیل شُدہ بندے نوں پریشان کردا اے۔ جدوں مسیح نے کہیا کہ اُو لوکاں نوں بچان دے لئی آیا اے، تے اُوہنے ایہ اشارہ کیتا کہ اُوہناں نوں بچائے جان دی لوڑ اے، تے ایہ کہ اُوہدے بغیر اُو لوکی کھو گئے نے۔ اَسی ایہ گل مننی نئیں چاہنے آں کہ اَسی کھو چکے آں۔ ایہ ساڈے وقار تے عزت نفس نوں ٹھیس پہنچاندا اے۔ تے اَسی اُوہناں یہودیاں وانگوں اعتراض کرنے آں جدوں اُوہناں نے کہیا، ’’تے تُسی سچائی نوں جان لؤ گے، تے سچائی تہانوں آزاد کر دے گی۔‘‘

پڑھو کہ ایہناں لوکاں دے نال کی ہویا جیہڑے اُوس دِن مسیح نوں سُن رئے سن۔ سانوں آیت 30 وِچ دسیا گیا اے کہ ’’جدوں اُو ایہ گلاں کہہ رہیا سی، بہتیرے لوکی اُوہدے تے ایمان لیہیائے۔‘‘ دوجے لفظاں وِچ اُو یقین رکھدے سن کہ جو کُجھ اُوہنے کہیا اُو سچ سی تے اُو واقعی مسیحا سی۔ اُوس ویلے تیکر اُوہناں نے اُوہدی گل من لئی۔ لیکن اُوہنے اَگے کہیا، ’’جے تُسی میرے کلام تے قائم رہوو گے تے تُسی واقعی میرے شاگرد ہو؛ تے تُسی سچائی نوں جانو گے، تے سچائی تہانوں آزاد کرے گی‘‘ (یوحنا 8: 31۔32)۔ جدوں مسیح نے کہیا کہ ایہ اُوہی لوکی نے جِنہاں نے کہیا کہ اُو اُوہدے تے ایمان لیہیاندے نے تے اُو حیرت نال پلٹ گئے تے کہیا، ’’اَسی ابراہیم دی نسل آں، تے کدی کسی آدمی دے غلام نئیں سی: توں کیویں کہندا اے، تہانوں آزاد کیتا جائے گا؟‘‘ اُوہناں دا اعتراض ساڈے لئی حیران کُن لگدا اے جدوں تیکر کہ اَسی مذید گہرائی وِچ نہ سوچیے۔ اَسی ایہ پوچھن وانگوں محسوس کرنے آں، ’’اُوہناں نوں آزاد کرن دے بارے وِچ مسیح دے بیان وِچ کی اعتراض ہو سکدا اے؟‘‘ اَسی سوچنے آں، ’’یقیناً اُوہناں نوں ایہ سُن کے خوشی ہوئی ہووے گی کہ سچائی اُوہناں نوں آزاد کر دے گی۔‘‘ لیکن اُوہنے اُوہناں نوں بالکل وی خوش نئیں کیتا۔ اُوہنے اُوہناں نوں پریشان کیتا تے اُوہناں نوں ناراض کیتا – تے اِک بہوتی واضح وجہ توں۔ مسیح دا اُوہناں نوں آزاد کرن دا وعدہ ظاہر کردا اے کہ اُو غلام سی۔ اگرچہ اُو مانندے سی کہ اُو وعدہ شُدہ مسیحا سی، لیکن اُوہناں نے ایس خیال نوں رد کر دِتا کہ اُوہناں دے نال کُجھ غلط سی جیویں کہ اُو سن۔ اُوہناں نے کہیا، ’’اَسی ابراہیم دی نسل آں، تے کدی کسی آدمی دے غلام نئیں سی: توں کیویں کہندا اے، تہانوں آزاد کیتا جائے گا؟‘‘

آہ! مسیح دی خوشخبری اُوس ویلے تیکر ٹھیک اے جدوں تیکر کہ تُسی ایہنوں ذاتی طور تے میرے تے لاگو نئیں کردے۔ جدوں ایہ ذاتی ہو جائے تے لوکی ایہدے تے اعتراض کردے نے۔ جدوں تُسی کوئی تصویر ویکھدے اُو یا سولی تے مسیح دے جذبے تے موت دے بارے وِچ سُنندے اُو تے غمگین ہونا اِک الگ گل اے۔ لیکن، یاد رکھو، جے تہانوں یقین اے کہ مسیح تہانوں بچان دے لئی سولی تے مر گیا، تے ایہدا مطلب اے کہ تُسی اِک خوفناک حالت وِچ اُو، تے صرف اُوہدی موت ای تہانوں نجات دلا سکدی اے۔ ایہو جئی کوئی شے نئیں اے جیہڑی سانوں ایس سولی تے اُوہدی موت توں زیادہ مذمت کردی ہووے، جیہڑی سانوں نجات دلان دے لئی درکار سی۔

کی تُسی کدی اپنے آپ نوں ایس قدر بے بسی نال گنہگار ہوندے ویکھیا اے کہ اُوہدی موت دے علاوہ کوئی شے تہانوں بچا نئیں سکدی؟ جے نئیں تے فیر تُسی بالکل اُوس ای حالت وِچ اُو جیہڑی یوحنا 8 باب وِچ اُوہناں لوکاں دی اے۔ تہانوں یقین اے کہ یسوع خدا دا پُتر سی۔ تُسی اُوہدے تے یقین رکھدے اُو۔ لیکن تُسی اُوہدی وِچ یقین نئیں رکھدے۔ اُوہدے بارے وِچ گلاں تے یقین کرنا بالکل بیکار اے، جیویں کہ اُوہنے یوحنا 8 باب اُوہناں لوکاں نوں ایتھے وکھایا۔ کی ایہ اَج دی راتی تہاڈا مسئلہ نئیں اے؟ کی تُسی مسیح دے بارے وِچ سُننا پسند نئیں کردے، لیکن نال ای اُوہنوں ناپسند کردے اُو جدوں تہانوں مسیح وِچ ایمان لیہیا کے تبدیلی دی لوڑ دے بارے وِچ دسیا جاندا اے؟ اینج کیوں اے؟ ٹھیک اے، ایہدے وجہ ایہ اے کہ تُسی ایہ سُننا پسند نئیں کردے کہ تُسی ’’گناہ وِچ مُردہ‘‘ اُو۔ حیاتی کیہنی ای بدل جائے، انسانی فطرت وِچ اِک شے ایہنی گہرائی نال پیوست اے کہ اُو کدی نئیں بدلدی۔ تے اُو اے لوکاں دی اپنے بارے وِچ چنگی رائے۔ اَسی خوشخبری نوں سُننا پسند کرنے آں جدوں ایہ ساڈے جذبات نوں متاثر کردی اے، لیکن جدوں ایہ سانوں ’’آزاد‘‘ کرن تے آزادی دین دا وعدہ کردی اے تے ایہ ظاہر کردی اے کہ اَسی گناہ دے غلام آں۔ تے تُسی ایہدے بارے وِچ سوچنا ای نئیں چاہندے۔ تے تہاڈی ساری مشکل آزادی دے تہاڈے اپنے غلط خیال دی وجہ توں مرکزی ہوندی اے۔

ہُن، پہلی گل جیہڑی ایتھے واضح کیتی جاندی اے اُو ایہ اے کہ آزادی کی اے دے بارے وِچ تہاڈا غلط خیال تہانوں گناہ دی غلامی نال انّہا بنا دیہندا اے۔ تہانوں ایہ احساس نئیں ہووے گا کہ تُسی غلام اُو تے غلامی وِچ اُو۔ چونکہ اُو ابراہیم دی اولاد سن، اُوہناں یہودیاں نے ایس خیال نوں رد کر دِتا کہ اُوہناں نوں آزاد کرن دے لئی مسیح دی لوڑ سی۔ ’’کیوں،‘‘ اُوہناں نے کہیا، ’’اَسی کدی وی آدمی دی غلام [یا غلامی] وِچ نئیں رئے۔ اُو مصر تے بعد وِچ بابل چہ غلام ہون دے بارے وِچ سب کُجھ بُھل گئے۔ اُو بُھل گئے سن کہ اُو عملی طور تے اُوسی زمانے چہ روم دی فوجاں دے ذریعے غلام بنائے گئے سن! ’’اَسی پہلاں ای آزاد آں،‘‘ اُوہناں نے کیہیا۔ ایہ خیال اَج راتی تہاڈے وِچوں بہتیرے لوکاں نوں آ سکدا اے۔ کیوں، تُسی اِک امریکی اُو۔ جیویں کہ آزادی دے اعلامیہ وِچ دِتا گیا اے، تہاڈے کول ’’کُجھ ناقابلِ تسخیر حقوق، حیاتی، آزادی، تے خوشی دی تلاش اے‘‘۔ ایہ ہُن تیکر لکھے گئے عظیم ترین نعریاں وِچوں اِک اے۔ تے فیر وی میں تہانوں دسنا آں کہ اگرچہ امریکیاں نوں ایس طریقہ نال آزادی حاصل اے، لیکن ہو سکدا اے تُسی شاید دِل وِچ دُکھی تے ناخوش ہو کیوں جے تُسی اپنی ای مسخ شُدہ فطرت دے، گناہ تے شیطان دے غلام اُو۔

جِنہاں لوکاں تے مسیح نوں سب توں بہوتا ترس آیا، اُو لوکی اُو سن جیہڑے سمجھدے سن کہ اُو آزاد نے۔ اُس [یسوع] دے مطابق جس آمر توں سب توں بوہتا خوف آندا اے اُو تہاڈی اپنی غلامانہ فطرت اے۔ جان بنیعان نوں جدوں خوشخبری دی تبلیغ دے لئی جیل وِچ پایا گیا سی، اُوہناں دے کول اِک ایہو جئی آزادی سی جیس دے بارے وِچ اُو لوکی نئیں جانندے سن جِنہاں نے اُوہناں نوں قید کیتا سی۔ کھمبیاں تے [مشعلاں وانگوں] جلن آلے مسیحی شہیداں نے ہمیشہ گناہ وِچ گھیرے ہوئے قابلِ رحم غلاماں دے لئی ترس کھایا تے دعا کیتی جِنہاں نے اُوہناں نوں قتل کیتا۔

اُوہناں لوکاں دے بارے وِچ وی سوچو جِنہاں دے کول، اُو کہندے نے، سوچ دی آزادی اے۔ ’’میں پرانی روایتاں تے فرسودہ نظریات دا غلام بنن توں انکار کرنا آں،‘‘ اُو کہندے نے۔ ’’میں اِک اصل مفکر آں، میں اپنے لئی سوچنا آں۔‘‘ میں وکھاواں گا کہ ایہ کیہو جیہا جھوٹا بیان اے۔ مسیح وَلوں دِتی جان آلی آزادی دے علاوہ، ایہ سطحی گھمنڈ دے سوا کُجھ وی نئیں اے۔ حیاتی تے مذہب دے بارے وِچ تہاڈے خیالات تہاڈی ’’سوچن دی آزادی‘‘ توں بالکل وی نئیں آئے۔ تہاڈے خیالات تہاڈے ماں پیو توں آئے نے۔ اسکول تے کالج وِچ تہاڈے بیلیاں توں، تہاڈے اُستاداں تے پروفیسراں توں آئے نے – ایہناں ساریاں نے تہاڈی سوچ وِچ بہوتی زیادہ تعاون کیتا اے، جِنہوں تُسی ’’سوچن دی آزادی یا آزادیٔ فکر‘‘ کہندے اُو۔ کی تُسی کدی ایہ وی ویکھیا اے کہ جیویں جیویں لوکاں دے حالات بدلدے نے اُویں اُویں ای لوکاں دے خیالات تے نظریات بدلدے رہندے نے؟ تے فیر وی اُو فخر کردے نے کہ اُو آزاد نے! تُسی جو چاہو کہہ سکدے اُو لیکن تُسی اپنی پسند دے بارے وِچ سوچ نئیں سکدے۔ تہاڈے تعصبات تے موروثی اثرات تے ماحولیاتی اثرات نال ہتھ پیر جکڑے ہوئے نے۔ تُسی لفظی طور تے ایہناں عواملاں دے غلام اُو جِنہاں نے تہانوں اُونج دا بنایا ہویا اے جیہو جئے تُسی اُو۔

ایہ ساریاں گلاں کیہنی افسوناک تے احمقانہ نے جیہڑیاں اَسی اَج آزادیٔ فکر دے بارے وِچ سُننے آں۔ [تُسی جیہڑے دنیاوی اسکول وِچ جاندے اُو اُوتھے دے اپنے اُستاداں دے بارے وِچ سوچو۔ کی اُوہناں نوں سوچن دی آزادی اے؟ یا اُو حقیقت وِچ نے، جیویں کہ ڈاکٹر لائیڈ جونز نے کہیا سی، ’’تعصبات تے موروثی اثرات تے ماحولیاتی اثرات نال ہتھاں پیراں توں جکڑے ہوئے نے‘‘؟] فیر وی ایس نام نہاد آزادی وِچ تُسی شیطان تے گناہ دے آمرانہ غلامی وِچ نے۔ ہر ویلے لوکاں نوں اپنے اندر توں ایہ آواز سُنائی دیہندی اے کہ ’’اے منافق، اے بزدل، اے گنہگار۔‘‘ کی تہانوں اینج محسوس نئیں ہوندا – گھٹ توں گھٹ کدی کدی؟ تُسی ایس اندرونی آواز نوں ختم کرن دی کوشش کردے نے، لیکن فیر وی اُو موجود اے – تہانوں ایس حقیقت نال اذیت دین دے لئی کہ تُسی واقعی آزاد نئیں اُو۔ تہاڈے اندر دی ایہ آواز جیہڑی ہر تھاں تہاڈے نال جاندی اے، تہاڈا مذاق اُڑاندی اے تے تہانوں منافق کہندی اے۔ کی تہاڈے بارے وِچ ایہ سچ نئیں اے؟ تہاڈے سارے گناہ تہانوں کسی نہ کسی طریقے نال تلاش کر لین گے۔ بائبل کہندی اے، ’’یقین رکھو کہ تہاڈا گناہ تہانوں لبھ نکالے گا۔‘‘ تہاڈا گناہ تہانوں معلوم کر لئے گا۔ ایہ تہانوں اکیلا نئیں چھڈے گا۔ اُو سارے گناہ جیہڑے تُسی کیتے نے تہاڈے سامنے کِھلوتے ہون گے تے تہانوں مجرم ٹھہران گے تے تہاڈے تے اِلزام لگان گے۔ جدوں تُسی سوندے اُو تے ایہ اِک ڈراؤنے خواب وِچ آ سکدا اے۔ اُو ساری شیواں جیہڑیاں تُسی کیتیاں نے یا کرن نوں نظرانداز کیتا اے اُو تہانوں کسی نہ کسی طریقے نال پریشان کرن گئیاں۔ اُو تہانوں تنگ کرن گئیاں تے تہانوں ستان گئیاں – تے تُسی ایہناں توں بچ نئیں سکدے۔ ’’یقین رکھو کہ تہاڈا گناہ تہانوں تلاش کر لئے گا۔‘‘ حقیقی آزادی؟ کیوں، تہاڈے وِچوں کسی دے کول نئیں اے! تہاڈے اندر خدا دے خلاف تہاڈی اپنی مخالفت اے۔ تُسی ایہدے توں بچ نئیں سکدے، کیوں جے ایہ تہاڈے دِل وِچ اے۔ ایہ آسیب جیہڑا تُسی جیتھے کِدرے وی ہوو تہاڈے نال جاندا اے، تے تہاڈے ہر خیال تے عمل نوں جانندا اے، تہانوں غلام بناندا رہندا اے، تے تُسی اُوہدے چھیڑن آلے خیال توں بچ نئیں سکدے یا ایس توں چھٹکار حاصل نئیں کر سکدے کہ تُسی اِک گنہگار اُو تے دِل توں منافق اُو۔

کی میہنوں تہاڈی غلامی تے گناہ دی غلامی دے بارے وِچ مذید کیہن دی لوڑ اے؟ کوئی وی جیہڑا کافی گہرائی نال سوچدا اے اُوہنوں ایہ سمجھنا چائیدا اے کہ اُو اپنی گناہ دی فطرت دا غلام اے۔ مذید ایہ کہ، مسیح ایہ واضح کردا اے کہ تُسی اپنے آپ نوں اپنے گناہ بھرے خیالات تے اعمال دے جرم تے غلامی توں آزاد نئیں کر سکدے۔ اُو کہندا اے، ’’سچائی تہانوں آزاد کر دے گی۔‘‘ تُسی اپنے آپ نوں آزاد نئیں کر سکدے، ورنہ تُسی بہوتی پہلاں کر چکے ہوندے۔ لیکن خدا دی تعریف کیتی جائے، تُسی آزاد ہو سکدے اُو۔ ’’سچائی تہانوں آزاد کرے گی‘‘ (یوحنا 8: 32)۔

جیہڑا مذہب لوکاں نوں آزاد نئیں کردا اُوہدی کوئی اہمیت نئیں۔ بہتیرے لوکی مذہب دے غلام نے۔ ایہ اُو آزادی نئیں اے جیہدا مسیح وعدہ کردا اے۔ ایہ اُوہدے بارے وِچ دوجیاں نے جو کُجھ سوچیا تے کہیا اے اُوہدے تے مبنی اِک سرسری عقیدے دے سوا کُجھ نئیں اے۔ ایمان جیہڑا انسان نوں آزاد کردا اے اُو اے جیہڑا روح تے چمکدا اے تے انسان نوں کیہن تے مجبور کردا اے، ’’میں ہُن جاننا آں کہ ایہ خدا دی سچائی اے۔ مسیح نے میرے دِل نوں چھو لیہیا اے تے میری حیاتی بدل دِتی اے۔ میں جاننا آں کہ مسیح سچا اے۔ اگرچہ میرے اردگرد ہر کوئی ایہدے توں انکار کردا اے، میں جاننا آں کہ ایہ سچ اے۔‘‘

سچائی جیہڑی اِک شخص نوں آزاد کردی اے اُوہی اے جیہدے بارے وِچ پولوس نے گلِتیوں وِچ لکھیا، ’’لیکن اگرچہ اَسی، یا آسمان توں کوئی فرشتہ، ایس خوشخبری دے علاوہ جیہڑی اَسی تہانوں سُنائی اے، تہانوں کوئی دوجی خوشخبری سُنائے، اُو ملعون ہووے‘‘ (گلِتیوں 1: 8)۔ ٹھیک اے، اُو خوشخبری کی اے؟ ایہ اے کہ یسوع مسیح، خدا دا پُتر، گناہ دی طاقت نوں منسوخ کرن دے لئی سولی تے مرگیا، تےاینج کرن نال اُوہنے انسانیت دے گناہ دے قرض نوں مٹا دِتا، تے ایہ کہ خدا دی قدرت توں اِک آدمی یسوع مسیح نوں جانن دے ذریعے ابدی حیاتی دے لئی فیر توں جنم لے سکدا اے۔

تُسی اپنے اُوتے گناہواں دا بوجھ لاد کے کیویں خوش تے آزاد رہ سکدے اُو؟ تُسی کیویں آزاد ہو سکدے اُو جدوں تہاڈے دِل دی آواز ہُنے تیکر جرم دی آگاہی وِچ اے؟ لیکن جدوں تُسی مسیح دے کول آندے اُو تے اُو تہاڈے گناہواں نوں مٹا دیہندا اے، تے تُسی جانندے اُو کہ مسیح دے ذریعے تہانوں خدا وَلوں معاف کیتا گیا اے۔ ہُن تہاڈے کول شیطان توں بہوتی زیادہ طاقت اے۔ ہُن تہاڈے کول ایہو جئی طاقت اے جیہڑی موت نوں ’’فتح وِچ‘‘ نگل جاندی اے۔ تہاڈے پچھلے گناہ مٹ گئے نے تے تُسی آزاد اُو۔ آیت 36 وِچ، یسوع نے کیہیا، ’’جے پُتر تہانوں آزاد کرے گا، تے تُسی واقعی آزاد ہوو گے‘‘ (یوحنا 8: 36)۔

سچائی توں ایہو ای مراد اے جیہڑی تہانوں آزاد کردی اے۔ ایہ خود اعتمادی نئیں بلکہ مسیح وِچ پروہسا اے۔ اُوس [یسوع تے] ای پروہسا کرنا، ایہدے وِچ ڈرن دی کیہڑی گل اے؟ اگرچہ میں کمزور آں، اُو [یسوع] مضبوط اے۔ میہنوں ڈرن دی لوڑ نئیں۔ میہنوں فکر کرن دی لوڑ نئیں اے۔ اُوہدی طاقت ابدی اے تے اُوہدی طاقت وِچ میں آزاد آں! مسیح تے یقین رکھو تے تُسی آزاد ہو جاؤ گے! ’’پس جے پُتر تہانوں آزاد کرے گا تے تُسی واقعی آزاد ہووے گے۔‘‘ کی تُسی اُوس [یسوع] دے کول آؤ گے؟ کی تُسی اُوس [یسوع] تے پروہسا کرو گے؟ کی تُسی بِلاشبہ واقعی وِچ اُوہنوں [تہانوں] آزاد کروان دیو گے؟

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔