ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مسیح دی دوجی آمد دا نظریہ 1859 دے حیاتِ نو دے بعد دے وریاں دے دوران نمایاں ہویا۔ اُوہنے اُوس دور وِچ انجیلی بشارت دی تبلیغ کرن آلے مسیحیاں دے ذہناں تے قبضہ کر لیہیا، خاص طور تے پہلی جنگِ عظیم دے بعد۔ ایہ نظریہ دوجی جنگِ عظیم دے دوران فیر توں بہوتا نمایاں ہو گیا۔ اُودھوں توں ، اُوہنے 1960 دے دہائی دے آخیر تے 70 دی دہائی دے شروع وِچ ویتنام دی جنگ دے دوران، وڈی حد تیکر ہال لنڈسے Hal Lindsey تے دوجے لوکاں دی کتاباں تے لکچرز دے ذریعے بہوتی مقبولیت حاصل کیتی۔ اَج، دہشت گری دے خلاف جنگ دے دوران، ٹِم لا ہائے Tim LaHaye تے جیری جینکنز Jerry Jenkins دے دوجے آن آلے ناول میہنیاں، حتیٰ کہ وریاں توں سب توں بہوتے فروخت ہون آلی فہرستاں وِچ شامل نے۔ بلی گراہم دا واعظ ’’زمانیاں دی نشانیاں The Signs of the Times‘‘ نوں اُوہدی ہر صلیبی جنگ دے اَخیر تے موسمی پیغام دے طور تے دِتا جاندا اے۔ ہاں، پچھلے ڈیڑھ سو وریاں توں مسیح دی دوجی آمد دے نظریے وِچ وڈی دلچسپی رئی اے، جیہڑی 1859 دے حیاتِ نو دے فوراً بعد شروع ہوئی، تے اُوھدوں توں مقبولیت وِچ جاری رئی اے۔ تے ہُنے تیکر ساڈے گرجا گھراں نے قوم نوں ہلا دین آلے حیاتِ نو دا تجربہ نئیں کیتا اے جدوں توں ایس نظریے نے انجیلی بشارت دے ذہن تے ایہو جئی گرفت حاصل کر لئی اے۔

میں اکثر ایس تضاد دے بارے وِچ سوچیا اے۔ اینج لگدا اے کہ مسیح دی چھیتی واپسی دا نظریہ، انجیلی بشارت نوں زیادہ پاکیزگی تے عبادت وَل لے جانا چائیدا اے۔ لیکن عجیب گل اے کہ اینج نئیں ہویا۔ ایہدے بجائے، 1859 دے احیاء دے بعد توں 150 وریاں دے دوران، گرجا گھر ایس عظیم نظریے نال سُست، غیرتیار تے غیرمتحرک نے۔

میہنوں ایہ کیہن دے لئی ایتھے رُک جانا چائیدا اے کہ میں مسیح دی دوجی آمد تے اپنے پورے دِل نال یقین کرنا آں۔ میں اِک پریمیلینالسٹ [ہزار سالہ آلی مدت تے یقین کرن آلا شخص] آں۔ تے میہنوں یقین اے کہ مسیح دے آن دی نشانیاں ساڈے چاروں پاسے نے، صحیفیاں دے ذریعے پیشن گوئی کیتی گئی اے، تے ساڈے زمانے وِچ تکمیل پا رئی اے۔ تے فیر وی گھٹ توں گھٹ میرے نیڑے ایہ عجیب لگدا اے کہ ایہ عظیم عقیدے جیہڑے اَسی اکثر سُننے آں ایہناں دا ساڈے تے بہوتا گھٹ اثر ہویا اے۔ تے میہنوں لگدا اے کہ میں اِک جواب لے کے آیا آں، گھٹ توں گھٹ اِک ایہو جیہا جواب جیہڑا ایس موضوع دے حوالے توں میرے بے چین ذہن نوں مطمئن کرے۔ ساڈے خداوند دی واپسی دے وعدے توں زیادہ تر انجیلی بشارت دے مانن آلے کیوں ایس قدر غیرمتزلزل نے؟ میرے جوابات تہانوں خوش نئیں کر سکدے، لیکن میہنوں اُمید اے کہ اُو تہانوں سُوچن تے گہرائی نال سوچن تے مجبور کرن گے۔

اُو خیالات جیہڑے میں تہانوں اپنی تلاوت وِچوں پیش کراں گا:

’’تے جے میں جا کے تہاڈے لئی تھاں تیار کراں، تے واپس آ کے تہانوں اپنے نال لے جاواں گا تاکہ جیتھے میں ہوواں اُوتھے تُسی وی ہوو‘‘ (یوحنا 14: 3)۔

میں اَج دی راتی تہاڈے نال فراموش کر دین آلی دوجی آمد دے باہمی تعلق تے گل کرن جا رہیا آں – اُو گلاں جیہڑیاں دوجی آمد توں گہرا تعلق رکھدیاں نے، لیکن ساڈے زمانے دی ہلچل وِچ بوہتی حد تیکر بُھلائی گئی اے۔ تے ایہناں مضموناں وِچوں پہلا، جیہڑا کہ دوجی آمد نال بہوتا گہرا تعلق رکھدا اے، لیکن بڑی حد تیکر نظر انداز کیتا جاندا اے، ایہ حقیقت اے کہ یسوع جسمانی طور تے ساڈے توں دور چلا گیا۔

I۔ پہلی گل، مسیح دے جسمانی عروج تے دوجی آمد دے وِچکار باہمی تعلق۔

بائبل سانوں دسدی اے کہ مسیح دے آسمان تے اُٹھائے جان تے اُوہدے واپسی دے وِچکار گہرا تعلق اے۔ ساڈی تلاوت نوں ویکھو تے تُسی ایہنوں فوری طور تے سمجھ جاؤ گے:

’’تے جے میں جا کے تہاڈے لئی تھاں تیار کراں، تے واپس آ کے …‘‘ (یوحنا 14: 3)۔

’’جے میں ٹُر گیا … تے فیر آواں گا۔‘‘ کی تُسی اُوس [یسوع] دے جان تے واپس آن دے وِچکار ہم آہنگی تے باہمی تعلق نوں ویکھدے اُو؟ ایہ شدید اہم اے تے ایہنوں اکثر اَج کل بُھلایا جا چکیا اے۔ ایہ روح القدس دے نازل ہون دا حوالہ نئیں دیہندا۔ ایہ اعمال دے پہلے باب وِچ واضح کیتا گیا اے۔ فرشتیاں نے کہیا،

’’ایہو ای یسوع جیہڑا تہاڈے کولوں آسمان تے چُکیا گیا اے، ایویں ای فیر آئے گا جیویں تُسی لوکاں نے یسوع نوں آسمان تے جاندے ویکھیا اے‘‘ (اعمال 1: 11)۔

کیہڑا ایس گل توں اِختلاف کرے گا کہ مسیح جسمانی طور تے آسمان تے واپس چلا گیا؟ ہو سکدا اے کہ اَسی ایہنوں اپنے عقلی ذہن نال نہ سمجھیے، لیکن ایہ کلام پاک دا واضح بیان اے کہ ’’اُوہی یسوع‘‘ جیہڑا آسمان تے گیا سی ’’اینج ای واپس آئے گا۔‘‘ ویبسٹر ڈکشنری ایہدے بارے وِچ تقلید پسند مسیحیاں دا نظریہ چنگی طرح پیش کردی اے۔ ایہ [بیان] کہندا اے،

آسمان تے اُٹھایا جانا … آسمان تے اُٹھائے جان دا عمل اِک تحریک اے۔ خاص طور تے، آسمان تے اُٹھایا جانا، بائبل وِچ، مُردیاں وِچوں جی اُٹھن دے چالیویں دِن بعد مسیح دا آسمان تے اُٹھایا جانا (ویسٹر دی بیسویں صدی دی نئی ڈکشنری مکمل لغت، دوجا ایڈیشن، کولِنز ورلڈ Collins World، 1978، صفحہ 108)۔

یسوع دا آسمان تے جسمانی طور تے اُٹھایا جانا۔‘‘ ایہ بالکل اُوہی اے جیہڑا بائبل سکھاندی اے۔

لوقا دی انجیل وِچ یسوع دا آسمان تے جسمانی طور تے اُٹھایا جانا بہوتا واضح اے۔ لوقا دا وبیسواں باب تفصیل وِچ دسدا اے، سانوں دسدا اے کہ جی اُٹھن آلا مسیح روح نئیں اے:

’’ہلے اُو ایہ گلاں کہہ ای رئے سن، کہ یسوع آپئے ای اُوہناں دے وِچکار آن کِھلوتا تے اُوہناں نوں کہیا، ’تہاڈے تے سلامتی ہووے۔‘ لیکن اُو ایس قدر ہراساں تے خوفزدہ ہو گئے، کہ سمجھن لگے کہ کسی روح نوں ویکھ رئے نے۔ یسوع نے اُوہناں نوں کہیا، تُسی کیوں گھبرائے ہوئے اُو تے تہاڈے دِلاں وِچ شکوک کیوں پیدا ہو رئے نے؟ میرے ہتھ تے پاؤں ویکھو، میں ای آں! میہنوں چھو کے ویکھو؛ کیوں جے روح دی ہڈیاں تے گوشت نئیں ہوندا اے، جیویں کہ تُسی میہنوں ویکھ رئے اُو۔‘ ایہ کیہن دے بعد، اُوہنے اُوہناں نوں اپنے ہتھ تے پیر وکھائے‘‘ (لوقا 24: 36۔40)۔

کلام پاک دا حوالہ بالکل واضح کردا اے کہ مسیح جسمانی طور تے، گوشت تے ہڈی دے جسم دے نال، قبر وِچوں جی اُٹھیا سی۔ فیر، تھوڑی دیر بعد ایس ای باب (لوقا 24) وِچ، اَسی پڑھنے آں،

’’فیر یسوع اُوہناں نوں بیت عنیاہ تیکر باہر لے گیا، تے اپنے ہتھ اُٹھا کے اُوہناں نوں برکت بخشی۔ جدوں اُو اُوہناں نوں برکت دے رہیا سی تے اُوہناں توں جدا ہو گیا تے آسمان تے اُوتے اُٹھا لیہیا گیا‘‘ (لوقا 24: 50۔51)۔

جسمانی طور تے جی اُٹھا یسوع گوشت تے ہڈیاں دے نال ’’آسمان تے اُٹھایا گیا‘‘۔ ایہ کیویں ہو سکدا اے؟ ایہ اِک راز اے، ’’آسمان دی بادشاہی دے رازاں‘‘ وِچوں اِک اے (متی 13: 11)۔ متی 13: 11 تے سکوفیلڈ دی غور طلب گل کہندی اے،

کلام پاک وِچ اِک ’’اِسرار‘‘ پہلاں توں چھپی ہوئی سچائی اے، جیہڑی ہُن الہٰی طور تے نازل ہوئی اے، لیکن جیہدے وِچ اِک مافوق الفطرت عنصر وحی دے باوجود باقی اے (سیکوفیلڈ دا مطالعہ بائبل The Scofield Study Bible، متی 13: 11تے غور طلب گل)۔

یسوع دے جسمانی ’’گوشت تے ہڈیاں دے بدن‘‘ نوں ’’آسمان وچ اُٹھا لیہیا گیا‘‘ (لوقا 24: 39، 51)۔ ایہ کینج ہویا اِک معمہ اے، ’’جیہدے وِچ اِک مافوق الفطرت عنصر وحی دے باوجود باقی اے۔‘‘ اَسی عقلی طور تے ایہدی وضاحت نئیں کر سکدے کہ یسوع دا جسمانی جسم کیویں ’’آسمان تے اُٹھا لیہیا گیا‘‘ بالکل جیویں کہ اَسی ایس توں زیادہ عقلی طور تے وضاحت نئیں کر سکدے کہ اُوہدا مُردہ بدن کیویں قبر وِچوں جی اُٹھیا! جیویں کہ سیکوفیلڈ دی حاشیے وِچ لکھی غور طلب گل کہندی اے، ’’اِک مافوق الفطرت عنصر باقی اے۔‘‘

تے مسیح دے جسمانی طور تے ’’آسمان تے اُٹھائے جان‘‘ تے دوجی آمد تے زمین تے اُوہدی جسمانی واپسی دے وِچکار اِک قریبی تعلق، اِک ربط اے۔

’’ایہو ای یسوع جیہڑا تہاڈے کولوں آسمان تے اُٹھایا گیا اے، ایویں ای فیر آئے گا جیویں تُسی لوکاں نے یسوع نوں آسمان تے جاندے ہوئے ویکھیا اے‘‘ (اعمال 1: 11)۔

’’جے میں گیا … میں فیر توں واپس آواں گا‘‘ (یوحنا 14: 3)۔

II۔ دوجی گل، مسیح دی دوجی آمد تے جیتھے اُو ہُن واقع اے دے وِچکار باہمی تعلق۔

بائبل سِکھاندی اے کہ مسیح دی دوجی آمد تے جیتھے اُو ایس ویلے موجود اے [اُوہناں دے] وِچکار بہوتا گہرا تعلق اے۔ ایہ ساڈی تلاوت وِچ بالکل واضح اے:

’’تے جے میں جا کے تہاڈے لئی تھاں تیار کراں، تے واپس آ کے تہانوں اپنے نال لے جاواں گا تاکہ جیتھے میں ہوواں اُوتھے تُسی وی ہوو‘‘ (یوحنا 14: 3)۔

ٹم لاہائے دی پیشن گوئی دے بائبلی مطالعہ The Tim LaHaye Prophecy Study Bible وِچ یوحنا 14: 3 تے اِک چنگی گل درج اے۔ ایہ کہندی اے،

ایہ کلام پاک وِچ ریپچر تے پہلی تعلیم اے۔ ایہ پیشن گوئی کرن دے بعد کہ اُو اپنے ’’باپ دے گھر‘‘ ’’[اپنے پیروکاراں] دے لئی اِک تھاں تیار کرن دی خاطر‘‘ واپس جا رہیا سی (آیت 28 نوں وی ویکھو) اُوہنے وعدہ کیتا کہ اُو واپس دوبارہ آئے گا۔ آیت تین ریپچر دا حوالہ اے جدوں یسوع اپنے [لوکاں] نوں اپنے نال رہن دے لئی باپ دے گھر آسمان وِچ لے جاندا اے۔ آیت 3 مصیبتاں د ے بہوتے وڈے دور دے اِختتام تے مسیح دے شاندار ظہور دا حوالہ نئیں دیہندی (ٹم لاہائے دی پیشن گوئی دا بائبلی مطالعہ The Tim LaHaye Prophecy Study Bible، اے ایم جی پبلشرز، 2000، یوحنا 14: 1-3 تے حاشیے وِچ غور طلب گل)۔

میں ایس نوٹ [حاشیے وِچ غور طلب گل] توں پوری طرح متفق آں۔ بائبل دوجی آمد دے دو مراحل سکھاندی اے۔ سب توں پہلاں، مسیح ہوا وِچ آندا اے تے اپنے لوکاں نال زمین تے ملاقات کردا اے، ’’خداوند نال ہوا وِچ ملن دے لئی‘‘ (I تسالونیکیوں 4: 17)۔ دوجی گل، مسیح اپنی جسمانی بادشاہی قائم کرن دے لئی، مصیبت دے دور دے بعد، زمین تے واپس آندا اے (مکاشفہ 19: 11-16؛ 20: 1-6)۔ میہنوں کوئی شک نئیں کہ بالکل اینج ای ہووے گا۔

لیکن ایتھے میرا نکتہ اے – جِنہوں اَج اکثر بُھلا دِتا جاندا اے – مسیح دی دوجی آمد، [جِنہوں] دوویں ای گلاں وِچ بُھلا دِتا جاندا اے، ریپچر وِچ تے زمین تے اُوہدی بادشاہی قائم کرن وِچ – دوویں ای ظاہر کردے نے کہ اُو اَج کیتھے اے۔ ایہ جاننا چنگا اے کہ اُو فیر دوبارہ آئے گا، لیکن ایہ جاننا ہُور وی اہم اے کہ اَج اُو کیتھے واقع اے!

اَج مسیح کیتھے اے؟ بہتیرے لوکی سوچدے نے کہ اُو ’’ہر تھاں‘‘ اے۔ خدا دی ہمہ گیریت دے معنیاں وِچ، ایہدے چہ سچائی اے۔ تے فیر وی ایہ جاننا ضروری اے کہ مسیح دے جسمانی ’گوشت تے ہڈیاں‘‘ دے جسم دا مقام کی اے۔ تُسی کہہ سکدے اُو، ’’ایہ اہم نئیں اے۔‘‘ لیکن جے تُسی ایہ کہندے اُو تے تُسی غلط اُو۔ تے تسی غلط اُو کیوں جے بائبل سانوں ایہ دسن وِچ کافی حد تیکر اَگے جاندی اے کہ یسوع دا ’’گوشت تے ہڈیاں‘‘ [دا بدن] کیتھے واقع اے۔ بائبل وِچ بہتیرے آیتاں ایس موضوع دے بارے وِچ دسدیاں نے۔ لہٰذا ایہ انتہائی اہم ہونا چائیدا اے۔ مثال دے طور تے، ساڈی تلاوت ایس دے بارے وِچ دسدی اے جدوں مسیح کہندا اے، ’’میں تہاڈے لئی اِک تھاں تیار کرن جا رہیا آں … تاکہ جیتھے میں آں، اُوتھے تُسی وی ہوو‘‘ (یوحنا 14: 3)۔ ’’جیتھے میں آں۔‘‘ اُو کیتھے اے؟ بار بار سانوں دسیا جاندا اے کہ اُو کیتھے اے – جیتھے یسوع دا جی اُٹھا ’’گوشت تے ہڈیاں‘‘ دا جسم اُوتے گیا، تے جیتھے اُو دوبارہ آئے گا۔ میں تہانوں ایہ دسن دے لئی صحیفے دے صرف چند حوالے دے رہیا آں کہ ایہ موضوع بائبل وِچ کیہنا اہم اے۔

’’یہواہ نے میرے خداوند نوں فرمایا، توں میری داہنی طرف بیٹھ، جدوں تیکر کہ میں تیرے دشمناں نوں تیرے پیراں دے ہیٹاں نہ کر دیاں۔‘‘ (زبور 110: 1)۔

’’جدوں خداوند یسوع اُوہناں نال کلام کر چکیا، تے اُو آسمان وِچ اُوتے اُٹھا لیا گیا۔ تے اُو خدا دے داہنی پاسے جا بیٹھا‘‘ (مرقس 16: 19)۔

’’لیکن ہُن توں ابنِ آدم قادر مطلق خدا دی داہنی طرف بیٹھا رئے گا‘‘ (لوقا 22: 69)۔

’’یسوع نوں خدا نے زندہ کیتا ایہدے اَسی سارے گواہ آں۔ یسوع خدا دی داہنی طرف سر بُلند ہویا …‘‘ (اعمال 2: 32۔33)۔

’’ایس لئی کہ مسیح ای اُو اے جیہڑا مر گیا تے مُردیاں وِچوں جی اُٹھیا تے جو خدا دی داہنی طرف موجود اے۔ اُو ای ساڈی شفاعت وی کردا اے‘‘ (رومیوں8: 34)۔

’’… خُدا دی عظیم قُدرت دی کویٔی حَد نئیں۔ اُوہدی عظیم قدرت دی تاثیر دے مطابق خدا نے مسیح نوں مُردیاں وِچوں زندہ اُٹھا کے آسمان تے اپنی داہنی طرف بٹھایا‘‘ (افسیوں 1: 19۔20)۔

’’لہٰذا جدوں تُسی مسیح دے نال زندہ کیتے گئے تے عالمِ بالا دی شیواں دی جستجو وِچ رہو، جیتھے مسیح خدا دی داہنی طرف تخت نشین اے‘‘ (کُلسیوں 3: 1)۔

’’اُو جیہڑا خدا دے جلال دا عکس تے اُوہدی ذات دا عین نقش اے، تے اپنے قدرتی کلام نال پوری کائنات نوں سنبھالدا اے۔ تے اُو گناہواں توں پاک کرن دے بعد، عالمِ بالا تے جا کے خدا دی داہنی طرف سخت نشین ہویا‘‘ (عِبرانیوں 1: 3)۔

’’جیہڑیاں گلاں اَیس ہُن کہہ رئے آں اُوہناں وِچ وڈی گل ایہ اے کہ ساڈا ایہو جیہا اعلیٰ کاہن اے جیہڑا آسمان تے قادرِ مطلق خدا دے داہنی طرف تخت نشین ہویا‘‘ (عبرانیوں 8: 1)۔

’’لیکن مسیح گناہواں نوں دور کرن دے لئی اِک ای وری ہمیشہ دی قربانی پیش کر کے خدا دی داہنی طرف تخت نشین ہو گیا‘‘ (عِبرانیوں 10: 12)۔

’’یسوع مسیح آسمان تے جا کے خدا دی داہنی طرف تخت نشین ہویا‘‘ (I پطرس 3: 21۔22)۔

جے جی اُٹھے مسیح دے مقام [رہن دی تھاں] دی کوئی اہمیت نئیں تے فیر بائبل وِچ مسیح دے مقام دا بار بار ذکر کیوں کیتا گیا اے؟ بائبل سانوں دسدی اے کہ اُو کیتھے اے کیوں جے ایہ اہم اے!

ہُن یاد رکھو، کہ ایہ اُوہدے ’’گوشت تے ہڈیاں‘‘ دا جسم اے جیہڑا ’’آسمانی تھاواں تے‘‘ خدا دی داہنی طرف اے (افسیوں 1: 20)۔ ’’روح مسیح‘‘ دے بارے وِچ سوچ کے مغالطے وِچ نہ آؤ۔

’’تے جے میں جا کے تہاڈے لئی تھاں تیار کراں، تے واپس آ کے تہانوں اپنے نال لے جاواں گا تاکہ جیتھے میں ہوواں اُوتھے تُسی وی ہوو‘‘ (یوحنا 14: 3)۔

III۔ تیجی گل، خداوند دے سجّے پاسے مسیح دے مقام تے تہاڈی نجات دے وِچکار باہمی تعلق۔

بائبل سکھاندی اے کہ مسیح دے مقام [رہن دی تھاں] تے تہاڈی نجات دے وِچکار بہوتا گہرا تعلق اے۔ ساڈی تلاوت وِچ، یسوع نے کہیا،

’’جے میں … واپس آ کے تہانوں اپنے نال لے جاواں گا …‘‘ (یوحنا 14: 3)۔

اُو کیہدے وَل اشارہ کر رہیا اے جدوں اُو ’’تہانوں‘‘ کہندا اے؟ اُو اُوہناں لوکاں دی گل کر رہیا اے جیہڑے اُوہدے تے ایمان رکھدے نے۔ ایہ یوحنا دے چودھویں باب وِچ واضح کیتا گیا اے (حوالہ ویکھو یوحنا 14: 1؛ 14: 6؛ 14: 11؛ 14: 12؛ وغیرہ)۔

میرے نال یوحنا دے چھٹے باب نوں کھولو۔ آؤ اِک نال کھڑے ہوئیے تے اُوچی واج نال یوحنا 6: 37 پڑھیے۔

’’اُو سب جو باپ میہنوں دیہندا اے اُو میرے تیکر پہنچ جائے گا تے جو کوئی میرے کول آئے گا، میں اُوہنوں اپنے توں جدا نئیں ہونے دیاں گا‘‘ (یُوحنّا 6: 37)۔

تُسی تشریف رکھ سکدے اُو۔

میں اَج دی راتی ایس آیت دے پہلے نصف حصے توں نمٹن نئیں جا رہیا آں۔ میں پہلے نصف حصے تے ڈاکٹر میگی وَلوں صرف اِک مختصر بیان دیاں گا، ’’میرے دوست، جے تُسی آؤ گے تے تُسی منتخب ہوو گے‘‘ (جے ورنن میگی، ٹی ایچ۔ ڈی۔ J. Vernon McGee, Th.D.، بائبل وِچوں Thru The Bible، تھامس نیلسن Thomas Nelson، 1983، جلد چہارم، صفحہ 405)۔

آیت دا دوجا نصف ویکھو، پہلا نصف خدا وَل اشارہ کردا اے۔ دوجا نصف حصہ تہاڈے وَل اشارہ کردا اے۔

’’جیہڑا میرے کول آئے گا میں اُوہنوں ہرگز خود توں جُدا نہ کراں گا‘‘ (یوحنا 6: 37)۔

مسیح تہانوں اُوہدے کول آن دے لئی کہہ رہیا اے۔ نجات پان دے لئی ایہو ای راہ اے۔ یسوع نے کہیا،

’’میرے کول آؤ … تے میں تہانوں آرام دیاں گا‘‘ (متی 11: 28)۔

تُسی بپتسمہ لین دے ذریعے توں، یا ’’الطار تے سامنے‘‘ آن دے ذریعے توں، یا ’’گنہگار دی دعا‘‘ کیہن دے ذریعے توں، یا ’’چنگا‘‘ احساس رکھن، یا مسیح نوں ’’اپنی حیاتی دا خداوند‘‘ بنان توں نجات نئیں پاندے۔ ایہ ساریاں خارجی شیواں نے۔ نجات بیرونی اعمال، خیالات یا احساسات توں نئیں آندی۔ نجات صرف مسیح وِچ ایمان دے ذریعے، مسیح دے کول آن دے ذریعے، اُوہدے تے ایمان لیہیان دے ذریعے توں حاصل ہوندی اے۔ ایہ سارے جملے نے جیہڑے اِک ای شے دا حوالہ دیہندے نے – مسیح دے نال اتحاد۔

لیکن تُسی ایہ جانے بغیر کہ اُو کیتھے واقع [رہ رہیا] اے اُوس [یسوع] وِچ نجات پان آلا ایمان نئیں رکھ سکدے۔ تُسی کسی بندے کول کیویں جا سکدے اُو جے تہانوں ایہ ای نئیں پتا کہ اُو کیتھے اے؟ ہزارہا لوکاں دے کول کسی نہ کسی قسم دا ’’ایمان‘‘ سی، لیکن اُوہناں دے ایمان دا مقصد خدا دے داہنے پاسے بیٹھا ہویا مسیح نے سی۔ ایویں، اُو ہُنے وی غیر نجات یافتہ نے۔ تُسی ایہ جانے بغیر یسوع کے کول نئیں جا سکدے کہ اُو کیتھے اے۔ ایہو ای وجہ اے کہ ساری بائبل وِچ ساڈے کول اِک دے بعد اِک آیت اے، جیہڑی سانوں دسدی اے کہ جی اُٹھیا خداوند کیتھے بیٹھا اے، تے اُو کِدرھوں آئے گا۔

لوتھر، وائٹ فیلڈ، ویزلی، ایڈورڈز، نیٹلٹن اور سپرجیئن وِچ شاید ایہنی روشنی نئیں پیہئی ہووے گی جِنہی اَسی بائبل دی پیشن گوئی تے کرنے آں۔ لیکن اُوہناں دے کول ایہو جئی شے سی جیہڑی اَسی 150 وریاں توں نئیں ویکھی سی – حیاتِ نو! کیوں جے، تُسی ویکھدے اُو، حیاتِ نو بائبل دی پیشن گوئی دے علم دے ذریعے نئیں آندا۔ ایہ یسوع، خدا دے پُتر دے علم دے ذریعے آندا اے۔ نجات ایس قابل نئیں ہوندی کہ ’’پیغمبری دی پہیلی دے ٹکڑیاں‘‘ نوں اِک ساتھ رکھ سکو۔ نجات یسوع، خدا دے پُتر نوں جانن توں حاصل ہوندی اے۔

’’تے ایہ ابدی حیاتی اے، تاکہ اُو تیہنوں واحد سچے خدا تے یسوع مسیح نوں، جِنہوں توں پیہجھیا اے جانن‘‘ (یوحنا 17: 3)۔

تہانوں مسیح دے کول آنا چائیدا اے۔ اُو آسمان وِچ خدا دے داہنی پاسے بیٹھا اے۔ تہانوں اُوہدے لہو دے وسیلے توں اپنے گناہواں توں پاک صاف ہونا چائیدا اے۔ تہانوں اُوہدے تے ایمان دے ذریعے اُوہدی راستبازی اپنے تے عائد کرنی چائیدی اے۔

سوٹیرئیالوجی Soteriology عقیدۂ نجات نوں مانن دا علم، معادیات eschatology[الہیات دی اُو شاخ جیہڑی موت تے آخری عدالت وگری حتمی شیواں توں متعلق اے۔ جنت تے جہم؛ انسانیت دی حتمی تقدیر] توں کِدرے بوہتی اہم اے۔ تخلیق نو دا علم ریپچر دے علم توں کِدرے بوہتی اہم اے۔ یقین تے تبدیلی دا مطالعہ پیشن گوئی دے چارٹ دے مطالعہ توں غیرمحدود طور تے کِدرے بوہتی اہم اے۔ جے تہانوں اِک دا یا دوجے دا انتخاب کرنا اے، تے ڈاربیDarby نوں ایڈورڈزEdwards تے منتخب کرو۔ بنیعان نوں آئرن سائیڈ تے ترجیح دو۔ ’’قیادت‘‘ دے سیمینار تے رومیوں دی کتاب نوں ترجیح دیو۔ دورِ حاضرہ دے آیت بہ آیت بائبل اساتذہ تے اصلاح کاراں تے پیوریٹن دا انتخاب کرو۔ اِک حوصلہ افزا اسپیکر تے سپرجیئن دا انتخاب کرو۔ ’’امکانی سوچ‘‘ تے ویزلی دا انتخاب کرو۔ ٹوزر نوں ’’مقصداً کارفرمائی‘‘ تے منتخب کریں۔ ’’فیصلہ پسندی‘‘ تے مسیح تے ایمان لا کر تبدیل ہونے دا انتخاب کرو۔ موت دے بجائے حیاتی دا انتخاب کرو!

’’تے ایہ ابدی حیاتی اے، تاکہ اُو تیہنوں واحد سچے خدا تے یسوع مسیح نوں، جِنہوں توں پیہجھیا اے جانن‘‘ (یوحنا 17: 3)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔