ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یسوع اُوس دِن سجری سویرے گورنر پنیطُس پیلاطُس دے سامنے کِھلوتا سی۔ سردار کاہناں نے اُوہنوں اِک راتی پہلاں اُوس ویلے گرفتار کر لیہیا جدوں اُو دعا کر رہیا سی۔ اُوہناں نے اُوہنوں اپنے ہتھاں دی ہتھیلیاں نال ماریا تے اُوہدے چہرے تے تھوکیا۔ ہُن اُو اُوہنوں رومی گورنر دے کول گھسیٹ کے لے گئے تے اُوہدے تے اِلزام لگایا کہ اُو لوکاں نوں قیصر نوں ٹیکس دین توں منع کردا اے۔ ایہ جھوٹ سی، کیوں جے مسیح نے ایہدے برعکس کہیا سی۔ درحقیقت، یسوع نے خود ٹیکس ادا کیتا۔ اُوہناں نے اُوہدے تے لوکاں نوں بظاہر روم دے خلاف بغاوت تے اُکسان دا وی اِلزام لگایا۔ ایہ اِک ہُور صریح جھوٹ سی۔ تُسی ویکھیا، اُو پیلاطُس نوں اصل وجہ نئیں بتا سکے کہ اُو یسوع نوں مصلوب کرنا چاہندے سی۔ پیلاطُس سمجھ نئیں پاندا جے اُو اُوہنوں دسدے کہ اُو اُوہنوں نجات دہندہ دے طور تے قبول نئیں کرنا چاہندے۔ لہٰذا اُوہناں نوں اُوہدے نال چھٹکارا حاصل کرن دے لئی جھوٹ بولنا پیہیا۔

ہر سال فسح دے موقع تے رومی گورنر اِک یہودی قیدی نوں رہا کردا سی۔ ایہ اِک علامتی اِظہار سی جیہڑا روم نے یہودیاں نوں خوش کرن دے لئی کیتا سی۔ یہودی جیس قیدی نوں رہا کرنا چاہندے سی اُوہدا انتخاب کرسکدے سی۔

پیلاطُس نے پہلاں ای یسوع توں پوچھ گُجھ کیتی تے پایا کہ اُوہنے کوئی جرم نئیں کیتا اے۔ اُو یسوع نوں رہا کرنا چاہندا سی۔ اُو جانندا سی کہ ایہ حسد دی وجہ توں سی کہ یہودی رہنما اِیہنوں قتل کرنا چاہندے سی۔ لیکن پیلاطس نے سوچیا کہ عام یہودی یسوع نوں رہا کر کے خوش ہون گے۔ صرف اِک ہفتہ پہلاں اُوہناں نے ’’ہوسنہ!‘‘ دا نعرہ لگایا سی۔ جدوں یسوع یروشلم وِچ داخل ہویا۔ لیکن ہُن، کُجھ دِناں بعد، سردار کاہناں نے بھیڑ نوں اُکسایا کہ پیلاطُس قاتل براباس نوں چھڈ دین – تے اُو یسوع نوں مصلوب کرن دے لئی پکار رئے سی۔

ایس توں پہلاں دِن دے ویلے چہ پیلاطُس دی ووہٹی نے یسوع دے بارے وِچ اِک خواب ویکھیا۔ اُوہنے پیلاطُس نوں اِک پیغام پہیجھیا جیہدے چہ کہیا گیا سی، ’’تہاڈا ایس راستباز بندے نال کوئی لینا دینا نئیں…‘‘ (متی 27: 19)۔ لیکن پیلاطس نے کاہن دی کیتی ہوئی بُڑبُڑاہٹ نوں تسلیم کر لیہیا تے قاتل برابا نوں رہا کر دِتا جدوں اُو چیخ رئے سن ’’ایہنوں سولی تے چڑھاؤ‘‘ (مرقس 15: 14)۔

’’تے فیر پیلاطُس نے ہجوم نوں خوش کرن دی غرض نال اُوہناں دی خاطر برابا نوں رہا کر دِتا۔ تے یسوع نوں کوڑے لگوا کے، اُوہناں دے حوالہ کر دِتا تاکہ یسوع نے سولی تے چڑھایا جائے‘‘ (مرقس 15: 15)۔

پیلا طُس نے ہجوم نوں خوش کرن دی غرض نال اُوہناں دی خاطر برابا نوں رہا کر دِتا۔ تے یسوع نوں کوڑے لگوا کے اُوہناں دے حوالے کر دِتا کہ یسوع نے سولی چڑھا دِتا جائے۔

’’فیر میں یسوع دے نال کی کراں جِنہوں مسیح کہندے نے؟‘‘ (متی 27: 22)۔

ایہ واقعی سب توں وڈا سوال اے جیس دا تہانوں سامنا ہووے گا۔ تُسی یسوع دے نال کی کرو گے؟ تین ممکنہ جوابات نے۔

I۔ پہلی گل، تُسی اُوہدا [یسوع دا] مخول اُڑا سکدے اُو۔

یہ سی جیہڑا سردار کاہناں تے بزرگاں نے کیتا سی۔

ایس تے اُوہناں نے اُوہدے مُنہ تے تھوکیا، اُوہنوں مُکّے مارے تے بعض لوکاں نے تے تھپڑ وی مار کے کہیا، اے مسیح، جے توں نبی اے تے نبوت کر، دَس تیہنوں کیہنے ماریا اے؟‘‘ (متی 26: 67۔68)۔

’’ایویں ای سردار کاہن، شریعت دے عالمین تے بزرگاں دے نال مل کے اُوہدی ہنسی اُڑاندے سی تے کہندے سی، اُوہنے اوراں نوں بچایا لیکن اپنے آپ نوں نئیں بچا سکیا۔ ایہ تے اسرائیل دا بادشاہ اے، جے ہُنے وی ایہ سولی تے اُتر آئے تے اَسی ایہدے تے ایمان لے آواں گے‘‘ (متی 27: 41۔42)۔

جے مسیح نے اُو ای کیتا ہوندا جیہڑا اُوہناں نے کہیا سی؟ جے اُو سولی توں ہیٹاں آیا ہوندا تے کیا ہوندا؟ اُو یقیناً اینج کر سکدا سی۔ اُوہناں لہراں نوں خاموش کر دِتا۔ اُو پانی تے ٹُریا۔ اُوہنے بدروحواں نوں کڈیا۔ اُوہنے بیماراں نوں شفا دِتی۔ اُوہنے مُردیاں نوں وی زندہ کیتا۔ اُو یقیناً سولی توں ہیٹاں آ سکدا سی۔ لیکن کی ہوندا جے اُو آ گیا ہوندا؟ کیوں، جے اُوہنے اینج کیتا ہوندا، تے ساڈے وِچوں کئی وی نجات نئیں پا سکدا سی!

یسوع نے پیلاطُس نوں کہیا، ’’میں ایس ای مقصد دے لئی پیدا ہویا، تے ایس ای وجہ توں میں دُنیا وِچ آیا‘‘ (یوحنا 18: 37)۔ یسوع سولی تے مرن دے لئی ایس دُنیا وِچ آیا سی۔

’’یسوع دُنیا وِچ گنہگاراں نوں بچان دے لئی آیا سی‘‘ (I تیمتھیس 1: 15)۔

’’مسیح ساڈے گناہواں دی خاطر قربان ہو گیا‘‘ (I کرنتھیوں 15: 3)۔

لیکن خدا ساڈے لئی اپنی محبت ایویں ظاہر کردا اے کہ جدوں اَسی گنہگار ای سن تے مسیح نے ساڈی خاطر اپنی جان قربان کر دِتی۔ پس جدوں اَسی مسیح دے لہو وگان دی وجہ توں راستباز ٹھہرائے جان دی توفیق پائی تے سانوں ہُور وی یقین اے کہ اَسی اُوہدے وسیلے توں غضب الہٰی توں وی ضرور بچاں گے۔ کیوں جے جدوں خدا دے دشمن ہون دے باجود اُوہدے پُتر یسوع دی موت دے وسیلے توں سڈی اُوس خدا نال صلح ہو گئی تے صلح ہون دے بعد تے اَسی اُوس مسیح دی حیاتی دے سبب توں ضرور بچاں گے‘‘ (رومیوں 5: 8۔10)۔

جدوں مسیح سولی تے مر گیا، تے اُوہنے گنہگاراں دی نجات نوں ممکن بنایا۔ اُوہنے اپنے لہو دے وسیلے توں راستبازی نوں ممکن بنایا۔ اُوہنے خدا دے غضب توں نجات نوں ممکن بنایا۔ اُوہنے خدا دے نال مصالحت نوں ممکن بنایا۔ ایہناں وِچوں کوئی وی شے تہاڈے یا کسی ہُور دے لئی دستیاب نہ ہوندی جے مسیح اُوہناں لوکاں دی سُنندا جِنہاں نے اُوہدا مخول اُڑایا تے سولی توں ہیٹاں اُتر آندا۔

سردار کاہن تے بزرگ یسوع دا مذاق اُڑان آلیاں دا نمونہ سن۔ تے ایویں ای اَج ایہناں لوکاں نال وی اے جیہڑے خدا دے پُتر دا مذاق اُڑاندے نے تے اُوہنوں حقیر سمجھدے نے، جیہڑے اُوہنوں محض اُستاد یا نبی دا کردار بنا کے درجہ گھٹ کردے نے، یا اُوہنوں اِک گمراہ دیوانہ سمجھدے نے۔

’’فیر میں یسوع دے نال کی کراں جِنہوں مسیح کہندے نے؟‘‘ (متی 27: 22)۔

تُسی اُوہدا مذاق اُڑا سکدے اُو تے اُوہدی توہین کر سکدے اُو – لیکن جے تُسی اینج کردے اُو، تے تُسی اُوہدی محبت تے اُوس نجات نوں ٹھکرا دِتا اے جیہڑی اُو تہانوں پیش کردا اے۔

’’اُو جیہڑا ایمان لیہیائے نجات پائے گا‘‘ (مرقس 16: 16)۔

تُسی یسوع دے نال کی کرو گے جِنہوں مسیح کہیا جاندا اے؟

II۔ دوجی گل، تُسی غیر جانبدار ہون دا بہانہ کر سکدے اُو۔

یہی تھا جو پیلاطوس نے کیا۔

’’پیلاطُس نے پانی لیہیا، تے ہجوم دے سامنے اپنے ہتھ دھوئے، تے کہیا، میں ایس راستباز بندے دے لہو توں آزاد ہونا آں‘‘ (متی 27: 24)۔

ڈاکٹر رائری دسدے نے کہ جدوں پیلاطُس نے لوکاں دے سامنے اپنے ہتھ دھوئے سن تے اُو ’’یہودی رسم و رواج دی پیروی کر رہیا سی جیہڑے اُوس زمانے وِچ جائز طور تے اِستعمال کیتا جاندا سی (حالانکہ پیلاطُس دے معاملے وِچ اینج نئیں سی) اِک بے گناہ آدمی نوں غلط موت وِچ ملوث ہون توں بچان دی علامت سی‘‘ (رائری دا مطالعۂ بائبل The Ryrie Study Bible، متی 27: 24 تے غور طلب گل)۔

پیلاطس دا ہتھ دھون دا اِستعمال کیوں جائز نئیں سی؟ ایہ رواج استثنا 21: 1-7 تے مبنی سی۔ ایہ کہندا اے،

’’جے اُوس مُلک وِچ جِنہوں خداوند تہاڈا خدا تہاڈے قبضے وِچ دے رہیا اے، کسی مقتول دی لاش میدان وِچ پیہئی ہوئی لبھے تے ایہ معلوم نہ ہووے کہ اُوہدا قاتل کون اے … اُوس شہر دے سارے بزرگ … اپنے ہتھ دھون … تے اُو جواب دین تے ایویں اِعلان کرن، ایہ لہو ساڈے ہتھوں نئیں ہویا تے نہ ایہنوں ساڈی اَکھاں نے ہوندے ہوئے ویکھیا اے‘‘ (اِستثنا 21: 1، 6۔7)۔

پیلاطُس نے غیرجانبدار رہن دی کوشش وِچ ایس رواج نوں غلط طریقے نال استعمال کیتا۔ ایہ کوئی راز نئیں سی کہ مسیح نوں کیہنے ماریا، لہٰذا اِستثناء دے حوالے دا اِطلاق نئیں ہویا۔ ہر کوئی جانندا اے کہ پیلاطُس مسیح دی موت دا ذمہ دار سی۔ اُو اُوہنوں اُودھوں جانندے سن – تے اُو ہُن جانندے نے۔ تے پیلاطُس خود ایہنوں جانندا سی۔ اُوہنے یسوع نوں کہیا،

’’کی تُسی میرے نال گل نئیں کردے؟ کی تُسی نئیں جانندے کہ میں تہانوں سولی تے چڑھان دا اِختیار رکھنا آں تے تہانوں چھڈن دا اِختیار رکھنا آں؟‘‘ (یوحنا 19:10)۔

پیلاطُس اپنے ہتھ دھو سکدا سی تے اُوتھے جا سکدا سی تے سردار کاہناں تے ہجوم تے اِلزام لگا سکدا سی – لیکن اپنے دِل وِچ اُو جانندا سی کہ ایہ اُو [خود] اے، نہ کہ اُو [لوکی]، جِنہاں دی کنڈ تے روم دی طاقت سی۔ ایہ اُو [خود] سی، نہ کہ اُو [لوکی]، جیہڑے اُوہنوں سولی تے چڑھان دی طاقت رکھدے سن۔ ایہ سچ اے کہ اُو ذمہ دار سن، لیکن ایہ پیلاطُس سی جِنہے

’’... سزا دتی کہ جیویں کہ اُوہناں دی لوڑ اے اُو ای ہونا چائیدا اے‘‘ (لوقا 23: 24)۔

’’تے ایویں پیلاطُس نے … یسوع نوں کوڑے مار کے سولی تے چڑھان دے لئی حوالے کر دِتا‘‘ (مرقس 15:15)۔

’’اُوہنے اُوہنوں سولی تے چڑھان دے لئی پیش کیتا‘‘ (متی 27: 26)۔

ایس ای لئی پرانا عقیدہ کہندا اے، ’’پینطُس پیلاطُس دے تحت مصلوب کیتا گیا۔‘‘ ایہ پیلاطُس دے حکم دے تحت سی کہ یسوع نوں سولی تے کیلاں نال جڑیا گیا سی۔

پیلاطُس، وی، اِک شبیہہ یا نمونہ اے۔ اُو اُوس بندے دی تصویر کشی کردا اے جیہڑا غیرجانبدار رہن دا ڈرامہ کردا اے۔ بُہتیرے لوکی جیہڑے اِک مسیحی گھرانے وِچ پرورش پاندے نے لیکن مسیح وِچ ایمان لیہیائے بغیر غیرتبدیل شُدہ رہندے نے اُو پیلاطُس وانگوں نے۔ تُسی اپنے آپ نوں ایہ سوچن وِچ بے وقوف بنان دے لئی لفظی چالاں تے منطقی کھیڈاں دا استعمال کردے نے کہ تُسی مسیح دے ذریعہ نمایا تھاں تے نئیں آئے اُو۔ لیکن تہانوں موقع تے رکھیا گیا اے۔ تہانوں فیصلہ کرنا چائیدا اے کہ مسیح دے نال کی کرنا اے۔ اینج ہو ای نئیں سکدا کہ تُسی اپنے ہتھ دھو سکدے اُو تے سوال توں فرار حاصل کر لو،

’’فیر میں یسوع دے نال کی کراں جِنہوں مسیح کہندے نے؟‘‘ (متی 27: 22)۔

غور کرو کہ پیلاطُس دے اپنے سوال توں پتہ چلدا اے کہ اُو غیرجانبدار نئیں رہ سکدا، ’’فیر میں یسوع دے نال کی کراں …؟ اُوہنے ایس ای سوال وِچ انکشاف کیتا کہ اُوہنوں حتمی فیصلہ کرنا اے۔ تے اُوہدے اپنے سوال دے الفاظ ایہ ظاہر کردے نے کہ پیلاطُس پہلاں ای توں جانندا سی کہ حتمی فیصلہ اُوہدا اے – نہ کہ اُوہناں [لوکاں] دا۔ ایہدے نال کوئی فائدہ نئیں ہوندا کہ اُوہناں نے کی کہیا یا کیتا، آخر وِچ فیصلہ یا چناؤ تے اُوہنے ای کیتا سی۔

’’فیر میں یسوع دے نال کی کراں جِنہوں مسیح کہندے نے؟‘‘ (متی 27: 22)۔

تہانوں وی ایہدا جواب دیہنا چائیدا اے۔ تُسی ایہدے توں فرار حاصل نئیں کر سکدے۔ تُسی یسوعدے نال کی کرو گے؟

کی تُسی اُوہدے توں بچو گے جیویں کہ پیلاطُس نے کوشش کیتی سی؟
یا تُسی اُوہدا اِنتخاب کرو گے، پاویں جو وی ہووے؟
تُسی اُوہدے توں چھپان دی فضول جدوجہد کردے اُو؛
تُسی یسوع دے نال کی کرو گے؟
تُسی یسوع دے نال کی کرو گے؟ غیر جانبدار تُسی ہو نئیں سکدے۔
کسی دِن تہاڈا دِل پُچھے گا، ’’اُو میرے نال کی کرے گا؟‘‘
   (’’تُسی یسوع دے نال کی کرو گے؟What Will You Do With Jesus?‘‘ شاعر البرٹ بی سمپسن Albert B. Simpson، 1843۔1919)۔

’’فیر میں یسوع دے نال کی کراں جِنہوں مسیح کہندے نے؟‘‘ (متی 27: 22)۔

ایہ واقعی اِک باطنی سوال اے۔ خدا دے تے تہاڈے سوا کوئی نئیں جان سکدا تہاڈا جواب کینج دا ہووے گا – حالانکہ جے تُسی ایہدے تے پروہسا کردے اُو تے تُسی بعد وِچ گواہی دین دے قابل ہو جاؤ گے۔ لیکن ایس باطنی لمحے وِچ، صرف تُسی تے خدا جان لئے گا کہ تُسی یسوع دے نال کی کیتا جِنہوں مسیح کہیا جاندا اے۔

III۔ تیجی گل، تُسی اُوہدے تے پروہسا کر سکدے اُو۔

تُسی اُوہدے مذاق اُڑا سکدے اُو۔ تُسی غیرجانبدار ہون دا بہانہ کر سکدے اُو۔ یا تُسی اُوہدے تے پروہسا کر سکدے اُو۔ میہنوں لگدا اے کہ صرف ایہ ای تین اِمکانات نے۔ شاید تُسی کیس ہُور دے بارے وِچ سوچ سکدے اُو، لیکن میں نئیں کر سکدا۔ تُسی یا تے اُوہدے خلاف مُردہ اُو، جیویں سردار کاہناں تے چیخن آلے ہجوم وانگوں – یا تُسی اَگے پیچھے ڈگمگاندے ہوئے تذبذب دا شکار اُو، تے غیر جانبدار رہن دی کوشش کر رئے اُو، پیلاطُس وانگوں – یا تُسی اُوس چور وانگوں پروہسا کردے اُو جِنہوں اُوہدے نال سولی تے چڑھیا گیا سی۔ میرے خیال وِچ جدوں تہانوں حیاتی دے سب توں وڈے سوال دا سامنا کرنا پیہندا اے تے اُو صرف تین ای اِمکانات ہوندے نے،

’’فیر میں یسوع دے نال کی کراں جِنہوں مسیح کہندے نے؟‘‘ (متی 27: 22)۔

ایتھے کوئی غلطی نہ کرو۔ اُو ڈاکو یسوع تے یقین نئیں کردا سی جدوں اُو پہلی وری ساڈے خداوند دے نال سولی تے مصلوب کیتا گیا سی۔

’’اُوہناں نے اُوہنوں سولی تے چڑھایا، تے اُوہدے نال دو ہُور، اِک اِک دوویں پاسے، تے وِچکار یسوع‘‘ (یوحنا 19: 18)۔

دِن دے پہلے پہر وِچ جدوں تپدا سورج ایہناں تینہاں صلیباں تے سُلگ رہیا سی تے سردار کاہن تے لوکاں دا مجمع اُوہدے تے چیخ رئے سن تے اُوہدا مذاق اُڑا رئے سن۔

ڈاکوواں وی، جیہڑے اُوہدے نال مصلوب کیتے گئے سن، اُوہنوں لعن طعن کر رئے سن‘‘ (متی 27: 44)

دوویں ڈاکوواں نے ایہ کہندے ہوئے اُوہدے بے عزتی کیتی،

’’جے توں خدا دا پُتر اے تے سولی توں ہیٹاں آ‘‘ (متی 27: 40)۔

فیر دوپہر دے ویلے ’’ساری زمین تے انہیرا چھا گیا‘‘ (متی 27: 45)۔ یسوع نے کہیا،

’’اے باپ، ایہناں نوں معاف کر، کیوں جے اُو نئیں جانندے کہ اُو کی کردے نے‘‘ (لوقا 23: 34)۔

تے چوراں وِچوں اِک آپئے اپنے گناہواں دے بارے وِچ سوچن لگا۔

جدوں اِک بندہ اپنے گناہ دے بارے وِچ سوچنا شروع کر دیہندا اے تے اُو مسیح وِچ ایمان لیہیا کے چھیتی ای تبدیل ہو سکدا اے۔ تُسی بُرا نہ مناؤ، موت نئیں ہوندی۔ بہتیرے لوکی جانندے نے کہ اُو مر رئے نے۔ دوجے چور نوں معلوم سی کہ اُو مر رہیا اے۔ میں اِک وری اِک بندے نوں مِلن گیا جیہڑا جانندا سی کہ اُو مر رہیا اے۔ اُوہنے نرس نوں کہیا، ’’ایہنوں کمرے توں باہر کڈ دیو، میں مذہب دے بارے وِچ نئیں سُننا چاہندا۔‘‘ میں خاموشی نال ٹُر گیا۔ چند گھنٹیاں بعد اُوہدی موت ہو گئی۔ اُو میرا بیلی سی۔ لیکن اُو اپنے گناہ دے بارے وِچ کدی ہوش وِچ نئیں آیا تے ایس لئی، اگرچہ اُو جانندا سی کہ اُو مر رہیا اے، اُوہدی مسیح وِچ کوئی دلچسپی نئیں سی۔ ایتھوں تیکر کہ جدوں اِک بندے نوں موت دا سامنا کرنا پیہندا اے تے اُو مسیح وِچ دلچسپی نئیں لے گا جدوں تیکر کہ اُو گناہ دی سزا دے تحت نہ ہووے۔

ہاں، اِیہناں دو چورراں وِچوں اِک اپنے گناہواں دے بارے وِچ سوچن لگا۔

’’تے دو مجرم جیہڑے مصلوب کیتے گئے سن، اُوہناں وِچوں اِک نے یسوع نوں لعن طعن کردے ہوئے کہیا: جے توں مسیح اے تے اپنے آپ نوں تے سانوں بچا۔ لیکن دوجے نے اُوہنوں ڈانٹیا تے کہیا، کی تیہنوں خدا دا خوف نئیں حالانکہ توں خود وی اُو ای سزا پا رہیا اے؟ اَسی تے اپنے جرماں دی وجہ توں سزا پا رئے آں، تے ساڈا قتل کیتا جانا واجب اے لیکن ایس انسان نے کوئی غلط کام نئیں کیتا اے۔ تے اُوہنے یسوع نوں کہیا، ’اے خداوند! جدوں توں اپنے بادشاہی وِچ آئے تے میہنوں یاد رکھیں‘۔ یسوع نے اُوہنوں جواب دِتا، میں تیہنوں یقین دلانا آں کہ توں اَج ای میرے نال فردوس وِچ ہووے گا‘‘ (لوقا 23: 39۔43)۔

کی تُسی ایس کہانی نوں اکثر ایس لئی سُنیا اے کہ ایہدے نال تہاڈے تے کوئی اثر پڑے؟ جے تہاڈے تے اثر پیہیا اے تے میہنوں تہاڈے تے ترس آندا اے۔ اِک مرد یا عورت جیہڑا مردے ہوئے چور دی نجات دے بارے وِچ سُن کے جذبات وِچ نئیں آندا اُو میرے لئی قابل رحم، دُکھی، قابلِ افسوس اے۔

ایہ مسیح وِچ ایمان لیہیا کے تبدیل ہون دی سولی تے مثالی تبدیلی اے – ایہناں ساری تبدیلیاں دی اِک تصویر جیہڑی ایہدے بعد سامنے آن گئیاں۔ اُوس ویلے توں لے کے ہُن تیکر دی ساری حقیقی تبدیلیاں دے دو ای عناصر نے – گناہ دی یقین دہانی تے یسوع وِچ ایمان؛ اِک دے بغیر تُسی دوجے نوں نئیں پا سکدے۔ صرف سزایابی ای ایس پچھتاوے دے سوا کُجھ نئیں اے جیہڑا یہوداہ نوں سی۔ صرف یسوع تے ذہنی اعتقاد ماسوائے کاتباں تے فریسیاں دے سرسری ذخیرہ شُدہ مطالعیاتی علم توں بوہتا کُجھ نئیں۔ مسیح وِچ ایمان لیہیان دی سچی تبدیلیاں، تبدیل شُدہ چور دے نمونے دی پیروی کردی نے – گناہ دی سزایابی، ایہدے بعد یسوع تے پروہسا۔

اُوہنے دُرست الفاظ دا انتخاب نئیں کیتا سی۔ اُوہنے ’’نجات دے منصوبے‘‘ نوں نئیں سُنایا سی۔ اُو ’’اَگے نئیں ودھیا‘‘، بپتسمہ نئیں لیہیا، یسوع نوں ’’اپنے دِل وِچ‘‘ نئیں کہیا یا مسیح نوں ’’اپنی حیاتی دے ہر شبعے‘‘ دا خداوند نئیں بنایا۔ اُوہدے کول گناہ دی سزا دے علاہ کوئی جذباتی احساس نئیں سی۔ اُوہنے کوئی وی ایہو جیہا کام نئیں کیتا جیہڑا جدید ’’فیصلہ ساز‘‘ کردے نے – کیوں جے تُسی ویکھدے اُو، تہاڈے کول اِک پرانے طرز دی تبدیلی سی۔ پولوس، تے آگسٹین، تے لوتھر، تے بنیعان، تے وائٹ فیلڈ، تے ویزلی، تے سپرجیئن وانگوں – اُو گناہ دا مجرم ٹھہرایا گیا سی – تے فیر یسوع تے پروہسا کیتا، اِک سادہ لیکن گہرا عمل۔ یسوع نے کہیا، ’’توں اَج ای میرے نال جنت وِچ ہووے گا‘‘ (لوقا 23: 43)۔

ایہ گل ایہدا خلاصہ کردی اے، کی نئیں کردی اے؟ تُسی ایہدا مذاق اُڑا سکدے اُو۔ تُسی غیر جانبدار ہون دا بہان کر سکدے اُو۔ یا تُسی اُوہدے تے پروہسا کر سکدے اُو۔ اُوہناں وِچوں ایہ تہاڈے لئی کیہڑا ہووے گا؟ حیاتی دے سب توں وڈے سوال دا جواب کیویں دیو گے،

’’فیر میں یسوع دے نال کی کراں جِنہوں مسیح کہندے نے؟‘‘ (متی 27: 22)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔