ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اِتوار دی دوپہر سی۔ اُوس دِن سجری سویرے مسیح مُردیاں وِچوں جی اُٹھیا۔ اُوہدے دو پیروکار اماؤس شہر وَل ٹر پیہئے۔ اُوہناں نوں اُوہتھے پیدل جان وِچ تقریباً دو گھنٹے لگن گے۔ ایہہ تقریباً ست میل دا فاصلہ سی۔ اُو گلیل وَل اپنے گھراں نوں واپس جا رئے سن، تے جدوں اُو ماؤس پہچن گے تے رات دے لئی رُکن گے۔ ایہناں دو بندیاں وِچوں اِک دا ناں کلیوپاس سی جیہدے بارے وِچ قدیم مصنفین نے کہیا سی کہ اُو یسوع دے لے پالک پیو یوسف دا بھرا [بھائی] سی۔ ایہدا مطلب ایہہ ہووے گا کہ اُو مسیح دا چچا سی۔ دوجے بندے دا ناں نئیں دِتا گیا اے۔

ٹُردے ٹُردے اِک تیجا بندہ اُوہناں دے نال شامل ہو گیا۔ ایہناں تیناں نے یسوع دے نال کی ہویا سی ایہدے تے تبادلہ خیال کیتا – جمعرات دے راتی اُوہدی گرفتاری، جمعہ نوں اُوہدا مقدمہ تے مصلوبیت، اُوہدی تدفین، تے اُوس دِن دے شروع وِچ اُوہدے جی اُٹھن دے افواہاں سُنیاں سن۔ اینج لگدا اے کہ اُو اُوہدے جی اُٹھن دی خبراں تے شک کردے نے۔

اُوہناں دے نال شامل ہون آلے شخص نے اُوہناں نوں ڈانٹیا، تے دسیا کہ اُو ’’انبیاء دی ساریاں گلاں تے یقین کرن وِچ سُست نے‘‘ (لوقا 24: 25)۔ فیر تیجے بندے نے کیہیا،

’’کی مسیح دے لئی ضروری نئیں سی کہ اُو اذیتاں نوں برداشت کردا تے فیر اپنےجلال وِچ داخل ہوندا؟ تے اُوہنے موسیٰ توں لے کے سارے نبیاں دیاں گلاں جیہڑیاں اُوہدے بارے چہ پاک کلام وِچ درج سن اُوہناں نوں سمجھا دِتیاں‘‘ (لوقا 24: 26۔27)۔

مسیح بذات خود تیجا بندہ سے جیہڑا ٹُردے ٹُردے [راہ وِچ] اُوہناں دے نال شامل ہویا تے ایہناں شیواں تے گلاں کر رہیا سی۔

لیکن اُس نئیں جانندے سی کہ ایہہ مسیح اے۔ آیت 16 سانوں ایہدی وجہ دسدی اے کہ اُو نئیں جانندے سن کہ اُو کون سی۔

’’لیکن اُو اُوہنوں پہچان نہ سکے کیوں جے اُوہناں دی اَکھاں تے پردہ پیہیا ہویا سی‘‘ (لوقا24: 16)۔

ساڈے واعظ دیاں دو تلاوتاں ایہناں دوواں بندیاں دے سابقہ تے بعد دے حالات نوں ظاہر کردیاں نے۔ پہلاں تے ایہناں دی اَکھاں تے پردہ پیہیا ہویا سی کہ اُو اُونوں پہچان نہ پان۔ اُوس شام دے بعد، ’’اُوہناں دیاں اَکھاں کُھل گئیاں، تے اُوہناں نے اُوہناں پہچان لیہیا‘‘ (لوقا 24: 31)۔

ایہہ اِک بوہتی سادہ جئی کہانی اے، جیہڑی سانوں ایہہ دسن دے لئی دِتی گئی اے کہ اِک شخص کیویں تبدیل ہوندا اے۔ سب توں پہلاں، اُوہدی اَکھاں تے پردہ پیہیا ہوندا اے ایس لئی اُو مسیح نوں نئیں جانندا۔ دوجا، اُوہدی اَکھاں کُھل جاندیاں نے، تے اُو مسیح نوں پہچان جاندا اے ایہہ ایہنا ای سہوکھا اے۔ لیکن ایس وِچ گہرائے اے۔ تے ایس لئی میں ایہہ وکھان دی کوشش کراں گا کہ ایہناں دو بندیاں دے دِلاں وِچ جیہڑی تبدیلی آئی اے اُوہدے پیچھے کی اے جدوں اُو جی اُٹھے مسیح دا سامنا کر رئے سن تے مسیح وِچ ایمان لیہیا کے تبدیل ہوئے سن۔

I۔ پہلی گل، اُوہناں دی اَکھاں تے پردہ پیہیا ہویا سی کہ اُو اُوہنوں پہچان نہ پان۔

ایتھے ’’اَکھاں‘‘ جزوی طور تے اُوہناں دی جسمانی اَکھاں دا حوالہ دے سکدیاں نے۔ ڈاکٹر جان گلِ نے سوچیا کہ ’’اُوہناں دیاں نظراں ہیٹاں [زمین] وَل جھکیاں ہوئی سن۔ یا اُو ٹردے ٹردے زمین وَل ویکھدے رئے، جیہڑی اُوہناں دی اُداسی [غمگینی] دے لئی موزوں سن … تے ہو سکدی اے کہ الہٰی طاقت تے پروردگاری دا اِک عجیب اثر ہووے، اینج [گلاں] نوں اپنے ذہن توں نکال سُٹدے ہوئے، اُوہناں نے اپنے نئے مسافر ساتھی مسیح وَل نہ ویکھیا‘‘ (جان گلJohn Gill, D. D.، ،نئے عہد نامے دی تفسیرAn Exposition of the New Testament، دی بیپٹسٹ اسٹینڈرڈ بیئررThe Baptist Standard Bearer، 1989 دوبارہ اشاعت، جلد اول، صفحہ 727-728)۔ کسی وی صورت وِچ، اُوہناں نے غور نال ایس بندے وَل نطر نئیں پائی سی، شاید ایس لئی کہ انہیرا ودھ رہیا سی، تے اُو نئیں جانندے سن کہ ایہہ مسیح ای سی جیہڑا اُوس دوپہر دے اَخیر وِچ، سورج غروب ہونے دے نال ای اُوہناں دے نال ٹر رہیا سی تے اُو اپنے سفر وِچ اَگے ودھ رئے سن۔

لیکن میہنوں پہلی تلاوت تے واپس آنا چائیدا اے،

’’اُو اُوہنوں پہچان نہ سکے کیوں جے اُوہناں دی اَکھاں تے پردہ پیہیا ہویا سی‘‘ (لوقا24: 16)۔

اینج لگدا اے اُوہناں دیاں جسمانی اَکھاں دے مقابلے وِچ ایتھے ہُور بوہتا کج مُراد اے۔ آیت 31 وِچ سانوں دسیا گیا اے کہ ’’اُوہانں دی اَکھاں کُھل گئیاں‘‘ (لوقا 24: 31)۔ بعد چہ ایس ای باب وِچ، دوجے دس شاگرداں دی گلاں کردے ہوئے، سانوں دسیا گیا،

’’فیر اُوہنے اُوہناں دا ذہن کھولیا‘‘ (لوقا 24: 45)۔

ایہناں مذید آیتاں نوں مدنظر رکھدے ہوئے اینج لگدا اے کہ کوئی مافوق الفطرت طاقت سی جیہدی وجہ توں اُو مسیح وَلوں انّہے ہو گئے جدوں اُو اُوہناں دے بہوتا قریب سی۔

’’لیکن اُو اُوہنوں پہچان نہ سکے کیوں جے اُوہناں دی اَکھاں تے پردہ پیہیا ہویا سی‘‘ (لوقا24: 16)۔

ایتھے جِنہاں ’’اَکھاں‘‘ دا تزکرہ کیتا گیا اے اُو اُوہناں دی جسمانی اَکھاں دے مقابلے وِچ یقیناً بہوتا زیادہ اے۔ میرے خیال چہ ایہہ ’’تہاڈی سمجھ دی اَکھاں‘‘ وَل اشارہ کردا اے، جِنہاں نوں تہاڈے مسیح نوں جانن توں پہلاں خدا دے وسیلے توں منور کیتے جا دی لوڑ اے (حوالہ ویکھو افسیوں 1: 18)۔

تے اُوہناں دیاں روحانی اَکھاں ’’تے ایس لئی پردہ پیہیا ہویا سی کہ اُوہنوں پہچان نہ پان۔‘‘ یونانی لفظ جیس دا ترجمہ ’’پردہ پیہیا ہونا holden‘‘ کیتا گیا اے ایہد مطلب اے ’’قابو وِچ رکھنا، محدود کرنا‘‘ (فرٹز رائینیکرFritz Rienecker، یونانی نئے عہد نامے دی اِک لسانی کلیدA Linguistic Key to the Greek New Testament، زونڈروان پبلشنگ ہاؤسZondervan Publishing House، 1980، صفحہ 214)۔ اَسی کہہ سکنے آں کہ اُوہناں دی خود اپنی فطری خرابی دی وجہ توں اُوہناں دی اَکھاں تے پردہ پیہیا ہویا سی یا مسیح نوں پہچانن توں روک دِتی گئیاں سن۔

’’اُوہناں دی عقل تاریک ہو گئی اے، تے اُو اپنی سخت دلی دے باعث جہالت وِچ گرفتار نے تے خدا دی دِتی ہوئی حیاتی وِچ اُوہناں دا کوئی حصہ نئیں‘‘ (افسیوں 4: 18)۔

ایہہ دوویں بندے ہُنے تیکر روحانی موت دی فطری حالت وِچ سن، تے

’’جیہدے چہ خدا دا پاک روح نئیں اُو خدا دی گلاں قبول نئیں کردا کیوں جے اُو اُوہدے نیڑے بیوقوفی دی گلاں نے تے نہ ای سمجھ سکدا اے، کیوں جے اُو صرف پاک روح دے ذریعہ سمجھی جا سکدیاں نے‘‘ (I کرنتھیوں 2: 14)۔

ایہہ دو بندے، اپنی فطری، غیر تبدیل شُدہ حالت وِچ، دِل دے اَنّہے سن تے، اینج، مسیح دے جی اُٹھن دے روحانیت نوں نئیں سمجھ سکدے سن۔ ایہدا اُوہناں تے کوئی اثر نئیں ہویا

’’اُوہناں دی اَکھاں تے پردہ پیہیا ہویا سی تاکہ اُو اُوہنوں پہچان نہ لین‘‘

اُوہناں دے غیر تبدیل شُدہ دِلاں دی فطری خرابی دی وجہ توں۔ اُوہناں دی اَکھاں ’’اُوہناں دے دِل دے اَنّہے پن‘‘ (افسیوں 4: 18) دی وجہ توں اُوہناں نوں اُوہنوں جانن توں روک دیاں گئیاں۔

ایہہ اکیلی بوہتی معلومات نئیں سن جیہدی ایہناں لوکاں نوں لوڑ سی۔ خدا وَلوں اُوہناں دی اَکھاں کھولن دی لوڑ سی۔ (حوالہ ویکھو لوقا 24: 31)۔ جے قدیم لوکی صحیح سن تے کلیوپاس یسوع دا ’’چچا‘‘ سی، تے اُو پہلاں ای توں مسیح دے بارے وِچ بہوتا کُج جانندا ہووے گا۔ اینج دوجے آدمی نوں نجات دہندہ دے بارے وچ بوہتا زیادہ علم ہونا چائیدا اے۔ مسیح آپئے اُوہناں دے نال کئی وری رہیا سی تے اُوہناں نوں بہوتیاں چیزاں سکھائیاں سن۔ لیکن ’’ذہنی سمجھ‘‘ جیہڑی اُوہناں نے ماضی وِچ اُوہدے توں حاصل کیتی سی اُو اُوہناں دی اَکھاں کھولن وِچ ناکام رئی۔ تے مسیح اُوہناں نوں سارا کُج سنان دے لئی فیر توں دسدا اے،

’’تے اُوہنے موسیٰ توں لے کے سارے نبیاں دی گلاں جیہڑیاں اُوہدے بارے وِچ پاک کلام وِچ درج سن اُوہناں نوں سمجھا دِتیاں‘‘ (لوقا 24: 27)۔

لیکن اُو ہُنے تیکر تاریک وِچ ای سن۔ اُو ہُنے تیکر اُوہنوں پہچان نئیں پائے سن – جدوں تیکر کہ اُو آخر کار کھانا کھان دے لئی نہ روکے،

’’تے اُوہناں دی اَکھاں کُھل گئیاں تے اُوہناں نے اُوہنوں پہچان لیہیا‘‘ لوقا 24: 31)۔

جوناتھن ایڈورڈز دی گل سُنو، جیہڑے عظیم عالم دین تے مبلغ نے، ایس دے بارے وِچ گل کردے نے:

محض تصوراتی تفہیم [عقائدی عقیدہ] دے وِچکار فرق کرنا ضروری اے جدوں کہ ذہن صرف قیاس آرائی [ذہنی] صلاحیت دی مشق وِچ ای وکھاندا اے۔ تے دِل دا احساس، جیس وِچ ذہن نا صرف قیاس آرائیاں کردا اے تے وکھاندا اے، بلکہ مسرور ہوندا اے تے محسوس کردا اے … اِک تے محض ہے ای قیاس آرائی تے مبنی علم؛ دیگری دوجے سمجھدار علم نے، جیہدے چہ محض عقل توں زیادہ [ذہن] دا تعلق ا ے (جوناتھن ایڈورڈز، جوناتھن ایڈورڈز دے کامThe Works of Jonathan Edwards،بینر آف ٹروتھ ٹرسٹBanner of Truth Trust، 1992 دوبارہ اشاعت، جلد اول، صفحہ 283)۔

ایڈورڈز دا کی مطلب اے؟ ایہدا مطلب اے کہ تنہا اپنے ذہن وِچ علم حاصل کر لین دے وسیلے تو نجات کیویں پائی جاندی اے تُسی نئیں سکھ سکدے۔ اُو بندہ جیہڑا کہندا اے، ’’میں مسیح دے کول کیویں آواں؟‘‘ ایڈورڈز دے فقرے نوں استعمال کرن دے لئی مذید ’’تصوراتی تفہیم‘‘ چاہندا اے۔ اُو مسیح وِچ ایمان لیہیان دی تبدیلی دے ’’تکنیکی پہلوواں‘‘ دے بارے وِچ مذید معلومات جاننا چاہندا اے۔

میں ایہناں دو بندیاں نوں مسیح دی منادی وِچ رعایت نئیں دیہندا، تے نہ ای میں کسی خوشخبری دی منادی وِچ رعایت کرنا آں۔ لیکن جے تُسی سوچدے اُو کہ تُسی صرف تبلیغ نال مذید معلومات حاصل کر کے تبدیل ہو سکدے اُو، تے تُسی غلط اُو۔ جے تہانوں لگدا اے کہ ذہنی طور تے کیویں نجات پائی جائے سِکھ سکدے اُو تے تُسی جاری رہوو۔

’’سیکھن دی ہمیشہ کوشش تے کردے رہن گے لیکن کدی وی ایس قابل نئیں ہوندے کہ حقیقت نوں پہچان سکن‘‘ (II تیمتھیس 3: 7)۔

تہاڈے کول تبلیغ یا منادی ہونی چائیدی اے، لیکن منادی دے مقابلے وِچ تُہاڈے کول کُج ہُور ہونا بہوتا ضروری اے۔ تے اُو ای سی جیہڑا بجا طور تے اُوہناں دوویں بندیاں نے حاصل کیتا سی،

’’تے اُوہناں دی اَکھاں کُھل گئیاں تے اُوہناں نے اُوہنوں پہچان لیہیا‘‘ (لوقا 24: 31)۔

اَسی جنوری وِچ انجیلی بشارت دے اِجلاساں دا اِک سلسلہ منعقد کرن جا رئے آں۔ جدوں تُسی ایہناں انجیلی بشارت دے اجتماعات وِچ آندے اُو، تے اُو سرے توں تہاڈے نال کُج چنگا نئیں کرن گے جے تُسی ’’نجات پائے جان دا طریقہ سیکھن‘‘ دے لئی آندے اُو۔ تہانوں صرف مذید سیکھن توں کِدرے بوہتی اہم شے دی لوڑ ہووے گی۔ تہانوں ایس گل توں آگاہ ہونا چائیدا اے کہ تہاڈی اَکھاں تے پردہ پیہیا ہویا اے کہ [تُسی] اُوہنوں پہچان نہ پاؤ‘‘ (لوقا 24: 16)۔ تے ایہدے نال تہانوں پریشانی ہونی چائیدی اے۔

جے تُسی مسیح وِچ ایمان لیہیا کے تبدیل ہونا چاہندے اُو تے تہانوں اپنے دِل دے مُردہ پن، تے مسیح دے لئی اپنے انّہے پن نوں گہرائی نال محسوس کرنا چائیدا اے۔ تے تہانوں اپنے دِل نال ایہنوں جاننا چائیدا اے۔ صرف مسیح نوں جانن نال، تسی گناہ توں راستبازی تے پاکیزگی حاصل کر سکدے اُو۔ صرف مسیح بخود نوں جانن نال ای تسی نجات پا سکدے اُو۔

سولی تے مسیح دے نال مرن آلے چور دے کول اُو مواقع نئیں سن جیہڑے اُوہناں دو بندیاں نوں حاصل سن۔ اُوہناں لوکاں نے کئی گھنٹے، کئی وری مسیح نوں ماندی کردے سُنیا سی۔ چور نے صرف مسیح نوں سولی تے چند الفاظ کہندے سُنیا۔ فیر وی چور مسیح وِچ ایمان لیہیا کے تبدیل ہو گیا، جدوں کہ ایہہ لوکی، جِنہاں نے بُہتیرے واعظ سُنے سن، کھوئے ہوئے یا گمراہ رئے۔

’’لیکن اُوہناں دی اَکھاں تے پردہ پیہیا ہویا سی کہ کِدرے اُو اُوہنوں پہچان نہ لین‘‘ (لوقا 24: 16)۔

چور دے کول بہوتی گھٹ تعلیم سی، لیکن کیہو جئی ننھی جئی تعلیم سی جِنہے اُوہدے دِل نوں چھید کے اُوہنوں نجات دے لئی مسیح وَل موڑ دِتا سی۔

نئیںِ، جوناتھن ایڈورڈز سچے سن – تہاڈے وِچوں اکثر دے کول ’’محض تصوراتی ہدایات‘‘ نے۔ تہانوں جس شے دی لوڑ اے اُو اے ’’دِل دا احساس،‘‘

’’کیوں جے انسان دِل نال راستبازی تے ایمان لیہیاندا اے‘‘ (رومیوں 10: 10)۔

II۔ دوجی گل، اُوہناں دیاں اَکھاں کُھل گئیاں سن تے اُوہناں نے اُوہناں پہچان لیہیا۔

اکتیسویں آیت تے نظر پاؤ،

’’تے اُوہناں دی اَکھاں کُھل گئیاں تے اُوہناں نے اُوہنوں پہچان لیہیا‘‘ (لوقا 24: 31)۔

اُوہناں دے نال ایہہ کیویں رونما ہویا سی؟ پہلاں مسیح نے اُوہناں دی مذمت کیتی سی۔ پچیسویں آیت تے نظر پاؤ،

’’فیر اُوہنے اُوہناں نوں کیہیا، ہائے تُسی کیہنے نادان تے نبیاں دی دسیاں ہوئیاں گلاں نوں قبول کرن وِچ کیس قدر سُست ہو‘‘ (لوقا 24: 25)۔

اُو سخت الفاظ نے۔ پرانے مبلغین ایہنوں ’’شریعت‘‘ دی تبلیغ کہندے سن – تے اُو کہندے سن کہ خوشخبری دے پیش کیتے جان توں پہلاں شریعت دی تبلیغ کیتی جانی چائیدی اے۔ میں ایہناں نال متفق آں۔

تے میں اِج دی سویرے تہانوں اُوہی گل دس رہیا آں جیہڑی مسیح نے اُوہناں دو بندیاں نوں کہی سی۔ تُسی اِک ’’احمق‘‘ اُو جیہڑا یقین کرن وِچ بہوتا سُست اے۔ تُسی کئی وری صحیفیاں دی وضاحت تے تبلیغ نوں حاصل کر چکے اُو – تہاڈے وِچوں کُج نے اَن گنت وری – تے فیر وی تُسی ’’یقین کرن وِچ سُست دِل‘‘ اُو۔ شرم کرو! کی ایہہ سچ نئیں اے؟ نئے لوکی ساڈے گرجا گھر وِچ آئے نے تے بلکہ بہوتی تیزی نال نجات پا گئے نے۔ جدوں کہ تُسی ہوا دے رُخ تے مُڑن آلے بغیر اثر دے اِک دے بعد دوجا واعظ سُن رئے ہوندے اُو۔

جے تُسی کدی وی مسیح وِچ ایمان لیہیا کے تبدیل ہون دی توقع کردے اُو، تے تُہانوں ایہہ ویکھنا چائیدا اے کہ تُسی کیہنے ’’احمق‘‘ بن چکے اُو! اِیس گل نوں اِک پاسے کرو تے ایہدے بارے چہ سوچو – تے اپنے آپ نوں کہوو، ’’میں اِک احمق، اَنّہا بیوقوف رہیا آں۔ میں یقین کرن وِچ نہایت سُست رہیا آں۔ جے کدی کوئی احمق سی تے اُو میں آں۔‘‘ میہنوں نئیں لگدا کہ تہاڈے وِچوں کُج کدی مسیح وِچ ایمان لیہیا کے تبدیل ہو جان گے جے تُسی اپنے آپ اینج باطنی طور تے ملامت کرنا شروع نئیں کردے اُو۔ اپنے آپ نوں کہوو، ’’اوہ، میں کیہنا احمق آں! ہائے میں کیہو جیہا بدبخت آدمی آں! ایس موت دے بدن توں میہنوں کون چھڑائے گا؟‘‘ (رومیوں 7: 24)۔

ایہناں لوکاں نوں مسیح نوں ایس توں پہلاں ’’احمق‘‘ کہندے ہوئے سُنے ہوئے زیادہ عرصہ نئیں لنگہیا سی۔

’’اُوہناں دیاں اَکھاں کُھل گئیاں سن تے اُوہناں نے اُوہنوں پہچان لیہیا‘‘ (لوقا 24: 31)۔

مسیح دی تلغ تبلیغ نے اُوہناں دے کناں نوں پھوڑ ڈالیا سی تے اُوہناں نوں سوچن تے مجبور کر دِتا۔ اُوہدی تلخ ’’شریعت‘‘ دی تبلیغ نے اُوہناں نوں اُوہناں دے دھندلے تے بےجان مذہب توں بیدار کیتا۔ ایہہ اُوسی ویلے ہویا سی کہ اُوہناں دیاں ’’اَکھاں کھل گئیاں، تے اُو اُوہنوں پہچان گئے۔‘‘

کی تُسی بہوتے عرصے توں بیوقوف نئیں رئے؟ کی تُسی اِتوار در اِتوار نوں گرجا گھر گھر وِچ نئیں بیہندے، تے جدوں تُسی آئے سی تے نجات توں اُوہنے ای قریب تر نئیں سی جِنہے جدوں تُسی گھر گئے؟ کی تُسی درجنوں واعظ نئیں سُنے جِنہاں دا تہاڈے دِل تے کوئی اثر نئیں ہویا؟ کی اِک انصاف پسند خدا دے لئی ایہہ درست نہیں ہووے گا کہ اُو تہاڈے وگرے احمق نوں جہنم دے ابدی شعلیاں وِچ جھونک دے؟ جے تُسی اَج دوپہری مر گئے تے خداوند دے حضور کِھڑے ہو گئے تے تہاڈے کول کیہڑا بہانہ ہووے گا؟ تُسی کیہڑا عذر پیش کر سکدے اُو جدوں خدا نے تہانوں کہیا، ’’اے احمق، تے ایمان لیہیان وِچ سُست‘‘؟ تے جے تُسی ہُنے تیکر بیدار تے اپنی روح دے بارے وِچ بے فکر اُو تے میہنوں تہانوں اِک ’’احمق‘‘ سمجھنا چائیدا اے۔ تُسی تبدیلی وَل اپنی ماڑی جئی سُستی دے خلاف تلخ یا سخت تبلیغ دے بغیر کدی نئیں جاگو گے!

’’اُودھوں بادشاہ نے اپنے خادماں نوں کہیا، ایہدے ہتھ پیر باندھ کے ایہنوں باہر انہیرے وِچ ڈال دیو جیتھے اُو روندا تے دند پیستا رئے گا‘‘ (متی 22: 13)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔