ایہ ابنِ آدم کون اے؟ | Who Is This Son of Man?

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

حال ای وِچ کسی نے میرے اِک واعظ تے ردعمل ظاہر کیتا تے میہنوں درج ذیل غور طلب گل لکھی،

میں جاننا چاہنا آں، ایہ کیتھے کہیا جاندا اے کہ دوجے مذہباں جیویں بدھ مت یا ہندو مت تہانوں نئیں بچان گے، یا مرن دے بعد تہانوں جنت وِچ نئیں پہنچان گے؟ بائبل کیتھے کہندی اے کہ صرف مسیحیت ای تہانوں بچائے گی؟ کی مسیحیت مختلف گلاں نوں برداشت کرن دے بارے وِچ نئیں اے، جیویں کہ مذہب، لوکی وغیرہ؟

میں پہلاں آخیرلے جملے دا جواب دیا گا۔ جی ہاں، سچی مسیحیت دوجے مذھباں نوں برداشت کردی اے۔ لیکن لفظ ’’برداشت‘‘ دا کی مطلب اے؟ ایہدا مطلب اے ’’منظور کرنا‘‘ یا ’’اِجازت دینا۔‘‘ پروٹسٹنٹ تے بپتمسہ دین آلی مسیحیت دے کول دوجیاں نوں مختلف عقیدیاں تے عمل کرن دی منظوری تے اِجازت دین وِچ کسی وی عالمی مذہب دا بہترین ریکارڈ اے۔ اپنی کتاب زیرِ اثر ہون دے تحت: کیویں مسیحیت نے تہذیب نوں بدل ڈالیا Under the Influence: How Christianity Transformed Civilization (ژونڈروان Zondervan، 2001) وِچ، ماہر عمرانیات ڈاکٹر ایلون جے شمٹ Dr. Alvin j. Schmidt ظاہر کردے نے کہ اَسی مغربی دُنیا وِچ جن آزادیاں تے حقوق نوں قبول کرنے آں اُو ’’وڈی حد تیکر مسیحی اثر و رسوخ دا نتیجہ نے‘‘ (گذشتہ گل توں منسلک ibid.، صفحہ 248)۔ لیکن جدوں کہ مسیحی دوجیاں نوں اپنے عقیدیاں تے عمل کرن دی ’’منظوری‘‘ دیہندے نے تے ’’اِجازت دیہندے نے‘‘، اَسی یقین رکھنے آں کہ گناہ توں نجات صرف یسوع مسیح دے ذریعے لبھدی اے۔

جیس شخص نے میہنوں اُو غور طلب گل لکھی اُوہنے پُچھیا، ’’ایہ کیہنے لکھیا اے کہ دوجے مذاہب جیویں بدھ مت یا ہندو مت تہانوں نجات نئیں دلان گے … بائبل کیتھے کہندی اے کہ صرف مسیحیت ای تہانوں نجات دلائے گی؟‘‘ میں ایہ کہہ کے جواب دِتا کہ میرا ایہ مطلب کدی وی نئیں سی کہ ’’مسیحیت‘‘ تہانوں نجات دلائے گی۔ میں کہیا، ’’یسوع ای واحد نجات دہندہ اے۔‘‘ ایہ اُو ہستی اے جیہڑی بنی نوع انسان دی نجات دہندہ اے۔ فیر میں اُوس شخص نوں بائبل دی دو آیتاں دِتیاں جیہڑیاں ایہ دسدیاں نے۔ مثال دے طور تے، یسوع نے کہیا،

’’راہ تے حق تے حیاتی میں ای آں۔ میرے وسیلے توں بغیر کوئی باپ دے کول نئیں آندا‘‘ (یوحنا 14: 6)۔

’’یسوع ای اُو پتھر اے جِنہوں تُسی معماراں نے رد کیتا، لیکن اُوہی کونے دے سِرے دا پتھر ہو گیا۔ نجات کسی ہُور دے وسیلہ توں نئیں اے، کیوں جے آسمان دے ہیٹاں لوکاں نوں کوئی دوجا ناں نئیں دِتا گیا اے جیس دے وسیلہ توں اَسی نجات پا سکیے‘‘ (اعمال 4: 11۔12)۔

بائبل دیاں اُو آیتاں اَج بہتیرے لوکاں نوں پریشان کردیاں نے۔ لیکن جیہڑا سوال اُوہناں نوں خود توں پُچھنا چائیدا اے اُو ایہ اے کہ کی ایہ سچ اے یا غلط؟ کی یسوع مسیح نسل انسانی دا نجات دہندہ اے یا نئیں؟ ایہناں سوالاں دا جواب دیہن دے لئی سانوں ایہ جاننا چائیدا اے کہ بائبل ایہدے بارے وِچ کی کہندی اے۔

اَج سویرے ساڈی بائبل دی تلاوت یوحنا دے بارہویں باب توں سی۔ کلام پاک دے ایس حوالے وِچ یسوع نے لوکاں نوں دسیا کہ اُوہنوں مارن دے لئی سولی تے چڑھا دِتا جائے گا۔ ایہناں وِچوں بہوتی سارے لوکی پہلاں ای من چکے سن کہ اُو المسیح، یعنی مسیحا اے۔ لیکن اُو سمجھدے سن کہ مسیحا کدی نئیں مرے گا۔ اُوہناں نے پرانے عہدنامے دے بعض حصیاں نوں پڑھیا سی جیہڑے اُوہدی ابدی حکومت دی پیش گوئی کردے سن، جیویں اشعیا 9: 7۔ لیکن اُو پرانے عہدنامے وِچ دیگر پیشن گوئی دے حوالے یاد رکھن وِچ ناکام رئے جِنہاں وِچ انسان دے گناہ دے لئی اُوہدیاں مصیبتاں تے موت دی پیشن گوئی کیتی گئی سی، جیویں اشیعا 53 باب، جیتھے نبی نے کہیا،

’’لیکن اُو ساڈی خطاواں دے سبب توں گھائل کیتا گیا، تے ساڈی بداعمالی دے باعث کُچلیا گیا؛ جیہڑی سزا ساڈی سلامتی دی وجہ بنی اُو اُوہدے تے آئی، تے اُوہدے کوڑے کھان نال اَسی شفایاب ہوئے‘‘ (اشعیا 53: 5)۔

اُو ایہ وی یاد رکھن وِچ ناکام رئے کہ داؤد نے اِک ہزار وریاں پہلاں کی لکھیا سی۔

’’اے میرے خدا، اے میرے خدا توں میہنوں کیوں چھڈ دِتا؟ … اُوہناں نے میرے ہتھاں پیراں نوں چھیدیا … اُوہناں نے میرے کپڑیاں نوں آپس چہ ونڈ لیہیا، تے میرے لباس تے قرعہ پایا‘‘ (زبور 22: 1، 16، 18)۔

اُوہناں نے زکریا نبی دے لفظاں دے بارے وِچ وی نئیں سوچیا، جیہڑے مسیح دی پیدائش توں تقریباً پنج سو وریاں پہلاں کہے گئے سن:

’’اُو میہنوں ویکھن گے جِنہوں اُوہناں نے چھیدیا اے‘‘ (زکریا 12: 10)۔

اُو صرف اُوہدی ابدی بادشاہی دی پیشن گوئیاں دے بارے وِچ سوچدے سن۔ تے ایس لئی کہن لگے،

’’اَسی شریعت [پرانے عہدنامے] وِچ سُنیا اے کہ المسیح [یعنی مسیح] ہمیشہ زندہ رئے گا، فیر تُسی کیویں کہندے اُو، ابنِ آدم دا سولی تے چڑھایا جانا ضروری اے؟ ایہ ابنِ آدم کون اے؟‘‘ (یوحنا 12: 34)۔

ایہ ابنِ آدم کون آے؟ ایہو ای اُو بنیادی سوال اے جیہڑا اَج دُنیا دے ہر مرد تے عورت نوں درپیش اے۔ نئے عہدنامے دا پیغام ایس ای نکتے تے مرکوز اے۔ ایہ یسوع دا اپنے لئی پسندیدہ ناں اے۔ اُوہناں چاروں انجیلاں متی، مرقس، لوقا تے یوحنا وِچ تریاسی وری خود نوں ’’ابنِ آدم‘‘ کہیا۔ آؤ ایس اصطلاح دے معنیاں تے غور کریے۔

I۔ پہلی گل، ایہدا مطلب ہوندا اے کہ اُو اِک حقیقی شخص اے۔

بُہتیرے لوکی سمجھدے نے کہ یسوع اِک روح اے۔ کُجھ لوکی ایہ وی سوچدے نے کہ اُو روح القدس اے۔ لیکن اُو غلط نے۔ مسیح روح نئیں اے۔ کرسمس دے حقیقی معنی لفظ ’’متجسم ہونا‘‘ وِچ پائے جاندے نے۔ ایہدا مطلب اے کہ خدا بیٹا اپنی پیدائش دے ویلے ’’انسانی جسم وِچ پیدا ہویا‘‘ سی۔ بائبل کہندی اے،

’’کلام مجّسم ہویا تے ساڈے وِچکار خیمہ زن ہویا‘‘ (یوحنا 1: 14)۔

جیویں کہ کرسمس دا اِک گیت ایہنوں تحریر کردا اے،

پیو دا کلام، ہُن جسمانی طور تے ظاہر ہوندا اے،
اے لوکو، آؤ اَسی اُوہدی پرستش کریے، اے لوکو، آؤ اُوہدی عبادت کریے،
اے لوکو، آؤ اَسی اُوہنوں سجدہ کریے، مسیح خداوند۔
(’’آؤ، اے سارے ایماندارو O Come, All Ye Faithful‘‘ ترجمہ فریڈرک اوکلے Frederick Oakley، 1802۔1880)۔

یا، جیویں کہ چارلس ویزلی اپنے کرسمس دے گیرت وِچ ایہنوں تحریر کردے نے،

انسانی جسم دے پردے چہ اُو قادرِ مطلق ویکھدا اے؛
   اُوس متجسم خدائی دی ستائش ہووے،
لوکاں وِچ رہن دے لئی انسان بن کے خوش ہویا،
   یسوع، ساڈا عمانوایل۔
توجہ نال سنو، قاصد فرشتے گاندے نے،
   ’’نئے پیدا ہوئے بادشاہ نوں جلال ہووے۔‘‘
(’’توجہ نال سنو! قاصد فرشتے گاندے نے Hark, the Herald Angels Sing‘‘ شاعر چارلس ویزلی Charles Wesley، 1707۔1788)۔

عظیم ماہر الہیات ڈاکٹر ولیم جی ٹی شیڈ Dr. William G. T. Shedd نے کہیا،

مسیح پیدا ہویا تے مر گیا، بھوکا رہیا تے پیاسا رہیا، نوزائیدگی توں بچپن تے جوانی تیکر پروان چڑھیا، لذت تے درد دی تبدیلیاں دا نشانہ بنایا گیا، آزمائش دے نال نبرد آزما ہویا تے جدوجہد کیتی – مختصر ایہ کہ انسان دے سارے تجربات سن سوائے اُوہناں دے جِنہاں وِچ گناہ شامل نے (ڈبلیو۔ جی۔ ٹی۔ شیڈ W. G. T. Shedd، عقیدیاتی علمِ الہٰیات Dogmatic Theology، پی اور آر اشاعتی خانے P and R Publishing، دوبارہ اشاعت 2003، صفحہ 646)۔

ایس توں علاوہ، جدوں مسیح مُردیاں وِچ جی اُٹھیا، اُو روح نئیں سی۔ اُوہدا گوشت تے ہڈیاں قبر توں اُٹھیا۔ جی اُٹھے مسیح نے کہیا،

’’میرے ہتھ تے پیراں نوں ویکھو، میں ای آں! میہنوں چھو کے ویکھو؛ کیوں جے روح دی ہڈیاں تے گوشت نئیں ہوندیاں نے، جیویں تُسی میرے چہ ویکھ رئے اُو۔‘‘ (لوقا 24: 39)۔

ایس ای گوشت تے ہڈی نال جی اُٹھیا یسوع آسمان تے اُٹھا لیہیا گیا (اعمال 1: 9)، تے ’’اُو ای یسوع، جیہڑا تہاڈے کولوں آسمان تے اُٹھا لیہیا گیا اے، اینج ای آئے گا جیویں تُسی اُوہنوں آسمان تے جاندے ویکھیا اے‘‘ (اعمال 1: 11)۔ ہُنے وی ’’اُو ای یسوع‘‘ ’’آسمانی مقامات تے [پیو دے] اپنے سجّہے ہتھ تے اے‘‘ (افسیوں 1: 20)۔

II۔ دوجی گل، ایہدا مطلب ہوندا اے کہ اُو خدا بیٹا اے۔

ڈاکٹر ہنری تھائیسن نے نشاندہی کیتی کہ لفظ ’’ابنِ آدم‘‘ اکثر اُوہدی الوہیت نوں ظاہر کردا اے۔

مثال دے طور تے، ایہ ابنِ آدم دے طور تے اے کہ اُوہدے کول زمین تے گناہواں نوں معاف کرن دا اِختیار اے (متی 9: 6)، سبت دی شریعت دی تشریح کرن دا (متی 12: 8)، تے سزا تے عمل کرن دا (یوحنا 5: 27)۔ ایہ ابنِ آدم دے طور تے اے کہ اُو اپنی جان بہتیریاں دے لئی فدیہ وِچ دیہندا اے (متی 20: 28)؛ کہ اُو اپنے فرشتیاں نوں سبھی ٹھوکر کھِلان آلی شیواں تے بدکاراں نوں اکٹھا کرن دے لئی پیہجھے گا (متی 13: 41)؛ کہ اُو اپنے جلال دے تخت تے بیٹھے گا (متی 19: 28؛ 25: 31)؛ کہ اُو دوبارہ آئے گا (متی 24: 24؛ 26: 64)۔ یقیناً، ایہ کہنا بہوتا زیادہ نئیں اے کہ اصطلاح [انسان دا پُتر] ایہناں حوالیاں وِچ الوہیت نوں ظاہر کرتی اے (ہنری سی تھائیسن، پی ایچ ڈیHenry C. Thiessen، درجہ بہ درجہ علمِ الہٰیات وِچ تعارفی لیکچرزIntroductory Lectures in Systematic Theology، عئیرڈمینز Eerdmans، 1971 دوبارہ اشاعت، صفحہ 141)۔

یسوع نے کہیا، ’’ابنِ آدم اپنے جلال دے تخت تے بیٹھے گا‘‘ (متی 19: 28)۔

’’کیوں جے گواہی دین آلے تین نے، یعنی باپ، کلام تے روح القدس: تے ایہ تینوں ایک ای نے‘‘ (I یوحنا 5: 7)۔

فرانسیسی فلسفی جین جیکوایس روسؤ Jean-Jacques Rousseau (1712-1778) نے اِک پروٹسٹنٹ دے طور تے پرورش پائی سی، لیکن اِک کیتھولک تے آخیر وِچ، اِک ایہو جیہا بندہ بن گیا جیہڑا ایہ مانندا سی کہ خدا نے کائنات بنائی تے فیر اُوہنوں چھڈ دِتا۔ اگرچہ اُو کسی وی آرتھوڈوکس یا تقلید پسند معنیاں وِچ مسیحی نئیں سی، لیکن اُو جانندا سی کہ مسیح انساناں وِچ منفرد اے۔ روسؤ نے کہیا سی، ’’جے سقراط فلسفی وانگوں زندہ رہیا تے مر گیا تے یسوع اِک خدا وانگوں زندہ رہیا تے مر گیا۔‘‘

III۔ تیجی گل، ایہدا مطلب ہوندا اے کہ اُو اُو ہستی اے جِیہڑی گناہ دے لئی کفارہ ادا کردی اے۔

’’ابن آدم نوں زمین تے گناہواں نوں معاف کرن دا اِختیار اے‘‘ (متی 9: 6)۔

’’ایہ نئے عہدنامے دا میرا اُو لہو اے جیہڑا بہتیریاں دے گناہواں دی معافی دے لئی وگایا جاندا اے‘‘ (متی 26: 28)۔

جدوں مسیح سولی تے مر گیا، تے اُوہنے انسانی گناہ دا کفارہ ادا کیتا۔ جدوں اُو مر گیا تے اُوہنے کہیا،

ایہدا کی مطلب سی؟ ایہدا مطلب سی کہ نجات دا سارا کام ختم ہو گیا سی۔ تُسی ایہدے وِچ کُجھ وی شامل نئیں کر سکدے۔ تُسی یا تے مسیح دے کول آندے اُو تے گناہ دی سزا توں نجات پا جاندے اُو – یا تُسی اُوہدے کول نئیں آندے، تے گناہ توں محفوظ نئیں رہندے۔ تُسی جو کُجھ مسیح دے نال کردے اُو اُو ایس گل دا تعین کردا اے کہ آیا تُسی اپنے گناہ دی سزا توں بچ گے یا گمراہ ہو گئے اُو۔

تے ایہو ای وجہ اے کہ یسوع لوکاں نوں پریشان کردا اے – اَج وی۔ تُسی ویکھیا، دُنیا دے سارے مذہب سکھاندے نے کہ تہانوں نجات پان دے لئی کُجھ کرنا چائیدا اے۔ لیکن یسوع کہندا اے، ’’نئیں۔‘‘ اُو خدا دا پُتر اے۔ اُو اکیلا ای جرمانہ ادا کر سکدا سی – تے اُوہنے ادا کیتا – سولی تے۔ اُوہنوں ’’سولی تے رسوائی‘‘ کہیا جاندا اے – تے ایہ نئے عہدنامے دی بنیادی تعلیم اے۔ صرف مسیح ای تہاڈے گناہ دا کفارہ ادا کر سکدا اے – کیوں جے صرف مسیح ای ابنِ آدم سی، انسانی جسم وِچ خدا بیٹا، سولی تے تہاڈے گناہ دی قیمت ادا کر رہیا سی۔ تے ایس لئی اُوہنے کہیا،

’’میرے وسیلہ دے بگیر کوئی باپ دے کول نئیں آندا‘‘ (یوحنا 14: 6)۔

مشہور آکسفورڈ یونیورسٹی دے پروفیسر سی ایس لوئیس C. S. Lewis نے کہا،

یا تے ایہ بندہ خدا دا پُتر سی، تے ہے: یا فیر دیوانہ یا ایس توں وی بدتر۔ تُسی اُوہنوں اِک احمق دے طور تے نظر انداز کر سکدے اُو، تُسی اُوہدے تے تھوک سکدے اُو تے اُوہنوں شیطان وانگوں مار سکدے اُو۔ یا تُسی اُوہدے قدماں تے ڈِگ سکدے اُو تے اُوہنوں خداوند تے خدا کہہ سکدے اُو۔ لیکن آؤ اَسی اُوہدے اِک عظیم انسانی اُستاد ہون دے بارے وِچ کسی قسم دی حماقت دا ساتھ نہ دئیے۔ اُوہنے ایہنوں ساڈے کرن دے لئی گنجائش ای نئیں چھڈی۔ اُوہدا اِرادہ ای نئیں سی (سی ایس لوئیس پی ایچ ڈی C. S. Lewis, Ph.D، محض مسیحیت Mere Christianity، نیویارک: دی میکمِیلن کمپنی New York: The Macmillan Company، 1952، صفحہ 40۔41)۔

اُو یسوع اے۔ خدا باپ نے اُوہنوں زمین تے تہاڈے گناہواں دا کفارہ ادا کرن دے لئی سولی تے مرن دے لئی پیہجھیا سی۔ اُو جسمانی طور تے مُردیاں وِچ جی اُٹھیا تے اِک ہور جہت وِچ، ’’آسمانی مقامات‘‘ وِچ ہُنے زندہ اے، (افسیوں 1: 20)۔ تُسی اُوہدے نال کی کرو گے؟ کی تُسی اُوہدے کول آؤ گے – یا تُسی اُوہنوں مسترد کرو گے؟ کی تُسی اُوہدے ذریعے بچائے جاؤ گے – یا تُسی ہمیشہ دے لئی گناہ وِچ کھو جاؤ گے؟ آؤ دعا کریے۔

آسمانی باپ، تے اپنے اِکلوتے پُتر نوں دُنیا وِچ پہیجھیا تاکہ گنہگاراں نوں سولی تے اپنی قربانی دی موت دے ذریعے سزا توں بچایا جا سکے۔ اَسی دعا کرنے آں کہ تُسی انّہی اَکھاں تے بہرے کان کھول کے نجات دا ایہ شاندار پیغام سنو۔ اَسی دعا کرنے آں کہ گنہگار توبہ دے ذریعے گناہ دی حیاتی توں باز آجان، تے اپنے گناہواں دی معافی تے اُو ابدی حیاتی دے لئی تیرے پُتر دے کول آن جیہڑا اُو اُوہناں نوں نئیں دے سکدا اے۔ یسوع مسیح دے ذریعے، ساڈے خداوند اَسی دعا منگنے آں۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔